Si demanda k'est devenuz
Li reis Henriz, dune vient il ?
Asez fu qui li di[s]t : « Oïl, 8988
« Mais formen[t] est amaladiz,
« Si li est li cuers afadiz,
« K'il ne puet ester ne seeir ;
« Gesir l'estuet par estouve[i]r. » 8992
Li quens Ric. pas nel pleigneit,
Ainz dist al rei qu'il se feingneit.
Lors li mandérent de rechief
Si ami, par boche e par brief, 8996
K'il i venist a quelque peine ;
E il tant se travaille e peine
K'il emprist [al rei] a venir.
Al Mar., a son venir, 9000
{325} Dist : « Mar., itant vos di,
« S'os me poez partir d'ici,
« Si m'en partez, metez i cost.
« G'otreierai, que qu'il me cost, 9004
« De lor diz une grant partie
« Por gaaingnier la départie ;
« Mais ge vos di certainement,
« Si ge puis vivre longement, 9008
« Ges saolerai de la guere,
« & si me remandra la tere. »
Li Mar. li dist por veir :
« Sire, ge en f[e]rai mon poeir. » 9012
Atant li dui rei s'asemblérent. [(4 juillet)]
Tuit li halt home qui la érent
Virent bien que li reis Henriz
N'aveit en sei ne gieu ne ris, 9016
E bien pareit a sa color
Qu'il out soufert trop grant dolor ;
E li reis bien s'en aperceut
De France, ker faire l'estut. 9020
Si dist : « Sire, nos savom bien [(f. 60 b)]
« Ke de l'ester vos n'i a rien. »
S'a une chape demandée,
Mais li reis l'a contremandée 9024
E dist k'il ne voleit seeir,
Einz voleit oïr e v[e]eir
Que il le volei[e]nt requere
{326} E por quei li tolei[e]nt terre. 9028
Ne sai les paroles parties,
Mais tant avint k'as departies
Pristrent trives, si s'en partirent,
Mais unques puis ne s'entrevirent. 9032
Ne sai prou com la pais fu prise
Des empris e de lor emprise,
E couvenanciérent li rei
Qu'il escrivreient en segrei 9036
Li uns a l'autre ses empris
Si com a els s'érent empris.
Li reis Henriz a Chinon vint,
Mais tels damages i avint 9040
Que puisr n'i out bien ne delit
Ne puis ne leva de son lit.
Malades jut el lit mortal :
Si'n soufrirent ennui e mal 9044
E gran[t] dolor cil qui l'amérent,
& qui ovecques lui i érent.
E nequedent molt volt saveir
& molt volt en escrit aveir 9048
Cels qui érent ses contre[m] pris,
E qu'en eüst les nons apris.
A mestre Rog. Malchael,
Qui lores portout son seel, 9052
{327} Dist k'il alast sanz demorance
A Tors de si qu'ai rei de France,
Que li feïst en e[s]crit metre,
Si comme li plout a prametre, 9056
Toz cels qui érent ses empris,
Tant que lor nons eüst apris.
Maistre Rog. issi le fist : [(f. 60 c)]
A Tors ala e si escrist 9060
Trestoz cels qui empris esteient
Al rei de France e li aveient
Pramis a aidier de sa guerre
Encontre le rei d'Engletere. 9064
Maistre Rog. issi le fist
Com li rei commanda e di[s]t.
Ci ne deit aveir demorance :
Revenuz fu del rei de France 9068
Maistre Rog. devant le rei ;
E il li dist ke en segrei
Li recontast qui cil esteient
Qui chartres bailli [é] es aveient 9072
En lor seels al rei de France
Contre lui e en sa nuisance.
E cil. en suspirant li dist :
« Sire, si m'ait Jhesu Crist, 9076
« Li premiers qui est ci escriz,
« C'est li quens Johan vostre fiz. i
Quant li reis Henris entendi
Que la riens ou plus [a] tendi 9080
A bien faire e qu'il plus amot
{328} Le traïsseit, puis ne dist mot,
Fors tant : « Asez en avez dit. »
Lors s'entorna devers son lit : 9084
Li cors li frit, li sans li trouble
Si k'il out la color si troble
Quel fu neire e persie e pale.
