Malencolie.=
Si plus avant vous doie dire
Des filles qui se naiscont d’Ire,
Cynk en y ad trop malurés,[111]
L’une est malvoise et l’autre est pire:
Way, pourra dire cel Empire,
U que se serront mariés:
Car plus p_er_sont desmesurés
En fais, en dis, et en pensés, 3860
Que nulle langue poet descrire.
Peas, concordance et unités
Ont sur tous autres desfiés,
Et plus les faisont a despire.
La primere est Malencolie,
C’est une file trop hastie,
Que se corouce du legier
Pour un soul mot, si nuls le die,
Voir d’une paile ou d’une mye
Se vorra malencolier. 3870
Cil qui le voet acompaigner,
Souffrir l’estoet sanz repleder,
O tout laisser sa compaignie:
Ne valt reso_u_n pour l’attemprer,
Car l’ire sourt deinz son penser
Com_m_e du fontaine la buillie.
Quant ceste fille prent seignour,
Qui plus pres est son servitour,[112]
En aese au paine vivera;
Ainz chier compiert le grant irro_ur_ 3880
De luy, qui maintes fois le jour
Pour poy du riens l’avilera.
Sovent sa maiso_u_n troublera,
Ses officers remuera:
Sa fem_m_e n’ert pas sanz dolour,
Car ja si bon_n_e ne serra,
Com_m_e plus d’amer se penera,
Tant meinz avra son bon amo_ur_.
Malencolie en ire flote
Et de discort tient la riote; 3890
Car pour le temps q_ue_ l’ire dure
Ne luy plerra chançon ne note:
Si tu bien dis, le mal en note,
Si tu voes chald, il voet freidure,
Quant tu te hastes, il demure,
Ore est dessoutz, ore est dessure,
Ore hiet et ore d’amour assote,
Ore voet, no_u_n voet; car sa mesure
Plus est movable de nature
Que n’est la chace du pelote. 3900
Malencolie en son bourdant
Se melle ensi com_m_e combatant,
Car ire et jeu tient tout d’un pris:
Quiq_ue_ s’en vait esp_ar_niant,
S’il poet venir a son devant,
Il fait a son povoir le pis.
Ne sont pas sanz corous ses ris,
Non sont sanz maltalent ses dis,
Petit dura son beau semblant;
Si rien vait contre son devis, 3910
Sovent enbronchera le vis;
Plus est divers que nul enfant.
A son fils ce dist Salomon,
Q’en son hostell ne soit leo_u_n
En subvertant de sa moleste[113]
Et sa familie et sa maiso_u_n:
Mais reule essample ne reso_u_n
Le Malencolien n’areste,
N’ad cure de maniere hon_n_este,
Ainz com_m_e no_u_n reson_n_able beste 3920
A son corous quiert encheso_u_n;
Quar qua_n_t ly vers to_ur_ne en sa teste,
Lors brait et crie et se tempeste
Si com_m_e du meer l’estorbillo_u_n.
Ly sages dist, ‘Com_m_e la Cité
Quelle est overte et desmurée,
Ensi celuy qui s’espirit
N’ad de ce vice refrené.’
Car l’un et l’autre en un degré
Legierement sont desconfit; 3930
L’une est tost pris sanz contredit,
Et l’autre, com_m_e ly sages dist,
Sicom_m_e vaisseal q’est debrusé
Le cuer ad rout par si mal plit,
Qu’il sapience en fait ne dit
Ne poet garder en salveté.
Et ly p_ro_phetes dist auci,
Que le corage de celluy
Q’ad ceste vice, en flam_m_e attent
Que d’ire esprent, siq_ue_ par luy 3940
S’eschalfe, sanz ce q’ascuny
Le touche ou grieve ascunement:
Mais deinz son cuer tout p_ro_prement
Tieux fantasies d’ire aprent,
Dont souffre les hachées ensi
Si com_m_e fem_m_e a l’enfantement:
C’est un mervaille qu’il ne fent
Del ire dont est repleny.
