Molt fu joïz de plusors genz, 4352
[E] quant il vint devant le conte
Unques puis n'i out tenu conte
D'ome qui i deüst venir :
Por rien qui peüst avenir 4356
N'ert parole se de lui non.
Par son bien faire ert de tel non
Qu'il n'entendeient a nului
Faire joie ne mais a lui. 4360
Li vaslet le vin aporteient ;
Dementres qu'a ce entendeient
Estes vos que uns pauton[i]ers
Qui d'embler esteit costumiers 4364
Out bien veü le Mareschal
Quant il descendi del chival.
Al garchon vint qui esteit sus ;
Par les temples le tira jus 4368
E le feri molt ledement,
Si qu'il escria durement :
« Ahi ! Mareschal, Maresch[a]l !
« L'om me tout ci vostre cheval. » 4372
E quant li Mareschal[s] l'oi.
Sachiez point ne s'en esjoï,
{159} Ainz saili sus sanz congié prendre, [(f. 29 d)]
N'out talent de nului atendre, 4376
Si vint la ou il [l']out less[i]é ;
E cil s'en vait tot eslaiss[i]é.
Si trespasse la rue tote,
Mais l'en n'i v[e]eit nule gote, 4380
Quer trop esteit la nuit oscure,
Mais encontre la p[i]erre dure
Faiseit grant noise li chivals.
Molt fu ignel[s] li Mareschals : 4384
A la voie sivi sanz rote,
Quer l'om ni v[e]eit nule gote.
Li pautoniers si trestorna,
En une autre rue torna, 4388
Por la pierre qui trop ert nete.
En l'umbrage d'une charete
Pleine de reins, devant un for,
La fist li leres son restor. 4392
Quan[t] li chevals s'estut en peis
E li Mar[es]chals n'oi mès
La noise, ne sout quel par[t] traire,
Ne coument il le peüst faire. 4396
Que qu'il alout eisi pensant,
E li chevals ala cemb[l]ant
Des piez belement tote veie.
Li Mareschals vers lui s'aveie ; 4400
N'ala pas grant noise faisant,
Mais belement e en taisant
Vint al cheval qui s'esfroncha.
{160} E li pautoniers s'enbro[n]cha : 4404
Coler s'en volt jus de la cele,
E cil li done d'une hastele ;
Si durement Tessorcilla
Qu'unques puis de l'oil ne cilla 4408
Qui li vola fors de la teste.
Bien soit a itel seint tel feste !
« Merci ! sire, » fait il, « mors sui !
— Ge ne vos en [en]forçai ui, » 4412
Fait li Mareschals lors a primes ; [(f. 30)]
« Vos l'avez fait par vos meïmes. »
Après le Mareschal cururent
Li quens e cil qui laienz furent, 4416
A qui ainz ainz, chascun[s] sanz feindre.
Mais unques nel pourent ate[i]ndre
Puis qu'il ont le pautonier pris.
Molt li teneient a grant pris 4420
S'isnelece e sa grant vistece
E molt loérent sa proece.
Le larron quemandent a prendre
E mener as forches por pendre. 4424
« Par mon ch[i]ef ! » fait li Mareschals,
« Ja n'iert acheison mis chevals
« De lui pendre : il ad mal asez,
« Que li sorcils li est quassez, 4428
« S'a un des oilz fors de la teste ;
« Ja plus n'avra par mei moleste, »
Ne voil de cest tornei[e]ment
{161} Faire plus lunc conveiement 4432
Que cil qui me dist la matire
Ne me volt ci endreit plus dire,
Mais une molt [plus] grande ouvraingne
M'est sus le col, qui molt m'e[n]graigne 4436
La matire e molt la m'aloingne,
E ge n'i ai mestier d'aloingne
Ne de prendre chose greument ;
Por ce m'estuet passer brieument 4440
En plusors lieus, que la matire
N'ennuit a celz qui Fosrunt dire.
