Der neu apt:
Ich find in mein puochern geschriben,
dass eur genade gult vier groschen.
Der keiser:
Maint ir, wir sein als gar erloschen,
oder wir sein ausz taig gemacht?
Der neu apt:
Genediger keiser, habt selbs acht!
Cristus, der ward umb dreissig geben,
ir gelt kaum achtundzweinzig darneben. 20
Der keiser:
Herr apt, herr apt, ich straf euch nit.
Nu ratend uns hie auch das dritt,
wer ie das geluck am nechsten gewan.
Der neu apt:
Genediger keiser, so hort an!
Ich bin der herr, des gelauben habt!
Vor was ich ein mulner, iez ein apt:
und kunt ich lesen, singen und schreiben,
man müest mich lan im closter bleiben. 30
Der keiser:
Nu tret zuo uns, ir alter apt!
Seit ir mit im gewechselt habt
und er fur euch die dinc erriet,
darumb solt ir eur lebtag niet
mer apt sein, und gebt im das regiment!
Mulner, die schlussel gebt im in die hent
und nim von im weis und ler.
Der neu apt:
Euren keiserlichen genaden dank ich ser!
Ich bit euch, erlaubt mir acht tag,
pis ich mein mül verkaufen mag,
das ich sag meiner mulnerin,
wie sie nu sei ein eptissin,
und meinen tochtern und knaben, 10
das sie ein munch zuo eim vater haben,
im kloster sei ich das hochste haupt.
Der keiser.
Ja, mulner, das sei dir erlaupt!
_ALBRECHT VON EYB._
[_Scherer D._ 251, _E._ 245.]
Aus Franken, wurde geboren 1420, studierte zu Pavia, erwarb dort
den Doctorgrad, wurde Domherr zu Bamberg, Eichstädt und Würzburg,
starb 1475. Er schrieb eine Art Anleitung zur Beredsamkeit
‘Margarita poetica’ (Nürnberg 1472); ein Ehebuch ‘Ob einem mann sey
zu nemen ein eelich weib oder nit’ (Nürnberg 1472); die moralische
Chrestomathie ‘Spiegel der Sitten’ erschien erst nach seinem Tode
(Augsburg 1511) und enthält u. a. die Übersetzung von zwei Comödien
des Plautus.