La traïson qu'il porparlérent. 5164
Por quei ? quer ja creü ne fus[s]ent.
Lors porparlérent s'il [e] ussent
Alcun qui [s] en volsist covrir ;
{187} Bien li deüssent descovrir 5168
La honte qu'orent porveüe
A faire tant quel fust creüe.
L[i] un[s] d'els dist : « Si Dex me voie,
« Bien vos quit enseignier la voie 5172
« Par quei l'ovre sera seüe
« E la paelée esmeüe.
« N'atendrum[es] pas dusqu'a marz. [(f. 35)]
« Veiz ça dant Raol de Hamarz 5176
« Qui sovent o le rei conseille :
« Tost li avra mis [en] l'oreille
« E fait saveir la paelée
« Si com nos l'avons porparlée. 5180
« Bien le poüm gehir a lui,
« Qu'il n'est pas bien clér de celui
« Dunt nos parlom plus que nos somes.
— Vos dites veir ; or Tapelommes. » 5184
Trestuit ensemble l'apelérent
A Festreit conseil ou il érent.
De lui blandre molt s'entremistrent ;
Granz proloingnes avant li distrent. 5188
Por lui bien atraire a lor voie,
Quer isi avient tote voie,
Quant l'om velt home a sei atraire,
Qu'en li dist tel chose por plaire 5192
Dunt l'om quide qu'il li seit bel,
Si com l'em mostre le bealbel
A l'enfant apaier e plaire,
{188} E par itant si le font taire. 5196
Cil qui plus volentiers parole
A comenci[é]e la parole :
« Entendez mi, sire Raol.
ce Nos ne poüm estre saol 5200
« De penser, de contrepenser
« Ne nos ne poüm apenser
c(D'une chose dunt est mervaille
« E toz li mondes s'en merveille. 5204
« Vez Will. li Mareschals
« Qui tant se fait proz e vasals
« E tant quide en sai granz bontez
« Que par ce a toz sormontez 5208
« Gels de cest ostel e sormonte,
« Qu'il n'a çaienz baron ne conte
« Qu[i] envers lui se puisse estendre
« Ne a cui li reis voille entendre 5212
« S'a lui non, ja n'iert si herdi. [(f. 35 b)]
« Molt sumes tuit abastardi
« Quan[t] uns engleis toz nos surmonte,
« Que de nul n'i est tenu conte 5216
« Fors de sa grant chevalerie.
« [N'] en France [n] e en Normandie
« Ne en nul liu, bien le savom,
« N'est nul conte se de lui non. 5220
« Ore oiez dunt muet cis gorreis.
« Ve[i]rs est que Henri li Norreis,
« Dès que li reis s'esmuet e point,
{189} « Que lors se crie a icel point, 5224
« Qui que point amont ou aval :
« Ça, Dex aïe al Mareschal !
« Fait Henris, e chascun s'enpresse
« Si qu'il a entor lui tel presse 5228
« U nuls ne puet le main estendre,
« Qu'a chevals ne chivaliers prendre
« N'i estuet, sanz plus e sanz mains,
« For[s] solement ouvrir les mains 5232
« E prendre t[r]estot avant sei.
« Ja nuls n'i entendra al rei
« Fors a lui dès que Henri crie.
« De ci muet la chivalerie, 5236
« Icest poez vos bien saveir,
« Dunt il gaaingne tot Taveir
« De quei il fait tanz boens amis,
« E nos somes ariére mis. 5240
« De ce n'est pas la gorgoçons
« De quei nos plus no[s] coroçons,
« Mais cel est la verité fine
« Que il le fait a la reine. 5244
« Si est granz dols e grant damage.
« Se li reis saveit ceste rage
« Bien serïom vengié de lui,
« Mais nos ne savon or nului 5248
« Qui mielz de vos le peüst dire ;
« Por ce vos preom, beal dolz sire,
« Que vos li mostrez cest outrage, [(f. 35 c)]
{190} « Cest[e] laidesce e cest hontage 5252
« Dont nos tenom a avilé
« E le rei honi e gilé. »
Quant sire Raols entendi
Ou cele parole tendi, 5256
Si respondi sanz plus d'afaire :
« Fol me porrïez vos bien faire,
« Mais Dex en mon dreit sens me tienge
« Que ja traître ne devienge : 5260
« Trop i avreit grant mesprison.