Malencolie a sa despense
Ad pour servir en sa p_re_sence 3950
Deux vices ove soy retenu;
Ly uns de deux a no_u_n Offense,
Et l’autre ad no_u_n Inpacience.
Offense est plus chald que le fu,[114]
Pour poy ou nient d’ire est com_m_u,
N’ad si privé dont soit conu,
Tant est soudain ce q’il enpense;
Car moult sovent par ton salu
Et ton bon dit il t’ad rendu
Et maldit et irreverence. 3960
L’Inpacient envers trestous
Est fel et trop contrarious;
Car l’autry dit au paine prise,
Et en response est despitous,
Soudain et malencolious,
Que point ne souffre aucune aprise.
Trop est un tiel de sa mesprise
Au pacient paine et reprise,
Qu’il du folie est desirrous
Et quiert discort en toute guise; 3970
Car ainz q’estouppe soit esprise
Del fieu, cil esprent de corous.
Inpatience s’est guarnie
De deux servantz en compaignie;
Dont l’un est Irritacio_u_n,
[Sidenote: =f. 26=]
C’est ly pecchés que dieus desfie;
Come Moÿses en p_ro_phecie
Au poeple hebreu fist sa leço_u_n,
Quant firont leur p_ro_cessio_u_n
En terre de promissio_u_n, 3980
Disant que ce leur ert partie
En cause de destruccio_u_n;
Et puis fuist dist, sicom_m_e liso_u_n,
D’Ezechiel et Jeremie.
Mais Provocacio_u_n d’irrour
Est ly seconde servitour;
Car d’ire dont son cuer esprent
Tiele estencelle vole entour,
Dont il provoce en sa chalour
Les autres en eschalfement 3990
De corous et descordement:
Et tant y monte que sovent
Encontre dieu vait la folour;
Dont se revenge irrousement
De l’un et l’autre ensemblement,
Sicome tesmoignont ly auctour.
Baruch, qui saint p_ro_phete estoit,
Au poeple d’Israel disoit,
Pource q’en ire ont p_ro_vocé
Leur dieu, il s’en revengeroit 4000
Et com_m_e caitifs les bailleroit
A ceulx qui les tienont en hée:
Sovent auci pour ce pecché
Vers Babiloigne et Ninivé
Dieus asprement se corouçoit.
Trop est ce vice malsené,
Que fait que dieus est coroucé
Et le p_ro_voce a ce qu’il soit.
C’est ly pecchés fol et salvage,
Que quant par cas ascun damage 4010
Luy vient du perte ou de lesure,
Tantost come forsené s’esrage,
Dont dieu reneye et desparage,
Que pour le temps q_ue_ l’ire endure
Ne sciet q’est dieu, tant p_er_est dure;
N’y ad serment q’a lors ne jure,
Dont dieu p_ro_voce en son oultrage:
Trop est vilaine creature,
Qui laist son dieu pour aventure
Et prent le deable a son menage. 4020
Par le p_ro_phete qui psalmoie
Dieus dist, ‘Cil poeples q_ue_ j’amoye
M’ont p_ro_vocé vilainement,
En ce que je leur dieu ne soie;
Dont je par mesme celle voie,
En ce qu’ils ne sont pas ma gent,
Provoceray leur nuysement,
Et com_m_e cils q’ont fait folement,
Leur tariance faire en doie:[115]
Quant ne vuillont come pacient 4030
Que soie leur, tout tielement
Ne vuil je point q’ils soiont moye.’
Par ce que vous ay dit dessus,
Fols est a qui ce n’est conus
Que bon est q’om Malencolie
Eschive, par qui les vertus
Come pour le temps sont confondus,
Par qui reso_u_n se mortefie
Et tourne en la forsenerie,
Par qui sovent en compaignie 4040
Les bon_n_es gens sont esperdus,
Par qui maint hom en ceste vie
Soy mesme et puis son dieu oublie,
Dont en la fin serra perdus.
