Ez was hie vor ein burcstat,
diu machte manegen riter mat.
ein riter wolte drûffe wesen
und wânde dâ vil wol genesen:
er bowete dâ ein veste
sô ers aller beste
drûffe gemachen kunde.
in einer kurzen stunde
warf si diu ertbibe nider.
dô bowete er aber hin wider
und verlôs ab sîne habe:
si brante im der doner abe. 10
sus wart er dicke hûslôs.
swie manic hûs er dâ verlôs,
so geviel im doch daz wesen dâ
baz danne iender anderswâ:
er bowete ie baz unde baz.
alsô lange tet er daz
daz er sîn guot verzerte
und sich diu stat erwerte
daz si ze jungest œde beleip
und ouch den riter dâ vertreip 20
und vertreip vil manegen sît.
nû habent gnuoge den strît
daz si dar ûf bouwent noch,
und erwert si sich in allen doch.
Diu stat lât iu sîn bekant:
si ist daz göuwe genant.
die des geniezen wolten
für baz dan si solten
und dar ûf bouweten veste
und der ie wurden geste,
der ist gewesen harte vil.
swer ûf daz göuwe zimbern wil
der hât vil schiere bejaget
daz man zallen zîten klaget
dem landesherren über in.
ze jungist sendet er dâ hin
und heizet daz hûs brechen.
sus kan sich daz göu rechen.
dâ ist des herren gwalt 10
zuo der ertbibe gezalt.
der herre schadet noch für baz.
diu ertbibe leibet etwaz,
so enleibent des herren boten niht:
daz beste daz von in geschiht
sô si daz göu rechent,
ob si daz hûs niht brechent,
sô wirt iz doch von in verbrant.
dâ hât der donr dar gesant
daz fiwer daz alsô rihtet 20
und die krumben voite slihtet.
daz göu hât sô grôze kraft,
an im wirt nieman sigehaft:
ez pflag ie des ez immer pfliget
daz ez in allen angesiget,
die ez niezen wellent âne reht.
ez sî riter oder kneht,
der muot dar ûf ze hûsen hât,
der sehe wie Kirchelinge stât:
daz stiezen göuhüenre nider.
den göuhüenren ist niht wider,
die heten ie vil grôzen prîs.
si lâzent rehte in tracken wîs
daz fiwer ûz dem munde gân. 10
in enmac ein burc niht vor gestân:
ders ungenædic wellent wesen
diu ist vor in vil ungenesen.
ir stimme ist ein donrslac,
si schrîent daz manz hœren mac
in dem lande über al.
ir zorn machet bürge val:
swie grôze veste ein burc habe,
si brennents oder stôzents abe,
alss Kirchelinge tâten. 20
man mags ungerne brâten,
sît si sich alsô rechent
dazs bürge nider brechent.
swie œde Kirchelinge stê,
der hiuse ist z’Œsterrîche mê
diez göu hât zebrochen.
er hât sich sô gerochen
daz sis noch alle enkolten
diez göu twingen wolten.
Swer muot ze stæten dingen hât
der neme die niht an sînen rât
die in ûf daz göu reizen
und in daz niezen heizen 10
und sprechen durch ir geslende
‘herre, ir sît ellende
in iuwer besten künde.
daz ist ein michel sünde:
ir gebâret rehte in gastes wîs.
welt ir gwinnen grôzen prîs,
sô erzeiget iuch des muotes
daz ir lîbes unde guotes
ein meister unde ein herre sît,
und machet iwern gwalt wît. 20
habt riterlîchen mannes muot,
lât iu dienen liute und guot
in der gegende swes ez sî:
des enlâzet ir deheinen vrî.
ez kumet vil schiere an die vrist
daz daz ir beste vreude ist
daz si iwer hulde müezen hân
und sint iu gerne undertân.
sô fürhtent die rîchen iwer kraft,
die armen sint iu diensthaft.
wir kunnen mit gefüegen dingen
die liute wol dar zuo bringen
daz si iu dienent alle tage
mit guotem willen âne klage. 10
swaz wir mit guoten minnen
noch hiure ab in gewinnen,
daz müezens ouch ze jâre geben:
da geturrens nimmer wider streben,
sô müezen siz ouch iemer tuon,
swer iu hiure gît ein huon,
der gît iu âne geschrei
ze jâre driu ode zwei.
sô wehset iemer mêre
iwer frum und iwer êre 20
und werdet werder danne ê.
swelich gebûre iu wider stê,
den gewinnet zeinem muntman.
swaz er geleisten danne kan,
daz ist iemer iwer eigen.
sus sult irs alle neigen
mit listen unde mit gewalt,
sus werdet ir mit êren alt.’
Die ir herren alsô heizent leben,
daz sint verworhte râtgeben:
die enhânt nicht willen wan der zuo
daz er sîn guot mit in vertuo.
des æhtent si âne mâze,
si swelhen und si vrâze.
swie vaste si ûf daz göu streben
und niht wan roubes wellen leben, 10
si erkennent niht des göuwes kraft
und der göuhüenre meisterschaft.
diu kluckent etlîchem abe
den hals und alle sîne habe,
der gar wil sîn ein göustrûz.
si kluckent manegem d’ougen ûz
und füeze abe und hende.
sô dôwent si daz geslende.
swelch herre ir râte volgen wil
der gwinnet vînde harte vil, 20
daz im diu hüenre werdent sûr,
sînen ieglich sîn nâchgebûr
sînen dienest widersaget
und dem landesherren über in klaget.
daz ist der göuhüenre geschrei.
sô machent driu ode zwei
daz er muoz suochen einen tac,
dâ er niht über werden mac,
ezn müeze in kosten zehen pfunt.
dâ sint diu hüenre ungesunt.
daz muoz er von den rîchen hân,
den er daz laster hât getân.
noch sint die armen übersehen,
den der schade ist geschehen. 10
ê er den und gote gebüeze,
im wirt der hüenre süeze
ein sô bitterlîchiu siure
daz si in dunkent ungehiure.
_Es war vordem ein Bauplatz für eine Burg,
der setzte manchen Ritter matt.
