Cele part, eisi li avint
Qu'i[l] li prist talent de dormir.
Par force l'estut endormir. 6680
Eüstace remest o lui
De Bertrimont, sanz plus nului ;
E cil qui al dormir s'aveie
Descendi dejuste la veie 6684
E coucha dormir en la place,
E sis escuiers Eüstace
Abati des chivals les freins,
Sis la[i]ssa peistre par les pleins. 6688
Si com li Maresch. dormeit,
E[s] vos uns hom qui beals esteit
E granz, e une femme bele,
Ne sai s'ert dame ou damisele, 6692
Sor deus palefreis beals e granz.
Gras e refèz e bien amblanz.
Si ambloent granz ambleüres
E aveient granz trosseüres : 6696
{242} Deus chapes de brun afublées
De Flandres, molt bien ascesmées.
Quant il vindrent iloc endreit
Ou li Maresch. se dormeit, 6700
Si dist la feme o voiz molt basse :
« Ahi Dex ! comme ge sui lasse ! »
Eüstace la tresoï [(f. 45)]
E li Maresch. bien l'oï 6704
E s'esveilla, e demanda :
« Eüstace ! qu'oï ge la ? »
Cil respont : « Sire, c'est la some,
« Ge vei une feme e un home 6708
« Qui par ici devant trespasse.
« La feme dist qu'ele est molt lasse,
« Mais toz dis vont granz ambleüres
« E unt molt riches trosseüres. » 6712
Dist li Maresch. : « Met mun frain,
« Quer ge voil save[i]r tot de plein
« Dunt il vienent & ou il vunt,
« E lor afaire e quel il sunt. » 6716
Tantost monta a l'eins que il pout,
Mais, de la haste que il out,
De s'e[s]pée ne li sovint ;
E poinst tant que tresque a els vint. 6720
L'ome parmi la manche prist
De sa chape, [puis] si li dist :
« Beal sire, or me dites le veir,
« Qui estes vos ? gel voil save[i]r. » 6724
E cil, cui torna a ennui,
{243} Li respondi : « Sire, uns hom sui.
— Ce vei ge mut bien, par ma teste,
« Que vos n'estes mie une beste ! » 6728
Cil hurta del cote sa chape,
Si que al Maresch. eschape.
Quant la chape fu eschapé[e],
E cil met la main a l'espée. — 6732
Li Mareschal li dist itant :
« Alez vos meslé[e] querant ?
« Vos l'alez querant, vos l'avrez,
« Si que asez tost le savrez. » 6736
A Eüstace dist sanz faille :
« Ça ! baille m'espée, ça ! baille, »
Cil s'esbahi e traist en sus,
Sa chape laissa coler jus 6740
Si que l'espée fu couverte [(f. 45 b)]
Que por traire aveit descouverte.
Li Maresch. fiert d'e[s]peron,
Sil saisist par le chaperon ; 6744
Par si grant aïr le sacha,
Qu'uns de ses deiz li ahocha
A sa coife, e ele dessire ;
Esi endreit n'a plus que dire 6748
Fors que ce fu le plus bel moingne
Que l'en trovast dusque [a] Coloingne :
Quant out la teste descouverte,
Lors n'i out [point] de la couverte. 6752
Lors dist li Mareschal itant :
{244} « Ha ! vos aloie ge querant !
« Qui estes vos ? dites le mei,
« E ceste feme que je vei ? » 6756
Cil out peor & fu huntus,
E entrepris e angoissos,
Si dist : « Sire, por Deu, merci !
« Ci sumes en vostre merci. 6760
« Uns moines sui, bien le veez.
— Or dites comme vos alez ;
« Dites le mei, nel celez mie.
— Sire, ceste feme est m'amie 6764
« Que g'ai de son païs emblée ;
« S'alons en estrange contrée. »
Puis redist a la damisele
Li Maresch. : « Dites mei, bele, 6768
« Qui vos estes e de quel gent ? »
E çele molt hontosement,
En plorant por son grant ennui,
Li dist : « Sire, de Flandres sui, 6772
« Suer monseingnor Rad. de Lens.
