E cil qui de lor conseil érent, 8148
Tot a leisir, sanz gross[e]ier.
Bien se puüssent avei[e]r
A la pais, quer ele ert formée
& porveüe & poralée, 8152
E bien fussent a un, ce cuit,
Quer bien s'i acordoient tuit.
Quant li reis de France torna
A une part, si atorna 8156
Nostre rei a estreit conseil ;
Si dist : « Ge vos loi e conseil
« Tel chose qui bien est a faire,
« E si ne vos deit pas desplaire. 8160
« Li quens de Peitie[r]s, c'est la some,
« Si est tenu a molt prodome,
« Vostre filz, mais poi a de terre ;
{295} « Si vos vol preier e requerre 8164
« Que li dongiez ove Peitou
« Toroingne, le Maingne e Anjou,
« Quer molt serront bien sauf en lui.
— Conseilliez le me vos isi ? » 8168
Dist li reis Henris. — « Oïl veir.
— A ces moz puis ge bien saveir
« Qu'os volez [son] essaucement ;
« Mais, si mis arguz ne me ment, 8172
« Cest n'iert hui otrié par mei. »
Atant departirent li rei,
Que parole plus n'i parlérent.
Molt en pesa a telz i érent 8176
E lor dessist e lor de[s]plout,
Mais a cels sist il molt & plot
Qui héent pais e eiment guere.
Eissi koumence essil de terre. 8180
Li reis de France s'en parti,
E eissi par mal departi
Li parlemenz, qui al mardi
Asembla, si com ge vos di. 8184
Eissi commensa la meslée [(f. 54 d)]
Qui unques ne fu desmeslée
E li sorfaiz et li outrages
Qui puis torna a granz damages. 8188
E Richart, li quens de Peit[i]ers,
Qui ce voleit molt voluntiers,
{296} Sanz congié prendre, o laide hére,
Si parti tantost de son pére 8192
Al plus tost que il unques pout,
Que li péres nul mot n'en sout.
E quant li péres l'oi dire,
Pleins fu de mautalent e de ire 8196
E angoissos sor tote rien.
« Ou ! » dist il, « gel savei[e] bien :
« Ja mi enfant bien ne feront
« Fors que mei e els destruront. 8200
« Toz dis m'ont fait ennui e mal. »
Lor[s] apela le Mareschal
E des autres qu[e] il amout
E en cui plus il si fiout ; 8204
Conseil lor quist de cel afaire,
Saveir mon qu'il en porreit faire
De son filz qui s'esteit tornez
A[l] rei de France e atornez 8208
A faire a lui enui e honte,
Quer bien veit qu'a itant se monte
E qu'il le velt par son outrage
Desheriter de l'eritage 8212
Dunt sis péres fu héritez ;
E il en iert desheritez
Si li reis de France ainz [ne] muert,
Quer nule autre chose ne qu[i]ert. 8216
Li Mar. li dist : « Beau sire,
« Le mielz que ge vos en sai dire
{297} « Si est qu'os enveiez après,
« Si l'em ne[l] puet ateindre près ; 8220
« E li mandez que a vos vienge,
« [E] que nule essoingne nel tienge ;
« Ou il mant par quele raison [(f. 55)]
« I[l] part de vos sanz achaison. 8224
— Mar., ge vos en fax un :
« seingnor Bertram de Verdun
« Voil que vos portez cest mesage.
« Dites que nel tieng pas por sage 8228
« Qu'il s'est eisi de mei parti,
« Il en avra [le] mesparti,
« Puet estre, einz que li gieus remaingne,
« Se il a faite tel bargaingne. » 8232
Lors s'en torna li Mareschals
E Bertran kui einz ne fu fals
Ne mentéres ne loseng[i]ers,
Einz fu leials e dreituriers. 8236
Après lui le dreit chemin tindrent.
Tant firent qu'a Ambaise vindrent
Ou il aveit la nu[i]t geii,
Mais i furent trop tart meii, 8240
Quer il [i] vindrent a midi.
Li ostes dist qu'il sunt parti
Par matinet en l'ajornant,
E que mar ireient avant : 8244
Por naient s'i traveillereient,
Quer jamés a lui n'ateindrei[e]nt.