=La seconde file de Ire, c’est Tenço_u_n.=
La file d’Ire q’est seconde
Sa langue affile et sa faconde
D’estrif et de contencio_u_n:
Ne parle point com_m_e chose monde,
Ainz par tencer tous ceux du monde
Revile par contempcio_u_n. 4050
Com_m_e plus l’en fait defencio_u_n,
Tant plus est plain d’offencio_u_n;
Sa langue n’en sciet garder bonde,
Ainz crie sanz descencio_u_n
Plain d’ire et de dissencio_u_n,
Dont environ luy lieus redonde.
C’est grant mervaile au tele peine
Coment luy vient si longe aleine,
Que sans mesure brait et tence;
Car de sa langue q’est vileine 4060
Pour une soule la douszeine
Rent des paroles par sentence.
Si tout le siecle en sa presence
Volt contreplaider sa science,
N’en taiseroit de la semeine;
Ainz tout le pis q_ue_ sciet ou pense
Par contumelie et par offence
Encontre tous respont souleine.
Iceste fille en p_ro_pre no_u_n
Est appellé dame Tençon, 4070
Quelle en parlant nully respite,
Seigneur, voisin, ne compaigno_u_n,
Mais pource q’elle est si felo_u_n,
Au debles est amie eslite.
Qui juste luy du pres habite,
Doit bien savoir ce q’elle endite
N’est pas l’aprise de Cato_u_n;
Car quanq_ue_ l’ire au cuer excite,
Sa langue est preste et le recite,
Voir si ce fuist confessio_u_n. 4080
Vers son amy Tençon diverse,
Quant le consail apert reherse
Q’a luy conta secretement:
Tant com_m_e plus sciet q’al autre adv_er_se,
S’irrouse langue q’est p_er_verse
Plus le reconte ap_er_tement.
He, dieus, come il desaese attent
Qui ceste file espouse et prent;
Car en tous poins ele est trav_er_se,
Ne lerra pour chastiement: 4090
Qui faire en poet dep_ar_tement,[116]
Fols est q’ensemble ove luy conv_er_se.
Cil q’unqes tencer ne savoit,
Tout plainement de ce porroit
Du male fem_m_e avoir aprise,
Quant vers son mary tenceroit:
Car viene quanq_ue_ venir doit,
N’en lerra, quant elle est esprise,
D’un membre en autre le despise,
Que pour basto_u_n ne pour juise 4100
Un soul mot ne desporteroit;
Car ce tendroit recreandise,
En tençant p_er_dre sa franchise,
Q’elle est serpente en son endroit.
Ja ne poet estre tant batue
Tençon, par quoy serra rendue
Darreinement que ne parole
Si halt que bien ert entendue,
D’ov_er_te goule et estendue.[117]
Maldite soit tieu chanterole! 4110
Bien fuist si tiele russinole,
Sanz encager au vent q_ue_ vole,
Serroit p_ar_my le bek pendue;
Car l’en ne trove nulle escole,
Baston ne verge ne gaiole,
Qe poet tenir sa lange en mue.
Trois choses sont, ce dist ly sage,
Que l’om_m_e boutent du cotage
Par fine force et par destresce:
Ce sont fumée et goute eauage, 4120
Mais plus encore fait le rage
Du male fem_m_e tenceresse.
De converser ove tiele hostesse
Meulx valt serpente felonesse
Et en desert et en boscage;
Car l’une ove charme l’en compesce,
Mais l’autre nuyt et jour ne cesse,
Ainz est sanz nul repos salvage.
Depar dieus a la male gent
Dist Jeremie tielement: 4130
‘Pour faire v_ost_re affliccio_u_n
J’envoieray ytiel serpent,
As queux aucun enchantement
Ne poet valoir, tant sont felo_u_n.’
Ce sont cil en compariso_u_n
Q’ont male fem_m_e a compaigno_u_n,
As quelles nul chastiement
Ou du priere ou du basto_u_n
Les pourra mener a reso_u_n,
Tant sont salvage et violent. 4140
Cest un dit du p_ro_verbiour,
Qe des tous chiefs n’est chief peiour
De la serpente; et tout ensi
Des toutes ires n’est irrour
Pis que du fem_m_e ove sa clamo_ur_,
Quant tence: car ly sage auci
Ce dist, que deinz le cuer de luy
Folie buylle tresp_ar_my
Com_m_e du fontaine la liquour.