— Bele, vos n'esrez pas par sens, »
Dist li Mareschal, « bien le vei ;
« Mais, ge vos lo en bone fei, 6776
« Laissiez ceste folie ester,
« E ge vos ferai racorder
« A vostre frére, sanz dotance, [(f. 45 c)]
« Quer g'ai a lui grant kenoissance. » 6780
Cele a cui la honte de[s]pleist
Respondi : « Sire, si Deu plaist,
{245} « Ja mès jor ne serra [i] veiie
« En tere ou seie keneüe. » 6784
Al moine dist li Mareschals :
« Dites mei, si vos seiez sals,
« Quant vos alez en itel veie,
« Avez vos deniers ne moneie 6788
« De que vos vos puissez garrir
« Ne vostre vie sustenir ? »
Cil leva la chape par l'orle,
Si a desceint un molt gros gorle : 6792
« Certes ! » fait i[l], « beau sire chiers,
« Veez ici toz nos deniers :
« Quarante &. viii. livres i a. »
& li Mareschal dit li a : 6796
« Que en ferez vos, beals amis,
« [E] comment avez vos pramis
« A vos vivre de ces deniers ?
— Ce vos dirrai ge volentiers. 6800
« Ge nes meïsse pas a change,
« Mais en aucune vile estrange
« A gaaingnier les baillisson,
« E del gaaing nos vesquisson. » 6804
Dist li Mareschal[s] : « A usure !
« Par le gleive Dieu ! ge n'ai cure.
« Ce n'ert ja fait, ja Deu ne place !
« Pernez les diniers, Eüstace ! 6808
« Quant vos ne volez retorner
« Ne a nul bien vos atorner,
{246} « E voz malveistez vos esduent,
« Alez ! diable vos conduent ! » 6812
Li Maresch. vient a l'ostel,
E kemande que ne seit tel
Eüstace que il descuevre
A nul home rien de cest' ovre. 6816
Ne sai que vos en deïsse el ; [(f. 45 d)]
Li Mareschals vint a l'ostel,
E trova seingnor Bauduïn
Qui li esteit plus que veisin, 6820
E Hug. de Hameleincort.
Chascuns encontre lui acort ;
Joie li funt, e si s'escrient
Andui asemble & si dient : 6824
« Mar., vostre demorer
« Nos a hui fait trop jeüner.
— Seingnors, » fait il, « ne vos en chaut !
« J'ai gaaingnié qui plus nos vaut, 6828
« Ou vos partirez volentiers.
« Ça Eüstace, ces deniers ! »
Cil qui volentiers le volt faire
Lor a jetez enz en mi Taire. 6832
« Li Mareschals dist comme sages :
« Tenez a aquiter vos gaiges. »
Il conmencent a entercier :
« Mar., dunt sunt cist denier ? » 6836
Il respondi : « Soufrez vos ore,
« Nel savrez pas par mei unquore. »
A joie mang[i]érent e burent,
{247} E quant del mengier levé furent 6840
Tuit li denier furent conté,
Quer il cuidout que mesconté
Eüst cil qui li out prestez.
Quant li contes fu arestez, 6844
Quarant'&. viij. livres trouvérent
De boens deniers, quer il i érent.
Lors dist : « Or puis ge bien saveir
« Que li presterres me dist veir. » 6848
Lor[s] lor [en] coumence le conte
De ch[i]ef en chief, e si lor conte
Tote la verité entiére,
Si com avez oï a tiére. 6852
Quant mis sire Hug. Toi,
Sachiez point ne s'en [es] joi,
Ainz, « Par la boche Deu vos di, [(f. 46)]
« Trop lor avez fait grant bonté, 6856
« Qu'os laissastes aler sevials
« Les palefreis o les trosseals.
« Ça ! mon cheval, quer, par ma fei,
« Ge voil qu'il parolent a mei. » 6860
E dist li Mareschal : « Beal sire,
« Por Deu, refrenez or ceste ire,
« Quer ja par mei plus n'en osrez
« Ne ja plus rien del lor n'avrez. » 6864
Lor dreites jornées tant tindrent
Que a la cort lor seignor vindrent.