Por sa dolor qui si fut male 9088
Perdi sa memorie trestote,
Si qu'il n'oï ne ne vit gote.
En tel peine e en tel dolor
Fu travalliez tresque al terz jor. 9092
Il parlout, mais nuls ne saveit
Prou entendre k[e] il diseit.
Li sanz li figa sur le cuer,
Si l'estut venir a tel fuer 9096
Que la mort, sans plus e sanz mains, [(f. 60 d)]
Li creva le cuer a ses mains. [(6 juillet)]
Molt le tient a cruel escole,
E uns brandons de sanc li vole 9100
Fegié de[l] nés e de la boche.
Morir estuet kui mort atoche
Si cruelment com el fist lui.
A grant perte e a grant annui 9104
Torna a toz [cels] qui Famérent
E a toz cels qui o lui érent.
Si vos direi a poi de some
K'onques n'avint a si halt home 9108
Ce qui avint a son morir,
{329} Kar l'om ne l'out de quei couvrir,
Ainz remest si povre e estrange
K'il n'out sor lui linge ne lange. 9112
Tele est Fortune, alas ! alas !
Qu'ele mist de si haut si bas
Si haut home, si onoré,
Si riche rei, si redouté. 9116
Mais or fait bien ci a enquerre
Coment si halt prince de terre
Apovri si en petit d'ore.
Quant Fortune li corut sore 9120
Nel vol laissier, n'a dreit n'a tort,
Dusqu'el l'out livré a la mort ;
E quant la mort en fu saisie
Si li toli si sa bailie, 9124
Qu'il n'out riens, quer l'om dit toz dis
Qui mors est qu'il a poi d'amis.
Tuit cil qui entor lui estei[e]nt
E qui son cors garder devei[e]nt, 9128
Quant il virent la mort le rei
Chascuns tira e traist a sei
Ce ku'il ourent de[l] suen en garde.
Por ce est fols qui ne s'i garde. 9132
Quant il sent que mort le trava[i]lle.
Que trop se fie en la kenaille
De[l] suen garder, einz le departe [(f. 61)]
Si feitement ke Dex i parte 9136
Ainz ke la mort l'ait atrapé.
{330} Quant li haspel ourent hapé
Ses dras, ses joials, son aveir,
Quant que chascuns en pout aveir, 9140
Si remest li reis d'Engletere
Si nuz comme il chaï sus tere,
Fors des braies e de chemise.
Povre garde fu de lui prise. 9144
Issi avint tot a veüe.
Quant la novele fu seüe
Que li reis esteit trespassez,
To[s]t out entor lui amassez 9148
Hauz homes d'amont e d'aval
Kui vindrent o le Mar.
Por sa mort furent en destrece,
S'ourent honte de la laidece 9152
Qu'il n'esteit autrement couvert ;
Trop l'ourent laissié descouvert
Cil kui sa coverture ostérent :
Fals e cruels e malveis érent. 9156
Misire W. Trihan
Vint as premiers, bien le sout l'an ;
Honte en out, ne li fu pas bel,
Si le couvri de son mantel 9160
De bife k'afublé aveit,
Ker bien [e] cointement saveit
Que desrobé l'orent a tort
Li laron quant le virent mort. 9164
Lors fist venir li Mar.
{331} Les prodes hommes, les leials,
E les clers, e selonc les leis
Fu ensepeliz comme reis. 9168
Cele nuit fu eissi gardez
hait servise e ennorez ;
E Tandemain li baron vindrent
Des terres kui a lui se tindrent. 9172
Mais tant de pouvre gent esteient [(f. 61 b)]
Al ch[i]ef del pont kui atendeient
Que l'om lor feïst alcun bien,
Mais de l'aveir n'i aveit rien. 9176
Li Mar., sanz nul delai,
Dist a Estiene de Marzai :
« Seneschals, deniers convient querre.
