{1} Quant li quens Johan, sans dotance,
Sout del frére la délivrance
E que se[i]ns e haitiez esteit ;
E qu'en la terre s'en veneit, 10156
Ne l'osa ne ne volt atendre.
Autre conseil li estut prendre.
Les chasteals qu'il aveit garni
N'en volt nul laissier desgarni, 10160
Quer des perdre esteit en dotance, [(f. 67 d)]
Puis s'en ala al rei de France.
Li reis de France le retint,
Mès nul couvenant ne li tint, 10164
Que il ne pout ne ne volt faire,
E petit preisa son afaire.
Ne li volt aidier ne valeir,
Einz torna tot en nonchaleir 10168
Son afaire ; sil tint por fol,
Del tot li estendi le col.
{2} De lui ne voil or ci plus dire,
Einz revendrai a ma matyre 10172
Qui est molt meillor a oïr ;
Si s'en deit [om] plus esjoïr,
Quer de ce qui a riens ne monte
Ne deit l'om pas tenir lonc conte. 10176
De Me[r]leberge mut li reis
O grant ost e o grant herneis,
E chevaucha, bien le set l'an,
Dreitement a Nothingaham [(25 mars)] 10180
Que Nosreis avei[e]nt asis.
N'i aveient pas gramment sis
Quant il oïrent la novele
Del rei qui molt lor sembla bele. 10184
A joie alérent a l'encontre
Del rei, [e] quant il les encontre
Par uns a uns trestoz les bese.
Molt sunt por sa venue a ese. 10188
Li reis, qui plus n'i volt atendre,
Commanda son ostel a prendre
En la plus prochaine meison
Del chastel, quer ce fu raison ; 10192
Por quei ? donkes plus s'en dotérent
Cil qui dedenz le chastel érent.
Tant tost com li reis out mangié
Ne volt pas que li asegié 10196
{3} Fussent en repos longement :
Un gazigan tant solement
Vesti, quer molt l'aveit en us, [(f. 68)]
E un chapel de fer sanz plus 10200
En sa teste, e fist prendre targes
Fortes e espesses e larges,
Maint porteor devant lui porte
Tant qu[e] il vint devant la porte. 10204
Quant li rei[s] vint la si s'armérent
A qui a[i]nz ainz tuit cil qui érent
O le rei e qui plus l'ameient
E son es[s]ausement voleient. 10208
Herdiement avant se mistrent
Tant qu'il [te] premier bailë pristrent.
Li reis e si baron entrérent
Dedenz le baile e aportérent 10212
Targes dunt molt bien se couvrirent,
C'arbalestiers mal ne lor firent.
Devers le rei pristrent a treire
Arbalestier, e a bien. faire 10216
A lor poeir, e s'entremistrent
Tant que la barbakane pristrent.
Si [i] out d'armes fait asez ;
Ke de bleciez e de quassez 10220
I out molt de cels del chastel,
Dunt a cels defors fu molt bel.
A cel asaut molt bien le firent,
Mais por la nuit se [de] partirent. 10224
{4} E quant. li asauz departi
E tuit s'en furent departi,
Par nuit cil dedenz alumérent
La porte e a[r]strent e bruslérent 10228
La barbakane de[e]sreine.
Por nai[e]nt i gastérent peine.
Al matin li reis l'oï dire
E si s'en coumença a rire, 10232
E dist cr Si comme ge senec
« A nostre ués a ci bon senec. »
Lendemain alérent nos genz
Defors parler a cels dedenz, 10236
E distrent k'a fols les teneient
Ki le chastel contreteneient
Encontre le rei d'Engletere [(f. 68 b)]
Qui sires esteit de la terre. 10240
Lors respondirent cil dedenz
Estros[s]éement a nos gens
Que il les servei[e]nt d'arveire,
Quer il ne po[e]i[e]nt pas creire 10244
Que li reis fust pas delivrez
Ne k'el païs fust arivez.
Après si demandérent tuit
Qu'il peüssent par sauf condu[i]t 10248
Venir en l'ost por lui v[e]eir.
Cil le firent al rei saveir,
E li rei n'i contredist rien,
{5} Einz dist k'il le graantout bien. 10252
Lors tramistrent un chivalier,
De Grendone seignor Fouchier,
E Henri Rossel ove lui.
Devant le rei vindrent andui ; 10256
Ambedui devant le rei furent,
Bien l'esgardérent e kenurent
Al contenement e al vis.
« Sui ge ce ? que vos est a vis ? » 10260
Dist li reis. Cil distrent : « Oïl.
Ater vos en poez, » dist il,
« Ariére quitement : c'est dreiz ;
« Faites defmielz ke vos porrez. » 10264
Congié pristrent, si s'en alérent
& si distrent ce k'il trouvérent.
De lor ouvre pristrent conrei
Itel k'en la merci le rei 10268
Si rendirent ; si. furent sage ;
Molt en descrurent lor damage.
Saisis fu li reis del chastel ; [(27 mars)]
A toz les suens en fu molt bel. 10272
Quant venu furent li prison
Si ourent molt meillor prison
Que il meïsme ne quidérent,
Qu'en dotance de membres érent. 10276
Mais d'itant ne deit doter nus [(f. 68 c)]
Quant prusdom est plus el desus,
De cruelté e de mal faire
Tant s'en deit il plus beal retraire ; 10280
{6} E itant vos di, c'est la some,
Que le desus del malveis home
Torne a cruelté & a hunte.
Ne voil or ci plus tenir conte, 10284
Meis li reis fu si amïables
E si doz e si pïetables
Que sanz regroz & san[z] tençon
Les mist a dreite raançon. 10288
Ne faz ci plus longe ademesse,
Meis l'endemain, après la messe,
Esteit en la sale li reis,
E furent entor lui al deis 10292
Si baron & totes ses genz ;
Molt aveit grant pouple laienz ;
Lors vint avant li chanciliers
Qui molt esteit beauz e parliers. 10296
Oiant toz areisna esi
Mon seignor Walt. de Laci,
E dist : « Li reis velt e kemande
« Que de vostre terre d'Irlande 10300
« Li faciez orendreit homage.
« Feites li ; si ferez que sage. »
E mis sire Galt. le fist,
C'onques de riens ne l'en desdist. 10304
E li chanceliers dist al rei :
« Beal sire, ore atendez a mei.
« Veiz ci le Mar. eci ;
« Dites lui qu'il face autresi 10308
{7} « Comme sire Galt. a fait.
Ce ne tien ge mie a sorfait, »
Dist li reis ; « feites le isi. »
E li Mar. respondi : 10312
« Non ferai ; isi m'aït Dex !
« Ja ne serrai [ge] si cruelx
« Que felonie en mai apére. [(f. 68 d)]
« G'en fis humage a vostre frére 10316
« De cele que ge tienc de lui.
« Ne dot loseng[i]er ne nului. »
Li reis dist : « Si ge seie sauls,
« Molt a bien dit li Mar. » 10320
Tuit li baron qui la[ie]nz érent
L'en sourent gré ; si l'en loérent
E si distrent a la parsome
Que molt a grant chose en prodome. 10324
E li chanciliers en sorgringne,
E dist après : « Ci plantez vingne. »
Li Mar. dist sanz engin :
« Or ja plantez vingne ou gardin, 10328
« S'os volez, sire chanceliers,
« Quer ja n'en serrai losengiers.
« Itant vos di, c'en est la sume,
« Qu'il n'a en est siecle nul home, 10332
« Se il voleit Hirlande aveir,
« Que ge n'alasse a mon poeir
« A celui cui home g'en sui.
« Ne vos en losengerai ui. 10336
{8} « Veiz ci nostre seingnor le rei
« Que j'ai servi en bone fei
« Decetequegedetuitien,
« Si que ge n'en dot nule rien. » 10340
D'iloc s'en ala a Vincestre
Li reis ou coronez volt estre
Por faire son ator[n]ement
A faire son coronement, [(17 avril)] 10344
Quer corone voleit porter
Por son pople reconforter
Qui en disconfort e en ire
Out esté, ce puet l'on bien dire. 10348
Puis aparila son navie
Por passer tost en Normendie,
Que plus [n'] i out regnes tenues.
En mer entra a Portesmues ; [(12 mai)] 10352
Si ariva par un matin [(f. 69)]
A Barbefleu en Costentin.
Pa[r] Baioes a Caën vint ;
Molt se hasta, k'al cuer le tint 10356
De Vernoil qui esteit asis,
Quer trop longement i out sis
Sis enemis li reis de France
Qui trop alout a sa nuisance, 10360
Qui maint mal li out porchac[i]é,
Mès ne l'out pas si eschacié
Que puis ne li venist encontre,
E puis li fist maint riche encontre. 10364
A Lisieues, bien le savon,
{9} Manga chiés Johan d'Alançon,
E vint e herberja la nuit.
N'est ore qu'il ne lui enuit, 10368
Quer molt se dotout de Vernoil.
Ainz ne dormi de cuer ne d'oil
A seür, puis ke de veir sout
Que li reis de France asis l'out. 10372
Un poi reposer se voleit
Après mangier, comme il soleit,
Mais trop out en son cuer tençon.
Estes vos Johan d'Alençon 10376
O morne chiére & toz plorous
E trespensez e angoissous ;
Mès li reis li dist esramment,
Si ne demora pas granment : 10380
« Johan, por quei fais tu tel hére ?
« Tu as veü Johan mon frére ;
Ii N'en mentir pas. Por nient se dote :
« Vi[e]nge avant ! n'ait il de mai dote. 10384
« Mis frères est en bone fei ;
« Ja mar avra dote de mei.
« Se il a sa folie faite,
« Ja par. mei ne li ert retraite ; 10388
« Mais cil qui ce ont porchacié
« Unt trové ce k'il unt chacié,
« E li surplus l'avra encore ; [(f. 69 b)]
« Mais n'en parlerei plus a ore. » 10392
{10} Poroec ala isnelement
Johan e molt jo[i]usement,
E dist : « Hardiement venez,
« K'a bon point estes asenez. 10396
« Li reis est simples e pitos
« E plus deboinere vers vos
« Qu'os ne volïez vers lu[i] estre.
« Mal vos unt loé vostre mestre ; 10400
« Si est dreiz que son lor deserte
« Seit torné[e] sor els la perte.
« Venez en Ii reis vos atent. »
E cil moût peorosement, 10404
Vint al rei ; as piez li chaï ;
Unques point ne l'en meschaï :
Li reis l'en leva par la main,
Si besa son frére germain, 10408
E dist : « Johan, n'i a[i]ez garde.
« Enfes estes ; en male garde
« Remainsistes. Mal le pensérent
« Cil qui mal conseil vos donérent ! 10412
« Levez de ci, alez mangier.
« Johan, qu'avra il a mangier ? »
Dist il a Johan d'Alençon.
A ces moz li vint un saumon 10416
A présent : ce ne li pout nuire,
Ainz le quemande a meitre cuire
Hastivement a oés son frére.
Totes veies est dreit que pére 10420
{11} Debonaireté e franchise
Kant ele est en cuer d'ome mise ;
Mais itant vos di, c'est la some,
Que de nul cuer de malveis homme 10424
Ne puet issir nule bonté.
Por ce sunt malveis mesconté
En toz les biens ke l'on aconte,
Que d'eus ne deit l'om tenir conte. 10428
Mais itant oblïé aveie [(f. 69 c)]
Que ge voil dire tote voie,
Quer bien est dreiz que l'om le die,
Quant li reis vint en Normendie, 10432
Comme tote se gent li firent,
Tantost comme venu le virent,
Beals presens e beles paroles.
Beles dances, beles karoles 10436
Aveit entor lui tote veie,
Si k'il n'alout n'e[n] champ n'e[n] veie
Que trestot entor lui n'eüst,
Ja si torner ne se seüst, 10440
De gent joiose si grant presse
E si espesse e si espresse
Que ge vos di bien, c'est la some,
Qu'on ne getast pas une pome 10444
Que, de si qu'a terre venist,
Que la presse ne sostenist,
Tel joie ourent maintes e maint.
{12} Par trestot sonoent li saint ; 10448
A granz processïons venei[e]nt ;
Veil e giembles [e] si chantei[e]nt :
« Dex est venuz o sa puissance ;
« Or s'en ira li reis de France ! » 10452
Li reis Ric. vint [a] Chambreis
O bele gent, o grant herneis ;
Si disna chiés Johan le Ros.
Ne volt pas estre pereços : 10456
Unques plus conte n'i conta,
Tantost sur un cheval monta,
Puis dist : « Peresce nus n'i tienge !
« Qui sivre me voldra si vi[e]nge, 10460
« Quer ge m'en vois sanz demorance
« Herbergier près del rei de France,
« Cui qu'en peist ne cui qu[e] enuit. »
A L'Aigle vint icele nuit ; 10464
L'endemain vint a Tueboef,
Mès unques ne preisa un oef
Le grant orgoil le rei de France, [(f. 69 d)]
Quer parmi tote sa poissance 10468
Mist dedenz Vernoil chevaliers
E servans e arbalestiers
Qui richement le defendirent,
Si que cil defors bien le virent. 10472
E devant l'aveit defendu
{13} Cil qui tant l'aveit defendu
Que nuls nel vos savreit esmer :
S'ert Will. de Mortemer 10476
Qui nuit e jor ert as kerneals
E faiseit treire ardenz quairals
Por cels de l'ost ariére traire,
Quer il nes voleit pas atraire. 10480
Sire Pierres de la Riviére
Qui molt ert de bone maniére
S'en isseit souvent del chastel,
Cui qu'en pesast ne cui'n fust bel, 10484
Sor un chival de Lombardie :
Ja n'eüssent de lui baillie.
S'alout a Tueboef al rei ;
Mais bien saveit prendre conrei 10488
De rentrer el chastel ariére,
Quer bien en saveit la maniére.
Tant fist li reis qui molt fu sages.
Que trestoz toli les passages 10492
Par unt la viande veneit
A[l] rei qui le siege teneit,
E par icest[e] mesestance
S'en departi li reis de France. [(28 mai)] 10496
Poi s'érent unquor esloingnié
Quant li reis vint glaive aloingnié ;
Si s'en entra dedenz Vernoil.
Unques unquor ne virent oil 10500
Tel joie comme cil li firent
Qui el chastel se defendirent,
{14} E il a els greingnor asez,
Quer ne poe[i]t estre lasse[z] 10504
De baisier les par un a un. [(f. 70)]
Tant fist e pramist a cha[s]cun
Que a molt bien paié s'en tindrent
Cil qui le chastel contretindrent. 10508
Lors li fu si grant gent venue
Que s'oust esteit si acr[e]ue
Qu'il en couvint plus de. xx. mile
A herbergier defors la vile. 10512
En deus parties departi
Son ost, e quant il s'en parti
S'ala a Bealmont le Rogier.
Li quens Johan s'ala logier 10516
Entor Evreues ; si l'asist.
Li reis Bealmont le Rogier prist,
E Evreues fu molt tost prise,
L'endemain k'ele fu asise. 10520
E quant li reis out Bealmont prise
Qui contre lui aveit mesprise,
La tor fist ardeir e abatre.
Ne s'i volt plus [lonc tens] combatre ; 10524
A Evre[u]es vint ; si garni
Le chastel qui ert de[s]garni,
Qu'il n'out mielz garni en la marche.
Puis s'en vint dreit al Pont de l'Arche 10528
Qui depeciez esteit de front ;
En poi d'ure refist le pont,
E desoz Welleboef aval
Ferma la roche d'Orival. 10532
{15} E après ce dire vos voil
Comme il vint al l'al de Reoil [(juillet 1195)]
D'une part, e le reis de France
De l'autre o tote sa puissance. 10536
Tant firent qu'. j. parlement pristrent ;
Mès Franceis laidement rnespristrent
Dementiers que de pais parloent
Li rei, & il toz dis minoent 10540
Le chastel tant qu'il l'abatirent.
Coarde traïson i firent.
E quant li reis chair l'oï, [(f. 70 b)]
Ric., pas ne s'en esjoï, 10544
Einz jura par les jambes Dé,
« Ja i seront panel torné
« Si qu'as uns en torra la perte.
« Trop a ci traïson aperte ! » 10548
Li reis de France s'en parti.
Tantost comme il s'en departi,
Commença cil a refermer,
Qui bien saveit chastel fermer, 10552
E dist : « Que qu[e] il m'ait mesfait,
« Chastel chaü demi refait.
« Gel ref[e]rai malgré lor denz.
« Unquor le conper[r]ont lor gent 10556
« Qui si furent lié de combatre :
« En tel liu se poent enbatre. »
Lors vindrent esforci[é]ement
{16} D'Engletere sa bone gent 10560
E de Gasgoingne e de Peitou,
E cil de Mainne e [cil] d'Anjou,
[E] de Bretaingne e de autre terre.
Lores comença la grant guerre 10564
Dunt Franceis ourent pleins les braz,
Tant qu'il lor torna a desbraz.
Tant fist li reis e tant ovra
Que de ses chastels recouvra 10568
Molt grant partie en poi de tens
Par sa proesce e par son sens.
Nes volom pas toz ci nomer,
Quer fort sereit a asommer 10572
Quanz ne quels il en reconquist,
& cornent il les out enprist,
Mès or est bien dreit que l'en oie
Comment il fist a Portejoie 10576
Le pont par quei outre passérent
Tote sa gent qui o lui érent,
E l'ille d'Andeli ferma
Dunt tote la marche aferma ; 10580
E com li reis de France vint [(f. 70 c)]
A Vendosme, & il li sorvint, [(juillet 1194)]
E com li oust près a près furent
Longement, k'onques ne se murent. 10584
Acointé fu al rei de France
Que sanz respit e sanz dotance
{17} Le voleit li reis d'Engletere
Metre a force fors de sa terre. 10588
Quant eissi li fu fait entendre,
Si s'en parti sanz plus atendre,
Qu'onques garde ne s'en donérent
Tote sa gent qui o lui érent, 10592
Dusqu'a tant que aler l'en virent ;
E sachiez que molt i perdirent,
Quer si leidement s'en alérent
K'onques a chastel n'i gardérent. 10596
Quant nos gens aler les en virent,
Maintenant as armes saillirent,
E li Mar. e sa gent
S'armérent molt isnelement, 10600
Que mielz volei[e]nt estre armé
A l'enchacier que desarmé.
Li Mar. armé, sanz faille,
Chevaucha e[n]mi la bataille 10604
Seréement par la champaingne.
Molt out o lui bele compaingne.
Lores vint li reis dreit a lui :
« Mar., » fait il, « ge vos pri 10608
« Qu'os gardez ui cest jor mon cors. »
Li Mar. respondi lors :
« Sire, gel ferai bonement.