Molt furent enoré del rei
E de toz celz qu'il out o sei. 6868
{248} Mais Fortune qui tost se change
E tost est devenue estrange
Fu vers els mol[t] tost estrangiée
E en petit d'ore changi[é]e. 6872
Trop leidement les estranga,
Quer chevalerie changa
En lonc sejor e en peresce ;
En orfenté chaï largesce 6876
E toz li mondes ahorbi
De ce que Fortune asorbi.
N'i a mot ; dire estuet de quei :
Ce fu la mort del giemble rei 6880
Qui lors chaï en maladie.
Ci endreit couv[i]ent que je die
Sa dolor e sa mesestance,
E de sa bone repentance 6884
Qu'il out einz le point de la mor[t] ;
Mais Fortune qui trop s'amort
As bue[n]s trebucie[r] e abatre
Se volt toz jors sor lui enbatre ; 6888
Si trebucha a la reonde
En ire la joie de[l] monde.
E quant vint a son testement
Qu'i[l] fist bien & menbr[é]ement, 6892
Si dit : « Mareschals, Mareschals, [(f. 46 b)]
{249} « Toz diz m'avez esté leals,
« E enterins en bone fei ;
« Ma croiz vos devis, que por mei 6896
« A Sepulcre la porterez
« E a Deu m'en aquiterez. »
E li Mar. respondi :
« Sire, la vostre grant merci : 6900
« Quant isi l'avez porveü
« Qu'a ice m'avez esleü,
« Certes, gel ferai voluntiers,
« Quer cil n'est pas amis entiers 6904
« Qui a grant besoing faut d'aïe.
« Mais trop vos fait grant envaïe
« La mort felonesse e engresse
« Qui encor vivre ne vos lesse. » 6908
E [il] dist : € Mar., beal mestre,
« Quant Dex le velt, ne puet autre estre.
« Morir m'estuet, ce m'est a vis. »
A cel mot li pali le vis 6912
E sa fre[s]che color novele
Qui tant esteit plaisant e bele
Devint neire e persie e pale ;
E li d[u]els coumence en la sale 6916
Si granz que greindre ne puet estre,
Quer unques Diex ne laissa nestre
Chevalier tant feïst a pleindre,
Qui par plorer peüs[t] ateindre 6920
{250} A recouvrer ; mais rien ne valt,
Quer la mort est l'arc qui ne falt.
Cruel est e pleine d'ou[t]rage,
Quer ne li chaut de nul damage 6924
Qui remaingne après lui el monde ;
Trop nos fait mal ; Dex la confunde !
Grant fu la pleinte e la dolor
Entor le giemble rei le jor. 6928
Lor poinz detordent e si crient
E blastengent la mort, e dient :
« Ha ! mort chaitive, chose glote [(f. 46 c)]
« Que faiz tu ? Dunt ne veiz tu gute ? 6932
« Certes, nenil, ci n'a que dire,
« Quant ci velz sanz raison ocire
« Le meillor home e le plus bel
« Qui nasquist pu[i]s le tens Abel. 6936
« C'est mult granz d[u]elz e granz pechiez,
« Quer il esteit si entechiez
« De largesse e de toz les biens
« Qu'en lui ne faillit nule riens. 6940
« Ha ! Dex, que fera or Largesse
« E chivalerie e proesce
« Qui dedenz lui soleien[t] meindre ?
« Or n'avront il mais ou remaindre. 6944
« C'ert lor chastel, c'ert lor ostel,
« James ne troveront nul tel. »
Entre els esteit la plainte itele,
Mais mort felonesse e cruele 6948
{251} Ne prise point rien ke il dient,
Ne ne li chaut qu'il li mesdient,
Einz asaut le rei e angoisse
Si k'el li fait si grant angoisse 6952
K'il estut, sanz plus e sanz mains,
Qu'il se pasmast entre lor mains,
Si qu'il le cuid[ié]rent [j] a mort.
Mais ge vus di bien que la mort 6956
Cruele e malveise e despite
Nel clama pas por itant quite.
Quant de pasmeison vint li reis
Qui tant esteit sa[i]ve e corteis, 6960
Un pleint jeta por sa dolor.