« Veez ci le rei d'Engletere 9180
« Que la mort a mis en la some ;
« Si serreit dreiz qu'a si halt home
« Fust fait si enoréement
« Que tote ceste pouvre gent 9184
« Eüssent del suen alcun bien,
« Qu'il n'a mès mestier d'autre rien.
« Dreiz est que l'om le face issi. »
E Estienes li respondi 9188
Tôt a estros : « Beal sire chiers,
« Je n'ai veir nul de ses deniers. »
Li Mar. dist comme buens :
« Sire, si vos n'avez des suens, 9192
« Ja avez vos de[s] voz asez
« K'entor lui avez amas[s]ez.
{332} « Par lui avez eü maint jor,
« Mainte richesse & maint enor. » 9196
Il dist : « Mar., ce n'est riens ;
« Ge n'ai ne des suens ne des miens
« Dunt il me puisse souvenir ;
« A tant vos en poez tenir. » 9200
Isi fu, isi l'estut faire
De deniers, ker en son afeire
Les out cil muciez e repoz
Qui respondi par itels moz. 9204
Isi fu que tot sout aveir
A celui qui tot sout aveir ;
Ne puet a son bosoing oïr.
Ne ke Dex ne l'en volt oïr ; 9208
Ne li povre de meinte vile,
Dont il i out bien quatre mile,
Ne pristrent rien fors le musaige. [(f. 61 c)]
Deceü furent par l'usage, 9212
K'en sout as reis en tel afaire
Departies e granz biens faire.
Mais quant li baron venu furent
A lor seingnor, si com il durent, 9216
Grant hautesse e enor li firent :
De son regal le revestirent.
Qu'il ert reis enoinz e sacrez,
Selon leis & selon decrez ; 9220
{333} Puis le portérent de Chinon [(7 juillet)]
Li Mar. e li baron,
En lor cols jusqu'a Frontevalt.
E Dex qui tot puet e tot valt 9224
Rent a chescun selonc sa peine
Qui de bien e d'enor se peine.
Ava[n]t osrez, si com j'ai dit,
La consenance de cest dit. 9228
Quant a Frontevalt venu furent,
Les dames, si com eles durent.
De la sancte religion
Vindrent o grant procession 9232
Simplement contre lor seingnor
Qui molt lor fist bien e onor.
E quant li cors vint en l'iglise,
simples chanz, o bel servise. 9236
Le rechurent si comme mestre
E comme si halt reis deit estre.
Cele nuit o le cors voilli[é]rent
Les nonains, si se verseilliérent 9240
Lor sautiers, plusors en plorant
chaudes lermes, en orant
Que Damledex, si li pleüst,
Del rei Henri merci eüst. 9244
Entretant al conte mandérent
Li Mar. et cil qu'i érent
Les noveles tot demaneis
{334} Que morz ert sis péres li reis. 9248
Mais n'ai pas enquis ne seü [(f. 61 d)]
S'il l'en pesa ou bel l'en fu.
Li baron assemble s'esturent
Cil qui o le rei Henri furent, 9252
E dient : « Or vendra cist kuens ;
« Ne sai s'il nos iert mals ou buens,
« Que a son pére avons esté
c(Encontre lui, c'est vérité ; 9256
« Si nos en avra contrecuer.
— Or le metra a itel fuer, »
Funt li plusor, « comme voldra :
« Ja por lui Dex ne nos faudra 9260
« Qui est secors a toz les buens ;
« E toz li s[i]ecles n'est pas suens.
« Bien nos istrom de son dangier.
« S'il nos convient seignor changier 9264
« Dex nos en avei[e]ra bien ;
« De ce ne nos dotons de rien.