Ici efforce, nostre estorie :
Ne quit clerc [ait] tresque a Montorie, 4444
Se a trait[i]er li couvenist,
Qui a force ne la tenist,
E ne s'en sentist encombré
Einz que par rime eüst numbré 4448
Toz celz q'u[i]l i couv[i]ent nonbrer,
E molt m'en dot a encombrer ;
E por ce encombrés en sui [(f. 30 b)]
Que ge dot qu'il tort [a] annui 4452
A genz qui sunt hastif d'oir,
Ne ne si sévent esjoir
De grant ovre ne ne l'entendent,
Mais a tost passer oltre tendent. 4456
A Leingni sor Marne fu pris
Un tornei[e]menz si empris
Que tels [n'] i out ne einz ne puis,
Si comme en l'estorie le truis, 4460
{162} Quer ve[i]rs fu que li g[i]emble reis
I fu a molt riches conreis
Telz comme orrez encore anuit,
Quer gel dirrei, cui qu'il anuit. 4464
E li quens de Flandres i vint,
E saciez bien que il avint
Qu'il out Flammans et Henueis
& cels d'Avalterre e Tieis. 4468
N'out bon chivalier en nul liu,
De si que as monz de Montgieu,
Qu'il ne porchazast qu'il l'elist,
Por ce que aveir le peüst. 4472
Devers le giemble rei i furent
Si maisneent [si] comme il durent,
De quoi molt esteit granz renons.
Or en oiez nomer les nons 4476
Si comme cil les me nomérent
Qui les virent e qui i érent,
Quer verité qui est s[e]ûe
Deit estre par raison creüe. 4480
Les Franceis nomerai avant ;
Dreiz est qu'il seient mis devant
Por lor hautesce e por lor pris,
E por l'enor de lor pais. 4484
De cels qui porteient baniére
M'estuet lor ouvre e lor maniére
Ramenteveir ci e lors biens ;
Ja n'i trespascerei de r[i]ens. 4488
{163} Li quens Robert i fu de Drues : [(f. 30 c)]
N'a dès Orliens dusque [a] Evreues
Plus pruz de lui, non tan[t] d'asez,
Qui toz les av[r]eit amassez, 4492
E, por le bien qu'il out en sei,
Fu de la gent le giemble rei.
Sire Simons de Rochefort
N'i porta pas baniére a tort, 4496
Qu'il fu e boens e beals e sages.
Bien fu seüz sis vasselages.
E cil des Barres li prem[i]ers,
Li sages, li boens chivaliers. 4500
Qui par bien faire, sanz dotance,
Sormonta toz les boens de France.
Or vos ai dite la maniére
De cels qui portoient baniére : 4504
Willeimes sis filz vint après
Qui asez le sivi de près
E d'ovre e de conteinement,
E Simon sis frére ensement 4508
Qui fu pruz e larges e frans,
E sire Pierres de Leschans,
E sire Amalri de Mellent
Qui as [c]hans ne se tint pas lent ; 4512
Sire Miles de Cha[a] lon
E sis freire, Macaire out non,
E sire Adam de Meleun,
Des meillors fu tenuz a un ; 4516
E misire Odo del Plaissié,
{164} Gist ne deit pas estre laissié ;
E Tiebalz de Valengoujart,
Cist i refist bien de sa part. 4520
Si'n fu Guill. de Borri
En chivalerie norri,
E missires Hermanz de Brie,
Preisiez de grant chevalerie, 4524
E sire Estevene de la l'or,
De grant ovre e de grant ator ;
Si i fu li povres Wanchier [(f. 30 d)]
Qui en bien se sout essauchier ; 4528
Si i fu missires Qorin
Qui out sornon de Saint Servin,
E sire Guifreis de Viane
Qui en bien se e aasgene, 4532
E sire Robert de Bouvreche
Qui aveit meinte bone teche.
Si i fu li quens de Sessons,
N'est pas dreit que nos l'i lessons, 4536
Quer il i fu portanz baniére,
Mais por ce l'ai escrit desriére
Que si le trovei en l'escrit,
Quer al premier fu[st] m[ieuz] escrit. 4540
Ci sunt li Franceis près a près,
Or orrez de Flamans après.