— Par fei ! ce n'est pas traïson, »
Font il. « Si est, laide e aperte,
« D'encuser home sanz deserte 5264
« Quant ne s'en garde ne n'i pense.
« Qui tel felonie porpense
« Traïtres est, e traïson
« A mis son cuer en sa prison. 5268
« Bien vos di que li Marescha[l]s
« Est proz e corteis e l[e]als
« E si nos a a toz bien fait.
« Mais l'om dist : de bien fait col frait. 5272
« E quil face ne qui quel die
« A cest ne parterei ge mie. »
Quant il li ourent oï dire,
Si comenciérent a sorrire 5276
Fausement, e distrent por plaire :
« Il a molt entre dire e faire.
« N'avom vers lui nul mal talent,
{191} « E un sol de nos n'a talent 5280
« De faire nule mesprison
« Ne fauseté ne traïson ;
« Mais l'om dist por home paier
« Tel chose e por lui asaier 5284
« Que l'om n'a nul talent de faire.
« Mais or vos prïom nos de taire,
« Que par vos ne seit esmeüe
« Ceste parole ne seiie, 5288
« Quer eisi celer Festouvra. [(f. 35 d)]
— Mal dahé ait qui l'esmouvra ! »
Dist Raols. Esi s'en parti,
Mais al dahé point ne parti. 5292
Mais sire Pierres de Preials,
Qui ert francs e dolz e leals,
Fu aco[i]nt[i]ez de cesle afaire :
Ne lui pout pas seeir ne plaire, 5296
Ainz li pesa del Mareschal
Que ennui ne honte ne mal
Li porquist l'on [ne] apointa.
A re[i]nz qu'il pout li acointa 5300
Come l'ovre esteit porveüe,
Mais cels qui Forent esmeüe
Ne noma pas ne ne volt faire,
Mais la traïson ne pout taire 5304
Qui veneit de mortel haor
Por mesler le a son seinnor.
{192} E dist qu'il se gardast molt bien,
Quer il ne l'en menteit de rien, 5308
E li loa en bone fei
Qu'il mostrast primes l'ovre al rei,
E la haor e la traïne,
Qu'il n'en eüst vers lui haïne, 5312
E qu'il s'en porveïst devant
Que cil l'eussent mise avant.
c(Ge, sire ? » dist li Mareschals ;
« Ja Dex ne me gard de nus mals 5316
« Se ja par mei est devant traite
« Chose que je n'aie unques faite.
« Lait me serreit a escondire
« Tele ovre qui ne fait a dire. 5320
« Honte me serreit a retraire ;
« Por ce me voil a celz m[i]elz taire
« Tant que j'oie que ce sera.
« Si vesrai que Dex m'en fera. 5324
« Traïson est trop malveise ovre,
« Mais la verité se de[s]covre ;
« Quant la traïson est provée [(f. 36)]
« Qui couve malvese couvé[e], 5328
« Il ne puet estre a la parclose
« Qu'el ne seit laidement de [s] close. »
Sire Pierres se tout adonques,
Mais cil ne se targiérent unques 5332
D'enginnier coument e par quei
Il feïssent save[i]r al rei
L'ovre qu'il aveient enprise :
{193} C'ert traison que Dex mesprise. 5336
Lors dist li uns que il saveit
Un vaslet qui grant grace aveit
Del rei e molt ert bien de lui,
Bien li porreient par celui 5340
Ceste [a]chaison faire saveir :
« E s'il ne la cr[e] eit, le veir
« Enqueïst a nos qui ci somes,
« E nos [tuit] testemoingneromes, 5344
« Quant nos vendrum devant le rei,
« E li dirom, chascum per sei,
« Que chose de plosors seüe
« Si deit plus tost estre creüe 5348
« Que d'un sul, par dreite reison.
