Qant ses pe_n_sers la vierge meine
A la divine druerie,
Et deinz sa chambre fuist soleine
Sanz chambrellain ou chambreleine,
Survint un angel de Messie
Et la salue come s’amie,
Et si luy dist, ‘Ave, Marie, 27920
Del grace dieu trestoute pleine!’
La vierge en fuist molt esbahie,[686]
Q’elle ert tout soule et desgarnie,
Et la novelle estoit soudeine.
Mais l’angel par confortement
Luy dist molt debon_n_airement,
‘Ma dame, ne vous doubtez pas,
Car dieu le piere omnipotent
Voet po_ur_ sauver l’umaine gent
Que tu son fils conciveras 27930
Et de ton corps l’enfanteras,
Virgine nepo_ur_qant serras.’
Et lors tu dis, ‘He, dieus, com_m_ent
Puet ce venir?’ puisq_ue_ tu n’as,
Ne jam_m_ais eustes n’en avras
D’ascun charnel assemblement.
Ma dame, a ce te respondoit
Saint Gabriel, et te disoit
Qe l’espirit de dieu tout coy
Ove la vertu de ciel vendroit, 27940
Qui tout cell oev_er_e p_ar_ferroit,
Com_m_e cil q’est toutpuissant en soy:
‘Et ce qui naistera de toy
Serra nom_m_é le fils du Roy,
C’est Jh_es_u Crist, a qui l’en doit
Trestout hono_ur_ et bon_n_e foy.’
Et puis t’en don_n_a signe au quoy
Lors ta credence ferme soit.
‘Qe dieus sur tout est sov_er_ein
Et ad tout ce q’il voet au mein, 27950
Il te moustra verray signal
De ta cousine et ton p_ro_chein
Elizabeth, q’estoit barein,
Six moys devant d’especial;
Mais dieus, q’est sire et gov_er_nal
Sur tout le siecle en general,
Luy ad don_n_é son ventre plein
D’un fils qui molt serra loyal:
Ensi deinz ton memorial
Retien q_ue_ tout serra certein.’ 27960
Qant tu, ma dame, as tout oÿ
Qe l’angel dist, la dieu mercy
Lors en louas, dont simple et coie[687]
Tu luy don_na_s response ensi:
‘La dieu ancelle vei me cy,
Soit ta parole toute moye.’
Qant as ce dit, vers toy se ploie
Saint Gabriel et se desploie
Volant a ciel, si q’apres luy
De nulle p_ar_t ton cuer s’effroie; 27970
Et c’estoit la primere Joye,
Dont tu, ma dame, es rejoÿ.
Solonc la p_ar_ole angeline
Jh_esu_m conceustez, et virgine
Apres mansistez nette et pure.
Mais qant avint q_ue_ ta cousine,
Qui d’un enfant ot pris saisine,
Dont elle ert grosse a mesme l’ure,
Vous encontra par aventure,
Dedeinz le ventre a sa mesure 27980
L’enfant de luy vers toy s’acline
Pour faire hono_ur_ a ta porture
Com_m_e sa demeine creature:
C’estoit miracle assetz divine.
Elizabeth fuist celle mere,
Que le baptistre a sa costere
Dedeinz son ventre lors porta,
Qui reconoist la dieu matiere,
Et fist l’onour a sa maniere,
Ainz q_ue_ sa miere l’enfanta. 27990
La miere qant sentist cela,
A toy, ma dame, s’escria
Par halte vois et lée chiere,
Si t’ad benoit, que tu pieça
Par l’angel qui toy noncia
Don_n_as credence a dieu le piere.
Elizabeth qant s’ap_ar_çoit,
Par grant devocio_u_n disoit:
‘Benoite, dame, soies tu
Dep_ar_ dieus, en bon_n_e houre soit, 28000
Car tout que l’angel noncioit
Est en ton corps ore avenu:
L’enfant deinz moy l’ad bien sentu,
Et par ce je l’ay bien conu.’
C’est un miracle asses benoit
Pour demoustrer la dieu vertu,
Siq_ue_, ma dame, en chascun lieu
Tes Joyes vienont p_ar_ esploit.
O quelle aperte demoust_ra_nce!
Jehans, ainz q’il avoit naiscance, 28010
Son dieu, auci qui n’estoit né,
Honourt et fait reconoiscance,
Ainz q_ue_ sa langue de p_ar_lance
Ascunement estoit doé,
Ainçois qu’il pot aler au pée,
Il s’est el ventre travaillé
Pour faire a dieu sa po_ur_voiance;
Ainçois q’il vist la clareté,
Il p_er_ceust la divinité,
Qe la virgine ot en balance. 28020
Itiele chose q’ert novelle
Tes Joyes, dame, renovelle;
Mais puis ap_re_s g_ra_nt Joye avetz,
Qant tu sentis soubz ta cotelle
Le vif enfant en ta boëlle,
Qui s’esbanoie a tes costées:
Mais qant ce vient en tes pe_n_sées,
Qe c’est il p_ar_ qui com_m_encez
Tous sont, le madle et la femelle,
Lors si tu, dame, soies leez 28030
Nuls se doit estre esm_er_veillez,
Q’es mere dieu et sa pucelle.