Autresi vos pri [de] ma gent 10612
« Que il ne corgent a desrei. »
Li Mar. dist : « Ge l'otrei. »
{18} Li reis corut o ses batailles ;
Ne serreit n'en escriz n'en tailles 10616
Li riches gaainz acontez
Dont Franceis lor firent bontez,
K'onques nules ne regardérent [(f. 70 d)]
Des richesces qui en l'ost érent, 10620
Que ai) ! ors mistrent lor ententes,
Paveillons, aucubes e tentes
E dras d'eskarlete e de seie
E vasselement & mone[i]e, 10624
Chevals, palefreis & somm[i]ers
& riches robes e deniers ;
Molt i gaaingnérent rispaille,
Plenté de vins e de vitaille, 10628
De boens peissons de bon[e]s chars,
Qu'il n'en ourent mie a eschars ;
Mais tant vos di certeinement
Que li Mar. ne sa gent 10632
Unques al gaaing n'entendirent,
Mès a l'ost bien garder tendirent ;
E quant il revindrent ariére
Si encontra, o sa baniére, 10636
Li reis soen leal Mar. ;
Si li dist « Dex vos gard de mal,
« K'a vos ert toz li recouvriers
« S'il nos hastacent le[s] ouvriers. 10640
{19} « Or poez ariére torner,
« Quer n'ont cure de retorner
« Cil qui s'en vont ; bien le vei ore.
Ne retornerei pas encore, 10644
« Sire, » fait sei li Mar.,
« K'il m'est avis ce sereit mal,
« Quer nostre gent chacent unquore ;
« & se nos retornïon ore 10648
« Bien porrïonz de noz genz perdre,
« Quer molt s'i voldrei[e] nt aerdre
« Franceis qui ne vos eiment mie.
Veirs est, si Dex me beneïe, » 10652
Dist li reis ; a or remanez donques,
« Quer mielz dire n'oï ge uncques. »
Tant atendi que venu furent,
Li Mar., cels qui coru[re]nt 10656
Avant por teser e ate[i]ndre, [(f. 71)]
E il n'en i vit nul remaindre.
Devant sei les mist a la veie,
& il chiva[t]cha tote veie 10660
Desriére & fist l'ariére garde
De la gent k'il aveit en garde.
Ne sai que vos en deïsse el :
Quant la nuit vindrent a l'ostel, 10664
Si se vanta chascuns par sei
De son gaaing devant le rei
E mostra chascun son boen fait.
« Li Mar. l'a trop mielz fait, » 10668
{20} Dist li reis, « que vos tuit n'avez.
« Sil vos dirai s'os nel savez :
« Quer en lui ert del recouvrier
« A nos toz s'il en fust mestier, 10672
« E por ce pris ge plus son fait
« Que quant que nos tuit avom fait.
« Qui que a bone ariére garde
« Il n'a de ses ennemis garde. » 10676
Après, est bien dreiz que l'en die
Commen[t] parti de Normendie
Li rei Rie., bien le set l'on,
Por aler asieger l'i[e]rson [(juin 1196)] 10680
Bien savom comment il l'asist
& coment par force le prist,
E com li g[a]ainz i fu granz,
E qui primes entra lai[e]nz ; 10684
De cest ne deit doter nului.
La fu li Mar. o lui,
Qui en maint boen lieu l'aveia.
Li reis Rie. puis l'enveia 10688
Al conte Baudevin de Flandres, [(1197)]
Dunt il fu puis molt grant esclandres,
E si l'enveia sanz essoingne <
Al conte Reinalt de Boloing[n]e, 10692
Filz le conte de Danmartin.
Cil vindrent a lui, c'est la fin,
Por les torz que li reis de France [(f. 71 b)]
Lor faiseit par sa sorquidance, 10696
{21} E devindrent homes le rei
D'Engletere, e en bone fei.
Quant li reis de France l'oï,
Unques point ne s'en esjoï, 10700
Ainz l'en pesa molt durement.
A rei Ric. prist parlement
Entre Vernon e Botavant, (sept.1197)
Quer n'i volt plus venir avant. 10704
Al jor nommé qu'assemblé furent
Al parlement, si com il durent,
Li reis Ric. molt quintement
I ala & molt richement, 10708
E s'i mena, si Dex me saut,
Ove lui le conte Reinalt
De Boloingne, gel prenc a main
Qu'andui [i] vindrent main a main. 10712
D'une part fu li reis de France
De l'ewe o tote sa puissa[n]ce,
De l'autre li reis d'Engletere
Qui petit doutout ja sa guerre. 10716
E quant il vint al parlement,
Si amena molt cointement
Les deus contes en ses deus mains,
Quer isi l'aveit pris en mains. 10720
Quant cil les vit venir asenble,
Li reis de France, ne li semble
Boen ne biel, ainz en out grant ire.
Al rei Ric. emprist a dire 10724
{22} « Sire, ou menez vos cest[e] gent ?
« Ja n'aveie jo parlement
« Fors a vos ; molt me puet desplaire ;
« N'ai de lor parlement que faire. 10728
Sire, » dist li reis d'Engletere,
« Autresi tolez lor vos terre
« Comme a mei ; si sunt mi enpris
« E saciez bien que j'ai enpris 10732
« Que jameis ne vos faudra guerre [(f. 71 c)]
« Tant comme a nos treis togiez terre. »
Quant c'entendi li reis de France,
Si out doel & ire e pesance 10736
Que par maltalent s'en parti.
Quant li parleme[n]z departi,
Li reis Rie. ne li dui conte
Ne tindrent de s'ire nul conte. 10740
Li dui conte al rei qu'il amérent
Pristrent congié, si s'en alérent
En lor païs. e en lor terre
E se porvirent de lor guerre. 10744
Lors porvit li reis d'Engletere
De[s] plus prodomes de sa terre
E de cels dunt ert granz acontes
A envei[e]r contre les contes. 10748
E[s]lui furent [si] comme il durent,
E si vos dirrei qui il furent.
Li Mar. fu li premiers
{23} Will., qui molt volentiers 10752
I ala a poi de preiére,
Quer itele esteit sa maniére
Que ja preier ne l'est[e]ü[s]t
De nule chose qu'il seüst 10756
Qui a nul bien faire tornast
Que tantost ne s'i atornast ;
E sire Pierres de Preials
Qui ert bons chivaliers e beals, 10760
E mis sires Aleins Basez,
Boens chivaliers & beals & nez,
Sire Johan li Mar.
Frans & dolz & proz & leials. 10764
Cist i alérent par eslite.
Molt vaut qui en bien se delite,
Quer toz diz est boens [faiz ?] contez
Quant l'om rementeit les bontez. 10768
Tote lor dreite veie tindrent
Tant ke entre les contes vindrent.
E li conte molt lié en furent [(f. 71 d)]
& o grant joie les rechurent. 10772
Li quens s'esmut molt richement,
O grant ost e o molt grant gent,
E o kemunes angoissoses,
Molt fiéres & molt orguiloses 10776
Por un chastel qu'out sor lui pris
{24} & garni cil qui out apris
A aveir chastel de legier,
E bien l'em cuide solagier 10780
Cil qui si grant gent i ameine
E bien l'em quide meitre en peine.
Li reis isnelement e tost
De France out semons molt grant ost 10784
Por aler le chastel secorre,
Kar molt le cuidout bien rescorre.
Li quens de Flandres entendi
Ou le reis de France tendi. 10788
Als hals homes qu'il i saveit
E as barons qu'o lui aveit
Prist conseil, & il li loérent
Comme cil qui molt se dotérent. 10792
Divers consels diversement
Dona chascun son sen entent,
Quer tel gent, si com ge recort,
Ne sunt pas tuit a un acort, 10796
Quer a[s] uns semble buen & plaist
Souvent ce k'as autres desplaist.
Li baron de la tere pristrent
Entre els itel conseil com distrent 10800
Que l'en feïst lices de charz,
Dunt il n'i out pas a escharz,
Qui ove les kemunes vindrent.
Plusors a cel conseil se tindrent 10804
& se porvirent que lor genz
Des kemunes fus[s]ent dedenz,
{25} & que li chivalier alas[s]ent
Par defors e si asemblacent 10808
En l'ore Dieu al rei de France, [(f. 72)]
Si'n preïst chascun sa ch[e]ance.
Et li Mar. se leva,
Quer itel conseil li greva. 10812
Al conte de Flandre dist : « Sire,
« S'il vos plaist ce que ge voil dire,
« Ge vos en dirrai mon avis.
« Ge n'otrei pas ne ne devis 10816
« Que nule lice i ait ja faite,
« Quer ce resemblereit soufreite
« De cuer e de gent tot ensemble.
« Mais jo vos lo, si bien vos semble, 10820
« A feire ce que ge fereie
« Se la besoingne ert issi meie.
« Ja n'i baerei[e] a kemune,
« N'a forterece neïs une, 10824
« Fors a desfendre e[n]mi le champ,
« Sanz gopillier & sanz eschamp ;
« E que li char seient rengié
« Devant la vile, ce lo gié, 10828
« Que cil n'en issent de la vile
« Por faire a nos genz mal ne gile
« Ne ne nuisent a nos kemunes
« Quant el vendrunt unes a unes. 10832
« E si pernez isi en main
« Qu'os en issiez la fors demain
« Toz armés, comme de combatre
{26} « & de l'orgoil des lor abatre, 10836
« E vos eschieles ordenées
« & vos batailles ordinées,
« Que prèz seiom a els atendre
« E[n]mi le champ por nos defendre. 10840
« Porveance & sanz & justisce
« S'acordent souvent a proece. »
Quant li Mar. out ce dit
Tuit s'acordérent a son dit. 10844
E tuit distrent a la parsomme :
« Beneit seit conseil de prodome ! »
Al Mar. fu grant. enor [(f. 72 b)]
Quant tout s'acordérent le jor 10848
A son dit, e molt le loérent
Tuit li halt homes qui la érent,
Qui lor enor voleit conquerre,
E si n'esteit pa[s] de la terre. 10852
Lendemain eissi s'en issirent
Tuit armé & eisi le firent
Comme [cil] devisé lor out
Qui molt bien deviser le sout. 10856
Molt furent chivalier armé
& de kemunes grant plenté,
& molt sembla, que que nus die,
Qu'il i aveit de gent hardie 10860
Qui molt s'esteit bien anch[i]ée
E de combatre encoragiée.
{27} Ja a bataille n'i falsist
Qui icel jor les asalsist, 10864
Quer bien en érent contrequis
Si com l'om lor aveit apris.
Mais itant saciez sanz dotance
K'iloques out li reis de France 10868
Ses espies qui molt bien virent
Icele gent com il le firent.
Al rei vindrent si li contérent,
Comme armé & bataillé s'érent 10872
Cil de Flandres encontre lui.
Si li torna a grant ennui.
Après parla a son conseil.
Aucuns li dist : « Ge vos conseil 10876
« A resple[i]tier ceste aatie,
« Quer cil de la ne fuirunt mie,
« Ainz sachiez k'i[l] vos atendrunt ;
« S'il poent si se defendrunt. » 10880
Si trespassa cele jornée.
Atant but de la retornée
Li reis de France comme sages,
Quer n'i vit pas ses avantaiges. 10884
Por ce si out bone acheison, [(f. 72 c)]
Quer ja n'i verra sa meison
Nus hom ke ariére ne torne ;
Por ce est saiges qui retorne ; 10888
{28} N'il ne se volt unques enbatre
La ou il se cuidast combatre.
Quant cil de l'ost de Flandres virent
La bonté que Franceis lor firent, 10892
Qui si franchement s'en alérent
Qu'onques vers els ne regardérent,
Si lor en sourent tot, de veir
Tel gré com il durent saveir. 10896
Pu[i]s apareliérent molt tost
Par le kemun conseil de l'ost
Qu'al rei Rie. enveiereient
E lor estre li manderei[e]nt. 10900
Johan le Mar. eslurent
Cil qui al conseil doner furent.
Dusqu'a la mer le conveiérent
E par mer al rei l'enveiérent. 10904
Tant esra par mer e par terre
Qu'il trova ce qu'il alout querre :
C'ert le rei Rie. sanz dotance
Qui ert en la marche de France 10908
Ou Corceles la veille out prise ; (27 sept.
& si fu pris a cele enprise
Li sires del chastel dedenz
& si home qui érent enz. 10912
Li reis Ric. : i mist grant ost.
A la seint Pierre engole-aost
Set l'om molt bien que ce avint,
{29} & que sires Johan i vint 10916
Li Mar., & dist noveles.
Al rei qui molt li furent beles
Des contes e de lor estance,
& conta com li reis de France 10920
S'en esteit retorné ariére
Tot sanz requeste & sans preiére,
K'onques filz n'i atendi pére. [(f. 72 d)]
E l'endemain de la se[i]nt Perre 10924
Vint al rei Rie. la novele,
Qui molt li fu joiose& bele,
Que li reis de France a esforz
Chivalchout tot dreit vers Gisors. 10928
Li reis d'Engletere esralment
Monta il & tote sa gent.
Soz Dangu passa la riv[i]ére
O franche compaingnie & fiére. 10932
Marcadé enveia por veir
Por l'ost de France sorv[e]eir,
E seingnor Hue. de Corni,
Sage chivalier e hardi, 10936
Qui molt bien saveit le païs,
Quer de la terre esteit naïs.
Quant Marcadé les out veüz,
Nes out mie bien sorveüz 10940
Quant al rei s'en revint asriére
E dist que d'estrange maniére
Out li reis o lu[i] grant esforz,
{30} E chivalchout dreit vers Gisors. 10944
Sire Hug. de Corni dist :
« Sire, merci por Jhesu Crist,
« Ges ai esmez certeinement.
{31} « Sachiez qu'il ne sunt pas grant gent. 10948
« S'os i asemblez ui cest jor
« Vos i avendra grant enor,
« Qu'il serront desconfit ou pris.
« Sire, essauciez hui vostre pris. » 10952
Li reis. conuit en son corage
A averti & proz e sage
Monseingnor Huon de Corni,
Quer en guerre out esté norri. 10956
Envers sa gent torna sa chiére
K'il aveit molt hardie & fiére,
E dist « Alez arriére al gué,
« Or ai ce qui me vient a gré. » 10960
Or ne cuit que point lor ennuit : [(f. 73)]
Dreit al gué retornérent tuit,
E sire Johan de Preials
Qui molt esteit proz & vasals 10964
E trés corajos de bien faire
Vers le gué si coumence a traire ;
E li buens reis, que que nuls die,
Sor un cheval de Lombardie 10968
Galopa contremont l'ansgarde.
Quant l'out montée, si esgarde
Devant sei l'ost le rei de France ;
Ne preisa gaires lor poissance. 10972
Quan[t] les vit acerteinement,
Lors apela li reis sa gent
O penonceals & o baniére ;
Mès trop érent remés ariére ; 10976
E nequedent, s'il furent loing,
Unques unquore a nul besoing
Nule gent plus ne se hastérent,
K'angoissous e talentif érent 10980
D'asembler a lor enemis.
Mais li reis Rie., ce m'est vis,
N'atendi pas tote sa gent,
Einz chevalcha premièrement ; 10984
E quant sa gent près de lui furent,
A qui ainz ainz, si com il durent,
Puis dist a Johan de Preials :
« Or i par[r]a qui ert isneals. 10988
« A bien chiva[l]chier ui cest jor. »
Puis dist : « Dex aïe ! alon tor »
Quant il out ce dit, en is l'ore
Lor corut tot autres ! sore 10992
Comme li lïuns femeillos
Qui de mangier est angoissos
Cort a sa preie s'i[l] la trove,
Qu'il ne demande ne ne rove 10996
Fors ke desqu'a la puisse ateindre.
'[U] imès ne poet li gieus remaindre
Que li un n'en portent la piere, [(f. 73 b)]
K'onques en marchié ne en faire 11000
{32} Ne vi tel foie ne tel presse.
Chascuns s'i enfole e empresse
Qui premiers i volsist ateindre.
Ja n'en veïst l'om nului feindre 11004
De toz cels qui a armes furent,
Einz le firent si con il durent.
Tant fist li reis, qui vint anceis,
Que desconfit furent Franceis. 11008
Si se mistrent tost a la veie ;
Asez trovent molt qui les pris conveie
Tant que de en i out,
Quer chescun prist que prendre pout 11012
De cels qu'i[l] ateinstrent desriére,
& si ne fust li grant poudriére
Qu'i estei[t] por le chaut d'esté,
En aventure eüst esté 11016
Li reis de France d'estre pris.
Molt abaissast le jor son pris
Ne fust li poudriers e la presse,
E Destinée qui ne lesse 11020
Avenir ce que ne deit estre.
Tant chaciérent destre e senestre
Qu'es portes de Gisors le mistrent.
Des mielz vanez asez i pristrent : 11024
Bien savez, tels est la maniére
Que li plus vaillant sunt desriére,
Quant vient a la desconfiture ;
{33} Li autre ki de ce n'ont cure 11028
E a els garder ont tendu
S'enfuient a col estendu ;
Mès, sev[e]als, d'itant meschaï
Que li reis de France chaï 11032
En un gué ; si l'en releva
Uns soen clerc qui molt s'en greva,
Qu'il i out d'autre aïe pou :
Filz fu Vill. de Merlou, 11036
Mais k'al de[e]srein i cururent [(f. 73 c)]
Autre genz qui le secururent.
Quant de l'eve ourent trait le rei
Qui de sei fu en grant effrei, 11040
N'arestut pas dedenz Gisors.
Si esteit li chasteals molt fors,
Mais tant doutout ses enemis
Que dedenz cuidout estre asis. 11044
Ne s'i volt laissier enserrer.
Quant gopilz se laisse enterrer
Del reiser est en aventure ;
Por ce mist grant peine & grant cure 11048
Li reis Phelippe a escaper ;
Ne s'i volt laissier atraper.
D'aler en France s'atorna,
& li reis Ric. retorna 11052
Od sa grant gent qu'il out o lui
Dreit a la roche d'Andeli.
{34} O lui amena sanz dotance
Des chivaliers le rei de France 11056
Quatre vinz & unze en prison ;
Ce ne fu mie mesprison.
Des autres genz vos lais le nombre,
Que li nombres ne m'en encombre. 11060
Tant en i out que del nombrer
Ne me voil eci encombrer.
E saciez que li plus herdi
En furent tant acoardi 11064
Que guerre ne fu puis cele ore
Que trente n'en corus[s]ent sure
Des nos a quarante Franceis ;
Mès esi n'esteit mie anceis. 11068
Itant voil or que l'en entende
Que molt esbaudist e amende
En grant proece e en valor
Gent qui s'atent a boen seingnor. 11072
Li reis Ric. de riche cuer
Ne soufri unques a nul fuer
Malveis dangier ne n'en out cure, [(f. 73 d)]
Que tele esteit sa meneüre 11076
Que les buens essauceut adès
& aneienteut les malveis.
E Dex nos otreit por sa grace
Que Henris li reis itel face, 11080
Que [t]restu[i]t li suen s'esbaudiscent
De sa bonté e enhardissent,
{35} Si que il ait anquor laissor
De raveir le suen e le lor ! 11084
Molt fu la guerre grant & forz
Puis i'asembt[é]e de Gisorz ;
Mol[t] dura e unquor[e] dure,
Mais ne puis chascune aventure 11088
Conter par sei, n'a mei ne tient
N'a ma matyre n'apartient ;
Mais si jo po[e]ie bien dire
Ce qu'apartient a ma matyre, 11092
Si que trop ne poi n'i meïsse
En nule rien que je deïsse,
Molt m'en tendreie a bien paié.
