E durement se desreoent.
{269} Mais ne savons que il pensoent, 7448
Kar bien sévent faire le co[i]nte ;
E quant lor ouvre ne s'apointe
A lor talent, beal s'en conv[i]enent,
Kar bien e sagement s'en vien[en]t. 7452
Al rei Henri noveles vindrent
Que si faitement se contindrent,
E laciez hielmes e ventailles
E conreées lor batailles. 7456
Lor[s] fist li boens reis d'Engletere,
Qui bien sout deffendre sa terre,
Armer sa gent dedenz Gisorz ;
Puis s'en eissi a grant e[s]forz 7460
tot sa gent fors de la vile
Dunt il aveit plus de vint mile,
E fist la vile e le chastel
Garder si richement e bel 7464
Qu'il n'ourent garde de nului, [(f. 50)]
Ne que nuls i entrast fors lui.
D'une part de l'eve s'esturent
Il e sa gent, e Franceis furent 7468
De autre part de l'aive contr[e] eus,
Si qu'il n'out fors l'eve entre deus.
Quant les deus oz de près si virent,
Telz i out qui grant semblant firent 7472
De bien faire, se il p[e]ussent
E se le congié en eüssent.
Li reis de France tost kemande
{270} Seingnor Will. de Garlande 7476
E seingnor Droon de Merlou,
Qui ne parlout ne trop ne pou,
Que a la barbicane alassent,
A cels qu'i érent demandassent 7480
Congié d'aler parler al rei
« Qui a forfait e a desrei
« Ovre vers mei en plosors poinz ;
« Mais mar i fu li asnes poinz : 7484
« Se ge puis ge m'en vengerai !
« Ja einz a ese ne serrei.
« E si li feites bien saveir
c(Que ge voil la bataille aveir 7488
« Si comme ele fu porparlé[e],
« Kar mi baron la m'ont loée,
« E li dites en quel maniére ;
« Puis vos en revenez ariére. » 7492
Li chevalier lor veie tindrent ;
Jusqu'à la barbicane vindrent.
Cels qu'il trovérent firent sage
Qu'il veneient comme message 7496
Parler al rei ; si i alérent,
Parmi la vile trespassérent,
Le rei trouvérent en son ost.
Isnelement & bien & tost 7500
Li distrent trestut lor mesage
Com cil qui érent pros & sage.
« Sire, » funt il, « li reis vos mande, [(f. 50 b)]
{271} « Sanz delai e san[z] contremande, 7504
« Qu'il velt se[s] batailles aveir.
« Si vos volum faire save[i]r
« Qui li quatre chevalier sunt
« Qui vers les voz se combatrunt. 7508
« Par fei vos nomerom chascun :
« Li quens de Flandres si iert un,
« E si est li quens de Clermont
« Après lui esleü segont, 7512
« E de Droes li quens Robert ;
« D'ices [treis] poez estre cert.
« E por ce qu'il n'en i ait pou,
« Ge sui après, Drieu de Merlou. 7516
« Or renomerai les voz quatre
« Qui a [s] noz se deivent combatre :
« Dant Guill. le filz Raol
« Qui ja de pleindre n'iert saol, 7520
« E dan Will. de la Mare
« Qui eime mesl[é]e e emfaire ;
« Por les deniers qu'il en enborse
« En lu[i] avra bone resorse ; 7524
« E dan Ric. de Willequier
« Qui rechante entor l'eschequier ;
« & s'i ert dant Richart d'Argence,
« L Cil qui les paroles agence. » 7528
Quant li reis Henris entendi
Que le reis de France tendi
{272} A despire si son afaire,
Saciez que molt li pout despleire. 7532
E nequedent, comme home sages,
Respondi itant as messages :
« Seingnors, » fait il, « g'en parlerei
« A mes barons, e si'n ferai 7536
« Ce que mis consels m'en dirra ;
« Mais puet c'estre autrement ira. »
Puis apela de ses halz homes :
« Seingnors, » fait il, « nos qui ci somes 7540
« Avum oï e entendu [(f. 50 c)]
« Que li reis de France a tendu
« A despire mol[t] nostre afaire.
« Dites que m'en loez a faire ? » 7544
Contes & hauz barons i érent.