Ein Ritter wollte sich darauf niederlassen
und hoffte dort sehr wohl zu fahren:
er baute da eine Feste,
so gut er sie darauf
nur anlegen konnte.
Nach kurzer Zeit
warf sie ein Erdbeben nieder.
Da baute er eine zweite dahin
und verlor wiederum Hab und Gut:
ein Blitzstrahl äscherte sie ein. 10
So ward er wiederholt häuserlos.
Wie manches Haus er auch da verlor,
so gefiel ihm doch der Aufenthalt da
besser, als irgend wo anders:
er baute immer mehr und mehr.
Also lange that er das,
bis er sein Gut verzehrte,
während sich die Stätte behauptete,
so dass sie zuletzt öde blieb
und auch den Ritter vertrieb, 20
und vertrieb noch manchen seitdem.
Auch jetzt noch bemühen sich genug,
darauf zu bauen,
aber sie erwehrt sich ihrer aller.
Lasst euch die Stätte nennen:
sie heisst der Gau.
Die den mehr ausnützen wollten,
als sie sollten,
und darauf Burgen bauten
und die stäts wieder verlassen, mussten.
derer sind sehr viele gewesen.
Wer auf dem Gau zimmern will,
der hat sehr schnell erzielt,
dass man jeder Zeit über ihn
bei dem Landesherrn Klage führt.
Schliesslich sendet der (seine Leute) hin
und lässt das Haus brechen.
So kann der Gau sich rächen.
Vorhin wurde des Herren Gewalt 10
mit einem Erdbeben verglichen.
Der Herr schadet aber noch viel mehr.
Das Erdbeben schont doch noch etwas,
das aber thun des Herren Boten nicht:
das mindeste das von ihnen geschieht,
wenn sie den Gau rächen,
ist, wenn sie das Haus nicht niederbrechen,
dass es von ihnen verbrannt wird.
Dort hat der Blitzstrahl hingesandt
das Feuer, das also richtet 20
und die falschen Vögte auf den rechten Weg bringt.
Der Gau hat so grosse Gewalt,
über ihn erringt niemand den Sieg:
es pflegte noch stäts und pflegt auch heut’
über alle den Sieg davonzutragen,
die ihn wider Recht ausnützen wollen.
Sei es Ritter oder Knecht,
wer Absicht hat darin zu hausen,
der sehe, wie es mit Kirchlingen steht:
das stiessen die Gauhühner nieder;
den Gauhühnern widersteht nichts,
die hatten immer sehr grossen Ruhm.
Sie lassen ganz nach Drachenart
Feuer aus ihrem Munde gehn. 10
Vor ihnem kann keine Burg bestehn:
mit der sie es nicht gnädig machen wollen,
die ist vor ihnen unrettbar verloren.
Ihre Stimme ist ein Donnerschlag,
sie schreien, dass man sie hören kann
in dem Lande überall.
Ihr Zorn bringt die Burgen zu Fall:
Wie starke Befestigungen eine Burg auch habe,
sie brennen oder stossen sie nieder,
wie sie an Kirchlingen gethan. 20
Man wird sie lieber nicht braten,
da sie sich so kräftig rächen,
dass sie die Burgen niederbrechen.
Wenn Kirchlingen verödet liegt,
so sind der Häuser in Österreich mehr,
die der Gau gefällt hat.
Er hat sich so gerächt,
dass sie es noch jeder Zeit entgolten haben,
die den Gau zwingen wollten.
Wer an gesicherten Verhältnissen Gefallen hat,
der nehme die nicht zu Berathern,
die ihn gegen den Gau aufreizen
und ihn den auszupressen auffordern 10
und ihrer Schlemmerei zu Liebe sprechen:
‘Herr, ihr seid ausgestossen
aus eurer eigensten Heimat.
Das ist eine wahre Sünde:
ihr lebt ganz wie ein fremder Gast.
Wollt ihr grossen Ruhm gewinnen,
so bethätigt eure Gesinnung,
dass ihr über Leib und Gut
Meister und Herr seid
und erweitert eure Gewalt. 20
Zeigt ritterlichen Mannes Muth,
lasst euch in der ganzen Landschaft Leute und Gut
dienen gleichviel, wem es angehört:
befreit keinen davon.
Bald kommt es dann so weit,
dass das ihre höchste Freude ist,
wenn sie eure Huld besitzen,
und dass sie euch gerne untergeben sind.
Dann fürchten die Mächtigen eure Kraft
und die Armen sind euch dienstbar.
Wir wissen Mittel und Wege,
die Leute dahin zu bringen,
dass sie euch tagtäglich
gutwillig ohne Klage dienen. 10
Was wir ihnen heuer noch
in Liebe abgewinnen,
das müssen sie auch übers Jahr geben:
da wagen sie nicht mehr zu widerstreben,
und dann müssen sie’s auch immer thun.
Wer euch heuer ein Huhn giebt,
der giebt euch ohne Geschrei
übers Jahr zwei oder drei.
So wächst dann mehr und mehr
euer Nutzen und eure Ehre 20
und ihr werdet angesehener als vordem.
Wenn euch ein Bauer Widerstand leistet,
so gewinnt ihn zu eurem Schützling (Clienten).
Was er dann erarbeiten kann,
das ist immer euer eigen.
So sollt ihr alle unter euer Joch beugen
mit List oder mit Gewalt.
Dann werdet ihr mit Ehren alt.’
Die ihren Herren ein solches Leben empfehlen,
das sind verwünschte Rathgeber:
die haben damit keinen andern Zweck im Auge,
als dass er sein Gut mit ihnen verthun soll.
Das verfolgen sie masslos,
die Prasser und Fresser!
Wie sehr sie auch den Besitz des Gaus erstreben
und von nichts als Raub leben wollen, 10
so kennen sie doch nicht des Gaues Kraft
und der Gauhühner Meisterschaft.
Die brechen gar manchem
den Hals und bringen ihn um sein Gut,
der durchaus ein Gaustrauss sein will.
Sie reissen manchem die Augen aus
und Füsse und Hände ab.
So verdauen sie das Geschmauste.