Riens sciet q’a lors ne soit oï; 4150
Trop mette en doubte le mary,
S’il ad forsfait, de perdre honour.
Tençon, q’a nul amy desporte,
Son cuer enmy sa bouche porte;
Ce dist ly sage en son aprise:
Car qanq’ en son corage porte
Laist isser par l’overte porte,
Que de l’oïr c’est un juise.
Senec auci Tençon divise
A la fornaise q’est esprise, 4160
Dont ert jam_m_ais la flam_m_e morte;
Car toute l’eaue de Tamise,
Neisq_ue_ Geronde y serroit mise,
N’en poet valoir, tant p_er_est forte.
Tençon, que toutdis est contraire,
De sa nature en fin repaire
[Sidenote: =f. 27=]
En bouche au fem_m_e malurée.
Danz Socrates de tiel affaire
Senti quoy fem_m_e en savoit faire;[118]
Car quant s’espouse l’ot tencée 4170
Et il se taist trestout du grée,
Lors monta l’ire et fuist doublé,
Dont il ot muillé le viaire
D’un pot plain d’eaue q’ot versée
Dessur sa teste et debrisée:
Trop fuist tiel hom_m_e debon_n_aire.
Car sanz soy plaindre ascuneme_n_t,
Ou sanz en prendre vengement,[119]
Dist, ‘Ore au primes puiss veïr
Com_m_ent ma fem_m_e p_ro_prement 4180
M’ad fait le cours du firmame_n_t;
Car pluvie doit le vent suïr:
Primer me fist le vent sentir
De sa tençon, dont a souffrir
M’estoet celle eaue.’ Et nequedent
Qui ceste essample voet tenir
Avise soy; car sans mentir
Ja ne serray si pacient.
Ly sage dist que par l’espée
Plusours des gens ont mort esté,[120] 4190
Mais no_u_npas tantz, sicom_m_e disoit,
Com_m_e sont p_ar_ lange envenimée:
Si dist q_ue_ molt est benuré
Q’est loign du lange si maloit,
Ne parmy l’ire s’en passoit,
Ne q’en tieu jug jam_m_ais trahoit,
N’en tieux liens ne s’est liée,
Qe sont, ce dist, en leur endroit
Asses plus durr q’acier ne soit,
Et plus grevous q’enfermeté. 4200
Si dist auci que le morir
De Tenço_u_n plus q’enfern haïr
L’en doit, dont puis il te consaile,
Q’ainçois que tiele lange oïr
Tu dois l’espines desfouir
Pour haie en faire et estoupaile[121]
P_ar_my l’overt de ton oraille,
Qe tu n’escoultes le mervaille:
Car sa lesure om doit fuïr
Com_m_e du leon qui l’om_m_e assaille;
Car lange ad vie et mort en baille, 4211
Dont l’en garist et fait perir.
Saint Jaques ce fait tesmoigner,
Que de nature om poet danter
Toute autre beste que l’en prent;
Mais male lange du tencer
N’est cil qui sciet engin trover
De luy danter aucunement.
Car c’est la goufre plain du vent,
Dont Amos la malvoise gent 4220
Depar dieus faisoit manacer,
Disant qu’il leur enmy le dent
En volt ferir si roidement,[122]
Que plus que feu doit eschaulfer.
Saint Augustins le nous enseigne,
Que de trestous n’est overeigne
Qui tant s’acorde et est semblable
As oevres queux ly deable meine,
Sicom_m_e Tenço_u_n de la vileine.
Mais pour ce q’elle est tant nuysable
Q’au dieu n’a hom_m_e est amiable, 4231
Ly malvois angre espoentable
Doit contre luy porter l’enseigne:
Car nuls fors luy n’est defensable
A souffrir, quant elle est tençable,
Le cop de sa tresforte aleine.
