{135} Li Mar. se traist ariére
Molt iriez d'estrange maniére,
E se porpensa longement,
E dist : « Veirs Dex omnipotent, 13856
« Comme est ceste chose avenue
« Quant novele ne m'est venue »
Molt'estrangement s'en merveille,
Mes por ce crut mielz la merveille, V 13860
Que li reis demandé aveit
Se nule novele saveit
Qui la fust venue d'Irlande.
Por ce qu'il li fist tel demande 13864
Quida bien qu'il seüst de veir
Ce qu'il aveit fait asaveir.
Dusqu'al quaresme trespassa
Li tens qu'onques nus n'i passa 13868
D'Irlande qui de ça venist,
Ne nule novele en deïst.
E quant l'om pout primes passer,
Tantost oï li reis conter 13872
Les noveles de sa justise,
Com el fu desconfite & prise,
E qu'a la contesse out fait pais
E a la gent le conte après, 13876
E con il out mis en ostaige
Henri son fiz por s'eritage,
Qu'il [out] soufert, a quei que tort,
Le dreit jugement de la cort 13880
Al Mar., de son forfait
{136} Que par mesprison li out fait ;
E Phelipe de Prenlegast,
Le suen filz, com qu'il le desgast, 13884
E trestuit li autre ensement
Lor bailliérent por tensement
Ou filz ou fréres en. ostaiges,
Qu'il n'en voldrent prendre autres gaiges. 13888
E quant li reis isi l'oï [(f. 92 b)]
Unques point ne s'en esjoï,
Ainz li pesa molt durement
Qu'il n'aveit esté autrement. 13892
Al Mar. vindrent noveles
De sa gent qui li furent beles.
Si out molt grant joie en son cuer
De cels qui furent a tel fuer, 13896
Qui contre lui ourent esté.
A Damlnedeu de majesté.
Devant le rei se mist avant,
Mès unques ne fist nul semblant 13900
Qu'il eüst noveles oïes
Si bones ne si esjoïes.
Li reis le vit, si l'apela.
Mès donques vers lui se cela, 13904
Mès bel semblant e bele ch[i]ére
Li fist plus qu'il n'out fait ariére.
Après li fist une demande :
{137} « Oïstes noveles d'Irlande, 13908
« Par la vostre fei, Mar. »
Il respondi : « Sire nenal ;
« No'n sai unquor nules noveles.
Ges vos dirrei bones e beles, 13912
« Quer ge voil qu'os en seiez liez.
« Vostre genz sunt seinz & hait[i]ez
« E la contesse est en bon point. »
Après li conta point a point 13916
Com sa gent avei[e]nt grant pris
De sormonter lor ennemis.
Li Mar. escota bien
Comme se il n'en seüst rien. 13920
Après respondi sagement :
& bien & atempréement :
« Sire, merci nostre Seignor,
« Mès ne quidoe aveir al jor 13924
« Que ge me parti de la terre
« Enemi qui me feïst guerre. »
Pus li fist li reis bele chiére [(f. 92 c)]
Qui laide li out fait ariére 13928
E tuit cil qui en la cort érent
Le cherirent et enorérent. :
Quant li Mar. longement
Eut suï le rei & sa gent, 13932
Si vint a lui, si li demande
Congié d'aler s'en en Irlande.
{138} Li reis li dona bonement
& il s'en parti liéement 13936
Ici sanz rancone e sanz ire.
En cel quaresme, c'oï dire,
Vint l'entredit en Engleterre [(23 mars)]
Dunt molt fu troublée la terre. 13940
A Glaskaric, un liu salvaige,
Vint li Mar. al rivaige.
La vindrent contre lui sa gent,
Quer molt lor sembla bel e gent 13944
A cels cui sa venue plout,
Mais a cels cui ele desplout
Ne fu ele pas delitose,
Ainz lor sembla molt enuiuse. 13948
Mais mis sire Johan d'Erlée
Vint contre lui teste levée,
E out un haubergon vestu.
Son seignor baisa & lié fu. 13952
Li Mar. li dist : « Comment
« Avint ? nel me celez nai[e]nt.
« Sire Johan, par quel raison
« Avez vos vestu herbergon ? 13956
« Dont n'est il pa[i]s ? est ço dont gas ?
Sire, tuit ne la tienent pas. »
Si respondi comme soutilz ;
Issi dist Reinart li gorpilz. 13960
Parlant alérent o le conte ;
{139} & Jordan volentiers li conte,
Cil qui nez fu de Sankevile,
Tote la forme de la gile, 13964
Il & Johan d'Erlée ensemble. [(f. 92 d)]
Lor virent venir, ce me semble,
Contre le conte deus barons
Dunt ge sa[i] bien dire les nons. 13968
Mais, qui mes paroles i gast,
C'ert Phelipe de Prenlegast
E s'i ert Davi de la Roche ;
A itant vos en tail la broche, 13972
N'i out plus de tels comme il érent.
Tantost le conte saluérent,
Quer molt s[o]urent de la losenge,
& il lor rendi en kalenge 13976
Lor saluz, qu'il dist tote veie :
« Dex saut vos, se dreit i aveie.
Sire, si avez, quer nos sommes
« Ici deus de vos leials hommes. 13980
Ce n'avez vos mie mostré
« Vers mei, si ne vos en sai gré.
« L'en le seit a bore & a vile.
Non, » dist Jordan de Sankevile 13984
E Joham d'Erlée ensement ;
« Il se sunt prouvé fausement. »
Dist Philipes de Prenlegast :
« N'avon fait damages ne gast 13988
« E[n] nul lieu, c'est chose provée.
{140} Si avez, » dist Johan d'Erlée.
« Li damaiges si fu molt mais,
« Al mains de dis e n[u]ef chevals. 13992
« Li vintimes qui fu ariére
« N'out frein ne mais une coliére.
« Si veneit a ce asommer,
« Bien savreie toz cels nommer, 13996
« Qui il sunt e dunt i estei[e]nt
« Qui desus les chevals s[e]eient.
« Ne nos devrïez pas amer,
« Ainz nos dev[r]ïez molt blasmer 14000
« Se autre chose disïon,
« Quant en la chambre serïom,
« De vos que ci ne [vos] dison, [(f. 93)]
« Quer ce sereit grant mesprison. » 14004
Lors plorérent molt tendrement
Phelipe e Davi ensement :
« Merci, por Deu, » distrent il, « sire ;
« N'aiez pas ver[s] nos si grant ire. 14008
« Baisiez nos, si serom plus lié
« Quan[t] mal ne nos seit reprocié. »
Quant il oï que si parlérent,
De pitié li oil) li lermérent, 14012
. E lor dist : « Jo vos baiserei,
« Mais sus chalenge le ferai. »
Si les baisa ; il n'i out el,
Puis s'en ala a son hostel. 14016
{141} Lendemain, sanz arestement,
I vint molt grant plenté de gent
Encontre lui, & tels i vindrent
Qui ainz. encontre lui se tindrent. 14020
E la contesse vint encontre »
Qui molt ama itel encontre.
E issi comme mangier dut
& e[n]mi la sale s'estut, 14024
Si vint un chevaliers avant
Qui en la terre esteit manant,
Qui aveit nom Haï del l'al,
E asez i raveit fait mal. 14028
Si dist : « Sire, bien vengiez vos
« En cest païs e entre nos. »
Beal respondi li Mar. :
« Sire, Dex donst qu'os saiez salz. » 14032
Hay commença sa raison :
« Ge sui un vostre leials hom ;
« Si vos ai servi bonement, »
« Ce saciez vos, & lealment, » 14036
« Puis qu'os tornastes del païs.
Vostre merci, sire Haïs, »
Li respondi li Mar.
« Sire, se j'ai fait que leials, 14040
« Ge m'en met bien sur la contré[e] ( [(f. 93 b)]
« & sus sire Johan d'Erlée
« Qu'il en die veir orendreit,
« Par [ce] le fei que il vos deit. 14044
« Sire Johan, ge vos en pri,
{142} « Forendreit la vostre merci,
« Dites s'il a esi esté.
Ci n'avez vos rien conquesté, » 14048
Dist sire Johan, « beal doz sire,
« Quer ge puis bien lealment dire,
« Se nos sires en velt enquere,
« K'il n'a en trestote sa terre 14052
« Nul plus ma[l] traïtre de vos,
« Ne tant li ait esté grevos
« A mesfaire de son poeir.
« Puis qu'os m'en requerez de veir, 14056
« G'en d[e]i bien la verité dire. »
Lors commenc[i]érent tôt a rire
Par la sale li chevalier.
E li quens asist al mangier 14060
Mès tant dist a Johan d'Erlie :
« Sire Johan, ge ne lo mie
« Que cist se mete de son dit
« Del trestot sor vostre veir dit, 14064
« Quer a voz diz entent ge bien
« Que il n'i gaaingnereitrien. »
A Kilquenni s'en vint li quens
Mar., li leals, li boens, 14068
E la contesse & li baron.
Grant joie out en la regïon
Quer lié e joiant en estoient
Tuit cil & celes qui l'amoient, 14072
{143} E plusors beal semblant li firent
Qui en lor cuers s'en desmentirent.
Soz ciel n'a greinnor traïson
Que beal semblant e quer felun. 14076
Quant tuit cil la venue sourent
De veir qui plus me[s]fait li ourent,
A mo[r]z & a sorpris s'en tindrent. ( [(f. 93 c)]
A gran[t] peor devant lui vindrent ; 14080
Bien sourent que mesfait li érent ;
En plorant merci li crièrent ;
E il, qui molt fu mercïables
E franz & doz & pïetables, 14084
Son fin cuer debonaire en crut :
Si out merci si comme il dut
E rendi a toz lor ostaiges
Qui lai[e]nz esteient en gaiges 14088
Por la trés laide mesprison
Qu'il ourent fait par traïson,
Fors a Meilier tant solement
Qui secors & maintenement 14092
Fist a trestoz les de[s]leials.
Racine fu de toz les malz.
Dès que la comtesse le sout,
Saciez que mie ne li plout, 14096
Quer maint mal li avei[e]nt fait
& maint ennui e maint forfait ;
E, saciez bien, s'il l'en creüst,
Gran[t] cruelté fait en eüst. 14100
Li quens qui fu corteis & saiges
{144} E qui bien vit ses avantaiges,
Sa bone gent qui la esteient,
Qui lealment servi l'aveient, 14104
Mercïa si comme il dut faire,
E se loa de lor afaire,
Quer boen gré lor en dut saveir.
Si sout il, ço saciez de veir, 14108
Quer il lor dist a toz : « Seignor,
« Voz merciz de la grant amor
« E de l'onor qu'os me avez faite.
« En bien vos deit estre retraite, 14112
« Quer ma terre m'avez rendue
« E bien gardée e deffendue,
« Dun toz diz mès amer vos dei.
« Granz mercis de Dieu e de mei. » 14116
Après ce ne demora gaires [(f. 93 d)]
Que li reis porvit ses afaires.
En Irlande par ses escris
Tramist l'evesque de Norviz [(1209)] 14120
Por en estre justise e mestre.
Isi volt, isi l'estut estre.
Après grant piece vint Meiliers
Qui out esté cruels e f[i]ers, 14124
En plorant, a merci al conte,
Quer de sa mespresure out honte.
A lui en tel guise fina
Que son boen cha[s]tel otreia, 14128
Donmas, al conte en heritage.
Après le jor de son aage
{145} Li otreia tote sa terre.
& que li deveit il plus quere ? » 14132
Bien li pout otr[e]ier por veir,
Quer il n'aveit nul certein eir,
Quer feme esposée n'out unques.
Isi fina a lui idunques. 14136
Après ço avint que Fortune [(1210)]
Qui n'est mie toz diz quemune
A cels a cui el s'acompaingne,
Ainz lor est cruel & grifaingne 14140
E ennuiose al chief del tor,
Fist sa roe torner un tor
A dan Will. de Braiose ;
Trop li fu male e ennuiose, 14144
Quer li reis, qui tant l'out amé
Que par tot esteit reclamé
Por lui a seignor e a mestre,
Li mua laidement son estre, 14148
Qu'a lui se mella en tel guise
Qu'onques concorde n'i out prise :
Si'n fu li preusdom essiliez ;
Ce fu grant deus e grant pecchiez ; 14152
Mès ne sai par quele enchaison.
Si ne sereit mie raison,
Se gel saveie, quel deïsse [(f. 94)]
Ne que ja m'en entremeïsse. 14156
En tel haïne le coilli
Que de totes pars l'asailli
{146} Si qu'il ne pout a lui durer,
Ne ne pout sa guerre endurer. 14160
Nequedent, piece fu en Gales,
Mes ses genz li furent si males
Qu'il ne s'osa a els atendre ;
Autre conseil li estut prendre 14164
Qui li sembla pesanz e gr[i]ef :
En mer se mist a grant mesch[i]ef,
Quer li tens esteit ivernaiges ;
Si ert perillos li orages. 14168
Treis jors & treis nuiz fu siglanz.
O sa feme e o ses enfanz.
En tormente hisdose e grande
Fu devant la terre d'Irlande, 14172
Quer li orez e la tormente
Si trés durement les tormente
Que cil qui a la terre esteient
E qui la nef venir v[e]eient 14176
N'i avoient mès nule entente
Fors del neier ; c'ert lor atente.
Li gentilz hom ne sout que faire,
Fors qu'a Hirlande voleit traire, 14180
A seignor Gat[i]er de Laci,
Qu'il [i] quidout aveir refui,
Quer sa fille aveit a espose.
Molt ert sa pensée angoissose, 14184
Mès la mer montant e la flou
Les chaça vers Winguengelou
Ou li quens esteit a sejor.
{147} Molt li avint bien icel jor 14188
Son le mal qu'il aveit eü,
Quer Dex li out si porveü,
Quant) li quens sa venue oï,
Que durement s'en esjoï. 14192
Contre lui ala franchement [(f. 94 b)]
Sil herberga molt bonement
Lui e sa feme e ses enfanz,
E molt en fu liez e joianz. 14196
Vint jorz tot ad[r]esséement
Le sejorna molt franchement.
Quant li evesque l'oï dire,
Qui lors esteit justise e sire, 14200
Que li quens herbergié aveit,
Que de verité le saveit,
Seingnor Will. de Braiose,
Lui e ses enfanz e s'espose, 14204
Si li manda par grant desrei
Qu'il out le traïtre le rei
Herbergié ; si esteit damaiges ;
Venir l'en porreit grant hontaiges ; 14208
Mais de par le rei li quemande
Qu'il li enveit sanz contremande.
E li Mar. respondi
A ses messaiges o : « Ge vos di 14212
« Ge n'ai çaienz nul traïtor,
« Mes j'ai herbergié mon seignor,
« Si comme faire le deveie,
« Parmi tot ce je ne saveie 14216
{148} « Que li reis [e] ust achaison
« Nule vers lui si bone non.
« E dès que ge l'ai herbergié
« Dunkes le traïreie gié 14220
« Se ge en voz mainz le meteie.
« Gel conduirai tote sa veie
« Tant que il seit fors de ma terre.
« Li evesques ne me deit querre 14224
« Chose dont requeste me vienge
« Ne qu'a traïson apartienge. »
Issi respondi as messaiges
Comme corteis e comme saiges, 14228
E comme plein de lealté.
Puis le condui[s]t a sauveté
Dusqu'a dant Wat[i]er de Lasci. [(f. 94 c)]
Issi avint, ge le vos di. 14232
Li evesque se desdeingna
Que por lui faire ne deinna
Li Mar. ce qu'il mandout ;
Si atorna a l'einz qu'il pout 14236
Qu'al rei fist saveir ces noveles
Qui ne li semblérent pas beles :
Desvez en fu & fors del sens.
Ne demora qu'un poi de tens 14240
K'al Mar. manda & dist
Que senz essoingne a lui venist.
Li Mar. bien entendi
{149} & vit a quei li reis tendi, : 14244
Qu'il ne quereit fors achaison
De lui grever & sanz raison.
Lors apareilla son afaire,
Isi comme il aveit a faire, 14248
Hastivement, & prist conrei,
Qu'en Engleterre vint al rei.
Quant venuz [i] fu, asez tost
Fist li reis semondre son ost. 14252
Grant ost asemble & grant gent mande
Por t[r]espasser s'en en Irlande.
Si ne li chaut comme il li cost[e].
A Pembroc vint a Pentecoste ; [(6 juin)] 14256
Del passer s'enpernent molt près,
Quer a la seint Johan aprés
Vint a Kilquenni o son ost [(23-4 juin)]
Ou l'omit fist molt riche acost, 14260
Quer, itant vos prenc ge en mains,
Tote l'ost, sanz plus e sans mainz,
Fu icel jor al cost le conte ;
Ne unques n'i out tenu conte 14264
De garder porte ne desfense.
Molt i out fait riche despense.
D'iloc, fu la verité fine,
Ala li reis a Duveline ; [(28 juin)] 14268
E de la mut li reis, por veir, [(f. 94 d)]
A Kenofergus asseir (19-28 juillet)
{150} Molt out grant ost, molt out grant genz,
Molt s'esmaiérent cil dedenz 14272
Quant entor els si grant [gent] virent ;
E nequedent que malveis firent,
Qu'il n'estei[e]nt pas desgarniz :
Li chastels ert fors e garniz ; 14276
Mais, par menace e par peor,
Se rendirent li traïtor.
Quant li chastels [ii] fu renduz
Qui naient ne fu defenduz, 14280
Garni le d'estrange maniére ;
A Duveline vint ariére. [(18 août)]
Devant lufil furent li baron
Qui érent en la regïon, 14284
E li haut home principal.