Mais a g_ra_nt peine om conteroit
Coment Joseph s’esm_er_veilloit,
Qant vist sa fem_m_e grosse et pleine,
Q’il de ce fait privé n’estoit;
Dont p_ar_ dolour il s’aprestoit
Fuïr, mais l’angel luy restreigne,
Si luy conta trestout l’ov_er_eigne.
Mais lors Joseph ses joyes meine 28040
Plus q_ue_ l’en dire ne porroit,
Et toy servir ades se peyne,
Ma dame, en esp_er_ance seine
Q’il le fils dieu nestre verroit.
Ne puet faillir q_ue_ dieus destine,
Dont il avint q’a ce t_er_mine
Joseph de Nazareth passa
Jusq’au Bethlem, u q’il chemine,
Et ad Marie en sa covine,
Q’ensemble ovesq_ue_ luy ala. 28050
C’estoit au temps q’elle ap_ro_cha
Son terme, issint q’elle enfanta
L’umaine essance ove la divine:
Entre les bestes le posa
En une crecche u reposa,
N’ert pas sa chambre lors marbrine.
O cil q’ert Rois sur tout Empire,
Com_m_e il voloit orguil despire,
Qant il si povrement nasqui!
N’est pas orguil ce q’il desire, 28060
Vers l’asne d’une p_ar_t se vire
Et vers le boef de l’autre auci,
N’estoit courtine presde luy.
O Rois du gloire, ta mercy,
Qui viens poverte tiele eslire!
La miere que te porte ensi
Scieust nepourqant tresbien de fy
Qe tu sur toute chose es sire.
Cil q’estoit de nature mestre
Solonc nature voloit nestre 28070
Au due temps; mais autreme_n_t,
Contre l’usance q’est terrestre,
Le grief dolour q’ont n_ost_re ancestre
[Sidenote: =f. 153=]
Al houre de l’enfantement,
Ma doulce dame, ne te prent,
Ainz com_m_e solaill son ray estent
Parmy la verre en la fenestre
Sanz fendure ou molestement,
Ensi, ma dame, salvement
Nasquist de toy le Roy celestre. 28080
Mais certes, dame, de ta Joye
Que lors avetz, je ne porroie
La disme p_ar_t conter al hure;
Car doublement ce te rejoye,
Qant vif en char p_re_s toy costoie
Qui ciel et terre est au dessure,
Et d’aultre p_ar_t q’il sanz lesure
Nasquit de toy a sa mesure,
Com_m_e dieu puissant p_ar_ toute voie,
Dont ta virginité fuist pure: 28090
Lors fuist complie l’escripture,
Que Rois David de toi psalmoie.
O dame, bien dois estre lée,
Qant dieus t’estoit abandon_n_é;
Qui fuist ton piere ore est ton fils,
Qui toy fo_ur_ma tu as fo_ur_mé,
Qui t’engendra as engendré,
Il toy crea, tu luy norris,
Qui tout comp_re_nt tu as compris,
Qui tout gov_er_ne est ton soubgis, 28100
De qui l’ancelle avetz esté,
Ore es la dame: a mon avis
Nuls puet conter le droit devis,
Dont tu, ma dame, es honouré.
O dieus, ta file te conçoit,
Et puis t’espouse t’enfantoit,
Et ta norrice estoit t’amie,
Ta soer en berces te gardoit,
Et une vierge t’allaitoit,
Maisq_ue_ ta miere estoit Marie, 28110
La tue ancelle ot en baillie
Ton corps, qui molt sove_n_t te lie,
Ta creature te portoit:
Ja puis n’ert tiele chose oïe,
Car en toute la compaignie
Forsq’une soule fem_m_e estoit.
O dieus, qui feis trestoute beste,
Et la salvage et la domeste,
Et fo_ur_mas l’om_m_e a ta semblance,
Et d’autre p_ar_t a toy s’apreste 28120
Trestoute chose q’est celeste,
Drois est po_ur_ ce q’a ta naiscance
Soit fait ascune demoustra_n_ce,
Dont soit oïe la parlance
En tous paiis de la terreste,
Pour meulx avoir la conoisca_n_ce:
Mais tout cela de ta puissance
Fuist fait, sicom_m_e no_us_ dist la geste.
=Ore dirra de les mervailles qui aviendront, qant
n_ost_res_eignour_ fuist née.=
As pasto_ur_s qui la nuyt veilloio_n_t
Et leur berbis en sauf gardoio_n_t 28130
Un angel dieu vint noncier,
Et si leur dist q’ils lées en soiont,[688]
Car en Bethlem née trov_er_oiont
Jh_esu_m, qui doit le mond salver;
Et puis oïront un Miller
Des angles doulcement chanter,
‘Soit gloire a dieu en halt,’ disoio_n_t,
‘Et peas en terre soit plener
As gens qui vuillont peas amer.’