Bien ai veü & assaié 11096
Que cil qui prolixement dient
Esguérent souvent & escrient
Mainte feiz defors lor matyre
Tel chose qui ne fait a dire, 11100
Quer nuls qui de trouver volt vivre
Ne deit chose metre en son livre
Qui de dreite raison ne veinge
Ne [a la] matyre n'apartienge. 11104
Mais ce fu veirs, e bien le sai,
Li reis Rie. fu a Gornai ;
Si out mandé privéement
Ses garnestures e sa gent 11108
E grant plenté de chivaliers
E de serjanz e de rotiers.
Tot privéement, sanz desrei,
{36} Vindrent a lui a Gerbesrei. 11112
Grant ost i out, quant venu furent, [(f. 74)]
Quer de plusors lieus s'i esmurent
Cil qui bien le volei[e]nt faire
E lor seignor servir e plaire. 11116
Li reis chevaucha vers Milli
E Mercadé vers Semilli ;
S'entrepassa vers Bealveisin.
Molt i ourent felon veisin 11120
Par mi la contr[é]e plusor,
E molt i parut bien le jor.
Li reis Ric. o sa grant gent
Vint a Milli molt fiérement. 11124
Unques garde ne s'en donérent
Li ba[i]lif ne cil qui i érent
Dusqu'il s'en virent mesbailli.
De totes pars les asailli. 11128
Eschieles qu'eut fait aporter
Fist as murs drecier & porter ;
Trop durement les asaillirent ;
E cil dedenz se deffendirent 11132
A lor poeir molt asprement,
& traient molt espessement.
Cil defors, qui enpernant érent,
As murs o eschieles montérent. 11136
O granz fus, o pels, o quareals,
O forches fiér[e]s, o flaials,
Se défende ! ent cil dedenz.
Molt peüst veeir fiér[e]s genz 11140
E de saillir & de défendre,
{37} Qui al v[e]eir leüst atendre.
En une esch[i]ele tant montérent
Chevalier & servant qu'i érent 11144
Que trop charga de grant maniére,
& cil les botérent ariére
Si k'el fossé chaïrent tuit.
Il n'en i out pas trois, ce kuit, 11148
Quant il chaïrent el fossé,
Qui ne fussent [tot] dequassé
E pis que ge ne 1 di 1 unquore. ( [(f. 74 b)]
Sire Valt. de Kidomore, 11152
Un chivalier, de Wales vint.
A[l] plus meseüros s'en tint,
Que il i out la cuis[s]e fraite.
Lors commenciérent la retraite 11156
De l'asaut plusor qui i érent ;
Trop s'esmaiérent & dotérent.
En une eschiele esteit ariére
Mis sires Guiz de la Bruiére, 11160
Uns flamenz qui otréement
Le feiseit bien & durement.
Cil qui la vile deffendeient
O forches fiéres le teneient 11164
Entre le menton e le pis,
Si k'il !'avei[e]nt si sou[s]pris
Qu'il ne poeit, [n'] al plus n'al mains,
Aid[i]er sei de nule des mains. 11168
Li Mar. trestoz armez
Ert sor la douvre des fossez ;
Si out pitié & duel & ire
{38} De ce k'il vit en tel martyre 11172
Le chevalier, & toz armez
Salli enz el fonz des fossez ;
Si rampa, gel vos prenc en main,
Toz armez, s'e[s]pée en sa main, 11176
Amont le fossé, & se tint
Molt bien tant qu'a l'eschiele vint
La ou le chevalier tenei[en]t
Cil kui ocire le volei[en]t : 11180
O l'espée tels cops lor done
Que molt bien rent & g[u]eredone
A chascun par soi le mesfait
Qu'al chivalier aveient fait. 11184
Tant dona coups destre e senestre
De l'espée qu'il tint a destre
Que cil ariére se plaiss[i]érent
& que le quernel li laissiérent. 11188
Cil 1 qui de J ses g[i]eus n'orent cure [(f. 74 c)]
Se delivrérent la pasture ;
Si se mistrent tuit a la veie.
Al Mar. ne chaut quil veie. 11192
E quant li reis le vit saillir
Por monter & por asaillir,
Si s'en corocia durement :
Maintenant vol[t] faire ensement, 11196
Mais li hait home qui la érent
Li tolirent e desloérent.
Quant par force fu entré enz
Tant s'en esbaudirent nos genz 11200
Que tuit criérent a un cri :
{39} « Li chasteals est pris : aidom lui ! »
Cil de[l] chastel s'en esbaïrent,
E nos genz a[s] kerneals salirent. 11204
Icist gieus ne sembla pas beals
Seingnor Will. de Monceals
Qui del chastel ert conestable :
Ne volt en nul liu estre estable, 11208
Ainz corut dreit al Mar.
Por faire li ennui e mal
A son poeir, ma[i]s nel pout faire,
Quer cil li trova trop a faire, 11212
Que des autres s'ert delivrez
Par les cops qu'i[l] lor out livrez,
O il mist tel cost & tel peine
Qu'auques en out perdu l'aleine. 11216
Cil li vint a tote sa force ;
De lui mal faire molt s'esforce ;
Granz cops de s'espée li gete.
Li Mar. vers lui tresjete 11220
Tel cop que le hielme li trenge
E que la coife li detrenge
Del hauberc & la char consut
Si que puis reismer l'en estut. 11224
E cil chaï toz estordis
Qui assomez & alordis
Ert del cop que cil li dona, (jf.7) [(f. 74 d)]
Qu'il ne se mut ne ne leva. 11228
Li Mar., qui ert. lassez,
{40} [E] qui aveit fait plus qu'asez,
S'asist desus por lui tenir ;
E cil coumencent a venir 11232
Qui furent entré par s'enprise,
E par lui fu la vile prise.
Li reis entra & tuit entrérent
Cil qui o lui venu i érent. 11236
Cil defors grant g[a]aing i firent,
E cil dedenz tot i perdirent.
La vit l'em prendre maint prison.
Le chastel e la garnison 11240
Out li reis qui aveir la dut.
Li Mar. tantost s'esmut ;
Al rei o le chivalier vint
Qu'il out pris ; par la main le tint ; 11244
Si li dist : « Tenez cest prison
« Ke j'amain en vostre prison. »
Li reis dist : « Sire Mar.,
« Ce n'est mie bien, e[i]nz est mals, 11248
« D'ome de si trés grant hautece
« E de si trés bele proece
« Qu'il deie enprendre tel afaire :
« As bachilers le laissiez faire 11252
« Qui unt a porchacier lor pris,
« Quer de vos a l'om bien apris,
« Qu'os avez tant enor chaciée
« Qu'os [l']avez prise & porchaci[é]e. 11256
« Le chivalier qu'os avez pris,
{41} « S'il ert cent tanz de greignor pris
« Qu'il n'est, jel vos doins, & si di
« Que vos l'avez bien deservi ; 11260
« Por c'est dreiz que vostre deit estre.
« Or vos en faz gardein & mestre. »
Li Mar. molt doucement
L'en mercïa e franchement. 11264
Atant estes vos Marcadé [(f. 75)]
A cui si chaïrent li dé
Que l'avesque de Bealveis prist
Le jor, & o lui entreprist 11268
Seingnor Will. de Merlou ;
D'autres prisons n'i out pas pou
Que li rotier o [els] menei[e]nt,
Que en har[t] liez les avei[e]nt 11272
Ausi comme levriers en lesse ;
Qu'en la ville en aveit tel presse
Qu'om n'i po[e]it son pié torner
N'aler avant ne retorner. 11276
Marcadé presenta le rei
Son evesque qui grant desrei
Li aveit fait souvent de guerre
E trop basreiée [ot] sa terre. 11280
Li reis en fu liez durement,
Quer, itant sachiez purement,
Que ce esteit a la roonde
Un des homes de tot le monde 11284
Qu'il plus haeit ; bien i parut
{42} Quer en forte prison en jut.
Ne sai que vos deïsse avant :
En l'ost fu la joie mult grant 11288
Que del chastel que des prisons.
Alcun dist que c'ert mesprisons
Qu'il n'alout avant Bealveis prendre ;
N'i aveit quil peüst defendre. 11292
E li reis dist : « Soufrez unquore ;
« Asez l'avom bien fait a ore
« Quant nos avom cest chastel pris
« E de nos plus forz enemis ; 11296
« Mais, coument que il sei[e]nt fort,
« Nos avom dreit & il unt tort.
« Encore lor mostrera Dieus
« Qu'il sunt a tort vers nos ernieus. » 11300
Li reis nul point ne sejorna,
Mais a Gornai s'en retorna,
A grant joie e a grant baudor, [(f. 75 b)]
O son eschec qu'ot fait le jor. 11304
Son gaaing molt beal departi ;
Mais cil ourent ma[l] gieu parti
Qui érent pris e perdu ourent ;
Esi fu [c'] amender nel pourent ; 11308
Quer eissi vait de guere a toz :
Li uns desus l'autre desoz.
Molt dura la gu[e]rre e molt dure
E mut fu perilluse e dure 11312
{43} Tant comme li reis fu en vie
Rie., dunt molt ourent envie
Franceis, meis rien ne lor monta,
Qu'onques nul d'els nel sormonta ; 11316
E par mainte feiz l'essaiérent ;
E nequedent molt s'esmaiérent
Comme il plus l'ourent essaié,
Quer molt en furent mal paié, 11320
Quer souvent en i out de pris
De[s] plus halz e de greinnor pris,
K'onques, puis k'il li eschapérent,
Desoz sa main ne s'atornérent. 11324
Tan[t] dura la guere en balance
Qu'il ennuia al rei de France,
Quer le suen meteit a bandon ;
Si n'i faseit se perdre non. 11328
Cil qui de peresse n'out cure
Li estrechout si la pasture
Qu'il ne saveit quel par[t] torner
Qu'il ne l'esteüst retorner, 11332
Quer toz dis li ert a l'encontre
Cil qui li fist maint riche encontre
Ou gaaingnié out e perdu ;
Mais cil en furent mesperdu 11336
Qui leidement s'en departirent
& qui lor herneis i perdirent.
Par mainte feiz issi avint
Que a prendre le[s] i couvint, 11340
Tant que Franceis s'en ennui[é]rent, [(f. 75 c)]
{44} E li plosor s'en apuiérent
Al rei Ric., bien [t'ai] seü,
Quer bien fu oï & veü ; 11344
E de ce out mainte pesance
& maint ennui li reis de France.
Tant que manda privéement
Ses barons e sa haute gent 11348
Por conseillier de tel afaire
Com il en porreit a chief traire.
Alcuns li dist, c'en est la some :
« S'os n'ovrez par la cort de Rome, 11352
« Cist vos veintra tot par ennui ;
« Ja ne vos deffendrez de lui. »
Li reis de France fu soutilz
E plus artilos c'uns gupilz ; 11356
Bien vit qu'autrement ne pout estre.
Tantost apela un suen mestre,
Si li bailla, ce fu la sume,
La seintuarie que a Romme 11360
Estuet por faire sa bosoingne,
Quer toz diz convient que l'om oingne
A la cort de Rome les paumes :
N'i estuet chanter autres psaumes. 11364
Li sentuaries se[i]nt Rufin
I valt molt e le seint Albin
Qui sunt des bue[n]s martyrs de Romme ;
Autrement ne valt une pomme 11368
Quant que dient leis ne tegistre
{45} Tele est lor costume e lor istre,
Qu'a trop grant peine entre en la porte
Qui tel sentuarie ne porte. 11372
Issi fu escrit en l'estoire
Qu'il purvirent en consistorie
Que al rei de France fereient
Bonté : si li envei[e]reient 11376
Un cardenal qui sa besoingne
Li fereit bien e sanz porloingne.
Cil qui vint out nom mestre Pierres [(f. 75 d)]
Qui artilos & engeinnier[e]s 11380
E decevanz ert en parole,
Qu'il ot esté a tele escole
Ou il ot apris la maniére
De torner cel devant desriére. 11384
E quant en France fu venuz
A grant joie fu receüz
Del rei e de tot son barnage,
K'artillos le sentent & sage, 11388
& molt le tindrent a honeste
E molt firent de lui grant feste.
E li reis qui venir le fist
Son conseil li mostra & dist 11392
E li descouvri tot son estre
E fist de lui del tot son mestre,
Que par doner, que par prametre ;
Quer bien se saveit entremetre 11396
Toz diz de sa bosoingne faire,
E bien en saveit a chief traire.
{46} Meistre Pierres li cardonals,
Qui a son dit n'iert mie leials, 11400
Li dist k'alcune pais feïst
Ou une tel trive preïst
Qui eüst durée a lonc tens.
Li reis s'en tint a son asens, 11404
Quer bien vit qu'il l'estuveit faire,
N'en puet autrement al chief traire.
Al rei Ric. tramist mesaiges
Bien parlanz e corteis e saiges, 11408
E manda estrosséement
Qu'a lu[i] venist a parlement,
Sanz respit e sanz achaison,
Entre le Golet e Vernon. 11412
Quant lor messaige ourent sommé,
Si li distrent le jor nommé
Quant li rei ensemble vendreient
E que ensemble parlereient. 11416
E li reis Rie. bonement [(f. 76)]
Lor otreia le parlement.
Al Golet vint al jor nommé ;
A briez moz l'ai ore asommë : 11420
Al Golet vint o grant barnage
Li reis Rie. qui nul outrage
Ne quereit, ce set l'om de veir,
IAA Fors solement sa terre aveir. 11424
Li reis Phelipes artillos,
{47} Qui trop sout faire l'orgeillos,
De[l] parlement se desdeingna,
Si qu'onques venir n'i deingna, 11428
Ainz remist, por faire le riche,
E por faire entendre la briche
A celui qui la sout entendre
Mielz qu'il ne lui saveit aprendre ; 11432
Mais nequedent molt valt soufrance
E amesure e atemprance.
Li reis Rie. tant atendi
Qu'il sout molt bien e entendi 11436
Que li reis, par sorquid[em]ent,
Ne vendreit mie al parlement,
Mais li legaz i vint por lui [(1199, janvier)]
Qui de gandie & de refui 11440
Saveit trop d'estrange maniére.
Bien saveit avant e ariére
Une parole trestorner
Quant il s'i voleit atorner. 11444
Plus fu jaunes que pié d'escoufle ;
Molt fist le seint, molt fist l'ermoufle.
Quant devant le rei Ricart vint,
& molt simplemen[t] se contint. 11448
Le rei salua, c'est la somme,
De Deu e de la cort de Rome
Qui molt l'eimme & qui molt le prise
Comme le filz de seinte Eglise ; 11452
E li rei[s] Rie. ensement
{48} Le salua molt bonement [(f. 76 b)]
Si comme meistre & cardonal
& comme pére espirital. 11456
Li cardonals dist sa reison,
Quer bien en vit lieu & saison,
E bien quida le rei atraire
A tote sa bosoingne faire : 11460
« Sire, » dist il, « ça nos enveie
« Li reis de France qui s'aveie,
« Ce nos est avis, a bien faire,
« E molt voldreit a la pais traire, 11464
« S'os la volïez ensement. »
Et li reis demanda : « Coument
« Essera ceste pais formée
« Si qu'el ne seit mès desformée ? 11468
, « Ge demand comme dessaissi,
« E quant il m'avra resaissi
« De ma tere & de tot le mien,
« Ge l'en servirai bel & bien 11472
« E li cuiterai les damages
« Que il m'a faiz e les huntages,
« E les seremenz qu'il me fist,
« E les couvenanz qu'il me fist, 11476
« Quant en France venu[z] sereit,
« Qu'en ma terre ne mesfereit,
« Ne ma gent ne meittreit en peine,
« De si qu'après la quarenteine 11480
« Qu'en ma terre venuz sereie :
« Cest li quiterai tote veie,
{49} « Si que ja n'en parlerei mès,
« S'il a talent de faire pès ; 11484
« Ou autrement, certes, beal mestre,
« La pais ne puet entre nos estre. »
Meistre Pierres respondi : « Sire,
« Cest n'osereie ge pas dire ; 11488
« Nuls ne li posreit faire entendre
« Qu'il vos otroiast a tot rendre.
« Ce qu'il a pris, que que nuls die,
« Ne si[s] conseils nelloe mie, 11492
« Ne ne H ! oera des meis. [(f. 76 c)]
Alez donc a Dieu ! » dist li reis,
« Quer ja autrement n'avendra
« Ne ja en pais ne la tendra 11496
« Tant com puisse en cheval monter ;
« Itant li poez bien conter.
Ha ! sire, » dist li chardonals,
« Tant est [cest] granz pechiez & mals 11500
« Qu'entre vos deus a si grant guerre !
« Perdue en iert la seinte terre
« De Jérusalem/se issi dure.
« Por Dieu ! quer esgardez mesure 11504
« Coment el[e] seit retornée,
« Quer leidement iert entorné[e]
« Se a[u]cuns conreis n'en est pris.
« Hastivement li serra pis, 11508
« Quer ele iert prise & confundue
{50} « E la crestïenté perdue. »
Li reis s'est vers lui abaissié,
& dist : « Se l'om m'eüst laissié 11512
« Ma terre en pais quite tenir,
« Qu'il ne m'en esteüst venir,
« Tote la terre as Sulïens
« Fust nete & quite des paiens, 11516
« Que mais n'i eüssent puissance ;
« Mais tant a fait li reis de France
« Envers mei mal & mesprison,
« E mist conseil en ma prison 11520
« E en mei tenir longement,
« & en mon desheritement
« A lonc tens tendu e tendra ;
« Mais, si Dieu plaist, ja n'avendra. » 11524
Li cardonals, al chief de pose,-
Parla al rei d'une autre chose,
E dist : « Sire, oiez ma devise :
« S'une longe trieve fust prise 11528
« Entre vos deus, almosne fust,
« Si que nuls perte n'i eüst. »
Li reis respont : « Beal sire mestre, [(f. 76 d)]
« Si ceste trieve poe[i]t estre 11532
« Si que ge perte n'i eüsse,
« Ne que ge descreüz n'en fuisse,
« Molt en sereie talentis ;
« Si l'otreiereie ad toz dis. 11536
{51} « Dites la forme ; ge l'osrai
« & ja ne vos en mesosrai,
« S'ele puet eisi avenir,
« Ainz me plaira molt a tenir. » 11540
Li cardonals dist : « Sire, veir,
« Chascuns ne puet pas tot aveir
« Ce qu'il voldreit, n'eisi n'avient ;
« Mais tienge chascun ce qu'il tient ; 11544
« Si seit la trive isi jurée.
Ja ceste trive n'ait durée ! »
Dist li reis, « qu'est ce que vos dites ?
« Il m'est avis qu'os vos desdites 11548
« De quant qu'os m'avez devant dit.