Der Herr, der ihrem Rathe folgen will,
der erwirbt sich viel Feinde, 20
wenn ihm die Hühner aufsessig werden,
so dass ihm alle seine Nachbarn
ihren Dienst aufsagen
und beim Landesherren über ihn Klage führen.
Das ist der Gauhühner Geschrei;
dann bewirken zwei oder drei,
dass er einen Ausgleich suchen muss,
wo es ihm nicht erspart bleibt,
dass er zehen Pfund Strafe zahlen muss.
Dann sind die Hühner ungesund.
Das muss er von den Mächtigen hinnehmen,
denen er den Schimpf angethan.
Noch aber sind die Armen übersehen,
denen auch Schade geschehen ist. 10
Eh er vor denen und Gott sich rechtfertigt,
verwandelt sich ihm der Hühner Süssigkeit
in so bittere Säure,
dass sie ihm unlieblich erscheinen._
_WERNER DER GÄRTNER._
[_Scherer D._ 227, _E._ 218.]
Ein Dichter aus dem damals baierischen, jetzt österreichischen
Innviertel, verfasste um die Mitte des dreizehnten Jahrhunderts den
‘Meier Helmbrecht’, eine baierische Dorfgeschichte. Herausgegeben
von Haupt in seiner Zeitschrift, Bd. 4; von Lambel ‘Erzählungen und
Schwänke’ Nr. 3.
Dô si dô mit freuden gâzen,
der wirt niht wolte lâzen,
er frâgte in der mære
wie der hovewîs wære
dâ er wære gewesen bî.
‘sage mir sun, wie der sî;
sô sag ich dir denne
wie ich etewenne
bî mînen jungen jâren
die liute sach gebâren.’
‘vater mîn, daz sage mir;
zehant sô wil ich sagen dir
wes dû mich frâgen wil:
der niuwen site weiz ich vil.’
‘Wîlen dô ich was ein kneht 10
und mich dîn ene Helmbreht,
der mîn vater was genant,
hin ze hove het gesant
mit kæse und mit eier,
als noch tuot ein meier,
dô nam ich der ritter war
und markte ir geverte gar.
sî wâren hovelîch unde gemeit
und kunden niht mit schalkheit,
als nû bî disen zîten kan 20
manic wîp und manic man.
die ritter heten einen site,
dâ liebtens sich den frouwen mite:
einez ist buhurdiern genant;
daz tet ein hoveman mir bekant,
dô ich in frâgte der mære
wie ez genennet wære.
si fuoren sam si wolten toben
(dar umbe hôrte ich si loben),
ein schar hin, diu ander her;
ez fuor diser unde der
als er enen wolte stôzen.
under mînen genôzen
ist ez selten geschehen
daz ich ze hove hân gesehen.
als si danne daz getâten, 10
einen tanz si danne trâten
mit hôchvertigem gesange:
daz kurzt die wîle lange.
vil schiere kam ein spilman;
mit sîner gîgen huop er an:
dô stuonden ûf die frouwen;
die möht man gerne schouwen;
die ritter gegen in giengen,
bî handen si si viengen.
dâ was wunne überkraft 20
von frouwen und von ritterschaft
in süezer ougen weide.
junkherren unde meide,
si tanzten frœlîche,
arme unde rîche.
alz des danne nie mê was,
sô gie dar einer unde las
von einem der hiez Ernest.
swaz ieglîch aller gernest
wolte tuon, daz vander. 30
dô schôz aber der ander
mit dem bogen zuo dem zil.
maneger freude was dâ vil:
ener jagte, diser birste.
der dô was der wirste,
der wære uns nû der beste.
wie wol ich etewenne weste
waz triuwe und êre mêrte
ê ez valscheit verkêrte!
die valschen und die lôsen,
die diu reht verbôsen
mit ir listen kunden, 10
die herrn in dô niht gunden
ze hove der spîse.
der ist nû der wîse,
der lôsen unde liegen kan;
der ist ze hove ein werder man
und hât guot und êre
leider michels mêre
danne ein man der rehte lebet
und nâch gotes hulden strebet.
als vil weiz ich der alten site. 20
sun, nû êre mich dâ mite
und sage mir die niuwen.’
‘Daz tuon ich entriuwen.
daz sint nû hovelîchiu dinc:
“trinkâ, herre, trinkâ trinc!
trinc daz ûz; sô trinke ich daz.”
wie möhte uns immer werden baz?
vernim waz ich bediute:
ê vant man werde liute
bî den schœnen frouwen:
nû muoz man si schouwen
bî dem veilen wîne. 10
daz sint die hœhsten pîne
den âbent und den morgen,
wie si daz besorgen,
ob des wîns zerinne,
wie der wirt gewinne
einen der sî alsô guot,
dâ von si haben hôhen muot.
daz sint nû ir minne:
“vil süeze lîtgebinne,
ir sult füllen uns den maser. 20
ein affe und ein narre waser,
der ie gesente sînen lîp
für guoten wîn umbe ein wîp.”
swer liegen kan, der ist gemeit,
triegen daz ist hövescheit;
er ist gefüege, swer den man
mit guoter rede versnîden kan;
swer schiltet schalclîche,
der ist nû tugentrîche.
der alten leben, geloubet mir,
die dâ lebent alsam ir,
der ist nû in dem banne
und ist wîbe und manne
ze genôze als mære
als ein hâhære.
âht und ban daz ist ein spot.’ 10
Der vater sprach ‘daz erbarme got
und sî im immer gekleit
daz diu unreht sint sô breit.
die alten turnei sint verslagen,
und sint die niuwen für getragen,
wîlen hôrte man kroyieren sô
“heyâ, ritter, wis et frô!”
nû kroyiert man durch den tac
“jagâ, ritter, jagâ jac!
stichâ stich! slahâ slach! 20
stümbel den der ê gesach;
slach mir dem abe den fuoz,
tuo mir dem der hende buoz:
dû solt mir disen hâhen,
und enen rîchen vâhen,
der gît uns wol hundert phunt.”
