Oïrent ceste mesestance, 5924
E portez en fu li esclandres
Parmi Champaingne e parmi Flandres,
Quer Renomée qui tost cort
Par [c] els qui furent a la cort 5928
Fist saveir que a desreison
E a tort, sanz dreite achaison,
Aveient mellé traïtor
Le Mareschal a son seingnor. 5932
Si que de lui s'ert départi ;
Bien virent quant il s'en parti,
E bien content de chi[e]f en chi[e]f
Comme il s'uffri a grant mesch[i]ef 5936
A de[s] fendre de traïson
E de tote autre mesprison ;
E li reis n'i volt [point] entendre
Ne n'en volt son escondit prendre ; 5940
A un mot vos di, sans dotance.
Qu'il n'out el realme de France
Duc ne conte ne hait demeine [(f. 40)]
Qui volentiers ne meïst peine 5944
D'ave[i]r o sei le Mareschal.
Molt fu quis amont e aval.
Li quens de Flandres tot premiers
I enveia, qui volentiers 5948
L'eiist o sei sor tote rien,
Por la proesce e por le bien
E por l'enor qu'en li saveit,
{215} Quer molt bien esprové l'aveit. 5952
Li dux de Borgoinne autresi
Le fist quere por estre o lui,
E li avoez de Betune.
Itant vos di tot a quemune, 5956
Si n'en seiez pas en dotance,
Qu'il n'out gaires halt home en France
Qui nel feïst a son ués quere
Amont e aval par la tere. 5960
Entretant, comme ge vos di,
Fu a la feire de Leingni ;
S'achata un cheval de pris
Qui asez li sembla bien pris, 5964
Qu'il ne costa que. xxx. livres.
Il n'en vosist estre delivres
A revendre le por quarante,
Non, ç'oï dire, por cinquante. 5968
Lors en out deus boens e presiez.
Ne deit pas estre mespreisiez
Que l'en a prodome nel tienge
En quel que liu a tot [que] vienge. 5972
Ne sai que vos en deïsse el :
Al vintisme jor de Noël
Refu le tornei sanz delai
Pris entre Resons e Gornai, 5976
Si [i] vindrent de mainte terre,
Por pris e por enor conquere,
{216} Maint duc, maint conte, maint halt home ;
Mais de lor [nons] ne sei la some, 5980
Quer tant en i vi que nomer [(f. 40 b)]
Nes sav[r]eie ne asomer.
Li barons qui env[e]ié ourent
Querre partot la ou il pourent 5984
Le Mareschal, pas nel trovérent.
De lui en molt granz questes érent,
N'e[n] ourent nul avoiement.
Il vint dreit al tornei[e]ment 5988
Molt trés cointement acesmez.
A molt grant peine fust esmez
Li riches herneis qu'il menout,
K'eins chevalier plus bels n'en out, 5992
Qu'en ce meteit volentiers cure.
Lors avint par [bone] aventure
Que li quens de Se[i]nt Pol l'ateinst
Qui d'esperoner ne se feinst 5996
Dès qu'il out veii son escu,
Quer de molt loing l'out queneü.
Ateinnant le vint, sil salue,
E li Mareschals se remue 6000
Contre lui ; si l'acole e bese.
Molt fu li quens por lu[i] a ese
Qui querre l'aveit enveié ;
Molt se tint bien a aveié. 6004
Pu[i]s dist li quens : « Ge vos requier,
« Se preiére i aveit mestier,
« Coment que il aut, tote veie,
{217} « K'a vos au tornei[e]ment seie. » 6008
E li Mareschals respondi :
« Beals trés chiers sires, ge vos di,
« Que vos ne serrez pas o nos,
« Mais nos i esserom o vos 6012
« Tant que nostre poeir vauldra,
« Que ja rien ne s'en defauldra.
— Ginc ce[n]z merciz, » fait li quens, « [« sire,]
« Quer vos ne me poez mi[e]lz dire. » 6016
A itant vindrent a la place.