Si lur volt bien dire e ret[ra]ire
{298} Qu[e] il aveit la nu[i]t fait faire 8248
Letres bien. ij. cenz paire ou plus ;
Mais si angos[s]os nel vit nuls
Com il esteit d'enveier querre
Sa gent par trestute sa terre 8252
E cels qui a lui se teneient
E son afaire mainteneient.
Quant li Mar. entendi
Ou li quens de Pe[i]tiers tendi, 8256
Tantost manda al rei son pére
La traïson fause e amér[e]
Que sis filz out vers lui enprise
Qui gaires ne l'eime ne prise, 8260
E a quele ovre il voleit tendre ; [(f. 55 b)]
Puis alérent le rei atendre
A Tors, e il i vint en hast[e],
Quer cui ire & maltalenz haste 8264
Ne puet en nul liu estre a ese,
Ne ne veit chose qui li pleise.
A ses barons e a sa gent
S'en pleinst molt trés iréement, 8268
E dist, si dist verité pure,
Qu'il out fait male noreture
En toz ses filz : si out il veir,
Dire l'estut par estouve[i]r. 8272
Puis enveia en Engletere
Por secors e aïe querre ;
Rad. de Gla[n]vile manda
{299} Par ses briés e li comanda, 8276
Qui d'Engletere esteit justise,
Que sanz delai e sanz faintise
Feïst semondre par lor nons
Ses hals homes e ses barons, 8280
Que sanz respit a lui venissent
E nule essoingne n'i tenissent,
E que toz ses tresors eüst
E venist a lui s'il peüst. 8284
Après ce chavacha li reis
A grant enui e a son peis
Dusqu'al Dorat : la s'arestut ;
Gaires longement n'i estut. 8288
N'i fist riens, einz s'en retorna ;
D'aler a Chinon s'atorna,
E [de] Chinon al Mans revint.
En cel contemple li avint 8292
Qu'il li prist une maladie :
Ge ne sai que plus vos en die.
Mais, si come content e esme,
Ele li tint tot le quaresme. 8296
Tuit li halt baron a lui vindrent
E tuit cil qui a lui se tindrent.
Hubert Waltier vint en la vile [(f. 55 c)]
Qui fu clers Rad. de Glanvile, 8300
E vint en liu de son seing[n]or
Qui malades ert a cel jor.
Lors pramist li reis la pucele
{300} D'Estrigoil, qui fu bone et bele 8304
Al Mar. por son servise ;
E quant li reis li out pramise,
A Hubert Wa[l]t[i]er dist por veir
Qu'il li feïst tantost aveir, 8308
Comme il vendreit en Engletere,
E la damesele e la terre.
E quant li reis fu respassez,
Qui trop fu malades d'asez, 8312
Qu'em plusors lieus le tint li mal,
Si apela le Mar.
E l'archedïacre ove lui
De Hereford, e dist qu'andui 8316
De si qu'ai rei de France alassent ;
S'enqueïssent e demandassent
S'il porreit vers lui pa[i]s aveir
& concorde por nul aveir. 8320
Cist dui message en France alérent
A Paris ou le rei trouvérent ;
Mais li quens de Peitiers mesaiges
Tramist avant cointes e saiges 8324
Qui si troublérent lor afaire
Qu'il ne pourent al rei rien faire.
Will. esteit en la vile
De Loncamp qui tant sout de gile, 8328
Qui lor ovre out si bestornée
Qu'il burent de la retorné[e].
Al rei vindrent ; si li contérent
Ce que il virent & trouvérent. 8332
{301} Lors sout bien li reis d'Engletere
Qu'il n'i out riens fors de la guerre.
Il prist conseil a ses barons :
« Seingnors, » dist il, « quel la ferons ? 8336
Nus n'en sout dire verité. [(f. 55 d)]
Lors fist esforcier la cité,
Fossez reparer e drecier,
Maisons abatre e trebuchier 8340
Qui trop près des portes esteient,
E as fos[s]ez faire nuiseient.
Issi fu e issi avint,
Tant qu'a la Pentecoste vint. 8344
Dunc fist prendre li reis de France
Al rei Henri, par decevance,
Por lui grever, un parlement [(Fin de mai)]
Entre la Ferté e Nogent. 8348
A chevals e a armes vindrent
D'amedeus pars ; molt se contindrent
Li France [i] s orgulosement.
Li quens de Peit[i]ers ensement 8352
Vint a trestote sa pu[i]ssance
Contre son pére al rei de France.