Li baron qui érent entor,
Dolent e marri e plein d'ire,
Distrent : « Parlez a nos, beal sire, 6964
« Por Deu s'os en avés poeir. i
E il lur dist : « Voluntiers veir,
« Mas nel pu[i]s faire longement.
« Or vos pri de mon testement 6968
« E de mon devis & de m'aime. [(f. 46 d)]
« A l'iglise [de] Nostre Dame,
« A Roëm, porterez mun cors
« Quant l'ame en iert issue fors. 6972
« E unquor vos requ[i]er e pri
« Qu'a mon pére criez merci,
« Que son maltalent me pardoinst
« : E sa ben[e]ïçon me doinst. » 6976
{252} Pu[i]s dist : « A Deu [le] glorius
« Vos commant ; ne puis plus a vos
« Parler, ker la mort me detaste
« Qui si trés cruelment me haste 6980
« Que ne sent cuer ne cors ne membre ;
« Mais, por Deu, de mei vos remenbre. »
Itant dist, e l'ame s'en part ;
Or le prenge Diex a sa part ! 6984
A Martel morut, ce me semble, [(H juin)]
Cil qui ont dedenz sei enssemble
Tote corteis[i]e et proece,
Debonaireté e largesce. 6988
E li baron qui od lui érent
Dusque [a] son pére le portérent ;
E se li péres fu pleins d'ire
N'est merveille, ce n'est que dire : 6992
C'est dreiz, quer cuers ne puet mentir ;
Nature ne[l] velt consentir ;
Autrement en fust il blasmez.
E quant li cors fu enbasmez 6996
E ennoi[n]z e ensepeliz,
granz pleintes e o granz cris
Fu ors del chastel conveiez.
Molt s'en tindrent [a] desr[e]iez, 7000
E molt furent desconforté
Cil qui od lui [o]urent esté.
Mais il avint endementiers
Que Seinces, uns riches rotiers 7004
{253} Cui li reis deveit grant aveir,
Vit qu'il nel porreit pas aveir
Se par aucum barat n'esteit ; [(f. 47)]
Lors se porpensa molt estreit 7008
E sout bien que li reis amout
Le Mar. e s'i fïout
Plus qu'il ne faiseit en nului.
Lor[s] f[i]ert des esperons vers lui ; 7012
Si l'ala prendre par le frein :
« Ge vos ai pris, si vos enmain,
« Maresch., venez en o raei. »
E il li demanda por quei. 7016
« Por quei ? Bien le poez save[i]r :
« Ge voil qu'os me rendez l'aveir
« Que vostre seingnor me deveit. »
Li Mar. seit bien e voit 7020
Que vers lui n'avreit [mestier] force,
Por ce naient ne s'i deforce.
Seinces dist : « Ge ne voil pas perdre ;
« Por ce m'en voil a vos aerdre ; 7024
« Mais or m'est venu en corage
« Que tant vos ferai d'avantage
« Que por cent mars en serrez quites.
— Si[re], qu'est ice ke vos dites ? 7028
« Trop me sereit cist gieus amers.
« Ge sui un povres bachelers
« Qui n'ai uncor reie de terre.
{254} « Certes, ge nes savreie ou querre ; 7032
« Mais savez que ge vos ferai ?
« Lealment vos fiancerai
« A rendre mei comme prison
« A vos e en vostre prison 7036
« A tel jor com vos me metrez. »
E Seinze dist : « Certes, c'est dreiz ;
« E gel vos f[e]rai volentiers,
« Qu'os estes leials chevaliers. » 7040
La fiance fu feite lors,
E li Mar. o le cors
Ala tant que il vint al pére
Cui la novele fu amére 7044
De son fil quant de veir lo sout, [(f. 47 b)]
Quer c'ert la riens qu'il plus amout.
Mais li reis esteit de tel cuer
Que nuls ne v[e]eit a nul fuer 7048
Malveis semblant que [il] feïst
De novele qu'en li deïst.
Li Mar. pleins de grant ire
Tot son estre li prist a dire. 7052
Comme sis filz amaladi
E le ma[r]tire qu'il soufri
E [sa] veraie repentance,
E comme il prist en pacïence 7056
Sa grant dolor e ses granz mals.