Cui que peist ne cui que desplace,
Li Flamenc richement [i] vindrent, [(f. 40 c)]
E Pohier qui o els se tindrent, 6020
Braibençon, Tiheis, Loherens,
E le bon conte des Flamens.
E li dus de Borgoinne i vint,
Si que unques mais ce n'avint, 6024
Borgoingno[n]s, o Champeneis
& o le poe[i]r as Franceis,
Normanz e o Peitevins,
Bretons e o Angevins. 6028
Quant d'amedeus parz venu furent.
Si s'esmurent si com il durent.
Li quens de Se[i]nt Pol toz premiers
S'arma a. xxx. chevaliers. 6032
Mais ses chevals out departiz
A ses compaingnons e partiz.
Tant qu[e] il n'ot sus quei monter.
Li Mareschals oï conter 6036
{218} Que eisi l'aveit fait li quens :
« Sire, » fait il, « ge ai deus buens
« Chevals ; si vos pri par amor
« Que vos torn[e]iez ui cest jor 6040
« Sor celui qui plus vos ert buens.
— La vostre merci, » dist li cuens,
« Mareschals, e ge l'os bien prendre. »
Venu furent sanz plus atendre 6044
Li dui cheval e il choisi
Sachiez que point ne mescho[i]si,
Ainz monta sor tot le meillor,
Ce fu bien esprové le jor. 6048
Li torneiemenz asembla.
Mès unques nuls ne resembla
A celui qui devant i fust,
N'unques tant n'i out fer ne fust 6052
Mis a ués en une jornée,
Quer si fu la chose atornée
Que par a[a]tie a tut pris
Si tendeit chascuns a son pris. 6056
Poi durérent les començailles ; [(f. 40 d)]
Li grant conrei e les batailles
Vindrent si trés outréement
E si trés orgoillosement 6060
Que nis point ne s'entredotérent.
Quant li conrei s'entrehurtérent
{219} Si fu si trés granz li escroiz
Que des lances e des recrois 6064
Fu si tost la place couverte
Qu'il n'i out tant de veie ouverte
Par unt cheval poindre peüssent
Qe destorbement n'i eüssent. 6068
Li torneiz fu arest[e]ûz,
Qu'onques mieldres ne fu veüz.
En plusors lieus i out meslées.
De tros de lances e d'espées 6072
E des healmes qui resonoent
Des granz cops qu'il s'entredonoent
Fu si la contrée estormie,
Qui la estut qu'il n'oï[s]t mie 6076
Damledeu tonant, s'il tonast,
Ne ja garde ne s'en donast.
La n'ér[en]t prez li homme mol ;
La fu pris li quens de Se[i]nt Pol, 6080
Al frain, mais li buens Mareschals
Le secorut comme vassals
De plus de set qui se penoent
De lui leidir e Teumeiioent. 6084
La érent li coart desriére ;
La ve[ï]st l'en me[i]nte baniére
Toelier el tai e foler,
E maint chivalier defoler 6088
Qui érent abatu a terre ;
Mais l'om soleit dire que querre
{220} Deit l'em les proz e les vassals
Souvent entre piez de chevals, 6092
Kar ja li coard n'i chasront,
Ne tant lor vie ne hasront
Qu'en la pres[s]e se vo[il]lent metre, [(f. 41)]
Qu'il ne s'unt cure de malmetre 6096
Ne ne volent a ce entendre.
La veïst Fom chevaliers prendre
E chivals gaaingnier e perdre :
Qui al frein poeit l'autre aerdre 6100
Mout se penout de lui tenir,
E li autres de[l] retenir
E de sei deffendre e mesler :
Qui lors les voussist desmesler 6104
Par plait, poi lor peüst aid[i]er,
Quer n'i vaussist rien de plaid [i] er.
Itant vos di al ch[i]ef del tor,
Tant i out fait d'armes le jor 6108
Que ce fu la fine merveille,
Quer toz li mundes se merveille
Dunt si trés buen chevalier vienent
Qui tel torneiement maint[i]enent. 6112
Mais ce fu bien chose seüe,
Quer l'om le vit tot a veüe,
Que li Mareschals icel jor
Fist trop plus d'armes en l'estor 6116
Que nus qui i venist d'asez.
