Rex omnibus, &c., salutem. Inspeximus cartam quam Edmundus filius noster
fecit Aaron filio Vynes in hæc verba. Omnibus præsentem cartam visuris
vel audituris Edmundus illustris regis Angliæ filius salutem. Cum
dominus rex pater noster dederit et concesserit nobis Aaron filium Vynes
Judæum, cum omnibus bonis, debitis, et catallis suis, liberum et quietum,
de omnibus tallagiis, auxiliis, præstitis, et demandis quibuscunque;
ita quod eum, cum omnibus bonis, et catallis suis habeamus, et teneamus,
cum omnibus libertatibus, legibus, et consuetudinibus Judaismi Angliæ,
prout hujusmodi concessio, in prædictis patris nostri carta, super
hoc confecta, plenius continetur. Nos eidem Aaron Judæo specialem
gratiam facere volentes, ipsum, cum omnibus bonis, debitis et catallis
suis, tenore præsentium, donavimus libertati; concedentes eidem, quod
ipse, toto tempore vitæ suæ, liber sit de nobis, ab omnibus tallagiis,
auxiliis, præstitis et demandis. Reddendo nobis, quamdiu vixerit,
quolibet anno, ad festum Pentecost. unum par calcarium deauratorum,
pro omnibus exactionibus et demandis. In cujus rei testimonium sigillum
nostrum fecimus apponi.――Dat. Winton. 11 die Augusti, ann. reg. patris
nostri prædict. 54. Nos autem prædictam donationem, et concessionem,
pro nobis et hæredibus nostris, quantum in nobis est, concedimus et
confirmamus, &c.――_Pat._ 54, H. 3, m. 1.
The following was also added, to furnish him with safe conduct
throughout England, and to give him liberty to take up his abode in
any place he chose.
“Rex omnibus &c., salutem. Sciatis quod, ad instantiam Edmundi filii
nostri carissimi, concedimus Aaroni, filio Vynes, Judæo, quod in
quocunque burgo regni nostri voluerit, ubi alii Judæi habitant, morari
possit pro voluntate sua; sine contradictione nostra, vel ballivorum
nostrorum quorumcunque. Dum tamen tanquam bonus et fidelis Judæus se
gerat et habeat, in eodem.
In cujus, &c., T. R., apud Windsor, 30 die Octob.”――_Pat._ 55, H. 3,
m. 29.