« Ore avom nos bone achaison
« De faire le al rei entendre.
— C'est veir ! or estuet conrei prendre 5352
« Que li vaslet jusqu'a nos vienge.
— Or me la[i]ssiez, qu'il m'en convienge, »
Dist li uns, « quer il est, al mains
« De deus parz, mis cosins germains. 5356
« Gel manderai qu'il a mei vienge.
« Ne quit pas que rien le detienge ;
« Si ert la bosoingne acomplie,
« Quer anceiz ore de complie 5360
« Savra li reis nostre vole[i]r,
« Dunt alcuns se porra doleir. »
Bien se t[i]enent a avoié.
{194} Por le vaslet unt envoié 5364
Qui del rei ert auques privez. [(f. 36 b)]
Il vint ; mal seit il arivez !
Il aveit non Raol Farci ;
Veirement sera il farsi, 5368
Ainz qu'il s'en tort, de male farse,
Que de mal feu seit la gole arse
E li cuers qui la controuva !
Qu'onques traïtres ne trouva 5372
En nos tens, avant ne ariére,
Traïson si trés mensongiére.
Ore est venuz a els asemble,
& il se liévent tuit ensemble 5376
Si comme acontre un almazor.
Grant reverence e grant ennor
Li porte chescuns endrei[t] sei.
Beivre li firent a desrei 5380
Por bien enformer lor afaire
Que Diable enseinna a faire.
Par dant Wersei e par son art
Le firent monter au baiard. 5384
Lors commenciérent a conter
Qui ne fait mie a reconter ;
Mais itant vos sai [ge] bien dire
Que ja nus frans hom n'orra dire 5388
Lor traïson ne lor boisdie
Qui por els patrenostre die.
Quant li pautoniers l'out oï,
Si ne fist pas le mesoï, 5392
{195} Ainz dist : « Par mon ch[i]ef ! bien [puet] estre :
« Trop se fait li Mareschals mestre.
« Seingnors, » fait il, « ne vos ennuit :
« Li reis or[r]a unquore anuit 5396
« Ceste ovre ; mais nel voldra creire,
« Einz la tendra tote [a] arveire.
« Si couv[i]ent que d'itel bosoigne
« Sei[e]z garant e testemoingne, 5400
« Quer ge vos en trairai avant. »
Chascun respondi : « Bien me vant,
« Tant li poez faire save[i]r, [(f. 36 c)]
« Quer tuit Taficherom de veir. » 5404
D'entre els parti li pautoniers
A cui Dex doinst mals encombriers.
Al rei vint ; si li fist entendre
Coment saveit vers lui mesprendre 5408
Li Mareschals e en quel guise.
E li reis dist : « Par se[i]nt Denise !
« Ge ne vos voil pas de ce creire ;
« Ne me servez mie d'arveire. 5412
« Encusé m'avez tel bosoingne,
« Que, s'os n'en avez testemoingne,
« Vos avrez tot ice a mei.
— Sire, par la fei que vos dei, 5416
« Ge troverai cinc chevaliers
« Quil tesmoingnerunt volentiers. »
Mandé furent e il i vindrent,
De sa menzonge le maintindrent 5420
{196} Que c'esteit bien chose seüe
Come d'oïe e de veüe.
Lors fu li reis molt controublez
E vers le Mareschal troublez, 5424
Si que point a lui ne parole,
Anceis li vea sa parole.
Lors pout li Mareschals saveir
Que sire Pierres li dist veir, 5428
Quer li reis l'en fist bien semblant,
Veiant toz, ne mie en emblant,
Qu'il le ha[e]it de tot son cuer,
Ne qu'il n'ert pas de si boen fuer 5432
A cort comme il i soleit estre.
Ne si ch[i]er del rei ne si mestre ;
Mais nequedent pas ne savoient,
Ne mais cil qui brac[i]é l'avoient 5436
E li reis e il solement,
L'achaison de cest maltalent ;
E pur ice s'en mervil[i]érent
Cil e celes qui ce virent, 5440
Qu'il n'i savoient achaison ; [(f. 36 d)]
Si lor semblot gran[t] desreison,
Quer bien savoient l'entremise
De la peine e de[l] beal servise 5444
Que li Mareschal [s] mist en lui.
