Du tierce file que naist d’Ire;
Hange est nomé de pute orine:
Je ne puiss tous ses mals escrire,
Mais en p_ar_tie vuil descrire
De sa nature la covine:
C’est celle que deinz sa pectrine
Ire ad covert que ja ne fine, 4340
Ainz nuyt et jour sur ce conspire,
Jusques atant que la ruine
De son voisin ou sa voisine
Tout plainement porra confire.
Cil q’ad ce vice est sanz amour,
Car l’Ire q’est interiour
Ne souffre pas q_ue_ l’amour dure:
Combien q_ue_ par exteriour
Sicom_m_e ton frere ou ta sorour
Te fait semblant par cov_er_ture, 4350
Soutz ce d’irouse conjecture
Compasse, tanq’en aventure
Te poet moustrer le grant irro_ur_
Du quoy son cuer maint en ardure:
Tiele amisté trop est obscure,
Q’en soy retient mortiel haour.
Pour ce s’un tiel devant ta face
[Sidenote: =f. 28=]
Semblant de bon amour te face,
Ne t’assurez en son desport;
Car soutz cela portrait et trace 4360
De t’enginer au faulse trace
De double chiere et double port.
Quant plus te fait joye et confort
Devant la gent, lors au plus fort[125]
Dedeinz son cuer il te manace;
Qua_n_t meulx quides estre en salf port,
Du vent la p_er_illouse sort
En halte mer te boute et chace.
Ly sages te fait assavoir,
Que d’un amy loyal et voir 4370
Mieulx te valroit en pacience
Souffrir a plaies recevoir,
Que les baisers q’au decevoir
Te sont don_n_és du p_ro_vidence:
Car bon amy s’il fiert ou tence,
Ce vient d’amour, no_u_npas d’offence,
Qu’il te chastie en bon voloir;
Mais qui te hiet en conscience,
S’en un soul point te rev_er_ence,
En mil te fra vergoigne avoir. 4380
Cil qui te hiet, ce dist ly sage,
Devant les oels de ton visage
Par grant deceipte lermera,
Mais quant verra son avantage
Ou en champaine ou en boscage
De ton sanc il se saulera.
Six sont q_ue_ dieus unq_ue_s n’ama;
L’un est cuer q’ymaginera
Du malpenser l’autry dam_m_age:
Auci Senec dist bien cela, 4390
Que sur tous autres pis ferra
Irrour muscé deinz fals corage.
Ce dist Tulles, que d’amisté
Hange est le venim maluré,
Dont sont plusours sodeinement,
Qua_n_t ils quidont meulx estre amé,
Mortielement enpuison_n_é
De tieu poiso_u_n que tout les fent:
Pour ce ne fait pas sagement
Cil qui d’un tiel la grace attent; 4400
Car ja n’ert grace tant trové,
Q’om poet apres aucunement
En tiel lieu estre seurement
U pardevant estoit en hée.
Qui contre Hange riens mesfait,
Si tost n’en poet venger le fait,
En coy retient ses maltalens,
De son rancour semblant ne fait,
Mais il engorge le forsfait
Tout pres du cuer deinz son po_ur_pens;
Dont pour priere de les gens, 4411
Ou des amys ou des parens,
L’acord n’en serra ja parfait,
Ainçois qu’il voit venir le temps
Q’il p_re_ndre en poet tieux vengeme_n_s,[126]
Dont l’autre as tous jours soit desfait.
Hange est bien semblable au Camele,
Qua_n_t hom le bat en la maisselle
Ou autrepart dont ad lesure,
Tout coy le souffre et le concelle; 4420
Mais soit certain ou cil ou celle
Qui l’ad batu, quant verra l’ure,
Soudainement par aventure
Ou mort ou fiert de sa nature,
Du quoy revenge sa querelle.
Du malvois hom_m_e ne t’assure,
Car par si faite coverture,
Qua_n_t voit son point, il te flaielle.
Mais Hange q’ensi le ferra
Jam_m_ais bien ne se confessa; 4430
Car combien qu’il son maltalent,
Quant il au chapellain irra,
Dist pour le temps q’il le lerra,
Tost apres Pasques le reprent,
Com_m_e chiens font leur vomiteme_n_t.