Trop malveis parlement i firent,
Quer [a] mautalent s'en partirent. 8356
A grant ire, ce fu verté,
Parti li reis de la Ferté.
Conestable i laissa sor toz
Rog. Torel qui molt fu pruz. 8360
{302} Li reis dreit a Balon s'en vint,
E li reis de France revint
A la Ferté et si l'asist.
Ve[i]rs fu que par force la prist 8364
Mais durement s'i deffendi
Rog. Torel, e entendi
Quant qu'il pout al chastel deffendre,
Mais a force le couvint rendre, 8368
E il i fu a force pris ;
Si li fu torné a grant pris.
Li reis departi de Balon,
E li reis de France al talon 8372
Le suï e l'asist e prist,
Qu'onques nuls ne li contredist.
Quant pris Fout [il] i sujorna [(f. 56)]
Quatre jors, qu'onques n'en torna. 8376
D'iloques ala a Montfort
Le Retrot, qui gaires n'ert fort,
E il [l] i fu tantost rendu ;
Unques point ne fu defendu. 8380
Al Mans fu li reis d'Engletere
Molt iriez, qu'il perdeit sa terre.
Si apela le Mareschal
Will. cui molt esteit mal 8384
De l'ire e del corruz le rei,
E de Bruillon seignor Guifrei,
E son frére ensemble o lui,
E seignor Peron le filz Gui, 8388
{303} E seignor Robert de Sovile
Qui meilz se baratout en vile
Qu'as chans, ge ne sai qu'en die el.
S'ert il mareschals de l'ostel. 8392
Si lor dist qu'ai matin levassent
E que l'ost sorv[e]eir alassent
E[n] que[l] part il se voldreit traire.
E cil qui bien le voldre[n]t faire 8396
A son talent, matin levérent ;
De lor armeüres s'armérent
Linges por legierement corre
Ou por chacier o por rescorre. 8400
Par matinet s'armérent tuit.
A enveis[e]ûre, a deduit
Passérent outre la riv[i]ére
De Wilengne ; une nieule trop fiére 8404
Fist al matin qui fu contraire
A cel qu'il aveient a faire.
Tant esrérent qu'il s'enbatirent
Sor lor coreors e les virent. 8408
Cil gieus ne lor fu pas egals.
Lors montérent en lor chevals,
Lors escuz e lor lances pristrent,
Le pas a la voie se mistrent. 8412
E Robert de Souvile dist [(f. 56 b)]
Al Mar. : « Par Jhesu Crist,
« Sire, se creüz en esteie,
{304} « En bone fei vos loereie 8416
« Que j'alasse de si qu'ai rei
« E li deïsse a qel desrei
« Vi[e]nt li rei[s] de France sor lui.
— Sire, par mei n'irez vos hui », 8420
Fait li Mar., « ce conter ;
« Ne porreit a nul bien munter ;
« Einz irai, si com[e] gel lou,
« E sire Guifrei de Brislou 8424
« V[e]eir quel gent ce sunt qui vienent ;
« Si vesrom com il se contienent. »
Un molt petit tertre montérent ;
Si virent de la ou il érent 8428
Trestot[e] l'ost le rei de France
Qui chivachot a grant pu[i]ssance
Si près d'els que d'une arbaleste
I traïst l'om, qui l'eûst preste. 8432
« Guifrei, » fait sei li Mar. ;
« Alom nos en, qu'il sereit mals
« D'arester en nule maniére. »
Lors vindrent a lor gent ariére, 8436
A lor compaingnons recontérent
Les noveles si com els érent.
Robert de Souvile autre feiz
Dis[t] : « Mar., il serreit dreiz 8440
« Que j'alasse ce al rei dire.
— Ja par mei n'i irez, beal sire ;
« Par le gleive Dieu, gel vos di. »
Lors dist Guifreis : a Ahi ! ahi ! 8444
{305} « Com fu grant d[u]els e grant damage
« Qu'Eumenidus n'out tel message
« Com vos estes a son bosoing !
« Mal fu que trop li fustes loing ; 8448
« Molt li eüssiez grant mestier. »
Lors s'en ristrent li chevalier.
Mis sires Guifreis de Bruslou [(f. 56 c)]
Dist al Mar. : « Ge vos lou, 8452
« Quant cist coreor si près vienent
« Qui de nului conte ne tienent,
« Que nos lor laisson chevals corre.