Si tornout a molt grant ennui
As preudomes qui ce v[e]ei[e]nt,
E molt mains el rei se fïe[i]ent. 5448
{197} Al Mareschal molt de[s]pla[i]seit
De son seingnor qui li faiseit
Mal semblant, a tort, sanz forfait ;
Mais molt li est bel que del fait 5452
Si s'en part [a dreit] e delivre
E se fie en Deu qui delivre
Icels que l'en travaille & peine
A tort ; si'n sofre mielz sa paine ; 5456
Meins le gr[i]eve e meins s'en ahasne.
Membre lui de se[i]nte Susanne
Qui as traïtors ert livrée,
Comme Dex l'out tost délivrée ; 5460
E de Daniel ensement
Qui resteit mis sanz jugement
A tort en la fosse as lions.
Ne sei que plus vos ci dïuns : 5464
Molt est Dex puissanz e corteis ;
Bien li remembre des Treis Reis
Que Damledex si avoia
Que par aillor[s] les renveia 5468
Que par les mains al felon rei
Herode, qui fist le desrei
De decoler les Innocenz,
Qu'i[l] fist par mill[i]ers e par cenz 5472
Ocirre por Deu entreprendre,
Mais n'esteit pas a lui aprendre.
Li Mar[es]chals bla[s]ma Fortune
Qui li out faite tel rancune 5476
{198} Que son servise e som bien fait
Li out atorné a mesfait.
Molt li desplout cele maniére. [(f. 37)]
De son seingnor se traist ariére, 5480
Qu'entor lu[i] n'ala ne ne vint ;
Mais, merci Deu, b[i]en lui avint,
Qu'asez trova de boen sejor
E qui li fist joie e onor. 5484
E[n] non Deu ! si dut il bien faire,
Quer il esteit de tel afaire
Que cil qui[l] po[e]ient tenir
Ne sejorner ne retenir 5488
A molt bien paié s'en teneient
E a joie le reteneient,
Tant que par tot ala li sons
Que entre Gornei e Resons 5492
Dut un tornei[em]ent aveir ;
Si le fist l'en par tot saveir
Al giemble rei, as dus as contes.
Que vos fereie lons acontes ? 5496
Li giemble rei [s] s'apareilla ;
D'aler i ; molt se merveilla
Ou li Mareschals po[e]it estre
Qui li esteit amis e mestre 5500
Toz dis en maint torneiement.
Or ne savoit avoiement,
Ou il esteit ne en quel terre ;
Mais toz dis l'e[n]veia il quere 5504
E li manda sanz nul delei
{199} Que il fust a lui a Gornei.
Trouvez fu : il vint sanz essoingne ;
Nel detenist nule bosoingne ; 5508
Quant il oï son mandement,
Bien le tint a commandement.
Ge di qu'icest torneiemenz.
Fu tot dreit devant les avenz. 5512
De maint païs, de mainte terre
Furent venu lor pris conquere
Li halt home & li bachiler.
Ne s'i firent mie celer, 5516
Ainz alérent as coumençailles. [(f. 37 b)]
I[s]nels fust qui meïst en tailles
Toz les beals [faiz] qui fait i furent ;
E quant li grant conrei s'esmurent 5520
Tote en retentist la valée,
Quer a tant ert la chose alée,
C'est la veritez de la sume,
Que baron e conte e halt home 5524
I furent a tot lor poeir
Si com chascuns le pout aveir.
Li giemble reis o sa baniére
Esteit unquor auques ariére 5528
El chief de [s] lices contreval,
E vit venir le Mareschal
Tot armé, [le] hielme lacié.
Ne sembla pas home chacié, 5532
Ne home qui fuir deüst,
{200} E[i]nz semblot home qui peüst
Grant fais soufrir en un estor.
Par mon chief ! si fist [il] le jor 5536
Molt grant, si com l'estore conte
E com avant osrez el conte.