Ja tant ne fussent amassez,
{221} Dès qu'il se fereit en la presse.
Qu'il ne lor feïst tel conpresse, 6120
De riches cops en tel maniére
Que tuit se tra[e]ient ariére ;
Naient ne s'i contreteneient,
Mais a mervelle le teneient 6124
El tornei[e]ment a grant pris.
Lors ravint que li cuens fu pris
De Seint Pol, e il le rescost ;
Si i mist grant peine & grant cost, 6128
Quer trop forte gent le teneient,
E tote sa gent ne savoient
Que li quens esteit devenuz ;
Lors fu a son ués bien venuz 6132
Li Mareschals, quer en son poindre [(f. 41 b)]
Fist cels quil teneient desjoindre,
Qu'i[l] lor convint baiss[i]er les cols.
Tant lor dona de ruistes cops 6136
Que laissier lur estut par force ;
E nequedent chascons s'esforce,
Mais lor force petit i monte :
Mal gré lor laissiérent le conte. 6140
Si se vait chascuns de sa part,
E li torneieme[n]z depart
Qui out esté riches e buens,
S[i] c'onques reis, ne dux ne cuens 6144
Ne nuls n'i fu qui ce deïst
Qu'onques puis autretel veïst.
Li halt home, al departement,
{222} Vindrent asemble al parlement 6148
En la place ou il torneiérent.
Por le Mareschal enveiérent
Li quens de Flandres e li dus,
Einz dient, sanz mainz e sanz plus, 6152
Que il aveit vencu le jor
Par armes toz cels de l'estor.
Chascun le couveite a aveir.
Ja por plenté de grant aveir 6156
Ne remeindra : li cuens li ofre.
De Flandres, oiant toz, grant ofre,
Que il li ofre a bone antente
Bien. v. cenz livrées de rente 6160
Por remaneir o lui, sanz plus.
Atretant li ofre li dus.
Li avoez point ne l'avile,
Qu'il li velt doner une vile 6164
einc cenz livrées de terre ;
Si l'em fait preier e requerre.
Jaques d'Avesnes li vaillanz
L'en ofre a doner treis chanz 6168
E li ofre la sengnorie
De quant qu'il ad e la mestrie.
Li Mareschals toz les mercie, [(f. 41 c)]
E dit qu'il n'en prendra or mie 6172
Terre ne rente por servise,
Quer il a autre chose amprise,
{223} S'il puet, qu'il formira anceis,
Quer il velt aler as Treis Reis 6176
De Coloingne en pèlerinage ;
Volenté en a e coraige.
Jaques d'Avesnes li otrie
Qu'il ira en sa companie, 6180
Qui molt l'eime & molt la desire.
« La vostre merci, beau duz sire, »
Fait li Mareschals a idonques,
« Meillor de vos ne qu[i]er [mès] unques. » 6184
Sire Jakes le demena
Par ses maneirs e li mena
Compaingnie plaisant e bele,
Quer unques ne monta en sele 6188
Chevaliers mielz le seüst faire
Ne m[i]elz vo[ls]ist prodome atraire.
Eissi alérent, ce me semble,
A grant joie a Treis Reis asemble. 6192
Renomé[e] qui molt tost cort
Vint entretant puis a la cort
Al giemble rei, e li renons
Del tornei[e]ment de Resons, 6196
Qui out esté riches e boens.
« Unques, » ce dient, « reis ne cuens
« Ne vit meillor, non tel d'asez,
« Tant i out ensemble amassez 6200
{224} « Buens chevaliers hardiz & proz.
— E li quelz [le] fist m[i]eilz de toz ? »
Dist Baudevins cil de Betune.
« Li quelz ? certes, tot a quemune 6204
« Testemoingnérent tot a bot
« Que li Mar [es] chais venqui tot.
— Ge ne vos [en] crei pas, vasals.
