Reconte d’un horrible beste, 9890
Q’issoit de la p_ar_fonde mer:
Corps leop_ar_t, ce dist la geste,
Mais du leo_u_n ot geule et teste,
Des piés fuist urce a resembler,
Sept chief portoit cil adv_er_sier,
Si ot disz corns po_ur_ fort hurter,
Ove disz couron_n_es du conqueste:
Merveille estoit del esguarder,
Trop se faisoit a redoubter,
Car trop demenoit g_ra_nt tempeste. 9900
Le no_u_n du beste l’en nomoit
Pecché; mais ce q’il corps avoit
Tout techelé, ce signefie
Div_er_ses mals, dont nous deçoit;
La geule du leon, c’estoit
Q’il tout devoure en sa baillie;
Sept chiefs, as sept pecchés s’applie;
Mais de disz corns fait envaïe
As disz p_re_ceptz que dieus don_n_oit:
Les disz couron_n_es par meistrie, 9910
Ce sont victoire en ceste vie,
Qu’il sur les gens conquerre doit.
C’estoit le monstre a qui don_n_é
Fuist plain poair et plain congié,
Au fin qu’il duist contre les seintz
Combatre et veintre du pecché.
O dieus, com_m_e dure destiné!
Qant tieles gens serront atteinz,
C’est grant dolour as tous humeinz;
Car nous autres, qui valons meinz, 9920
Ne sai com_m_ent serrons guardé
Du beste qui tant est vileins:
Po_ur_ moy le dy, je m’en compleins,
Trop sui de son venym enflé.
Ce beste auci des piés et bras
Fuist urce, et par ce tu porras
Savoir que l’urce ad tost occis
Sa proie, qua_n_t la tient en bas
Soubz luy, et par semblable cas
Tost serra mort et entrepris 9930
Cil qui Pecché av_er_a soubmis.
Helas, Pecché, je te maldis,
Car p_ar_ les files que tu as
P_ar_ tout le siecle a mon avis
Et les cités et les paiis
Par toy porront bien dire, helas!
Helas, Pecché, com_m_e es g_ra_nt mestre!
Par doulçour que fais de toi nestre
Trestout le mond semp_re_s t’onourt,
Et laie gent et clerc et prestre, 9940
Dont leur delit pourront acrestre:
Po_ur_ toi servir chascuns y court,
P_ar_ toi vient Mort primer au court,
P_ar_ toi tout bien en mal destourt,
P_ar_ toi tout droit vait a senestre,
P_ar_ toi l’en rit, p_ar_ toi l’en plourt,
Par toi la fantasie sourt,
Dont sont deçu tout ly terrestre.
Je te resemble a les Sereines,
Qant p_ar_ leur doulces vois halteines,
U qu’ils chantont p_ar_ halte mer, 9951
Attraire font en leur demeines
Les niefs siglans, et p_ar_ soudeines
Tempestes puis les font noyer.
Au chat auci te doy sembler,
Quant du sourris se fait juer,
Et puis l’occit mangant ses treines.
Com_m_e clier estée te fais moustrer,
Plain des flourettes au primer,
Mais en yvern sont pas certeines. 9960
Je te resemble au poire douche,
Qui porte bon savour au bouche
Et est a l’estom_m_ac grevable:
Je te resemble au noire mouche,
Les pures chars qant souffle et touche,
Corrumpt et fait abhominable:
Je te resemble au songe et fable
Q’au toute gent son deceivable:
Je te resemble au celle couche
Dont nuls au peine est relevable: 9970
Tu es d’enfern le con_n_estable,
P_ar_ qui tout mal se claime et vouche.
Je te resemble au buiste close,
U son venym ly deable enclose;
Auci je te resemble au pie,
Qant sur caroigne soi repose:
Tu as visage de la rose,
Et es plus aspre que l’urtie:
Tu es sophistre en la clergie,
Dont l’art conclude en heresie: 9980
Ne say la ryme ne la prose
Dont la centisme part endie
De ta malice, en ceste vie
Ne te falt plus ascune chose.