He, dieus, par quel encombrement,
Tant com_m_e en tiele vie esta,
Voet recevoir le sacrement;
Dont s’alme p_er_durablement
Par son pecché forsjuggera. 4440
Trop est vilains q’en bon_n_e ville
Son hoste herberge et puis reville,
Quant il ad dit le bien venu.
Ensi fait ceste irrouse fille;
Qua_n_t deinz son cuer les mals enfile
Et les baratz dont s’est com_m_u,
L’espirit saint qui vient de dieu,
Q’avant en s’alme ot retenu
Pour herberger, alors exile,
Et le malfé prent en son lieu: 4450
Mal est ytiel eschange eslieu,
Si plustost ne se reconcile.
Beemoth, q’ove la lampreie engendre,
C’est uns serpens, tu dois entendre,
Q’ainçois q’il vait pour enge_n_drer
Laistson venym aillours attendre
Come pour le temps, et puis rep_re_ndre
Le vient, qua_n_t ad fait son mestier:
A ce l’en poet bien resembler
Haÿne, que son coroucer 4460
Au jour de Pasques fait descendre
Et laist le al huiss du saint moster,
Et quant revient puis del autier,
Tantost recourt al ire extendre.
Itieles gens font asses pis
Q’unqes ne firont les Juÿs,
Du n_ost_res_ire_ en croix desfere;
Car a ce que leur fuist avis
A l’om_m_e soul ce fuist enpris,
No_u_npas a dieu; mais l’autre affere 4470
Fait l’om_m_e crucifix en terre
Et a la deité tient guerre,
Encontre ce qu’il ad p_ro_mis,
Qu’il voet son dieu servir et crere.
O com_m_ent ose ensi mesfere
Cil q’est du sainte eglise apris?
De les Juÿs je truis lisant,
Pour ce q’ils furont malvuillant
Et odious au loy divine,
Antiochus fuist survenant, 4480
Qui leur haoit et fuist tirant,
Et sicom_m_e dieus leur mals destine,
Il les destruit du tiele hatine
Qu’ils par long temps de la ruine
Ne se furont puis relevant.
Quoy serra lors du gent cristine,
Q’enmy le cuer ont la racine
Dont nuls au paine est autre ama_n_t?
Haÿne a dieu par nul degré
Ne poet don_n_er ses do_u_ns en gré 4490
Ne ses offrendes acceptables;
Car cil q’au dieu n’ad soy don_n_é,
N’est droit q_ue_ dieus ait accepté
Ses biens, ainz soient refusablez.
Deinz les vaissealx abhominablez
Viandes ne sont delitablez,
Ainçois om est tout abhosmé;
Tout tielement p_ar_ cas semblablez
Cil ne poet faire a dieu greablez
Les faitz, q’ad malvois le pensée. 4500
Haÿne s’est associé
Du Malice et Maligneté.
Malice endroit de sa partie
Ad ces trois pointz en p_ro_preté,
Cuer double plain du malvoisté,
Les lievres plain du felonie,
Et malfesantes mains d’envie.
Icil qui meine tiele vie
Sovent son dieu ad coroucié;
Et pour cela dist Ysaïe, 4510
Way soit au tiel, car sa folie
Perest trop vile et malurée.
Du double cuer les gens deçoit,
Feignant de no_u_n veoir q’il voit;
Et des fals liev_er_es plus avant[127]
P_ar_ semblant p_ar_le en tiele endroit
Com_m_e bon amy le faire doit:
Mais qua_n_t voit temps, lors maintena_n_t
Des males mains vait malfesant,
Et fait overt et apparant 4520
Que p_ar_devant se tapisoit;
Com_m_e terremoete tost s’espant,
Soudainement et vient flatant,
Quant l’en meinz quide q_ue_ ce soit.
Grant pecché fait qui fait malice;
Car soulement pour celle vice
Dieus fuist menez a repentir
Qu’il ot fait hom_m_e, et par justice
Sur celle gent q’iert peccatrice
Les cieux amont faisoit ovrir 4530
Et pluyt sanz nul recov_er_ir;
Dont toute beste estuit morir
Fors l’arche, en quel Noë guarisse.