« Dites vos que li Mareschals 6208
— Oïl, ge le vos di por veir,
« Quer il s'i fist si bien saveir
« Qu'il venqui toz cels qui i furent,
« Que tuit le tesmoingnent e jurent. » 6212
Dist Baudevins : « Tot dis que fais :
« Ce ne fu pas li Mareschals.
« Veis le tu ? — Oïl, gel vi,
« Cel jor por veir, e bien vus di 6216
« Que il venqui outréement
« De deus parz le tornei[e]ment.
— Dis tu veir ? — Oïl, par mon chief.
— Beals amis, or ne te seit grief ; 6220
« Di mei, si feras que corteis,
« Veïs [tu] gait[i]er le Norreis
« Après lui avant ne ariére
« Qui se criast o la baniére 6224
« Aprés lui, amont & aval :
« Ça, Dex aï[e] al Mareschal !
{225} — Sire, nenil : il n'i fu pas
— Par fei ! or quit ge que c'est gas. 6228
« Di mei, frére, si t'aï[t] Dex,
« Est donques li Mareschals tex
« Qu'il puet par sei, sanz autre aïe,
« Faire nule chevalerie ? 6232
— Ha ! sire, qu'est ce que vos dites ?
« Molt feites mal qui ce desdites
« Que ce ne seit a la roonde
« Uns des boens chevaliers del monde. » 6236
Molt fu cele parole bele
A Baldevin, e si apele
Plusors chevaliers qu'i esteient,
Neïs cels qui point ne l'amoient. 6240
Si fait al vaslet reconter
Quant que il out oï conter,
Quer molt l'escota volentiers.
Atant es vos qu'uns chevaliers 6244
Vint avant qui i out esté ;
Devant els toz s'est aresté
E dist a toz : € [Faz] vos saveir [(f. 42)]
« Que li vaslez vos a dit veir, 6248
« Quer g'i fui e sil vi e sai ;
« Ce que laisment vos dirrei,
« Quer g'en sai tot l'aveiement :
« Il venqui le torneiement 6252
« Si oltréement e si bien
« Que nuls nel cuidereit por rien,
{226} « Quer a peine serreit creü
« D'ome qui ne Teust veü. 6256
« Si ne tenez pas a mervailles
« Ce que j'oï de mes oreilles ;
« Cent l'oirent & ge l'oï :
« Li quens de Flandres li offri 6260
« Bien cinc cenz livr[é]es de terre,
« Si l'em fist a plusors requerre,
ce Por estre a lui a remenant.
« Li dux de Borgoingne autretant, 6264
« E li avoez de Betune
« Molt greingnor ofre li fist une :
« De bien mil livr[é]es de rente
c(sa fille qui molt ert gente, 6268
« S'il li pl[e]ust, a marier.
« Molt l'en oï beal mercier
« Al Mareschal, mais mariage
« Ne li vint encore en corage. 6272
« Mais sires Jaques l'en ofri
« Treis cenz por remaneir o lui,
« E del sorplus la seingnorie
« Li otria e la mestrie 6276
« Volentiers & otréement.
« Il l'en mercïa bonement,
« Mais itant li dist il molt bien
« Qu'il ne prendreit or nule rien 6280
« De nul home por remaneir,
« Chastel ne rente ne maneir,
{227} « L Qu'il aveit autre chose a faire
« Dunt il velt primes a chief traire, » 6284
Lors dist mi sires Baudevins [(f. 42 b)]
Qui fu entiers amis & fins :
« Dex ! tant fust ma suer enoré[e]
« S'ele fust a lui mariée ! 6288
« Qu'il porte bien escu & lance.
« Cil Dex qui toz les buens avance
« Le venst de cels qui li unt fait
« Mal & ennui sanz son mesfait ! » 6292
Itant dist, si que cil l'oirent
Qui nul point ne s'en esjoïrent,
Quer il esteient en doutance
Qu'il venist unquore en puissance 6296
E [en] enor e en haltece
Par son sen & par sa proece.