Lors encoupa le Mar.
De mainz griés dunt grevé l'eüst
Molt volentiers se le peüst. 14288
Del herbergier trestot avant
L'encoupa & li mist devant,
Comme il out receté celui
Qu'il saveit qui encontre lui 14292
Ert [e] sis mortels enemis
& a sauveté l'aveit mis.
Li quens, piez estant, respondi :
« Sire, » dist il, « itant vos di 14296
« Que ge herbergei mon seingnor
« Qui a grant peine e a dolor
« Ariva desoz mon chastel.
{151} « Quant ge le vi molt m'en fu bel, 14300
« Quer molt esteit malaaisiez ;
« & s'il fu par mei aaisiez,
« Vos nel devez pas a mal prendre,
« Quer n'i cuidei de rien mesprendre, 14304
« Qu'il ert mis amis & mis sire,
« Ne unques n'avoie oï dire
« Que vos fus[s]iez par mal de lui. (jf.98) [(f. 95)]
« Bien ensemble estiez andui 14308
« Quant ge departi d'Engleterre
« E ge m'en vinc en ceste terre.
« Se nus, fors vos, en velt plus dire,
« Ge sui prest de mei escondire 14312
« Ci a l'esgar[t] de vostre cort,
« Son le jugement qui or cort. »
N'i out baron qui s'en me[u]st,
Quer volentiers, si en peüst, 14316
L'en eüst li reis avant trait,
Ja seit ce qu'il ne l'out forfait.
Quant il vit que plus ne pout faire,
Molt li commença a despleire, 14320
Quer molt esteit vers lui sauvages ;
Lors si li demanda ostaiges.
E li quens dist : « Volentiers, veir ;
« Dites quels les volez aveir ? 14324
Guifrei le fiz Robert, sanz gile,
« Voil e Jordan de Sankevile
{152} « E Thomas de Sanfort ausi,
« E Johan d'Erlée ovec lui ; 14328
« Si voil ave[i]r Walt. Porcel,
« E Donmas vostre boen chastel. »
Lors ne se volt li quens plus taire,
Quant il oï itel afaire, 14332
Ainz li respondi comme sages :
« Vos avez mes filz en ostaiges
« E toz mes chasteals d'Engleterre,
« Se vos volez en ceste terre 14336
« Mes chasteals e mes fermetez,
« Ge vos en baillerai asez,
« E si vos baillerai plosors
« Des filz a mes boens vavasors. 14340
« Herdiement puet isi faire
« Cil qui n'a talent de mal feire. »
Quant li reis oï tels paroles,
En sa chambre [s'en] entra lors, 14344
Si'n parla a cels qui la érent, [(f. 95 b)]
E il redistrent e mostrérent
La grant ofre del Mar.
Qui molt se sentit a leal. 14348
« Hom qui itel ofre volt faire
« N'a mie talent de maufaire.
« Plus ofre qu'os ne demandez
« E fait quant ke vos kemandez. 14352
« Ice ne fait mie a taisir,
« « Mès mandez li vostre pleisir,
{153} « Quer trop vos coroc[i]ez enviz. »
Lor[s] prist le vesque de Norviz, 14356
O lui le conte de Vincestre
E le conestable de Cestre,
O els Pierre le filz Herbert ;
Si lor manda tot en apert 14360
Qu'il n'i volt ostaiges aveir
Fors cels qu'il li out fait saveir.
E li quens itant respondi
Qu'il n'en aveit ovesques lui 14364
Fors deus, c'ert verité provée :
Walt. Porcel, Johan d'Erlee ;
E a cels irreit il saveir
S'il porreit lor greant aveir 14368
Qu'il fus[s]ent ostaiges andui.
E cil alérent ove lui »,
Qui de part le rei venu érent.
Beal lor fu quant il les trovérent. 14372
Li quens dist a Johan d'Erlée
Qu'il n'i aveit point de celée :
9 De mei volt ostaiges av[e]ir,,
« Li reis, ce saciez vos de veir, 14376
« Primes Dommas, mon boen chastel,
« E puis vos e Wat. Porcel. »
Johan d'Erlée dist : « Par fei,
« Sire, ge sui home le rei 14380
« E li vostres, ou que ge seie ;
« Se misires li reis l'otreie,
{154} « Ge m'i metrai molt volentiers, [(f. 95 c)]
« Quer il n'est pas ami entiers 14384
« Qui a seignor faut a besoing,
« Ou que il seit, o près ou loing. »
E quant Gat[i]er Porcel [F] oï,
Si li graanta autresi. 14388
Li quens al rei ariére vint,
E li reis a paié s'en tint.
Ce ne fu mie chose emblée :
Devant la cort tote asemblée 14392
Mist li quens isi ses ostaiges
E Dommas son chastel a gaiges.
Ce ne fu mie al rei asez,
Qu'il ne poe[i]t estre las[s]ez 14396
De demander la sor[de]mande :
Boens pleiges après lui demande
De ses barons qui lai[e]nz érent.
Tuit ensemble li graantérent, 14400
Fors uns qui en tailla la broche :
E ce fu Davi de la Roche,
Qui l'en failli tot pleinement,
E mustra por quei e coument : 14404
Que il li aveit tant mesfait
Qu'il li deveit faillir en plait,
E qu'il ne le deveit plegier
Ne en nul besoing alegier. 14408
Lors dist li Mar. al rei :
« Por Deu, sire, atendez a mei :
« Quer demandez a ces barons
« E a ces genz que ci veons 14412
{155} « Que il en dient lor avis
« S'onkes a dan Davi meffis,
« N'onkes de rien le mesbailli
« Qui ci m'est de pleige failli. » 14416
E li reis dist a toz ensemble :
« Seignors, » fait il, « que vos en semble ?
« A li li Mar. mesfait,
« Qu'il li est ci failli en plet ? » 14420
E tut emsemble respondirent [(f. 95 d)]
K'onques n'oïrent ne ne virent
Le mesfait ne la mespresure
Ne l'orgoil ne la desmesure 14424
Que li Mar. li feïst,
Ne que unques li mesdeïst.
Lors fu sire Davi confus
Quer a son dit ne se tint nus. 14428
Après ice orrez asez
Comfeitement furent livrez
Li ostaige chascun par sei,
Per le kemandement le re[i]. 14432
Sire Pierres le filz Herbert,
Saive chevalier e apert,
Passa avant por lui seeir ;
E cil le voldrent aseeir, 14436
E encontre lui se levérent
{156} Qui dejoste dan Davi érent.
Il dist : « Si Dex me beneïe,
« Seignors, ge ne me serrei mie 14440
« A nul foer lez le traïtor
« Qui a failli a son seignor. »
Au plus de, cels qui oï l'orent
Plout cest dit & boen gré l'en sourent 14444
E beal lor fu de ceste entraite
Por la honte qu'il aveit faite.
Dès uimais vos voil faire saiges
Com li reis mena ses ostaiges 14448
En Engleterre qu'il out pris :
Ne torna pas a poi de pris
Ce qu'il en aveit porveü.
Si com il furent esleü, 14452
Porveit e espie e esgarde,
Qu'il met chascun par sei en garde.
Jordan bailla a Gloecestre,
E Thomas bailla a Vincestre, 14456
E Johan a Nothingeham
Ou asez out peine & ahan ;
Guifrei bailla a Herefort, [(f. 96)]
Mès molt li fu la prison fort 14460
Quer mal li prist en sa prison ;
Unques n'en issi se mort non.
E si bailla Walt. Porcel
{157} En garde a tel dunt li fu bel : 14464
Ce fu P[i]erres le fiz Herbert ;
Molt valt prodom qui bien desert
Qu'en deie bien dire de lui.
Bien le deservi vers cestui. 14468
Près d'un an furent en prison
Li ostaige par mesprison,
Quer cil n'i aveit rien forfait
Por quei amor ce lor fu fait. 14472
Lors commença la guerre enfin [(1212)]
Entre le rei & Liewelin.
Li reis manda le Mar.
Cui molt out fait anui & mal ; 14476
E il vint a lui comme saiges.
Lor[s] li delivra ses ostaiges
Li reis ad molt poi de prïére,
Quer itele esteit sa maniére 14480
Que ses prosdommes teneit loing
De lui de si qu'al grant bosoing.
D'itant i out grant desconfbrt
Guifrei le filz Robert fu mort 14484
Qui en ostage fu livrez
Quant il dut estre delivrez.
Après la guerre qui fu grande,
Quist congié d'aler en Irlande 14488
Li Mar., si l'out por veir
Itel comme il le dut aveir.
Que il demora en Irlande,
{158} Avint une merveille grande 14492
Qui torna a grant mesestance,
Qu'il avint que li reis de France
Qui d'Engleterre aveit envie
Fist apariller son navie [(avril)] 14496
Por venir s'en [en] Engleterre, [(f. 96 b)]
Quer pormise li ert la terre.
Quant. li reis Johan oï dire
Qu'il apareillot son navire, 14500
A si toz ses barons manda ;
Conseil lor quist e demanda
Comme il porreit ouvrer e faire
D'itel ovre e de tel afa[i]re. 14504
Unques n'out si bon conseillier
Qui bien s'en seüst conseillier,
Mès aucuns li di[s]t : « Beal duz sire,
« Entendez ce que ge voil dire : 14508
« A br[i]ez moz vos di, c'est la somme,
« Vos n'avez pas le plus prodomme
« Qui seit en tote vostre terre ;
« Si lo bien qu'os I'envei[e]z querre : 14512
« C'est W. li Mar.,
« Qu'il est tan[t] pruz & tant leials
« E tant presiez & tant amez
« E tant cremuz e tant dotez 14516
« Que a lui fait bien conseil prendre,
« S'est qui de ce me voille antendre.
« Ices geu n'est pas geu de veille,
« Mès qui a prodome conseille 14520
{159} « Ce dist l'om que il se repose,
« E ce fu dit bien a grant pose.
« Sire, se nos en creus[s]iez,
« Bien fust qu'os i enveïssiez. 14524
« Tuit nos tenons a cest acort. »
& }i reis dist : « Bie[n] m'i acort,
« Mais primes serront delivré
« Si dui fil ke il m'a livré 14528
« E que g'ei tenuz en ostaiges. »
Plusors dient : « Il dit que saiges,
« Qu'il s'en vendra plus volentiers
« & plus en iert amis entiers, » 14532
Isi fu l'ovre poralée.
Li rei manda Johan d'Erlée
Qu'a lui venist, & il i vint [(f. 96 c)]
A Londres, que riens nel detint. 14536
Li reis li dist : « Mandé vos ai
« Johan, quer je vos baillerai
« « Le[s] filz a vostre sire andeus
« Quer plus en serez curïeus 14540
« De garde[r] les, ge n'en dot rien,
« Que nuls autres, ce sai ge bien ;
« Quer ges voil, tels est mis coraiges,
« Quitement delivrer d'ostaiges ; 14544
« E si vos sai unquore a tel
« Que mareschal de mon ostel
« Voil que saiez avant cest jor,
{160} « E que les dreiz vostre seignor 14548
« Recevez ici quitement
« & si bel e si franchement
« Comme il unques les out e meilz,
« Quer isi le voil, par mes oilz ! 14552
Cinc cenz merciz, » di[s]t Johan, « sire,
« Quant il vos pleist, isi a dire ;
« Mes, si vos pleist, itant sachiez
« Que deus baillies me laissiez 14556
« Dunt dui prodome se garreient,
« S'enorablement le faiseient ;
« E s'il le volei[e]nt bien faire
« Asez [i] avreient a faire. » 14560
Dist li reis a C'en penserai bien ;
« Ja mar en doterez de rien. »
Lors li bailla l'on les enfanz,
Dunt sire Johan [fu] joianz. 14564
Li reis vit Ric. giemble e tendre
E fort li sereit a enprendre
Si tost mesaise a endurer,
Quer il ne porreit pas durer. 14568
E dist : « Johan, j'ai porveü
« Se el mons esmeü
« Ric. qui serrat a mesese
« & ge voil bien qu'il seit a ese. 14572
« Or seit baillez par vostre acort [(f. 96 d)]
{161} « A sire Thomas de Sanfort
« Quer il le gardera molt bien.
Si m'aït Dex ! ge n'en dot rien, » 14576
Ce dist sire Johan adonques,
« Mielz remaneir ne puet il unques. »
Après ce enveie en Irlande
Li reis al Mar., e mande 14580
Que hastiv[em]ent a lui vienge,
E que nule essoingne nel tienge.
Li Mar. ne quist essoingne,
Quer bien sout que por grant. besoingne 14584
Si hastivement le mandout,
& il i vint a l'einz qu'il pout
E comme preudom deveit faire.
Ne regarda pas a l'afaire 14588
Le rei ne a sa cruelté,
Quer toz dis ama lealté.
Al rei vint sanz longe tenue
Qui grant joie out de sa venue. 14592
Al Mar. dist son afaire,
& qui[st] conseil qu'en posreit faire.
Il li dist : « Avez vos barons
« E vos hauz homes toz semons 14596
« E Oïl, dist qui lor teres de vos ont ?
li reis, « venu sunt. »
En es le pas, si com mei semble,
Fist li reis venir tot asemble 14600
Son ost sor le mont de Brandone,
{162} Si comme li conseils li done.
Bien vit que grant gent aveit la.
Après de Douvres aprocha. [(mai)] 14604
Par le conseil del Mar.
Qui maint l'en out doné leial,
E par le conte de Boloingne
Qui molt valeit en tel besoingne, 14608
E le conte de Salesb[i]ere,
E par dant Guifrei le filz Piere
Qui molt esteit leial justise, [(f. 97)]
Fu un[e]. grant besoingne enprise : 14612
Par grant conseil e par aïe
Apareilla le suen navie
Por faire mal e desturbance
Al navie le rei de France 14616
Qu'il out aparreillé al Dan.
Mais unques puis le tens Adan
Navie n'ala si a hunte,
La merci Dieu e le bon conte 14620
W., cil de Salesbire,
Qui li tresturna sa matire
Altrement qu'il n'out porveü,
Dont il se tint a deceü, 14624
Quer il li fist al Dan, por veir,
Veiant ses els, ses nés ardeir ; [(30 mai)]
E fist prendre, malgré ses denz,
Quant que il out trouvé dedenz. 14628
Molt fu al rei de France amer
Quant il vit les nés en la mer
{163} Ardeir a flambe e a fumée,
Com se la mer fust alumée. 14632
Li quen[s] & cil qui o lui érent
Plusors des nés en amenérent
O forment e bacons e vins.
Malgré Franceis e Angevins 14636
E malgré tote lor poissance,
Quer unques meis ne vint de France
Si grant g[a]aing en Engleterre,
Puis que Artur t'atà conquerre. 14640
Li reis Phelipe [f]ors de sens,
Iros e malencolïens,
Le remanant de son navie
Par ire & par melencolie 14644
Fist tot ardeir mètre en cendre,
Puis s'en ala sanz plus atendre,
Il e sa grant ost desconfite
Qui leidement fu contredite. 14648
Li quens sigla vers Engleterre, [(f. 97 b)]
Mais ainz qu'il venist en la terre,
Ourent tormente e grant oraige,
Qu'onques gaires a un rivaige 14652
Ne vint nule des nés ensenble,
Ainz corurent, si com mei semble,
Vers Escoce en Norhumbe[r] tande,
Quer trop fu la tormente grande ; 14656
Mais, merci Dieu, si s'en eissirent,
Qu'il n'i neiérent ne perirent.
{164} Quant li reis d'Engletere oï
Ces noveles, [si] s'esjoï, 14660
E mercïa nostre Seignor
De la merveille e de l'enor
Que Damledeu li out doné ;
Si li eüst guerredoné 14664
En bien, si eüst fait que saiges,
Mais non fist : ce fu grant daimaiges.
Lors departi l'ost d'Engletere.
Li reis sejorna en la terre 14668
Trestot river e tot l'esté,
Si que unques n'i out esté
Plus a joie ne plus a pès,
De si que el quaresme après 14672
Li Mar. e li haut homme
Li loérent, ce est la some,
Qu'il alast a ost en Peitou.
N'i demora ne grant ne pou 14676
Qu'il aüna grant ost pleniére,
Qu'il n'iert gent de nule maniére
Qui d'armes aid[i]er se seüst
Dunt a grant plenté n'i eüst. 14680
En mer entra molt richement,
O grant ost e o bele gent.
Molt quidoit aveir boen eür
& molt cuidout estre aseür 14684
D'aveir ce que il alout querre
Quant il se parti d'Engleterre,
Quer si esteit li marchi[é]s pris. [(f. 97 c)]
{165} Que li quens esteit sis enpris 14688
De Flandres e cil de Boloingne
Qui enhardissoit la bosoingne.
Ces deus aconpaingna asemble,
E ovec els, si com mei semble, 14692
Laissa W. son boen frére
Qui esteit quens de Salesbére.
Mais ne fait pa[s] a ublïer
Que quan[t] la nef entra em mer, 14696
Que il laissa le Mar.
Por garder de mont e de val
Ses citez, ses chasteals, sa terre,
O autres barons d'Engletere. 14700
E li Mar. volentiers
Li bailla de ses chevaliers
Tant comme il volt a son plaisir.
Mais ci ne fait pas a teisir 14704
Que toz dis, itant vos aprent,
Se sent la poeiche del hareng
E li boens vaisails del boen beivre.
Itant volt li reis ameinteivre 14708
Al Mar. qu'il enmesreit
Rie. son fiz, eisi voleit.