« Lez est quant prodom se desdit
« E quant il ment e quant il triche.
« Volez me vos vendre la briche ? 11552
« Il a mes chasteals e ma terre,
« E vos me venez ci requere
« De la[i]ssier la [e] sol[t]e & quite 1
« Ja ceste trive n'iert escrite, 11556
« Se Deu plaist, tant comme ge vive.
« Ja n'i trovera fonz ne rive
« En mei qui tel trieve demande,
« Quer trop sorquiert & sordemande. » 11560
Li cardonals reprent a dire :
« Merci ! por Dieu, merci ! beal sire.
« Molt vos d[e]ust bien remenbrer
« Comme la terre d'outremer 11564
{52} « Est ui cest jor deseonsei !! i[é]e.
Ge l'eüs[s]e bien conseilti[é]e
« Quan[t] cil m'en fist venir a force
« Qui de mei mal feire s'esforce, » 11568
Dist li reis, « mais, qu'os ne quid[i]ez [(f. 77)]
« Que ge seie trop sorquid[i]ez,
« Ge dosrei la trieve a cinc anz ;
« Mès tels sera li convenanz 11572
« Qu'il avra mes chasteals en gaige,
« Mès certes de mon heritage
« Ne tendra il defors plein pié.
Beal sire, [e] isi le grant g[i]é, » 11576
Dist li li cardonals adonques,
« Quer meilz dire n'oï ge unques.
« Mes ore requiert la cort de Romme
« Que vos li rendez un suen homme 11580
« Qu'os tenez en vostre prison,
« A grant tort & a mesprison.
Gel tient ? » dist li reis, « non fas veir.
Sire, gel vos ferei saveir ; 11584
« Ne vos en escondites mais :
« C'est) [i] avesque[s] de Bealvès
« Qui est en la garde de Romme.
« Si est torz de tenir tel homme 11588
« Qui est & enoinz & sacrez.
Par mon chief ! einz est dessacrez, »
Dist li reis, « e faus crestïens !
« Ne vos creirei i mès de riens. 11592
« Ne fu pas comme avesque pris
{53} « Mes comme chevalier de pris,
« Toz armez, le hielme lacié.
« Avïez vos ce porchacié ? 11596
« Danz coillard, vos n'estes pas sages !
« Certes, s'os ne fus[s]iez mes[s]aiges,
« Ja garant ne vos [i] fust Romme
« Que vos n'en portissiez tel somme 11600
« Qu'os mostrissiez a l'apostoire
« Por aveir mes faiz en memorie !
« L'apostoire me tient por fot
« Bien sai qu'il m'estendi le col 11604
« Quant g'enveiai a lui de loing
« & gel requis por mon besoing,
« Qu'el servise Dieu ere pris ; v [(f. 77 b)]
« Si li preiai molt & requis 11608
« Qu'a mon besoing me secorust
« Ou il feïst ce qu'il deüst :
« Unques ne s'en volt entremetre
« N'onques n'i deigna peine meitre. 11612
« Or me requiert d'un robeor,
« D'un tyrant e d'un ardeor
« Qui tant se delitout en guerre,
« Que tote m'essillout ma terre 11616
« E barreiout & nuit & jor !
« Fuiez de ci, dant traïtor,
« Mentieres, trichieres e fals
{54} « E d'iglises simonials ! 11620
« Gardez que en champ ne en veie
« « Jamès devant mei ne vos veie ! »
Li legaz s'en parti ilors,
Quer tart li fu que il fust hors. 11624
Il ne retornast por sa croiz,
Qu'il i cuidast perdre les coiz,
Ainz monta, mais reigne n'i tint
De si qu'al rei de France vint, 11628
Toz meueiurez e angoissous
E plus esfreez k'uns chevreus.
Quant li Franceis venir le virent
Si esfreé, molt s'esbaïrent. 11632
Al rei dist : « N'est pas debonaire
« Cist reis ou vos avez afaire
« N'est pas aigneals, bien le veons,
« Eins est plus fiers que uns lïons. 11636
« E nequedent gel vos aveie
« Del tot atorné a ma veie,
« Quar la trieve aveit otrïée
« A cinc anz, si fust paumeiée, 11640
« « Tot en aveit son conseil quis,
« Quant de l'avesque le requis
« De Bealveis ; s'en fu sanmeslez
« Que senpres fu a mei meslez, [(f. 77 c)] 11644
« E m'esgarda en sorcillant
« & rogi plus que fu ardant,
{55} « Si que ge ne gardoe l'ore
« Ne mais que il me corust sore. » 11648
Li Franceis, tels i out, s'en ristrent ;
Li uns a l'autre a conseil distrent :
« Par poi cist n'est mis en la fiévre.
« Li reis Rie. n'est mie chiévre 11652
« A espo[e]nter de legier ;
« Unquor cuide son duel vengier. »
Li reis Rie. remest en ire
Si quil ne pout un sol mot dire, 11656
Ainz boufa e fu irascuz ;
Ausint comme sengler feruz
Entra en sa chambre boufant
E fist fermer les uis atant. 11660
N'i entra moingne ne convers.
En un lit se jut tot envers,
N'onques si hardiz ne fu nus
Qui osast apeler a l'us 11664
Tant que li Mar. i vint
Qui en sa main une verge tint.
A l'us apela hautement
E l'en li ovri esraument ; 11668
Le rei trova gesant en s'ire,
E si li commença a dire :
« Sire, il n'est pas dreiz ne raison
« Que vos irriez sanz achaison, 11672
« Que, si m'aït Dex, beal doz sire,
{56} « De ce vos devrïez vos rire
« De quei ge vos vei coroc[i]é,
« Que vos avez tot gaaingn[i]é. 11676
« Vos veez que avant ne puet
« Li reis de France, [ainz] li estuet
« Ou pais ou trieve a vos requerre.
« Pernez ore avant vostre terre ; 11680
« Si laissiez les chasteals en gaige
« De si qu'a un autre passaige.
« Quant riens ne prendra de la terre, [(f. 77 d)]
« Ce li semblera une guere 11684
« Des chasteals aveir a tenir,
« Se del suen li estuet garnir.
« Issi ert, gel vos preng en main ;
« Bien sai qu'il [re] vendrunt demain. » 11688
Li legaz out li biens aveir
Quel trieve il i porreit aveir,
Si que la terre remansist
Al rei Ric., & il tenist 11692
Les chastealz, sanz plus & sanz mains ;
Se issi nel voleit prendre en mains
Que quite li laissast la terre,
Dont n'i aveit fors de la guerre. 11696
Li baron de France qu'i érent
La trieve a prendre li loérent,
E li legaz qui s'en fist mestre,
Quant autrement ne poeit estre ; 11700
Mais il dist qu'en nule maniére
{57} Il ne retornereit ariére :
Un autre i enveiassent ore ;
Ne voleit pas morir unquore. 11704
Li boens arcevesques de Reins,
Qui n'ert ennuios ne vileins.
Vint al demain ; si out o sei
Gent sanz folie e sanz desrei. 11708
Li reis esteit en sa chapele
Ou l'om li chantot haute & bele
La messe de la Trinité.
Quant il oï la verité, 11712
Esranment li ala encontre ;
Joie li fist quant il [l'] encontre,
E li arcevesque a lui ;
Molt s'entre onorérent andui ; 11716
E itant vos prenc jo en mains
Que par l'ercevesque de Reins
Fu la trieve prise & escrite
Si comme ele fu devant dite 11720
E compassé[e] mot a mot, [(f. 78)]
Einz n'i trespassérent un mot,
Si qu'a molt bien paié se tint,
Quant li arcevesque revint, 11724
Li reis de France & li Franceis
Qui guerreoent sor lor peis.
Quant li reis parti d'icel lieu
Si manda Guill. le Queu 11728
O ses rotes e o ses genz,
11703 enveissasent. 11707 demain, ms. demaite. [11727 r.]
departi.
{58}
Si lor dist que malgré lur denz
Cels de[ls] chasteals si destreinsis[s]ent
Que nule chose ne preïssent 11732
Dehors les chasteals en nul lieu
En sa terre ne en sun fieu.
Cil firent la justise pleine,
Si k'il n'osoent la fonteine 11736
Defors Baudemont venir prendre
Quant cil lor volei[e]nt desfendre.
Si vos di que devant Gisors
Perneit Will. o sun efforz 11740
Des genz par de ça la costume ;
N'i donast vaillant une pome,
Se cil dedenz s'en coroçassent,
Ne ja por ce rien n'en laissasent. 11744
En tel estat remest la terre ;
Mais Fortune qui toz aterre
Les buens e les malvais sormonte
Ne volt de ce tenir lonc conte, 11748
Ainz honi tot e corut sore
A tot le mont en petit d'ore.
D'iloec s'esmut li reis Richarz
Qui out a faire en plusors pars : 11752
S'ala en Limozin tot dreit
Ou li visquens li desforceit
Chasteals qui mal fus[s]ent forgié !
Quer fus[s]ent tuit cil escorgié 11756
Par cui conseil ceste proece
{59} Fu porchaci[é]e & estorée !
A Lautron ala, si l'asist, [(f. 78 b)]
Mais gaires longement n'i sist, 11760
Quant un Satanas, uns traïtres
Qui a dïable esteit ministres,
Qui esteit la sus el chastel,
Traist un envenimé quasrel : [(26 mars)] 11764
Si navra si a la reonde
Tot le meillor prince del monde
Qu'a for[c]e morir l'en estut,
Dont a tot le mont mesestut. 11768
-De sa mort a parle[r] ne fait
Ici, quer la dolor nel let
Dunt toz li monz se deut unquore,
Por ce n'en dirai plus a ore. 11772
Tant tost com feru se senti,
Molt s'esmaia & alenti ;
P[o]or out qu'il n'en peüst vivre ;
En es le pas a fait escrivre 11776
Al Mar. leitres pendantes
Bien traiti[é]es & bien parlantes,
E li manda trestot son estre
E que il fust sires & mestre 11780
De la tor de Roëm garder,
& de tenir & porgarder
Ses tresors e la sue chose
Qui en la tor esteit enclose. 11784
Si enseingna bien al mesage
{60} A estre molt veisdos & sage
De ceste besoingne celer,
Fors la ou il deveit aler. 11788
Asez fu isneals li mesaiges
& vistes & mouvanz e saiges.
Al l'al de Roeil vint tot dreit,
La ou li Mar. esteit 11792
A l'acorde de deus barons
Dunt il ert preiez & semons,
& autres barons ce me semble
Qui semons & preié ensemble 11796
I érent por une tenson [(f. 78 c)]
Qui ert d'Engeugier de Bohon
E de seingnor Rad. d'Ardene. [(7 avril)]
Li messaiges iloec asene ; 11800
Si[s] trova iloec toz ensemble.
Ne dist pas, ne bien ne li semble,
Oiant toz, l'euvre e le mal,
Fors solement al Mar. 11804
E a l'arcevesque ove lui.
Le[s] leitres oïrent andui ;
Corocié & dolent en furent ;
Après si'n firent ce k'il durent. 11808
As barons firent bien entendre
Que li reis volt, sanz plus atendre,
Que) i Mar[es]cha ! s fu[st] gardeins
& conestables & toreins 11812
De Roem & gardast la tor
& ses autres choses entor.
{61} Esi fu fait sanz demorance ;
Mais li d[u]els & la mesestance 11816
Qui nos durra a toz jors mès
Vint tantost le tierz jor après,
Quer morz esteit li gentilz reis [(6 avril)]
Rie. li proz e li corteis, 11820
Li larges & li boen donesres,
Li enpernanz, li conquerreres,
Qui tot le pris eüst conquis
De cest monde, se il fust vis, 11824
E la hautesse & la mestrie,
E l'onor e la seingnorie
De Sarrazins, de Crestïens
E de toz homes terriens. 11828
Partot corust ui sa puissance
Fors sor le reialme de France
Qu'il n'aveit talent d'abaissier,
Mès en pais le voleit laissier. 11832
, Tiesri li neis la novele
Aporta qui trop fu isnele.
Quant fu ce ? dreiz est qu'en le die : [(f. 78 d)]
La veille de Pasche florie. [(10 avril)] 11836
Li Mar. près del couchier
Ert, si se faiseit deschauchier
Quant ceste novele li vint
Qui leidement al cuer le tint. 11840
Corociez fu de grant maniére.
{62} Si retraist ses chauces ariére ;
A I'ance[i]s qu'il pout s'atorna ;
De la tor de Roëm torna, 11844
A l'ercevesque al pré ala
Qui la giseit ; quant il vint la
Se deveit couchier sanz demore ;
Merveilla sei qu'a itele ore 11848
Veneit li Mar. a lui.
Molt se dota del gra[nt] ennui
Qui li esteit a avenir
Quant vit le Mar. venir. 11852
Puis li dist : « Or de vos noveles ?
Certes, els ne sunt mie beles,
Dist li Mar., « beal doz sire,
« Qu'en duel e en plor e en ire 11856
« Sommes tuit chaeiz ui cest jor.
« Vez ci la mort de mon seignor
« Que Tierriz nos aporte escrite.
« Trop est doleruse e despite. » 11860
Li arcevesque s'esbaï,
& respondi : « Ahi ! ahi !
« Qui est [cil] ne se desconforte ?
« Or est tote proece morte. 11864
« Qui que est ce li reis est morz ?
« Quel en puet estre li confort ?
« Nuls, si m'aït Dex ! qu'après lui
« Ne sai g[i]é eslire nului 11868
{63} « Qui le reingne puisse secorre
« Ne de. riens nos puisse rescorre,
« S'est reignes tornez a perte
« & a dolor e a poverte. 11872
« Ja si tost ne garderom l'ore [(f. 79)]
« Que li Franceis nos corront sore
« Por tot aveir e por tot prendre,
« Que nul ne lor porra defendre. 11876
Nos couvendreit haster d'e[s]lire, »
Ce li dist li Mar., a : sire,
« De cui nos devom faire rei. »
Il respondi : « Je entent e vei 11880
« Que par dreit, si'n sui aseür,
« Le devom nos faire de Artur.
Ha ! sire, » dist li Mar.,
« Il m'est vis que ce serreit mals. 11884
« Artur est en felon conseil :
« Ge ne[l] lo pas ne ne conseil ;
« Si est eschis e org[u]eillos,
« E se nos l'atraiom sor nos 11888
« Mal & ennui nus voldra querre,
« Qu'i[l] n'eimme pas cels de la terre.
« Par mon conseil n'iert il oan,
« Mes veez le conte Johan : 11892
« Ma consïence & mon saveir
« Le me mostre al plus proce[i]n eir
« Qui seit de la terre son pére
« & autresi de la son frère, » 11896
{64} Li arcevesque respondi :
« Mar., volez le vos si ?
Oïl, sire, quer c'est raison,
« Quer plus près est sanz achaison 11900
« Le filz de la terre son pére
« Que li niés ; dreiz est qu'il i pére.
Mar. e il ert isi ;
« Mès itant vos acoint & di 11904
« Qu'onques de riens que vos feïstes
« Autretant ne vos repentistes. »
E li Mar. dist : « Merci ;
« Toz dis lo ge qu'il seit eissi. » 11908
Li Mar. [en] Engletere
Enveia por saisir la terre
E les chasteals e les citez, [(f. 79 b)]
Des demeingnes les fermetez ; 11912
E si est dreiz que ge vos die
Que mi sire Johan d'Erlie
I ala, qui hastivement
En fist tot son commendement. 11916
E li arcevesque remest
E li boen Mar. qui mest
Del tot en tot en son conseil,
Quer toz dis l'out trouvé fee[i]l. 11920
E li quens Johan a els vint ;
E si fu & issi avint
K'a l'einz qu'il pourent duc en firent, [(25 avril)]
& li Normant s'i asentirent, 11924
{65} Mais Gasgoin ne li Limozin,
Cil de Peitou ne Angevin
Ne Breton point n'i. acordérent
Ne sa segnorie n'amérent. 11928
Li dus Johan s'aparceit bien
Qu'iln'estei[e]ntaluiderien.
En celes parties ala ;
Tant porquist & tant porchaça 11932
E tant lor otroia lor buen
Por ce qu'il feïssent le suen,
E lor fist e lor consenti,
Que toz dis puis s'en repenti 11936
E que toz dis meins l'en dotérent,
Qu'il nel preisiérent ne amérent
Ne ne li firent ce qu'il durent,
& meinte feiz contre lu[i] furent. 11940
[I] ci n'a nul demorement :
La mer passa hastivement,
Si fu a Londres coronez. [(27 mai)]
Asez i out beals dons donez, 11944
Ce dient, quer ge n'i fu[i] pas.
Arriére vint en es le pas,
A l'einz qu'il pout aveir passage. [(20 juin)]
Al rei de France fist bornage ; 11948
Si comme il dut ses hom devint, [(f. 79 c)]
Mès unques li reis ne li tint
Ne hommage ne seignorie,
Einz li fist mal tote sa vie. 11952
N'en voil dire ne trop ne pou :
{66} Tant tost s'en ala en Peitou
Ou sis repaires esteit beals.
Li arcevesque de Bordeals 11956
Vint contre lui & li baron
Qui érent en la regïon.
De sa feme iloec departi,
Mès l'om dit que mal gieu parti 11960
Avint de cel [de] partement,
Mès ne dirrai or pas comment.
Molt mena grant ost en Gascoigne [(juillet)]
E molt i fist bien sa bosoigne. 11964
Molt i gaaigna grant aveir ;
Si s'acompaignasto saveir
Molt en fust riches longement ;
E molt s'en vanta richement. 11968
Li Mar. dist : « Del gaaing
« M'est bel ne[i]s se ge n'i gaai[n]g.
« Que que seit del partir al vostre,
« Ge voil que vos partez al nostre. 11972
« Veez ci cinc cenz mars d'argent
« Que del mien g[a]aing vos present
« C'om m'a en cest pais doné ;
« Dex dont qu'il seit guerredoné ! » 11976
Li reis li dist : « Mar., veir,
« N'este[s] pas couveitos d'aveir
« Qui toz vos donz m'avez doné.
« Il seront bien guerredoné. » 11980
{67} Isi mercïa de son don,
Mès ne sai rien del guerredon.
Idunc, si com g'entent e esme,
Avint que li quens d'Engolesme 11984
Out sa fille tot en emblée
Al conte de la Marche emblée.
Si en vint a cort la novele ; [(f. 79 d)]
As uns fu leide as autres bele. 11988
Ne fut pas li gieus bien parti,
Quer [a] maltalent s'en parti
Li quens de la Marche & li suen,
Quer ne lor sembla mie buen 11992
Que la damisele ert emblée.
Bien sourent k'a cele asemblée
Aveit de tels par cui portrait
Cel larrecin out esté fait. 11996
Ne puis de tot mostrer raison,
Mès ci commença l'achaison
De la honte & de la guerre
Dunt li reis perdi puis la terre. 12000
Li reis la damisele pris[t]
Si l'esposa ; reïne en fist
D'Engleterre & dame clamée ;
Si fu a Londres coronée. [(8 octobre)] 12004
Puis s'en revint en Normendie [(1201, mai)]
Li reis o tot sa baronie,
O sa reïne & o sa gent,
{68} Mais ne demora pas granment 12008
Que cil le rasailli de guerre
Qui li voleit tolir la terre.