Li Mareschals molt richement
E molt bel e molt noblement 6300
Demora cel termine en France.
Li halt home de [grant] pu[i]ssance
Molt preisoent & molt ameient
Quant o els aveir le po[e]ient 6304
E grant joie en faiseient tuit ;
Mais, por ce qu'a aucun n'ennuit,
M'en revendrai a la matire
De ce que j'a[i] enpris a dire. 6308
Eisi fu e isi avint,
{228} El quaresme qui après vint
S'entremellérent li troi frére ;
Si s'en parti par mal del pére 6312
A cele ore li giembles reis
E sis fréres li quens Gieffreis
Qui sires esteit de B[r]utaingne,
Quer mal lor esteit & eng[r]aingne 6316
Del conte de Peit[i]ers lor frére
Qui, par sustenement del pére
Ert si bals que il feiseit guerre
As plus halz homes de la terre, 6320
E les demenout a bellei.
Si s'en pleinstrent al giemble rei ;
Si vol[ei]ent m[i]elz o lui estre [(f. 42 c)]
Qu'o celui qui lor ert mal mestre, 6324
Quer si home érent de lor mains ;
Si ne seront, n'ai plus n'ai mains,
Al conte Richart de Peitiers,
Quer trop les grieve volentiers. 6328
Lors avint que li giemble reis
E sis fréres li quens Guifreis
Si demostrérent a lor pére
Del conte de Peitiers lor frére 6332
Qui si menout ses genz a honte.
Dist li pères : « A vos que monte ?
« Ge li ai doné[e] la terre.
« De toz celz qui li feront guerre 6336
« M[ei] iert bel s'il s'en puet combatre
{229} « & s'il en puet l'orguil abatre. »
Li giemble rei[s] dist, ce est la some :
« Il furent longement mi home ; 6340
« Si ne lor puis par dr[e]it faillir
« Ne les suffrir a mal baillir.
« Si est dreiz que ge lor aïe.
— Or lor seiez bien en aïe, » 6344
Dist li péres, « gel vos otrei. »
Issi departirent del rei
E si commença la meslée
Qui unques ne fu desmeslé[e] 6348
Dusqu'il avint qu'a la roonde
Ce fu noalz a tot le monde ;
Ce sévent tuit certeinement,
Asez orez avant coument. 6352
Molt fu la [de] partie amére,
Quer li fil partirent del pére
Par grant maltalent e par ire ;
De ce ne vos sai plus que dire 6356
Fors que a Limoges s'en vindrent.
Chevaliers e serjanz retindrent
E rotiers e arbalestiers
E buens tupins e boe[n]s archiers ; 6360
E li halt baron del païs [(f. 42 d)]
A cui li quens esteit eschis
E quil ha[e]ient durement
I vindrent aforc[i]éement, 6364
{230} Tuit entalenté d'els combatre :
Molt volsissent l'orgoil abatre
Del conte Ricart, s'il p[e] tissent
E se le desus en eüssent. 6368
Durement se hasta li péres
Por la mesestance des fréres,
Quer molt vistement e molt tost
Aüna grant gent e grant ost, 6372
Qu'il out Normanz e Angevins,
Flamens, Pohiers & Peitevins
E rotiers de maintes manier[e]s ;
Mainz penoncels, maintes baniér[e]s 6376
Veïst l'om flamb[e]ier al vent.
Molt chevalchout iréement
Li reis vers ses filz a Limoges.
Tentes & pavellons e loges 6380
I out tant que nus nel seit dire,
Quer molt i mena grant enpire.
Mais einz la venue del pére
Manda li giemble rei[s] son frére 6384
Le conte Guifrei de Brutaingne
Qui out o lui riche compaingne
[D] e buens chevaliers e hardie,
E en France e en Normendie, 6388
En Anjou e en Avalterre
E par totes Flandres fist quere
Ses bachilers, e il i vindrent,
Que unques ensoingne n'i tindrent. 6392
{231} Quant a Limoges venu furent
Li bacheler, si com il durent
E qui lor seingnor molt amérent,
lui el chastel s'en entrérent. 6396
E quant el chastel entré furent
E cil defors les aperçurent,
A la roonde les asistrent. [(f. 43)]
Forz gardes as entrées mistrent ; 6400
En els garder grant peine mistrent.