Sire Bauduïns de Betune
Portanz baniére si quemune 4544
Que par tot esteit quen[e]ûe,
{165} Quer en plusors lieus ert veue ;
Sire Willaume de Kaieu :
N'out chivalier de si que a Eu 4548
Plus enprennanz de grant afeire
Quant il le couveneit a faire ;
Sire Aelealmes de Fonteine
A [cui] proesce esteit demaine ; 4552
Sire Eüstace de Nevile
Qui fu e a bourc e a vile
Si queneüz par son bien faire
Qu'il n'i aveit rien que refaire ; 4556
Eüstace de Canteleu
Que l'om ne preisa mie peu,
E mis sire Engerans de Fienes :
Dès Arraz tresque a Freschienes, 4560
De lonc e de lé, en toz sens,
N'out nul plus preisié en son tens.
Or sunt ci li portant baniére,
Li autre sunt unquor arriére. 4564
Que dire estuet par un & un [(f. 31)]
E nomer le non de checun :
Sire Hue de Malalnei
Qui molt refu prodom de sei, 4568
E sires Raols de Plomket,
Boens chevaliers e doz e net ;
Sire Baudewins de Karon
C'om preisout mielz que tel baron ; 4572
N'ert nul[s] d'asez par la contrée
Mielz fereit de lance e d'espée ;
{166} E Hue de Hameleincort
Qui bien teneit chevalier cort 4576
Quant il s'en voleit entremettre :
Bien le saveit a droit fuer mètre ;
Sire Cardon de Freissenvile,
Proz chevaliers e frans sanz gile ; 4580
Sire Eüstace de Champaingne,
Uns des meillors de la compaingne,
E'Sir[e] Rogier de Gaugi,
N'out chivalier josque a Baugi 4584
Gaires plus gaaingnant en presse,
N'onques n'en ala a confesse.
E sire Robert de Bealreim
Qui ne resteit mie destrein 4588
En presse, quant il i veneit,
Quer de tot bien li souveneit ;
Sire Bauduïn d'Estrepi
Qui ne faiseit pas l'escrepi 4592
Quant il veneit as granz beso[i]nz,
Einz le quenoisseit l'om de loinz ;
E Baudeuins de Wartemberge
Qui bien tra[e]it de la scaberge 4596
L'espeie quant il en ert lieus,
Que costumiers ert d'itels gieus.
S'i fu Rogier de Hardeincort
Qui bien ert queneüz en cort ; 4600
S'i fu Will. de Poternes.
A cui souvent cha[e]ient ternes
Quant il voleit la fierce prendre ; [(f. 31 b)]
{167} N'ert pas d'itel gieu a aprendre 4604
De Vartemberge Guizelin :
N'out [nul] plus enpernant veisin.
Or avom Flamens e Franceis,
Or renomerom les Engleis. 4608
Will. nomerai avant,
Le Mareschal, quer bien avant
Ke li autre mielz en valurent
Qui en sa compaignie furent. 4612
Si feïst, par Deu, tot un ost,
Ce os dire si que rien n'en ost.
E mis sire Robert i fut
Le filz Gautier qui molt valut, 4616
Comme boens chevaliers deit faire ;
Sa bonté ne fait mie a taire.
Li quens Davi portant baniére,
Qui molt fu de bone maniére, 4620
E Robert de Londres i fu :
N'i out gaires meillor escu ;
Simons de Mares autresi,
Coragos e proz e hardi, 4624
E sire Robert de Wancy
Proz d'armes e amane[v]i.
S'i fu sire Walter d'Ely
Qui amenda e enbely 4628
La compaingnie ou il esteit,
Qu'asez ert proz e molt valeit ;
E Will. li filz Rogier
Esprové a boen chevalier, 4632
{168} E sire Robert de Le Borne
Qui bien remainteneit son orne,
E sire Will. Revel
Qui as armes se portout bel, 4636
E sire Ansel li Mareschals,
Franz e doz e proz e leials.
Sire Ricart de Berkelai
I fu por veir, quer b[i]en le sai ; [(f. 31 c)] 4640
Sire Johan de Seint Mich[i]el,
Proz chevalier, doz e sanz fiel,
E sire Robert li Bretons.
Des Engleis n'a ci plus des nons. 4644
Or serront nommé li Normant
Qui n'aloient mie dormant
Al tens le giemble rei sanz faille.
Lors furent grain e or sunt paille. 4648
Puis que li rei [s] Richard morut
Nes amenda ne secorut
Nus seignorage qu i[l] eüssent,
De quei esbaudir se puüssent. 4652
Mais de cels baniére portant
Est dreiz que l'on paroult avant.