Li tornei[e]menz asembla,
Mais unques nuls ne resenbla 5540
A cestui qui devant i fust,
Ne unques n'i out fer ne fust
Tant mis a uez en un sol jor.
& quant li reis vint a l'estor, 5544
Durement enforça l'afaire
Devers lui : si dut il bien faire,
Que si durement le faiseit
Li reis qu'a moltes genz plaiseit 5548
Son herdement & sa proece
E son bien faire & sa vistece,
E sa gent si bien le faiseient,
Qu'a lor bien faire s'atasseient 5552
Tot li autre amont e aval,
E nequedent del Mareschal
Disoient que c'ert la mervaille, [(f. 37 c)]
Si que toz li monz s'en merveille 5556
De la mervaille qu'il faiseit,
Si qu'a toz ses amis plaiseit ;
Mais a cels ne plaiseit il mie
Qui Forent mellé par envie. 5560
{201} Il ne volt pas le jor entendre
Au gaaing n'a chevaliers prendre,
Mais il garda si son seignor
Que deus feiz le rescost le jor 5564
De cels quil tenoient al frain.
Tar[t] lor ert qu'il fuissent al plein,
Quant il veneit a la meslée,
Quer molt l'aveit tost desmeslé[e]. 5568
Li tornei[e]menz fu molt boens ;
Ve[i]rs fu que li reis e les soens
I firent tant d'armes le jor
Qu'il ourent le pris de l'estor. 5572
Molt g[a]aingniérent & perdirent
Li Flamenc, & molt bien le firent,
Li Borgoingnon <& li Franceis
& li Normant e li Engleis ; 5576
Mais tant i out bele aventure
Qu'il n'i out pas desconfiture
De nule part, einz departirent
Par acor[t], e si bien le firent 5580
Que cil qui en [la] place esteient
Distrent qu'unques veü [n']aveient
Nul tornei[e] ment en lor vie
De si trés grant chevalerie, 5584
A tant g[a]aingnier e tant perdre,
Que uns n'en convenist aerdre
D'aucune part, par aventure,
A torner a desconfiture. 5588
{202} Mais tuit loérent par egal
La grant proesce al Mareschal,
Si que trestu[i]t cil qui i érent
De deus parz le pris lui donérent. 5592
Partot fu seü e retrait [(f. 37 d)]
Que il aveit le jor mielz fait
D'armes e de chivalerie
Qu'onques n'aveit fait en sa vie. 5596
En la place, ainz qu'il s'en partissent,
Si fu dreiz que s'entrevenissent
Li halt home, si com mei semble,
E que il parlassent ensemble. 5600
Lores dist li boins cuens flamens
Al rei qui de toz crestïans
Esteit la bealté e la flor
E la franchise e la valor 5604
E la fonteine de largesse :
« Beals cosins, n'est sens ne proesce,
« Qui puet por or ne por ave[i]r
« Si trés buen chevalier aveir 5608
« Com le Mareschal que ci vei,
« Qu'il le lait esloingnier de sei. »
Itant dist : li reis n'en fist hére,
Qui laide [h] aenge e amére 5612
Aveit vers lui, sanz achaison
Dunt nus peüst mostrer raison.
Quant li cuens vit que si esteit,
Que nule achaison n'i saveit, 5616
{203} A itant la[i]ssa, si se tout,
Que unques puis parler n'e[n] volt,
Quer bien fu fait entendre al conte
Que li reis rogisseit de honte, 5620
E li Mareschals ensement
En aveit honte e mautalent.
Plus longe parole n'en firent
A cele feiz, einz departirent : 5624
S'ala chascuns a son repaire
Ou la ou il aveit a faire.
Li reis de la vile parti.
Sachiez, quant il s'en departi, 5628
Li Mareschals ne Faparla,
Ne li reis o lui ne parla
Ne il lonc convei ne li fist. [(f. 38)]
A ses conpaingnons congié prist, 5632
A autre chemin s'avoia,
E aucuns le reconve[i]a.
De cels qui ami li estoient
E de son ennui se dolei[e]nt. 5636
Quant li adversaire aperceurent.