Qui du Pecché p_re_nt reme_m_brance
Com_m_ent primer a sa naiscance
Du ciel les angres fist ruer,
Com_m_e puis Adam p_ar_ fole errance
Env_er_s son dieu mist en destance,
Et puis en terre fist noyer 9990
Trestous forsq_ue_ piscon du mer
Et soul Noë, qui dieus salver
Voloit ovesq_ue_ s’alliance,
Et puis encore fist errer
Pour les ydoles honourer
Les gentz encontre leur creance.
Des cestes choses qui bien pense,
Et puis reguarde a l’evidence,
Com_m_e chascun jour l’en puet veoir
Mortiele guerre et pestilence, 10000
Que du Pecché trestout com_m_ence,
Lors doit il bien hidour avoir:
Car n’est cité, chastel, manoir,
En quel ne se fait remanoir
Pecché, car tous obedience
Luy portont, et pour dire voir
Ou pour delit ou pour l’avoir
Luy font honeur et rev_er_ence.
Sur tous les regnes q’ore sont
Pecché com_m_ant, Pecché somont, 10010
Et tous au Pecché font hom_m_age:
Et molt plus tost d’assetz le font,[258]
Car ly malfiés, qui tout confont,
Toutdis recov_er_e al avantage,
De ce qu’il fist le mariage
Jadis du Siecle a son lignage,
Com_m_e je vous contay p_ar_amont.
Si dieus ne pense a tiel oultrage
Rescourre, trop ert le dam_m_age
Des almes que perdu serront. 10020
Mais des tous biens cil q’est racine
Ne laist ja mal sanz medicine;
Combien q_ue_ ly malfiés soit fort
Par Pecché q’est de sa covine,
Nientmeinz de la vertu divine
Dieus en volt faire son confort[259]
Pour l’alme, a resister le tort
Du deable et du malvoise sort,
La quelle vient de celle orine
Que meyne jusques a la mort: 10030
Mais ore oietz com_m_e se remort
Reso_u_n par Conscience fine.
=Ore dirra com_m_ent Reso_u_n et Conscience prieront dieu
remedie contre les sept vices mortielx ove leur p_ro_genie, et
dieus don_n_a sept vertus a Reso_u_n contre eaux.=
Trestous vous avez bien oï,
Qant Pecché l’om_m_e avoit saisi
En sa prison_n_e, meintenant
Reso_u_n et Conscience auci
Loign de la court furont bany:
Mais ils s’aleront plus avant[260]
Po_ur_ soi compleindre au toutpuissant
De ce que vous ay dit devant, 10040
Com_m_ent cel homme estoit ravi
Des vices, dont il avoit tant,
P_ar_ quoy ne furont mais puissant
A gouverner l’estat de luy.
Enmy la court sup_er_iour
Devant dieu firont leur clamour
Ensi Reso_u_n et Conscience:
Leur advocat et procurour,
Et sur tout leur coadjutour,
[Sidenote: =f. 58=]
C’estoit Mercy, qui d’eloquence
Tous autres passoit du science. 10051
Cil contoit en la dieu presence
Le grant meschief, le g_ra_nt dolour,
Dont il prioit avoir defense:
Dieus luy don_n_a bon_n_e audience
Et sur ce luy p_ro_mist socour.
Mais pour ce q_ue_ les sept pecchés
Furont au Siecle mariez,
Com_m_e je dis au com_m_encement,
Et q_ue_ tant sont multepliez 10060
Les files q’en sont engendrez,[261]
Dieus ordina semblablement
Un mariage, oietz com_m_ent.
Il ot sept files p_ro_prement,
Les quelles des tous biens doez
Au Reso_u_n don_n_a franchement
En mariage, et cil les prent
Pour l’encheso_u_n que vous orrez.
Dieus, qui lez choses tout po_ur_voit,
Pour ceste encheso_u_n le faisoit, 10070
De Reso_u_n ensi marier,
Qu’il des vertus q’espouseroit
Autres vertus engendreroit,
Dont se pourront multeplier;
Siq_ue_ chasqune en son mestier
Doit contre un vice resister,
Un contre un autre, au tiel endroit
Que l’Alme se pot enforcer
Son fol corps a desprison_n_er,
Q’a lors des vices pris estoit. 10080
Reso_u_n, q’estoit et simple et sage,
Molt s’esjoÿt deinz son corage
Qu’il tieles fem_m_es duist avoir,
Q’estoiont de si halt parage,
Com_m_e de son p_ro_pre dieu lignage,
Dont il fuist mis en bon espoir
Les vices mettre a no_u_nchaloir;
Car dieus l’accrust du g_ra_nt pooir,
Si luy don_n_oit en heritage
De son saint ciel le beau manoir, 10090
U qu’il sanz fin doit remanoir
Et tenir en franc mariage.