‘Mir sint die site alle kunt.
vater mîn, wan deich enwil,
ich trouwe dir gesagen vil
niuwan von den niuwen siten.
ich muoz slâfen: ich hân vil geriten;
mir ist hînte ruowe nôt.’
dô tâten si als er gebôt.
_Als sie fröhlich assen,
da konnte der Wirth sich nicht länger zurückhalten,
er fragte ihn darnach,
wie man bei Hofe gelebt,
da wo er gewesen wäre.
‘Sage mir, Sohn, wie es damit steht,
so sag ich dir nachher,
wie ich einstmals
in meiner Jugend
die Leute sich benehmen sah.’
‘Vater, das sage mir,
so will ich sofort dir sagen,
was du mich fragen willst:
denn die neuen Sitten kenn ich sehr wohl.’
‘Früher als ich Knecht war, 10
und mich dein Grossvater Helmbrecht,
also mein Vater,
mit Käse und Eiern
nach Hof geschickt hatte,
wie die Meier noch thun,
da hab ich mir die Ritter angesehen
und ihr Treiben genau beobachtet.
Sie waren höfisch und fröhlich
und wussten nichts von niedriger Gesinnung,
die in unseren Tagen 20
manche Frau und mancher Mann besitzt.
Die Ritter hatten eine Gewohnheit,
womit sie sich bei den Damen beliebt machten:
das hiess ‘buhurdieren’;
so erklärte mir ein Diener bei Hofe,
als ich ihn darnach fragte,
wie das Ding genannt würde.
Sie jagten wie die Verrückten
(und dafür hört ich sie noch loben),
eine Schaar hin, die andere her;
der eine fuhr auf den andern los,
als wollte er ihn stossen.
Unter meines Gleichen
ist das nie geschehen,
was ich da bei Hof gesehen habe.
Als sie damit zu Ende waren, 10
da traten sie einen Tanz
unter heiterem Gesange:
das vertrieb die lange Weile.
Nun kam gleich ein Spielmann;
Sobald der zu geigen anfieng,
da erhoben sich die Damen;
es war eine Lust sie zu sehen;
die Ritter giengen ihnen entgegen
und fassten sie bei den Händen.
Da war an Wonne Überfluss 20
von Frauen und Ritterschaft
zu süsser Augenweide.
Junker und Mägdlein
tanzten fröhlich,
Arm und Reich durcheinander.
Als das nun vorüber war,
da kam einer und las vor
von einem Namens Ernst.
Jeder konnte thun,
wozu er am meisten Lust verspürte. 30
dort schoss wieder einer
mit dem Bogen nach dem Ziel.
Da gab es vielerlei Lustbarkeiten:
der eine jagte, der andere pirschte.
Und wer damals nicht viel bedeutete,
der wäre für uns heute noch der beste.
Wie wohl ich mich damals darauf verstand,
was Treue und Ehre zu mehren in Stande ist,
ehe Falschheit es in’s Gegentheil verwandelte!
Die Falschen und die Schlimmen,
die ihre Künste darauf gerichtet,
das Recht zu stürzen, 10
ihnen gönnten die (adelichen) Herren
damals bei Hof nicht einen Bissen.
Heute ist der weise,
der lügen und trügen kann;
der ist bei Hof ein angesehener Mann
und besitzt leider
weit mehr Gut und Ehre,
als ein Mann, der schlecht und recht lebt
und nach Gottes Huld strebt.
So viel weiss ich vom alten Brauch. 20
Mein Sohn, nun erweise mir die Ehre
und berichte mir von dem neuen.’
‘Das will ich thun meiner Treu.
Jetzt heisst das höfisches Benehmen:
“Trink zu, Herr, trink nur, trink!
trink den aus; ich trinke nach.”
Wie möcht’ es uns jemals besser ergehn?
Höre nur, was ich erzähle:
ehedem fand man anständige Männer
bei schönen Frauen:
jetzt muss man sie
bei feilem Weine suchen. 10
Das sind ihre grössten Schmerzen
am Abend und am Morgen,
wie sie es fertig bringen,
dass, wenn ihnen der Wein zu Ende geht,
der Wirth einen anschafft,
der ebenso gut ist,
daran sie sich ergötzen können.
Das ist heute ihre Liebe:
“Viel süsses Kellnermädchen,
füllt uns die Kanne! 20
Ein Affe und ein Thor war der,
der je in Sehnsucht seinen Leib verzehrt
nach einem Weibe statt nach gutem Wein.”
Wer lügen kann, der ist flott;
trügen, darin besteht die rechte höfische Lebenskunst;
es ist ziemlich, dass man den Leuten
mit geschickter Rede die Ehre abschneidet;
wer boshaft klatscht,
der ist heut tugendreich.
Der Alten Weise, glaubt mir nur,
die so leben wie ihr,
die ist heut verpönt,
und Frauen und Männer
wünschen sie
zum Henker.
Über Acht und Bann macht man sich lustig.’ 10
Der Vater sprach ‘Das erbarme Gott,
ihm sei’s ewig geklagt,
dass das Unrecht sich so breit macht.
Die alten Turniere sind dahin,
an ihre Stelle sind neue gesetzt.
Ehedem hörte man solch Feldgeschrei:
“Heisa, Ritter, sei wohlgemuth!”
Nun rufen sie den lieben langen Tag:
“Jage zu, Ritter, jage doch, jage!
Stich doch, stich! schlag zu, schlag! 20
verstümmle den, der vordem sehen konnte;
hau mir dem den Fuss ab,
hilf mir dem von den Händen:
diesen sollst du mir aufhenken,
den Reichen dort fangen,
der giebt uns wol hundert Pfund (als Lösegeld).”
‘Mir sind die Bräuche alle wohlbekannt.
Wollte ich, lieber Vater,
so konnte ich dir noch viel erzählen
nur von den neuen Bräuchen;
doch ich muss schlafen: ich bin weit geritten;
mir thut heut abend Ruhe noth.’
Da thaten sie, wie ers haben wollte._
_DER WEINSCHWELG._
[_Scherer D._ 228, _E._ 220.]
Eine satirische Novelle, nach 1260 gedichtet. Der Verfasser ist wie
bei den meisten gleichzeitigen Gedichten dieser Gattung unbekannt.