Qui a cel tornei[e]ment furent,
Que li reis mandé l'i aveit,
Lors distrent qu'il ne se saveit 5640
De lui consiurrer en nul sens.
« Il s'en consiurera par tens, »
Dist alcuns qui trop fu veisdos
E cruels e mal engingnos : 5644
« S'onques sui riens d'orfaverie,
{204} « Ja n'iert mais tels que vers lui rie
« Quant li péres savra ceste ouvre.
« Honiz seit qui ne li descovre ! 5648
— Veire, a fei ! veire, a fei ! » font il ;
« Eissi le poon faire ; oïl,
« Que jamès a cort ne sera
« Ne nus des reis ne l'amera. » 5652
A peine [s] a itant se tindrent
Tant que devant le pére vindrent,
A Roëm ou il le trouvérent.
Trestuit asemble li mostrérent 5656
Ceste ovre, e li firent save[i]r
Por quei sis fiz deveit ave[i]r
Mautalent vers le Mareschal
E por quei il li voleit mal. 5660
Quant li péres l'oi e sout,
Sachiez gaires ne li desplout,
Fors solement por le huntage,
Qu'a vis li ert que grant damage 5664
E grant gast del suen li faisoient
Cil qui ove sun fiz est[e]ient,
E bien volsist que tant feïssent
Tuit li meillor qu[e] il partissent. 5668
Ore unt li malvais achaison,
Sanz verité & sanz raison,
Par qu'il cuident que mais n'avienge [(f. 38 b)]
Que li Mareschals a cor[t] vienge, 5672
{205} Ne qu'il i seit maiz receüz
N'amez ne preisiez ne cr[e]üz.
Ce qu'il cu[i]dent aveir bracié
Sera unquore desbrac[i]é : 5676
Malgré lor denz, tote a veüe,
Si ert la verité s[e]ue,
E il serront hontos e vil
Quer unquore i revendra il, 5680
E il serra e sire e mestre
Comme si trés preusdom deit estre,
Qui avra raison dreite e clére
D'estre bien del fiz e del pére, 5684
Quer quant l'ovre iert a dreit ouverte
E la falseté descouverte,
D'itant serra il plus amez
E essauciez e reclamez, 5688
E plus plaira a ses amis,
Comme li ors, quant l'om l'a mis
Plus el feu, plus en re[s]clarcist
E plus amende e enbelist. 5692
Après, a la Nativité, [(1182)]
Tint a Chaan, c'est verité,
Li vielz reis Henris si grant feste
K'einz si riche ne si oneste 5696
Mais en Normandie ne tint.
De maint loingte[i]n païs i vint
Maint home ki i fu mandez
E molt [hom] i vint desmandez. 5700
Si fu la feste si pleniére
{206} Qu'il n'ert gent de nule maniére,
De quel mestier que il seüst,
Dont a grant plenté n'i eüst. 5704
Si di ci com ge l'oï dire :
De Se[i]nt Mahieu jusqu'a l'Empire,
De Es la Chapele en Gascoinne,
Dès que sor la mer a Coloingne 5708
Fu ceste feste prononci[é]e [(f. 38 c)]
E en plosors lieus denonci[é]e.
Molt i out de cels qui i vindrent
Qui a molt bien paié se tindrent, 5712
E molt en i out par usaige
Qui ne pristrent fors le musaige.
Li Mareschals vint a la feste.
Unques nel laissa por moleste 5716
Ne por meslé[e] ne por ire,
Ne por rien qu'en li seüst dire
Qu'il ne venist por ce v[e]eir
E por oïr e por saveir 5720
Se la verité ert seüe
Ne la menzonge descreüe,
Que sis sires s'aparceiist
Tant que mal gré ne li seüst 5724
De la grant traïson aperte ;
E s'ele ert unquor de[s]coverte.
E quant il fu lai[e]nz venuz,
Molt fu joïs e bienvenuz 5728
{207} Des hautes genz qui la[ie]nz érent.
Mais cil qui naient ne l'amérent
Haïrent molt sa sorvenue
E molt dotérent sa venue. 5732
Mol[t] doteient Tacordement
E que le grant traïnement
Ne fust d'aucun aperceü
E desvolupé e seii. 5736
N'aprismeucnt gaires de lui.