Li quens Henri la porta d'Où ;
Domages fu qu'il vesqui pou. 4656
Robert d'Estotevile après
Qui des plus proz se teneit près.
E sa baniére ert quenuüe
Par tot la ou ele ert veüe, 4660
{169} Kar il fu proz e boens e beals ;
E sire Johan de Preials,
Cil ki fu ors por coups receivre,
Mais cil n'en rérent mie seivre 4664
Kui avei[e]nt a lui afaire :
Bien lor remostreut son afaire,
Kar d'armes sout bien la maniére,
E par reison porta baniére. 4668
Pierres de Preials e Rogiers,
Coragos e boens chevaliers,
E Will. e Engerrans :
N'out entre Roëm e le Mans 4672
Meillors v. fréres, non si buens,
Ja n'en seit osté reis [ne] cuens.
De Vassonvile i fu Reinalz
Qui d'armes fu e proz e baus ; 4676
E sire Girard Talebot :
De lu puet l'om dire a un mot
K'il out tant de proece en sei [(f. 31 d)]
Qu'il ert bien dinne d'estre rei. 4680
Li dui frére de Trublevile,
Will. e Robert, qui, sanz gile.
Furent bon chevalier e sage ;
Encor pert il a lor lingnage ; 4684
Si i fu Adam d'Ikebou ;
Ge nel blasme ne ge nel lou,
Por quoi ? kar ge ne quenui mie
Ne lui ne sa chivalerie. 4688
Si i fu baniére portant
{170} Johan Male herbe, qui fu tant
De halte proece e de fiére
Ke il dut bien porter baniére ; 4692
S'i fu sire Robert Tresgoz,
Proz chivaliers e de beals moz,
E Henris de Lonc-champ por veir
Qui bien sout ses seignors aveir, 4696
De Cholonces Thomas e Hue
Qui molt furent de grant value,
Raol de Hamarz, de grant non,
E sire Robert Chaperon, 4700
E sire Will. de Clive
Plus trés corteis que riens que vive,
E sire Robert de Buissun ;
Ne cuit pas que nos i truissum 4704
Gaires plus proz ne plus corteis.
Si n'en feiseit pas le gomeis ;
Si i fu Robert de la Mare
Qui ne faiseit pas grant afaire 4708
De prendre un chival par le frein,
E dès que il [l']aveit en la main
N'i aveit pu[i]s mot del secorre,
Kar nuls ne li poeit rescorre. 4712
Mais sire Will. le cras,
Cist ne fait a ublier pas,
Kar proz e metanz fu adès,
Mais qu'auquetes esteit engrès. 4716
Sire Rogier de Bonde vile,
{171} E Pierres qui point ne l'avile ;
Alixandre d'Arsic après ; [(f. 32)]
Il n'est pas dre[i]z que ge le lès, 4720
Kar tant fu boins e beals e proz
Qu'il se faiseit amer a toz.
E Alissandres Malcondu[i]t ;
Bien saveit aler sanz conduit 4724
Dusque as chivaliers, veianz toz,
E bien saveit faire que proz.
Les Normanz ai nome[z] adès,
Or sunt li Angevin après : 4728
Sire Jakelins de Mailli,
Qui unques nul jor ne failli
A proesce, just[a] a prendre,
Quer n'er[t] pas d'armes a aprendre ; 4732
E Hardu[ï]ns de Feugerei
Qui molt out grant proece en sei,
E sire Guifrei de Buislou
Qui unques d'armes ne fist pou 4736
La ou mestiers ert de bon faire ;
Bien fait sa bonté a retreire ;
E missires Robert de Bloc
Qui bien refereit a estoc 4740
Quant tel presse aveit entor lui
Qu'ele li torneut a ennui.
Will. de Tintinïac,
Qui unques n'ama chat en sac, 4744
Quer il voleit en fin save[i]r
{172} Qui pris d'armes deveit aveir.
Sire Guifrei li filz Hamon,
Por ce est dreiz que nos ramon 4748
Qu'il ama tote bone gent.
De chivalerie ensement
Le giemble rei a L[e]eingni
Furent cil que j'ai nomez ci 4752
Quatre vinz chevaliers esliz ;
Non mie esliz mais tr[és] esliz.
