Qui tant esteit pruz & corteis 3644
{133} E larges sor toz crestïens,
E qui toz princes terriens
Sormonta par fine beauté
E d'onor e de lëauté, 3648
Que si trés bien lui aveneit
Que par tot la ou il veneit
N'esteit parole ne renon
De hautesse se de lui non. 3652
Certes, e non deveit il estre ?
K'il out d'armes le meillor mestre [(f. 25)]
Qui fust ne a son tens ne puis,
Si com en Festorie le truis : 3656
Ce fu li Mareschals, sanz dote,
Qui mist en lui sa cure tote,
N'einz ne s'en feinst nule fiée.
E ele i fu bien enplaiée, 3660
Kar il fist tant par sa proesce
Qu'il out [a] espose Largece :
Ne la tint pas en soingnantage,
Molt out en lui bon mariage, 3664
Kar toz dis, tant comme il fu vis,
L'ama comme leials amis,
E cele lui, ge n'en dout mie,
Come leial e fine amie. 3668
Oubliance qui ne veit gote
A tost home geté de rote
{134} Qui pense e mis fors de sa voie,
Mais remenbrance me ravoie 3672
De ce qu'ai mis en oubliance.
Ben[e]eite seit remenbrance
Quant il li pleist qu'el me secore
E me meint a tens e a ore, 3676
E me rapele a ma memorie
Un riche fait de nostre estorie
Qui par le conseil d'oubliance
Ert remés e mis en soufrance ! 3680
Entre Mestenon e Nogent
Out pris un grant tornei[e]ment
As oytaves de Pentecoste.
Cil cui point n'ennuie ne coste 3684
A hanter la chivalerie
I vindrent a grant compaingnie,
Quer iloec fu li giembles reis
E Phelipes, li plus corteis 3688
Quens qui fust ainz ne iert en Flandres
E dunt vindrent meillors esclandres.
Si i fu li quens de Boloingne
Qui n'alout pas querant essoigne [(f. 25 b)] 3692
De proesce faire en toz lieus,
Que molt li pla[i] scient tels gieus.
Si i fu li quens de Clermont,
Un des boens chevaliers del mont. 3696
Ne puis chascun par sei nombrer
Ne ge ne m'en voil encombrer,
Quer trop i convendreit gran[t] peine.
{135} Si n est pas sages qui se peine 3700
De dire ce que rien ne monte
E si'n puet enperier son conte.
Mais a un sol mot vos voil dire
Qu'el realme ne en l'empire 3704
N'out prodome, s'il le seüst,
Qui n'i venist se il peüst.
Quant a la place venu furent
Li giemble home si com il durent, 3708
Comenciérent molt asprement
Les vespres del tornei[e]ment.
Chascuns tendi a son b[i]en fait,
Si que tant d'armes i out fait 3712
Que nus nes veit qui bien ne die
Ques meine la chivalerie ;
Mais tant vus di, c'en est la some,
Que li baron e li halt home 3716
As vespres pas ne torneiérent,
Mais de lor genz i enveiérent.
Si avint, si com dist li vers,
Que sire Renalt de Nevers 3720
Prist deus de[s] compaigno[n]s le rei,
Sis enmena la nuit od sei.
Al seir a l'ostel en parlérent
Li chivalier qui lai[e]nz érent ; 3724
Si distrent al rei : « Beau doz sire,
« Oiez que nos vos volom dire :
« Dui de nos compaignons sunt pris,
{136} « Sis enmeine cis kis a pris, 3728
« Misire Renalz de Nevers.