« Ainz que nus les peüst secore 8456
« I avreit ja peneals tornez ;
« Sis avrïom si atornez,
« Qui as freins les porreit aerdre,
« Qu'il serei[e]nt as roncins perdre. » 8460
E li Mar. respondié :
« Tost porrom aveir gaaingnié,
« Pue[t] estre, vint roncins ou trente ;
4 Mais nos n'avom ci nule atente 8464
« Quer nos n'avon gaires chevals ;
« E ge cuit, se ge seie sals,
« Que unques en terre ou nos fumes
« De chivals tel mestier n'eiismes 8468
« Comme nos avron hui cest jor.
« Li reis de France sanz sejor
« Chevalche e s'en vient dreit al Mans ;
« Bien tost tesgereient les flans 8472
{306} « A nos chevals, se issi ert fait,
« Einz que venisson a recet. »
A itant si s'en retornérent ;
Al Mans vindrent, si recontérent 8476
Al rei ce que veii aveient
E que certeinement saveient.
Quant vit li boens reis d'Engletere
Que eissi bareiout sa terre 8480
Li reis de France par sa gile,
Lors s'en eisi fors de la vile
ses barons : por tel besoingne
Fist depecier lo pont de Voingne 8484
E si fist les guez bien paler,
Que nuls hom n'i peüst aler,
N'a pié n'a cheval, sanz meschief ;
E s'i fist feire de rechief 8488
Fossez, que passer n'i peüssent [(f. 56 d)]
Par nul engin que il seüssent,
Quer il cuidout por verité
Qu'il n'i eüst nul autre gué. 8492
Dementres que eissi parloient,
De l'autre part gardent, si voient
Outre l'eive le rei de France
Venir o tote sa puissance. 8496
Iloc voleit la nuit atendre ;
Si i fist les pavillons tendre
Lez un bois qui a non le Parc,
{307} Sus la ri\[i] ére al trait d'un arc. 8500
E li Mar. dist al rei :
« Beal sire, ore entendez a mei ;
« Geste gent qui sunt herbergié.
« Par fei ! si loereie gié 8504
« Qu'aillon reposer no^hevals :
« Si serom demain plus près d'als,
« Que nos vesron qu'il voldront faire,
« E nos kenostrons lor afaire. 8508
— Par Deu ! Mar., » dist li reis,
« Vos dites bien e que corteis. »
A ces paroles s'en alérent
En la vile, si devisérent, 8512
Se li reis de France veneit
Envers la vile, qu'en fereit
Tot ardeir defors la cité,
& issi fu por verité. 8516
L'endemain, sanz longe ademesse,
Firent molt tost chanter la messe.
Que molt dotoent le grant ost ;
E li Mar. s'arma tost. 8520
Li reis, a une porte aval,
Toz desarmez e a cheval,
Devers la Meison Dieu eissi ;
Mais nel vout mie fere issi 8524
Li Mar. ; si fist que sages,
Creistre l'en peüst grant damage.
Li reis dist : « Kar vos desarmez, [(f. 57)]
{308} « Mar. ; por qu'estes armez ? » 8528
E li Mar. respondi :
« Si vos pleist, sire, itant vos di,
« A estre armé me pleist molt bien.
« Mes arme[s] ne me nuisent rien. 8532
« Ne me desarmerei i mès
« Devant qu'aie seii quel fès
« Nos couvendra a endurer.
« Homs desarmez ne puet durer 8536
« E[n] bosoingne n'en grant afaire.
« Nos ne savom qu'il voldrunt faire.
E li reis respondi : « Par fei !
« Donc ne vendrez vos mie o mei. » 8540
A telz paroles, a telz diz
Fist li reis d[es] armer son fiz,
Le conte Johan, qu'il amout
E en cui il molt se fiout, 8544
E seingnor Girard Talebot
E monseingnor Robert Tresgot
E Guifrei de Bruslou ausi.
E qui unques o lui eissi 8548
De la vile se desarmérent.
Outre la Meison Dieu alérent.
La s'esturent a un conseil
Tuit cil qui érent si feeil, 8552
E si virent sanz demorance
L'avant garde le rei de France
Chevalchant par de la le front,
{309} Tant qu'il vindrent endreit le pont 8556
Qui depeciez esteit de gré.