« Mais molt dotons del Mar.,
« Ker il li ocist son chival 9268
« D'un cop d'un gleive desuz lui :
« Si li torna a grant ennui ;
« Mais li Mar. puet savoir
« Que tant com nos porrons aveir 9272
« Chevals ne armes ne deniers
« Ne robes, que molt volentiers
{335} « lert si mis en sa volunté
« Qu'il en avra a grant plenté. 9276
— Seingnors, » fist sei li Mar.,
« Ve[i]rs est que mors fu li chevals
« E que ge li toli la vie :
« Encor ne m'en repent ge mie. 9280
« De vos ofres molt vos merci,
« Mais, si me face Dex merci,
« Fort me serreit le vostre a prendre
« Si bien nel vos quidoie rendre. 9284
« Mais Deus, la soie grant merci,
« M'a, puis que ge chevalier fui,
« Fait si granz biens en mon aage [(f. 62)]
« K'encor crei ge en men corage 9288
« Ke de ore en avant me fera
« Ce ke sa volunté serra. »
[En] dementiers que si parloent,
Ne demora gaires qu'il voient 9292
Le conte de Peitiers venir.
E si vos di k'en son venir
N'out semblant de joie ne d'ire,
Ne nuls ne vos savreit a dire 9296
S'il out en li joie ou tristesce,
Desconfort, corot ne leece ;
Mais devant le cors s'arestut
Une piece, ku'il ne se mut, 9300
Puis se traist amont vers le chief
{336} E si pensa tot de ricb[i]ef
Granment, k'il ne dist bien ne mal ;
Puis demanda le Mar. 9304
K'a lui venist hastivement,
E se demanda ensement
[Mon]seingnor Moriz de Creon ;
N'i ot plus, si com nos creon, 9308
De cels qui al pére se tindrent ;
Ne sei quels de vers lui i vindrent ;
A lui vindrent kant mandé furent :
Unques plein pas n'i aresturent ; 9312
A lui vindrent devant le cors.
Il dist : « Montez, s'alon la fors. »
Unques de riens que il deïst
N'i out nul qui[l] contredeïst 9316
De toz cels qui apelé furent,
Mais volentiers o lui s'esmurent.
Lors s'atropelérent ensemble.
Al premier mot, si com mei semble, 9320
Dist li quens : « Mar., beal sire,
« L'autrier me volsistes ocire,
« E mort m'eiissez sanz dotance
« Se ge n'eusse vostre lance 9324
« A mon braz ariére tornée ; [(f. 62 b)]
« S'i eüst malveise jornée. »
Il respondit al conte : « Sire,
« Einz n'oi talant de vos ocire, 9328
A N'onques a ceo ne mis esfors,
{337} « Quer ge sui unquor asez forz
« A conduire une lance arme[z],
« Enteis que g'ére desarme[z] ; 9332
« E altresi, se ge volsisse,
« Tôt dreit en vostre cors ferisse
« Com ge fis en cel de[l] cheval.
« Se ge l'ocis nel tieng a mal, 9336
« N'encor ne m'en repent ge point, »
Issi respondi point a point.
E li quens respondi a dreit :
« Mar., pardoné vos seit, 9340
« Ja envers vos n'en avrai ire.
— La vostre merci, beal doz sire, »
Dist sei li Mar. adonkes,
« Quer vostre mort ne voil ge unkes. » 9344
Si respondi li Mar.
Qui unques ne volt estre fals.
Li quens dist : « Ge voil de ma part
« Ke vos e Gilebert Pipart 9348
« Augiez tantost en Engletere ;
« Si pernez garde de ma terre
« E de trestot mon autre afaire,
« Si comme il le convient [a] faire, 9352
« K'a bien paiez nos en tenjon,
« Quele ore que nos i venjon.
« E ge m'en vois, si preing en main
« Que matin reve[n]drai demain ; 9356
« Si sera enoréement
{338} « Ensepeliz e richement
« Li reis mis péres e a dreit
« Comme si hait hom estre deit. 9360
— Sire, » fait sei li chanceliers,
« Ge voldreie molt volentiers
« Ke vos nel tenissiez a mal : [(f. 62 c)]
« Li reis dona al Mar. 9364
« La damissele d'Estregoil,
« E amenteveir le vos voil.