Mais unques un mot ne sonérent…
« E a nostre mal tot ensemble ;
ce Conseilliez mei que vos en semble. » 7548
Unques cil qui al conseil érent
Un trestot sol mot ne sonérent.
Que s'il fussent muet ou sort.
Ne puet estre qu'ai rei ne tort 7552
A maltalent e a grant ire ;
Par grant coroz enprist a dire :
« Por les oilz Dieu ! mais cel ne vi.
« Seingnors, que quesistes vos ci ? 7556
{273} « Vos qui estes mi conseillier
« Ne me volez rien conseiller ! »
Li Mar., tot demaneis
Vit que que corociez ert li reis 7560
E controblez en son corage ;
Si parla o li come sage :
« Sire, 9 fait il, « si vos pleüst
« Mon dit, e il ne despleüst 7564
« A ces halz homes, ge direie,
« S'il iert a mai, que g'en feraie. »
Li reis dist : « Mar., or dites ;
« Del mal gré en estes toz quites, 7568
« Qu'il ne s'en volent entremetre
« Ne lor peine gaster ne metre.
— Sire, gel dirrei volentiers,
« Kar bien vei qu'il en est mestiers, 7572
« Mais ce iert par l'amendement
« De vos e de vostre autre gent.
« Quant li reis velt itel bataille,
« Il n'est pas dreiz que l'om l'en faille ; 7576
« Mais trop vos en velt tenir cort. [(f. 50 d)]
« Faites dema[n]der en cui cort
« La bataille sera tenue
« E la dreiture ma[i]ntenue ; 7580
« Que s[i] ele esteit en la vostre
« E nos veïs[s]on que li nostre
« Eüssent grant mestier d'aie,
« Nos ne lor en faudrïum mie : 7584
{274} « En la sue tot autresi ;
« Kar li parent e li ami
« Qui sunt li halt home de France,
« S'il v[e]eient lor mesestance, 7588
« Lor ressereient en aïe :
c(E[s] vos la dreiture perie.
« Mais en la cort l'empereor
« Avrez vos chevaliers al jor, 7592
« Ou de Navare ou d'Arragon.
« Mais il n'a a feire d'el non
« Ne de vos chevaliers eslire ;
« Mais vos les eslirez, beal sire, 7596
« Esi com il a feit les suens.
« Ne deit del tot estre a ses buens.
« Li filz Rad. est proz & sages,
« Will., mais que sis aages 7600
« Est tot trespassé de bataille ;
« Gest li osterons de sa taille.
« Cil de La Mare est malengos,
« E cil de Willequier gotos. 7604
« Cil d'Argences a la quarteine ;
« Si n'en porreit suffrir la peine.
« Mès vos eslirez or les vos,
« Qu'il ne deit pas estre provoz 7608
« A eslire la nostre gent.
« Si eslirez premierement
« Le boen conte ou point n'a de gile,
« C'est Willeme de Mandevile, 7612
{275} « E mei après, se il vos plaist.
« Si ne lo pas que l'om i lest
« Seingnor Johan de Seeneis, [(f. 51)]
« Monseignor Osb. de Rovreis. 7616
— Mar., molt avez bien dit :
« Ja de ce ne serrez desdit, »
Fait li reis ; & li quens Ric.
De Peitiers s'estut d'autre part : 7620
« Sir[e] Mar., dist li quens,
« Quant esleü avez les boens
« E mei avez entrelaissié,
« Laidement m'avez enbaissié, 7624
« Kar l'en cuidout bien que ge ére
« De tote la terre mon pére
« Un[s] des meillors por lui defendre ;
« Mais ne li faites pas entendre. 7628
— A ! sire, » fait li Mareschals,
« Se Dex donst que ge seie sals,
« Unques por ce ne le laissai,
« Mais ge entent e vei e sai, 7632
« E treslu[i]t le seivent de veir,
« Que vos estes le plus dreit eir
« Que nostre sire li reis ait :
« Outrage serreit e fforfait 7636
« Qui vos metreit en tel bosuigne.
« Or vos en ai dite m'essoingne.
— Veirs est, Ric., » fait sei li reis.