Herausgegeben von Grimm ‘altdeutsche Wälder’ 3, 13; Schröer (Jena,
1876) mit Übersetzung.
Swaz ich trinkens hân gesehen,
deist gar von kinden geschehen;
ich hân einen swelch gesehen: 10
dem wil ich meisterschefte jehen.
den dûhten becher gar enwiht,
er wolde näpf noch kophe niht:
er tranc ûz grôzen kannen.
er ist vor allen mannen
ein vorlouf allen swelhen.
von ûren und von elhen
wart solher slünd nie niht getân.
ez muos alle zît vor im stân
ein grôz kanel wînes vol.
er sprach ‘wîn, ich erkenn dich wol;
ich weiz wol, daz du guot bist.
die wîl dîn in dem vazze iht ist,
sô wil ich bûwen dise banc.’
Dô huob er ûf unde tranc
ein trunc von zweinzec slünden.
er sprach ‘nu wil ich künden,
waz tugent du hâst, vil lieber wîn. 10
wie möhtestu tugenthafter sîn?
du hâst schœne und grôze güete,
du gîst uns hôhgemüete,
du machest küene den zagen.
swer dîn wâfen wil tragen,
der wirt wîse unde karc,
er wirt snel unde starc,
er fürhtet niemannes drô.
du machst die trûrigen vrô,
du gîst dem alten jungen muot, 20
du rîchst den armen âne guot,
du machst die liute wol gevar.
du bist ouch selbe schœne gar:
du bist lûter unde blanc.’
Dô huob er ûf unde tranc
ein trunc der für die andern gie.
er sprach ‘war umbe oder wie
sold ich den wîn vermîden?
ich mac in wol erlîden,
sît er allen mînen willen tuot.
er dunkt mich bezzer denne guot;
ich geniete mich sîn nimmer.
ich wil in loben immer
für bûhurdieren und für tanz.
krône, tschapel unde kranz, 10
pfell, samît unde scharlât,
swaz gezierde disiu werlt hât,
die næme ich niht für den wîn.
in hât in dem herzen mîn
Minne alsô behûset,
versigelt und verklûset:
wir mugen uns niht gescheiden.
swer mir in wolde leiden,
der mües immer haben mînen haz.
er kürzet mir die wîle baz 20
denn sagen, singen, seiten klanc.’
Dô huob er ûf unde tranc
ein trunc noch grœzer vil dann ê.
er sprach ‘gras, bluomen unde klê
und aller krûte meisterschaft,
die würze und aller steine kraft,
der walt und elliu vogelîn,
die möhten dîn, vil lieber wîn,
die liute niht ergetzen;
si möhten dich niht ersetzen
mit allem dem, daz si künnen,
ich wil dir gerne günnen,
daz du mir kürzest die zît.
swaz fröude mir diu werlt gît, 10
diu kumt vil gar von dîner tugent.
dîn lop hât immer jugent;
dîn werdekeit wirt nimmer kranc.’
Dô huob er ûf unde tranc
einen trunc alsô starc:
und solde er ein halbe marc
ze lôn dâ mit verdienet hân,
ern dörft niht bezzers hân getân.
‘beidiu ich und der wîn
müezen immer ensamt sîn, 20
mir ist an im gelungen.
er hât mich des betwungen,
deich ie tet swaz er mir gebôt.
der wîn ist guot für manige nôt.
künde er iht wan fröude geben,
diu werlt sold immer gein im streben.
sîn fröude ist vor allen dingen.
ich wil nâch fröuden ringen,
sît mir der wîn fröude gît.
nu wil ich ringen unz an die zît,
daz er mir sô vil fröuden gebe,
daz ich mit fröuden immer lebe:
wie kan ich denne verderben?
ich wil nâch fröuden werben.
des habe mîn lîp immer danc.’ 10
Dô huob er ûf unde tranc,
daz man mê solhes niht vernam.
er sprach ‘der herzoge Ytam,
der was gar âne wîsheit,
daz er einem wisent nâch reit,
er und sîn jäger Nordiân.
si soldenn wîn gejagt hân;
sô wærn si wîse, als ich pin.
mir ist vil samfter denne in;
ich kann jagen unde vâhen; 20
mich enmüedet niht mîn gâhen.
ich jage den vil lieben wîn;
des jäger wil ich immer sîn:
er hât mir ie sô wol getân.
swaz ich sîn her getrunken hân,
und swaz ich sîn noch immer tac
in mînen lîp geswelhen mac,
daz ist wan ein anevanc.’
Alrêst huob er unde tranc
vil manigen ungefüegen slunt.
‘wîn, mir ist dîn tugent kunt
ich erkenne wol dîne kraft,
dîn kunst und dîne meisterschaft.
du bist meister der sinne;
du liebest mir die minne; 10
du machest stæte manigen kouf,
du machest manigen wettelouf,
du machest maniger hande spil,
mit fröuden kurzewîle vil.
diu werlt ist gar mit dir erhaben.
du kanst die durstigen laben,
du machst die siechen gesunt.
sît du mir êrst würde kunt,
sô bin ich dir gewesen bî,
swie vil dîner diener sî, 20
daz mich doch niemen von dir dranc.’
Dô huob er ûf unde tranc,
daz die slünde lûte erklungen.
unde einander drungen.
dô wart von starken slünden
ein sturm, daz den ünden
diu drozze wart ze enge,
daz sich von dem wâcgedrenge
diu güsse begunde werren,
blôdern unde kerren
als ein windes prût ûf dem mere.
* * * * *
Dô huob er ûf unde tranc
ein trunc, der wart swære.
swie grôz diu kanel wære,
si was zem trunke niht volgrôz, 10
wan man zeiner nôt în gôz.
er hiez et vaste în giezen
und lie daz in sich vliezen,
daz dâ noch solhez niht geschach.
dô saz er nider unde sprach
‘der wîn ist rehte ein gimme.
ich hœre ein süeze stimme
in mînem houbet singen.
die hœre ich gerne klingen.
ez ist reht, daz ich in krœne. 20
er singet mêre süezer dœne
denn aller slahte klingen
und aller vogele singen,
mir wart solhes nie niht bekant.
er singt sô wol, daz Hôrant
daz dritteil nie sô wol gesanc.’