— E, par les jambes Dieu ! non fist, »
Dist li quens, « mès il li pramist ; 9368
« Mais ge li doins tot quitement
« La meschine e le tenement,
« Quer molt bien sauve en lui la quit. »
E il l'en mercïérent tuit. 9372
Li chanceliers ne se volt te[i]re,
Ainz dist : « S'il ne vos deit despleire,
« Li reis a doné la pucele
« De Chasteal Rad. qui est bele, 9376
« Debonairement, sanz rancune,
« Seingnor Bauduïn de Betune.
« E si vos di en bone fei
« Que Gilebert le filz Reinfrei. 9380
« Ne retint il pas a filastre :
« Gelé li dona de Lancastre
« Que li Mar. out en garde,
« Dont il fist molt corteise garde. 9384
« E si vos di tot en apert,
{339} « Que a Renalt le filz Herbert
« Dona cele, e Fenor o sei,
« L Qu'ot Gillebert le filz Reinfrei, 9388
« E a Reinalt de Danmartin
« Otreia Lundelbone en fin. »
Li quens a itant respondi :
« J'ai a Andrieu de Chaveingni 9392
« Doné, c'est la verité fine,
« Chastel Rad. e la meschine ;
« Mais tant vos di k'a[i]nz la parclose
« D[o]nrai a Bauduïn tel chose 9396
« Dunt bien se tendra a paie ;
« Si n'en seit de riens esmaié.
« Que bien otrei iceste fin
« Seingnor Reinalt de Danmartin 9400
« E Gilibert le filz Reimfrei [(f. 62 d)]
« K'il ai[e]nt volentiers de mei
« Ce que mi[s] péres lor dona,
« Si com il lor abandona ; 9404
« Reinalt le filz Herbert ausi,
« Quer bien la voche sauve en li ;
« E plus li ferai de bienfait
« D'asez que mis péres n'a fet. » 9408
A itant d'iloc s'en alérent.
L'endemain, quant il retornérent.
Si mistren[t] le rei d'Engleterre
Molt enorablement en terre ; 9412
Mais tant i avint, si fu mal,
Quant il out vestu son regal,
{340} K'il n'out pas si riche corone
Comme a si trés halt roi adone. 9416
A nul des suens ne sembla buen
Que il n'out pas de tot le suen
Un anel qu'a son dei[t] meïssent
Cil qui voluntiers le feïssent. 9420
Si 'n ourent plusors desconfort.
Lores vint Hue de Samfort
Qui son vaslet esteit alore ;
Sanz arestée & sanz demore 9424
Si porta avant un anel
Moltjprecïos e molt trés bel.
Si dist a toz : « Seingnors, por veir,
« Cestui me baillia l'autre seir 9428
« Mis sire a garder ; Dieu merci !
« Bien l'ai gardé de si que ci ;
« E isi me face Dieu buen
« K'onques plus n'oi enquor del suen. » 9432
Si com le cors enterré ourent,
A plus bel servise k'il p[o]urent,
Si comme aparteneit a rei,
Selon Dieu e selon la lei, 9436
Chascuns ala a son repère
Ou la u il aveit a faire ;
E li Mar. d'autre part [(f. 63)]
E sire Gilebert Pipart 9440
A Moliherne s'en alérent
Gisir, e d'iloc cheminérent
{341} A granz jornées par la terre
Por aler s'en vers Engletere. 9444
Li quens de Peitiers al partir
S'en ala a Saumur gesir.
Ne voil les jornées conter,
Ke ne porreit a riens monter, 9448
Que li quens e li autre firent,
Kant de Frontevalt departirent.
Li Mar. e ses compainz
S'en vindrent comme il pourent einz 9452
Par le Mainne e la Normandie.
Ge ne sai que plus vos en die :
En Cauz vindrent en cel termine
Saisir la terre et la meschine 9456
Ke li reis li avoit donée
Kui pu[i]s fu bien guerredonée
E mise en lieu e en estal,
Merci Dieu e le Mar., 9460
Quer tant fu enterins e boens
K'il valut a lui & as suens.
Quant out la terre en son demeine,
Li Mar. si [les] anmeine 9464
A Eskekevile a gisir
Cels qui érent a son pleisir.