Por quei trés esliz nomez furent ?
Qu'entre les esliz les eslurent 4756
Cil qui bien les sourent eslire. [(f. 32 b)]
Issi deit l'om la letre lire.
Quatre vinz, c'est ore de[l] mains
Quer a prover vos prenc en mains 4760
Qu'il en remaint set [t]anz ariére,
Quer qui unques portout baniére
E ert ove le giemble rei,
A toz cels qu'il menout o sei, 4764
Aveient vinten sout lo jor,
Fust a esrer, fust a sejor.
Dès que il moveient de lor terre.
Merveille ert ou l'om puet ce querre, 4768
Ne mais que Dex li devisout
Les biens qu'il li abandonout.
Quinze i out baniéres portant.
Por ce vos p[l] evis en por tant 4772
Que bien érent deux cenz & plus,
Si com avez oï desus,
{173} Qui del giemble rei se vivoient
E qui si chevalier estoi[e]nt. 4776
De toz cels n'est gaires de conte,
Quer bien furent dis e noef conte
le rei en cele besoingne ;
Si i fu li dus de Borgoingne. 4780
Que vos ireie ge contant ?
A plus de trei[s] mile ou a tant
Furent esmé li chivalier
Qui la furent por torneier, 4784
Que devers rei que devers conte.
Ne vos ferai ci plus lonc conte.
Armez furent, si s'entrevindrent,
E firent ce por quei il vindrent. 4788
La vit l'em despleier baniéres
Tantes e de tantes maniér[e]s
Que nuls ne seüst deviner
Tant qu'il les seüst deviser. 4792
Tote en formiout la campaingne ;
Si esteit emplie la plaingne
Que de plaingne n'i aveit point. [(f. 32 c)]
Li uns conreis vers l'autre point. 4796
Or saciez que cele asemblée
Ne fu mie faite a emblée,
Ainz [i out] grant noise e grant bruit.
Al bien ferir tendeient tuit. 4800
La ois[s]iez si grant escrois
De lances, de quoi li recrois
{174} Qui cha[ei]ent a terre al joindre
Ne la[i]ssoi[e]nt les chevals poindre. 4804
Molt fu grant la presse en la plaingne ;
Chascuns conreis crie s'ensenne ;
La p[e]ust l'om d'armes aprendre ;
La veïst l'om cheval[i]ers prendre 4808
As freins e les autres rescorre.
De totes parz veïst l'om cor[r]e
Chevals e tressuer d'angoisse ;
Chascuns a son poeir s'angoisse 4812
De bien faire, quer en tele ovre
Se mostre proece e descouvre.
Molt i out aresté estor,
Molt i out fait d'armes le jor, 4816
Molt fu li torn[e]i[e]menz buens
Anceis que li reis ne li quens
I venissent por asembler.
Lors veïssiez terre trembler 4820
Quant li reis dist : « Ore est ennui ;
c(Poinniez ! n'i atendrai mais hui. »
Li reis poinst, mais li quens se tint
Par cointise, que pas ne vint 4824
De si qu'il en vit ore e point ;
Mais lors ne se targa il point.
Cil qui par devers le rei furent
Si sorcuid[é]ement s'esmurent 4828
Qu'onques le rei n'i atendirent,
E si oltréement le firent
{175} Que cil se mistrent a la veie :
Ne fu pas veie, einz fu desveie. 4832
Quant il les ourent adossez [(f. 32 d)]
Parmi vingnes, parmi fossez,
Si aloient parmi les chès
Des vingnes qui érent espès. 4836
La cha[e]ient chevals souvent ;
S'esteient defolez vilment
Cil qui cha[e]ient e laidi
E empeirié e enlaidi. 4840
Li quens Geifreis o sa baniére
Poingneit si d'estrange maniére,
Quant li reis vint, qu esloingnié furent
Tuit cil qui o lui estre durent. 4844
Si que li reis en son venir
Ne pout en nul liu avenir
A lor genz, quer il s'en aloent,
E cil durement les tesoent. 4848
Li un al bien faire tendoient,
Li autre al gaaing entendoient,
Si que li reis fu angoissous
De ce qu'il fu remés si sous. 4852
Une bataille vit sor destre
De lor gent : s'i po[e]ient estre
Quarante chevaliers al mains.