Par tieus vengances sovenir
Hom doit malices eschuïr,
Dont l’en pert grace et benefice.
Mais a parler de la covine,
Maligneté, q’est la cousine
De Hange par especial,
Celle est qui porte la racine 4540
Dont le venym sanz medicine
Croist ou jardin precordial,
Q’engendre fruit discordial;
Car tout ensi com_m_e le dial,
Se to_ur_ne ades deinz sa pectrine,
Pour compasser com_m_ent le mal
Pourra mener jusq’au final,
Dont l’autre soient en ruine.
Come pour merite a recevoir
[Sidenote: =f. 29=]
L’en voue a sercher et veoir
Les lieus benoitz et les corseintz: 4551
Ensi ly mals du malvoloir
Promette et voue a decevoir
Et de mal faire a ses p_ro_scheins.
Maligneté ne plus ne meinz
Est des malvois ly capiteins,
Que plus d’errour fait esmovoir:
C’est cil qui dist devant lez meins,
‘Je voue a dieu, si je suy seins,
Je fray les autres mal avoir.’ 4560
Qua_n_t dep_ar_ dieus ly feus survient
Du ciel et fist ce q’app_ar_tient
Del viele loy au sacrefise,
Lors du Maligneté luy vient,
Que mal Cahim en hange tient
Son frere Abel par tiele guise,
Dont fuist maldit et sa franchise
P_er_dist en terre, et sanz dimise
Serf a les autres en devient.[128]
David auci le p_ro_phetize, 4570
Q’exterminer de sa juise
Dieus doit la gent maligne au nient.
Haÿne encore en son aiue
Ad deux servans de retenue,
Ce sont Rancour et Maltalent.
Rancour sicom_m_e l’oisel en mue
Gist deinz le cuer, q_ue_ ne se mue,
Et contre amour l’ostel defent,
Q’il n’y poet p_re_ndre herbergeme_n_t:
Car il hiet son aquointement, 4580
Mais ja n’ert ire si menue
Q’en remembrance ne la p_re_nt,
Et la norrist estroitement,
Tanq’elle au plain soit tout p_ar_crue.
De Rancour tant vo_us_ porrai dire,
Qe les petites causes d’ire
En un papir trestout enclos
Dedeinz son cuer les fait escrire,
Et Maltalent y met la cire,
Qua_n_t voit le title escript au dos; 4590
Et si les garde en son depos,
Mais ja ly cuers n’ert a repos,
Devant q’il voit ce q’il desire,
C’est qua_n_t pourra son mal po_ur_pos
Venger, et lors le fait desclos
Si plain q_ue_ tous le porront lire.
L’en porra par reso_u_n p_ro_ver
Que Hange endroit de son mestier
Du deable est plus malicious;
Car deable unques n’avoit poer 4600
Sanz cause un hom_m_e de grever,
Mais Hange du malvois irrous
Sanz cause hiet et est grevous.
Trop est ce pecché p_er_ilous;
Car dieus s’en plaignt deinz le psalter,
Come les Juÿs fals tricherous
Trestout du gré malicious
Par hange le firont tuer.
Soy mesmes hiet qui hiet autry,
Et qui soy mesmes hiet ensi 4610
Dieus le herra, j’en suy certains:
Et lors quoy dirrons de celuy,
Qe nulle part ad un amy,
Ne dieu ne soy ne ses p_ro_chains?