C’estoit le chançon q’ils chantoio_n_t.
Au matin l’endemain suiant 28141
Tout d’un acord passont ava_n_t
Jusq’en Bethlem, u qu’ils trov_er_ont
Marie, Joseph et l’enfant,
Q’estoit en ses drapeals gisant
En un rastell, u bestes eront;
Dont ils g_ra_nt joye desmeneront
Et leur avision conteront
As tous qui leur furont deva_n_t,
Et puis a l’ostell reto_ur_neront. 28150
Les ascoultantz s’esm_er_veilleront,
Et tu, ma dame, as Joye g_ra_nt.
Enqore dieus d’autre manere
La nuyt qant il nasquit prim_er_e
Sa deité nous demoustroit;
Car d’une estoille belle et clere
Au tout le mond don_n_a lumere,
Et fermement l’establissoit
Sur la maiso_u_n u q’il estoit.
De l’orient lors y venoit 28160
Trois Rois, q’estoiont divinere,
Chascuns offrende ove soi portoit,
Q’il a ton fils sacrifioit
Pardevant toy, sa doulce mere.
En genullant luy font offrens,
C’est orr et mirre et f_ra_nc encens,
En demoustrance p_ar_ figure
Qu’il estoit Rois sur toutes gens,
Et verray dieus omnipotens,
Et mortiel hom_m_e en sa nature: 28170
L’estoille q’apparust dessure
Nous signefie en sa droiture
Q’il sire estoit des elementz.
O tu sa mere et vierge pure,
Molt t’esjoïstes a celle hure
Des tiels hono_ur_s, des tieus p_re_sentz.
=Ore dirra de la Circumcisio_u_n n_ost_re s_eignour_ et la
Purificacio_u_n de n_ost_re dame.=
O tu virgine enfanteresse,
P_ar_ autre voie avetz leesce,
Qant ton enfant fuist circu_m_cis;
P_ar_ ce nous moustra g_ra_nde humblesce,
Qu’il volt bien q_ue_ la loy expresse 28181
Fuist en son corps tout acomplis;
Mais a ce point estoit finis
La Circumcision jadis,
Et par toy q’es no salveresse
Solonc la loy de ton chier fils
Ly cristiens baptesme ad pris,
Au quoy se clayme et se p_ro_fesse.
Au jour quarante de s’enfance
Du viele loy a coustumance[689] 28190
Au temple dieu fuist p_re_senté
Ton fils, po_ur_ garder l’observance
D’umilité et d’obeissance;
Pour ce s’estoit humilié:
Dont Simeon en son degré
Le receust a grant chiereté,
Q’il estoit p_re_stre, et la faisance
Du temple estoit a luy don_n_é;
Mais unqes jour ne fuist si lée,
Qant om luy dist la circumsta_n_ce. 28200
De ses deux mains l’enfant manoie
Dessur l’autier et le conjoye,
Et puis l’enbrace p_ar_ loisir
Et fait honour p_ar_ toute voie,
Disant: ‘O dieus, puisq_ue_ je voie
Ton corps, ore ay tout mon desir;
Dont s’il te vendroit au plesir,
Laissetz moy ore en pes morir,
Qe je n’ay plus q_ue_ faire doie,
Car tu es cil qui doit venir.’ 28210
Ma dame, en tiele chose oïr
Te croist toutdis novelle Joye.
Cil Simeon maint a_u_n devant
Ot bien oÿ q’un tiel enfant,
Q’ert fils au Roy sup_er_iour,
Serroit par grace survenant
En une vierge, u q’il naiscant
Sa char p_re_ndroit po_ur_ n_ost_re amour;
Dont lors pria son creatour
Q’il porroit vivre a celle jour, 28220
Po_ur_ vir le fils au toutpuissant:
Mais lors, qant il en ot l’onour[690]
Et tint en bras son salveour,
Tout le souffist le remenant.
Ton fils, ma dame, soulement
Ne volt pas estre obedient
Au loy tenir endroit de soy,
Ainçois voloit, ensemblement
Qe tu, ma dame, tielement
Dois loy tenir endroit de toy: 28230
Pour ce solonc la viele loy,
Ma dame, au temple trestout coy
Te viens purer, et nequedent
Qant a nature il n’ert du quoy;
Car sanz corrupcio_u_n, je croy,
Ton fils portas tout purement.
Qant dieus nasquist, a celle fois
Roy fuist Herode, a qui les trois,
Des queux vous ay le conte fait,
En leur venir furont ainçois, 28240
La qu’il estoit en son palois;
Et luy conteront tout le fait,
Come p_ar_ l’estoille chascun vait
Sercher l’enfant qui fuist estrait
De dieu le piere et serroit Rois
Sur tout le mond: mais p_ar_ agait
Herodes qu’il serroit desfait
Pensa, com_m_e cil q’estoit malvois.