Une lance tint en ses mains ; 4856
Il lor corut sore e encontre ;
Si trés durement les acontre
{176} Qu'altresi peceia en eirre
Sa lance cum s'el fu de veirre ; 4860
E cil de la qui grant gent érent
Par le frein tantost Tarestérent.
De tutes parz furent venu ;
E a lui fu si avenu 4864
Qu'ol n'i out de tote sa gent
Ensemble o lui fors solement
Le Mareschal qui le siveit
De près, quer costumiers esteit 4868
D'estre près de lui a besoing,
Quer il ne s'en teneit pas lo[i]ng.
E Williaumes, cil de Preials, [(f. 33)]
Qui le jor ert prisons nove[a]ls 4872
E s'ert departi de la flote,
E out vestu de soz sa cote
Un haubert molt privéement,
E chapel de fer ensement 4876
Olt al ch[i]ef, sanz plus e sanz mains.
E il tindrent entre lor mains
Le rei : chascuns d'els mist sa force
D'abatre li son helme a force. 4880
Li Mareschals tant s'avansa
Que trés devant els se lansa :
Tant feri avant e ariére,
Tant lor acointa sa maniére, 4884
E tant bota e tant sacha
Que a force al rei esracha
La testiér[e] de son cheval
{177} tot le frein, e traist aval ; 4888
E Will. de Preials prist
Le cheval par le col e mist
Gran[t] peine a esir de l'estor,
Quer molt li aloient entor 4892
Cil qui[l] voleient retenir.
Molt se penoent de ferir
Will. de Preials souvent ;
Li reis le couvreit sagement 4896
A son escu, qu'il n'ateingneient
A luf i I ne mal ne li faiseient,
Mais tant se furent esforcié
Qu'il ourent al rei esracié 4900
Son healme a force de son ch[i]ef.
Molt li pesa e li fu grief.
Li tooilz dura longement,
Mais molt le faiseit durement 4904
Li Mareschals qui[s] herdoiout
[E] de granz coups i empleiout.
Li cuens de Flandres s'esjoï
De la baniére qu'il oï 4908
Al rei qui esteit en l'estor, [(f. 33 b)]
E out esté piece de jor.
D'arester fu pu[i]s nule chose,
Einz lor corut a la forclose ; 4912
Sis desconfist en sun venir
Que cil ne se porent tenir
{178} Qu'o le rei torneié avoient
E qui trop travaillé esteient. 4916
Si fu la chace maintenue
Que puis n'i out regne tenue.
Molt pesa al conte Guiffrei
E molt en fu [en] grant effrei ; 4920
Souventes feiz lor trestorneit,
Mais ove lui ne retorneit
Nus ; por ce n'i poeit remaindre.
Quant il poeit a els ate[i]ndre, 4924
Molt troveuent ses gieus porvers ;
Souvent en i laissout d'envers.
Mais devant la desconfiture
I avint une autre aventure 4928
Qui deu[s]t estre devant dite ;
Mais si cum ge la truis escrite
La m'estuet dire mot a mot.
L'en ne puet pas tot a un mot 4932
Conter tot le convei[e]ment
Ne les coups d'un tornei[e]ment.
Quant li reis s'en alout issi,
Mis sire Herlins de Vanci, 4936
Seneschal de Flandres esteit,
Bien trente chevaliers aveit
Ovoques lui ors de la presse,
Uns [des] siens chevaliers s'eslesse, 4940
{179} A seignor Herlin le vait dire :
« E[n] nom Deu ! » fait il, « beal dolz sire,
« Veez la le rei près de pris :
« Pernez le ; si'n av[r]ez le priz, 4944
« Qu'il a ja son hialme perdu,
« Dont molt se tient a esperdu. »
Quant misires Herlins l'oi [(f. 33 c)]
Molt durement s'en esjoï, 4948
E dist : « Cist est nostre, ce cuit. »
Des esperons ferirent tuit
Après le rei grant aleüre.
Li Mareschals ne s'aseure, 4952
Ainz muet d'une lance a encontre ;
Si trés durement les encontre
Que sa lance tote depiece
Dusque as jarrez de son chival, 4956
Mais to[s]t fu red[r]eciez sanz faille.