A Diepe enveia ses nés prendre,
Ker n'out talent de plus atendre. 9468
Veritez fu, quant disné orent.
Si se hastérent kant k'il porent
D'aler a Diepe por charchier.
{342} Quer il n'avei[e]nt que targier. 9472
A qui einz einz, trestot de front,
Salirent trestot sor le pont,
Si k'il i out si trés grant pres[s]e
De la gent qui si fu engresse 9476
Que li ponz souz els depeça. [(f. 63 b)]
Maint en i out qui se bleça,
Quer il cheïrent a deslaz :
S'i out bruis[i]é cuis[s]es e braz. 9480
Mis sires Gilibert Pipart
N'eschapa mie sanz depart,
Quer quassez fu e debru[i]s[i]é,
Si k[e] il out le braz bruisié, 9484
E molt des autres i chaï
A cui autresi meschaï.
Li Mar. sailli tantost,
Qu'il s'ahert as mains a un post 9488
Del pont kui esteit depeciez.
Si i fu hurtez e bleciez
En la jambe molt durement,
Dunt molt se dolut longement. 9492
Qu'ireie ge plus atendant ?
As mains remest iloc pendant
Tant que plusor i acorurent
A qui einz ainz quil secorurent. 9496
Isi ne fait plus a enquerre :
Li Mar. vers Engleterre
S'en vint, mais Gilebert remest
A cui grant dolor el cor mest 9500
{343} Por sa bleceüre k'il out,
E por ce k'aler ne s'en pout.
Li Mar. en Engleterre
Fist bien ce qu'il i out a querre, 9504
De ce k'aparteneit al conte,
Si comme l'estorie le conte ;
E la reïne Alïenor
Qui out le nom d'ali e d'or 9508
Trova delivrée a Wincestre
Plus a ese k'el ne sout estre.
Quant out fini toz les messages,
Comme cointes e comme sages, 9512
Si porchaça la damisele
D'Estregoil qui fu bone e bele,
Que gardout Rad. de Glanvile, [(f. 63 c)]
A Londres, en la bone vile ; 9516
Mais a enviz li fu rendue.
N'i fist mie grant atendue :
Tantost comme il [en] fu saisis,
N'en volt pas estre dessaisis, 9520
Einz dist qu'a ses terres irreit,
Iloques si l'esposereit.
Lors dist Ric. li filz Reinier,
Sis ostes, qui molt Faveit chier : 9524
« Par mon chief ! sire, non ferez.
« Ja aillors ne l'esposerez
« D'ici, quer çai[e]nz seront feites
« Vos noces e si a point traites 9528
{344} « Que ja riens ne vos i faudra
« De quant qu'a prodome vaudra. »
Li Mar. a respondu :
« Ge ne m'e[n] sui point porveü. 9532
— Ge m'i sui porveü molt bien, »
Dist li ostes ; « n'i faudra rien.
« Merci Deu, tant avons del nostre
c(Que rien n'i couvendra del vostre. » 9536
Lors n'i out point de la demore :
Esposée fu a bone ore
La bone, la bele, la sage,
La corteise de halt parage 9540
Dont sunt descendu li enfant
Cui Damledieus essauça tant
Comme l'om veit e a veii,
Que eissi l'a Dex porveü. 9544
Quant les noces bien faites furent
E richement, si comme els durent,
La dame enmena, ce savon,
Chiés sire Angeran d'Abernon, 9548
A Estokes, en liu paisable
E aesié e delitable.
Ne voil issi faire lonc conte,
Quer parler me convient del conte 9552
Ric. qui vint en Normendie. [(f. 63 d)]
Ge ne sai que plus vos en die :
A Roëm fu dus ceint d'espée. [(20 juillet)]
{345} Molt out iloc riche asemblé[e] 9556
De riches barons e de contes.
Trop ennuiereit li acontes
Qui par sei voldreit tot retraire ;
Mès j'ai molt autre chose a faire 9560
Dont il fait molt plus a enquerre.