Reso_u_n, qui bien s’estoit pourveu
Au jour des noeces, ot vestu
La robe yndoise ove blanche raie;
Par l’un colour est entendu
Constance en le service dieu,
Et l’autre que du blanchour raie
Signe est du netteté verraie;
La coife auci dont dieus s’appaie 10100
Portoit, que tout estoit cosu
De sapience: ensi s’esgaie
Reso_u_n, qui son peno_u_n desplaie,
Que ja des vices n’ert vencu.
Les dames vienont de la tour,
Chascune estoit du noble atour,
En blanche robe bien vestue.
Mais Conscience fait maint tour
Pour adrescer la gent entour,
Q’a celle feste estoit venue; 10110
Com_m_e Mareschals les uns salue,
Les uns cherist, les uns argue,
P_ar_ tout se peine a faire honour:
Sa robe estoit com_m_e d’une nue,
La quelle au plus sovent se mue[262]
Diverse, et change sa colour.
Les dames ensi bien pareies
Se mistront hors de les pareies
Vers le moustier de saint delit,
U que leur mary toutes veies 10120
Com_m_e ses amies et ses preies
Leur attendoit; si ot eslit
Trois menestrals, ly quel sont dit
Bon pensement, Bon fait, Bon dit,
Qui les cornont p_ar_ leur journeies,
Dont s’esjoyont grant et petit
Des joyes qui sont infinit,
Qui valont oultre tous moneies.
Chascune dame en son degré
Portoit son no_u_n ap_ro_prié 10130
Escript, dont fuist la meulx vailante;
Encontre Orguil Humilité,
Encontre Envie est Charité,
Et encontre Ire la tençante
Est Pacience la taiçante;
Encontre Accidie la dormante
Prouesce y vient apparaillée;
Contre Avarice la tenante
Franchise y vient la despendante,
N’ert pas ovele l’assemblé: 10140
Et puis encontre Gloutenie,
Q’est de nature l’anemie,
La dame y vient q’ad no_u_n Mesure;
Et lors encontre Leccherie
Vient Chasteté la dieu amye
Tout coiement sanz demesure:
Et meintenant vient p_ar_dessure
Ly prestres qui tous les assure,
Qui Gracedieu, si je bien die,
Avoit a no_u_n, mais p_ar_ droiture, 10150
Pour ce qu’il savoit de lettrure,
Ad l’espousaille au fin complie.
En la presence au soverein
Vient Conscience primerein,
Q’au moustier les dames mena,
U Gracedieu leur chapellein
Les faisoit prendre mein au mein,
Et depar dieu les affia;
Et puis leur messe ensi chanta
Qe dieus en bon gré l’accepta, 10160
Car l’Alme y offrist son certein,
Itiel com_m_e dieus le com_m_anda:
Reso_u_n ses fem_m_es moult ama,
Car moult furont du noble grein.
Ensi dieus de sa courtoisie
Encontre l’orde progenie
Des vices, qui tant sont maldit,
Au fin q_ue_ l’alme en soit guarie,[263]
Par mariage il associe
Les sept vertus, com_m_e vous ai dit, 10170
Qui sont verrai, bon et parfit
Par grace du seint espirit,
Au Reso_u_n, qui de sa partie
S’enforce dont soit desconfit
Ly deable, et l’Alme a son droit plit
Remise: oietz chanço_u_n flourie.
=Puisq’il ad dit devant com_m_e_n_t Reso_u_n espousa les sept
v_er_tus, ore dirra com_m_e_n_t contre chascune file des vices
engendra une file des vertus. Et prim_er_eme_n_t com_m_encera
a p_ar_ler de les cink files les quelles sont engendrez de
Humilité, dont la prim_er_e file ad no_u_n Devocio_u_n, contre
le vice de Ypocrisie.=