Ly saint p_ro_phete Zacharie
Par demonstrance en p_ro_phecie
Vist une fem_m_e en l’air seant
En une pot q’estoit polie 4240
De verre, et ot en compaignie
Deux fem_m_es que la vont portant.
Si ot a no_u_n par droit nom_m_ant,
Ensi com_m_e l’angre fuist disant,
Iniquité du tencerie;
Q’estoit porté en terre avant
As mals pour estre y conversant,
Com_m_e leur espouse et leur amie.
De les deux fem_m_es q’ont porté
Amont en l’air Iniquité 4250
Essample avons en terre yci.
Chascune est d’autre supportée,
Quant tencer voet en son degré
De sa malice ove son mary;
Car lors s’assemblont tout au cry
Com_m_e chat salvage, et tout ensi
Vienont rampant du main et pié.
Du tenceresse a tant vous dy;
Mais qui bon_n_e ad, bien est a luy,[123]
Ja ne me soit autre don_n_é. 4260
Le pot du verre est frel et tendre
Et de legier om le poet fendre,
Mais lors s’espant q_ue_ deinz y a;
Auci legier sont pour offendre
Les fem_m_es, que nuls poet defendre
Que tout ne vole cy et la
Leur tenço_u_n que plus grevera.
Sur tieles fem_m_es escherra
La sort du males gens, q_ue_ prendre
Mondaine paine par cela 4270
Pourront, mais dire way porra
Cil qui covient tieu paine ap_re_ndre.
Rampone ove Tenço_u_n sa cousine
Demoert toutdis et est voisine,
Que porte langue envenimé
Plus q_ue_ n’est langue serpentine;
Si ad toutdis plain la pectrine
D’eisil et feel entremellé;
Dont si par toy serra touché,
De l’amertume ers entusché: 4280
Car de sa bouche, q’est canine,
Abaiera la malvoisté
De toy et de ton parenté,
N’est mal q’a lors ne te destine.
Car Tençon q’est deinz son entente
Naufré d’irrour porte une tente,
Q’est du rampone, au cuer p_ar_my;
Mais par la bouche se destente,
Et lors au tout plus large extente
Fait l’autry vices extenter; 4290
Car toutdis a son destenter
Esclandre y est ove Desfamer,
Qui font la plaie si pulente,
Que si l’en n’ait un triacler
Pour les enfleures allegger,
Mortz est qui la puour en sente.[124]
Tençon auci n’est pas guarie
Du celle irrouse maladie,
Q’est dite Inquietacio_u_n:
C’est de nature l’anemie, 4300
Que sanz repos le cuer detrie
Et du venim mortal felo_u_n
Est plain, siq_ue_ soy mesmes no_u_n,
Ne son voisin ne compaigno_u_n
Laist reposer, maisq’om l’occie.
Qui presde luy maint enviro_u_n,
Se guart sicome d’escorpio_u_n,
S’il voet mener paisible vie.
Mais come Tençon dont l’en se pleint
Entre les males fem_m_es meint, 4310
Entre les hom_m_es mals ensi
Maint contumelie irrous atteint,
Dont pacience est trop constreint:
Car Salomon, com_m_e je vous dy,
Dist, plus legier est au demy
Porter grant fes que soul celuy
Q’ad cuer du contumelie enpeint:
Car il ad d’ire forsbany
Toute quiete loign de luy,
Si ad le pont d’amour tout freint. 4320
Ly sages dist que ceste vice
Doit ly mals oms de sa malice
Tout p_ro_prement enheriter:
Mais way dirront en son service
Son fils, sa fem_m_e et sa norrice,
Et chascun q’est son officer;
Car sanz desport les fait tencer.
Semblable est au salvage mer,
Quant la tempeste plus l’entice,
Dont ne se pourra reposer: 4330
Q’en tiel orage doit sigler,
Merveilles est s’il n’en perisse.
=La tierce file de Ire, q’est appellé Hange.=