Herodes, qui fuist plein d’envie,
A tous les trois requiert et prie 28250
Q’ils voisent cell enfant sercher,
Et q_ue_ chascun reviene et die
Ce q’il ad fait de sa partie;
Car il avoit deinz son penser
Q’il le ferroit tantost tuer.
Mais dieus, a qui riens puet grev_er_,
Qant ils leur cause ont acomplie,
Par songe les fist rettourner
Une autre voie sanz parler
Au fel tirant, qui dieus maldie. 28260
[Sidenote: =f. 154=]
=Ore dirra com_m_ent Rois= =Herodes fist occire les enfantz
en Bethlem, et com_m_ent n_ost_re dame et Joseph s’en
fuirent ovesques l’enfant en Egipte.=
Herodes, qant s’est ap_ar_çuz
Com_m_ent il ad esté deçuz,
Q’a luy des trois nul reto_ur_na,
Fist a ses privez et ses drus
Leur lances p_re_ndre et leur escutz,
Et si leur dist et com_m_anda,
Tous les enfantz q’om tuera
En Bethlem et environ la:
Q’il p_ar_ ce quide estre au dessus
De luy q’au fin luy venquera; 28270
Car celluy qui dieus aidera
Des tous p_er_ils ert defenduz.
Car dieus, qui tint son fils chery,
P_ar_ songe en ot Joseph garny,[691]
Et si luy dist, ‘P_er_netz l’enfant,
Maisq_ue_ sa mere voise ove luy:
Aletz vous ent, fuietz de cy
Jusq’en Egipte tout avant,
U vuill que soies demourant.’
Et ils s’en vont du meintenant 28280
Vers la, ou q’ils se sont guari;
Mais fals Herode le tirant
Tua d’enfantz le remenant
Sanz avoir pité ne mercy.
Drois est q_ue_ l’en doit acompter
Pour les miracles reconter
Qe lors en Egipte aveneront,
Qant tu ma dame y vins p_ri_mer
Ove ton enfant pour habiter:
Car les ydoles tresbucheront 28290
En tous les temples u q’ils ero_n_t,
Et lieu a ton chier fils donero_n_t,
Q’a sa puissance resister
Ne poent, ainz p_ar_ tout tremblero_n_t:
Les mescreantz s’esm_er_veilleront,
Dont tu, ma dame, as Joye au cuer.
Une arbre halte, belle et pleine
Auci, ma dame, en une pleine
En celle Egipte lors estoit,
Dont fuist la fame molt lo_n_gteine, 28300
Q’au toute gent malade et seine,
Qui les racines enbevoit
Ou autrement le fruit mangoit,
Santé du corps asses don_n_oit:
Dont il avint une semeine
Qe ton chier fils p_ar_ la passoit,
Et l’arbre au terre s’obeissoit
Pour l’onourer en son demeine.
O tu virgine et la dieu miere,
Qe ce t’estoit mervaille fiere, 28310
Qant si foreine creature
Conoist son dieu en la manière;
Dont ta loenge plus appiere
P_ar_ ton chier fils, q’est dieu dessure:
Car lors scies tu, de sa droiture
Q’il estoit sire de nature
Et puet tourner l’avant derere,
C’est une chose que t’assure;
Siq_ue_, ma dame, en chascune hure
Te vient du Joye la matiere. 28320
Dieus au sovent la malfaisa_n_ce
Du male gent p_ar_ sa souffrance
Laist pour un temps, mais au darrein
De sa justice il p_re_nt vengance:
Pour ce vous di q_ue_ celle enfance,
Qe cil tirant moertrer vilein
Faisoit tuer, vient ore au mein:
Cil q’ad pover du tout humein
Le fist morir sanz po_ur_voiance
Par dolour qui luy fuist soudein, 28330
Dont cil te manda le certein
Qui t’ad, ma dame, en reme_m_b_ra_nce.
Des toutes p_ar_tz te vient confort,
Car qui sur tous est le plus fort,[692]
C’est ton chier fils, t’ad envoiez
Ses angles, qui te font desport,
Disantz q_ue_ tu du lée port
En Israel retourneretz.
Je ne say dire les journés,
Mais qant tu viens a tes privez, 28340
Qui sont ove toy du bon acort,
Molt estoit dieus regraciez,
Qui toy, ma dame, ad remenez,
Et ton fils ad guari du mort.
Ensi, ma dame, d’umble atour
En Nazareth fais ton retour,
Ove tes parens pour sojourner;
Et puis avint q_ue_ p_ar_ un jour
P_ar_entre toy, ma dame, et lour
Au temple dieu t’en vas orer, 28350
Si fais ton fils ove toy mener;
Mais qant ce vint au retourner,
Tes joyes changont en dolour,
Car tu ne puiss ton fils trover,
Combien q_ue_ tu luy fais sercher
En la Cité p_ar_ tout entour.