Me semble droit q’uns tieus vilains
Soit mis du toute gent longtains,
U que l’en hiet et est haÿ,
C’est en enfern, u n’est compains,
Ainz tout amour y est forains,
Et l’un a l’autre est anemy. 4620
Haÿne en fée com_m_e son demeine
Est d’Ire celle chamberleine
Que nuyt et jour ove luy conv_er_se:
Haÿne est celle buiste pleine
Du venym, dont chascun se pleigne
Par tout u l’en l’espant ou verse:
Haÿne est celle horrible herce,
Que deinz son cuer tue et enherce
Et son p_ro_chein et sa p_ro_cheine:
Si est la pestilence adverse, 4630
Que trop soudainement reverse
La vie que l’en tient plus seine.[129]
=La quarte file de Ire, q’est appellée Contek.=
La quarte file q’est irouse
P_er_est cruele et perilouse,
Que de sa lange point n’estrive,
Les jangles du litigiouse
Ne quiert, ainz quant est corouçouse,
Tantost pour soy venger s’avive,
Et en devient tantost hastive;[130]
Dont son coutell maltalentive 4640
Y trait et fiert maliciouse,
Q’a lors n’esp_ar_ne riens que vive:
De nulle reso_u_n est pensive,
Tant a combatre est coragouse.
Et pour cela, ce m’est avis,
Son no_u_n serra p_ar_ droit devys
Contek, tout plain de baterie.
Quiconq_ue_ soit de luy suspris
Tant ad le cuer d’irrour espris,
Que pacience ad forsbanie. 4650
Car quant Contek le poeple guie,
Tous se pleignont de sa folie
Par les Cités, par les paiis;
Mais riens ly chalt qui plourt ou crie,
Ainçois quiert avoir la mestrie,
Dont son barat soit acomplis.
Quant Hange, q’est sa soer germeine,
Hiet son p_ro_chein ou sa p_ro_cheine,
Et n’ose mesmes soy venger,
Au Contek vient et si s’en pleigne,[131] 4660
Et luy p_ro_met de son demeine
Pour l’autry teste debriser:
Prest est Contek pour son loer
Combatre et faire son mestier,
Si prent les do_u_ns a maie estreine;
Et quant celuy poet encontrer,
Tantost l’estoet ove luy meller,
Si l’areson_n_e a courte aleine.
Ove ses haspalds acustum_m_és
Contek es foires et marchées 4670
Son corps brandist enmy la route;
Vers qui voet faire ses mellées
Cil serra tost areson_n_és;
Mais du reso_u_n n’aguarde goute
Ly fols, ainçois y fiert et boute,
Qu’il nul excusement escoulte,
Com_m_e pour le temps fuist esragiez:
Car du peril aucun n’ad doute,
Tant met s’entencio_u_n trestoute
De p_ar_fournir ses crualtés. 4680
Les gens du pees sont en freour
Par Contek et par son destour;
Et maintesfois avient issi,
Que sans hanap ly Conteckour
Falt boire mesmes le liquour
Qu’il verser vorroit a l’autri;
Le mal sovent rechiet sur luy,
Le quel vers autres ad basti,
Et de folie la folour
Enporte, siqu’il chiet enmy 4690
La fosse qu’il ot enfouy,
Si prent le fin de son labour.
Sovent avient grant troubleiso_u_n,
Quant ceste file en sa meso_u_n
Ses deux sorours poet encontrer,
Malencolie avoec Tençoun;
Car n’est amour que par reso_u_n
Pourra ces trois entracorder:
L’une est irouse en son penser,
L’autre est irouse en son parler, 4700
La tierce fiert de son bastoun.
Qui tiele gent doit governer
Sovent avra grant destourber,
Voir si ce fuist mestre Cato_u_n.
Contek ad un soen attendant,
Mehaign a no_u_n ly mesfesant,
Qui trop est plain du mal oltrage:
Riens que soit fait en combatant
Ne luy souffist, jusques atant
Qu’il pourra p_re_ndre en avantage 4710
Ascun des membres a tollage,
Soit main ou pié, ou le visage
Desformer, siq_ue_ lors avant
L’autre en doit sentir le damage:[132]
Pour ce se guarde chascun sage
D’acompaignier au tiel sergant.
El viele loy je truis certain
Et du Contek et du Mehaign,
Par ire quant ascun feri
Ou sa p_ro_chaine ou son p_ro_chain, 4720
Solonc l’effect de son bargaign
Serroit ovelement puny:
S’il ot fait plaies a l’autry,
Lors fuist replaiez autrecy,
Ou oill pour oill, ou main po_ur_ main;
Par juggement l’en fist de luy
Ce dont les autres ot laidy,
Et du gentil et du vilain.