La g[u]erre dura longement
Tant que il pristrent parlement, 12012
Tant que par bien s'en departirent,
E ités convenances firent
Que la guerre entre els deus remaigne,
E la fille le rei d'Espaingne, 12016
Sa niece, dosreit Loeïs [(1200, mai)]
Por concorde & por estre amis.
Veritez est que si fu fet,
Mès unques por ce le sorfait 12020
Al rei de France ne remest :
Toz dis fist ce qu'el cuer li mest.
Ne vos avreie dit oan
D'entre lui & le rei Johan 12024
Les covenances ne l'afaire, [(f. 80)]
Quer g'i avreie trop a faire :
Com plus li aveit [fait] ses buens
Li reis Johan, & cil les suens 12028
Li remeteit del tot ariére
& tornout cel devant desriére.
Ja por terre ne por aveir
Que il peüst de lui aveir, 12032
Dès que il ert saisis, en is l'ore,
Ne li laissast a core sore.
{69} Ne puis les granz aveirs nommer,
& fort sereit a assommer, 12036
Que par plusors feiz li dona,
& cil li reguerredona
Que a tort & a non raison
Li quereit toz dis achaison 12040
De rasaillir [le] de la guerre
& li toleit chasteals e terre.
Tot le mal que il pout li fist.
A Arches vint & si l'asist [(1202, juillet)] 12044
& o grant ost & o grant gent.
Molt i [a] sailli durement
O engins de geter isneals,
O perr[i]éres, o mangonn[e]als, 12048
Qui par mei[n]te feiz, nu[i]t & jor,
Getoent par en son la tor,
Mais ne la pourent entamer,
Quer Will. de Mortimer 12052
E li autre qui dedenz furent
Le firent bien, si comme il durent.
E se ge voleie tot dire,
Trop esloingnier de ma matyre 12056
Me convendreit, s'i avreit vice,
Si'n sereie tenuz por nice.
Si ne me resereit pas bel
Se ge ne di qu'a Merabel 12060
{70} Ala li reis a granz efforz
Johan, tant qu'il fu li plus forz.
Iloec esteit sa mére asise, [(f. 80 b)]
S'il demorast, qui tost fust prise, 12064
Quer deforz ert grans) li barnages ;
Si fust acreüz li damaiges ;
S'el ne fust si tost securrue
Molt fu[st] leidement encorue. 12068
Molt out iloec riche asembl[é]e,
Mais ne fu pas a cels embl[é]e
Qui al siege venu i érent
Qui laidement le comperérent : 12072
Molt out iloques grant estor
E molt fist bien aparceveir
A cels qui contre lui i furent
Lor orgoil, por quei s'i esmurent. 12076
Si ge deïsse de chascun
Comme il le fist, par un a un,
Trop me serreit costos e grief,
Si ne trareie a pose a chief. 12080
Molt durement se deffendirent
Cil qui aperçurent & virent
Qu'il n'i aveit fors del defendre.
A enviz se laiss[i]érent prendre. 12084
Maint coup i out anceis doné
& rendu & guerredoné
& maint ha[u]berc coupé les mailles,
Enbasré hielmes, & ventailles 12088
{71} Detrenchi[é]es jusqu'en la teste.
Cil fiert, cil maille, cil enteste,
Cil hape al frein, cil fiert de mace.
Li plusor guerpis[s]ent la place, 12092
Qu'il n'i po[e]ient mais durer,
Quer fort lor ert a endurer.
Tex fu l'aventure le jor
Que par force venqui l'estor 12096
Li reis Johan, & pris i furent
Si enemi qui plus li nuirent.
Issi fu fait, malgré as Turs.
En cel estor fu pris Arturs [(31 juillet)] 12100
Qui par malveis conseil i vint, [(f. 80 c)]
& qui c'onques o lui se tint
Fu le jor priz & retenuz
E en laide prison tenuz. 12104
Tant i out gaaingnié le jor
Li reis Johan pris & enor
Que sa guerre fust afinée,
Si ne fust male destinée 12108
E sis org[u]els qui ne[l] laissa,
Qui totes vei[e]s l'abassa.
Molt fu liez li reis de s'enprise
Ou il out fait si riche prise 12112
Que tot l'orgoil des Peitivins
E de Bretons & d'Angevins
Out si sou[s]pris & atrapé
Qu'il n'en fu un sol eschapé. 12116
{72} D'iloc uns moines s'en torna
Qui nuit ne jor ne sejorna
De si qu'il al Mar. vint,
& aventure isi avint 12120
Qu'ensemble estei[e]nt li trei conte
Dunt l'om deit bien tenir grant conte :
C'esteit li boens quens Mar.,
Li proz, l'enterins, li leials, 12124
E li. boens quens de Salesbére
Qui de largesse fait sa mére,
E haute proece & entiére
Portent devant lui sa baniére ; 12128
S'i ert li boens quens de Garenne
Qui par fine largece asene
A proece e a enor faire,
& unques ne s'en volt retraire. 12132
Li moines qui vers els torna
Ne nuit ne jor ne sejorna,
Esperonant de vile en vile
Vint a els a Englesquevile. 12136
Comme corteis & comme saige
Dist al. Mar. sun mesaige
E as autres qui o lui érent [(f. 80 d)]
Qui molt bonement l'escoutérent, 12140
& dist : « Ge vos aport noveles
« Bones e verei[e]s & beles
« Que j'ai oïes & veües ;
« Si voil bien qu'el sei[e]nt seües. 12144
« Seingnors, ge vieng de Mirebel,
{73} « & [se] ge vos ment ne favel
« De novele que ge vos conte,
« G'otrei que vos me faciez honte. 12148
« Seiez tot certein & seür
« Li reis Johan a pris Artur,
« E si a pris le rei Johan
« Sir[e] Guifrei de Lezingnan. 12152
« E li quens de la Marche est pris,
« & tuit li baron de haut pris
« Qui ovec Artur se teneient
« & sa guerre li maintenei[e]nt 12156
« Toz les a li reis en prison,
« Nis Savari de Mallïon. »
Li Mar. molt s'esjoï
De ces noveles qu'il oï, 12160
E li autre molt s'esjoïrent,
Quer pieça nule[s] n'en oïrent
Qui si lor fuissent a buen fuer
Ne si lor seïs[s]ent al cuer. 12164
Li Mar. a dit al moine :
« Vos convient porter sanz essoingne
« Ceste novele de Peitou
« En l'ost de France, al conte d'Ou ; 12168
« A Arches, por lui resjoïr,
« Voil que tost li faciez oïr.
Sire, » dist li moingnes, « merci.
« Se ge i vois e [je] li die, 12172
« Il avra tel doel & tel ire
« Que bien tost me fereit ocire.
{74} « Envei[e]z un autre de mei.
76 Moines, par la fei que vos dei, 12176
« Por nai[e]nt querez achaison, [(f. 81)]
« Quer il n'i ira si vos non.
« N'est pas en cest païs usaiges
« Que l'en ocie les messaiges. 12180
« Ne demorez plus : alez tost,
« Quer vos le troverez en l'ost. »
E li moines, quant plus tost puet,
S'en vait, quer faire li estuet ; 12184
Grant aleüre a Arches vint,
E aventure isi avint
Que il trouva le conte d'Ou.
Des noveles devers Peitou 12188
Li dist la verité seüe,
Quer il l'out oïe & veue,
Si point a point & mot a mot
Qu'onques n'i trespassa un mot.) 12192
Quant li quens d'Ou out entendues
Les noveles que atendues
Aveit mot en autre maniére,
Si nerci & fist leide ch[i]ére, 12196
Que nuls n'en pout avoir parole.
Por le moingne qui si parole
Out tote cbangi[é]e s'entente
& s'ala gisir en sa tente. 12200
Pensiz & matez & despers
Se jut sor son lit toz envers ;
Ne sout que faire ne que dire,
Quer ne volt a nului redire 12204
{75} Les noveles que out oïes
Qui pou furent de lui joïes.
[En]dementiers que si pensoit
& que si angoissous esteit, 12208
Vindrent li briés al rei de France
Qui contérent la mesestance
Des noveles qui teles furent
Qu'onques ne descrurent, einz crurent, 12212
Si que par tote l'ost oïrent
Les noveles qu'il molt haïrent.
Lors fu iriez li reis de France, [(f. 81 b)]
K'unques mais si grant mesestance, 12216
Ce dist, ne li fu avenue ;
Mais si fu de la revenue
Que il fist de Jerusalem,
Quer asez plus l'en blasma l'en. 12220
Ne volt il unques plus atendre :
Tantost fist ses tentes destendre
E ses engins toz decouper.
Lors oïs[s] iez entracouper 12224
Charpentiers que f[i]érent & maillent
E tot trebuchent & détaillent.
E poi d'ore ourent detaillé
Quant que lonc tens ourent taillié. 12228
Quant cil dedenz les aperçurent,
Unques unquor plus lié ne furent,
Quer bien virent que tote voie
Se voleit cil metre a la veie 12232
{76} De cui molt lor ennuiout l'estre,
Qui en lui avoient mal estre.
Chevalier e servant s'armèrent,
& cil qui as armes i érent 12236
I firent riche ariére garde,
Ausi com s'il eüssent garde
D'aucune gent quis parsuïssent
E qui a els se combatissent. 12240
N'os fera[i] ci d'els plus Ions contes :
E vos les espies as contes,
Qui en es le pas lor contérent
Comme les Franceis s'en alérent. 12244
Ce lor pout molt plaire e seeir ;
E distrent : « Alom sorv[e]eir
« Lor afaire & lor men[e]ures. »
Armez de linges armeüres 12248
Furent, quer mult s'[en] entremistrent.
Tantost a la veie se mistrent
Après l'ost qui serré[e]ment
S'en alout & membré[e]ment, 12252
Quer de ce sunt Franceis molt sage, [(f. 81 c)]
Quant ne veient lor avantage,
E quant d'alcun lieu se departent,
Que bel & sagement s'en partent. 12256
Li trei conte molt se hastérent,
& bien grant gent qui o els érent.
Quant cil del host venir les virent,
Unques point ne s'en esbaïrent, 12260
{77} Qu'il n'avei[e]nt d'els nule garde ;
Trop ourent bone ariére garde.
Alcuns ala dire le rei :
« Sire, par la fei que vos dei, 12264
« Granz genz nos sunt [i] ci après.
Qui sunt ? f dist li reis, « sunt il près ?
Sire, vez les entre ces vals.
Ve[i]rs est ; ce est li Mar., 12268
« Li quens de Salesbire o lui ;
« E, s'onques homme armé kunui,
« Li quens de Garene o els est.
« De nos meffaire sunt tut prest 12272
1 Se il en vei[e]nt lieu e tens.
« Ne sévent gaires que ge pens, »
Dist li reis, « mès il le savront
« En poi d'ore, s'il ne s'en vont. » 12276
Will. des Barres demande ;
I[l] vient a lui e li kemande :
« Alez molt tost, beal sire chiers ;
« Si pernez. ij. cenz chevaliers, 12280
« S'alez tote ceste valée,
« Si qu'il ne sacent vostre alée,
« Dusqu'os lor seiez a l'encontre.
« Se Dex vos donout tel encontre 12284
« K'un des treis peüssez aveir,
« Nos en devrïum bien raveir
« Un de nos plus esliz amis.
« Isi le m'a mis cuers pramis. » 12288
{78} Isnelement fist li Barreis
Ce que li kemanda li reis :
Treis cenz chevaliers o lui prist [(f. 81 d)]
E en la valée se mist, 12292
Qu'onques garde ne s'en donérent
Li trei conte, einz les encontrérent.
Li armé lor corurent sore,
E li desarmé en is l'ore 12296
Tantost lor tornérent les dos,
Qu'il n'i avei[e]nt nul ados
Li desarmé, bien le savoient,
Contre [c]els qui armé estoient. 12300
Certes, si a dreit armé fussent,
Ja le retor pris n'i eüssent,
Qu'il n'i eüst pen[e] ats tornez
Einz qu'i[l] s'en fus[s]ent retornez ; 12304
S'eüst gaaingnié ou. perdu.
Mais mehaingnié e esperdu
Sunt cil, quant vient a grant besoing,
A cui lor armes sunt trop loing. 12308
Li Barre[i]s retorna ariére,
Mais il sout molt bien la maniére
A cels qui en fuie en alérent
Qu'en linges armeüres érent, 12312
E que se lor armes eussent
Ja eisi partiz ne s'en fus[s]ent.
Isi ala li reis vers France
O son doel & o sa pesance ; 12316
E li trei conte returnérent-,
{79} Le chemin vers Roëm tornérent.
Si mistrent devant els lor rote
E lor herneis e lor gent tote. 12320
Li Mar. voldreit entendre
A qui ainz ainz as ostels prendre.
Li haut borgeis, li citeien
& li plus halt e li mei[e]n 12324
La venue as contes oïrent,
Tot ensenble s'en esjoïrent.
Tantost sor lor chevals montérent,
A molt grant joie encontre alérent. 12328
Li Mar. les vit venir ; [(f. 82)]
Ne se volt nient atenir
Qu'il ne deïst ce qu'il pensout
A ses compaingnons qu'il amout : 12332
« Seingnors, » dist il, « oiez m'entente :
« S'anuit volez aveir atente
« En boens vins e en riches fruz
« E en presenz. e en deduz, 12336
« Si me laissiez parler avant,
« Quer d'une chose bien m'en vant,
« Si ge lor di ma volenté,
« Qe vos en avrez a plenté. » 12340
Li autre bien li otreiérent,
E li citeien s'aveiérent
Vers le Mar. maintenant ;
S'il saluérent tot avant, 12344
E puis les autres près a près,
{80} Si com il venei[e]nt après ;
Cil lor saluz beal lor rendirent,
Grant joie e grant enor lor firent. 12348
« Sire, » dist li Mathieus, li Gros,
Cil qui maires esteit al o[r]s,
« Quel part s'en vait cist reis de France ?
« Molt nos a mis en grant dotance 12352
« Qu'envers nostre sire tornast
« E la seïst e sejornast. »
Li Mar. lors respondi :
« Li reis de France est près de ci 12356
« Herbergiez en cele champaingne.
« Ne volom pas k'en nos remaingne,
« S'a ça torner est sa tendue,
« La vile ne seit défendue ; 12360
« Por ce nos en venons nos enz,
« Nos herneis e totes nos genz. »
E quant li borgois ço oïrent,
Molt durement s'en esjoïrent 12364
& mercïérent durement
Les treis contes et l'autre gent,
E distrent : « Ce nos pot molt plaire. [(f. 82 b)]
« Seingnors, isi devez nos faire ; 12368
« Vos faites enor e nature.
« Nos n'avom soz ciel creature
« Que nos ne meton franchement
« Tot en vostre commandement. » 12372
Dedenz la vile s'en entrérent ;
{81} Sachiez ke molt les onorérent
Li borgeis quant venir les virent,
E que molt grant joie lor firent. 12376
Li trei conte, si com mei semble,
En un ostel furent ensemble.
Atorner firent lor mangier.
Quant il fu saison de mangier, 12380
Tantost lavérent, si s'asistrent.
Li borgeis grant entente mistrent
A lor presenz aparelier.
Molt se volei[e]nt travaillier 12384
Chascun de plus beal present faire,
Por mielz valeir & por plus plaire.
Li un presentérent pleins vins
Clers e raianz & doz & fins ; 12388
Cil giroflé, cil espi[ci]é,
Si com chascuns out espïé,
Le meillor qu'il po[r]ent trover ;
Bien les volei[e]nt esprover 12392
Ainz qu'as contes les envei[a]ssent,
Que lor dons ne mesenpleiassent.
Après mangier vindrent li frut,
Si qu'a grant plenté ourent tuit 12396
Peires e pomes & noiz menues.
Si veis[s]iez parmi ces rues
Grant presse de cels qui [s] portoent,
Qui molt sovent s'entrehurtoent. 12400
Bien lor out tenu couvenant
De ce ke lor [ot] dit avant
{82} Li Mar. ; si s'en rïei[en]t
Por la grant presse k'il veei[en]t. 12404
Or me convient venir ariére [(f. 82 c)]
Por revenir a ma chariére.
Li saives de loing se reveie
Por venir a sa dreite veie. 12408
Par Will. des Roches fist
Li reis Johan quant qu'il enprist
D'aler rescorre Mirabel ;
Par lui en out'il le plus bel. 12412
Comment ? Ce fait bien a saveir :
Il n'i alast por nul aveir
Se ne fust la grant entremise,
La grant ouvre e la grant enprise 12416
Qui Will. remist el cuer,
Dunt il vint puis a malveis fuer.
E saciez, que que nus vos die,
Qui que feïst chevalerie 12420
Ne enpernement de proesce
Ne herdement ne grant vistesce,
D'ambesdeus parz ge di de vot
Que cil de[s] Roches venkui tot. 12424
Si out il treis chevals de pris
A la porte soz lui ocis ;
Unques por ce ne s'alascha
Ne n'alenti ne ne lassa 12428
Que il ne feïst tote veie
{83} Avant lui descouvrir la veie,
Nus n'i aveit a lui durée,
Qu'il n'aveit pas la pais juré[e]. 12432
Par lui, cest os ge bien retraire,
Furent pris tot li aversaire
Qui contre le rei se teneient
Johan, e Artur mainteneient. 12436
Quant issi fu faite la prise
Par le conseil e par l'enprise
Will. des Roches por veir,
Bien se deu[s]t aparceveir 12440
Li reis Johan, mès il nel sout,
Ou poet cel estre qu'il ne volt.
Sire Will. a lui vint, [(f. 82 d)]
A un conseil par sei le tint, 12444
E dist « Sire, ge vos amenbre,
« Si voil bien [que il] vos en membre
« Des couvenance[s] qu'os m'eüstes
« Dès grant piece a, bien le seüstes ; 12448
« & sil vos voil bien amenbrer
« Por ce qu'il vos en deit menbrer.
« Li reis Pelipes out tant fait,
« Par son porchaz, par son atrait, 12452
« Qu'il out a ma dame pramis,
« A son filz e a ses amis,
« E a mei qui o els i fui,
« Se nos nos tornïens a lui, 12456
« Qu'il dorreit mon soingnor Peitou,
« Gasgoinne, le Mainne e Anjou.
{84} « Sire, issi fu la couvenance,
« E nos, por icele fiance, 12460
« Del tut a lui nos en venimes
« E en son conseil nos tenismes.
« [A Balon vint] e si l'asist ;
« Tant i fu qu'a force le prist. 12464
« Quant a mon seingnor le dut rendre
« Bien nos fist saveir e entendre
« Qu'il [l']amoit mielz a es son oés.