Nuls hom ne cuidout iloec gué,
Mais a lor lances i tastérent :
Le meillor gué de[l] mont trovérent. 8560
Dis chevaliers tant s'avanciérent
Que utre le gué se lanciérent.
Cist afaire nos genz deçut.
Robert Tresgot les aperçut ; 8564
Si dist al rei : « Beal sire chiers, [(f. 57 b)]
« Vez ci venir lor chevaliers. »
Girart Talebot, comme saive,
Prist son escu e prist un gleive ; 8568
E un chevalier vint devant
Bien loing des autres galopant,
E missires Girarz rencontre ;
Si l'a si feru a [rjencontre 8572
Sor son escu que il depiece
Son gleive & vole en meinte piece.
Sire Richart li fiz Herbert
Vit le cop bien fait e apert 8576
Que sire Girard aveit fait :
Son escu prent, avant se treit
E un gleive prist en sa main,
Si lesse corre tot de plein 8580
Vers un autre qu'il vit venir ;
Si l'asene de tel aïr
Sor l'escu que li gleives froisse,
De si qu'enz es poinz li escroisse. 8584
{310} E li boens Mar. si rut
Devant la porte ou il s'estut.
A Johan d'Erlée demande
Son hielme, a lacier li comende, 8588
E dit qu'a drait repentant érent
Cil qui oreinz se desarmérent,
E qu'or voldrei[e]nt estre armé
Cil qui esteient desarmé. 8592
Johan d'Erlée li bailla
Le healme & molt tost li laça.
[E] cil estut devant la porte
Toz solz, que nuls ne li aporte 8596
Conseil ne confort ne aïe,
& il se defent e aïe
Comme boens chevaliers deit faire
Quant il est en itel afaire. 8600
E li Franceis en lor venir
Le vindrent durement ferir,
E il se defendi si bien [(f. 57 c)]
Que sor lui ne conquistrent rien. 8604
E cil qui sor la porte esteient
E sor la britesche, crieient
Hautement, amont e aval :
« Ça, Dex aïe al Mar. ! » 8608
Cil de Betune les oï,
Bauduïn, pas nes mesoï,
Kar si ert la chose establie
Qu'il ert de sa conestablie 8612
E si l'amout sor tote rien,
{311} S'esprova il mainte feiz bien ;
Sire Hug. de Malalnei
I vint, si com g'entent e crei ; 8616
Sire Renalt de Danmartin
Qui n'aveit nul meillor veisin,
E qui puis fu quens de Boloingne,
I vint poingnant sanz nule essoingne ; 8620
E Hug. de Hameleincort
Ne vient pas, mès il i acort ;
Sire Eüstace de Novile
Vint poingnant contreval la vile ; 8624
Eüstace de Cantelou
Ne se rehastout mie pou ;
Rad. de Plonquet, c'est la fins,
E sire Pierres Malvesins, 8628
Cist eisirent parmi la porte ;
S'i out bone meslée e forte
Qui ne commença pas a gieus.
Estes vos que misire Andrieus 8632
De Chaveingny, uns chavaliers
Des gens le comte de Peitiers,
Renomez de haute proece,
Dreit a nos chevaliers s'adresce : 8636
La veis[s]iez grant bruisie[ï]z
De lances e grant chapleïz
Sus hiealmes d'espées d'acier ;
La n'aveit mot del manescier 8640
{312} Ne des rampo[s]nes avant trère : [(f. 57 d)]
Asez aveient el a fère.
A forte meslée e a fiére
Remenérent nos genz ariére, 8644
Quer trop vindrent a grant desrei.
Sire Hue de Malalnei
Qui bien s'i esteit combatuz
Fu enz el fossé abatuz 8648
De la vile, si com mei semble.
Lui e son cheval tot ensemble.
Li Mar. o Bauduïn
E o Renalt de Danmartin 8652
Durement lor corurent sure ;
Sis reüsérent en poi d'ure,
E nos gens sor els recovrérent
Si que par force les menérent 8656
Ariére tresk'e[n] mi la rue,
Près de autretant cum uns ars rue ;
E si sachiez k'en cel retor
Out grant meslée e grant estor. 8660
Li Mar. tendi la main,
Si prist seignor Andrieu al frein
De Chaveingni, si l'enmena ;
Jusqu'a la port[e] l'amena 8664
Si que li chevals qui tost porte
Out la teste dedenz la porte.