Auci del ancien decré,
Quant ly seigneur ot mehaigné 4730
Son serf du membre ou du visage,
Par ce serroit ly serfs blescé
En lieu d’amende quit lessé,
Com_m_e enfranchy de son servage.
He, come fuist droite celle usage,
Quant povre encontre seigno_ur_age
Maintint! Mais ore c’est alé:
Ly povre souffront le dam_m_age,
Si font l’amende del oultrage,
[Sidenote: =f. 30=]
Ce m’est avis torte equité.
Contek du Fole hastivesse 4741
Fait sa privé consailleresse,
Que n’ad ne reso_u_n ne mesure:
Quiconq_ue_ en son corous l’adesce,
Molt plus soudeinement le blesce[133]
Que ne fait fouldre p_ar_dessure,
Quant vient du sodeine avent_ur_e;
Car Folhastif de sa nature
De nul peril voit la destresce,
Ainz tout par rage le court sure, 4750
Tanqu’il ait fait sa demesure,
Ou soit desfait, car l’un ne lesse.
Et pour cela dist Ysaïe
Q’om doit fuïr la compaignie
De l’om_m_e q’ad son espirit
En ses narils, car sa folie
Grieve a celluy qui l’associe.
Et Salomon auci te dit,
Q’ove folhardy pour nul excit
Tu dois aler, car pour petit 4760
Il te metra la jupartie,
Dont tu serres en malvois plit;
Qu’il ad le cuer si mal confit,
Meller l’estoet, maisq’om l’occie.
Ly folhastif son fol appell
A poursuïr pour nul reppell
Ne voet lesser a tort n’a droit;
Dont molt sovent tout le meinz bel
Luy vient, come fist a Asahel,
Qui frere de Joab estoit, 4770
Apres Abner quant poursuioit,
Qui bone pees luy demandoit,
Mais l’autre q’estoit fol et feel
En son corous tant le hastoit,
Q’en haste qua_n_t il meinz quidoit
Sur luy reverti le flaiell.
Mais au final si me refiere
Au fol Contek, qui piere et miere
De sa main fole et violente
Blesce ou mehaigne, trop est fiere 4780
Et trop p_er_est celle ire amere.
Q’au tiel oultrage se consente,
Cil n’est pas digne a mon entente
De vivre ensi come la jumente,
Ne tant come chiens de sa man_er_e
Ne valt; car chascun beste avente
Nature, mais en sa jovente
L’om_m_e est plus nyce que la fiere.
=La quinte file de Ire, q’est appellé Homicide.=
De ceste file je ne say
Com_m_ent ses mals descriveray, 4790
Ma langue a ce ne me souffist:
Car soulement quant penseray
Du grant hisdour, ensi m’esmay
Que tout mon cuer de ce fremist.
La nuyt primere quant nasquist,
Ly deable y vint et la norrist
Du lait mortiel, si chanta way,
En berces u la fole gist,
Et Homicide a no_u_n le mist,
Q’est trop horrible a tout essay. 4800
Cil q’est a ceste file dru,
Privé serra de Belsabu
Et de l’enfern chief citezein;
Car il met toute sa vertu,
Que par ses mains soit espandu
Sicome du porc le sanc humein.
Du false guerre est capitein,
Dont maint p_ro_dhom_m_e et maint vilein
Par luy sont mort et confondu,
Car c’est sa joye soverein: 4810
Quant poet tuer du p_ro_pre mein,
Jam_m_ais ne querroit autre jeu.
Fol Homicide en sa partie
Ne voet ferir maisqu’il occie
La povre gent no_u_n defensable;
Ne pour mercy q_ue_ l’en luy crie
Laisser ne voet sa felon_n_ie,
Car d’autry mort n’est m_er_ciable.
He, vice trop abhominable,
Horrible, laide, espoentable, 4820
En qui pités est forsbanie,
Dont mort eterne et p_er_durable
T’aguaite ove paine lamentable
Del infernale deverie!