Cil dedenz al maingier asistrent.
Or ne me crerreit nus qui m'oie
Se ge diseie qu a grant joie 6404
Mengiérent : ce semblereit songe
E sil tendreit l'om a mençonge.
E quant levé furent de[s] deis,
Lors s'en entra li giemble reis 6408
En une chambre a conseillier
Il e si mestre conseillier ;
N'i out fors sol treis chevaliers :
Li quens Guifreis i fu premiers, 6412
Cil del Lesignan autresi,
Si i fu Rog[i]er de Gaugi.
Li giemble reis dist a son frére :
« Avez [vos] veü nostre pére 6416
« Qui a ost nos asiet e covre ?
« Quel conseil metrez a ceste ovre ? »
Li quens Guifrei li respondi :
« Certes, beau sire, ge vos di 6420
« Qu'os n'avez si boen conseiller
{232} « Qui vos en sace conseillier,
« Que osté avez le plus prodome
« D'entor vos qui seit ju[s]que [a] Rome 6424
« Par fals conseil que vos creüstes.
« Honte e blasme e tort i eüstes
« Qu'os creüstes vos menzongiers,
« Voz traïtors, vos losengiers, 6428
« Qui mal en distrent par envie.
« II n'est hui cest jor homme en vie,
« Itant vos os ge bien premettre,
« Qu'a tanz besoins peuss[i]ez metre 6432
« Ne tanz consels vos ait doné.
« Mal li avez gueredoné. »
Cil de Lesingnan dist après :
« Certes, quens, vos n'en poez mès 6436
« S'os dites ce a mon seingnor, [(f. 43 b)]
« Quer, eissi me do[in]st Dex enor,
« Unques r[o]evre ne fu pensée
« Fors de cels qui male pensée 6440
« Aveient vers lui par anvie.
« Si nel cuid[i]érent il or mie
« Que gel deïs[s]e, mais par m'aime,
« C'en defendrai lui e ma dame, 6444
« Qu'o envie e o traïson
« E o trés cruel mesprison
« Fu ceste ovraingne controvée.
« Mais ge voil q'el seit desprové[e] ; 6448
{233} « Si sui prest que ge m'en conbate
« E que la traïson abate
« Vers le plus prodome del monde.
« Mais Dex vos traïtors confunde, 6452
« Quer bien sai que li Mareschals
« Ne fu unques malveis ne fals.
« Si ne m'ainme il pas, por veir,
« Quer tel chose cuide saveir, 6456
« Certes, que ge unques ne fis,
« Quer unches sun uncle n'ocis. »
Or oiez estrange merveille,
Comme Dex qui sor les buens veille 6460
A tost traïson descouverte,
Quer vers lui n'a nule coverte.
Cil qui la traïson out faite
E [l'out] porchaci[é]e e portraite 6464
E toz out esm[e]iiz les mals
Ert a cele ore seneschals
E mestre de Fostel le rei.
Par malvesté qu'il out en sei 6468
Vint a lor conseil ou il érent,
Si qu'onkes ne l'i apelérent.
Tantost aresona le rei,
E dit : « Sire, entendez a mei : 6472
« Vostre pére, ce m'est a vis,
« Vos a en cest chastel asis,
« E ge sui sis hom de mes mains ; [(f. 43 c)]
« Si n'os estre, n'ai plus n'ai mains, 6476
{234} « vos, e por ce vos pri g[i]é,
« Sire, que me doinsiez congié,
« Qu'auge a vostre pére le rei,
« Quer autrement faire nel dei. » 6480
Quant li rei[s] veit que si parole,
Tanto[s]t a dit tele parole :
c(Or escutez del traïtor
« Qu'a dit : bien mostre al chief del tor 6484
« La grant traïson e le mal
« Qu'il a dite de[l] Mareschal,
« Del plus prodome que j'aveie. »
Par ire se mist a la veie 6488
Vers son chevez s'espée prendre.