« Or otroit Dex que il seit sais ! »
{255} Fait li péres molt simplement,
K'au cuer li teneit durement 7060
Plus que le semblant n'en faiseit,
Mais de son grant doel se taiseit.
Puis li dit : « Que ferai jo, sire ?
— Mar., en ce n'a que dire : 7064
« vostre seingnor en irez,
« Tresque a Roëm le condurrez.
« De lui conduire serez mestre.
— Sire, » fait il, « ce ne puet estre : 7068
« Ge me sui fiancié prison
« A rendre mei en la prison
« Seince, ce devez bien saveir,
« Cui vostre fiz deveit aveir 7072
« Molt grant, c'en est la vérité ;
« Mai[s] pour cent mars m'en a quité. »
Li reis Jousbert de Priseingni
Qui molt esteit mestre de li 7076
Apela e dist : « Alez mei
« A Seince ; ge vos i envei,
« Qu'al Mar. donge respit
« De[s] cent marz. » E Jousbert a dit : 7080
« Sire, quant vos le commandez
« Ja n'en serrez contremandez,
« Kar ge irrei molt voluntiers. » [(f. 47 c)]
Ne fu pas trop lonc li sentiers, 7084
Qu'asez près d'iloic le trouvérent.
Dementiers qu'en assemble alérent
Li Mar. fu molt pensis.
Misire Joubert dist : « Amis 7088
{256} « Marech., por quei pensés tant ? »
Li Mar. li dist itant :
« G'ai asez de quei penser, veir,
« Se penser peüst rien valeir 7092
« A alegier ma grant dolor,
« Que por la mort de mon seignor,
c(Que por ceste dete ou ge sui
« Qui me torne a molt grant ennui, 7096
« Quer ge ne l'ai de quei paier ;
« Si m'en couv[i]ent molt esmaier. »
Sires Jouberz a demandé :
« Mar., savrïez lui gré 7100
« Qui de ces cent mars vos fereit
« Que nus nes vos demandereit ?
« Si'n esserrez quites & sals.
— Beaus sire, » di[s]t li Mareschals, 7104
« Boen gré l'em devreie saveir
« Qui me quitereit de l'aveir,
« Se issi poeit avenir.
— Or m'en laiss[i]ez dune convenir, » 7108
Dist misires Jouberz adonkes.
« Dès que vos nes eüstes unques,
« N'est pas dreiz que vos les paiez.
« Unques ne vos en esmaiez ; 7112
« Laissiez mei la besoingne fe[i]re,
« Kar g'en cuit molt bien a chief treire.
Seince quistrent, si le trovérent ;
De par le rei le saluérent. 7116
Sir[e] Jouberz di[s]t tot de plain
{257} Que li reis prent le dete en main
K'il demandout al Mar.
« Ice ne tin ge mie a mal. 7120
« Dites le vos de par le rei ? [(f. 47 d)]
— Oïl veir. — E ge[l] vos otrei. »
Nule demorance n'i firent :
Congié pristrent, si s'en partirent. 7124
En poi de tens après avint
Que Seince devant le rei vint,
Si li demanda ses cent mars.
Li reis quida ce fust esgars : 7128
« Quels cent mars, » fait il, « beals amis ?
— Cels ke vos avez en main pris
« Por le Mar. a mei rendre.
— L'om vos a fait folie entendre, » 7132
Dist li reis, « quer unques nel dis,
« N'onques eissi en main nes pris,
« Mais ge demandei un respit. »
A Seince torna en despit, 7136
Si'n jure Dieu le glorïos :
« Jouberz le me dist de par vos
« Qu'os le voliez en main prendre
« E eissi le me fist entendre. » 7140
Lors fu sire Jouberz mandez
K'il venist to[s]t, dès ke mandez ;
E li reis le mist a raison :
« Comment & por quele acheison 7144
« Me demande cist ses deniers ?