Fol Homicide en sa contrée
Pour poy du riens, quant est irré,
Ne chalt de son voisin tuer;
Ainz dist que tout est bien alé,
S’il poet fuïr en salveté
Ou a chapelle ou a mouster; 4830
Mais ce n’ert pas pour confesser,
Ainz est pour soy deliverer,[134]
Par quoy ne soit enprison_n_é:
Del alme soit com_m_e poet aler,
Maisq_ue_ le corps poet eschaper,
Confessio_u_n est oubliée.
Avant ce q_ue_ ly fieus s’espant,
Fume et vapour s’en vont issant;
Et tout ensi ce dist ly sage,
U q’omicide vient suiant, 4840
Manace doit venir devant
Come son bedell et son message.
Terrour, Freour a son menage
Vienont ove luy, q_ue_ le corage
Des innocens vont despuillant;
Que si l’en n’eust pl_us_ de dam_m_age,
As simples gens trop fait oult_ra_ge
Cil q’ensi les vait manaçant.
Car quant Manace y est venu,
As simples cuers trop est cremu, 4850
Voir plus que fouldre ne tonaire:
Du soun q’est de sa bouche issu
Quant les orailles sont feru,
Jusques au cuer descent l’esclaire.
Q’au dieu ne poet Manace plaire
Nous en trovons bon essamplaire[135]
De les manaces Eseau,
Qant dist qu’il voit Jacob desfaire:
Dieu le haoit de tiel affaire
Et a Rebecke en ad desplu.[136] 4860
Mais l’Omicide ad un servant
Q’est d’autre fourme mesfaisant
Mortiel, et si ad Moerdre a no_u_n:
Cist tue viel, cist tue enfant,
Cist tue fem_m_es enpreignant,
Cist ad du rien compassio_u_n,
Cist est et traitres et felo_u_n,
Cist tue l’om_m_e par poiso_u_n,
Cist tue l’omme en son dormant,
Cist est ly serpens ou giro_u_n 4870
Qui point du mortiel aguilo_u_n,
Dont l’en ne poet trover garant.
Trop p_er_est Moerdre horrible et fals
En compassant ses fais mortals,[137]
Com_m_e plus secré pourra tuer;
Car n’ose ap_er_ticer ses mals:
Pour ce sicome ly desloyals
Occist la gent sans manacer.
Envers le mond se voet celer,
Mais ja pour dieu ne voet lesser, 4880
Qui tout survoit et monts et vals:
Mais sache bien cil adverser,
Quant dieus vendra po_ur_ ly juger,
Tout serront overt ses consals.
He, Moerdre du male aventure,
Q’occit encontre sa nature
Sans avoir mercy ne pité!
Dont dieus, qui tout voit p_ar_dessure,
Maldist si faite coverture
De luy qui fiert ensi celé, 4890
Que ja du sanc n’est saoulé.
Mais sache bien cil maluré,
Le sanc d’umeine creature
Vengance crie a dampnedée,
Dont trop poet estre espoenté
Qui s’ad mis en tiel aventure.
Dedeins la bible escript y a,
Que quant Rachab et Banaa
Le filz Saoul en son dormant,
Le quel hom Hisboseth noma, 4900
Moerdriront, David pourcela
Tantost les aloit forsjugant,
Si furont mort tout maintenant:
Dont fuist et est tout apparant
Que dieus Moerdrer unq_ue_s n’ama;
Mais sicome dieus le vait disant,
Qui fiert d’espeie, sans garant
Au fin d’espeie perira.
N’est pas sans moerdre la puteine,
Quant ce q_ue_ de nature humeine 4910
Conceive ne le vait gardant:
Ascune y a q’est tant vileine
Que par les herbes boire exteigne
Ce q’ad conceu de meintenant;
Ascune attent jusques atant
Que le voit née, et lors vivant
Le fait noier en la fonteine;
Ascune est yvre et en dormant[138]
Surgist et tue son enfant:
Vei cy d’enfern la citezeine! 4920
Au plain nul poet conter le mal
Que d’Omicide en general
Avient, dont soy nature pleint;
Car ce q’elle en especial
Fait vivre, l’autre desloyal
A son poair du mort exteint,
Que par son vuill petit remeint:
Dont mesmes dieu et tout ly seint
Le dampnont com_m_e desnatural;
[Sidenote: =f. 31=]
En terre auci, si ne se feignt,
La loy tout homicide atteint 4931
Condempne au jugement mortal.