« Certes, il a dit que corteis. 7640
{276} « Li quens W. qui est sages
« E vos porterez ces messages
« E conterez tot cest afaire,
« Kar bien e bel le savez faire, » 7644
E li Mar. li dist : « Sire,
« Se cist nos oseuent condu[i]re
« Sanz ennui e sanz malestance
« Qui sunt venuz del rei de France, 7648
« Nos irom le mesage dire
« Si que rien n'e[n] serra a dire. »
E cil otriérent por veir
Que salvement, a lor poe[i]r, 7652
Asemble o els les conduireient [(f. 51 b)]
E salvement s'en revindreient.
Isi la vile tre[s]passérent,
Jusqu'à la barbaquane alérent. 7656
Lor[s] dist sire Drieu de Merlou
Que iloc atendissent un pou
Tant qu'il [e] ûst al rei parlé,
Kar ne saveit la verité 7660
Si otrei[e]reit a nului
Que il venissent devant lui.
Ve[i]rs fu que jusqu'al rei alérent
E les messages li mostrérent, 7664
Qui il érent e qu'il quereient
E save[i]r mun s'a lui vendreient,
Quer voluntiers a lu[i] parlassent
E lor messages li mostras[s]ent. 7668
Il dist que ja n'i parlereient
{277} Ne ja devant lui ne vindreient ;
Puis ad dit al conte Tiebaut
Que de si qu'a els parler alt, 7672
E cil de Dreues altresi,
E li quens de Flandres o lui ;
E qu'il oïssent que il quistrent.
E cil alérent ; si lor distrent 7676
Que li reis nes voleit v[e]eir,
Mais il érent venu saveir
Quel [s] messages il aporteient,
E al rei les reconterei[e]nt. 7680
Li Mar. respondi : « Sire,
« Nos n'avons pas a vos a dire
« Nos segrez ne nostre mesage :
« N'en serïum tenu por sage ; 7684
« N'a vos ne somes [a] torné,
« Mais al rei en sumes torné. »
De Manevile dist li quens
W., qui fu proz e boens : 7688
« Mar., tot seürement
« Lor dites e tot purement
« La verité qui enchargi[é]e [(f. 51 c)]
« Nos fu, que rien n'en seit targi[é]e. 7692
Li Mar. enprist a dire
Esi comme li reis lor sire
Lor out enchargié son message,
Sanz vileinie e sanz outrage, 7696
Conques n'en i out trespassé
{278} De si com il fu compassé
& com vos oïstes devant ;
Mais tote veie vos di tant 7700
Qu'en dist que d'ennui croist son conte
Qui deus feis une chose conte.
Quant li quens de Flandres l'oi
En sorrïant s'en esjoï, 7704
E respondi a ces paroles
Itels qui ne furent pas foies :
« Par le bouque Deu ! Mar.,
« Ne m'en troverez en Testai 7708
« Que comme fols sor vos m'e[m]bate
« Ne que ja a vos me combate
« Por parole que l'em m'en die,
« Kar campïon ne sui ge mie. » 7712
Lors li dist li Mar. : « Sire,
« Ge voil oïr que voldra dire
« Li reis de ce que nos queromes,
« E qu'a nostre seingnor diromes. » 7716
Ilors s'en tornérent li conte,
Al rei recontérent cest conte ;
E li reis qui fu angoissos
E maltalentos e iros 7720
Le braz seint Jake en a juré :
« Trop a cist afaire duré,
« E trop me coste e trop me griéve
« Que m'ovre autrement ne s'achiéve ! » 7724
{279} E li quens e li Mar.
Revindrent ariére boens dans
Al rei Henri ; si li contérent
L'afaire esi con le trouvérent. 7728
E li reis de France par ire [(f. 51 d)]
A ses genz a enpris a dire
Ke a la barbaquane alassent,
E cels defors dedenz botassent 7732
Qui par orgoil érent defors,
E qu'il les grevassent des cors.
Lors s'aperchut li quens Roberz,
Qui molt fu saives e esperz, 7736
Que corociez esteit li reis.
Lor[s] poinst e il e li Franceis,
E mist soz Taisele la lance,
E mist tot son cors en balance ; 7740
S'ala ferir e[n] mi le tas.