— Ce vos dirrai ge volentiers :
{258} « De par vos li dis tot de plein
« Ke vos les pern[ï]ez en main. 7148
« Issi dis, issi l'entendi ;
« Si'n graant bien ce que g'en di. »
Lores dist li reis : « Gel gr[a]ant :
« Plus m'a mis filz costé que tant, 7152
« E unquor me costa[s]t, mon voel ! »
Li o[i]l li lermérent de d[o]el ;
Un poi fist semblant de plorer.
Ci ne fait pas a demorer. 7156
Si com vers Roëm s'en alérent
Cil qui le giemble rei portérent,
Al Mans vindrent ; si lor tolirent [(f. 48)]
Li chanoingnie e grant feste en firent ; 7160
En lor eglise l'enterrérent,
Mais que par plai[t] le recouvrérent
Cil de Roëm e le conquistrent ;
Grant peine e grant trava[i]l i mistrent. 7164
A Roëm, en la haute glise,
En fist l'om si riche servise
Com l'em deveit de tel rei faire
Si bel, si boen, si debonaire, 7168
Si corteis, si large, si proz,
Qui tant esteit amé de toz.
Molt fu sa mort a buen dreit pleinte,
Grant duel en firent meint e meinte, 7172
Si que li quens de Flandre dist,
Qui grant pleinte & grant duel [en] fist :
{259} « Ahi ! ahi ! comme est perie
« E remése chevalerie, 7176
« E largece boutée ariére !
« C'est dreit : esteinte est la lumière
« Qui mener les soleit par terre.
« Or couv[i]ent aler lor pein querre 7180
« Gels qui sunt povre bacheler ;
« N'iert mais qui lor voille doner
« Chevals ne armes ne diniers,
« Que cist lor donout volentiers. » 7184
Mais si couv[i]ent le siecle aler.
Puis couvint que li bacheler
Qui enor voleient aquerre
Alassent querant par la terre 7188
Lor pris ; ne sei que plus vos die,
Tant qu'il vindrent en Normandie,
A une place molt eschive,
Dreit entre Seint Pierre sor Dive 7192
[E Faleise], ou avoiement
Dirent d'un tornei[e]ment.
Dedenz la vile sunt venu,
Si que li Mar[es]ch. i fu 7196
E dan Baudevin de Betune
Qui molt ert bien de sa comune,
{260} E Hug. de Hamelincort [(f. 48 b)]
Dunt la renomée uncor cort. 7200
Si com il furent descendu,
N'i ont gairres plus atendu :
Maintenant al disner se sistrent,
Mais gaires lungement n'i sistrent, 7204
Que cil par de la commenciérent
Les jostes, e tant s'avanciérent.
En la vile mistrent noz genz
Par force, e quant il furent enz. 7208
Uns chevaliers qui ert [des] lor.
Quant il se volt metre el retor,
Si torna si estreitement
Qu'il chaï si vileinement 7212
Qu'il ne se pout d'iloec mouve[i]r.
Gesir l'estut par estuveir,
Quer quassez ert, qui molt li grieve.
E li criz en la vile lieve. 7216
Que cil qui disnoent l'oïrent.
Mais unques ne s'en esbloïrent.
Li Mar. salt hors, qui veit
Le chivalier qui si geseit ; 7220
Il cort a lui e si le prent
En ses bras vigorosement :
Tot armé en l'ostel le porte.
Proz est qui tel present aporte. 7224
Puis dist comme corteis e sages :
« Tenez [a] aquiter voz gages.
— Or ça, » fait se mis sire Hue,
{261} « Beneite seit vostre venue ! 7228
« La fiance en prendrai sanz peine,
« Ma boche de freiz harens pleine.
« Afiez ! » fait il : cil afie,
E par itant en lui s'afie. 7232
Li Mar. croisiez esteit :
En tote place ou il veneit
Li donot ro[m] plus volentiers
Bels dons e chevals e diniers 7236
Qu'a nului : c'esteit bien raison, [(f. 48 c)]
Qu'il i aveit dreite achaison.
Li Mar. out boen corage
D'aler en son pelerinage. 7240
N'en ama pas la demorance :
Quant qu'il puet s'apreste & avance,
Kar il n'i voleit plus atendre.