« Lors ne prisai ge pas deus oés 12468
« Les pramesses le rei de France
« Ne son dit ne sa couvenance.
« La nuit, ce fu verité fine,
« Vinc a vos, al Bore la Reïne, 12472
« Ou vos estiez povrement
« E soufreitos de bone gent ;
« Si vos mandai k'a vos veneie
« E que a vos parler voleie 12476
« Privéement & seus a seus,
« Si qu'il n'i [e] ust for nos deus.
« Sire, iloec couvenant m'eüstes
« & jurastes quant qu'os peüstes 12480
« Que, se ge vos rendeie Anjou
« E tot la Maingne e tot Peitou,
« Mon seingnor e ma dame ausi, [83).] [(f. 83)]
« Si que tuit fusson bon ami, 12484
{85} « Qu'a mon conseil en ferïez,
« Que ja de rien n'en istrïez.
Oïl, » dist li reis, « gel vos dis,
« Mès or a tant vers mei mespris 12488
« Mis niés com vos veü avez.
Sire, » dist il, « vos ne savez
« Se c'est par lui ou par autrui.
« Unques, certes, nel fist par lui. 12492
« Mais [or] laissiez moi entremetre :
« Ge cuit la chose a tel point metre
« Qu'il sera a vostre greant.
Vos dites bien, gel vos greant ; 12496
« Isi sera, gel vos otrei.
« Venez desqu'a Chinon o mei. »
Mis sires Will. l'en crut
& i ala, mais toz jors crut 12500
La sorquidance e li orgoilz
Qui al rei fu devant les elz,
Si qu'il ne pot raison veeir,
Enz en perdi, gel sai de veir, 12504
Les cuers des barons de la terre
Ainz qu'il passast en Engletere.
E quant li rei a Chinon vint [(4 août)]
Ses prisons si leidement tint 12508
E en si vilaine destresce
{86} Que [ço] sembla honte e leidesce
A toz cels qui o lui estei[e]nt
E qui la crue[l]té veei[e]nt. 12512
Sir Will. le requist
De couvenant ; li reis li dist
Qu'il ne i[i] tornast a ennui,
Mes dusqu'al Mans venist a lui. 12516
Mis sires Will. le crut,
Mès totes vei[e]s crut e crut
Li orguels qui v[e]eir ne lesse
Raison as suens, einz les abesse. 12520
Li reis o ses genz al Mans vint, [(f. 83 b)]
Mès unques couvenant ne tint
Al seingnor des Roches por veir ;
Puis l'en fist bien aperceveir, 12524
Quer par iceste mesestance
Si torna puis al rei de France.
Trop mesprist li reis qu'il ne[l] crut,
Quer male proece li mut. 12528
Par lui perdi puis tot Anjou,
Si fist il le Maine & Peitou.
Li Peitevin tant ! oseng[i]ërent,
Tant firent & couvenanciérent 12532
Al rei que a lui se tendreient
E que trop bien le servirei[e]nt
[Qu'] ostages en prist e fiances,
{87} Mais poi tindrent lor couvenances. 12536
La entra li reis en mal an
Quant de Guifrei de Lezinnan
Prist covenances ne ostages ;
Si n'en ouvra pas comm[e] sages. 12540
Par parole fu ennivré
Tant que tot furent delivré,
For Saveri de Mallïon
Qui fu lonc tens en sa prison. 12544
Quant Peitivin delivré furent,
Tantost firent ce que il durent.
Durent ? que durent il dunt faire ?
A lor seingnor boisier e traire 12548
Vers els estranges seignorages.
Itels est toz dis lor usaiges.
Ge ne sai que plus vos en die :
Li reis s'en vint en Normendie [(septembre)] 12552
E trouva sa marche e sa terre
Qui toz jors enpirot de guerre,
E Franceis qui point ne l'amoent
Qui nuit & jor la barreioent 12556
Par la consente des tornez
Qui a els s'érent atornez.
Bien seit l'en que chose tornée ( [(f. 83 c)]
Es[t] corrumpue & atornée 12560
A tote rien faire torner
Ou ele se puet atorner ;
{88} Dunt vos di ge que le torné
Deivent bien puïr li torné, 12564
Dunt Dex a si les noz gardez
Que ja n'en seront regardez
Ne male chançon n'en iert traite
De tornée k'il aient faite. 12568
Li reis alout par Normendie ;
Ne dites pas, que [qu'om] vos die,
Qu'il alast par les dreite[s] veies,
Quer molt se doutout totes veies 12572
Que li torné par lor torné[e]
Ne destorbassent sa jorné[e] ;
Quer quant il tornout de Vernoil,
Par l'Aigle alout ou par Bretoil, 12576
Par Lisiues e par Caën,
E par Bonevile a Roëm.
S'os me demandez l'achaison,
Bien vos [en] dirrai la reison, 12580
E bien i devez regarder :
Qui ne se seit de qu[e]i garder
E toz dis cuide estre el desoz
Si [le] convient garder de toz. 12584
Isi avint qu'en cel termine
Esteit a Chynon la reïne
En la marche des Peitevins,
Des Britons e des Angevins 12588
Qui volentiers fors la traïssent
{89} Del chastel & peine i meïssent.
Molt fu al rei bien fait entendre.
Ne volt plus soufrir ne attendre : 12592
Granz genz & rotiers o lui prist ;
Tantost a la veie se mist.
Mais tant devez primes saveir
Por quei li reis ne pout aveir 12596
Les cuers de ses gens ne atraire. [(f. 83 d)]
Por quel ? Par fei, quer Lovrekaire
Le [s] menot de si mal randon
Que il perneit tot a bandon 12600
Quant que il trouvout en la terre
Ausi com s'ele fust de guerre.
Encore n'ert de ce nul conte,
Mais [que] se il lor feseit honte 12604
De lor femes e de lor filles,
Ja n'en fust amendé deus billes.
De Cés vers Alençon torna, [(29 octobre)]
Mès unques point ne sejorna 12608
Fors tant qu'il disna o le conte
Robert, qui le jor fist grant honte,
Quer, quant li reis li out donez
Ses ave[i]rs e abandonez 12612
E en la boche le baisa,
Le jor meïsme l'abaissa :
Tant tost, en icele jornée,
Fist il la mavaisse tornée, 12616
{90} E se torna al rei de France
E fist humage e alïance
E mist les Franceis en sa vile.
Huntuz est qui de gré s'avile. 12620
Ainz que li reis al Mans venist
Trouva il asez qui li dist
Que li quens s'ert si atornez
Qu'al rei de France s'ert tornez 12624
E qu'Alençon ert as Franceis
Mielz k'onques ce ne fu anceis.
Li reis de cez moz s'esbaï
& dist tant tost : « Ahi ! Ahi ! 12628
« Tant a ci cruel traïson !
« Fait a vers mei grant mesprison
« Robert qui mon aveir a pris
« & si tost vers mei [a] mespris ! » 12632
Lors fu li reis si esmaiez
K'a peine pout estre apaiez ;
Ne nul saveit conseil de lui [(f. 84)]
Quer ne se fiout en nullui, 12636
Quer en la veie de Chynon
N'aveit se ses enemis non,
Ne en la contré [e] defors,
S'il peüs[s]ent tenir son cors 12640
Qui molt trés joios en seroient,
Quer volentiers li mesferoi[e]nt.
Nul conseil n'out d'aler avant ;
{91} Retorner s'en voleit atant, 12644
Quant sire Pieres de Preials,
Qui ert bons chevaliers e beals,
Debonaire e doz e franz,
Amena la reine al Mans 12648
Herdiement, qui qu'en grochast.
Al rei fu bel, cui qu'en pesast.
Boen gré l'en sout entierement
E l'en mercia cherement. 12652
Del Mans tantost se departi,
Si li sembla buen gieu parti,
Meillor que devant ne soleit,
Quer il out ce qu[e] il voleit. 12656
Ne s'en vint pas par Alençon :
N'i passast unques sanz tençon
Anceis qu'i[l] venist en sa terre ;
Aillors ala passage quere : 12660
Par Mamerz e par Belesmeis
S'en vint en sa terre li reis,
A ses chasteals, a ses citez,
Dunt unquor [fust] bien eritez 12664
E molt riches, se il peüst
Tant faire qu'en pais les eüst.
Mais en dreit lui estre ne puet
Ne après lui, quer cil ne[l] vuet 12668
Qui a son oés volt tot aveir.
Soufreite d'amis e d'aveir
{92} Ont a meint home trop neû,
Ç'avom nos oï & veü. 12672
Tant s'entremist cil de mal faire [(f. 84 b)]
Qui a sei voleit tot atraire.
Li reis de France a Conches vint ; [(1203)]
Si l'asist, e isi avint 12676
Que li reis a lui enveia
Le Mar., si li preia
Que de son seignor li preïst
Pitié, & qu'a lui pais feïst, 12680
Quer ne remai[n]dreit por ave[i]r
Ne por rien qu'il peüst aveir.
Cil qui de tot aveir fu gloz
Trouva achaison & regroz, 12684
Tant que li Mar. vit bien
Que de la pais n'i aveit rien.
Lors dist li Mar. : a Beal sire,
« S'il vos plaiseit a mei a dire 12688
« Une chose, molt le voldreie,
« Quer trop volentiers le savreie.
« En France soient traïtor
« Estre traitié a desenor, 12692
« Ars e destrui[t] e traïné,
« & ore i sunt si raciné
« Qu'il li sunt tuit seignor e mestre.
Par fei ! si deivent il bien estre, » 12696
Dist li reis ; « c'est ore un porchaz ;
« Qu'il est d'els comme de torchaz :
{93} « Quant l'om en a faite s'ouvraingne
« Sil jete l'om en la longaingne. » 12700
Li Mar. paié s'en tint :
Congié prist de lui ; si s'en vint
[A] Faleise o li reis esteit ; [(30 janvier)]
Si li dist ce qu'oï aveit. 12704
Dreit a Roëm li reis s'en vint ; [(3 février)]
Mais cel contemple isi avint
Que la vile fu si bruslée
& si trés leide[ment] uslée, 12708
Amont e aval e entor,
Que li feus se prist en la tor.
Tote fust arse sanz eschamp [(f. 84 c)]
Ne fust Estevne de Lonc champ 12712
Qui en la tor ert en prison.
Si out en lui [molt] boen prison,
Quer tant i mist de s'ente[n]due
Qu'ele fu par li desfendue. 12716
Tels le dist al rei qui l'amout ;
E li reis molt boen gré [l'] en sout.
Lors fu parlé tot en oiance
De lui e de sa delivrance. 12720
Li Mar. dist al rei : « Sire,
« Entendez que ge [vos] voil dire.
« Vos n'avez mie as[ez] amis ;
{94} « S'os efforciez vos enemiz 12724
« Vos en descreistrez vostre force.
« Hom qui ses enemis efforce
« A boen dreit font qui li ennuie.
Qui avra peor si s'enfuie ! 12728
« Mar., » dist li reis Johan,
« Que ge ne m'en fuïrai d'an,
« E se il veneit al fuïr
« Ge me quidereie garrir 12732
« Autres ! com vos feriez
« En quel lieu que vos serïez.
Sire, » dist il, « ce sai ge bien ;
if De ce ne dot ge nule rien, 12736
« Mais vos, sire, qui estes sages
« E puissanz e de granz lingnages
« E toz nos devez gouverner,
« N'i gardastes a l'engriner ; 12740
« Mielz nos en fust a toz ensemble.
« Ne di fors raison, ce me semble. »
Quant li reis li oï ce dire
Si cuer monta en si grant ire 12744
Qu'i[l] ne deïst un mot por blame,
Ne que s'il fust feru d'un gleive
Parmi le cors de si qu'al cuer.
Ne pout [plus] durer a nul fuer : 12748
En sa chambre entra esraument ; [(f. 84 d)]
{95} Iloec ne sai ge pas gramment
Dire coument il s'i contint,
Mais ge sai bien que si avint 12752
K'el demain, por lui avancier,
Si fist en un batel lancier
Parmi Seine, tot contremont,
El pré es moingnes de Grantmont ; 12756
E quant la gent qui o lu[i] érent
Dedenz la sale nel trouvérent,
Ou en sa chambre ou en son lit,
Ne lor sembla pas grant delit, 12760
Que si s'esteit d'entre els emblé.
Quan[t] il furent tuit asemblé.
Tant tost sor lor chevals montérent ;
A qui ainz ainz le pont passérent. 12764
Quan[t] il se issirent de la vile
Sil sivirent vers Bonevile
Par Triasnon qu'il fist fermer.
Mielz li venist lors afermer 12768
Bealmont ou Brione ou Montfort ;
Si en fust sun païs plus fort,
, E par ce peüst om entendre
Que c'ert semblant de lui deffendre. 12772
Dreit a Lisiues s'adraça.
De son chemin poi s'adreça ;
Par Chambrei ala a Bretoil,
Puis ala reveeir Vernoil ; 12776
{96} E tost en icele maniére
S'en revint a Roëm ariére.
Si n'ert ce pas la veie dreite,
Mais l'autre li senblout estreite, 12780
Quer tels genz qui point ne l'amoent
Icele voie li gaitoent.
A Roëm petit sejorna. [(novembre)]
A tels i out, quan[t] s'en torna, 12784
Dist qu'[il] ireit en Engletere
Por conseil & aïe quere
A ses barons e a sa gent ; [(f. 85)]
Puis. revendroit hastivement. 12788
Mais por tant, c'est verité fine,
Qu'o lu[i] amena la reïne
S'en redoto[e]nt) li plosor
Qu'il n'i feïst trop long sejor. 12792
Tost out son esre apareillié,
Quer son charrei out enveié
Avant sei & tot son afaire
Privéement, sanz noise faire. 12796
Quant de, Roëm se volt partir,
A Bonevile ala gesir
El chastel, ne mie en la vile,
Quer molt se dotout d'une gile 12800
Que l'om li aveit fait entendre,
Que si baron, sanz plus atendre,
Tuit li plusor, juré avoient
{97} Qu'al rei de France le rend[r]oient, 12804
Dunt ne faiseit mie semblant,
Fors que d'entre els s'alout emblant,
Al Mar., a cels cui volt
& en cui il plus se fiout, 12808
Dist que naent ne perechassent
E que al main einz jor levassent.
Isi fu fait sanz plus atendre ;
Ne volt mie a toz congié prendre. 12812
Bien quidoent qu'encor dormist,
Mès alcuns entendre lor fist,
Ne sai quels esteit li besoings,
Mais il ert ja. vij. lieues loings. 12816
Li auquant après s'en alérent
E li plosor s'en retornérent.
Par Caam vint jusqu'a Bai[e]ues,
Plus esra le jor de vin[t] lieues 12820
Trop greignors que lieues franceises
Quer el[e]s érent beisineises.
Dreit a Barbefloe s'avoia.
Alcun de cels qu'il conveia 12824
Pristrent congié, si retornérent, [(f. 85 b)]
A Damlnedeu le commandére[n]t,
E bien soschoent li plusor
Qu'il n'i aveit riens del retor. 12828
A Barbefloe en mer entra,
{98} A Portesmues ariva. [(7 décetnhre)]
Quant venu fu en Engletere
Si li firent cil de la. terre 12832
Si grant joie e si grant enor
Comme l'om deit faire a seignor.
Ci en dreit ne voil or plus dire
Quer ne sai pas bien la matire 12836
A combien ele fu montée
Desqu'el me seit avant contée.
Quant il [ot] baillié ses chas. teais,
Roëm a Pierre de Preals 12840
E les autres, la ou lui plout,
En Engleterre venir vout ;
Si fist il molt hastivement.
Mès ne demora pas granment, [(1204)] 12844
Que de Normendie mandérent
Tuit cil qui les chasteals gardérent
Al rei qui ert en Engletëre
Qu'il meïst conseil en sa. terre, 12848
Quer li reis de France perneit
Toz les chasteals ou il veneit.
Hastif conseil li estuet prendre,
Quer n'est mester de plus atendre. 12852
Le conseil vos puet t'omi bien dire :
L'arcevesque de Cantorbire
E le Mar. enveia
O le conte [qui] ert de la, 12856
{99} Robert, qui ert de Leïcestre,
Si bon que mieldre ne puet estre.
Li mesaige lor chemin tindrent ;
Tant errérent qu'a Roëm vindrent ; 12860
Avant al Bec se tresportérent
Ou, le rei de France trouvérent.
Comme corteis &, comme sage. [(f. 85 c)]
Li distrent iloc lor meisage, 12864
Si com il avei[e]nt a faire ;
Mais unques ne lor volt riens faire
Li reis de France de lor dit,
Ainz torna tot a. escondit, 12868
E dist que tot cil qui vendrei[e]nt
Faire lui homage,, tendreient.
Terre de lui, a nomé terme.
Puis en fu ploré meinte lerme 12872
De plusors qui a tens n'i vindrent ;
K'ains puis de lui terre ne tindrent.
Quant cil de Leïcestre oï
E li Mar. autresi 12876
Que si l'aveit li reis enpris,
Que, s'al terme qu'il aveit mis
D'un an e d'un jor,, ne veneiejnt,
Que de lui terre ne tendreient, 12880
Li quens e li bon Mar.
Qui ne volei[e]nt. estre fais
Entre els deus parlérent. asemble ;
Si offrir[ei]ent, ; ce me semble, 12884
{100} Granment del lor por terme aveir,
Tant que il peûssent saveir
Se la terre serreit perdue
Ou s'ele sereit defendue. 12888
Cist dui a tel conseil se tindrent
Qu'ensemble al rei de France vindrent.
Si li donérent bonement
Chascun d'els cinc cent mar[s] d'argent 12892
Por aveir soufrance de[l] lor
De [si] qu'a un an e un jor,
E se tant ne poeit ouvrer
Li reis qu'il peüst recouvrer, 12896
Dedenz l'an, que a lui vendrei[e]nt
E que homage li ferei[e]nt. [(mai)]
Quant finé ourent de lor terre,
Si s'en vindrent en Engleterre, 12900
E li reis de France por veir
Ala lors Roëm aseeir [(f. 85 d)]
Par de la l'éve, ce savez,
Quer oï & veü l'avez. 12904
E sire Pierres de Preals,
Qui voleit faire que leals,
Manda al rei en Engleterre
Que, s'il ne secoreit sa terre, 12908
Qu'il la perdreit trestot a net.
Dès Baioes jusqu'a Anet
N'aveit ne chastel ne cité,
Ce seu[s]t il por verité, 12912
Qu'il n'eüssent tel couvenance
{101} Couvenanct[é]e al rei de France
Qu'il serroient quitement suen
Dès l'ore qu'il avreit Roëm. 12916
E se il a Roëm perdu,
Tenir se puet a esperdu,
Quer il n'avra rien en la terre ;
Tant puet il estre en Engleterre. 12920
Li rèis se conseilla mol[t] tost :
Maintenant fist semondre s'ost
Por aler dreit a Portesmues,
Mais trop i out longes erlues [(juin)] 12924
Quer trop longement demorérent
Li plusor qui semons i érent.