Sor lui comence la bataille :
Cil l'asaillent e il se defent,
Quant qu'il ateint depiece e fent, 4960
Decoupe escuz, enbarre hielmes.
Tant fist li Marescal Will.
Unques nul de cels qui la vint
Ne seurent que li reis devint. 4964
Puis dist li reis e cil qui[l] virent
E cil qui parler en oïrent
Qu'ains plus beal [s] coups ne fu veüz
D'un sol chevalier ne seüz 4968
Que li Mareschals fist le jor.
Molt l'en loérent li meillor.
{180} Ne sai pas les aveiemenz
De trestoz les tornei[e]menz. 4972
L'om les savreit a molt grant peine,
Quer près de chascune quinze[i]ne
Torneieut l'om de place en place,
Por ce ne cuit que nuls les sace ; 4976
Mais d'un qui fu a Esparlon,
Après cestui dunt nos parlon,
Sai ge bien la verité dire,
Que ja n'en sera riens a di[r]e, 4980
Flamanc i furent e Franceis,
E Borg[u]eingnon e Champenais,
Normant, Breton e Angevin,
E si i furent Peitevin, 4984
Mais li giemble reis n'i fu mie. [(f. 33 d)]
De sa gent i out grant partie.
N'i out pas faite grant bargaingne :
Puis qu'il furent a la champaingne, 4988
N'i out fors des lances ba[i]ssier.
La vit l'om chevals eslaiss[i]er
E lances voler en asteles
E escuz croistre e vuier seles. 4992
Durement vint li Mareschals
E sire Pieres de Preials.
Por asembren si asemblérent
As Bergoingnons qui grant gent érent ; 4996
Mais ainz k'il venist al partir
I oissiez coups departir
Des espées, prendre e doner,
{181} Hiealmes tentir e resoner, 5000
Les uns haper as freins por prendre,
E li autre, por els defendre,
Fiérent de maces e d'espées.
Mais lor gent furent arestées 5004
Sor mon seignor Perron ; sil pristrent,
E li autre grant peine mistrent
El Mareschal prendre e abatre.
Entor lui en out plus de quatre 5008
Qui travailloent por lui prendre ;
Mais uns n'i po[e]it le main tendre
Qui nel conperast al partir,
Quer il lor saveit departir 5012
Tels almosnes qu'il s'en sentei[e]nt.
Mais nul point ne s'i asentei[e]nt.
Molt debateient son chival,
Mais il n'alast n'amont n'aval 5016
Por coups, ja tant n'en fust semons,
S'om nel ferist de [s] esperons.
Sire Will. Malvesin
Qui ert prison dès le matin 5020
Vint par iloec e si lor dist :
« Di va ! si m'ait Jhesu Crist,
« Por naient vos en travailliez, [(f. 34)]
« De beal naient vos revolliez, 5024
« Que c'est naient de cestui prendre.
« S'a gaaingnier volez atendre,
« Vos perdez ici vostre tens ;
« Si vos en tien a hors del sens, 5028
{182} « Qu'il se defendreit tot un an
« De vos tresque a la sanct Johan. »
E sire Pierres de Preials
Toz desarmez fu molt isneals 5032
De querre al Mareschal secors.
Es vos une rote le cors
De Normanz sor les Borgoingnons :
S'il perdirent nes en pleinnons, 5036
Que l[i] Marescals fu rescos,
E si'n i out de si escos
Qu'il i laissiérent les poutreals.
« Or ne vus est pas li gieus beals, » 5040
Dist Maulvesin, « gel vos dis bien
« Qu'os n'i gaaingneriez rien,
« E[i]nz est or devers vos la perte
« A buen dreit par vostre deserte. » 5044
Li tornei[e]menz departi,
E li Mar[es]chals s'en parti ;
Si s'en revint a son seingnor
Qui molt l'amout de grant amor. 5048
For ce le teneit près de sei
Qu'en lui troveit amor e fei.
Li rei erra par mainte terre
Por pris & por onor conquerre, 5052
E il en conquereit asez.
