Ich habs gewagt mit sinnen
und trag des noch kain rew.
Mag ich nit dran gewinnen,
noch muss man spüren trew.
Dar mit ich main:
nit aim allain,
wen man es wolt erkennen,
dem land zu gut,
wie wol man tut
ein pfaffen feint mich nennen.
Da lass ich ieden liegen
und reden, was er wil;
Het warhait ich geschwigen,
mir weren hulder vil. 10
Nun hab ichs gsagt,
bin drumb verjagt,
das klag ich allen frummen,
wie wol noch ich
nit weiter flich,
villeicht werd wider kummen.
Umb gnad wil ich nit bitten,
die weil ich bin on schult;
Ich het das recht gelitten,
so hindert ungedult[685], 20
Dass man mich nit
nach altem sit
zu ghör hat kummen lassen!
villeicht wils got
und zwingt sie not
zu handlen diser massen.
Nun ist oft diser gleichen
geschehen auch hie vor,
Dass ainer von den reichen
ain gutes spil verlor. 30
Oft grosser flam
von fünklin kam:
Wer waiss, ob ichs werd rechen!
stat schon im lauf,
so setz ich drauf:
muss gan oder brechen!
Dar neben mich zu trösten
mit gutem gwissen hab,
Das kainer von den bösten
mir er mag brechen ab
Noch sagen, dass
uff ainig mass
ich anders sei gegangen 10
dan eren nach,
hab dise sach
in gutem angefangen.
Wil nun ir selbs nit raten
dis frumme nation,
Irs schadens sich ergatten[686],
als ich vermanet han,
So ist mir laid;
hie mit ich schaid,
wil mengen bass die karten. 20
bin unverzagt:
ich habs gewagt
und wil des ends erwarten.
Ob dan mir nach tut denken
der curtisanen list:
Ain herz last sich nit krenken,
das rechter mainung ist.
Ich waiss noch vil,
wöln auch ins spil,
und soltens drüber sterben. 30
auf, landsknecht gut
und reuters mut,
last Hutten nit verderben!
2.
AUS DER AN FRANZ VON SICKINGEN GERICHTETEN VORREDE ZU DEN
GESPRÄCHBÜCHLEIN VOM JAHRE 1521.
-- -- Für solche deine wohlthat[687] dir genuogsamen danck sagen, hab
ich nit mangel an gemüt[688] vnd willen, sonder am glück vnd vermögen
gebrechen. Würt mir aber ye ein bessere zeyt erscheinen vnd sich
anderung des glückes (als dann mein freye hoffnung zuo gott) begeben,
wil ich dir, allem meinen vermögen nach, der massen wider thienen,
das du ye vffs wenigest mich keinen fleiss, dir danckbarkeit zuo
erzöigen, gespart haben[689], spüren solt, vnd mitler {10} zeyt[690]
mit dem, das mir kein frevel noch gewalt, kein trotz noch übermacht,
kein armuot noch ellend benemen mag, das ist: mit krefften meiner
synnen vnd vermögen der verstäntnuss[691] trewlich vnd fleissigklich
thienen, auch dir yetzo, wie ettwan Virgilius den zweyen wolverthienten
jünglingen[692], zuo gesagt haben:
Wo etzwas mein geschrifft vermag,
Dein lob muossz sterben keinen tag.
Wiewol, ob du dich schon gegen mir der massen (wie obberürt) nit
gehalten, hettest du dannocht on das mit deinen ritterlichen
eerlichen[693] gethaten verthient, das ich vnd alle, deren vermögen
ist, {20} gegenwärtige oder vergangene ding durch behelff der
geschrifft in erkantnuss zuokünftiger zeyt bringen, deinen namen vss
dunckelem vergessz in das lyecht der ewigen gedechtnuss setzeten.
Dann, on schmeychelen vnd liebkossen zuo reden, bist du, der zuo
disser zeyt, do yederman bedäucht, Teütscher Adel hette etzwas an
strengkeit[694] gemüten[695] abgenommen, dich der masszen erzöigt[696]
vnnd bewissen hast, das man sehen mag Teütsch bluot noch nit versygen,
noch das adelich Teütscher tugend gantz aussgewurtzelt sein. Vnnd ist
zuo wünschen vnd zu bitten, das gott vnserem haubt, keysser Carlen,
deiner tugenthafftigen vnerschrockenen muotsamkeit erkentnuss jngebe,
damit er dich deiner geschicklichkeit nach in hohen trefflichen seinen
händeln, das Römisch Reich oder auch gantze Christenheit betreffend,
so mit rat vnd der that brauche; denn als dann würde frücht deiner
tugend zuo weiterem nutz komen. Fürwar, einen solchen muot solt man nit
ruowen lassen, noch innwendig bezyrcks[697] kleiner Sachen gebraucht
werden lassen. Aber ich hab mir nit fürgenommen, in disser vorred dein
lob zuobeschreiben, sonder einmal meinem hertzen, das gesteckt voll
guoter gedäncken vnd freüntlicher guotwilligkeit, die ich gegen deinen
vnwidergeltlichen {10} an mir begangenen wolthaten, die doch du noch
täglich ye mer vnd mer überhauffest, trag, einen lufft geben, schenck
dir zuo dissem newen jar die nachfolgende meine büchlin, die ich in
nechst verschinenen[698] tagen in der gerechtigkeit (wie vor genannt)
herbergen[699] eylendts vnd on grösseren fleiss verteütscht hab;
vnnd wünsch dir damit, nitt, als wir offt vnserenn freünden pflegen,
ein fröliche sanffte ruo, sonder grossze, ernstliche, dapfere vnd
arbeitsame geschäfft, darinn du vilen menschen zuo guot dein stoltzes
heldisch gemuot brauchen vnd üben mögest. Darzuo wöl dir gott glück,
heyl vnd wolfarn verleyhen.
{20} Geben zu Ebernburgk, vff den heyligen newen jars abent, im jar
nach Cristi geburt MCCCCC. vnd einvndzweintzigsten.
_NICLAS MANUEL._
[_Scherer D._ 286, _E._ 284.]
Geboren etwa 1484 zu Bern; Maler, Staatsmann und Soldat. Er schrieb
reformatorische Tendenzdramen, einen poetischen Dialog und einen
prosaischen Dialog ‘die Krankheit der Messe’ 1528. Er starb 1530.
Herausgegeben von Grüneisen (Stuttgart 1837); Bächtold (Frauenfeld
1878).