Iloec n'aveit mestier d'aloingne :
Tant com li chiens fait sa bosoingne, 12928
Par detriés, lui ne chaut quil veie,
& li lou s'en va tote veie.
Perdu fu Roëm sanz faillance ;
Saisis en fu li reis de France. 12932
Après, si com j'entent e esme,
Demora de si qu'al quaresme.
Lors prist li reis privéement
Mesaiges si celéement 12936
Que l'arcevesque ne seüst
Forme de pais que il eüst.
Li Mar. en ceste afaire [(f. 86)]
Ala por la besoingne faire, 12940
E Hue de Welles ensemble
O lui ala, si com mei semble,
{102} Qui le seel le rei portout.
Quant li reis enchargié lor out 12944
Tot son segré e son afaire
De sa pais porchacier e faire,
Lors dist li Mar. al rei :
« Beal sire, ore atendez a mei : 12948
« Ge n'ei pas seürté de peis,
« & vez que mis termes est près
« « De ma terre de Normendie.
« Si ne sai ge ke vos en die : 12952
« Se ge ne fas al rei hommage
« Il me torra a vil damage,
« Que ne la pense recouvrer.
« Comment en porrei jo ouvrer ? » 12956
E li reis dist al Mar. :
« Je vos conois a si leial
« Qu'os ne porrïez a nul fuer
« De mei esloingner vostre cuer. 12960
« Bien voil qu'os li faciez hommage
« Por aloingnier vostre damage.
« Ge ne voil mie deservir
« Q'os ne m'aiez de quei servir, 12964
« Quer bien sai, comme plus avreiz
« Que mielz e mielz me servirez, »
Li mesage d'iloc tornérent,
{103} Ala mer vindrent, si passérent. 12968
Que que des jornées aviengne
Le rei trouvérent a Compiengne i
Si li distrent bien lor messaige
Com cil qui molt [en] érent sage. 12972
A cele feiz'ici avint
Que li reis a paié s'en tint,
E lor mist terme tot a net
D'iloc a. vij. jors a Anet, 12976
Quer s'ost out somonse por veir [(f. 86 b)]
Por aler Caëm aseeJr.
« Mar., » dist li reis de France,
« Vos savez bien la couvenance 12980
« Qui entre mei e vos [fu] faite :
« Vostre terme près nos agaite ;
« Si po[r]ïez ave[i]r damage
« S'anceis ne me faites humage. » 12984
E li Mar. li dist : « Sire,
« S'il vos plaist, en ce n'a que dire.
« Ge ne m'en voil mie retraire.
« Quan[t] vos plaira prest sui del faire. » [D] 12988
Son hommage si fist a net.
D'iloec alérent a Anet
Al jor que li rei out nomé,
Mais ne fu pas bien asommé 12992
Quer il i out une achaison
Qui ne vint mie de raison.
L'arcevesque de Cantorbire
Out bien oï conter e dire 12996
Comme le mesaige s'esmurent
{104} E qu'il quistren[t] e qui il furent ;
E quant il oï isi dire,
Si'n out en sei desdeing e ire 13000
Que) li reis out sanz son conseil
Apareillié tel aparail.
En poi de tens out desbrac[i]é
Quant que cil avei[e]nt brac[i]é. 13004
Tost vient qui a mal faire asene,
Qu'il manda par Rad. d'Ardene
Molt tost al conte de Boloingne
En itel forme la bosoingne 13008
Que. ce peüt il bien saveir
Que cil n'avei[e]nt nul poeir
De pais fa[i]re qui la alérent
E qu'en vein traveillié s'e[n] érent. 13012
Li quens Reinalt sanz demorance
Le fist saveir al rei de France,
E dist tot estrosséement
Al Mar. al parlement : 13016
« Danz Mar. molt [me] merveil
« Qu'os me portastes tel conseil,
« Que vos n'aviez nul poeir
« De faire pais, gel sai de veir. » 13020
Isi fu tot debareté
Quant que cil ourent bareté,
E por desbareté se tindrent
E tut desbareté s'en vindrent, 13024
{105} E ce lor pout molt desseeir.
Lors ala Caëm aseeir
Li reis por paraveir la terre.
E [c] il vindrent en Engleterre, 13028
E saciez que Rad. d'Ardene
Qui lor out fait le barbequene
Devant por lor ouvre deffaire
Out si atorné son afaire 13032
Qu'il vint al rei ainz qu'il n'i vindrent,
E dist que trop mal se contindrent
En France vers lui si mesaige :
Li Mar. out fait homage 13036
E feelté & alïence
Encontre lui al rei de France.
Oez com feite mesprison !
Cil qui out dit la traïson. 13040
Par quei la pais remest a faire
Out si atorné son afaire
Qu'il fu par son mal feit creü,
E cil en furent mescreü 13044
Qui bien e bel eüssent faite
La pais s'il ne l'eüst desfeite.
Eisi avi[e]nt [il] tote jor
Que losengier & traïtor 13048
Sunt tuit maistre & seignor a cort.
E li prodome tenu cort.
Quant li mesaige venu furent
N'ourent [il], pas, si com il durent, 13052
{106} Béat semblant del rei, mès matvès, [(f. 86 d)]
A tort, quer il ne pourent mès
S'il ne tirent ce que li quistrent,
Quer del destorber s'entremistrent 13056
Tel gent qui bien le sourent faire,
Par quei la pais remest a faire.
Si firent gran[t] pecch[i]é e mal.
Lors dist li reis al Mar. : 13060
« Mar., ge sai sanz dotance
« Qu'os avez fait al rei de France
« Feelté, ligance & homage
« Contre mai & pur mon damage. » 13064
Li Mar. respondi : « Sire,
« Qui tels paroles vos sout dire
« Ne m'ama pas ; si vos menti
« Hui deit bien estre desmenti. 13068
« Sire, se sachiez vos molt bien
« K'encontre vos ne fis ge rien,
« E ce que g'en fis le fis gié,
« S'il vos plaist, par vostre congié. 13072
Par fei ! » dist li reis, « non feïstes.
Si fis veir, quer vos me deïstes
« Que homaige anceis li feïsse
« Que mon heritage perdisse. 13076
Par Diu ! » dist li reis, « n'en fis rien ;
« D'icest otrei vos fail ge bien
{107} « E si'n voil ave[i]r jugement
« De mes barons e de ma gent. 13080
Jugement ne refus ge mie,
« Sire, si Dex me beneïe,
« Ainz le voil, » dist li Mar.,
« Quer unques ne fui desleials, 13084
« Quer cil malveisement s'escuse
« Qui leal jugement refuse. ! »
Isi avint al Mar.
Que del rei fu lonc tens par mal 13088
Sanz déserte & sanz [nul] forfait,
Que unques en lui n'out sorfait.
Après ce avint asez to[s]t [(f. 87)]
Que li reis fist somondre s'ost 13092
De toz cels qui de lui tenei[e]nt
& qui servise li devei[e]nt.
Cil qui son commandement tindrent
A Portesmue[s] a lui vindrent [(1205, juin)] 13096
Por aler a Peitou o lui.
As plosors torna a ennui.
A l'ercevesque pout molt plaire
Del semblant que il vit faire 13100
Al rei envers le Mar.,
Quer par envie li volt mal.
Par aventure un jor avint
Que li reis sor le have vint 13104
E li baron o lui ensemble ;
{108} Granz poples entor lui asemble.
Sor la grant mer iloc se sist,
& tantost com il s'i asist 13108
Al Mar. k'a lui venist
Manda tantost, & il si fist.
Li reis tantost li demanda,
E au dire lu[i] kemanda » 13112
Por qu'il aveit fait alïance
Encontre lui al rei de France.
E li Mar. respondi :
« Beal sire, » dist il, « gel vos di, 13116
« Qu'onques vers vos riens ne mesfis.
« & saciez que quant g'en fis
« Fu par vostre kemandement.
Ge vos en fail tot pleinement, » 13120
Dist li reis, « ce saciez de veir ;
« De ce voil jugement ave[i]r
« De mes barons, ç[o] est la somme.
« Dreiz jugemenz n'espargne homme. » 13124
Al Mar. sembla molt gr[i]ef ;
Son chapel osta de son ch[i]ef
E dist : « Sire, encor vo di gié
« Que gel fis par vostre congié. 13128
« Si vos en trai a garantaige [(f. 87 b)]
« Que j'alai en vostre message. »
E li reis dist : « Ge vos en fail.
« Ja n'i gaaingnerez un ail ; 13132
« Mais je souferrai ore un pou :
{109} « Vos vendrez o mei a Peitou,
« Isi le voil sanz demorance,
« E encontre le rei de France 13136
« A cui vos feï[s]tes homage,
« Por conquerre mon heritage.
A ! sire, » dist li Mar.,
« Por Deu merci, ce sereit mals, 13140
« Quant isi est que sis bons sui,
« Se g'i aloe contre lui.
Or oiez, seignors, » dist li reis ;
« Cest ne desdira il des meis. 13144
« Or poez aparceveir l'ovre
« Qui trop leidement se de[s]couvre,
« Quer il dist qu'il est [hom] le rei
« E qu'il ne vendra pas o mei ! 13148
Avoi ! » dist sei li Mar.,
« Sire, ge ne fu[i] unques fais.
« N'a si prodome en vostre terre,
« S'il voleit prover ne conquerre 13152
« K'a mesprendre envers vos tendisse,
« Que vers lui ne me defendisse.
« Unques traïson ne moleste
« Ne fis dunt ja couvre ma teste, 13156
« Ne ja ne ferai en ma vie,
« N'en dout losengier ne envie.
Par les denz Die[u] ! ço n'est nient, »
Dist li re[is], « ge voil jugement 13160
« De mes barons ; ço n'est pas gas.
Jugement ne refus ge pas
« N'unc ne fis ne ja ne f[e]rai, »
{110} Dist li Mar. « einz. l'osrai. 13164
Lor dreça son vis contremont,
& si mist son dei a son front,
E dist : « Seignors, esgardez met, [(f. 87 c)]
« Quer, par la fei que ge vos dei, 13168
« Ge sui a vos toz hui cest jor
« Essemplaices :& mireor,
« E si atendez bien al rei :
« Ce qu'il pense faire de. mei 13172
« Fera il a chascun ou plus,
« S'il en puet venir el desus. »
Quant li reis ot que isi parole,
Molt s'ira de cele ; parole, 13176
E jura molt. escordement
Qu'il voleit aveir jugement
De ses barons ; qui. iloc érent.
Libarons'entreregardérent 13180
Li uns l'autre e traistrent ariére.
Li reis parla en tel maniére,
E dist : « Seignor, ;. n'en ferez plus.
« Par les denz. Dieu ! bien. vei que nus, 13184
« De mes barons n'i est o mei ;
« Bien l'aparceif & bien le vei.
« Bien vei ou la besoingne tient.
« A mes bachilersme : convient 13188
« Parler a. conseil de cest ouvre
« « Qui. si leidement se descovre. »
{111} Lor s'en ala tot a eschamp
A une part parmi le champ. 13192
Al Mar. forment greva :
De la ou il sist se leva
Por conseillier de son afaire,
Que l'en sereit le mielz a faire ; 13196
Mais itant lealment vos di
K'ains n'i out baron si hardi
Ne si bien de cort ne si mestre
Qui a son conseil osast estre, 13200
Fors sol Henri le filz Gerout
Qui unques faillir ne li volt,
E Johan d'Erlée sanz plus,
Quer des autres n'i ala nus. 13204
Li reis, de la ou il s'estout, ( [(f. 87 d)]
Le resgarda & molt li plout,
E dist : « Or est si com ge voil.
« Ore est richement a conseil 13208
« Li Mar., k'il n'a nului
« A son conseil ensemble o lui
« De toz celz que aveir i volt
« Forz sol Henri le filz- Gerolt 13212
« E Johan le roingnos sanz plus ;
« Des autres n'i adrece nus.
« Or dites, seignor bacheler,
« Ne vos chaut nient a celer, 13216
« Vostre avis de ceste bosoingne,
« Quer ge, n'i ai cure d'aloingne. »
{112} Tetzioutdeceisquiiérent
Qui molt richement en parlérent, 13220
E distrent : « Com puet avenir
« Que nus deie terre tenir
« De vos ? Non deit, ce dison nos,
13334 a Qui refuse a venir o vos 13224
« En tel lieu e en tel besoingne ;
« U nus ne devreit querre essoingne. »
Dan Johan de Basingeborne
I revoleit [faire] son orne, 13228
E dist : « Ge ne vei ne n'entent
« Par quele resun ne comment
« Hom tienge terre ui en cest jor
« Qui a besoin faut a seingnor. » 13232
Lors parla li boens Bauduïns
[Cil] qui tant fu vaillanz & finz,
E dist parole bien seant
Qui as plusors fu agréant : 13236
« Tasiez, sire, uis de cité
« Or vos estes bien aquité.
« A vos n'a mei n'est a jugier
« En cort si trés buen chivalier 13240
« Comme est le Mar., gel di.
« En tot cest champ n'a si herdi
« Qui vers lui mostrast le forfeit [(f. 88)]
« Dunt il eüst al rei mesfait. » 13244
{113} E quant li reis nel pot prouver
Par baron ne par bacheler,
E vit que ce n'aveit mestier,
Lors leva sus, s'ala mangier. 13248
Molt pensa, quant il out mengié,
Comme peüst estre vengié,
E coument il peüst trouver
Forme de[l] Mar. grever. 13252
A plosors parla, s'il trovast
Qui le Mar. apellast,
Le jor e ausi lendemain,
Mès nus ne l'osa prendre en main. 13256
Tant parlérent plusor asemble
Que l'arcevesque, ce me semble,
Ne loa ne ne volt soufrir,
Por rien qui peüst avenir, 13260
Que li reis passast a nul fuer.
Ne sai quel germe il out en cuer.
E après ce, quant li reis vit
Que, por parole ne por dit 13264
Qu'il peüst vers lui alever,
Ne pout le Mar. grever,
Sil recommença a retraire
Vers lui & bele chiére a faire, 13268
Corn se mal gré ne lui seüst
Ne mal talent vers lui n'eüst ;
Mais tant volt aveir. d'avantaige
Qu'il eüst son filz en ostaige, 13272
{114} L'einsné qui esteit li plus c[bi]ers
& il li bailla volentiers,
Comme cil qui n'aveit que faire
Ne nul pensé de nul mal faire ; 13276
E l'om dist que qui son dei lie
Sain, quant il velt, sain [le] deslie.
L'an, a la Pentecoste, après [(1206)]
Se prist li reis Johan molt près, 13280
Molt ignelement & molt tost.88 [(f. 88 b)]
D'aüner grant gent & grant ost.
E quant les genz furent venues,
Rasemblérent a Portesmues. 13284
Ne demora il for[s] un pou :
Outre se passa en Peitou, [(juin)]
E laissa a garder sa terre
Les meillors genz qu'il sout de guerre, 13288
E s'i laissa le Mar.
K'il quenoisseit a molt leial,
E il li bailla volentiers
Grant plenté de ses chevaliers. 13292
E de ses autres genz asez
Dunt molt out o lui amas[s]ez.
Li reis passa ; en Peitou vint ;
A cele feiz bien li avint, 13296
Que il i reconquist asez
Chasteals & borz & fermetez.
{115} Asez i a de la matire,
Mais ne puis mie tot redire, 13300
Mais treüs prist ; isi avint ;
A la saint Michel s'en revint. [(29 septembre)]
Quan[t] en la terre fu venuz
Des plusors i fu bienvenuz 13304
Qui l'amérent & quil cherirent
E joie e grant enor li firent.
Isi fu lonc tens en sa terre
E ala par tote Engleterre 13308
En ses forèz e ses riviéres
Qu'il aveit larges & pleniéres.
E après ce, [ce] vos di gié
Que li Mar[es]chal quist congié 13312
D'aler en sa terre en Irlande
Qu'il i aveit molt bele e grande.
E grant piece l'i out eüe,
Mais unques ne l'aveit veüe. 13316
A enviz li dona li reis,
Qu'il li aveit par maintes feis
Congié d'aler i demandé, [(f. 88 c)]
& toz dis l'out contremandé. 13320
Estre tant avint aventure
Al rei qui asez li fu dure
E laide & isdose por veir,
Mès ne s'en sout aparceveir. 13324
Fortune si près li corut
Que li arcevesque morut [(1205, 13 juillet)]
{116} E li boens quens de Leïcestre, [(20 oct. 1204)]
Dunt molt afeblïa son estre ; 13328
E nequedenta ço cesa
Que unques point ne l'en pesa.
Maint homme a mainte chose tent
Qui ne seit pas qu'a l'oil li pent, 13332
E cuide son gran[t] avantage
La ou il trove son damage.
Ci vos dirrei tot a un mot
K'al conte Roger le Bigot 13336
Parla li Mar. adonques
Qui trop perechos ne fu unques
De son pru & de s'enor faire
La ou il ert seant a faire. 13340
Beal le requist e comme sage ?
De faire un corteis marïage
De sa fille a Hug. sun fiz
Qui fu proz & doz & gentiz. 13344
Si resteit molt la dameisele
Giene chose e gentil e bele.
Bien fu seanz li mariages,
Si en fu bel a lor lingnages. 13348
Si comme g[e] entent e esme
Se mist a la veie al quaresme [(1207)]
Li Mar., quant il out fait
Son mariage & son bienfait ; 13352
Si s'en ala dreit vers Irlande,
{117} Ker sa volunté li kemande.
Quant li reis aparçut & sout
Que totes vei[e]s s'en alout, 13356
Bien se tint molt [a] enginné [(f. 88 d)]
Qu'il li aveit doné congié.
Si commença a porpenser
Comme il le porreit destorber 13360
Qu'il ne trespassa[s]t en Irlande.
A Thomas de Sanfort kemande
Qu'il dusqu'al Mar. alast ;
Si li deïst e quemandast 13364
De par lui qu[e], ainz son passage,
Eüst son autre filz en gaige,
Quer de lui volt estre seür.
Il respondi : « A boen eür. » 13368
Unques d'esrer point ne se feinst
Tant que le Mar. ateinst
A Strigoil ; si l[e] salua
De par le rei. Lors remua 13372
Li Mar. a son estage,
[E] cil li conta son message,
Que ço seüst il bien, por veir,
Que l'autre filz voleit aveir 13376
Li reis einz qu'il fust en Irlande.
Quant cil oï que li reis mande,
Molt bien li rendi ses saluz,
E dist que bien fust il venuz ; 13380
Puis dist : « Lavez, s'alez mangier ;
« Ge me voil ore conseiller
{118} « A ma gent & a mes barons,
« Puis vos dirrei vostre respons. » 13384
Sire Thomas mangier ala,
& li Mar. apela
La contesse privéement
& de sa plus privée gent, 13388
E si lor mostra cest afaire
E qu'il l'en loeient a faire.
Tuit li plusor de cels qui érent
A cel conseil li desloérent 13392
E distrent [que c'ert] felonie
E qu'il ne l'i enveiast mie.