Qu'il n'en poeit estre lassez
De beal doner e de beal mettre,
E molt se voleit entremetre 5056
{183} D'apaier les fols e les sages,
Quer itels esteit sis usages
Qu'il ne saveit rien escondire ;
Ne rien n'esteit en lui a dire 5060
De quant qu'a gentilesse amonte, [(f. 34 b)]
Quer de boen cuer naist e se monte
Gentillesce e flurist e charge
Quant que Largesce li encharge, 5064
Quer bien savez que Gentilesce
Fu nurie en l'ostel Largesse.
— Ou mest Largesse ? dites mei.
— Ou ? enz el cuer al gienble rei, 5068
La me[s]t ele tot son aage,
Mais el perdi son heritage
Quant il morut, ç'oï retraire
E remest veve sanz doaire. 5072
Del giemble rei fu veritez
Que en chasteals e en citez
E par tot la ou il veneit
Si grant despense demeneit, 5076
Que, quant veneit al departir,
Qu'il n'en saveit coument partir.
E quant veneit al chief del tor,
Lores veneient li detor 5080
De chevals, de robes, de vivres :
« Cist a taillie de trois cenz livres,
« Cist de cent e cist de deus cenz.
— Ce s'amonte bien a sis cenz, » 5084
Faisei[en]t lor li escrivein.
{184} « Qui prendra ceste dette en main ? »
Faiseit aucuns des amparliers.
« Misires n'a pas ci deniers. 5088
« Mais vos les avrez eins un mais.
— Par fei ! » fesei[en]t li borgeis,
« Si li Mar [es] chais prent an mains
« La dete, sanz plus & sanz mains, 5092
<i N'en sumes de rien esmaié,
« Einz nos en tenom a paié. »
Oez quel onor e quel grace
Damedex fist en mainte place 5096
Al Mareschal par sa bonté,
Qu'a naient esteient conté
Baron e vavasor e conte ; [(f. 34 c)]
Que l'em ne teneit d'e[l]s nul conte 5100
Quant veneit a itel afaire,
E cil en poeit le tot faire
Qui rente ne terre n'aveit
Fors le bien que l'en i saveit. 5104
Dex ! comme a grant chose en proece
E en bonté e en largesse.
En sens, quant il sunt mis ensemble
En un sol home, ce me semble ! 5108
Mais b[i]en savez que ceste vie
Est si raanclée d'envie
Que maint i a qui tant la liéve,
Par poi qu'il meïsme n'en criéve ; 5112
Qu'envie par dreite raison
{185} Si art tot avant sa maison
Que ele puisse ardeir l'autrui,
Ne qu'el puisse nuire a nului. 5116
Quant ele a la soe alum[é]e,
De son feu e de sa fumée
La son procein veisin alume.
Que maudite seit sa costume ! 5120
Envie osta de paradis
Adam que Dex i aveit mis ;
Par envie false e amére
Ocist Chaym Abel son frére. 5124
De la lingn[i]e Chaym sunt
Trestu[i]t cil qui traïson funt.
Li envïos orent envie
Del bien e de la bone vie 5128
Del Mareschal e de l'amor
Que il aveit a son seignor.
De mal penser si engreignoent
Que par poi qu[e] il ne crevoent 5132
Por ce que trover ne po[e]ient
Nule enchaison ne ne savoient.
Si pensoent [e] nuit e jor
De mesler le a son seignior. 5136
Cil cui il aveit plus bien fait [(f. 34 d)]
E qu'il aveit a cort atrait
Porpensérent mortel traîne,
Par quei li reis out grant haïne 5140
Vers le Mareschal e cruele.
{186} Unques encor n'oïstes tele ;
E si sai jo bien qui cil furent
Qui ceste traïson esmurent, 5144
Mais ne font pas a nomer tuit :
Mal gré m'en savreient, ce cuit,
Telz i a unquor des lignages.
Por ce m'en tieng, si faz que sages. 5148
Il fu veir qu'Adam d'Ikebeu
Traist de son cuer le malveis breu
Dunt les proeces furent faites
Si mensongiér[e]s e forfaites 5152
Qu'eles ne font a amenteivre :
De malveis vaissel malvais beivre.
E sire l'homes de Golonzes
I mist de son sel bien deus unzes 5156
Qui n'esteit proz a autre afaire
Ne mais a itels salses faire.
Cinc furent a ceste mostarde,
Mais de treis me sui doné garde 5160
Que ge nes nomerai mie ore :
Asez serront nommez encore.