Si comme i volsist la main tendre ;
Espris de maltalent e d'ire
Li volt core sus e ocire, 6492
Quant li sires Guifreis le prist
Entre ses braz e si li dist :
« Avoi ! sire ; ja Deu ne place
« Qu'il seit retrait en nule place 6496
« Que vos de lui soilliez vos mains.
« Osterez le, n'ai plus n'ai mains. »
Lors dist li reis : « Bien avez dit ;
« Ja de ce ne serrez desdit. 6500
« Meitez le fors, le traïtor,
« son herneis, o son ator.
« Ostez le devant mei mol[t] tost,
« Quer n'ai cure de sun escot. » 6504
{235} Illors dist li quens de Bretaingne
Qui de proece out fait s'ensaingne
E molt fu liez de cel afaire :
« Metez le fors ; c'est bien a faire. 6508
« Sa deslealté est aperte,
« Bien est mostrée e descoverte. »
Esi fu mis fors a grant honte.
Ne voil plus de lui tenir conte. 6512
Lors dist li reis as treis : « Seignor,
« Ge vos requier por Deu amor,
« Conseilliez mei de cest afaire,
« E dites qu'il m'en est a faire. » 6516
Dunques dist mis sires Guifrei :
Del Lesingnan : « Fei que vos dei,
« Nostre conselz est, c'est la some,
« Qu'os enveiez por le prodome, 6520
« Le Mareschal qui tanz conselz
« Vos a donez [e] boens e bels,
« Qui m[i]elz vos savra conseillier
« Que trestuit vostre conseiller. » 6524
E dist li reis : « Vos dites bien
« N'istrai de vos consels de rien. »
Tanto[s]t fist apeler a sei
Dant Raol le fiz Godefrai, 6528
Son chamberlenc que mol[t] amout
E molt s'i creeit e fiout,
Quer c'ert li plus corteis servanz
De son ostel e plus vaillanz. 6532
{236} Il dist : « Raof, alez mei quere
« Le Mareschal par tote terre,
« Tant que vos le puissiez trover.
« Molt vos voil preier e rover 6536
« Que ge li mant en bone fei
« Qu'il ne laist qu'il ne vienge a mei.
« E si ne facez ja semblant,
« Ne devant gent ne en emblant, 6540
« Qu'onques eüsse nul talent
« D'aveir vers lui nul maltalent,
« Mais autresi seit d'un e d'el
« Sire e mestre de mon ostel 6544
« Si comme il unques fu e plus,
« Qu'autre semblant n'en veie nus.
« E sace que bien ai provée
« La traïson qu'ert contrové[e] 6548
<i Par cruelté e par envie
« Des traïtors cui Dex maudie,
« Que Dex male honte lor donge [(f. 44)]
« Qui controvérent tel menzonge ! » 6552
Raol [ala] en cel mesaige
Comme corteis e comme sage.
Le Mareschal [en] prist a querre
Par mainz lius e par ma[i]nte terre, 6556
Mais ne poeit oïr novele
Qui li semblast bone ne bele.
Tant out erré par mainte terre
Que toz lassez esteit de[l] querre ; 6560
Puis rencontra al revenir.
{237} Tantost cum il le vit venir,
Por lui joïr cort a rencontre ;
Lié sunt quant li uns l'autre encontre : 6564
Li uns beise l'autre e acole.
Ore out entre els mainte parole
Que ge ne sai pas totes dire,
Mais itant vos sai ge bien dire 6568
Rad. qui fu de grant value
De par le giemble rei salue
De molt boen cuer le Mareschal
Comme son home natural 6572
Qu'il n'eime pas de cuer volage ;
Aprés li dist tot son mesage
Si asse[s]méement e bien
Qu'onques n'i entrelaissa rien 6576
De quant que vos avez oi.