E li Mar. respondi :
« Beal sire, D di[s]t il, a ge vos di 14712
« Que trop est tendres, ce m'est vis,
« A mener en loingteing pais,
{166} « Rie. ; se vos nos volez bien,
14716 a Ne remaindra por nule rien : 14716
« Amedeus les vos baillerai ;
« Ja encontre vos n'en serrai. »
A mener l'en si s'asenti
Li reis, mès puis s'en repenti, 14720
Qu'il amaladi en la terre
Si que mires lui estut querre
E que par poi qu'il ne fu mors :
Trop i eüst malveis conforz ; 14724
Si fust tenu a mesprison, [(f. 97 d)]
Mès il torna a garison.
Ne fait or ci plus a enquerre
Que li reis conquist en la terre : 14728
Ne sust lors chose qui ataingne,
Mès n'apartient a nostre ouvraingne
A dire comme li avint,
Mès en Engleterre s'en vint. [(octobre)] 14732
Ne tendrai ore ci plus conte :
Bien seit l'om comme li troi conte
S'esmurent en molt grant besoingne,
Cil de Flandres, cil de Boloingne 14736
E cil avuec de Salesbére
Qui al rei ert amis e frére,
Dunt bien eussent a chief trait,
Se ne fust par autrui mesfait 14740
Que par le lor, c'est bien seü.
Laidement furent deceü.
{167} As treis contes, c'en est la pure,
Avint mainte bele aventure 14744
En Flandres tant çom il i érent.
Contre l'empereor alérent
Qui vint si trés hastivement
Qu'il n'ot pas le quart de sa gent. 14748
E quant li reis de France oï
Sa venue poi s'esjoï,
Quer bien cuida estre sou[s]pris
E qu'il i fust ou mort ou pris. 14752
N'ourent Françeis soing de bataille,
Qu'aler [s'en] volei[e]nt sanz faille,
Si que la nuit fuï s'en fussent
Volentiers, se leisir eus[s]ent. 14756
Li plusor a dreit en parlérent
Qui vers l'enpereor alérent,
Qui bien virent e bien saveient
Que Franceis aler s'en voleient. 14760
Lors parla li quens de Boloingne
Qui molt voleit que sa besoingne
Fust a dreit compassée e faite..98) [(f. 98)]
« S il s'en vunt, dist il, « ce me haite, 14764
« Quer donc nos laissent il la terre.
« Si ert aesijeje a conquere
« Quant point ne serra defendue.
« Si en sera l'enor rendue, 14768
« Se Deu pleit, a l'empereor,
« A lui e a nostre seignor
{168} « Johan, qui reis est d'Engletere.
Vos li tolez enor e terre 14772
« Tote a veüe sanz embler,
« Qu'os ne nos laissiez asembler, »
Dist Hue de Boves. « Béat sire,
« Plus a en faire que en dire. 14776
Hue de Boves, » dist li quens,
« Ja n'enter[r]ez entre les boens
« Quant il vendra a l'asembler :
« Molt vos en savrez bien embler. 14780
« Ja n'i endurerez nul fès,
« Quer vos este[s] fels & malveis.
« Ja n'i acreistrez vostre pris ;
« Meis g'i serai [ou] mors ou pris, 14784
« Ce saciez vos certeinement,
« Ainz que g'en parte laidement. »
Bien seit l'om la verité pure
De la leide desconfiture [(27 juillet)] 14788
Qui fu faite en molt petit d'ore,
Quer trop tost lor corurent sore
A poi de gent e a meschief ;
Si lor torna a trop grant gr[i]ef, 14792
Quer il n'ourent pas, c'est la somme,
En lor bataille le quart homme
Que Franceis i ourent le jor,
Quer la gent a l'empereor 14796
Ne li furent pas bien a main.
S'il atendist a l'endemain,
{169} Tant que sa gent lu[i] fust venue,
Grant enor l'en fust avenue. 14800
Mais de ce n'est pas or mon conte. [(f. 98 b)]
Hoc furent pris li treis conte.
Morz ou pris fust l[i] emperéres
Ne fust li quens de Salesbéres 14804
Qui dist « Sire, por Deu merci,
« S'il vos pleist partez vos de ci,
« Quer s'os estïés ici pris,
« Lores sereit de mal em pis ; 14808
« Mais encor poez si ouvrer
« Que bien porrïez recovrer
« A aveir dreiture e venjance
« Del grant orguil le rei de France. » 14812
A grant peine e a grant dolor
En fist partir l'emperreor.
Li quens qui remest si fu pris,
E tuit li chevalier de pris Furent pris, 14816
sanz plus e sanz mains.
La fu pris Thomas Males mains
Qui molt i fist le jor que proz
E molt en out grant pris de toz. 14820
Je ne di pas que s'en venist
Ainz que ceste chose avenist
Li reis qui esteit en Peitou :
Oblïé i aveie un pou, 14824
{170} Mais n'i ai de g[u]eres mespris,
Quer al pont de Nantes fu pris
Robert de Droes a un poindre.
Itant m'i couveneit ajoindre. 14828
Ne voil ici metre grant cure,
Mès, par la grant desconfiture
Qui en Flandres aveit esté
Ou pris furent e aresté 14832
Li trei conte & li grant barnaiges,
Dunt grant duels fu e grant damaiges,
Bien set l'on que, por cele enprise,
Fu la trieve doné[e] e prise [(18 septembre)] 14836
Qui ja ne fust agraantée
Ne fust la maveise jornée
Qui a l'empereor avint. [(f. 98 c)]
Après la trieve s'en renvint [(octobre)] 14840
Li reis Johan en Engleterre.
Après ce commença la guere
E l'estrifta mesprisons
Entre le roi e les barons 14844
Qui unques, a dreit ne a tort,
Ne traist a fin dusqu'a la mort.
Mesfait out a tels se tornérent
Li reis, e tel se retornérent 14848
Encontre lui par lor sorfait
{171} A cui il n'aveit riens mesfait.
Près de toz li corurent sore.
Mès n'est pas a dire a ceste ore 14852
Des ovres ne des achaisons,
Quer trop i out el que reisons
D'amedeus pars, ce fu la veire,
Que a peine porreit nul creire 14856
Le mal qui d'ambepars i fu,
S'il ne l'out oï ou veü :
Chascuns i acreisseit le mal.
Des boens enfanz al Mar. 14860
Qui descendirent del bon pére
E nasquirent de bone mére
Voil or ci dire tot avant.
Mès d'une chose bien me vant, 14864
Bien le puis dire sanz essoingne,
Cels en trairai a testemoingne
Qui sunt venuz e qui les virent :
Unques meillors enfanz n'eissirent 14868
D'un cheval[i]er & d'un[e] dame.
E se g'en ment, si seit sor m'ame !
Les nons de chascun estuet dire,
Quer ç'apartient a ma matire. 14872
Li premier filz out nom Will. ;
Si vos di bien qu'en cest reame
N'out nul, si com j'oï retraire,
{172} Qui tant s'atornast a bien faire. 14876
Eisi l'oï a toz conter. [(f. 98 d)]
Bien deit a grant enor monter
E enprendre une grant besoingne
Cui l'om porte tel testemoingne. 14880
Cil fu après son pére cuens,
E fu chivaliers beals & buens.
E Ric., qui fu après nez,
Out proesce e sens e bealtez 14884
E bones mors e gentillesce.
Charité, enor e largesse
Firent de lui toz dis lor oste :
Molt valt qui de tel gent s'acoste. 14888
Gilibert fu li terz nomez ;
Clers fu, de boen senz renommez,
De bones mors, de boen afaire,
Franz e gentilz e debonaire. 14892
Li quarz fu apelé Gautiers,
Mès n'ert unquor pas chevaliers
A l'ore que ge fis cest livre ;
Mès l'em diseit, s'il poe[i]t vivre, 14896
Qu'en lui avreit maintes bontez,
Quer il s'i atornout asez.
Li quint des filz Ansel out non :
Molt esteit de bele façon, 14900
De cors, de vis, de chascun menbre,
Quer, eisi comme il [me re] membre,
Avenanz ert en tot afaire,
E Dex li dont a bon chief traire ! 14904
{173} Les cinc filz vos ai ci nommez,
Mais ge n'avreie ui asommez,
Isi comme g'entent & vei,
Les grans biens ou chascun par sei 14908
Ou chascun d'e[l]s porreit monter,
Quer fort me serreit a conter.
Des cinc filz vos ai dit la veire,
E por ce fait la chose a creire 14912
Que par dreit deit estre creüe,
Quer bien est oïe & veüe.
De[s] cinc filles direi après [(f. 99)]
Si comme els vindrent près a près. 14916
Maheut out nom la premereine
A cui Dex fist si bele estreine
Qu'il mist en lui sens e largesse,
Bealté, franchice e gentillece, 14920
E tot le bien, gel di por veir,
Qu'en gentil feme deit aveir.
Sis boens peres qui molt l'ama
A son vivant la marïa. 14924
Al mielz e al plus bel qu'il sout,
A sire Hue de Bigot,
Qui par lingnage esteit des buens,
E après son pere fu cuens. 14928
Ne fait [a] aloingner li contes :
Bien seit l'om qu'a treis filz de contes
{174} Dona les treis bien enp ! et[è]es
Ne furent pas desparagi[é]es. 14932
Cele qui out nom Ysabel
Eüst non par dreit « vis a bel »
Quer bone est e bele deit estre ;
Cele out li quens de Gloecestre ; 14936
Puis dona li péres Sebire,
Dunt l'om deit par raison bien dire,
Quer molt a des bones maniéres,
Al filz le conte de Fer[i]ëres ; 14940
E Eve dona a espose
Al filz al seingnor de Braiose,
Will. out non le filz Reinaut.
Molt set & molt puet & molt va[u]t, 14944
Cui Dez [a] doné tel curage
D'empleier si bien son linnage.
Johane, après la mort del pére,
Remest a marier al frére 14948
Qui s'en tint molt menbréement,
Qu'il la marïa richement.
Si hautement fu enpleiée
Qu'el ne fu pas de[s]paragiée, 14952
Quer par mariage ensaisi [(f. 99 b)]
Le seignor de Montchenesi,
Garin, qui a paié se tint
E ele de ço qu'a lui vint. 14956
{175} V[e]eir poez sanz achaison
Que j'ai ci prové par raison,
Ço voient bien & seivent tuit,
Que de boen arbre vient bon fru[i]t, 14960
E bien est dreiz qu'as enfa[n]s pére
Del pére e de la bone mére.
Li péres porvit a [t'a] faire,
Qui trop bien e bel le sout faire, 14964
E qui de grant senz fu garniz,
De marïer son ainzné filz,
Quer bien porvit e bien saveit
Que li quens Baudevins aveit 14968
D'Aubermale une fille belle.
N'out enfant fors la damisele.
Li dui compaingnon s'entramérent,
Quer compaingnon furent [e] érent. 14972
Del marïage, ce me semble,
Parlérent entre eus deus asemble,
Que chescuns en'out boen coraige.
Otrïé fu le marïage, 14976
Si que li quens en Engleterre
D'Aubemarle tote sa terre
E aliors par tot li donout,
Se li reis isi l'otreiout. 14980
Li prodomme distrent e saige
Qui oïrent cest mariage ;
Tuit ensemble a grant bien le tindrent,
E distrent qu'onques mès n'avindrent 14984
Deus enfanz de si trés boens péres
{176} Ne de si trés vaillantes méres
Par mariage metre ensemble,
E si dient que raison semble 14988
E qu'a dreit devreit avenir
Que d'els devreit bon frut venir.
Quant parlé e porveü ourent [(f. 99 c)]
Li dui conte al mielz que il sourent 14992
Tot lor afaire. e lor agrei,
Ensemble s'e[n] vindrent al rei
Que lor otreast cest afaire,
& sa chartre lor feïst faire. 14996
Li reis si [l'] agraanta bien,
Unques n'i trespassérent rien
De quant qu'il avei[e]nt pramis
Qui en la chartre ne fust mis. 15000
Issi ouvrérent comme saiges ;
Isi fu fèz li mariages
Qui fu loez de mainte gent.
Ensemble fus[s]ent longement, 15004
Mais Mors qui les buens desasemble
Nes volt gaires laissier ensemble.
La mort glote qui tot devore
Corut si a la dame sore 15008
Qu'a force la prist ; si morut,
Qu'onques rien ne la secorut,
Richesce ne sens ne aveir
Ne riens que um peüst aveir. 15012
Issi fait la mort son mestier
{177} Que raançon n'i a mestier,
Quer ne li chaut a la de[s]vée
S'ele en est haïe ou amée. 15016
Org[u]eille[u]se est, si ne tient conte
De roi ne de duc ne de conte
Que de toz ne face son buen,
& riche & povre tui[t] sunt suen ; 15020
E por ce fu dit de la mort
Que contre lui n'a nul resort.
Ne voil or ci de lui plus dire,
Quer n'apartient a ma matire, 15024
N'ai cure qu'en ce me detienge
Qui a l'estorie n'apartienge
Qui del Mar. est estraite.
Dex m'otreit qu'ele soit si faite 15028
Que bone essemple i puissent prendre
Tuit cil qui i voldront entendre ! [(f. 99 d)]
Mais trespasser m'estuet la guerre [(1215)]
Qui fu après en Engleterre 15032
Entre le rei e ses barons,
Quer trop i out des achaisons
Qui ne sunt proz a reconter,
Ainz me porreit a mal monter ; 15036
Mes teles furent les emprises
Que li baron por lor franchises
{178} Vindrent al rei, si li requistrent. [(27 avril)]
Il lor escondi[s]t ; & il distrent, 15040
Li plus de cels qui i estoient,
Que, se lor franchises n'avoient,
Ce seüst il tot a devise,
Qu'il guerpiroient son servise ; 15044
E ce peüst il bien saveir
Qu'il ne poe[i]t en els aveir
Fïance, e qu'il le grevereient
En toz les lius ou il'porrei[e]nt. 15048
Ce qu'il li pramistrent li firent :
De son servise se partirent.
Cil qui a cel conseil se tindrent
Por lui grever a Londres vindrent ; [(24 mai)] 15052
Mès saciez que de tot cel mal,
Par le conseil del Mar.
N'i out riens porchacié ne fe[i]t,
Ainz li pesa molt de[l] sorfeit 15056
D'amedeus pars, quant il le sout,
Qu'il nel consenti ne ne volt,
Ne par son conseil rien ne firent
Londreis qui a els s'asentirent. 15060
Par lor acort a Londres vindrent
Li baron qui a ço se tindrent,
E tramistrent, ce m'est a vis,
Tuit asemble por Loeïs 15064
Qui esteit filz al rei de France.
Molt eurent en lui grant fiance,
E por ço l'enveiérent querre, [(f. 100)]
Qu'il le quid[i]érent d'Engleterre 15068
{179} Faire seingnor, ce li pramistrent.
De granz folie s'entremistrent,
Mais anceis que ce peüst estre
Eut li reis assis Rouvecestre. 15072
Molt i gasta de son aveir
Anceis qu'il la peüst aveir,
Quer veir fu que eici avint
Que par mer a Douvre s'en vint. [(septembre)] 15076
Mais ne fait or ci a enquerre
Por quei par mer plus que par terre
I vint, nen ai de ce que faire,
Qu'il n'apartient a mon afaire. 15080
Lors fist venir a lui Flamens,
Chevaliers, serjanz alïens,
Qui chascun jor volei[e]nt prendre.
Ne lor chaleit gaires d'entendre 15084
A lui avancier de sa guerre,
Mès a essillier li sa terre.
Ce parut bien a ses tresors,
Qu'en cinc simaines out mis ors 15088
Sa richece e son grant aveir
Qu'en ses tresors soleit aveir ;
Quer isi vait d'itel bargaingne :
Qui molt met & riens ne gaaingne 15092
E a malveise gent s'alie
Est molt tost tornez a la lie.
Mès totes vei[e]s, tant i mist
Que Rouvecestre a force prist. [(30 novembre)] 15096
{180} Tant firent Londreis, ce m'est vis,
Qu'il amenérent Loeïs. [(21 mai)]
Del païs fu grant piece mestre :
Si prist Ferneham & Vincestre 15100
E Porecestre e Suvhantune.
Maint bel tonel e mainte tone
I burent li ribaut de France
Qui si érent plein de vantance 15104
Qu'il disoient que Engleterre [(f. 100 b)]
Ert lor e voidassent la terre
Engleis, quer nul dreit n'i aveient
Franceis a lor oés la tendreient. 15108
La ventance n'i valut riens :
Cent en vi puis mangier as chiens
A cui, Engleis tolirent vie
Entre Wincestre e Romesie ; 15112
A cels remest eisi la terre.
E[n] plusors lieus [en] Engletere
Fist um autresi ou noauz,
Testemoing Willekin de Vauz. 15116
Or fait bien isi a saveir,
Quant li reis n'out plus de l'aveir,
Qu'ove lui remist poi de gent
De cels qu'i érent por argent : 15120
A lor gaainz tindrent lor veies.
Mès li Mar. totes vei[e]s,
Qui out le cuer entier e pur,
Fu o lui al fort e al dur. 15124
Unques de lui ne s'estranga
{181} N'unques son boen cuer ne changa,
Ainz le servi en bone fei
Comme seignor &. comme rei. 15128
Puis de lui aine ne se parti
De si que mort l'en departi
E unquore ne di ge mie
Qu'il ne fust a mort e a vie. 15132
Toz diz o lui e o les suens
Comme leals & comme boens ;
Ce fu veirs, c'est bien esprové,
Qu'en plusors lieus a l'om trouvé, 15136
Que que li reis feïst a lui,
Qu'onques nel guerpi por nului.