Mais cil ne l'eschivérent pas
Qui a la barbaquane esturent,
Quer boen servant e hardi furent : 7744
As fers des glaives les rechurent.
Si que cil qui vers els s'esmurent
Folement sor els s'enbatirent ;
De lor chevals molt i perdirent. 7748
Molt i out riche poinneïz
E grant fu li paleteïz.
Sire W., tot de plein,
Des Barres i fu pris al frein 7752
{280} E fu tenuz molt longement,
Mais puis fu rescos de sa gent.
E bien saciez que de ribauz
Qui al venir se firent baus 7756
I remest des broilliez asez
E de bleciez e de quassez.
E par deus feis isi i vindrent ;
Mais li nostre si se contindrent 7760
Que si trés bien se deffendirent
Conques rien de[l] lor n'i perdirent.
Li reis de France o tot sa gent
S'en parti molt ir[i]éement. 7764
Defors la vile out un ormel
Roont e verdeiant e bel
E delitos en esté tens ; [(f. 52)]
E cil qui furent fors del sens 7768
Piece a piece le decoupérent ;
Lor proeces i demostrérent.
Quant li reis de France le sout,
Molt li peisa, molt li desplout ; 7772
E dist par ire e en oiance
Que a la corone de France
N'ert mais si grant hunte avenue,
Qu'il n'out r[i]ens fait en sa venue 7776
Fors de cel arbre decouper.
« Vinc ge donc ça por buscheer ? »
{281} Li reis de France s'en parti,
En France ala, si departi 7780
S'ost qu'il aveit e grant e bele.
Al Mar. vint la novêle ;
Tantost ala parler al rei,
E dist : « Sire, atendez a mei ; 7784
« Li reis a ses oz departies,
« Alez sunt en plusors parties ;
« E ge vos lo que vostre gent
« Departeiz, mais pri[vé]ement 7788
« Lor dites que a nos reviengent,
« E que nule essoingne ni tiengent,
« A un jor que vos lor metrez.
« Une chevalchi[é]e ferez 7792
« En la terre le rei de France.
« Si seit faite par tel puissance
« E par sens e par vasselage,
« Que il i ait greingnor damage 7796
« Que nos n'avons de notre ormel.
« Si sera mielz fait e plus bel.
— Par les ielz Dieu ! » ce dist li reis,
« Mar., molt estes corteis 7800
« E molt m'avez conseillié bien.
« Issi ert ; ja n'em faudra rien. »
Li reis Henris isi le fist ; ;
A ses genz kemanda e dist 7804
Que a Paci a lui venissent, [(f. 52 b)]
E nule essoingne n'i tenissent,
{282} Al jor que il lor nomereit,
Mais ne dit pas qu'il en fereit. 7808
A un mot deit estre asomé :
Al jor vindrent qui fu nomé
A Pacy, & d'iloc s'esmut
Li reis Henriz ; e quant il mut 7812
lui out grand chevalerie
E boens servanz e gent hardie.
Maint en out, ço oï retraire,
Entalenté [de] grant mal faire ; 7816
E il en firent bien semblant,
Kar il n'a[r]strent mie en emblant
Tot le païs dusqu'a Maante,
Kar li reis le velt e graante. 7820
A Maante ert li reis de France
Qui out duel e ire e pesance
Quant il vit sa terre destruire.
Nule rien ne li pout tant nuire. 7824
Mais o sei aveit poi de gent.
Eissirent s'en, mais nequedent
Boen[e]s asemblées i out :
Chascun le fist al mielz qu'il pout ; 7828
S'i out de pris e d'abatuz
E de laidiz et de batuz ;
Mais ne voil or faire vantance
Qui sunt li chevaliers de France 7832
Qui fu[rent] abatuz e pris :
De cui que seit i out mespris.
E li reis chevacha aval
{283} Henris par devant Brechierval ; 7836
Ars[t] e destrui[s]t quant qu'il ateinst.
Si k'onques de rien ne s'en feinst.
Icel jor le firent issi,
Puis ala gesir a Yvri. 7840
Eschek orent fait bel e gent.
L'endemain parla o sa gent
E a son filz qui mol[t] fu fiers, [(f. 52 c)]
Ricart le conte de Peitiers : 7844
« Ricar, » dist il, « tant vos di gié
« Ke nos avons mol[t] bien vengié
« Nostre ormel qu'il nos abatirent.