Al rei ala son congié prendre. 7244
Li reis le congié lu[i] dona,
Mais molt li requi[s]t & pria
Qu'i[l] se hastast de revenir,
Qu'o se[i] le voleit retenir. 7248
Sil dit ce qu'il [l'en] retendreit :
Deus boens chevals que il aveit.
Cil li dist : « Volunt[i]ers, sire ;
« Ne vos en voil pas escondire. » 7252
Lors li fist doner, c'est la fins,
Li reis cent livres d'angevins
D'aïde a son pelerinage,
{262} Mais trop i la[i]ssa riche gage : 7256
Chascuns de ces chevals valut
C. 1., mais lui ne chalut.
Li Mar. en Engletere
Vint a ses amis congié quere, 7260
A ses serors, a son lingnage,
A tot son autre parantage,
Kar ce esteit dreit e raison.
E quant il vint a la meison 7264
Seingnor Robert del Pont de l'Arche,
De la outre, qu'il est en marche,
Sa soer li comença a dire :
« Por Deu ! que feront ore, sire 7268
« . V. filles k'ai a marier ?
« Qui lor porra consel doner ?
« N'est mais kui faire lor peüst. »
II dist : « Soer, se por els ne fust 7272
« E por mes autres boens amis,
« Jamais ne venisse al païs, »
Eissi ala e demora [(f. 48 d)]
Deus anz, k'unque ne repeira. 7276
En Sulie fist tant proece.
Tant herdement, tant[e] largece,
Tanz beals faiz k'ainques n'en fist tanz
Nuls, qui [i] demorast. vij. anz. 7280
{263} Qui bien sunt seii desque a ore ;
Sis recitera rom encore
En maint lieu, devant maint prodome.
Ne vos [en] ai dit fors la some, 7284
Kar ge nes vi ne ge n'i fui
Ne ge ne puis trover nului
Qui la meit[i]é m'en sace dire,
Kar trop [par] est fort la matire. 7288
Quant il se parti de la terre,
Au rei Gui ala congié querre
E a tote la gent reial
E al Temple e a l'Ospital 7292
Qui en molt grant chierté l'avoient
Por les granz biens qu'en lui savoient.
Molt lur desplut sa retorné[e].
Unques ne giste ne tornée 7296
N'i dis, kar nuls nes me sout dire,
N'il n'apartient a ma matire,
Por ce ne m'en voil entremetre,
Kar folie est de peine mettre 7300
En ce qui n'apartient a mei.
Mais a Lïuns trova le rei
ses barons e o sa gent ;
Si li fu molt biel et molt gent 7304
Que W. li Mareschals
Ert a lu[i] venuz seins & saus,
E en molt grant chierté le tint.
De sa maisn[ié]e le retint, 7308
{264} De ses hals consels le fist mestre ;
Ce est raison : bien le dut estre,
Qu'il ne deservi pas en l'astre.
La damisele de Lancastre, 7312
Qui ert de grant acesmement, [(f. 49)]
Li dona o son tenement ;
E il la tint en grant ennor
E la garda de desennor 7316
Lonc tens, comme sa chiére amie,
Fors que il ne l'esposa mie.
Après avint sanz demorance
Que la novele vint en France 7320
E par trestot fu espandue
Que la veire croz ert perdue
E tote la terre ensement
Ou Dex prist nostre charnement 7324
De femme virge, proz & sage,
Por secorre l'umain lignage.
Al parlement vindrent asemble [(janvier 1188)]
Li dui rei, si comme me semble ; 7328
Pa[r] concorde s'entrebaisiérent
E por est besoing se croisièrent.
Lors fu si granz la croiserie
Qu'en France ne en Normendie, 7332
Qu'en Brutaingne n'en Engletere,
N'en Flandres ne en Avaltere,
N'en Borgoingne ne en Peitou,
N'en Gasgoingne ne en Anjou, 7336
{265} N'out home qui quidast vale[i]r
Qui ne meïst en nonchaleir
Femme e enfanz por sei croisier
E por la hunte Dieu vengier. 7340
Quant par acort croisié se furent
Li rei & tuit cil qui s'eslurent
A aler en la seinte terre,
Lors s'en passa en Engletere 7344
Li reis por sei aparilier,
Kar il se quida traveil[i]er
El servise Dieu en Sulie ;
Mais traïson e grant envie 7348
Qui reingnier volent tote voie,
Le destorbérent de sa veie,
Quer sanz pointet de demorance [(f. 49 b)]
S'aparilla li reis de France 7352
De faire a lui ennui e honte.