Li dus passa en Engleterre,
Receüz fu a grant hautece,
grant enor, o grant noblece, 9564
Comme si haut home deit estre,
Quer puis n'i ourent si boen mestre.
Fait fu reis a l'Asompcion. [(15 août, corr. 3 sept.)]
A molt riche procession 9568
Fu receüz dedenz Se[i]nt Pol.
Iloc furent tenu por fol
Li Gieu, si com j'oi dire,
Quer livré furent a martyre. 9572
Issi fu li reis d'Engletere
Tot river après en sa terre.
A Johan son frére dona
Plus k'il ne li gueredona, 9576
Quer il li fist si granz bontez
K'il li dona quatre contez
E autres terres k'il saveit,
Tant k'il dist k'asez en aveit. 9580
Dedenz iceste afaire avint
Que li Mar. al rei vint ;
Si li preia que il preiast
{346} Son frére qu'i[l] li otreiast 9584
A rendre sa tere d'Irlande ;
E ce fu reisnable demande
K'ii nos est avis qu'il li fist,
Quer sis ancestres la conquist. 9588
E li reis en preia son frére,
Mès il n'en fist semblant ne hére
Qu'il li eüst talent de rendre ; [(f. 64)]
A enviz i voleit atendre. 9592
« Qu[e] est ce ? por les jambes Dé !
« Johan, c'avez vos en pensé
« Qui le suen ne li volez rendre ?
« Malveisement puet or atendre 9596
« Que del vostre faciez son buen
« Quant vos ne li rendez le suen.
« Por mei li ferez vos acoil,
« Quer, par les jambes Dieu ! gel voil. » 9600
Il di[st] : « Ge l'otroi volentiers,
« Mais que li dons remaingne entiers
« Des terres que j[ou] ai donées
« A mes homes e comfermées. » 9604
Dist li reis : « Ce ne poet estre unques.
« E que li remandreit il dunques ?
« Qu'os les avez totes donées
« A vos genz e abandonées. 9608
— Beal sire, quant il est issi,
« Ge requier la vostre merci,
« Quant vos volez que issi aut,
{347} « Qu'il laist au boteillier Tiebaut 9612
« La terre dont ge le saisi.
— Volentiers, dist li reis, « par si
« Qu'il la tendra de lui en chief,
« Qu'altrement li tosroit a grief. 9616
« Mais il ne graente a nului
« Don qu'os aiez fait, fors a lui. »
Quant agraanté fu issi
& confermé com ge vos di, 9620
Si enveia li Mar.
Ranvol de Kedevile, un fals.
Veirement fu de Kedevile,
Quer toz diz [le] servi de gile. 9624
Li Mar. ici kemande
Reinalt a aler en Hirlande
Por saisir la ses tenemenz
E toz les apartenemenz. 9628
Reinalt nel contredist de rien : [(f. 64 b)]
Dex li aiut s'il le fist bien !
N'ai or ci talent de plus dire,
Quer trop i a meillor matyre 9632
Dont me couvendreit entremetre :
Si me couv[i]ent grant peine metre
E grant estudie e grant cure
A dire la verité pure 9636
Com li reis Ric. atorna, —
Dementres k[e] il sejorna,
{348} Son grant navie, en Engletere
Por aler en la seinte terre. 9640
Mais a peine av[r]eie a memorie
Con il atorna son estorie
Richement de tote la rien
Qui a home deit faire bien. 9644
Molt i out granz [nez] batailli[é]es
E richement aparali[é]es,
E de bone gent si garnies
Que el ne dotoent galies 9648
N'averse gent kui lor venissent,
Que molt bien ne s'en defendissent.
Tant mist dedenz or e argent,
Vair e gris e vaisselement 9652
E trés riches robes & chiéres
E armes de tantes maniér[e]s
Que nuls quis peüst aviser
Nes peû[s]t pas bien deviser. 9656
N'i failli nul estorement :
Bacons i out, vins e forment
E ferine e bescuit asez.
Tant i out de biens amas[s]ez 9660
Que nuls nel vos sav[r]eit a dire.