Nequedent tant dura la guerre
Que forment empira la terre 15140
Al rei, e forment le grevérent
Tuit cil qui encontre lui érent.
E a la fin, que que nuls die, [(f. 100 c)]
Se treist li reis vers Lindesie, 15144
Ou laidement [li] mesestut,
Quer li grant mal dunt il morut
L'encontra en cele contrée
Qui si li fist male encontrée 15148
Que le destreinst en tel maniére
Que il ne pout avant n'arriére.
Tant le volt plais[s]ier e destraindre
Que a Newer l'estut remaindre. 15152
{182} Issi fu, issi l'estut estre.
La fu l'evesque de Wincestre ;
S'i fu, c'est bien chose seüe,
Sire Johan de Monemue 15156
Ensemble o lui dusqu'a la mort,
& sire Wat[i]er de Clifort
E sire Rog'[i] er ensement
Cui molt en pesa durement ; 15160
S'i fu Johan li Mar.
A cui molt pesa de son mal.
S[i] i out maint autre haut home
E bachelers, ce fu la summe ; 15164
Mes forment se desconfortérent
Tuit cil qui ovekes lui érent.
Quant la maladie engreingna
Qui unques la[i]ssier nel deingna 15168
En pais, ainz l'angoissa forment,
Manda sa plus privée gent ;
Si dist : « Seignors, morir m'estuet,
« Quer autrement estre ne puet. 15172
« Ne puis mais endurer cest mal.
« Por Dieu, preiez le Mar.
« Qu'il me pardoinge les sorfeiz
« E les mals qu'a tort li ai faiz 15176
« E maint travail e ma[i]nt ennui
« Dunt durement repentanz sui.
« Toz dis m'a lealment servi,
{183} « Ne unques ne me messervi 15180
« Por mal que unques li feïsse [(f. 100 d)]
« Ne por rien que je li deïsse.
« Seignor, por Deu, qui fist le munt,
15184 a Preiez li qu'il le me pardont. 15184
« Por ce que plus me fi en lui
« De lealté que a nului,
« Vos pri qu'il ait mon fiz en garde
« E que toz dis s'en tient e garde 15188
« Kar jamès terres par nulli
« Ne maintendra, se n'est par lui. »
Isi parla li reis idonques,
Ma[i]s la mort qui pité n'out unques 15192
Ne de nul mal ne se volt feindre
Le commença si a destraindre
Qu'el le mist en tel non poe[i]r
Qu'il n'out ne force ne poeir 15196
Ne sens, tant lu[i] livra entente.
Molt le mist en malveisse entente ;
Mais tant oï dire a auquanz
Que molt fu verai repentanz ; 15200
Mès mors qui trop est ennuiose
E felenesse e angoiss[os]e
E[n] sa poesté le reçut :
Tant le destreinst que il morut. 15204
{184} Morz fu li reis, ne pout autre estre, [(18 octobre)]
Si'n fu portez a Wirecestre.
Quant li Mar. oï dire
Que morz esteit li reis sis sire, 15208
Dolenz en fu, quant il l'oï ;
De Glo[e]cestre se parti,
E. quant il s'en fu issi fors,
Si ala encontre le cors 15212
Qui a Wirecestre veneit.
Li legaz Wales i esteit,
E clers e chevaliers asez
Out entor la bere amasez. 15216
Portez fu a la haute glise ;
Si li fist l'om riche servise
Tel commeparteneit a rei
Selonc Dieu e selonc la lei. 15220
Endreit lui fu la profecie [(f. 101)]
De Merlin molt bien aconplie
Qui dist que entre les souvere[i]ns
Gereit ; bien nos en fist certeins : 15224
Ce fu veir, e bien le seit l'en,
Qu'il gist entre se[i]nt Volstam
E un autre corseint molt près
Qui asez gisent près a près. 15228
Quant enterré ourent le rei,
Li haut home pristrent conrei
De partir s'en de Wirecestre ;
{185} S'alérent dreit a Gloecestre. 15232
E quant en Gloecestre furent
Conseil pristrent, si comme il durent,
D'aler por le conte de Cestre
Qu'a els venist a Glo[e]cestre, 15236
E por les barons qu'il savei[e]nt
Qui ove le rei [se] tenei[e]nt,
Ou k'il fussent en Engleterre,
Qui osérent venir por guere 15240
Qu'a Gloecestre a els venissent,
Que nule essoigne n'i tenissent.
Quant venu furent, ce me semble,
Si pristrent lor conseil asemble. 15244
Trestot furent a un acort
Que seingnor Thomas de Sanfort
A Devises enveier[ei]ent
Por l'anfant e si en fereient 15248
Ce que Dex lor enseingnereit
E que raisons e dreiz serreit.
E aprés uncor si mandérent
A toz cels qui o l'enfant érent 15252
Qu'il ne laissasent por nului
Qu'il ne venissent ove lui.
Li Mar. ala encontre ;
Si li vint tot dreit a l'acontre 15256
Dehors Mammesberre en la plaingne ;
Si aveit o lui grant conpaingne
De gent armée quil menoient [(f. 101 b)]
Si comme faire le devoient. 15260
{186} La ert Rad. de Seint Sanson
Qui sen meistre & so[n] norriçon
Out esté & encor esteit
& entre ses braz le porteit. 15264
Encontre lui se remua
Li Mar. ; sil salua,
E li emfes bien enseingnez
Li a dit : « [Sire], bien veingnez. 15268
« Itant vos di certeinement
« Que a Dieu e a vos me rent,
« Que por Dieu vos en preingnez garde ;
« E li ve[i]rs Dieu qui toz bien[s] garde 15272
« Dunst que si faciez nostre afaire
« Que bone garde en en puissiez faire. »
E li Mar. respondi :
« Beal sire, lealment vos di, 15276
« Isi ait Deus l'ame de mei !
« Ge vos serrei en bone fei
« Sanz metre vos en nonchaleir
« Tant comme ge porrei valeir. » 15280
Li reis plora & cil plorérent
De pitié qui entor lui érent,
E li Mar. ensement
Plora de pitié tendrement. 15284
Après ce lor dreit chemin tindrent
Tant que a Gloecestre vindrent.
La pristrent conseil li plus mestre
Saveir se le conte de Cestre 15288
{187} Al coronement atendreient,
Ou se il sanz lui l'enprendreient.
Li un distrent qu'en l'atendist
E li autre qu'il entendist 15292
Al rei faire hastivement,
Quer nul ne set qu'a l'oil li pent.
E alcuns dist : « Com einz si mielz,
« Quer de l'atendre, per mes ielz, 15296
« N'i a point, quer de trop atendre [(f. 101 c)]
« Nos porrïons bel nïent prendre.
« E si vos di bien que li quens
« Est tant saives e proz e boens 15300
« Que ja ne se corocera
« A celui qui rei le fera
« Ainz li ert bel s'il le veit prest,
« Quer bien set que mestier en est. » 15304
Itels fu li conseilz donez.
Quant il dut estre coronez,
Si'n parléren[t] li conseillier
Qui est quil fera chevalier ? 15308
« Quil fera, » dist aucuns, « fors cil
« Que, se nos estïon [ci] mil,
« N'i a nul de si haut afaire
« Ne qui si bien le deie faire, 15312
« Ne qui tant ait fait que vasals ?
« C'est Will. li Mar.
« Qui al giemble rei ceinst l'espée.
{188} « Tel grace li a Dez donée 15316
« Ou nul de nos ne puet ate[i]ndre.
« Ge pruis qu'il deit l'espée ceindre
« A cestut il en est mestiers ;
« S'avra deus reis faiz chivaliers. » 15320
A icest dit chascuns s'otreie.
E il li ourent tote veie
Vestuz ses petiz dras realz.
Chivalier fu petiz e bealz. 15324
Li hait home qui laienz érent
Entre els al mostier le portérent.
Hoc li fu li dons donez
Qu'il fu ennoinz e coronez. [(28 octobre)] 15328
Wales la messe li chanta,
Li legaz, e sil corona
O les evesques qui la furent
Qui volentiers faire le durent. 15332
Quant il fu enoinz e sacrez
E li servises fu finez,
Si ne se voldrent pas atendre
A l'enfant qui trop esteit tendre 15336
Li chevalier, einz le portérent
En lor braz cil qui lai[e]nz érent,
Sire Phelipes d'Aubeingni,
Rie. de Ferriers autresi, 15340
{189} E plusors les mains i tendirent
Qui gaires d'aïe ne firent.
Dès qu'en la chambre le portérent.
Ses reals dras la li ostérent 15344
Qui trop pesérent, e bien firent :
D'autres garnemenz le vestirent.
Quant il fu venuz en la sale
Vint une nuvele asez male. 15348
Si comme il devei[e]nt mangier,
Ja érent asis al mengier,
Vint al Mar. uns messaiges ;
Bien cuit qu'i[l] ert plus fols que saiges, 15352
Quer, oiant trestote la table,
Dist : « Sire, vostre conestable
« Vos mande del chastel ge dus
« Qu[e] il ert [ier] einz nonne asis, 15356
« E si vos mande tot a cors
« Qu'anuit [i] enveiez secors. »
E li Mar. se torna
D'autre part, mès poi sejorna, 15360
Qu'il [i] enveia chevaliers
E serjanz e arbalestiers.
E sachiez, a cui k'il annuit,
Que il esrérent tote nuit. 15364
Plosors genz qui lai[e]nz estei[e]nt
En parolent e si disei[e]nt :
« Si a senefïance grant
{190} « K'avenu est icest enfant 15368
« Qu'al jor de son coronement
« Asiet l'om si proceinement
« A [. xij.] lieues sun chastel.
« Ne nos en deit pas estre bel. » 15372
Après [a] un conseil alérent [(f. 102)]
[Tuit] li haut homme qui la érent,
E al Mar. distrent : « Sire,
« Oies que nos vos volon dire. 15376
« Fait avez de vostre seingnor
« Chevalier, e c'est vostre enor,
« E par vos a il la corone.
« Nostre conseil nos dist e done, [`] 15380
« E raisons est, si com nos semble,
« Que nos vos preions toz ensemble
« Que vos prengiez en main le rei
« A garder, quer en bone fei 15384
« Savons qu'os le ferez molt bien
« Plus que nos, n'en dotons de rien
« Que vos e en pès e en guerre
« Maintendrez mielz que nuls la terre. » 15388
I[l] lor respondi : « Ge ne puis,
« Quer en mei ne vei ne ne truis
« « Desormais force ne poeir
« De si faite baillie aveir. 15392
« Vielz sui ; ne m'en puis entremetre ;
{191} « Autre de mei i covient metre.
« Atendez, coumentk'ilavienge,
« Tant que li quens de Cestre vienge. 15396
« S'avrom greingnor conseil, ce cuit. »
A itant remest cele nu[i]t :
S'ala chascuns a son ostel
Ou la ou il out a faire el. 15400
Li Mar. al chastel vint.
En es le pas isi avint
Qu'il apela a son ostal
Sire Johan le Mar. ; 15404
Si apela de l'autre part
O lui sir[e] Rad. Musart
E Johan d'Erlée ensement :
N'out que ces quatre al pallement. 15408
Si lor dist : « Ceste gent voldreient,
« & bien s'i agra[a]nterei[e]nt,
« Que le rei en garde preïsse [(f. 102 b)]
« E del reingne m'entremeïsse 15412
« A tenir e a governer ;
« Mes, einz qu'il vienge a l'engrener
« M'en voil a voz consels tenir,
« Quer molt est fort a maintenir. » 15416
Sire Johan li respondi
Li Mar. : « Sire, ge di
« Qu'el secle, avez eü maint jor
« Molt grant pris e molt grant enor, 15420
« E or vos est tele avenue
« Qu'os avez en ceste venue
15394 covient, ms. couvent. 15402 en el les pas, l's [de les]
ajoutée. 15411 li. {192}
« Fait chevalier vostre seignor ;
« & encor tient l'om a greignor 15424
« Que il [est] coronez par vos,
« La merci Dieu le glorïos ;
« E l'om dist qu'a itant s'alieve,
« Qui commence ce qu'il n'achieve, 15428
« Que en vein e pur nïent se peine,
« Quer il a perdue sa peine.
« Faites le : Dex vos aidera
« E grant enor vos essera. » 15432
Lors dist sire Rad. Musart :
« Sire, il dist bien, si Dex me gart.
« Enpernez le isi a faire ;
« Si amendera vostre afaire, 15436
« Quer ge vei e entent e cuit
« Que lues chenieront cuit.
« Ce me semble molt bel e gent
« Qu'os porrez tote vostre gent 15440
« E autres e nos qui ci soumes,
« S'il vos plaist, faire riches homes.
E vos, sire Johan d'Erlée, »
Dist li Mar., « qu'en agrée ? 15444
« Le vostre asens en voil aveir.
Sire, ge vos en dirrai veir,
« Si m'aït Dex, al mien atent :
« Ge ne sai ne [ne] vei n'entent 15448
« Com gel vos loeroie a faire, [(f. 102 c)]
{193} « Quer ge vei bien [que] vo. stre afaire
« E vostre cors traist a feble[c]e
« Que por travail, que por viellece ; 15452
« E li rei n'a gaires d'aveir,
« E tuit cil qui voldront aveir
« Rien del suen, qui qu'a vos vendrunt
« E a vos le demanderunt. 15456
« Si criem, e en dotance en sui,
« Que la peine e le grant ennui
« Vos seit ennuiose a sufrir.
« Or laissiez le conte venir, » 15460
Dist sei li Mar. adonques ;
« S'avrom greignor conseil idonques ;
« Si alom chochier anuit mès,
« Deus i mete conseil e pès ! » 15464
L'endemain, après messe avint
Que li boens quens de Cestre vint
Devant le rei, sil salua.
Li reis vers lui se remua, 15468
Sil salua il comme saiges ;
Lor[e]s prist li rei[s] ses homaiges
De lui e de autres qui la furent
Qui par raison faire le durent. 15472
Alcuns qui o le conte vindrent
A sorfait tornérent e tindrent
Que li reis esteit coronez
Ne que consels en fu done[z] 15476
{194} Devant la venue le conte.
Si lor sembla despit e honte,
E li quens dit : « Laissiez cest plait.
« Certes, gel tienc a molt bien fait 15480
« E molt m'en tienc a mielz paié
« Que s'il l'eüssent delaié. »
Lors manda l'en cels qui venei[e]nt
& cels qui en la vile esteient 15484
Que en la sale le rei venissent
E nule ensoinne n'i tenissent.
Ce fu tost fait quer il i vindrent, [(f. 102 d)]
Qu'unques nule essoingne n'i tindrent. 15488
Quant venu'furent, si parlérent
Li haut homme qui lai[e]nz érent
Qu'esgardez fust e porveüz
Uns preusdom qui fust esleüz 15492
Al rei e al reigne garder.
Molt i convendreit porgarder
Qu'il peüst mielz e seüst estre.
Lors dist l'evesque de Wincestre 15496
A mon seignor Alein Basset :
« Mis sire Alein,. sor vos le met,
« Quer entre vos le devez dire.
Par fei ! » dist sire Aleins, « beal sire, 15500
« Ge ne vei amont ne aval
« Fors solement le Mar.,
« Ou lui ou le conte de Cestre
« Qui par raison le dei[ven]t estre. » 15504
{195}
Li Mar. sanz achaison
Lor a mostré e par raison :
« Certes, seignors, ne puis mès estre
« De si trés haute chose mestre ; 15508
« Trop sui febles e dequassëz,
« Si ai quatre vinz anz passez.
« Seiez le, sire quens de Cestre,
« Por Dieu ! quer bien le devez estre, 15512
« E ge sarai en vostre aïe
« Tant com j'avrai poeir de vie,
« E. en vostre kemandement
« De tot mon poeir leialment. 15516
« Ja ne me savrez comender
« Par boche ne par br[i]ef mander
« Nule chose que ge ne face
« Tant com Dex m'en do[n]ra la grace. 15520
Avoi s fait sei li quens de Cestre,
« Mar., ce ne porreit estre,
« Que gel sai, beal [dous] sire ch[i]ers.
« Vos estes si b[u]en chevaliers 15524
« E si proudom e si provez [(f. 103)]
« E tant cremuz e tant amez
« E si saiges qu'a la reonde
« Estes un des meillors del monde. 15528
« Por ce le devez estre, sire.
« E ge vos os lealment dire
« Seiez. [le] : ge vos servirai
{196} 15532 a E por les besoignes irrai 15532
« Que vos me voldrez kemander
« Sanz nule rien contremander,
« Por ce que ge faire le puisse,
15536 a Ou que ge l'aprenge ne truisse. » 15536
Lors mena li legaz aval
A u[ne] part le Mar. ;
S'apela le conte de Cestre
E puis l'evesque de Wincestre, 15540
E une parti[e] apelérent
Des hauz homes qui lai[e]nz érent
En une chanbre a conseiller,
Mès tant ne sourent travailler 15544
Que nul conseil certein eüssent,
Por chose que dire seüssent,
Mès que li legaz tote veie
Les mena a la dreite veie, 15548
Tant preia por Dieu e requist.
Le Mar. que il preïst
La baillie en rémission
De ses pecchiez e en perdon, 15552
Qu'il l'en asoleit quitement
Devant Dieu al grant jugement.
« E[n] non Dieu ! » dist li Mar.,
« Se isi sui de mes pecch[i]ez sauz, 15556
« Ceste baill[i]e bien me siet ;
« Ge la prendrai, que qu'il me g[r]iet. »
{197} Lors li bailla, si com il dut ;
Ë li boens Mar. reçut 15560
Le rei e la baill[i]e ensemble.