El viele loy du poeple hebreu,
Si l’un avoit l’autre feru
En volenté de luy tuer,
De son voloir qu’il ad eeu
Pour homicide il fuist tenu,
Dont l’en le firont forsjuger
Et si l’eust occis au plener,
Tantost firont avant mener 4940
Le frere au mort ou le neveu,
Qui duist le sanc du mort venger,
Et mort pour mort sanz respiter
A l’omicide fuist rendu.
Cil d’autrep_ar_t qui son voisin
Ou par aguait ou par engin
Du fals compas alors tua,
Ne se pot rembre de nul fin,
Que morir ne l’estoet au fin,
N’estoit riens q_ue_ le garanta: 4950
Car mesme dieu ce com_m_anda,
Q’om de son temple esrachera,
De son autier le plus divin,
Un tiel felo_u_n, s’il y serra,
Et q’om son sanc espandera
Qui d’autri sanc se fist sanguin.
Trop fist Achab a dieu destance,
Quant il Naboth par l’ordinance
De Jesabell au mort conspire;
Car dieus de mesme la balance 4960
De l’un et l’autre prist vengance:
Et d’autrep_ar_t l’en pourra lire
Coment Nathan du n_ost_re sire
Vint a David, pour luy descrire
Qu’il n’ert pas digne au dieu plesa_n_ce
De son saint temple au plain confire;
Q’il ot fait faire Urie occire
Pour Bersabé fole aquointance.
Chaÿm son frere Abel occit,
Et pour cela dieus le maldit 4970
Avoec toute sa p_ro_genie;
Et puis la loy dieus establit,
Et a Noë ensi le dit,
‘Quiconq_ue_ de l’umaine vie
Le sanc espant, q_ue_ l’en l’occie;’
Siq_ue_ son sanc du compaignie
De l’om_m_e et toute rien q_ue_ vit
En soit hosté sans esp_ar_nie:
Car qui nature contralie
Doit estre as tous ly plus sougit. 4980
Mais l’Omicide, u q’il repaire,
Ad toutdis un soen secretaire;
C’est Crualté, q’est sans mercy,
Q’aprist Herodes l’essamplaire,
Dont les enfans faisoit desfaire
Entour Bethlem, qant dieus nasqui;
Mais dieus se venga puis de luy.
Asses des autres sont auci,
Des queux hom poet essample traire,
Qui ont esté par ce peri; 4990
Car dieus n’ad pité de celuy
Qui du pité fait le contraire.
Vengance la dieu anemie
A Crualté tant est amie
Qe riens ne fait sanz son assent;
Si font de Rancour leur espie,
Et par l’aguard d’irrouse envie
Tienont le mortiel p_ar_lement.
Sur quoy ly sage tielement
Nous dist, que la malvoise gent 5000
Se voet venger en ceste vie;
Dont sur vengance vengement
Leur envoit dieus au finement
Du mort que jam_m_ais ert complie.
Ezechiel p_ro_phetiza
Disant, pour ce q’Ydumea
En sa malice de reddour
Ot fait vengance as fils Juda,
Sa main vengante extendera
Dieus, pour destruire y tout hono_ur_, 5010
Si q’en la terre tout entour
Ne lerra beste ne pastour,
Ainz toute la desertera.
Mais fol n’en pense au p_re_sent jour;
Dont, qant meulx quide estre a sojour,
Le coup desur son chief cherra.
Par Ysaïe ensi dist dieux:
‘O tu vengant, o tu crueux,
Tu qui soloies gens plaier,
Ore es en terre au nient cheeuz; 5020
Que je t’ai plaiés et feruz
Du plaie de ton adversier,
Dont a guarir n’est pas legier:
Molt ert cruel le chastoier
Dont tu serras ades batuz;
Car pour ton corps poindre et bruiller
Serpent et fieu sanz terminer
Apparaillez sont a ton us.’