Totes veies, par a[u]cunui
Faiseient aler ascoutant
E[n]tor lui, ariére e avant, 5740
Por escoter que il dirreit
E saveir s'il s'escondireit
Vers le rei, quar si ert sanz faille
Que molt dotoient la bataille 5744
S'il lor couvenist a prover,
Quer il ne peüssent trouver
Nul d'eus qui ce voussist enprendre, [(f. 38 d)]
Nel laissast prouver ne defendre. 5748
Quant li Mareschals sout de veir
Que il avei[en]t fait saveir
E encusé al rei le pére
Lor traïson false e amére, 5752
E que partot er[t] poupleié
Ce que li fals, li desleié,
Aveient par els contrové,
Lors volt bien qu'il fust esprové 5756
{208} E que tuit peüssent saveir
Se ce esteit menzonge ou veir.
Volentis fu de l'escondire.
Toz pleins de mautalent e d'ire 5760
Vint devant son seingnor le rei,
E dist : « Sire, entendez a mai ;
« Si vos plaist un poi [a] atendre.
« L'om vos a fait de mei entendre 5764
« Laide traïson & amére :
« Veez ci mon seingnor vostre pére
« E si i a barons & contes,
« Vavasors, chasteleins, viscontes, 5768
c(Qui bien sévent raison entendre.
« Veianz toz sui prèz a deffendre
« K'eins vers vos ne fis mesprison,
« Felonie ne traason, 5772
« Que que l'em vos ait fait entendre.
« Oiez com ge me voil defendre :
« Vengent vostre ditor avant :
« A l'aide Deu bien me vant, 5776
« S'a prover mei velent enprendre,
« Prest sui vers els de mei defendre,
« Mei sol, contre treis des meillors.
« S'ert la bataille par treis jors. 5780
« S' au prem[i]er ne me puis defendre,
« Si me fetes meintenant pendre ;
« E se del premier me delivre,
« El demain voil que l'em me livre 5784
{209} « Al secunt : se ne m'en defent
« Si seie pendus esraument.
« Se del tiers ne me pu[i]s defendre,
« Faites mei traîner e pendre. » 5788
Li reis dist : « Mareschal, sanz faille,
« N'ai cure de vostre bataille ;
« N'en prendrai pas vostre escondit. [(f. 39)]
— Sire, cil qui ce vos unt dit 5792
« E qui esmurent la parole
« Sunt ci. Que deit qu'uns n'en parole ?
« Il unt bien oï que j'ai dit.
« Sire, or oi[e]z un autre dit : 5796
« Quant ge vei qu'autre ne puet estre,
« Faites couper de ma main destre
« Un dei, [le] quel que vos lira,
« E li mi[e]ldres d'els s'eslira 5800
« A prover mei de ceste afaire ;
« E se recreant me puet faire,
« Faites de mei, al ch[i]ef del tor,
« Comme [de] prouvé traïtor. 5804
« Or poez b[i]en v[e]eir, beal sire,
« Que malveise langue ose dire
« Ce qu'el n'ose mie prover.
« Quant ge ne puis merci trouver 5808
« E ge offre plus que raison,
« Vos ne querez fors achaison
« De mei esloingnier, ce me semble.
« Oiant tot cest barnage ensemble 5812
« M'estuvra de vos congié prendre.
{210} « N'ai or talent de plus atendre. »
Puis dist al rei Henri le pére :
« Sire, or vos pri qu'en mei apére 5816
« La grant franchise qu'en vos cuit :
« Que vos me bailliez sauf conduit
« De si que ors de vostre tere.
ce Ne vos voil ore plus requere, 5820
« Que bien me faites entendant
« Que vostre cort m'est trop pendant
« Contre raison e lei de terre.
« Si m'estuet aillors aler quere 5824
« Mon m[i]eilz e ou ge puisse vivre,
« Quant ci ne pu[i]s estre delivre
« De fals blasme dont l'om m'encuse,
« Si que nuls de cels qui m'acuse 5828
« N'ose [ci] la teste lever. [(f. 39 b)]
« Sil consent l'om por mei grever.