Molt la tint bien, si com mei semble,
Tant com il pout durer e vivre, [(f. 103 b)]
Mès trop en fuimes tost delivre. 15564
Ce poent passera en Engleterre,
Quer molt en [en] peira la terre
E enpeir[er]a leidement,
Se Dex hastif conseil n'en prent. 15568
Empeira ! c'est nule celée
Quer malvesté a sormonté[e]
Proesce & si l'a mise arriére,
E a mise avant sa baniére. 15572
Ne tot dire ne tot taisir,
Mès quant Deu vendra a plaisir
Si sera l'ovre keneüe
Dunt la malvesté est venue ; 15576
Mes nos n'en volons or plus dire
Quer n'est pas de nostre matire.
Mès quant la baillie out enprise
Li Mar. en itel guise : 15580
« Seignor, vez le rei giemble & tendre ;
« Si nel vodreie pas enprendre
« A mener o mei par la terre ;
{198} « E[n] vos consels vodrei[e] querre 15584
« Un preusdomme, ne vos desplese,
« Quil gardast en un lieu a ese.
« Faire l'estuet par estove[i]r.
« Nel voil pas o mei amener. 15588
« Ne posrai pas en un liu estre ;
« Por ce lui couvendra un mestre,
« Quer il me convendra esrer
« As marches tenir e garder. 15592
« Por ce voil qu'il seit porveü.
« Par devant vos e esleü
« A cui ge le puisse a seür
« Baillier, que g'en seie seür. » 15596
E li legaz li prist a dire :
« A vostre volenté seit, sire,
« Quer vos le baillerez molt bien ;
« De ce ne doutons nos de rien. » 15600
E il lor dist : « A[t] m[i]en avis, [(f. 103 c)]
« Quant del tot l'avez sor mei mis,
« Gel baillerai a molt boen mestre :
« C'Iert a l'evesque de Wincestre 15604
« Qui [ja] l'a nosri franchement
« E gardé atentivement. »
Li pre[u]sdomme qui laienz érent
L'e[n] sourent gré e l'en loérent, 15608
E li evesque le rechut
E garda bien si com il dut.
Quant la gent de [de] fors oïrent
15584 E, corr. De, ou Par ? Ibid. consels est répété. 15587 15584
Il doit manquer ici deux vers, estoveir ne pouvant rimer
{199}
Ces noveles, molt s'esjoïrent, 15612
Que isi iert li meralz tailliez
Qu'al Mar. esteit baillez
Li reis e la terre a garder.
« Molt nos seit bien Dex regarder, » 15616
Distrent il tot, « ce est la summe,
« Qu'en Engleterre n'a nul homme
« Qui si trés bien le seüst faire,
« Ne mielz en peüst al chief traire. » 15620
De si qu'al vespre demorérent
Lai[e]nz cil qui mies en érent.
Ci n'est dreiz que Ion sermon face :
Mès en cel[e] meïsme place, 15624
Ne plus ariére ne avant,
Qu'il out esté la nuit devant.
Apella son conseil seur,
Lor[e]s se poia a un mur ; 15628
Cest conseil iert tost asoumez :
Les treis qu'il out devant nommez
Qui la nuit devant o lui furent
Al conseil ov[e] lui s'esturent ; 15632
E il lor dist : « Conseillez mei ;
« Que, par la fei que ge vos dei,
« Ge sui entrez en la mer gaste
« Ou cil qui plus i curt e taste 15636
« Ne puet trover ne fons ne rive.
« S'est merveille com il arive
{200} « A port qui a salut li vienge ; [(f. 103 d)]
« Mais Dex, si li pleist, me mamhjejnge 15640
« L'om m'a baillié cest[e] ballie
« Qui ja est près de mesba[l]lie,
« Ce poez sentir e saveir.
« E li emfes n'a point grant d'aveir, 15644
« Ce poise moi, c'est damaige,
« E ge sui hons de grant aage. »
Lors li pris[t] el cuer a germer
Que si oil pristrent a lermer. 15648
Les lermes vindrent sor la face ;
E cil qui érent en la place
Qui de cuer enterin l'amérent
Por la pitié de lui plorérent ; 15652
E il, quant il regarda sus,
Dist : « Dont ne me dirrez [vos] plus ?
Oïl, » si dist Johan d'Erlée
Qui out porveü sa pensée ; 15656
« Empris avez une bosoingne
« Ou il ne puet ave[i]r essoingne
« Qu'il ne l'estuece maintenir.
« Mès, quant vendra al partenir, 15660
« Si vos di que de la peior
« Ne puet venir fors grant enor
« La peior vus dirrai avant
« Dunt onor vos puet venir grant. 15664
« Or seit posé qu'a Lo[e]ïs
« Se rendent trestu[i]t vostre empris,
« E qu'a si grant traïson tendent
{201} « Que trestoz les chastels [li] rendent, 15668
« E eisi seit enpris e fet
« Qu'os n'i puissiez aveir recet
« En nul liu en tote Engleterre,
« E guerpir vos estuet la terre, 15672
« Que Looïs vos aut sivant
« E qu'os vos en alliez fuiant
« Tant que vos vengiez en Irlande,
« Si sera ce enor molt grande. 15676
« Quant l[i] pires de cels gials tome [(f. 104)]
« A enor, li mieldres s'atorne
« A grant joie & a grant hautesce.
« Molt posrez aveir grant leece 15680
« Quant li mieldres vos en vendra,
« Si que Dex a vos s'entendra.
« Si diront tuit, e fol e saige,
« K'onques mès hom de nul lingnage 15684
« Ne conquist tele enor en terre.
« Tele enor fait bien a conquerre.
Par la gleive Dieu ! » dist. li quens,
« Cist conseils est verais e buens 15688
« E me siet al cuer si a dreit
« Que, 1 si toz le monz li falleit,
« Fors mei, savez que ge fereie ?
« Desus mon col le portereie 15692
« En jambe de ça e dela,
« E si ne li faudreie ja
« D'ille en ille, de terre en terre,
« S'il me couveneit mon pain querre. 15696
{202} Si vos aït Dex, beal duz sire,
« Vos ne poez unques mielz dire, »
Distrent cil qui al conseil érent.
Gré lui sourent, se l'en loérent, 15700
E distrent que bien l'en vendreit,
Quer Dex ov[e] lui se tendreit.
Il dist : « Or nos alons cochier ;
« E Dex qui tot pout justis[i]er 15704
a 1 mete conseil e aïe
« Si veirement cum il aïe
« A cels qui bien le volent faire
« E a lealté volent traire. » 15708
De Gloecestre se tornérent
Li reis e cil qui o lui érent,
Li Mar. e li prodoume ;
A Bristou vindrent, c'est la somme. [(13 nov.)] 15712
La ert mis sires Savaris
De Mallïon, ce m'est avis.
Devant le rei vint por requerre [(f. 104 b)]
Congié d'aler s'en en sa terre. 15716
En cel termine, ce m'est vis,
Esteit mi[s] sire Loeïs
A son siege entor Herefort. (nov.-dëc.)
Molt aveient fieble confort 15720
Tuit cil [qui] el chastel esteient,
Quer nul secors n'i atendei[e]nt.
Cil qui dever[s] le rei se tindrent
A Loeïs por trieve vindrent 15724
{203} De vint jors, e si lor dona,
Par fei c'om li abandona
Berkamestoude e Herefort.
Seisis en fu, fust dreit ou tort. 15728
Ne demora après k'un pou
Que al rei vindrent a Bristou
La justise e mis sires Faukes
Qui lores se baretout auques ; 15732
E des autres meistres asez
I out avec els amassez.
Quant ceste trieve fu faillie,
Cil qui aveient la baillie 15736
Autre trieve de. xx. jors pristrent
Sanz le Mar. ; si mespristrent,
Quer il baillérent deus chasteals
Riches e forz e buens e beals : 15740
Ce fu Norviz e Orefort. [(janvier)]
Isi firent par lor acort,
Si que unques al Mar.
N'en parlérent, si firent mal. 15744
Isi fu saisis Loeïs
De quatre chastels, ce m'est vis ;
Mais la trieve ne tint nient
Eisi com il out en convent ; 15748
Ne li loérent ne laissiérent
Franceis qui toz jors s'orguielliérent
E trop aveient grant puissance.
Lors prist conseil d'aler en France. 15752
{204} Quant li Mar. vit e sout [(f. 104 c)]
Que la trieve tenir ne volt
Loeïs, einz l'aveit rompue,
Si dist : « El nen ert pas tenue 15756
« Endreit nos, ce sace il bien ;
« « Jamès nel preierom de rien,
« Ja autre pleit n'i avra fait,
« Mais qui'n porra aveir si'n ait. » 15760
Lors aüna li'Mar.
Totes les boen[e]s genz leials
Qui se teneient o le rei
E l'amoent en bone fei, 15764
Qu'onques n'i remest, qu'il seüst,
Nul qui armes porter peüst.
S'ala tot dreit a Certesie,
E Loeïs ne tarja mie 15768
D'aler dreit vers Winchenesel ;
Iloec n'out il pas le plus bel
De passer mer ou son barnage,
Quer combré trova le passage. 15772
Li Mar. si traveilla,
As hauz homes se conseillia
Saveir mon com il le fereient,
E comment il abaissereient 15776
Le grant orgoil de Loeïs
Qui par els n'ert pas el païs.
Or poez oïr grant proece
E grant cointise e grant noblesce, 15780
Del conseil que li Mar.
{205} Dona as prodommes leials,
Par quei mil des ribauz morurent
Por ce que trop avant corurent. 15784
[S] i prist Phelipe d'Aubeingni
E de boens chevaliers olu[i],
E boens serjanz qu'i[l] out trouvez
A citez e esprouvez. 15788
De si bone chivalerie
Fist garnir la vile de. Rye ;
Puis enveia nés par defors [(f. 104 d)]
O armes, o plenté d'estors ; 15792
E il chevacha bien e tost
O tot grant gent e o grant ost
Vers Loeïs : quant près en vindrent
Si très estreitement le tindrent 15796
Qu'il ne sout de quel part torner,
N'il n'i faiseit nul sejorner :
D'une part ert li Mar.,
E Phelippes li boens vassals 15800
D'autre part le destruit forment
E molt lor ocist de lor gent.
Li navies d'autre partie
Lor faiseit male départie ; 15804
E Wilekins des Waus après,
Cil les basreiout de si près
Qu'il ne voleit pas faire feste :
A maint en fist couper la teste. 15808
Isi fu destreiz Loeïs
{206} Qui molt se tint a entrepris.
Tels mil de[s] suens ocis i furent
Qui ainc confesse n'i rechurent 15812
Fors des glaives e des espées
Qui lor érent abandonnées,
Ja si tost n'esis[s]ent de rote.
Si'n fui enperiée e desrote 15816
Al mains la rote des ribals
Qui trop par se faiseient bauz
D'ave[i]r a delivre Engleterre.
Mès n'en remest nul en la terre 15820
Qui plus i clamast heritage.
Cest ne tien ge mie a damage.
La furent, ce nos est a vis,
Dui bien riche vavasor pris 15824
Qui de Loeïs se partei[e]nt ;
En lor païs s'en [re] veneient.
Entrepris fu en cele marche
Uns Alsemen de Poent de l'arche, 15828
E Johans ovec lui filz Hue. [(f. 105)]
Si out pris en lor sorvenue
Plusors des autres del païs
Qui encore en'sunt plus haïs, 15832
Si comme a plusors est a vis ;
C'or i fu[st] retenuz & pris
Loeïs, ne fust aventure
& Fortune qui est oscure 15836
Encontre le[s] eirs d'Engleterre,
Car a force lor tott lor terre.
Or oiez com Fortune est forte
{207} E conme ele demeine & porte 15840
Cels a cui el se velt tenir !
Nus ne se poet contretenir
Por richesce ne por bealté,
Ne por aveir grant realté, 15844
Ne por estre enforciez d'amis,
Se Fortune li a pramis
A faire mal, qu'el ne li face ;
Ja n'iert tels qu'il li contrestace. 15848
A itant nos [vos] en coitons.
Lors vint sire Hue Tacons
Qui de nostre bien out envie,
E amena si grant navie 15852
Por seignor Loeïs secorre,
Que il le pout molt bien rescor[r]e.
Tant i amena grant puissa[n]ce
K'a force l'en mena en F[r]ance. 15856
Mès itant nos covient vuz dire
Comme il destruist nostre navire,
E comme a grant chevalerie
Vint sire Lowis Rye. 15860
Les gens le rei qui enz esteient
Virent que pas nel soufrereient ;
Si s'en partirent de la vile,
Car cil érent plus de trei mile ; 15864
Il nes i feseit nul atendre,
Que ne la peüssent defendre.
{208} Si s'en partirent tote veie. [(f. 105 b)]
E danz Loeïs tint sa veie 15868
Vers Dovre e entra. en ses nefs.
Ore est ici endreit remés
De lui, n'en dirons plus a ore ;
Del Mar. parlerons ore. 15872
Quant il sout bien que Loeïs
S'en fu alés en son païs,
Vers Sorham se mist a la voie,
E le plus de l'ost le conveie. 15876
Cele nuit lor ostels i firent.
L'endemain, quant s'en departirent,
Le gienvle Mar. trovérent
En lor veie ou il l'encontrérent, 15880
E ovec lui venoit li cuens
Qui esteit proz & beals & boens,
Will., cil de Salesbére,
Qu'il s'entramoient com[e] frére. 15884
Issi alérent, ce me semble,
A La Kenape tuit ensemble
Qui gueres ne fu deffendue,
Qu'en es le pas lor fu rendue. 15888
Isi fut fet com ge vos di,
& l'endemain se departi
Li gienvles Mar. del pére.
H & li quens de Salesbére 15892
{209} Qui ren aceet bien se tindrent
O lor genz a Wincestre vindrent :
Le chastel de Wincestre assistrent
V[i]stement, que gueres n'i mistrent, 15896
Qu'il voldrent que lor uevre i pére ;
& o le Mar. le pére
Ala des hauz homes partie ;
Issi fu lor ost departie. 15900
Li péres, qui molt s'entremist,
A Ferneham vint, si l'asist [(7-12 mars)]
E li dui qui Wincestre assistrent
A La Hide lor ostels pristrent ; 15904
E [si] vos di por verité, [(f. 105 c)]
Que il assistrent la cité,
Le premier jor petit i firent,
Mès l'endemain il l'essallirent. 15908
Tant me. feit li escriz entendre
Que l'endemain, sanz plus atendre,
Enveia li péres por l'ost
Que dessi qu'a lui venist tost. 15912
Cil de l'ost contre lui alérent,
Mès a Aurfobest encontrérent
Messaiges, ço nos est a vis,
Disant que li chastels ert pris. 15916
Quant cil oïrent cest afaire
Tantost se mistrent el repaire ;
Si chevalcheient sagement
{210} E rengié & serréement, 15920
E distrent que bien se gardascent
Lor [gent] que folement n'alassent,
Que cil dedenz par aventure
Nes preïssent par sou[s]presture. 15924
Tant tost cum [li] chastelein virent
Que cil de l'ost d'els se partirent,
Sachiez que molt ço lor fu bel.
Lors eissirent de lor chastel 15928
En la vile, si la robérent
E ar[s]trent, car cor[o]cié érent,
Por ce que recetez aveient
Lor enemis & lor nuiseient. 15932
Ne porent pas tot lor afaire
En poi d'ore fornir e faire,
Kar l'ost si sodement revint
Q'onques as chastele[i]ns ne tint 15936
De fere ce que a lui quistrent.
Arriére en lor chastels se mistrent,
Mès itels fu li meseürs
Que la vile defors les murs 15940
As chasteleins plus consentirent,
Dont trop leidement se sentirent.
Li cuens de Salesbire assist [(f. 105 d)]
Le menor chastel, !, si le prist, 15944
E li plus gienvles Mar.
Herdiement, comm[e] vassals,
{211} Le greingnor des chastels asist.
Tant maniéres de gent i mist 15948
E tant d'ommes e nuit e jor
Que par puissance, par valor,
Uit jors tot pleins si les destreinst
Qu'onques ne s'i lacha ne feinst, 15952
C'onques lai[e]nz ne reposérent
N'onques descovrir ne s'osérent.
E itant vos [voil] je bien dire
Que quant li cuens de Salesbire 15956
Out pris l'un [des] chastels a force,
Vers l'autre se haste & esforce
Por entrer al gienvle Mar.
En aïe e en grant estât. 15960
E. sachiez que tant se penérent
Li dui buen ami qui la alérent,
E tant trestrent & tant lanciérent
Que si durement s'avanciérent 15964
Que li encloz qui dedenz érent
S'esmaiérent molt & dotérent.
Endementiers issi avint
Que li e[i]nznez Mar. vint 15968
O grant ost & o grant compaigne,
Que la riviére e la champaigne
-En fu pleine & la vile entor.
Lors virent bien cil de la tor 15972
{212} Quil n'i porent gueres durer
Car fort lor ert a endurer.
Puis que li péres fu venuz,
Tantost fu li conseilz tenuz, 15976
Ker bien virent e bien saveient
Que cil dedenz ne se porreient
Longement tenir ne defendre
K'a force nes covenist rendre. 15980
En lor conseil itant enpristrent [(f. 106)]
Que a l'einé Mar. distrent
Qu'il rema[n]ssist ilec al siege,
Kar cil érent m[i]elz pris qu'al piege. 15984
Al conseil que li pères done
S'en alérent baucone
Li gienvles Mar. mul[t] tost,
& menérent o els lor ost, 15988
Il [e] li cuens de Salesbire.