Dô huob er ûf unde tranc,
daz diu banc begunde krachen.
er sprach ‘des muoz ich lachen.
des ist ze lachen harte guot.
daz krachen freut mir den muot.
ez machet des wînes güete.
ich hân allez mîn gemüete
in den fröuden wol getrenket.
dar in hân ich mich gesenket.
ich sanc ie sît der stunde, 10
daz ich êrste trinken kunde
und mir der wîn sô wol geviel.
ich weiz wol daz dehein kiel
in daz mere sô tiefe nie gesanc.’
Dô huob er ûf unde tranc
einen vierschrœtigen trunc.
er sprach ‘ich pin worden junc
an lîbe unde an muote.
wol mich’ sô sprach der guote,
‘daz ich sô gar ein meister bin 20
an trinken, seht, daz heiz ich sin.
ich weiz wol, datz Parîs,
ze Padouwe und ze Tervîs,
ze Rôme und ze Tuscân
vindet man deheinen man,
ich ensî sîn meister gewesen,
daz mir nie gein einer vesen
ir deheiner möhte gelîchen.
halt in allen diutschen rîchen
kom mir nie deheiner zuo, 30
der beidiu spât unde fruo
sô wol an trinken tûre.
wînes nâhgebûre
wil ich hiute und immer wesen.
mîn sêle muoz mit ime genesen,
im ist mîn sêle immer holt.
swenne er schœne als ein golt
von dem zaphen schiuzet,
wie wênic mich des verdriuzet,
swaz man sîn in mich giuzet! 10
vil wol mîn lîp des geniuzet.
man sagt von turnieren:
vaste swelhen under vieren
daz kan ich wol; des hab ich danc.’
Dô huob er ûf unde tranc
ein trunc, der vil grôz was.
er sprach ‘swaz man ie gelas
von den, die minne pflâgen
und tôt von minne lâgen,
die wâren mir niht glîche wîs. 20
wie starp der künic Pârîs
der durh Helênam wart erslagen!
des tumpheit sol man immer klagen.
er solden wîn geminnet hân:
sô het im niemen niht getân.
vrô Dîdô lac von minnen tôt.
Grâlanden sluoc man unde sôt
und gab in der vrowen zezzen.
want si sîn niht wolde vergezzen.
Pîramus und Tispê,
den wart von minne sô wê,
daz si sich rigen an ein swert.
mîn minne ist bezzers lônes wert,
denn ir aller minne wære:
mîn minne ist fröudebære. 10
ich bûw der minne strâze.
mir ist baz denn Curâze,
der von minne in dem sê ertranc.’
Dô huob er ûf unde tranc
ein trunc mit grôzer île;
der wert unz an die wîle,
daz im diu gürtel zebrast.
er sprach ‘daz bant ist niht ein bast,
dâ mit ich zallen stunden
zuo dem wîne bin gebunden. 20
daz ist mîn sælde und mîn heil;
und sint ouch driu vil starkiu seil.
daz eine ist des wînes güete,
daz ander mîn stæte gemüete,
daz dritte ist diu gwonheit.
er mac mir nimmer werden leit:
ich muoz in immer minnen.
ich mac im niht entrinnen;
wie zebræche ich ein sô starken stranc!’
Dô huob er ûf unde tranc
sô sêre, daz si alle jâhen,
die sîn trinken rehte ersâhen,
swaz er getrunken het unz dar,
des solde man vergezzen gar:
der trunc behielte gar den prîs. 10
er sprach ‘diu werlt ist unwîs,
daz si niht ze wîne gât,
sô si deheinen gebresten hât,
und trunke dâ für allez leit,
für angest und für arbeit,
für alter unde für den tôt,
für siechtuom und für alle nôt,
für schaden und für schanden slac,
und für swaz der werlt gewerren mac,
für nebel und für bœsen stanc.’ 20
Dô huob er ûf unde tranc
sô sêr, daz sich diu kanel bouc.
‘swaz ie gevlôz ode gevlouc,
daz sol billîch erkennen mich.
die liute solten alle sich
ze mînem gebote neigen.
diu werlt ist gar mîn eigen.
ich hân gewaltes sô vil,
daz ich tuon daz ich wil.
swaz ich wil, daz ist getân,
deich allen mînen willen hân,
dâ von heiz ich ungenôz.
mîne tugende sint sô grôz;
wær der werlde sô vil mê,
daz daz mer und ieslich sê
als guot wær als daz beste lant, 10
daz müese stên ze mîner hant
und mües mir dienen âne wanc.’
Dô huob er ûf unde tranc
sô lange und sô sêre,
sô vil und dannoch mêre,
sô vaste und sô harte,
daz sich daz hemde zarte.
er sprach ‘des wirt guot rât:
ich weiz wol waz derwider stât;
ich kan wol wâfen mich.’ 20
er zôch ein hirzhals an sich:
den hiez er vaste brîsen;
darzuo von guotem îsen
ein vestez banzier enge.
er sprach ‘des wînes gedrenge
lât mich nu ungezerret.
ich hân mich sô versperret:
ern mac mich niht entsliezen.
des sol ich wol geniezen,
daz ich ze fröuden mînen lîp
getwungen hân, daz man noch wîp
sîn lîp sô sêre nie getwanc.’
Dô huob er ûf unde tranc.
_Was ich von Trinken gesehen habe,
das war alles Kinderspiel;
einen Säufer jedoch hab ich kennen gelernt: 10
dem will ich die Meisterschaft zuerkennen.
Dem galten Becher für nichts,
er wollte von Näpfen noch Schalen etwas wissen:
er trank aus grossen Kannen.
Er ist vor allen Menschen
ein Vorläufer aller Zecher.
Von Auerochsen und Elenthieren
wurden solche Schlucke nie gemacht.
Jeder Zeit musste vor ihm stehn
eine grosse Kanne voll Wein.
Er sprach: ‘Wein, ich kenne dich wohl;
ich weiss wohl, dass du gut bist.