O dame, je ne doubte pas
Que tu fecis maint petit pass,
Ainz q_ue_ poes ton fils avoir,
Dont tu Joseph auci prias, 28360
Combien q’il fuist et viels et lass,
Q’il duist auci son pée movoir,
S’il te porroit ap_ar_cevoir:
Deux jours serchastes en espoir,
Qe tu, ma dame, riens trovas,
Mais l’endemain tu puiss veoir
Q’il ad conclus de son savoir
Les phariseus et les p_re_latz.
Au tierce jour luy vas trovant
Dedeinz le temple desputant 28370
As mestres de la viele loy,
Qui prou ne scievont a l’enfant
Respondre, ainz ont m_er_vaille g_ra_nt
De sa doctrine et de sa foy.
Tu luy crias: ‘Beal fils, pour quoy
Ne scies tu q_ue_ ton piere et moy
T’aloms en g_ra_nt dolour querant?’
Il lieve et puis excuse soy,
Si vait tout simplement ove toy,
Du quoy ton cuer fuist molt joya_n_t. 28380
Ton fils te suyt molt hu_m_bleme_n_t
Et tu t’en to_ur_nes bellement
A Nazareth ton parenté,
Q’ainçois estoiont molt dolent,
Mais ore ont joye a leur talent,
Qe tu ton fils as retrové.
Bien tost ap_re_s en Galilée
Ot une feste celebré
Des noeces, u courtoisement,
Ma dame, l’en t’avoit prié 28390
Que ton chier fils y soit mené
Ove toy, ma dame, ensembleme_n_t.
Le feste ert riche et bien servi,
Maisq_ue_ bon vin leur est failly
En la maison Archideclin;
Dont ton chier fils, qant il l’oï,
Les potz q’estoiont d’eaue empli
Fist changer leur nature en vin
Molt bell et bon et fresch et fin,
Dont tous bevoiont en la fin 28400
Et le rendiront g_ra_nt mercy:
La moustra Jh_esu_s son divin,
Dont le forein et le voisin
De l’escoulter sont esbahi.
O dame, qui scieust bien conter
Tous les miracles au plener
De ton fils en s’enfantel age,
Sanz nombre en porroit om trov_er_,[693]
Qe molt fesoiont a loer:
Des tous ne suy je mye sage, 28410
Mais q’il ert humble de corage,
Des tous paiis savoit langage
Pour bon_n_es gens acompaigner;
Mais sur trestous a vo lignage
Chascun endroit de son estage
Faisoit grant joye demener.
=Ore dirra com_m_ent n_ost_re sire fuist baptizé.=
Dieus, qui volt chang_er_ en sa guise
La Sinagoge pour l’Eglise,
Faisoit la transmutacio_u_n
Q’estoit du viele loy assisse, 28420
Siq_ue_ baptesme serroit prise
En lieu de Circumcisio_u_n;
Par quoy de sa p_ro_visio_u_n
Ot un servant, Jehans p_ar_ no_u_n,
Qui molt estoit de sainte aprise,
Faisant sa predicacio_u_n
Au pueple pour salvacio_u_n
Du loy novelle et les baptize.
Oultre le flom Jordan estoit
Jehan baptist, qui baptisoit 28430
Prechant au pueple la salu
Du loy novelle, et leur disoit
Qe cil qui noz pecchés toldroit
Du ciel en terre ert descendu
Et s’est de n_ost_re char vestu;
Et qu’il au pueple soit conu,
Jehans du doy le demoustroit
Disant, ‘Vey cy l’aignel de dieu!
Vei cy qui tout le mond p_er_du
De sa mercy refourmer doit!’ 28440
Jehan en le desert se tint
P_ar_ grant penance, u q’il s’abstint,
Q’il pain ne vin ne char gousta;
Delice nulle a soy retint,
Du mell salvage ainz se sustint,
[Sidenote: =f. 155=]
De l’eaue but, que plus n’y a,
Toute vesture refusa
Forsq_ue_ des peals q’om escorcha
De ces Chameals, car bien sovint
Q’orguil du ciel l’angel rua, 28450
Et gule en p_ar_adis tua
Adam, dont nous morir covint.
De son p_re_cher, de sa penance
Toutplein des gens a repenta_n_ce
Solonc la loy novelle attrait,
Q’a luy vindrent p_ar_ obeissance,
Et du baptesme l’observance
Resçoivent, siq_ue_ son bienfait
Au loy novelle g_ra_nt bien fait.
Par tous paiis la fame en vait,[694] 28460
Dont Crist, q’en fist la po_ur_voiance,[695]
Qui volt refaire no forsfait,
Vint a Jehan et quiert q’il ait
Baptesme, dont sa loy avance.
Jehans respont: ‘Laissetz estier;
Baptesme tu me dois don_n_er,
Qui viens de moy baptesme quere.’