Ne voil de ce creistre mon conte,
Fors qu'il prist le Chastel Raol, [(16 juin)]
Conques ne pout estre saol 7356
De lui grever de son poeir,
Encor s'en sentent or li eir.
Quant li [vielz] reis Henri oï
Ces moz, point ne s'en esjoï, 7360
Ainz en troubla molt son corage.
Grant ost semont e grant barnage
Qui ovoec lui la mer passa.
En Normendie trespassa. [(il juillet)] 7364
Lors i out de deus parz grant guerre,
{266} Si qu'essili[é]e en fu la terre
E empiriée leidement.
Après ce pristrent parlement 7368
Qui fu tenu[z] devant Gizors. [(16 août)]
Li reis de France a grant effors
I vint, e li reis d'Engletere
Out od lui des m[i]elz de sa tere. 7372
A un conseil s'atropelérent
Li rei e cil qui o els érent
Qui lor privez conseils saveient
E en cui il plus se fïeient. 7376
Molt i out paroles parties ;
N'en sai pas totes les parties,
Kar li rei ne cil qui i érent
A lor consels ne m'apelérent, 7380
Mais tant oï dire e conter
Qu'a nule pais ne pout monter,
Kar orguiels, ce poez saveir,
Ne lor laissa, gel sai de veir, 7384
Ainz l'avoient si pris en gros.
Par fol conseil e malveis los.
Qu'al partir, qui que mespreïst,
Qui mielz peüst faire feïst ; 7388
Quant uns chevaliers molt senez [(f. 49 c)]
Fu a itelz moz asenez
Qu'il dist : « Seingnors, por quei morrunt
« Tote ceste gent qui ci sunt, 7392
« Quant il lor peise de cest fait,
« Ne nuls d'els n'i a rien mesfait ?
{267} « A tort mosrunt par vostre orguil.
« Mais itant conseillier vos voil, 7396
« Quant sanz bataille ne puet estre,
« E si le loent nostre mestre,
« Que quatre chevalier eslit
« Seient d'amedeus pars eslit 7400
« Qu'en poura de deuz parz trover :
« Por defendre ne por prouver
« Seient ensemble mis de bot,
« E qui veintra si avra tot. » 7404
Ja fu eissi agraanté,
Kar cil qui plus s'érent vanté
De la besoingne s'en ta[i]seient,
Que nule chose n'en diseient. 7408
Dementres que eisi avint,
Uns chevaliers de France vint
Qui n'esteit mie bien corteis ;
Si se gaba trop des Galeis. 7412
Li Galeis en furent hunteus,
E il n'out fors l'eve entre deus.
Uns des Galeis, cui molt en peise,
Prent une saiete e enteise. 7416
En la teste li enbati.
Cil qui a peine s'esbati
Del grant cop qu'il aveit eü
Se tint hontos e deceü, 7420
Kar a hunte torna sa feste.
{268} tot la sei[e]te en la teste
S'en vint devant le rei de France,
Si li mostra sa mesestance : 7424
« Sire, en la peis Deu e la vostre
« M'ont chantée tel patrenostre
« Li home le rei d'Engleterre [(f. 49 d)]
« Qui petit prisent vostre guerre. » 7428
Quant li reis de France ce vit,
A grant orguil e a despit
Le tint e dist : « Avoy ! Avoy !
« Por les oilz Dieu, or vail ge poy ! » 7432
Lors s'en torna par maltalent
E il e trestote sa gent.
Comme le plus iriez del mond
S'en ala tressique a Chaumont. 7436
L'en demain revint a Gisorz
Li reis de France, a grant esfors,
ses hals homes, o ses contes,
chasteleins, e o viscontes 7440
E o ses quemunes armé[e]s.
Qui a peine fussent esmées.
Les healmes es testes, sanz faille,
Vindrent conreé de bataille 7444
Li chivalier devant Gisorz,