Peivre i out e coumin e cire,
E especes e laituaire
Tels com l'om les sout meillors faire ; 9664
E autres beivres i out trop,
E galatines e sirop,
Ars, arbelastes e querreals [(f. 64 c)]
{349} Trenchanz & aguz & isneals. 9668
Mais tant amenteveir vos voil
Que sire Robert de Sabloil
& sire Giralt de Canvile
Furent garde de cest navile. 9672
Quant out ses nés bien atornées,
Anceis qu'els s'en fus[s]ent tornées,
Fist al rei de France saveir
Que il vendreit a lui por veir, 9676
son poeir e sanz delai,
Entresi que a Verzalai,
E iloques si porvesreient
Lo[r] ovres, e ordenereient 9680
Lor jornées e lor afaire,
Si com il ravei[e]nt a faire.
Entretant li reis d'Engleterre
Fist metre justise en sa terre 9684
Will. de Lonc champ por veir,
Ou fist folie ou fist saveir ;
E kemanda que del regal,
Par le conseil del Mar. 9688
Ovrast e as autres barons
Dunt ge vos dirrai ci les nons :
Le filz Pieres sire Guifrei,
E danz Hue Bardol o sei, 9692
Sire Will. Brieguerre ;
Cist remistrent en Engletere
Par le commendement le rei
{350} Por conseillier en bone fei 9696
Le chancelier, mès ne li plout
N'en lor conseil estre ne volt.
Icist furent croissié tuit trei,
Esi conme g'entent e vei, 9700
Mais li Mar. ne l'ert pas,
Ker il aveit ja fait le pas
Que l'om fait vers la sainte terre
Por la merci Dieu aler querre, 9704
Qu'il i porta en bone fei [(f. 64 d)]
Por son seingnor le giemble rei.
Sa croiz, dont il [s'] aquita bien,
Merci Dieu, k'il n'en failli rien. 9708
Issi fu, que que nuls vos die,
& si laissa en Normendie
Will. a seneschal, por veir,
Le filz Rad., qui par saveir 9712
Sormonta, si com la gent virent,
Toz cels qui aprés lui i furent.
Li chanceliers ne fu pas si,
Ker puis que li reis departi 9716
N'ouvra ne a bien ne a mal
Par le conseil del Mar.
Ne de nul des autres barons
Dont ci vos ai nomé les nons. 9720
Si aparut molt leidement
K'il ouvra sorcuid[é]ement.
A Verzelay [si] s'asemblérent
{351} Li rei al terme qu'il nomérent [(4 juillet)] 9724
E ordinérent lor afaire
Si comme il aveient a faire ;
Mais nos ne vos volom ci dire,
Quer n'apartient a la matyre, 9728
Lor afeires ne lor jornées
Si comme els furent atornées,
Quer trop i avreit grant merveille.
Li reis d'Engletere a Marseille 9732
Vint ou il atendi s'estoire
Qui o hautece e o grant glorie
Vint par mer ; d'iloques siglérent
Tant qu'a Meschines arivérent. [(23 septembre)] 9736
Hoc tot river sejorna
Li reis Ric., k'ainz n'en torna.
E li reis de France après vint :
Pouvre compaingnie li tint. 9740
Mais ce ne fait or ci a dire,
Ainz revendrai a ma matyre.
Li chanceliers qui fu justise [(f. 65)]
Volt estre de trop haute emprise 9744
& trop despendi folement
& manda aliene gent.
En fol usage despendi
L'aveir le rei, k'il ne tendi 9748
Fors a estre seingnor clamez ;
Mais il ne fu unques amez ;
Tant que li plosor s'asemblérent
{352} Des barons ki le rei amérent. 9752
Si dist[rent] que n'ert pas bien fait
K'il despendeit a tel sorfait
L'aveir le rei en tel usage.
« Seingnors, vos querez le musage, 9756
Dist il, « par Dieu le glorios.
« [Que] ge ne ferai rien par vos. »
Li quens Johan s'en desd[e]ingna,
Que por els faire ne deigna 9760
Nule rien : grant eschar i out.
Sa compaingnie puis ne volt.