So lange von dir noch etwas im Fasse ist,
weich’ ich nicht von dieser Bank.’
Da setzte er an und trank
einen Trunk von zwanzig Schlucken.
Er sprach: ‘Nun will ich künden,
was du alles vermagst, viel lieber Wein. 10
Wie könnt es etwas volkommneres geben?
du besitzest Schönheit und grosse Güte,
du verleihst uns frohen Muth,
du machst den Zaghaften kühn.
Wer Deine Rüstung tragen will,
der wird weise und sparsam,
der wird schnell und stark,
er fürchtet Niemandes Dreun.
Du machst die Traurigen froh,
du giebst den Alten Jugendmuth, 20
du bereicherst den Armen ohne Gut,
du machst die Leute wohl aussehn.
Du bist auch selber gar schön:
du bist lauter und blinkend.’
Da setzte er an und trank
einen Trunk, der die andern übertraf,
er sprach: ‘Warum oder wie
sollt’ ich von dem Weine lassen?
Ich mag ihn recht wohl leiden,
da er allen meinen Willen thut.
Er dünkt mich besser als gut;
ich bekomme ihn nimmer satt.
Ich will ihn immerdar mehr loben
als Buhurdieren und als Tanz.
Nicht Krone, Kopfschmuck noch Kranz, 10
Seide, Sammet und Scharlachzeug,
nicht allem Putz, den diese Welt hat,
Gäb ich je den Vorzug vor dem Wein.
Ihn hat in meinem Herzen
die Liebe also einquartiert,
versiegelt und eingeschlossen,
dass wir uns nicht trennen können.
Wer mir ihn verleiden will,
den verfolge stäts mein Hass.
Er kürzt mir die Zeit besser 20
als Sagen, Singen und Saitenklang.’
Da hub er die Kanne empor und trank
einen noch viel grösseren Trunk als vorher.
Er sprach: ‘Gras, Blumen und Klee
und aller Kräuter Heilgewalt,
die Gewürze und aller Steine Kräfte,
der Wald und alle Vöglein,
die vermöchten dich nicht, mein lieber Wein,
bei den Leuten in Vergessenheit zu bringen;
sie könnten dich nicht ersetzen
mit alle dem, was sie vermögen.
Ich will dir gerne gönnen,
dass du mir kürzest die Zeit.
Die Freude, die mir die Welt verleiht, 10
die kommt durchaus von deiner Tugend.
Dein Lob hat ewige Jugend;
dein Werth wird nimmermehr krank.’
Da hub er die Kanne und trank
einen so gewaltigen Trunk:
ja hätte er eine halbe Mark
Belohnung damit verdient,
er hätt es nicht besser machen können.
‘Wir beiden, ich und der Wein,
Wir müssen immer beisammen sein! 20
Ich bin mit ihm ganz einig.
Er hat mich dazu gezwungen,
dass ich das stäts that, was er geboten.
Der Wein ist gut in mancher Noth.
Und vermöchte er auch nicht nur Freude zu geben,
die Welt sollte doch immer zu ihm streben.
Seine Freude steht über allen Dingen.
Ich will nach Freuden ringen,
da mir der Wein Freude giebt.
Jetzt ringe ich bis auf die Zeit,
dass er mir so viel Freuden giebt,
dass ich immerdar in Freude lebe.
Wie kann ich dann verderben?
Um Freude will ich werben.
Mein Leib empfange dafür Dank.’ 10
Da hub er die Kanne auf und trank
so gewaltig, dass man solches nie mehr erlebte.
Er sprach: ‘Der Herzog Itam
der war von Weisheit ganz verlassen,
dass er einem Wisent nachritt,
er und sein Jäger Nordian.
Hätten sie auf den Wein Jagd gemacht:
dann wären sie so weise, wie ich bin.
Mir geht’s viel leichter von der Hand als ihnen:
ich kann ihn jagen und fangen; 20
mich ermüdet nicht mein Hasten.
Ich jage den viel lieben Wein;
des Jäger will ich immer sein:
er hat mir stäts so wohl gethan.
Was ich seither getrunken habe,
und was ich dessen mein Lebtag auch
noch schlingen kann in meinen Bauch,
das ist ja nur ein Anfang.’
Erst recht nun hub er auf und trank
gar manchen ungefügen Schluck.
‘Wein, mir ist dein Wesen kund.
Ich kenne wohl deine Kraft,
deine Kunst und deine Meisterschaft.
Du bemeisterst die Sinne;
du reizest zur Minne; 10
du bestätigst manchen Kauf,
du machst manchen Wettlauf,
du treibst mancherlei Spiel,
mit Freuden unterhältst du viel.
Die Welt wird durch dich ganz erhaben,
du kannst die Durstigen laben,
du lässt die Siechen gesunden.
Seit deine Freundschaft ich gefunden,
so war ich bei dir immerdar,
wie gross auch deiner Diener Schar, 20
dass mich doch keiner bracht zu Wank.’
Da hub er die Kanne empor und trank,
dass die Schlucke laut erklangen
und stossend durcheinander drangen.
Da ward von der Schlucke Schwall
ein Sturm, dass dem Wogenprall
der Schlund ward zu enge,
dass in der Wellen Gedränge
die Fluth sich durch einander schlang,
ein wildes Rauschen erklang,
als führ die Windsbraut übers Meer._
* * * * *
_Da hub er auf und trank
einen schweren Trunk.
Wie gross die Kanne auch war,
sie war für den Trunk nicht gross genug, 10
mit Mühe brachte man etwas hinein.
Da hiess er tüchtig hinein giessen
und liess das in sich fliessen,
dass so etwas noch nie geschehen.
Darauf setzte er sich nieder und sprach:
‘Der Wein ist ein wahrer Edelstein.
Ich höre eine süsse Stimme
in meinem Haupte singen;
die höre ich gerne klingen.
Es gehört sich, dass ich ihn kröne. 20
Er singt mehr süsse Töne
als aller Art Wohlklang
und aller Vögel Gesang.
Nie ward mir so etwas bekannt.
Er singt so schön, dass Horant
nicht den dritten Theil so schön gesungen hat.’