Uns de la bretesche la sus
Jeta une grant piere jus, 8668
{313} S'asena mon seingnor Andrieu
El braz, trop li fist malveis gieu,
K'en deus meitiez li pec[e]ia.
& uns autres jus renveia 8672
Une p[i]ere grant & rubeste ;
Son chival feri en la teste.
Si hernua si ke li freins
Remist al Mar. es mains, 8676
E li chevals torna ariére ;
Si s'en parti en tel maniére
Misire Andr[i]eus tot quitement, [(f. 58)]
Mais molt fu bleciez durement. 8680
Li Mar. jete en la porte
Le frein, e un vaslet l'emporte,
E retorna a la meslée
Qui encor n'ert pas desmeslée, 8684
Quer nuls ne s'en voleit retraire.
Tant tendeit chascuns a bien faire.
En la meslée prist as mains
Deus autres dunt il mi[s]t les freins 8688
Près a près, mais si le joérent
Que par les freins li eschapérent
E partirent de la meslée,
Testemoingne Johan d'Erlée 8692
A cui, cuit, li frein baillié furent.
Quant cil le dient quis rechurent,
Come d'oie e de veüe,
Dunc deit la chose estre creüe. 8696
{314} Tel[e]s furent les mesestances
Que recrois o les fers de lances
Gesei[e]nt amont e aval
K[e] une asena le chival 8700
Al Mar. en tel maniére
Qu'il meheingna del pié desriére.
Li Mar. tendi la main,
Si prist tantost parmi le frein 8704
Un qui molt ert boens chevaliers
Des genz le conte de Peitiers,
Qui out non Heimeriz Odart,
Mais cil ne prist il pas en dart, 8708
Quer il l'en mena sor son peis ;
S'esteit il nez nez del Losduneis.
Bien le tint e tant le mena
Que en la porte l'amena. 8712
Lors li vint li reis a l'encontre
Tot desarmez ; kant il l'encontre :
« Mar., or n'en dotez mie,
« Vostre bone chevalerie 8716
« Nos porreit molt bien nuire encui. [(f. 58 b)]
« D'itant aperceü me sui
« Ke nule des nos autres portes
« Ne sunt si bones ne si fortes. 8720
« A itant vos poez aerdre
« Que nos i porrïons bien perdre.
— Sire, » fait sei li Mar.,
« S'is entroient ce serreit mal. 8724
{315} « Ice ne fait pas a teisir ;
« Mais or seit a vostre pleisir.
« Mais itant vos voil amenteivre :
« Faites cel chival[i]er receivre 8728
« Que ge ai pris, sil vos amein.
— Vos meïsmes pernez en main, »
Fait li reis, « de lui b[i]en garder,
« E si le feites desarmer. » 8732
Lors descendi li Mar.,
Que meshaingniez ert si[s] chevals ;
Si est montez sor le destrier
Qu'il out pris od le chivalier, 8736
E le chivalier, n'i out el,
En enveia a son ostel.
Puis ala avant o le rei
Qui, pa[r] outrage e par desrei, 8740
Fist alumer, por verité, [(12 juin)]
La vile defors la cité.
Quant li reis de France ce veit,
Qui uncor nul talent n'aveit 8744
De torner i, sanz plus atendre,
Fist tantost ses pavillons tendre
Outre Tewe, de l'autre part.
Ce li est bel ke la vile art. 8748
Li reis en veit en grant ennui
& li Mar. ovec lui
Amont e aval la cité,
Dont le jor fu desherité. 8752
{316} Une feme virent plaingnant
& angoissosement plorant
Qui fors de sa meison meteit [(f. 58 c)]
Le suen, quer alumée esteit. 8756
Li Mar. qui ert pitos
En fu dolenz & angoissos :
Si fist ses escuiers descendre
Pur lui aid[i]er, sanz plus atendre ; 8760
E il meïmes descendi
Qui molt volentiers entendi
A lui aid[i]er e a secorre.
Molt voluntiers voleit rescore 8764
Le mal ; tele esteit sa costume.
Lors prist une coute de plume
Qui par desoz ert alumée :
S'en issi si forte fumée 8768
Qu'i[l] li torna a si grant grief
Qu'oster li estut de sun chi[e]f
Son hielme, qu ans torse i esteit
La fumée qui li nuiseit. 8772
Quant li reis en la cité vint,
Tele aventure lui avint
Que li feus ovec lui entra
En la vile ; si aluma 8776
La vile en treis lieus ou en quatre,
Si k'onques nel porrent abatre,
Tu[i]t cil qui ovec lui i érent.