Li Mareschals molt s'esjoi
Quant la verité ert seüe
Dont la traïson ert meüe. 6580
Li Mareschals molt s'esjoï
Des paroles que il oï.
Damledieu mercïa, son pére
E seinte Marie sa mére, 6584
De ce qu'a dreit ert esprovée
La grant traïson controvée,
Ë qu'isi alout la bosoingne.
{238} Aprés dist : « Ge vieng de Coloingne 6588
« Ou j'ai esté en seint viage [(f. 44 b)]
« As Treis Reis en pelerinage,
« Que Dex por lor seinte merite
« Me mostrast net e pur e quite 6592
« De cest blasme qui m'ert mis sore,
« Quer unques jor ne tens ne ore
« N'oi pensé ne cuer ne corage
« De faire si vilein outraige 6596
« Gomme li felon sor mei mistrent
« Qui par lor traïson l'enpristrent. »
Puis dist a Raol Godefrei
Lealment e en bone fei 6600
Qu'alast s'en, qu'après lui vendreit
A l'anceis qu'il unques porreit.
Raol isi s'en retorna
E li Mareschal[s] s'atorna 6604
En toz senz, en tote maniére,
E Rad. retorna ariére.
Li Mareschal[s] prist en porpens,
Comme cil qui. ert de boen sens. 6608
Que tresque al rei de France irreit
& son afaire lui dirreit :
Cum sis sires l'aveit mandé
Par son message & kemandé 6612
Qu'isnelement a lui venist,
{239} Que nule ensoingne n'i tenist,
Quer la verité out aprise
Com la traïson fu enprise 6616
False & sorprenant e cruele,
Conques hom [n'] oi nule tele.
Mais ne fait pas ci a redire
Quant que vos m'avez oï dire 6620
Del blasme qu'os avez oï.
Li reis vers lui molt s'enjoï,
E dist, se il aveit afaire
De chose que il peüst faire, 6624
Qu'il n'en fust de rien en dota[n]ce ;
Ce fu halt dit de rei de France.
« Cinc cenz mercis, » fait il, « beau sire, [(f. 44 c)]
« Itant vos voil preier e dire 6628
« Que vos leitres al pére eüsse,
« Que ge, sanz son mal gré, peüsse
« De si qu'a mon seingnor venir
« Sanz malevoillance tenir. 6632
— Vos les avrez molt volentiers
« Com leal chevalier entiers,
« E si serront totes ouvertes.
« E tant sace li reis acertes, 6636
« Se des leitres vos escondit,
« Que l'en quidera qu'il ait dit
« & contrové tot cest afaire
« Por vos esloingnier e mal faire. » 6640
Issi out tot a sa devise
{240} Le[s] leitres com il les devise,
Si qu'il n'i out ne plus ne mains,
E de l'arcevesque de Reins, 6644
Teles com il les volt ave[i]r.
Ce li tint l'om a grant saveir ;
Del conte Robert ensement
Les out [il] molt améement ; 6648
De[l] conte Tiebaut autres !
Qui molt le tint a boen ami.
Quant li reis oï tel preiére
Del Mar. en tel maniére, 6652
Molt bonement lor otroia,
E al Mareschal enveia
E manda saluz & amor
E qu'il alast a son seingnor ; 6656
E unquore i entendi g[i]é
Que il li dona boen congié
De lui guerreier e d'ardeir
E de faire tot son poeir. 6660
Itel grace de lui avra
Que ja mal gré ne l'en savra ;
Si'n avra les laitres ouvertes, _
Bien parlantes e bien apertes. 6664
La gent al giemble rei se traistrent [(f. 44 d)]
Vers lui de par tot e atraistent,
Qu'il les manda a son besong
Par tot e de près e de loing. 6668
{241} Li Mareschals e Baudevins
De Betune qui tant fu fins
E Hug. de Hamelincort
Qui de proece teneit cort. 6672
Qui érent de une compaingnie,
Distrent qu'a Montmerals en Brie
Asemblere[ie]nt ; tant vus di ;
E ce fu par un mescredi. 6676