‘Souffretz,’ fait Crist, ‘de ton p_ar_ler,
Car ce p_ar_tient a mon mestier:
Solonc la loy p_ar_ tout bien fere 28470
Je viens pour estre debon_n_ere,
Et pour cela t’estuet p_ar_fere
La chose dont je te requier.’
Ensi disant se fait attrere
En l’eaue, u q_ue_ de son affere
Jehans le faisoit baptiser.
La vois de ciel lors descendist,
Et com_m_e tonaire il p_ar_le et dist:
‘Vei cy mon tresdouls amé fils,
U toute ma plaisance gist.’ 28480
Ove ce le ciel d’amont ovrist,
Et vint y ly saintz esp_er_itz,
Qui la semblance au droit devis
D’un blanc collomb lors avoit p_ri_s,
Et p_ar_dessus sa teste assist.
De celle veue estoit suspris
Jehans, qui puis apres toutdis
Du grant miracle s’esjoÿt.
Jehan, q’estoit le dieu amy,
Long temps deva_n_t en fuist garni[696] 28490
P_ar_ l’angel, qui luy fist savoir
Disant, ‘Qa_n_t tu verras celluy
Venir, dessur la teste a qui
Le blanc colomb vendra seoir,
C’est le fils dieu, sachez pour voir.’
De tant fuist il en bon espoir;
Mais puis qua_n_t dieus le fist ensi
Siq’il le puet des oills veoir,
De lors fist il tout son devoir,
Du quoy la foy soit plus cheri. 28500
Qui toute chose sciet et voit
Du p_ro_vidence se pourvoit,
Q’il p_ar_ ses oev_er_es volt moustrer
Q’il fils de dieu le piere estoit;
Dont deux miracles il faisoit,
Qui molt firont a m_er_vailler,
Les queux bon est a reciter
Po_ur_ sa puissance remembrer
Et po_ur_ despire en leur endroit
Les mescreantz, qui baptizer 28510
Ne se voldront, dont excuser
Ne se porront p_ar_ ascun droit.
=Ore dirra en p_ar_tie des miracles que n_ost_res_eignour_
faisoit avant sa mort.=
Un temps avint q’en Bethanie
Lazar, de Marthe et de Marie
Qui frere estoit solonc nat_ur_e,
S’estoit passé de ceste vie;
Dont il avoit la char purrie,
Car quatre jours en sepulture
Avoit esté devant celle hure
Que n_ost_re sire en aventure 28520
Y vint; siq_ue_ de nulle aÿe
L’en esp_er_oit: mais qui sa cure
Puet faire en toute creature
De son poair la mort desfie.
Qant n_ost_re sire y doit venir
Au monument, gette un suspir,
Et de ses oils il lermoia
Et de son corps se laist fremir,
Si dist, ‘Lazar, vien toy issir.’
Dont l’espirit se retourna 28530
En luy, qui mort estoit pieça,
Ses mains et pées om deslia,
Et il sanz plus du detenir
Se lieve et son dieu mercia.
Le pueple trop s’esm_er_veilla
P_ar_ tout u l’en le puet oïr.
Une autre fois bien apparust
Qe son chier fils dieus reconust,
Qant cink mill hom_m_es il ameine
Tanq’en desert, u point n’y ust 28540
Ascune riens que l’en mangust,
Et la famine leur constreine;
Mais un y ot q’a molt g_ra_nt peine
Avoit cink pains en son demeine
Et deux piscons, sicom_m_e dieu plust.
La gent s’assist en une pleine,
Et dieus les faisoit toute pleine
P_ar_ son douls fils, qui lors y fust.
Cil q’est du fuiso_u_n capitein
Les cink pains de sa sainte mein 28550
Et les pisco_u_ns tant fuisonoit
Que du relef ot au darrein
Des cophins dousze trestout plein,
Et chascun hom_m_e asses mangoit:
P_ar_ quoy l’en sciet tr_es_bien et voit,
N’est uns qui faire ce porroit
D’ascun poair qui soit humein;
Siqu’ils diont et au bon droit,
Que Jh_es_u Crist en son endroit
Estoit le fils du sov_er_ein. 28560
Et d’autre p_ar_t com_m_unement
P_ar_ tout u q’il estoit p_re_sent
Il guarist toutes maladies,
C’estoit de la leprouse gent,
C’estoit des voegles ensement,
C’estoit de les forseneries,
Les gouttes, les ydropesies,
Les fievres et les parlesies,
De sa parole soulement
Faisoit q_ue_ tout furont garies: 28570
Nuls en pot faire les maistries,[697]
S’il ne fuist dieus omnipotent.
O tu virgine, la dieu mere,
Tu es des autres la primere,
Qui du verraie experience
De dieu sentistes la matiere;
Qua_n_t il entra deinz ta costiere,
Et puis nasquit sanz violence,
Et molt sovent en ta p_re_sence
Puis te moustra bon_n_e evidence 28580
Q’il estoit fils de dieu le piere,
Et molt sovent p_ar_ audience,
Dont chascun jour te recom_m_e_n_ce
La joye dont tu es pleniere.