« Mi[e]lz l'avorn fait que il ne firent. » 7848
Li quens dit : « Sire, molt m'en heit.
— Par Dieu, beal filz, ç'ai ge tot fait
« Par le conseil al Mar.
« Que j'ai trové boen & leial, » 7852
Lors li dist li quens de Peitiers,
A son pére : « Beal sire chiers,
« S'il vos plaist ce que ge vus di,
« Ge lo qu'os remanez eci, 7856
« E ge m'en irrai vers Peit[i]ers,
« Quer ge voldreie volentiers
« Vers le Chastel Rad. mei traire,
« Kar ge cuit el païs tant faire 7860
« Que li reis de France por veir
« Me sivra a tot son poeir ;
« Si le ferai a mei atendre,
« E vos porrez i mielz contendre 7864
{284} « E guerrei[e]r le par de ça.
— Vos dites veir ; isi irra, »
Fait li reis, « cist consels est boens. »
A itant s'en parti li quens. 7868
Issi le firent par acort.
Ou fust a dreit ou fust a tort,
Ou par orgoil ou sanz raison,
S[i] guerreiérent la saison 7872
Durement dusqu'a vers l'iver
Que la freidure chiet de l'er,
Que li Franceis héent molt guerre.
Lors ala li reis d'Engletere 7876
Por sei sejorner a Chynon
Qui de quei uncore a son non.
Lors li prist une maladie ;
Ge ne sais que plus vos [en] die, 7880
Mais dehait[i]ez fu longement. [(f. 52 d)]
Puis apela [il] de sa gent
A lui, sun mestre seneschal
E W. le Mareschal. 7884
Si lor dit : « Pernez de ma gent ;
« Si chivalchiez astivement
« Dreitement envers Monmyrail,
« Qu'icele gent nos funt trava[i]l, 7888
« E nos lor dev[rï]um bien nuire.
« Or vos pri d'ardeir e destru[i]re
« Tot le païs sanz nule espargne,
« Quer qui ma[l]veise gent esparg[n]e 7892
« Il n'en puet a nul boen chi[e]f traire ;
{285} « Por ce lor deit l'om bien mal faire.
« E si vos lo molt a entendre,
« Ses poez en la vile prendre, 7896
« S'os la pernez, n'en dotez raie,
« Faite avrez grant chevalerie ;
« E se vos la pernez, sanz dote,
« Si Tardez e destruez tote. » 7900
A tant s'en part li Mar.
E ove lui li seneschal ;
Tot dreit vers Monmiral s'aveient
E ardent e robent e preient, 7904
E vindrent la sanz nul sejor
En une nuit e en un jor,
E corurent parmi la terre
E arstrent & pristrent de guerre 7908
Tot quant que il pourent ateindre,
Si qu'a els ne pout riens remeindre,
Tant que il vindrent a la vile.
Si'n descendi près de deu mile 7912
Que chevalier, que boen servant ;
Si asistrent la vile atant.
Dedenz out chevaliers granment
Qui defendirent durement. 7916
Cil dedenz nes pourent atendre
{286} Ne ne s'en pourent pas deffendre
Que cil en la vile n'entrassent [(f. 53)]
E que laidement nes grevassent. 7920
E il se traistrent [lors] ariére
Vers lor chastel, en tel maniére
Qu'il montérent en lor chevals.
Comme proz & comme vassals 7924
Lor corurent ferement sore,
Sis mistrent fors en molt [poi] d'ore,
E s'i ont deus chevaliers pris
Qui lor fu torné a grant pris. 7928
E uns chevaliers contreval
Corut envers la porte aval,
Si a la porte desfermée ;
Lors s'en issirent a meslé[e]. 7932
Un des nos a cheval l'encontre ;
Si out iloc molt riche [en] contre.
Li nostre qui a cheval furent
Cheval [i] er encontre corurent : 7936
S[i] i out molt bele asemblée
E[n] mi la rue e grant meslé[e].
Ja érent li nostre plus fort,
Quant sire Ric. de Clifort 7940
Vint al Mareschal e di[s]t li :
« Beal sire, que faites vos ci ?