{317} Ainz laissiérent si s'en alérent. 8780
Li reis enveia en sa vile
Por le conte de Magnevile,
Si fu ou lui li Mar.
Qui toz dis fu fins e leals, 8784
E des autres barons asez
I out ovec lui amassez,
E pristrent conseil, ce me semble,
Hastif d'aler s'en tuit ansemble. 8788
lor herneis, ove le rei,
S'avoiérent vers Freesnei.
Issi comme il eissirent fors,
Li Mar. s'en issi lors 8792
De la vile toz desarmez, [(f. 58 d)]
Quer il n'esteit de r[i]en armez
Fors de son porpoint solement.
Eisi s'en issi senglement ; 8796
E kant cil de l'ost esgardérent
Que la gent le rei s'en alérent,
E que la cité deguerpirent,
Beal lor fu k'aler les en virent 8800
Sis sivirent a fine chact :
S'est qui fuie asez est qui chace.
E li quens de Peitiers monta
Sor son chival ; einz ne s'arma 8804
Fors d'un porpoint, sans plus de feste ;
Un chapel de fer en sa teste
Sis porsiwi isnelement,
{318} A els atainst, mais neporquant 8808
Autres i ateinstrent avant,
Quer Phelipes de Colombiers
S'avança devant toz premiers 8812
Qui de ses maisneenz esteit
& qui grant pris d'armes aveit.
S'ala un chevalier ferir
Sor son escu de grant air. 8816
Quant Will. vit le desrei,
Des Roches, qui ovec le rei
S'en alout, lors torna ariére :
D'une lance forte e entiére 8820
L'ala ferir en itel guise
Que dusque es poinz peceie e bruise.
Li k[u]ens de Peitiers vint atant
De grant air e[s]peronant, 8824
De celui des Roches escrie :
« Will., ge tienc a folie
« Vostre sejor e vostre ester,
« Quer ci vos fait mal arester. 8828
« Vos gastez le tens en alveire ;
c(Amender vos couvient vostre eire. »
Al Mar. ne fu pas gent [(f. 59)]
Quant il vit si venir lor gent : 8832
A lei d'ome averti e saive
{319} Prist tost sun escu e son gleive ;
Des esperons feri tot dreit
Al conte Richard ki veneit. 8836
E quant li quens le vit venir
Si s'escria par grant haïr :
« Por les gambes Dieu ! Mar.,
« Ne m'ocïez ; ce sereit mal. 8840
« Ge su[i] toz desarmez issi. »
E li Mar. respondi :
« Nenil ! diables vos ocie !
« Car jo ne vos ocirai mie. » 8844
Si feri sor son cheval lors
De sa lance parmi le cors,
Qu[e] il morut en es le pas ;
Unques avant n'ala un pas, 8848
Ainz morut e li quens chay.
Co fu beals cops ; bien enchaï
A cels qui devant s'en aloient,
Kar autre rescosse n'avoient 8852
Qu'il ne fus[s]ent ou mort ou pris,
Kar issi l'avoient enpris
Cil qui bien le peüssen[t] faire,
N'eüst esté iceste afaire. 8856
Li chevalier e li servent
A qui e[i]nz ainz vindrent avant,
Quant li quens Ric. sailli sus ;
Si lur a dit : « Ne tesez plus, 8860
« Quer ja averez tot perdu.
« Tuit estes fol e esperdu. »
{320} Dès qu'il l'out eisi prononcié
N'en ala plus avant un pié. 8864
En ceste chace m'ont apris
Que sire Phelipes fu pris
De Columbiers ; bien le vit l'on ;
Sil prist Baudevin de Vernon 8868
Qui esteit par devers le rei. [(f. 59 b)]
& si vos di bien [en] dreit mei
Que, pu[i]s ke Dex, par sa soufrance,
Se laissa ferir de la lance, 8872
Par un cop ne fu tel rescosse
De lance, e issi fu escosse
La gent qui ert tornée a perte
E a dolor e a poverte. 8876
Li reis s'en ala sanz dotance
A Fraisnei, e li reis de France
S'en entra el Mans, e si prist
La cité e la tor asist. 8880
Si[re] Will. de Silli
Prist dedenz, qui se defendi
Molt vigorossement e bien ;
Mais defense n'i valut rien, 8884
Ker a force fu dedenz pris ;
Mais molt i amenda son pris.