O dame, po_ur_ tes grandes Joyes,
Que lors des tantes p_ar_tz avoies
Molt pl_us_ q_ue_ je conter ne say,
Je te pry, dame, toutes voies
Par ta pité que tu me voies;
Car s’ensi fais, je guariray 28590
Des griefs pecchés dont langui ay,
Et vers ton fils m’acorderay,
O dame, a qui si tu m’envoies
A sa mercy resceu serray,
Du quelle faillir ne porray,
Si tu sa mere me convoies.
De la p_ro_v_er_be me sovient,
Q’om dist q_ue_ molt sovent avient
Ap_re_s grant joye grant dolour,
Ainz que l’en sache ou quide nient:
Pour ce le di q’a toy survient 28601
Devant le Pasques p_ar_ un jour
Soudainement le g_ra_nt dolour
De ton fils, dame, et ton seigno_ur_,
Dont po_ur_ conter ce q_ue_ te vient
Trestout mon cuer deschiet en plo_ur_:
Et nepourqant le creatour
Scieust q’ensi faire le covient.
=Ore dirra de la passio_u_n de n_ost_re seignour Jh_es_u Crist.=
O Jh_es_u, je te cry mercy,
Si te rens g_ra_ce et g_ra_nt m_er_cy, 28610
Qe tu deignas po_ur_ no_us_ souffrir;
Dont s’il te plaist, beal sire, ensi,
En ton honour je pense yci
Conter, q_ue_ l’en le doit oïr,
La passio_u_n dont vols morir
Po_ur_ no_us_ du male mort guarir:
Sur quoy, Jh_es_u, je t’en suppli
Siq_ue_ j’en puisse ove toy partir,
Dont m’alme soit au departir
Sanz paine et sanz dolour auci. 28620
Les mestres de la viele loy,
Qui ne scievont respondre a toy,
Conceivont de leur p_ro_pre envie
Sanz cause la malice en soy,
Au fin q’ils ta novelle foy
Puissont quasser en ceste vie,
Mais ils en ont leur art faillie:[698]
Et nepourqant q_ue_ l’en t’occie
Font compasser qant et po_ur_ quoy;
Si font de Judas leur espie, 28630
Qui leur p_ro_met tout son aïe,
Maisq’ils gardent consail en coy.
Trente deniers il prent de lour,
[Sidenote: =f. 156=]
Dont il son mestre et creatour
Vendist com_m_e traitre desloyal:
Tout s’acordont du lieu et jour,
Sur quoy Judas po_ur_ son seigno_ur_
Conoistre leur don_n_a signal,
Si dist q’ ‘Ove vous a ce journal
Irray, et qui d’especial 28640
Lors baiseray com_m_e p_ar_amo_ur_,
Celluy tenetz pour principal;
C’est cil qui vous en com_m_unal
Querretz pour faire le dolour.’
Jh_esu_s, qui tout savoit devant,
De ses disciples au devant
Mande au Cité pour ordiner
L’ostell u qu’il serroit mangant
Sa cene, et puis lo_ur_ vait suiant:
Et qant y vient, lors au primer 28650
Il mesmes volt lo_ur_ piés laver
Humilité pour essampler,
Et puis ove tout le remenant
S’assist au Cene po_ur_ manger.
Qant ce fuist fait, apres souper
Il s’en vait oultre meintenant.
Lors prist Jh_esu_s ovesq_ue_ luy
Piere et Jehan et Jaque auci
Et laist les autres a derere[699]
Au ville de Gethsemany; 28660
Et si leur dist, ‘Attendetz y,
Qe je vois faire ma priere.’
Et lors passe oultre ove mo_ur_ne chere
Si loigns com_m_e l’en gette une pere,
Et as genoils s’est obeÿ,
Ses mains levez vers dieu son piere;
Si luy prioit en la maniere
Com_m_e vous m’orretz conter yci.
Par ce q’il ot le corps humein
Et vist sa mort devant la mein, 28670
Tant durement il s’effroia,
Du quoy p_ar_my le tendre grein
Du char les gouttes trestout plein
Du sanc et eaue alors sua;
Si dist: ‘O piere, entendes ça,
Fai que la mort me passera,
Car tu sur tout es sov_er_ein;
Et nepourqant je vuil cela
Que vous vuilletz q_ue_ fait serra,
Car je me tiens a toy certein.’ 28680
Qant ot ce dit, il retournoit
A ses disciples et trovoit
Q’ils s’estoiont tous endormis,
Et p_ar_ deux fois les esveilloit,
Et vait arere et dieu prioit
Semblablement com_m_e je vo_us_ dis.
Au tierce fois leur dist: ‘Amys,
Dormetz, car je me voi soubmis.