Da hub er auf und trank,
dass die Bank zu krachen begann.
Er sprach: ‘Darüber muss ich lachen.
Darüber ist gut lachen.
Das Krachen macht mir Vergnügen.
Das thut des Weines Güte.
Ich habe meine Seele
ganz in Freuden getränkt.
Da hinein hob ich mich versenkt.
Ich sank stäts von der Stunde an, 10
wo ich zuerst trinken konnte,
und mir der Wein so wohl gefiel.
Ich weiss wohl, dass kein Schiff
je in das Meer so tief gesunken.’
Da hub er die Kanne auf und trank
einen vierschrötigen Trunk.
Er sprach: ‘Ich bin jung geworden
an Leib und an Seele.
Wohl mir,’ so sprach der Gute,
‘dass ich solch ein Meister bin 20
im Trinken. Seht, das nenn ich mir Verstand.
Ich weiss wohl dort in Paris,
in Padua und Treviso,
in Rom und in Toscana
findet man keinen Menschen,
dessen Meister ich nicht wäre,
der sich auch nur ein Linschen
mit mir vergleichen könnte.
In allen deutschen Landen
ist mir nie einer begegnet, 30
der früh und spät
sich in Trinken so auszeichnete.
Mit dem Weine will ich heute und immerdar
gute Nachbarschaft halten.
Meine Seele muss mit ihm gesunden,
ihm ist sie immerdar hold.
Wenn er schön wie Gold
von dem Zapfen schiesst,
hei wie wenig mich das ärgert,
mag man noch so viel in mich giessen. 10
Meinem Leibe bekommt das sehr wohl.
Man redet viel von Turnieren:
tüchtig schlucken unter Vieren
kann ich wohl; das ist mein Fall.’
Da hub er die Kanne empor und trank
einen Schluck, der sehr gross war.
Er sprach: ‘Was man erzählt
von denen, die der Liebe pflagen
und von der Liebe todt gelegen,
die waren nicht so weise wie ich. 20
Wie starb der König Paris,
der um Helenas willen erschlagen ward?
Dessen Thorheit sollte man ewig beklagen.
Hätte er lieber den Wein geminnet,
so hätt’ ihm niemand etwas gethan.
Frau Dido fand durch die Liebe ihren Tod.
Graland wurde erschlagen und gesotten
und drauf seiner Herrin zu essen gegeben,
weil sie ihn nicht vergessen wollte.
Piramus und Thisbe,
denen geschah von der Liebe so viel Weh,
dass sie sich in ein Schwert stürzten.
Meine Liebe ist besseren Lohn werth,
als ihrer aller Liebe:
Meine Liebe ist freudebringend. 10
Ich wohne an der Liebe Strasse,
doch ist mir wohler als Curas,
der vor Liebe in der See ertrank.’
Da hub er die Kanne empor und trank
einen Trunk in grosser Eile,
den dehnte er so lange aus,
bis ihm der Gürtel zersprang.
Er sagte: ‘Das Band ist nicht von Bast,
womit ich jeder Zeit
mit dem Weine verbunden bin. 20
Das ist mein Glück und mein Heil;
und zwar sind es drei starke Seile.
Das eine ist des Weines Güte,
das andere mein starker Geist,
das dritte die Gewohnheit.
Niemals wird er mir leid,
ich muss ihn immer lieben.
Ich kann ihm nicht entrinnen.
Wie vermöcht ich einen so starken Strang zu zerreissen?’
Da hub er die Kanne auf und trank
so gewaltig, dass alle sagten,
die sein Trinken richtig sahen,
was er bis dahin getrunken hätte,
das sollte man ganz vergessen:
dieser Trunk verdiente den Preis vor allen. 10
Er sagte: ‘Die Welt ist unklug,
dass sie nicht zu Weine geht,
wenn sie irgend ein Gebresten hat,
und dass sie nicht gegen alles Leid trinkt,
gegen Angst und Mühsal,
gegen Alter und gegen den Tod,
gegen Siechthum und alle Noth,
gegen Schaden und der Schande Schlag,
und gegen alle Widerwärtigkeiten der Welt
gegen Nebel und schlimmen Gestank.’ 20
Da hub er empor und trank
so kräftig, dass sich die Kanne bog.
‘Was da fliesset und flieget,
soll mich billig anerkennen.
Die Leute sollten sich alle
meinem Gebote neigen.
Die Welt ist ganz mein Eigen.
Ich habe so viel Gewalt,
dass ich thue, was ich will.
Was ich will, das ist gethan,
so dass ich allen meinen Willen habe.
Davon heisse ich Ungenoss.
Meine Kräfte sind so gross,
wär der Welt so viel mehr,
dass das Meer und jeglicher See
so gut wäre wie das beste Land, 10
das müsste unter meiner Botmässigkeit stehn
und müsste mir ohne Wanken dienen.’
Da hub er die Kanne empor und trank
so lange und so gewaltig,
so viel und immer noch mehr,
so tüchtig und so heftig,
dass sein Hemd zerplatzte.
Er sprach: ‘Dem wird schon abgeholfen:
ich weiss wohl, was Allem widersteht;
ich kann mich wohl waffnen.’ 20
Er zog ein Koller von Hirschleder an,
da liess er sich fest hinein schnüren;
dazu von trefflichem Eisen
einen engen festen Panzer.
Drauf sagte er: ‘Des Weines Drängen
lässt mich nun ungezerrt.
Ich habe mich so versperrt:
er kann mich nicht mehr aufschliessen.
Das soll mir gut bekommen,
dass ich meinen Leib zum Vergnügen
mir eingezwängt habe, dass Mann
noch Weib sich nie so fest verschnürt haben.’
Und immer noch hub er die Kanne empor und trank._
_HUGO VON TRIMBERG._
[_Scherer D._ 228, _E._ 220.]
Ein gelehrter Dichter, wirkte als Schulmeister einer Vorstadt von
Bamberg. Sein bedeutendstes Werk ist ein Lehr- und Strafgedicht,
‘der Renner’ 1300-1313 verfasst, herausgegeben vom historischen
Vereine in Bamberg (Bamberg, 1833).