« E beal m'est qu'a tele asemblée
« M'est dreiture a veüe emblée. » 5832
Lors aperchut bien li vielz reis
Qu'il ne parlot mie galeis
Ne langaige mesentendu,
Mais totes veies a tendu 5836
A metre le fors de la taille.
Sauf condu[i]t voluntiers li baile
Qui conduist lui e sa compaingne
El Perche de[s]que a Moretaingne. 5840
{211} Or s'en veit, e Dex le condu[i]e !
Ne semble pa[s] home qui fu[ie]
Ne qui d'un chevalier ait dote :
Tels [ui] le bat & tels le bote 5844
Dunt ne tient or gaires de conte,
Mais unchore avront tuit cil honte :
C'est dreiz, tresqu'il l'unt porchacié,
Qu'il aient ce qu'il unt chacié. 5848
Or sunt li mensongier a ese,
Or n'ont chose qui lor de[s]plaise ;
Or quident que mais ne retort
Cil qui l'unt esloingnié de cort ; 5852
Or dient li malveis, li fais :
« Que fera or li Mareschals
« Qui si nos aveit toz sospris ?
« Or abaissera molt son pris ; 5856
« Or n'avra pas tant de ses buens ;
« Or n'iert pas toz li gaains suens.
« Veirs est que Henris li Norreis
« Ne s'escriera mais des mais, 5860
« Après lui, n[e] amont n'aval :
« Ça, Dex aïe al Mareschal !
« Geste criée est or remese.
« Esteinz est li feus e la brese 5864
« Del grant gaaing que il aveit
« Dont a nului gré ne saveit.
« Tot[e] aveit la cort en sa main ; [(f. 39 c)]
{212} « N'ert parole, n'ai seir n'ai main, 5868
« De nului fors del Mareschal.
« Ennui & grant eschar & mal
« En avions ma[i]nte fiée ;
« Mais ore est molt atenué[e] 5872
« Sa grant bobance e sa posnée ;
« Auques li avons rampo[s]née. »
Tote en oiance issi disei[en]t
Li felon, la ou il volei[en]t, 5876
Qu'il aveient le Mareschal
Desbanquié e torné el val.
Sire Baudevins de Betune,
Qui n'ama mie lor quemune, 5880
Oï reconter e retraire
Tote lor ovre e lor afaire,
Lor orguiels e lor sorquidances,
E bien vee[i]t lor contenances, 5884
E [si] comme il s'esbaudisse[i]ent
E vantoient e porficheient,
E tenoient entre els grant conte
De lor malvesté, de lor honte. 5888
Que tote gent aparcevoient
La traïson que faite avoient,
Les reproces e les gabeis
Qu'i[l] font de Henri le Nosreis, 5892
Tot oiant qui oïr le velt.
Mis sire Baudeuins s'en delt ;
Dedenz son cuer en a grant ire,
{213} Si trés grant qu'il ne seit que dire, 5896
Si que ne se conforte point.
Escrivre fist tot point a point
En un br[i]ef totes lor vantances
E lor moz e lor contenances 5900
E lor [o] evres e lor maniére,
Si com oï avez a tiére.
En son seel les mist sans faille,
A un garçon les leitres baille 5904
E al Mareschal les enveie. [(f. 39 d)]
Cil se mist tantost en la voie.
Unques a nul liu n'out sejor
Gaires, ne par nuit ne par jor. 5908
Tant enquist amont e a val
Que il trova le Marescal.
Saluz e joie <& grant amor
Li a dit de par son seinnor, 5912
E que Dex le gard ou qu'il aille ;
Les letres esraument li baille,
E li Mareschals les fist lire,
Si com vos m'avez oï dire, 5916
E li clers les lut si trés bien,
Mot a mot, qu'il n'en fallut rien.
Il s'esjoï, c'en est la some,
Por le mandement del prodome, 5920
Mais li sorrires d'aillors vint.
De ce que plus au cuer li tint.