C'est nuls nez, en ço n'a que dire,
Kar n'i a me[n]chonge ne gile,
Tels fu) li gaaignz en la vile 15992
Que li povr[e] qui voldrent prendre
Ne al gaaign voldrent entendre
Furent tuit en richece mis
De l'aveir a lor enemis. 15996
E li Mar. & li cuens
De Salesbire a tot les suens
De lor besoingne s'entremistrent ;
{213} Tant firent que le chastel pristrent 16000
E mistrent conestable e mestre,
Puis s'en revin[dren]t a Wincestre.
Lors enveia li Mar.,
Buens chevaliers [frans e leials], 16004
Seignor Phelippe d'Aubigni
E plusors autres ovec lui
A Rov[e]cestre al chastel prendre ;
Nes i estut pas trop attendre : 16008
Tost orent prise Rov[e]cestre.
Si s'en revin[dren]t a Wincestre.
E quant ce fu fait, erraument,
Ne demora mie granment, 16012
E li gienvles Mar. vint
Al pére qui le siege tint ;
Si dist : « Sire, je di por veir
« Que en Merleberge aseeir 16016
« Devums [nos] plus to[s]t metre cure,
« Por ce que c'est nostre dreiture ;
« E s'il vos plais[ei]t ge irreie [(f. 106 b)]
« 0 mes genz, si l'asseigereie ; 16020
« S'i merreie de mes amis
« Qui lor aïe m'ont pramis.
« E vos, puis que il est isi,
« Si vos pleist, remanez ici. » 16024
Issi fu feit & compassé,
C'onques n'i out mot trespassé.
{214} Li escriz dit ce que je di.
Tot le premerein vendresdi 16028
Après Pasques, issi avint [(31 mars)]
Que li gienvles Mar. vint
A Merleberge, si l'asist,
E i fu tant que il la prist, 16032
Meis ce ne fu pas sanz granz peines.
El termine de set semeines
E. v. jors, ceo nos est a vis,
Revint mi[s] sire Loeïs ; 16036
En Engleterre -vint ariére
O sa gent qu'il out grant e fiére. [(22 avril)]
Dedenz cel terme se rendirent
Li chastelein qui pas n'oïrent 16040
Ne ne sorent point sa venue,
E il érent en male mue ;
Por ce se firent eissir fors,
Salves lor vies e lor cors. 16044
Li Mar. sout & oï,
Qui pointet ne s'en esjoï,
La revenue Loeïs.
Toz les chastels qu'il aveit pris 16048
Fist trebuchier isnelement,
Fors Ferneham tant solement.
Quant cil entendirent & sorent
Qi le chastel rendu lor orent 16052
La venue de Loeïs,
Si'n furent hontos & pensis.
{215} Quant Loeïs ot entendu
Que par force esteient rendu 16056
Li chastel qu'il quidout a suens, [(f. 106 c)]
Ne fu pas de tot a ses buens.
Od grant plenté de charreiers,
De servanz e d'arbalestiers, 16060
De pauteniers e de ribaus
Qui de la guère esteient bals,
E o grant ost de forte gent
S'en trespassérent cointement 16064
Par Ferneham sanz plus d'afère,
Qu'il n'i volt lors lancier ne traire,
Qu'il n'i volt demorer ne estre,
Ainz s'en vint tot dreit a Wincestre [(30 avril)] 16068
Dunt grant ennuis, el cuer li germe.
En poi de jors e en brief terme
Refist la tor & les murs hauz
Richement de p[i]ere e de chauz, 16072
E totes les trebucheüres
Des murs & les desquasseüres
Fist ratorner fortes e bêles,
Cum s'els fus[s]ent totes noveles. 16076
Quant il se parti del chastel,
Qu'il out fait fort e boen e bel,
Lessa le conte de Nevers
Qui ert orguilos & porvers 16080
O molt trés riche garnison,
{216} Mes pu[i]s fist mainte mesprison
Que l'en li torna a [grant] honte,
Mès n'en vuil or ci tenir conte. 16084
Quant de Wincestre departi [(4 mai)]
Sire Loeïs, si parti
Sa grant ost en deus granz parties ;
& quant il les ot departies, 16088
Vers Douvre ala isnelement
Por assee[i]r, & s'autre gent
Enveia dreit a un chastel
Que l'en apele Montsorel, 16092
Que li quens de Cestre out assis,
& de Ferers, ce m'est a vis,
L'out asis ovec lui li cuens ;
S'i out plusor[s] chevaliers buens. [(f. 106 d)] 16096
Quant i) oïrent la grant force
Qui de venir sor els s'esforce
Por els ledir e por els prendre,
Si nes osérent pas atendre, 16100
Qu'il quid[i]érent por la grant gent
Que Loeïs demeinement
I fust, por ce s'en departirent.
Gueires de merveilles ne firent. 16104
Vers Noting[a]ham s'en alérent.
Toz lor enginz qui ileoc érent
Leiss[i]érent ardeir & lor loges.
N'i retornassent por Limoges. 16108
E quant le chastel rescos orent
{217} Li Franceis, a l'einz que il porent
Vindrent a Nicole por veir,
Car il voleient [asseeir] 16112
Le chast[e]al & la mestre tor,
Molt i fesei[e]nt grant ator.
Quant li Mar. oï dire
Del siege, molt en out grant ire, 16116
Qui ert partiz de Monsorel,
N'a nul des autres [n'] en fu bel.
E quant il oï la parole
Que venu érent a Nicole 16120
De Franceis une grant partie,
E que Loeïs n'i ert mie,
Mult li ennuie e gri[e]ve & coste.
La sorve[il]le de Pentecoste [(13 mai)] 16124
[A] Norhantone o les Reals
Ert, & Dex qui toz les leals
Sostient e maintient e conseille
Lor conseilla un[e] merveille 16128
Dont grant biens & onor lor vint ;
Ore oez comme ceo avint.
Or oie qui oreiles a ;
De bien oïr s'entende ja ! 16132
Qu'en cez moz orreiz ja la somme
Com Dex conseillia [le] prodome
{218} Qui devant toz ert esleüz [(f. 107)]
E plus presiez & plus creuz 16136
« Oiez, frans chevaliers ieiatjs, »
Dist Willemes li Mar.,
« E qui al rei estes en fei.
« Por Dieu, or entendez a mei, 16140
« Kar molt i fait bien a entendre.
« Quant nos, por nostre pris defendre,
« E por nos & por nos amanz
« E por femes e por enfanz, 16144
« E por defendre nostre tere,
« E por trés aute enor conquere,
« E por la pa[i]s de sainte Glise
« Que cil ont enfrete e malmise, 16148
« E pour aveir redemptïon
« De toz noz pecch[i]ez & pardon,
« Sostenons des armes le fès,
« Gardez n'i ait ui nul malveis ! 16152
« Partie de nos enemis
« Si sunt dedenz Nichole mis ;
« S'i sunt entré, jel sai de veir
« Por nostre chastel asseeir, 16156
« Mès n'i. sunt mie tot ensemble.
« Sire Loeïs, ce me semble,
« Est en autre païs torné ;
« Cil c'o lui se sunt atorné 16160
« Se sunt enbatuz folement.
« Trop de nos deduirons molement
« Se nos ne pernons or venjance
{219} « De cels qui sunt venu de France 16164
« Por nostre gent deseriter,
« Dont il se quident eriter.
« Destruire nos vuelent de bot :
« Por Deu [s'i] metons tot a tot, 16168
« Kar, se nos avons la victorie,
« Bien devons aveir en memorie
« Qu'enor nos en sera creüe,
« & la franchise défendue 16172
« A nos e a nostre lignage [(f. 107 b)]
« Que en vuelent par lor outrage
« Tolir nos, mès bien la tendrons.
« Dex velt que nos nos defendons. 16176
« E quant lor ost est departie,
« Nos veintruns mielz l'une partie
« De lor genz que trestoz ensemble ;
« C'est dreiz & reson, ce me semble, 16180
« Dex le velt & raison le prueve.
« Dunt est dreiz que chascuns s'esmueve
« Son son poe[i]r a cest afaire,
« Car autrement nel pouons fere. 16184
« N'i a nul sol de nos ne veie
« Qu'il couvient délivrer la veie
« Devant al fer & a l'acier :
« Or n'i a mot del manacier, 16188
« Mes isnelement lor corons sore.
« Diex nos a doné tens & ore,
{220} « Soie merci, de nos vengier
« De cels qui por nos ledengier 16192
« Sunt ci venu & por mal faire ;
« Nus ne s'en deit ariér[e] traire :
« Bien venge son mal & sa honte
« Cil qui sun enemi, sormonte. » 16196
A cez diz pristrent esperment
E cuer & force & ardement,
K'aler avant rien ne lor coste.
Le mecresdi de Pentecoste [(17 mai)] 16200
Dessi qu'a Newerc chevalchiérent.
La nuit iloc se herberg[i]érent ;
Le juesdi après sejornérent ; [(18 mai)]
& li Normant qui en l'ost érent 16204
Dusqu'al gienvle Mar. vindrent,
A tel parole le [re] tindrent
Comme vos m'orrez après dire :
« En non Dieu, » font li, « beals dolz sire, 16208
« Vos fuistes nez en Normendie ;
« Si est bien dreiz que l'en vos die
« E qu'os sachiez que li Normant [(f. 107 c)]
« Deivent le[s] premiers cops avant 16212
« Aveir en che[s]cune bataille.
« Gardez qu'endreit vos ne defaille. »
E quant li cuens de Cestre oï
Ces moz, point ne s'en [es] joï, 16216
Ainz lor dit pleinement sanz faille,
{221} S'il n'a la premiére bataille,
Qu'il n'ireit avec els en l'ost,
Ne de lui n'avreient acost. 16220
Li Mar. e cil qu'i érent
La discorde point n'i amérent ;
S'otreiérent tuz ses talenz,
Salve la dreiture as Normanz. 16224
Quant agreanté fu l'affere,
Li legaz qui bien le dut faire
Les assoit en rémission
De lor pecch[i]ez & en pardon, 16228
De trestoz icels que il firent
Puis icele ure qu'il nasquirent,
Si qu'il en fussent quitement
Salvé al jor del jugement. 16232
Puis escumenïa les genz
De France qui érent dedenz.
Issi fu fet, bien le seit l'en.
Li legaz vers Notingaham 16236
Tint son drei[t] chemin & sa veie ;
L'ost vers Torkesie s'aveie ;
La nuit i jurent, tant vos di,
& l'endemain al samedi, [(20 mai)] 16240
Après messe les armes pristrent,
D'els acesmer mult s'entremistrent,
Quant bien e bel armé se furent
Lors atornérent comme il durent 16244
Lor batailles & conreérent,
{222} E lor esch[i]eles ordinérent.
Li cuens de Cestre eissi avant,
Proz chevaliers & bien savant, 16248
E li cuens Mar. après, [(f. 107 d)]
Il & si fiz tot près a près
Qui molt érent en grant espeir
D'avancier l'euvre a lor poeir. 16252
Si firent il : bien i parut
Car lor poe[i]r molt i valut,
E li boens cuens de Salesbére
Lequel Damlnedex e sa mére 16256
Face compaignon de sa glorie,
S'en eissi en la ti[e]rce estorie.
Li buens evesque de Vincestre
Qui d'une part ert de l'ost mestre 16260
Si conduist la quarte bataille
[…]
Unques point n'en fu enconbrez.
Quant tot li oz fu ennombrez, 16264
Ne furent il que quatre cent
&. v[j]. chevalier solement,
Ne d'arbalestiers entreset
Fors sol treis cenz e. xvij. 16268
Poi furent, mès bel se portérent,
Car buene gent & hardie érent.
E quant issi eissu s'en furent,
Al reingnie, si comme il durent, 16272
{223} Lor[e]s parla molt hautement
Li Mar. a cele gent,
Comme cil qui bien le sout feire,
Car mielz en saveit a chief traire. 16276
Si dist : « Ore escoutez, seignor,
« Vez ici hautece & enor.
« Vez ici, ce nos est a vis,
« La demorance del pais. 16280
« Ci poez conquerre, c'est veirs.
« Cil nos terres & nos ave[i]rs
« Sesissent & pernent a force,
« Honiz seit qui ci ne s'esforce 16284
« De metre i, ui cest jor, chalenge ;
« & Damlnedex conrei en prenge !
« Vez les bel ci en vostre main ; [(f. 108)]
« Itant vos prenc je bien em main 16288
« I[l] sunt nostre, comment qu'il aut,
« Se cuers & herdemenz n'i faut ;
« E se nos morons [en ceste uevre]
« Dex qui ses buens veit e descuevre 16292
« Nos metra en son paradis,
« De ce sui je certeins & fis,
« E se nos le[s] vencons, sanz fable,
« Nos avrons enor pardurable 16296
« Conquise a trestoz nos eages,
{224} « A nos & a toz nos lignages.
« Si vos dirrai un autre acontre
« Qui trop leidement les encontre, 16300
« Que il sunt escomenïé,
« D'itant sunt il plus entïé.
« Si vos [di] que mal chief prendront,
« Qui que en enfer descendrunt. 16304
« Vez ci cels qui guerre ont enprise
« Contre Dieu & vers seinte Glise.
« Itant vos prenc je bien en main,
« Dex le[s] nos a mis en [la] main ; 16308
« Haston nos, si lor coron sore,
« Car bien [en] est & tens & ore ! »
Quant parlé out li Mar.
Comme proz e comme leials 16312
E come sages chevaliers,
Lors bailla les arbalestiers
Al buen evesque de Wincestre [°]
Qui de bien mener ses fu mestre, 16316
Pieres qui molt sout de l'afere
E mul[t] se pena de bien faire.
Après lor dist que demaneis
Fust a la destre de François 16320
E si lor dist que tant feïssent
Que estenduement s'entendissent,
Si que quant li Franceis venissen[t]
Que lor chevals lor oceïssent. 16324
{225} E li Mar. demanda [(f. 108 b)]
Deus cenz serjanz & quemanda
Qu'en ocire meïssent peine
Des couverez lor chevals demeine, 16328
Si qu'en lieu de lices lor fussent
Al besoing se mestier eüssent.
Tuit cil qui le conte escoutérent
Joiosement se demenérent, 16332
E aussi envoisiement
Com se ço fust torneiement.
Lai[e]nz furent Franceis par nombre,
Que li nonbre ne m'en encombre, 16336
Sis cenz & unze chevaliers ;
S'i furent bien mil peoniers,
Estre Engleis qui o els esteient,
Qui encore a els se tenei[e]nt. 16340
De la vile eissirent eissi
Mis sires Simons de Peissi
E le conte del Perche o lui,
E cil de Vincestre autresi, 16344
Que l'ost des Reals sorveïssent
& verité lor en deïssent.
Cil alérent & tost revindrent ;
Lor sorveüe a itant tindrent 16348
Que bele gent i on[t] esmée :
Unques nule mielz acesmée
Ne m[i]elz enpernante de guerre
Ne vit mès uns en nule terre. 16352
{226} As noveles que cil lor distrent,
Franceis dedenz lor murs se mistrent,
E si distrent que bien saveient
Que li Real poeir n'avei[e]nt 16356
Qu'en la vile les assaillissent,
Quel semblant que il en feïssent,
E distrent qu'il s'en parterei[e]nt ;
Mes ja issi ne s'en irei[e]nt 16360
Li Real o correies ointes,
Qu'il n'eüssent autres acointes
Al departir, ce safrehoent, [(f. 108 c)]
& bien disoient & mostroent, 16364
Ce lor ert vis, dreite acheison
Coument e pur quele raison
Il avreient del lor assez,
Car lor chevals érent lassez 16368
Des granz fès & des granz tornées,
De l'arester, des retornées,
Qu'il lor couveneit nuit & jor
Que sor els fussent lor seignor. 16372
Li Franceis d'itant veir se distrent,
Mès totes vei[e]s s'entremistrent
Li Real d'aler bien e tost
Vers la vile e tote lor ost 16376
Herdiement, ne chaut qui[s] veie.
& li Mar., tote veie,
Les amoneste & lor sermone
{227} & herdement e cuer lor done ; 16380
Si lor a dit : « Seignor ami,
« Veiz ci cels qui sunt arrami
« De venir vers vos a bataille
« Ont ja depeciée lor caille, 16384
« E [de] denz lor murs se sunt mis ;
« C'est ce que Dex nos a pramis.
« Dex nos done [ui cest jor] grant glorie ;
« C'est ci la premiére victorie- 16388
« Que por nos [se] mu[c]bent Franceis,
« Cil qui. solei[e]nt estre anceis
« Li premier al torn[e]iement.
« Dex nos feit bel aveiement. 16392
« Mult nos haucent & mult s'abessent
« Cil qui les chans defors nos lessent.
« Nos seron entur la cité,
« Cest vos di je por verité. 16396
« Feson le bien car, Dex le volt.
« Qui c'onques prodom estre seult
« Si le soit ui en bone atente :
« Ja por un jor ne se repente. » 16400
Seignor, ci me covient plus dire, [(f. 108 d)]
Car cil qui me donent matire
Ne s'acordent pas tot a un,
Ne je ne puis pas a chascun 16404
Obeïr, car je me[s]fereie,
{228} Si'n perdreie ma dreite veie,
Si en fereie mains a creire,
Car en estorie qui est veire 16408
Ne doit nus par reison mentir,
Car ne fait pas a consentir
Mensonge en chose si seüe
Qui tant est loée & veüe, 16412
Mès tant vos dirrei a un mot,
Quant li Mar. vit & sout
Tote la chose & le por[t]reit,
Que cil s'érent arriére treit, 16416
Ainz que l'ost plus avant venist,
A Johan le Mar. dist,
Son nevo, qu'el chastel alast,
Si enqueïst e demandast 16420
L'estre dedenz & la maniére,
Puis si s'en revenist arriére.