Li reis a Freesnei se jut
Cele nuit ; unques ne se mut. 8888
Mais ses genz qui esfraez furent
E angoissos, si con il durent,
{321} Si'n alérent a contenchon,
A qui e[i]nz einz, a Alençon. 8892
E li Mar. veirement
S'en ala par kemandement,
tote se conestablie,
Si com el li ert establie. 8896
Bien out o lui, si n'en dout nus,
. L. conpainnons ou plus.
Si trova qui se demoroient
& qui avant venir n'osoient, 8900
Illeoc, qui menzonge n'en di[e].
Le barnage de Normendi[e]
Qui s'en venoient dreit al rei ;
Mais la grant force e le desrei 8904
De l'est de France redotoent.
Si que avant venir n'osoent.
Li reis treske a Seinte Sussane [(f. 59 c)]
Ala gesir, mais molt l'ahane 8908
Sa mesestance & sa dolor
Qui li engreignout chascun jor.
D'iloec s'en ala a Chinon ;
Noveles li aporta l'on 8912
Que li reis de France ert a l'ors ;
S'out pris la cité e les tors.
Lors manda li reis par son brief
Al Mareschal, tot de richief, 8916
{322} K'a lui venist, nel la[i]ssast mie,
Lui e tote sa compaignie,
cels qui érent a sa baniére,
E l'autre gent laissast ariére. 8920
Issi fu com il out mandé,
Ke ja n'en fu contremendé.
Quant la vint, grant joie li firent.
Li reis e tuit cil qui le virent. 8924
Si'n fu la cort e la maisniée
Tote plus jo[i]use e plus l[i]ée.
Li reis dist : « Mar., chaeles !
« Avez oïes ces noveles 8928
« Que li reis de France est a l'ors ?
« S'a les fermetez e les tors
« Del chastel e de la cité.
— Oïl, sire, [c'] est verité, » 8932
Dist li Mar. « Sanz dotance,
« Mal vos fait li org[u]els de France. »
En ces entrefaites avint
Que uns mesag[i]ers al rei vint 8936
Del conte de Flandres certeins
E de l'ercevesque de Reins
E d'autres amis, sanz dotance,
K[e] il aveit al rei de France. 8940
Si mandérent privéement
Que li reis voleit parlement
{323} A lui aveir sanz nul delai,
Tot dreit entre l'ors & Azay. 8944
Si loérent k'il i venist [(f. 59 d)]
Que nule essoingne nel tenist.
Al Mar. conseil en prist.
Li Mar. loa e dist 8948
K'a ses barons se conseillast :
Sil lo[o]ent, k'il i alast ;
E il si fist : si li loérent
Tuit cil qui devers lui i érent. 8952
Il i vint, al jor kui fu mis.
Par le conseil de ses amis.
N'i out respit ne demorance ;
Ainz i vint ke li reis de France. 8956
Chiés les Templiers la descendi,
E le rei de France atendi.
Ici est dreiz ke l'em vos die :
La li prist si grant maladie 8960
Qu'il ne pout suffrir ne durer ;
Trop lu[i] fu forte a endurer.
Angoissos s'apu[i]a ariére
Li reis encontre une meisiére, 8964
Kar molt ert grevez de son mal.
Lors apela le Mareschal ;
Si dist : « i Mar., beal doz sire,
« Ma mesestance vos voil dire : 8968
« Uns si cruels mals m'a semons
« Qui primes m'a pris es talons ;
« Or m'a porpris trestoz les piez,
« Or se rest es jambes lanciez. 8972
{324} « Ore frient desriére & defors,
« Or m'a porpris trestut le cors.
« Ainz n'oi mès tel mal, que mei menbre ;
« Or n'ai ne cors ne cuer ne menbre… » 8976
Molt dolenz [fu] li Mar.
Quant il vit que tels ert sis mals,
K'angoissosement rogisseit
E après ce si nercis[s]eit. 8980
Al rei dist : « Sire, ge vos pri
« E requier la vostre merci
« Q'os vos reposez un petit. » [(f. 60)]
Lors le couchiérent en un lit. 8984