« Trop a lai[e]nz bone assemblée ;
« Ne vos deüst pas estre emblée, 7944
« Quer les meslé[e]s sunt tenues
{287} « A grant effort parmi les rues. »
E il dist : c Mun escu m'aporte. i »
E Johan d'Erlée li porte 7948
Isnelement & volentiers
Qui lors esteit sis escuiers ;
E il feri des esperons,
Quer de bien faire l'out semons 7952
Sis cuers ou il n'out point de gile.
Maintenant entra en la vile.
Quant il vint s'en furent parti
Li lor ; quant furent departi 7956
Dedenz lor chastel s'en entrérent, [(f. 53 b)]
A pié sor le pont s'arestérent :
Dis chevaliers des lor de front
Esteient a pié sor le pont 7960
Qui ert roiste amont e aval ;
E uns chevaliers a cheval
Esteit o les dis a defense.
Li Mar. gaires ne pense, 7964
Einz fiert des esperuns amont
Contre la grant rador del pont
Dont li fossez esteit parfonz,
Qu'il aveit de si que al fonz 7968
Grant peril : s'érent le [s] faleises
Entailliées plus de dis teises ;
Soz ciel n'a rien, si en chaïst,
Qui jamais autre feiz chaïst ; 7972
Mais unques ne s'i regarda
{288} Li Mar. ni n'i garda,
N'onques a ce ne volt entendre :
Tant come cheval li pout rendre 7976
Feri des esperons amont ;
E cil qui érent sor le pont
Li firent un felun encontre :
Les glaives tendirent encontre 7980
E ferirent tot a estal
En la peitrine del chival,
Si comme Dex per sa vertu
Le fist, qui bien l'out porveü, 7984
Que les piez del chival tornérent
Desriére cels que devant érent,
Que contreval le pont s'en vint
Si que riens ne li mesavint. 7988
E quant cil de la rue virent
S'aventure, grant joie en firent,
Kar s'il fust trestorné deu deie
De ça ne de la de sa veie, 7992
El fossé fust, desoz le pont,
Chaeiz dis teises en perfont
Entaillié en la roche bise. [(f. 53 c)]
Molt le blamérent de s'emprise. 7996
Sire Hug. [i vint] de Herdeincort
E Baudevins [tost] a lui cort
De Betune, qui molt l'amoient
E grant poür eü aveient 8000
De l'emprise qu'il aveit faite,
{289} Qu'el ne fust malement deffeite ;
Si l'en repristrent e blasmérent ;
E nequedent si demandérent 8004
Por quei il aveit isi fait,
& le tindrent a grant sorfait.
E il lor dit : « Ne savez mie
G Por quei ge fis ceste envaïe ? 8008
« Uns chevaliers ert a chival
« Entre els ; nel tenez mie a mal ;
« E se par le frein le tenisse
« Ove mei venir l'en feisse 8012
« Mal gré suen, qu'ai pont avaler
« Ne peüst il ariére aler. »
Bauduï[ns] de Betune dist :
« Seingnors, si m'aït Jesu Crist, 8016
« Ge cuit en mon corage e sai
« Que danz Estienez de Marchai,
« Cil qui est senescal d'Anjou,
« Ne corust mie por si pou, 8020
« Ne ja vos estreinsist si cort.
— Non, » fist Hue de Ha[r]deincort ;
« Qui li donast Angieus en fieu,
« Ne se meist il en tel lieu. » 8024
Plusors dusque el chief del pont vindrent,
Mais cil le pont lor contre [t]indrent.
S[i] i out des noz de nafrez,
Chevaliers e chivals asez, 8028
{290} Mais, merci Deu, al Mar.
N'i avint ne enui ne mal.
Ne destorbement, neïs un.
La nuit jurent a Chasteldun. 8032
Johan d'Erlée le chival [(f. 53 d)]
Gardout idonc al Mar. ;
Sil descouvri, vit les pointures
Des gleives e les bleceüres. 8036
A son seingnor le Mar.