E mis [sire] Johans si fist
Tost & bien, si com cil [li] dist : 16424
Tot dreit vers le chastel ala,
& issi conme il vint [de] la
A l'encontre li vint errant
Mis sires Genre[is] de Cerllant 16428
Qui d'une part en une estrée
Li demostra tote l'entrée
Par ou l'ost lai[e]nz avendreit,
Que ja nuls nel contretendreit. 16432
{229} Mis sire Johans vit molt bien
Que cil [ne li] menteit de rien
Qui l'entrée li enseignot.
Retorna s'en a l'einz qu'il pot, 16436
Car n'out talent de sejorner.
Si comme il s'en quida torner,
Li Franceis qui [en] aguet furent [(f. 109)]
Erraument sore li corrurent. 16440
Ne fist pas esbaïement,
Ainz encontra herdïement
Toz les premereins qui li vindrent,
Si qu'onques vers lui ne se tindrent, 16444
Par herdement e par proece
& par bien faire & par vistesse.
Meis retorna si tost ariére.
Qu[e] onques nuls d'els n'i eüst. 16448
Issi parti de cels de France
Sanz mesch[i]ef e sanz mesestance
Johans li Mar. por veir,
E bien lor fist aperceveir 16452
Qu'i[l] esteit venuz por els querre
E por chalengier lor sa terre.
Quant il les out mis en ta'veie,
Tot dreit vers son oncle s'aveie ; 16456
Si li conta tôt son afaire.
Sachiez qu'a l'oncle pot molt plere
E de l'uevre e de l'assemblée
{230} E des noveles de l'entrée. 16460
Issi le fist a cele feiz
Sire Johans, mès n'est pas dreiz
Que je die par ci me taille :
De ce qu'il fist en la bataille 16464
Sera parlé quant lius en iert,
Si com l'estorie le requiert.
E li avesques de Wincestre
Qui molt volt saveir de lor estre 16468
Ala vers les murs volentiers
A grant plenté d'arbalestiers ;
Puis lor dist qu'iloc l'atendissent,
O un poi iloc se soufrissent, 16472
Qu'it revendreithastivement.
O un servant tant solement
Dedenz le chastel s'en entra,
& en son entrer encontra 16476
De Sériant mon seignor Geiffrei [(f. 109 b)]
Qui out esté en grant esfrei ;
Les murs trebuchiez & quassez
Virent, si les pleinstrent asez. 16480
Li evesques vit les tormenz
Des murs, des meisons & des gens
Que les perriéres qui jetoent
Abatei[e]nt e trebuchoent. 16484
Alcuens de cels qui lai[e]nz érent
Le garnirent, si li rovérent,
Por Dieu, qu'il se traïst arriéres
{231} Por mangonels & por periéres 16488
Qui pecïeient tot entor,
E il s'en entra en la tor.
Iloec trova la boene dame,
Que Dex gard en cors e [en] ame, 16492
Qui dame del chastel esteit,
A son poeir le defendeit.
Bien s'en tint la dame avenue,
Molt se heta de sa venue, 16496
E il mol[t] [bien] la conforta
Des noveles qu'il aporta.
Poi i demora, ge vos di :
Par un postiz a pié eissi 16500
En la vile, car il voleit
Vee[i]r coument ele seeit.
E comme il esgardout issi,
Une vielle porte choisi 16504
Qui ert de grant antequité
& qui les murs de la cité
Joigneit ovec cels de[l] chastel.
Quant il la vit molt li fu bel, 16508
Mèselfuancïenement
Close de p[i]ere e de ciment,
Si que nuls entrer n'i puüst
Por nul bosoing qu'il en eüst. 16512
Quant li evesques out veue
Cele porte & aparceüe,
Por le chastel plus enforcier [(f. 109 c)]
{232} La fist abatre e trebuchier, 16516
E que l'ost veïst & seüst
Que seüre entrée i eüst,
Mès Deu tot avant en preia
E Damlnedex li otreia. 16520
Li avesques a l'ost revint
Qui a joie encontre lui vint,
E chantout chascuns en s'estorie
Cum il eus[s]ent ja victorie. 16524
Li evesques joiosement
Lor dist par giu e buenement,
Por ço qu'il out fait celé tresque,
Qu'il eüst la meisun l'evesque 16528
A lui gésir quant la vendreit,
Qu'il la deveit aveir par dreit.
« Por ço me deit estre livrée
« Qu'i ai aparaillé l'entrée 16532
« Par ou noz genz seürement
« 1 enterront proosement. »
E quant les genz Fauques oïrent
Itels moz, molt s'en esjoïrent : 16536
[Tres]tot avant dedenz entrérent,
Mès leidement les reüsérent
Cil dedenz, qu'il n'i firent gueres ;
Tost lor changiérentlor afeires. 16540
Li avesques al Mar.
Dist : « Par mon ch[i]ef ! cist ont fait mal,
« Car c'est la vérité provée
{233} « Qu'il n'ont pas unquore trovée 16544
« La dreite entrée ou mis cuers pense,
« Car ja n'i troveront defense ;
« Car sachiez que nuls ne la garde
« Ne nuls de nos n'i avra garde. 16548
« E sachiez bien, tot a seür,
« C'une partie de lur mur
« 1 est a nostre ués aoverte,
« E a cels de lai[e]nz coverte. 16552
« Je vos i merrai ; venez i. »
E li Mar. respondi, Q
Li boens cuens [qui] ot non WiHelmc
« Por la glavie Dieu ! cha mon helme ! » 16556
Li evesques respondi : « Sire,
« Oiez un poi que [vos] vuil dire :
« L'en ne deit mie en tel sorsalt
« Ci endreit faire tel assalt ; 16560
« « Mès soufrez que entor la tor
« Augent dui home tot entor
« De chascune de noz batailles
« Qui enquerront les repostailles, 16564
« E, selonc ce que il verront,
« Selonc ce nos conseilleront. »
Li Mar. bien li otreie.
Dis. Lors se mist avant a. la veie, 16568
E li evesque de Wincestre
Dis...........
{234} De chascune eschiele en prist deus,
Dessi qu'al liu vint ovec els. 16572
E quant les servanz encontr[ér]ent
Qui leidement parti s'en érent,
Molt les ledirent cil qui vindrent
Quant dedenz la presse les tindrent. 16576
Lors dist li Mar. : « Errez ! »
A toz les suens, « car les verrez,
« Qu'il seront vencu en poi d'ore.
« Honiz seit qui plus [i] demore ! » 16580
Li evesques li dist : « Bel sire,
« Oiez un poi que jo vuil dire.
« Atendez Ie[ie]ns vostre gent ;
« Si sera plus bel & plus gent 16584
« E greingnor seürté, ce semble,
« Que nos augons trestuit ensemble,
« Que s'[a] partient. ce m'est a vis :
« Si nos crei[n]dront nos enemis 16588
« Plus, quant ensemble nos ver[r]ont.
« Nostre venue comper[r]ont. »
D'icez paroles, c'est la veire, [(f. 110)]
Nel volt pas li Mar. creire. 16592
Mès plu[s] tost c'uns e[s]merillons
Feri [le] cheval d'esperonz,
Si que tot cil qui o lu[i] érent
S'enhardirent quant l'esgardérent. 16596
{235} Un vallèz li comence a dire :
« Por Deu ! atendez nos, beal sire ;
« Vos n'avez pas vostre hëalme. »
Lors s'aperchut li cuens Willalme ; 16600
Lors dist al giemble Mar. :
« Atendez mei a cest ostal
« Tant que j'aie mon helme pris,
« Mès d'itant dui aveir mespris. » [(f. 110 b)] 16604
Ne fist mie grant demorée ;
& quant il ot sa teste armée
Sor trestoz les autres fu bels,
Si trés legiers come uns oisels, 16608
Esperviers ne ale[rions].
Feri le cheval d'esperons.
Dès uimès velt que l'en le veie.
Lïons famillos sor sa preie, 16612
Quant soz sei la trueve a bandon,
Ne vient unques de tel randon
Cum li Mar., ce m'est vis,
Corut sore a ses anemis. 16616
Cil qui des proeces fist tantes
Plus que la longor de treis hantes
S'enbati en lor grant espeisse,
Si qu'a force les deespeisse 16620
{236} E derront avant sei la presse
Qui molt ert espresse & empresse
Bien sout fere avant lui la veie,
Que toz les desrote e de[s]veie. 16624
Li evesques après ala
Qui a haute voiz s'escrïa
Plusors feiz amont e aval :
« Ça ! Dex aïe al Mar. ! » ( 16628
Mes d'itant dui aveir mespris
Qu'el venir des noz fu ocis
[Li] lor plus mestre perreior,
Cil qui perreiot a la tor, 16632
Cil, quant il vit noz chevaliers,
Si em fu plus bauz & plus fiers,
Qu'il quida ce fuissent des suens.
Si li sembla li gius plus buens. 16636
Lors mist la pierre en la perriére
E cil qui li érent derriére,
Si comme il out dit deus feiz : « é ! »
Le firent faillir a l'autre « é, » 16640
Car il li coupérent la teste,
N'unques n'en firent autre feste.
Li genvles Mar. por veir
Fist bien a toz aparceveir 16644
Qu'il ne voleit pas estre ariére,
Car toz dis esteit sa baniére
{237} El premier front devant veüe ;
Bien i fu le jor eon[e]ùe. 16648
Nos genz vindrent molt durement,
E cil molt angosusement
Se coumenciérent a defendre,
Mès n'i voldrent pas trop atendre. 16652
N'i aveit mot del manescier.
Quant son hëalme fist lacier
Li Mar., por verité,
Entra sis filz en la cité 16656
Par la breque o plenté de[s] suens,
Dont il i ot asez de buens
E molt entor lui seü
La gent trova de la 16660
Qui plus esteient bels d'assez,
Car trop en i ot amassez
De cels qui en la cité érent
Plus que de cels qui i entrérent, 16664
Mès il lor corut tantost sore.
Si vos di [bien] en molt poi d'ore
Orent cels dedenz molt quassez, [(f. 110 c)]
Mès fait i out d'armes asés 16668
Entre tant d'ambedeus parties.
Ainz qu'il venist. as departies
En orent cil de la cité
Le pis parti, c'est verité, 16672
{238} Car je vos di que tote veie
Les mist cil par force a la veie
Qui esteit. gienvles Mar. ;
& li péres qui vit grant dals 16676
E li buens cuens de Salesbére,
A cui Damlnedex e sa mére
Otreit issi buen guer[re]don
Qu'il ait de ses pecch[i]ez pardon, 16680
Icist dui tornérent a destre
E si laissiérent a senestre
Un mostier & lor gent trovérent,
Dunt grant partie ileques érent 16684
En grant peor & en esmai,
Si que Rob. de Ropelai
Prist une lance por joster :
Que que il li d[e]ûst coster, 16688
Si durement feri le conte
De Salesbire, c'est al conte,
Que sa lance en pieces bruissa.
A itant utre s'en passa. 16692
Al retor, en son revenir,
Li Mar. de tel aïr
Entres espalles le feri
Si que par poi ne l'abati. 16696
Cil qui tot a le mescheeir
Se la[i]ssa a terre chaeir.
{239} Por la poor s'ala muchier,
A l'einz qu'il pout, en. un solier, 16700
Car il n'osa remeindre a terre.
Ne voldrent atendre a lui guere,
Mè[s] por teser avant passérent.
Le conte de Perche trovérent 16704
Asez près devant le mostier [(f. 110 d)]
Molt orguillos & molt trés fier.
Molt esteit bels & granz & genz
E molt out grant plenté de genz. 16708
Molt durement se defendirent,
Et li nostre molt entendirent
A els grever de grant puissance,
Car molt haeient cels de France. 16712
Ilec ot fet d'armes assez,
Ca[r] de bleciez e de quassez
E de folez e de batuz
E de pris e de retenuz 16716
I ot molt, c'est la verité,
Des trovez dedenz la cité,
E des nos genz lediz sovent,
Car nuls n'i quereit tensement 16720
N'amercïer ne metre en taille :
Tuit tendei[e]nt a la bataille.
Grant fu la mellée e l'estor,
E molt i fist d'armes le jor 16724
Li quens del Perche durement,
{240} Mès n'i dura pas longement,
E molt commença fierement
A grever tote nostre gent. 16728
Li Mar. vit que sa gent
Remuoent molt durement
Les Franceis del mont vers le val
E les reüsoent aval. 16732
En es le pas tendi la main
E prist le conte par le frein
Del Perche, & si sembla raison,
Por ço qu'il ert li plus hauz hom 16736
Qui i fust dever[s] les Franceis,
Mès il esteit navrez anceis
Par mi l'oilliére mortelment
D'un espié estreit leidement. 16740
Del quel mis sire Reinal Croc
L'aveit feru tot a estoc.
Quant li cuens del Perche a noz genz [(f. 111)]
Vit si reüser cels dedenz, 16744
Par lui fu tost laschiez sis freins
E a pris l'espée a deus mains
E fiert le Mar. Willielme
Treis cops près a près sor le helme : 16748
Si trés granz & si est[r]uit furent
Que sor le healme bien parurent.
Tantost si branla contreval
E trebucha de son cheval. 16752
{241} Quant li cuens Mar. por veir
Vit issi le conte chaeir,
Si cuida qu'il se fust pasmez,
E dota qu'il n'en fust blasmez. 16756
A Willeme de Montigni
Dist : « Descendez [e] ostez lui
« Son helme qui forment le grieve ;
« De li dot qu'il ne se relieve. » 16760
Quant [li] helmes lu[i] fu ostez,
E cil fu de lui es costez,
E vit qu'il esteit toz freiz morz,
La fu [molt] grant li desconforz. 16764
De la plaie qui lui fu fete
Par l'oiliére, quant en fu trete
L'alemele, morir l'estut :
Ce fu grant dous qu'issi morut. 16768
E quant Franceis, qui grant gent érent,
Virent que nos genz se meslérent
A els si vigorosement
Si s'esmaiérent durement, 16772
E qu'il n'i po[e]ient plus estre.
Aval une rue a senestre
S'en tornérent ver[s] Wikefort,
Ca[r] l'atendre lor ert [trop] fort. 16776
Bel lor fu car il i trovérent
De lor genz qui encore [i] érent.
Molt lor en fu bel, ce me semble.
{242} Lors se ralïérent ensemble 16780
Por venir encore assembler, [(f. 111 b)]
Mès m[i]elz les en venist ensenbler
Come tels i ot firent puis.
Si comme en l'estorie le truis, 16784
Car il regardérent sor destre,
Si virent le conte de Cestre
E sa bone gent ovec lui ;
Molt lor torna en grant ennui. 16788
Li gienbles Mar. al përe
Vint qui molt li fist. bele hére
E molt durement s'esjoï
De ce que il vit e oï 16792
Que si durement le feseit
En l'estor qui molt [li] pleseit.
Li pére dist : « Avés nul mal ? »
Il respondi : « Sir[e], nenal. » 16796
E li prodom respondi : « Certes,
« Si Dieu pleist, nos avrons nos pertes
« Alques restoré[e]s encui.
« Si comme g'entent & je cui 16800
« Nos Ie[. s] veintromes ui cest jor
« Ou il nos guerperont l'estor.
« Si ert veû apertement
« Qu'il uevrent li Franceis. 16804
« Ore penst chascuns de bien faire
« Car nos nés volons mie atrère. »
{243} A itant vi[n]drent li Franceis
E ensemble o els li Engleis, 16808
Icil qui o els se teneient.
Serré & bataillié estei[e]nt
E veneient [en] contremont
Mès anceis qu'il fussent amont 16812
Encontrérent il nostre gent.
Ne lor sembla pas bel ne gent,
Qu'il vindrent sagement & bel
Entre l'eglise e le chastel. 16816
Nostre gent a els assemblérent
Si durement qu'il les menérent
Par force contreval arriére, [(f. 111 c)]
Sanz quer[r]e chemin ne chariére. 16820
Sire Aleins Basset & sis fréres
Sire Thomas, o lor vois cléres,
Les escr) [ér] ent par deriére
A tot lor gent herdie & f[i]ére. 16824
Quant enclos se virent issi,
Lors furent alques esbahi,
Qu'il n'orent arrest ne confort
Dessi qu'al pont de Wikefort ; 16828
Lors furent en la mole terre.
La ne covint pas aler quer[r]e
Chevalerie gueres loingz,
Car chascuns en out pleins les poins 16832
Qui d'armes [se] volt entremetre ;
Qu'il n'i avei[e]nt gaige a metre
{244} Ne mès les testes & les vies.
La n'érent proz les aaties 16836
Que l'en fet al seir a t'ostet
Asez aveient a feire el.
Ilec ot fet d'armes assez
D'amedeus pars, tant que lassez 16840
S'en sentirent tot li plus fort,
Car ilec n'aveit nul confort
Ou il se peüssent atendre
Fors de cops doner & de prendre, 16844
Tel parole de bien fait d'armes [(f. 111 d)]
Que, s'il teneit par les enarmes
Un escu en itel afaire,
Certes, qu'il n'en savreit que faire ; 16848
E s'il esteit de tot armez
Il quidereit estre charmez,
Si que jamès ne se meüst
Por nul besoing qu'il en eüst. 16852
Qu'est fere d'armes ? fet en l'an
Si comme d'un crible ou d'un van
Ou d'une coingnie ou d'un mail ?