Vei la qui vient a grant esploit,
Cil fals Judas, qui m’ad trahis: 28690
Dormetz en peas, car je suy pris,
N’est qui rescousse faire en doit.’[700]
Au paine ot il son dit conté,
Qe cil Judas le maluré
En route de la male gent
Y vint trestout devant au pié,
Si ad son mestre salué,
Et ove ce tricherousement
Luy baise; et lors com_m_unement
Sur luy chascuns la main y tent, 28700
De toutes p_ar_tz estoit hué,
Si l’un luy boute, l’autre p_re_nt;
Ensi fuist pris soudainement,
Au venderdy la matinée.
Au prime tost ap_re_s suiant
Devant Pilat le mescreant
Ils ont Jh_esu_m ove soy menez,
Des fals tesmoignes accusant:
Le corps tout nu luy vont liant
A un piler, ses oels bendez, 28710
Et lors luy don_n_ent les collées
Disant, ‘O Crist, p_ro_phetisés
Qui t’ad feru,’ et plus avant
Luy ont d’escourges flaiellez,
Siq’en son corps n’y ot laissez
Un point q_ue_ tout ne fuist sangla_n_t.
Al houre tierce en juggement
S’assist Pilat, et falsement
Au mort dampna le corps J_hes_u
Par clamour de la male gent, 28720
Qui lors pristront un vesteme_n_t
Du pourpre et si l’ont revestu,
Et de l’espine trop agu
Luy font coron_n_e, et le pié nu
Sa croix luy baillont p_ro_preme_n_t
A porter, et ensi vencu
La croix portant s’en vait au lieu[701]
U qu’il morra vilainement.
Al houre siste sur le mont
De Calvarie tout amont 28730
Firont Jh_esu_m crucifier;
Des grosses cloues trois y sont,
Des deux les mains t_re_sp_er_cé ont,
Du tierce font les pies ficher;
Si font la croix ensus lever,
Et deux laro_u_ns en rep_ro_ver
D’encoste luy pendant y vont;
Eysil et fiel puis font meller,
La soif Jh_es_u pour estancher;
Des toutes p_ar_tz dolour luy font. 28740
Et puis, qant non_n_e vint a point,
Jh_esu_s, q’estoit en fieble point
Selonc le corps, a dieu pria,
Au fin q’il ne se venge point
De ceaux qui l’ont batu et point;
Et lors a halte voix cria,
‘Hely!’ et soy recom_m_anda
Au dieu son piere, et en cela
De ceste vie il se desjoynt:
Mais lors tieus signes desmoust_ra_, 28750
Qe nuls p_ar_ droit se doubtera
Q’il n’est ove dieu le piere joynt.
L’eclips encontre sa nature
La cliere jour faisoit oscure;
La terre de sa p_ar_t trembloit,
Les grosses pierres p_ar_ fendure
Sont routes, et la sepulture
De la gent morte ov_er_te estoit,
Dont il plusours resuscitoit;
Le voill du temple, u q’il pendoit, 28760
Se fent en deux a mesme l’ure:
Centurio, qui tout ce voit,
Dist q’il le fils de dieu estoit,
Seignour du toute creature.
Un chivaler y ot Longis,
Qui du voeglesce estoit soubgis,
A luy bailleront une lance,
Qui de Jh_es_u le cuer au pitz
T_re_sp_er_ce, et lors fuist tout complis
Du passio_u_n la circumstance: 28770
Dont bon Joseph p_ar_ la suffra_n_ce
Du Pilat en droite ordinance
Le corps d’en halt la croix ad pris,[702]
Si l’ad enoignt du viele usance,
Et puis luy ad de po_ur_voiance
En un sepulcre ensevelis.
Mais lors se lieve p_ar_ envie
Des males gens la compaignie,
Et au Pilat s’en vont pour dire[703]
Com_m_ent Jh_esu_s s’avanterie 28780
Faisoit, qant il estoit en vie,
Q’il ot poair a desconfire
La mort, et c’estoit a despire:
‘Pour ce no_us_ te prions, beal sire,
Nous vuilletz don_n_er la baillie
Du corps garder’: et sanz desdire
Trestout ce q_ue_ la gent desire
Leur g_ra_nte, q_ue_ dieus le maldie.
Et lors qant ils en ont pooir[704]
Del corps guarder, po_ur_ estovoir 28790
Des chivalers quatre y mettoio_n_t,
Qui p_ar_ trois jours sanz soy movoir
Le garderont matin et soir,
Qe ses disciples, s’ils vendroio_n_t,
P_ar_ nuyt embler ne luy porroio_n_t.
As chivalers g_ra_nt sold donoio_n_t,
Siqu’ils bien facent leur devoir,
Et cils tresbien le p_ro_mettoio_n_t;
Mais contre dieu qant ils guerroio_n_t,
En vein ont mis leur fol espoir. 28800
=Ore dirra de la Resureccio_u_n n_ost_res_eignour_, et la cause
pour quoy il voloit mesmes devenir hom_m_e et souffrir la mort,
pour le pecché de Adam.=