Solyns, qui dist mainte aventure,
D’un oisel conte la figure 5030
Q’ad face d’om_m_e a diviser,
Mais l’om_m_e occit de sa nature;
Et tost apres en petite hure
Se court en l’eaue a remirer,
Dont voit celuy q’ad fait tuer
A son visage resembler;
Et lors comence a demesure
Si grant dolour a demener,
Q’il moert sanz soy reconforter
Pour la semblable creature. 5040
He, Homicide, je t’appell,
Remembre toy de cest oisel
Et d’autres bestes ensement,
Qe nul des tous est tant cruel
Qu’il son semblable naturel
Vorra tuer, mais autrement
Chascun sa proie acuilt et prent;
Mais tu desnaturelement
Ton proesme et ton amy charnel
Deproies et t’en fais sanglent. 5050
He, hom_m_e, vien au jugement,
Et dy pour quoy tu est si fel.
=La disc_ri_pc_i_o_u_n de Ire par especial.=
Ore ay je dit et recitée
Les filles qui sont d’Ire née,
Come trop faisont a redoubter.
Molt est cel hom_m_e benuré
Qui s’en abstient, car leur pecché
Le corps et alme fait grever:
Car l’un ainçois fait periler
Que l’ure vient de terminer 5060
La vie q’est ennaturée;
Et l’autre fait desheriter
Du ciel, u peas enheriter
Doit sans nul fin glorifié.
He, Ire, ove ta cruele geste,
En tous tes fais es deshon_n_este,
Et en tous lieux la malvenue;
Car dieus ove qanq_ue_ y est celeste,
Et hom_m_e ove quanq_ue_ y est terreste
Fais estormir de ta venue. 5070
Fols est qui de ta retenue
S’aquointe, car dessoutz la nue
Ne fais avoir forsq_ue_ moleste,
Du quoy l’en fiert ou tence ou tue:
Si la puissance serroit tue,
Tout fuist destruit, et hom_m_e et beste.
He, Ire tant espoentable,
Q’au corps n’a l’alme es delitable,
Ne say du quoy tu dois servir,
Qant nulle part es acceptable. 5080
Dont saint Jerom te fait semblable
As furiis, qui font ghemir
L’enfern des almes espenir;
Ce sont qui tout font estormir
L’abisme en paine p_er_durable:
Et tu la terre ensi fremir
Fais, dont par tout l’estoet sentir
Ta crualté desmesurable.
Ire est en soy toutdis divise,
Car de soy mesmes ne s’avise 5090
Et de l’autry nul garde prent,
D’enflure dont elle est esprise:
Au cardiacre l’en divise
Le mal de luy, car tristement
Fait vivre, et trop soudeinement
Le cuer ensecche tielement
Q’a luy guarir n’est qui souffise;
No_u_npas le corps tansoulement
En fait perir, mais asprement
Destourne l’alme a sa juise. 5100
Ce dist uns clercs, et le diffine,
Du cruele Ire qui ne fine,
Du quoy nature en soi se pleignt,
Q’elle est semblable en sa covine
Au fieu gregois, dont la cretine
Del eaue le chalour n’exteignt.
Ainz art trestout qanq’ elle atteint:
Ensi n’est reso_u_n qui restreint
Le cuer u q’Ire la ferine
De crualté le rage enpeint; 5110
Ainz qanq’ enmy sa voie meint
A son poair met en ruine.
En l’evangile dieus nous dist:
‘Gens qui sont povre d’espirit
Le ciel avront tout p_ro_prement:’
Et d’autrepart je truis escript,
Que dieus la terre auci p_ro_mist
A ceaux qui debon_n_airement
Vivont. He, Ire, dy com_m_ent
Et u quiers ton herbergement? 5120
[Sidenote: =f. 32=]
Quant ciel et terre t’est desdit,
Il covient necessairement
Q’enfern te don_n_e hostellement,
U ton corous ert infinit.
=Ore dirra de Accidie et de ses cink files, dont la primere est
Sompnolence.=