Nenil, c'est trop greignor travail, 16856
{245} Car cil qui'n uevre se repose
Quant il [a] ovré une pose.
Que est donques chevalerie ?
Si forte chose & si herdie 16860
E si trés costos' a aprendre
Que nuls malveis ne l'ose enprendre.
Est chescuns chevaliers autels ?
Nenil : si en i a de tels 16864
Assez'qui d'armes nen font rien
E si'n richeient il molt bien.
Qui en haute enor se velt metre
Primes li covient entremetre 16868
Qu'il en ait esté a escole.
En la bataille de Nichole,
Ot de tels qui'n orent apris
Tant qu'il estei[e]nt de haut pris. 16872
Bien sachiez qu'en cele assemblée
Ne fu mie proesse emblée
Car la veïst l'en chevaliers
Armez seeir sor les destriers, 16876
Les escuz as enarmes pris.
Qui avei[t] buen cheval de pris
E teneit en sa main boen glaive
Nel chanjast por tot l'or de Blaive, 16880
Ne nel prestat cel bosoingn : [(f. 112)]
Trop li fust li recovrers loing.
{246} La veïst l'en granz coups ferir,
H[e]aumes soner & retentir 16884
E gleives voler en esteles,
Chevaliers prendre & vuidier seles.
La oïst [l'en] parmi les places
Granz cops d'espées e de maches 16888
Sor les helmes & sor les braz
& coutels treire e talevaz
Por chevals ocire a estoc :
N'i valeit coverture un froc. 16892
La veïst l'en tendre les mains
De plusors parz por prendre as freinz. [`]
Li un poignei[e]nt por secor[r]e
Lor compaignons & por re[s]cor[r]e 16896
Qu'il veeient venir a honte,
Mès del rescorre n'ert nul conte.
La esteit la nois[e] si grant
Que l'en n'i oïst Deu tonant, 16900
Por nule rien, se il tonast,
Ne nuls garde ne s'en donast.
Quant l'en crïout : « Reials ! Reials ! »
Lors veïst l'en les desleals 16904
Si trespensez & alordiz
& enbro[n]chiez & estordiz
Que il ne savei[e]nt que feire,
N'il n'i aveit mot del retreire. 16908
{247} Li Real se pristrent a prendre ;
Ça n'i aveit mot [del] defendre,
Car bien virent & bien saveient
Que tot a tot perdu avei[e]nt. 16912
Ne voleit pas estre deriére
Willeme, qui tint la baniére,
Bloet, al gienvele Mar.,
Ainz hurta si tost le cheval 16916
Que il s'enbati en la presse
Qui molt ert espresse & engresse
Si angoiss[é]ement de front [(f. 112 b)]
Que il chat outre le pont, 16920
Il e son cheval tot ensemble.
N'est pas mauveis qui si asemble.
Il n'i vint pas por sei gesir :
Qui lors le veïst sus saillir 16924
Torner le deüst a vistesce
& a valor & a proesce.
Hoc fu li chaples tenuz
Mès ne fu gueres meintenuz 16928
Devers la partie as Franceis
Qui tant se vantoent anceis
Qu'il chacereient de la terre
Trestoz les Engleis d'Engleterre. 16932
La fu pris Sechiers de Quenci
Cuens de Wincestre, & autresi
Sire Robert le filz Gaut[i]er.
S'i fu pris sanz nul demorier 16936
{248} Mis sire Robert de Quenci,
& plosors autres autresi
Furent pris dont point ne m'ennuie,
E li sorplus torna en fuie 16940
Tote la rue contreval
Qui s'en veit dreit al Hospital.
Molt lor sembla la veie forte
Dusqu'a la dererene porte. 16944
La lor avint une aventure
Qui mult lor fu pesante & dure,
C'une vache entra en la porte,
En cele qui le fleel porte, 16948
E la port[e] se clost aval
Issi que nuls homme a cheval
N'i passast en nule maniére.
Lors ne porent avant n'arriére. 16952
Mès cil qui angoissos en érent
De issir s'en la vache acorérent.
La fu plus fors li enconbriers,
La out molt pris de chevaliers 16956
Des lor, cum se ce fust livrée. [(f. 112 c)]
Quant la porte fu debru[i]sée
Tant tos[t] fuant [fors] s'en issi
Mis sires Simons de Peissi, 16960
E puis li chasteleins de Arraz,
Cil qui vint por chacier les raz
As dames qui a Londres vindrent
Por els rendre e a els se tindrent. 16964
Tuit li autre qui eschapérent
{249} Ne nuit ne jor n'i sejornérent
Ne en vile ne en meison,
Qu'il cuid[i]érent que li buisson 16968
Partot, e es monz e es vals,
Fussent tuit plein de Mar. ;
Si en orent poor trop grande.
Bien parut al pont [de] Hollande 16972
Qui esteit depeciez e falz,
Car il ocistrent lor chevals
Por faire pont de trespasser,
Si grant haste orent de passer. 16976
Quant sire Ricard de Sanfort
Vit le mesch[i]ef si grant & fort
Que tuit li Franceis s'enfuei[e]nt
Cil qui eschaper s'en poeient, 16980
E qu'il n'i aveit nul refui,
Lors prist sa feme devant lui
Por porter l'en, se il peüst,
Tant que sauveté i eüst. 16984
E uns chevaliers li escrie :
« La[i]ssiez la, n'en porterez mie. »
E quant sire Rie. l'oï,
Unques point ne s'en esjoï, 16988
Ainz la mist jus tot belement ;
Si retorna molt f[i]erement
Envers celui qui le seina,
E de son gla[i]ve li dona 16992
Haut en la peitrine por veir,
{250} C'a la terre l'estut chaeir ;
Puis remonta, c'est verité, [(f. 112 d)]
E mist sa feme a sauveté. 16996
Li buens evesque de Wincestre
Pierres de[s] Roches, qui fu mestre
Cel jor de conseillier nos genz,
Ne fu pas perechos ne lenz. 17000
E d'armes aidier se saveit.
O la bone gent qu'il aveit
Chaça, & en la chace prist
Chevaliers, & trop bien le fist, 17004
E sa gent molt i gaaigniére[n]t
Qui al gaaign s'apareilliérent.
Nus chevaliers qui volt entendre
A gaaign n'a chevalier[s] prendre 17008
Ne pot mie faillir le jor ;
Mès sor trestoz cels de la tor
Fu li gaaingz greindres contez
A celui qui tant a bontez, 17012
Qu'il est franz & proz & leals,
Sire Johan li Mareschals.
Set barons, hauz homes puissanz
Qui érent baniéres portanz, 17016
Prist mis sire Johans, sanz faille,
Ainz qu'il eissist de la bataille ;
E aucuns i out pris de cels
Chevaliers qui érent o els. 17020
Altre feiz vos ai je conté,
{251} Qu'onques n'i ot nul mesconté,
Des chevaliers qui o le rei
Se teneient en bone fei 17024
N'i out que quatre cenz & sis ;
De l'autre part, ce m'est a vis
Out. vj. cenz & unze par brief,
Mès sor els torna le mesch[i]ef : 17028
Mès ce fu dreiz ; issi avient
A gent qui contre Deu se tient.
Quant li Mar. e sa gent
Orent vencuz outréement 17032
E desconfiz lor enemis, [(f. 113)]
E orent retenu & pris
Des plus hauz homes qui [i] érent,
En la vile s'en retornérent 17036
Cil qui al rei érent feeil
Por saveir par coumun conseil
Que lor essereit mielz a faire
De lor venue, de lor afeire ; 17040
Mès tot cil qui al conseil érent
A divers entenz s'acordérent.
Li un divisoient por veir
A aler Londres assee[i]r, 17044
Cels qui lor ér[en]t enemis ;
& li autre, ce m'est a vis,
Distrent qu'a Loeïs ireient.
& del siege le partirei[e]nt 17048
{252} De Dovre qu'il quidout aveir ;
Mès entre quid[i]er e saveir
Ne sunt pas lié d'une corde ;
Por quei ? Car Dex ne s'i acorde. 17052
Li Mar. qui plus saveit
De guerre & plus veü aveit
Lor conseilla que lor prisons
Enmenassent en lor prisons 17056
E les tenissent & gardassent
Salvement tant qu'il s'aseürassent.
E quant il ot [tot] assomé,
Si lor mist terme a jor nomé 17060
Que a Certesie venissent [(juin)]
E nule essoine n'i meïssent.
Al légat manda qu'il venist
A cel jor, que riens nel tenist 17064
Qu'il ne ve[n]ist al conseil prendre
De[l] reigne garder e defendre
E a porveeir lor afaire
Comme il le porreient m[i]elz fère. 17068
Pleins fu de mautalent & d'ire
Loeïs, quant il oï dire
Que desconfite esteit sa gent [(f. 113 b)]
A Nichole si malement 17072
E que tant en i ot de pris ;
E del conte qui ert ocis
{253} Mal li sembla le giu parti.
De son siege se departi ; 17076
A Londres vint a l'einz qu'il pout,
Car molt se cremeit & dotot
Que Reals ne la soupreïssent,
Ou qu'a force ne la preïssent 17080
, Ou qu'il se venissent conbatre
A lui se venissent combatre.
Por ce qu'il fu en tel dotance
Enveia por secors en France. 17084
Quant Phelippes li reis de France
Out entendu la mesestance
Qui a sa gent ert avenue
Qui desconfite ert e vencue 17088
A Nichole, molt l'en pesa.
Ore oiez come il en parla :
« Est morz li reis Johans ? » dist il.
Li messaige distrent : « Oïl ; 17092
« S'est ja sis filz reis coronez ;
« Si s'est del tot a lui donez
« Li Mar. a lui defendre.
Donques n'en poens no[s] r[i]en prendre 17096
« En Engleterre, c'est la some,
« Car par le grant sens de[l] prodome
« Sera la terre deffendue.
« Issi l'a Loeïs perdue. 17100
« Isi le vos di & pramet,
« Quant li prodom s'en entremet,
{254} « Nos avons tot cochevilé,
« Ne [ne] poet estre mielz gilé 17104
« Loeïs qu'en ceste maniére.
« Il serra [tost] tot mis arriére
« Fors de la terre & ses empris
« Quant li Mar. l'a empris. » 17108
Itant dist, puis se travilla [(f. 113 c)]
Tant que grant gent apareilla
A son filz envei[e]r secor[r]e
Qui bien le peüssent rescor[r]e 17112
E a[i]dier le reigne a conquerre,
S'il peüs[s]ent venir a terre,
Si comme il érent esmeü,
Mès Dex ne l'ot pas porveü. 17116
Sa feme, ce fu veritez,
Ala par totes les citez
De France por secors aveir
De plenté de gent & d'aveir. 17120
Si viguerosement le fist
Que tant en [a] sembla e quist
Que s'armé a Londres venissent,
Que tot le reigne conqueïssent. 17124
Quant li Mar. oï dire
Que si grant gent & tel empire
Deveit venir en Engleterre
Sor lui por le reigne conquerre, 17128
Molt [fu] dolenz estrangement
& molt pensa perfundement
{255} En quel guise il porreit enprendre
Al reigne garder & defendre, 17132
Car li reis ert gienv[r]es por veir,
E si n'aveit nei[e]nt d'aveir,
E li plus des barons empris
Érent a seignor Loeïs, 17136
E si venei[e]nt sanz dotance
Des plus esliz barons de France,
Riches, o grant plenté d'aveir,
Tuit garni de la terre aveir ; 17140
E s'en volez oïr les nons
D'alcuns de cez plus hauz barons
Qui de France par mer s'esmurent
Por venjir, mès deceü furent, 17144
Des plus hauz les nonz apris ai :
Sire Robert de Cortenai,
Sire Rad. de la Tornele [(f. 113 d)]
A cui meinte aventure bele 17148
Ert en son tens d'armes venue,
Mès ci out il descovenue ;
E cil des Barres ensement
Qui [fu] de buen contenement 17152
E de haute chevalerie
Refu en cele companie ;
S'i fu Eüstace li moines,
Cil qui unques ne quist essoines 17156
A faire mal de son poeir,
E li fist Dex aparceveir,
{256} Plus mal engingnos ne puet estre,
De ceste flote se fist mestre ; 17160
Mès a cel jor avint sa feste,
Car il i ot coupé la teste.
Assez i ot d'autres hauz homes
Dont toz les nons pas ne savonmes, 17164
Car nos nes avom pas apris
Ne mès de cels qui furent pris.
Mès por ço ne s'atarja mie
Li Mar., que que nus die, 17168
D'aler vers la mer vistement [(août)]
O itant come il ot de gent.
Mariniers manda des. v. porz
E autres qui o grant esforz 17172
I vindrent, si cum Dex le volt ;
Bien i parut que il li plout.
E li Mar. tant lor dist,
Tant lor dona, tant lor pramist 17176
E franchices & grant aveir,
Cum cil qui ert pleins de saveir,
Que volentiers & bonement
Empristrent cuer e herdement 17180
D'aler as Franceis a l'encontre.
Si lor firent si bel encontre
Cum vos orrez en la matire
Que nos avons emprise a dire. 17184
Li marinier molt se fiérent [(f. 114)]
En sa parole [e] molt l'amérent ;
Tost se treistrent dreit a Sanwiz ;
{257} Si nel firent mie [a] enviz ; 17188
Nez tendirent e adreciérent
& lor funeaus apareilliérent ;
Bien atornérent en toz senz
Cordes, witages & hobens, 17192
Buens ancres & chaables forz
Pur arester devant les porz,
Se mestier fust [d'] a els combatre
Por l'orguil des Franceis abatre. 17196
Li Mar. molt durement
Se hasta & tote sa gent
De venir par tens al rivage,
Car molt par aveit en corage 17200
Des Franceis avant encontrer,
Mès l'en ne l'i lessa entrer :
A lor poeir li destornérent
Tote sa gent qui o lui érent 17204
E li mostrérent l'achaison
Por quei & par quele raison
Il couveneit qu'il rema[n]sist,
Car se aventure avenist 17208
Qu'il fust lai[e]nz ou morz ou pris,
Qui defendreit puis le païs ?
Li Mar. ne se feinst point
De l'afeire metre en buen point, 17212
Ainz s'en pena al plus qu'il pot.
{258} Tant fist que vint & deus nés ot
Devers sei, que granz. que petites,
Fortes & buen[e]s & eslites 17216
E garnies molt richement
& d'armes e de bone gent,
E ot pramis as mariniers
Qu'i[l] lor estorreit volentiers 17220
Lor nés que perdues avei[e]nt :
De celes qu'il recovrereient
Lor estorreit tot lor afeire ; [(f. 114 b)]
Or se penassent de bien faire. 17224
E cil molt bien li otreiérent
& jurérent & affiérent
Que ja rien n'i avreit mespris
Qu'il ne fussent ainz mort ou pris ; 17228
Mès molt se pleinstrent des mesfèz
Que li reis Johans lor out fèz
E des pertes e del damage,
Que il les ot mis en servage. 17232
Isi distrent li marin[i]er.
& quant il vint a l'aprismier
La grant estorie des Franceis,
Si comme il porvirent anceis, 17236
Por assembler encontre alérent ;
Mès durement les redotérent,
{259} Car sanz chevetaigne se virent.
Si trés durement s'esperdirent 17240
Qu'il lessiérent, por vérité,
Lor nés o lor sigle levé,
Que dedenz lor batels esturent,
Qu'esbahi & sanz honte furent. 17244
Mès li Mar. tote veie
Les remist en la dreite veie,
Quis enprist a amonester
De bien faire & a conforter ; 17248
E ne s[e] feinssissent nïent,
Qu'il avreient de bone gent,
Buens chevaliers & boens servanz
Proz e herdiz & empernanz. 17252
E il meïmes, c'est la pure,
Preïst volentiers l'aventure,
O els, tel corn Dex li donast,
Se se buene gent li lessast, 17256
Car il saveit bien sanz dotance
Que se cele estoire de France
Poe[i]t estre a terre venue
Qu'Engleterre serreit perdue, 17260
Si i eüst trop malveis giu. [(f. 114 c)]
A feste seint Bertholemiu
Qui est en l'eissue d'aost [(24 août)]
{260} Vint li Mar. a grant ost 17264
E o bone gent a Sanwiz ;
S'i ot les chevaliers son filz
Qui buene gent aveit o'sei
S'i fu Ric. le filz le rei, 17268
E li cuens de Garene ausi ;
S'i fu Phelippes d'Aubeigni ;
S[i] i out bachelers bien proz
Que jo ne sai pas nomer toz. 17272
La nuit, comme ge oï dire,
Vindrent molt près de Cantorbire,
Mès molt petit[et] i dormirent,
Car tantost comme le jor virent, 17276
Furent tuit prest, & molt matin
Se mistrent trestut al chemin.
A grant espleit lor chemin tindrent,
Tant firent que a Sanwiz vindrent. 17280
Molt orent le jor bel e cler,
Que l'en pot loinz veeir en mer.
Li venz ert plesanz & soés ;
Lor perçurent nos gens lor nés 17284
E lor estorie qui veneit.
Si serréement se teneit
E arrengiée, n'i ot el,
Fors comme en bataille campel. 17288
Devant veneit, sanz nul' essonie,
La néf Eüstace le moine
Qui guions lor esteit & mestre.
{261} Mès le jor i morut sanz prestre. 17292
Il avoient, c'en est la voire,
Bien treis cenz nez en lor estorie.