Dist : « Navrez est vostre cheval. »
Cil vint avant ; [lors] si trouvérent
. vij. plaies qui el cheval érent 8040
Des gleives o pointe acerine :
Espaules, e col e peitrine
Out plaiés, mais ne l'en fu rien,
Kar il vit qu'il garreit molt bien. 8044
Icele gent al rei s'en vint ;
Li reis a bien paiez s'en tint
De la chiva[l]chiée e del fait,
E dist que bien ravei[e]nt fait. 8048
Ne ge ne pu[i]s pas aconter,
Quer [a] annui porreit monter,
Tuz les feiz dunt il s'entremistrent,
Mais ve[i]rs fu qu'une trieve pristrent 8052
Qui trestut l'iver lor dura.
Molt grant peines i endura
Li Mar. en la pais metre,
Mais unques, por bien entremetre, 8056
Il e cil qui s'en entremistrent
{291} Ne pais ne concorde n'i mistrent,
Quer tele fu la mesestance
Entre nos e la gent de France, 8060
E si grant furent li mesfait
Que orguelz, envie e sorfait,
Qui toz dis norrissent discorde,
N'i voldrent acoillir concorde. 8064
En cel iver, ce m'est a vis,
Fu malades li reis Henris ;
Al Mans sujorna longement,
Tant qu'il pristrent un parlement 8068
A cluse pasque, le mardi, [(18 avril 1189)]
Entre Molins e Soleingni.
Entretant ouvra couvetise [(f. 54)]
Qui toz autres vices atise. 8072
Qui tant [par] est oscure e orbe
Que les suens eschine e essorbe
E lor tout onor e saveir,
Por ce que volent tot aveir. 8076
Ne nule enor n'eime ne prise,
Fist feire une vileine enprise
Par son conseil al rei de France,
Qui puis torna a mesestance 8080
A trestoz les heirs d'Engletere,
Que par ice lor toli terre.
Or descover[r]ai la parole
{292} Por quei si feitement parole 8084
Cist livres, de la mesprison
ramée de traïson
E o trés malveise couv[é]e ;
Si'n descouver [r] ai la buée. 8088
Li reis de France fist save[i]r
Al conte de Peit[i]er[s] por veir,
S'il deveneit son bon ami
E il se tornout devers lui, 8092
Que il li dorreit en demeine
Torroigne e Anjou e le Meine,
E que bien l'en fereit seür.
Cil l'en crut a son meseür : 8096
Privéement dusqu'a lui vint
E de ce son home devint.
Mais unques ne li tint couvent,
E eissi servi il souvent 8100
Toz les fréres de chief en chief :
A toz lor fist prendre malchief.
Mais il n'est or tens ne saisons
De reconter les acheisons 8104
Comment il servi de chascun.
Mais bien sai que par un e un
Enginnié e deceü furent,
Tant que par son engin morurent 8108
Trestuit li trei fil e li péres, [(f. 54 b)]
E après ce li quarz des fréres.
{293} Mais por ce ne fait ci a dire
Qui ot avant en la matire, 8112
De chascun par sei, point e point,
Si que ja ne faudra [de] point.
Mais ci après outréement
M'estuet parler del parlement 8116
D'entre Soleingni e Molins,
A meïsme de Bo[n]smolins.
Al terme qui fu mis, i vint
Li reis de France e se contint 8120
Molt richement com il dut faire,
Kar bien aveit fait son afaire.
Après vint li reis d'Engletere
les halz homes de sa terre 8124
E o cels qui o lui se tindrent.
Tantost comme en la place vindrent,
Li reis vit venir, sanz dotance,
Son filz ove le rei de France. 8128
Lors sout bien qu'il esteit traïz.
Iriez en fu e esbaïz,
E nequedent semblant n'en fist,
Mais a son filz le conte dist, 8132
Toz maltalentis & iros :
« Ric., » fait il, « dunt venez vos ? »
E il li respondi : « Beal sire,
« Ce vos voil ge volentiers dire, 8136
{294} « Volentiers, sanz plus e sanz mains,
« Le rei de France je rateins.
« Let me fui, dès que ge le vi,
« Que ge m'e[s]chivasse de lui, 8140
« Quant ge estoie de lui si près.
« Por la concorde e por la pès
« Sui venus o lui ju[s]que ci.
— Bien [est], Ric., s'il est issi, » 8144
Fait li péres, « mais nel crei mie.
« Gardez n'i ait autre wandie. »