E il respondi sagement ( [(f. 89)]
« E non Deu, si seit veirement ! 13396
« S'il velt, ge li enveierai
« Trestoz les enfanz que je ai. »
Atant a son conseil laissié.
Quant sire Thomas out mangié, 13400
Li Mar. par la main prist
Sire l'om. e si li dist :
« Sire, saciez certeinement
« Que g'env[ei]erai bonement, 13404
« S'il velt, toz mes enfanz al rei,
« Que qu'il ait en pensé vers mei.
« Mès dites mei, por Deu amor,
« Por qu'a il vers mei tel esror ? » 13408
E sire Thomas respondi :
« Certes, beal frere, ge vos di,
{119} « Sa volunté plus ne demande
« Fors k'os n'alis[s]iez en Irlande, 13412
« E molt est encontre son gré
« Del congié qu'il vos a doné.
E non Deu ! » dist li Mar. !
« Totes vei[e]s, seit bien, seit mals, 13416
« En Irlande m'en irai g[i]é
« Dès qu'il m'en a doné congié. »
Rie. son filz al rei enveie.
L'endemain se mist a la veie, 13420
Que il a tel comme il demande
Le vent a aler en Irlande.
Joiosement la mer passa.
Quant en sa terre fu de la, 13424
Plusors de[s] sons, quant il le virent,
Grant enor & joie li firent ;
E telz i out, quant il le sourent,
Qui en lor quers grant duel en [o] urent. 13428
Si avint en cel' [or] e dreit
Que Meliers qui son home esteit
Ert justise le rei d'Irlande :
Dedenz son cuer out ire grande 13432
De la venue son seignor, [(f. 89 b)]
Qu'il n'out unques gaires greignor ;
Mès li prodome sanz ennui
Furent molt bien paié de lui. 13436
Meliers, qui mal li volei[t] quere, » »
Manda al rei en Engletere
Que, s'il soufreit le Mar.
{120} En Irlande, ce serreit mal, 13440
Longement ; ce seüst il bien,
La part le rei n'en valdreit rien.
Li reis manda le Mar.
Qu'il ne laissast, n'al bien n'al mal, 13444
Qu'il ne venist en nule guise ;
S'amenast Melier la justise.
E il en parla, si out dreit,
A ses genz ou il se creeit ; 13448
E cil qui a son conseil érent
Li distrent que molt se doutérent
Que li reis nel mant par engien,
Plus por son mal que por son bien ; 13452
E ço fu devant la contesse
Qui molt douta cele pramesse.
Li Mar. sout bien de veir
E bien se pout aparceve[i]r 13456
Qu'il nel mandout pas por son bien ;
Si n'en dout[a] de nule rien
Quant il serreit hors de la terre
Qu'il n'i eüst discorde e guerre 13460
Entre ses genz qui remandrei[e]nt ;
Ja [a] un acort n'i serei[e]nt.
Durement kenoisseit lor gile.
Lors dist Jordan de Sankevile : 13464
« Ge voil qu'os remaingnez ici [F"]
{121} « & gardez, la vostre merci,
« Une partie de ma terre,
« Qu'aler m'estuet en Engletere. 13468
« Ge vos en baillerai grant pan :
« Dès le pas de Baligauran
« Gard[er]ez desqu'a Diveline ; [(f. 89 c)]
« Un des chiés de ma terre i fine. » 13472
Après dist [a] Johan d'Ertée
« Vos garderez de ma contrée
« Okanceleie e Oserie ;
« Ce sera en vostre balie. » : 13476
Johan d'Erlée respondi :
« Sire, por amor Deu, merci ;
« Ce ne purrei[e] ge pas faire,
« Quer ge n'e[n] savreie a chief traire ; 13480
« Mais bailliez la ou vos voldrez
« Vostre baillie, & tant sachiez,
« Ja ne la baillerez nului
« Que volentiers ne soie o lui 13484
« A feire, solon mon poe[i]r,
« Ce qu'il kemandera, por veir. »
E li Mar. respondi :
« Si ferez veir, jo vos en pri, 13488
« E ge vos lerrai, c'est la fin,
« Ou vos Estiemble, mon cosin,
« D'Evreues, qui vos aidera
« E volentiers o vos sera ; 13492
« & si ouvrez par son conseil ;
« Gel voil, quer gel tien a feel.
{122} « Si vos lerrei, por vostre bien,
« 0 vos Reinfrei le filz Paien, 13496
« E. vij. chivalier remandrunt
« Que j'amenai, qui maintendrunt
a 0 vos la terre en bone fei.
« Ge n'en remerrai nul o mei 13500
« De toz cels que j'ai amené,
« Fors solement Hen[r]i Huesé.
« Si vos quemant que vos ovrez
« Des ouvraignes que vos fereiz 13504
« Par dant Gaufrei le filz Robert,
« Qui bien & lealment me sert,
« E al conseil Walt. Porcel
« Qui convenablement e bel 13508
« Vos aidera senz [nule] essonie. [(f. 89 d)]
« E dant Tomas le filz Antonie ;
« E Mai ! tard voil ge que remaingne
« 0 vos, qui sout porter m'ensaingne. 13512
Sire, » dist sei Joha[n] d'Erlée,
« Molt me dout de la reüsée.
« Pernez de vos barons ostaiges,
« Gel vos lo, si f[e]rez que saiges, 13516
« Ainz qu'os augiez en ceste veie.
Taisiez, » dist il, « ge ne voldreie
« Orendreit por cent mars d'argent
{123} « Qu'il seüssent certeinement 13520
« Qu'eussiez tel parole dite,
« Quer molt sereit en mal escrite ;
« Mais ges manderai qu'a mei viengent
« E si lor dirai qu'il maintiengent 13524
« La pais & l'enor de ma terre,
« Que entre els n'ait descorde ne guerre. [D]
Il les manda e a lui vindrent,
Unques nule ensoingne n'i tindrent. 13528
A[l] jor nomé a Kilquenni
Furent asemblé devant lui,
E quant venu furent, le jor,
Lors dist li Mar. : « Seignor, 13532
« Vez la contesse que j'amain
« Ici devant vos par la main :
« Vostre dame naturalment,
« Fille al conte qui bonement 13536
« Vos fefa tuz par sa franchise,
« Quant il out la terre conquise.
« Entre vos enceinte remaint.
« Dusqu'a tant que Dex me remaint, 13540
« Vos pri a toz que bonement
« La gardez e naturalment,
« Que vostre dame est, ce savon ;
« Ge n'i ai rien si par lui non. » 13544
E il respondirent que bien
Le ferei[e]nt sor tote rien.
{124} Tels a bien faire li pramistrent [(f. 90)]
Qui mentirent de ce qu'il distrent, 13548
Quer totes vei[e]s se descovre
Li malveis en dit u en ovre.
Congié prist li quens a sa gent ;
Si passa molt hastivement. 13552
A la seint Michel vint a terre ; [(29 septembre)]
Tant fist qu'il vint en Engleterre.
Meliers, qui fu de male fei,
Passa en une nef par sei, 13556
Mais ainz dist a totes ses genz
A ses coisins, a ses parenz,
Qu'il feïssent ennui e mal
A la terre le Mar., 13560
E que grant guerre lor meüssent
Tantost com passez les seüssent.
Eisi lor dist e il si firent,
Qu'onques de rien ne l'en mentirent. 13564
Après la feste, la semeine,
Tot le premerein diemeine,
Arstrent il les granges le conte,
E mistrent a cendre e a honte, 13568
Qui a la Novele'vile érent,
E vint de ces hommes tuérent,
E menérent tote la preie
De la vile avant els lor veie ; 13572
E commença parmi la terre
Li troubleme[n]z e la grant guerre.
{125} Or parlerom del Mar.
Qui encor ne sout mot del mal 13576
Ne de la leide mesprison
Que Meilier fist par traïson.
Dusqu'al rei vint li Mar.
E autresi Melier li faus. 13580
Li reis fist toz dis sa maniére :
A Melier fist molt bele chiére
E al Mar. molt pesante
E molt laide e molt despleisante. 13584
Lors avint l'ore perilose [(f. 90 b)]
Sire Will. de Braiose
Fu leidement al rei mellez
Qui molt sout estre sis privez. 13588
Un jor, après mengier, avint
Que li reis en sa chambre vint
E Girarz d'Atées o lui,
& Melier i ert autresi, 13592
E tuit si mestre conseiller
Qui l'amoent a conseillier.
D'unes e d'autres tant parlérent
Que al Mar. s'arestérent, 13596
A cel de Braiose autresi
Qui molt esteient bon ami,
Tant que Meilier se mist avant
E dist al rei tot en oiant : 13600
« Sire, unques ne vos esmaiez ;
« De lor guerre seür seiez.
« Laissiez mei aler en Irlande
{126} « Ge[s] vos metrai en tel kemande, 13604
« Que par mei, que par mes amis,
« Qu'a Londres les vos rendrai pris.
« Isi les vos cuit justisier ;
« Ja n'i metrez un sol denier. 13608
« En tel point le[s] vos cuit tenir,
« S'il velent après mei venir.
–E[n] non Diu, » dist Girars d'Atées,
« S'os forniciez ces asemblées, 13612
« Vigoros estes & vassals,
« « Desconfiz est li Mar. »
Lors parla plus Melier al rei :
« Sire, » dist il, < ! entendez mei : 13616
« Un petit plus i a a faire,
« Qu'il vos couvrent vos leitres faire
« A cels qui de vos tienent terre,
« Qu'il s'en viengnent en Engleterre ; 13620
« E ge cuit al mien escïent,
« & si n'en dot ge de nïent,
« Ainz le sai bien, qu'ainz sa venue [(f. 90 c)]
« Avra il sa terre perdue. » 13624
E li reis dist al chancelier :
« Or pensez tost de l'espleitier.
« Faites ces letres esraument
« Teles & si espressement 13628
« A trestoz cels qui de mai tienent,
« S'en Engleterre ne s'en vienent,
{127} « Qu'il n'i tendrunt plein pié de terre
« De mei en trestote Engleterre. 13632
« E nunciez a Johan d'Erlée
« Qu'il s'en vienge sanz. demorée ;
« E a Estevene ensement
« D'Evreues que hastivement 13636
« En Engleterre a mei s'e[n] vienge,
« Que nule chose nel detienge ;
« E a Jordan de Sankevile
« Mandez, qu'il n'i a mestier gile, 13640
« Que jamais de mei terre tienge,
« S'il ne prent conrei qu'il s'en vi[e]nge.
« E a toz cels qui de mai tienent
« Escrivez ke, s'il ne s'en vienent, 13644
« Qu'il s'en tendrunt a mal ba[il]li,
« Qu'as terre[s] avront il failli.
« E si voil bien que il m'en creient
« Que a quinze jors o mei sei[e]nt 13648
« Après ce k'il avront veües
« Ces mei[e]s leitres & seües,
« Ou que ge seie en Engleterre,
« Ou il n'i avront point de terre : 13652
« Se vent ne lor faut ou oraiges,
« Il ne s'en tendrunt mie sages. »
A[près] ce dist Meliers al rei :
« Sire, or donez congié a mei 13656
« D'aler m'en ; » & il li dona.
{128} Tel chose li a[ba]ndona
Dunt lui couvint a mal ch[i]ef traire.
Isi deivent traïtres faire. 13660
Les lettres furent seelées [(f. 90 d)]
E a Thomas Bloët livré[e]s.
Li Mar. sout que Meliers
Out congié del rei voluntiers 13664
A aler sanz dreit en Irlande
E qu'il a quant que il demande.
Lors n'i volt naient plus atendre :
Al rei revint por congié prendre, 13668
Quer molt volentiers s'en irreit,
E li reis dist que non fereit.
Melier out boen vent, si passa ;
Mès unques nef n'i tre[s]passa 13672
De la Seint Michel a nul jor
De si qu'après la Chandelor,
Ne mais la Melier solement.
Eissi avient asez souvent 13676
Que li felon unt ce qu'il volent
Ainz que li boen aveir ne soient.
E quant Meilier fu arivez
Ne trova pas toz ses privez 13680
Ne la terre si a delivre
Comme il quida qu'el fust delivre,
Qu'il trouva par sa mesprison
{129} Un de ses homes en prison 13684
Qu'il plus amout & chericeit
E en cui il plus se cr[e]eit,
Si 'n out molt grant duel e grant honte,
Qui er[t] en la prison lo conte ; 13688
E de ses autres chevaliers
Trouva en la priso[n] Meliers
Plusors qui par lor mesprison
Erent pris & mis en prison. 13692
Lors prist danz Meliers en porpens,
Qui trop se fiout en son sens,
Que il prendreit un parlement
As chevaliers e a la gent 13696
Le conte hors ceiste de mot
Ou il out dit maint riche mot.
Quant il vindrent al parlement [(f. 91)]
E Thomas Bloet esramment 13700
Lor bailla les leitres al rei,
Veiant toz, a chascun par sei,
Si comme eles érent escrites.
E quant les leitres furent lites, 13704
Tuit cil a cui les leitres vi[n]drent
A une part del champ se tindrent
E refirent les leitres lire,
E distrent : « Ici n'a, que dire ; 13708
« Bien nos sumes aparceü
« Que li reis a ci porveü
{130} « A mon segnor desheriter.
« Laidement se volt aquiter 13712
« De la peine e del grant servise
« Que mi sires a en lui mise. »
Lors parlérent estreitement
A conseil e privéement, 13716
E distrent : « Seignors, que ferons ?
« Veirs est que nos terres perdons, »
Lores si di[s]t Johan d'Erlée
Riche parole e bien membrée : 13720
« Seignors, ce serreit molt grant honte
« De laissier la terre le conte
« Qu'il nos a bailli[é]e a garder.
« L'on deit a s'enor regarder, 13724
« Que malveistié ne seit retraite.
« Plus dure hunte que soufraite.
« Si la terre est issi laissiée
« Nostre enor en iert abaissiée. 13728
« Donc nos nos la briche quere
« Se nos perdons enor e terre.
« Quant nos perdons terre & onor
« E l'amor de nostre seignor. » 13732
[E] Estiembles d'Evreues dist :
« Ja n'ait il part en Jhesu Crist
« Qui la laira ! Bien le ferons ;
« Si Dieu pleist b[i]en la defendrons. 13736
« Puet c'estre que li reis fera [(f. 91 b)]
{131} « De noz terres ce qu'il voldra,
« Mais Dex li otreit male honte
« Qui laira la terre le conte 13740
« Qu'a son poeir ne la defende,
« Quel meschi[e]f que il i atende ! »
Chascuns respondi en dreit sei
Tantost : « Veire a fei, veire a fei. » 13744
E dist Jordan : « Ge loereie
« Volentiers, s'il a qui m'en creie,
« Que l'on enveiast sanz plus dire
« Por le conte de Weluestirre 13748
« E [por] Rad. le filz Paien.
« A ceste ovre m'acort ge bien
« Qu'om li prit, quan[t] a tant se monte,
« Qu'a cest bosoing aït al conte. » 13752
A ces paroles s'acordérent
Trestuit cil qui al conseil érent.
Del parlement se departirent
Al plus bel qu'il sourent & virent. 13756
Thomas Bloet lor demanda :
« De ce que li reis vos manda,
« Seignors, quei avez en pensé ?
« Ferez vos ce qu'il a mandé ? » 13760
E [il] distrent : « Nos en feron
« Tant que ja blasmé n'en seron. »
Lores esgardérent & eslurent
Tuit ensemble, si comme il durent, 13764
Que por le conte enveiereient
Jordan, & si li preiereient
{132} Qu'al Mar. venist aidier,
Quer molt en aveit grant mestier. 13768
Jordan i ala esramment,
E il i vint molt richement
O seissante cinc chevaliers
O beles armes e destriers, 13772
E o deus cenz serjanz armez,
Vaillanz e pruz e alosez.
S'amena mil hommes de pié [(f. 91 c)]
Qui tot érent encoragié 13776
De bien ferir e de bien faire ;
Tuit saveient lancier e traire.
Ne voil aconter toz lor fèz
Dunt il [i] out molt de bien fèz, 13780
Quer ce resemblereit vantance.
En elz n'out orgoil ne boubance,
Mais ce que Meliers cuida faire,
De[s] terres al conte a mal traire, 13784
Firent de lui la gent le conte,
Quer la soe mistrent a honte.
Li Mar. par Engleterre,
Amont e aval par la terre 13788
Ala toz dis sivant le rei,
Ne il ne sout mot del desrei
Que Meilier li aveit basti,
Ne li reis ne sout autresi. 13792
Li reis, si comme li plaseit,
Si trés leide chiere feiseit
Al Mar. que c'ert merveille,
{133} Que tote sa cort s'amerveille, 13796
Si qu'i[l] lui tornout a ennui,
Quer nul ne sout parler a lui,
Por ce que li reis le seüst,
Qui de li mal gré n'en eüst. 13800
Un jor de Geudefort eissi
E li Mar. après lui,
E li reis l'apela vers sei :
« Mar., » dist il, « dites mei ; 13804
« Avez oï nule novele
« D'Irlande qui vos semble bele ? »
Dist li Mar. « Neni !, sire.
Ge vos en sai noveles dire, » 13808
Dist li reis, en riant, a lui.
« La contesse ert a Kilquenni ;
« Si sailli fors Johan d'Erlée
« A un cri, a une meslée, 13812
« Estiemble d'Evreues ausi
« E tuit li chevalier o lui
« E totes les gens de laianz,
« Qu'il n'i remest que des serganz. 13816
« Or poez oïr fai[n]te gile :
« Quant il se furent de la vile
« Esloingnié deus lieues ou plus,
13830 a Lors sorvint Meliers par desus. 13820
« Iloc fu la contesse as[s]ise
« E grant peor out d'estre prise ;
« E ele fist un homme lors
{134} « Par les kerneals avaler fors, 13824
« E manda a Johan d'Erlée
« Que c'estoit verité provée
« Qu'ele ert en Kilquenni asise ;
« Grant peor aveit d'estre prise. 13828
« E cil qui molt esmaié furent
« Del mandement, si com il durent,
« Distrent que près de nuit esteit,
« A maisnie (?) aler n'i faiseit. 13832
« A Odo s'alérent gesir.
« N'i dormirent pas a leisir ;
« Al jor par matinet s'armérent
« E a els combatre s'alérent. 13836
« Desconfiz fu & pris Meiliers
« E plusors de ses chevaliers,
« Estiemble d'Evreues ocis
« E Rad. le fiz Pa[i]en pris 13840
« E ocis, ce m'a l'on conté,
« E Johan d'Erlée navré,
« E morut meïsme le jor,
« Mes del champ vos remest l'enor. » 13844
E li Mar. respondi :
« Certes, beal sire, ge vos di
« Que de[s] chivaliers est damaige.
« Ici n'a nul, ne fol ne saige, 13848
« Qui ne sace, c'en est la somme,
« Qu'il estei[e]nt vostre prodome,
« E d'itant vait l'ouvre sordeis.