— Il en sera vers mei porvers, » [(f. 25 c)]
Fait li reis, « se ge l'en [re]quier ;
« E por ce preier ne l'en quier, 3732
« Quer par plusors feiz m'a requis
« D'estre o mei ; si l'en escondis. »
Il li loérent : « Si ferez ;
« Ja si desdeigneus ne serrez 3736
« Que n[e l'Jen requerez al mains,
« E d'itant li devrez vos meins :
« S'il vos en escondit, sanz dote,
« Ne vos eime ne crient ne dote. » 3740
Par lor consels l'en a requis,
E cil qui tot fu contrequis
D'escondire, l'en escondi[s]t,
E si li manda bien e dist 3744
S'il poeit plus de[l] son tenir
Que bien le voldreit retenir,
E qu'il tenist & retenist
Quitement quant qu'il en tenist. 3748
Lor[s] fu li giembles reis en ire ;
A ses chevaliers prist a dire :
« Seignors, oez quel contremande
« Danz Renalz de Nevers me mande : 3752
« Se il poet plus del mien aveir
« Qu'il le tendra, ce dit por veir ;
« E se ge puis aveir del suen
« Si'n face mun pru & mun b[u]en. 3756
{137} « Or vos pri que demain el jor
« Meitez tuit peine, por amor,
« En son cors prendre & retenir,
« Quer se gel po[e]ie tenir 3760
« Al meins me rendreit il les miens ;
« N'en voil or ci plus dire riens. »
Maint en i a qui se porofre
E qui jure e otreie e ofre 3764
Qu'il le rendra demain tot pris ;
E cil qui sunt de menor pris
Dient que, s'il le poent prendre,
Qu'il le rendrunt sanz plus atendre [(f. 25 d)] 3768
« Mareschals e vos que m'en dites ? »
Fait li reis, « ira s'en il quites ?
— Sires, » dit sei li Mareschals,
« Se ge poe[i]e mes chevals 3772
« E mon herneis garder de lui
« Ge ne m'en pleindreie a null[u]i,
« Puis k'il dist que il retendra
« Del nostre quant qu'il en prendra. » 3776
Essi respondi par mesure
Cil qui de vantance n'out cure ;
Ne volt nient plus prendre en main.
E li torneis fu l'en demain 3780
Molt granz e molt riches e buens.
Si i fu abatuz li cuens
De Clermont, e fu en la pres[s]e
{138} Qui molt esteit grande e engresse, 3784
Que li un tendei[e]nt al prendre
E li autre voleient tendre,
S'il po[e]ient, a lui secore
E al defendre e al rescorre. 3788
E li reis kemanda sanz plus
Que il se traïssent en sus,
Que il cremeit quel destreinsissent
Tant que par force l'estreinsissent. 3792
Lors fu rescos : a la rescosse
Out asez plus que barre escosse.
Que il [i] out mainte testée
E mainte testiére entestée 3796
De coups d'espées e de mace,
Tant que cil guerpirent la place
Qui orent abatu le conte,
E si s'en partirent a honte. 3800
E quant li quens fu remontez
E[n] cui aveit tantes bontez.
Lors se traistrent vers un fossé
Que il avoient adossé 3804
Por restreindre e por recovrer.
La veïssiez d'armes ouvrer [(f. 26)]
E chival[s] prendre e gaaingnier :
N'i aveit mot de bargaignier, 3808
Qu'autre[s] choses orent en mains,
Li uns del plus l'autre del mains.
{139} Li tornei[e]me[n]z recomence
Si arestez que chascun[s] tence 3812
A faire d'armes mielz qui mielz.
Se chascuns eüst mis ses ielz
A ve[i]ntre, n'i meïst plus peine.
Chascuns a son poeir se peine : 3816
Uns prent al frein, autre se melle ;
La les veïssiez melle pelle
Arestez, non mie en alant,
Quer unkes mosches a malant 3820
Ne veïstes si arestées.
En plosors lieus aveit meslées
Par [granz] tropeals parmi la pleingne.
Chascons conrei[s] crie s'enseigne. 3824
Li Mareschals entre els s'eslesse ;
Si a tant quis parmi la presse
E sus & jus, coment qu'il aut,
Qu'il a trové seignor Renaut 3828
De Nevers ; nel qui[s]t pas en vein,
Que il l'a pris par mi le frein,
Puis l'a [a] force trait aval
Desus le col de son chival. 3832
Lores n'i out mestier tençon.
Qu'il l'en porte, ou il voille ou non,
Issi desque devant le rei ;
Pu[i]s dist : « Sire, atendez a mei ; 3836
« Ge vos do[i]nz monseignor Renalt.
{140} — Vostre merci ! Si Dex mei saut,
« Molt m'avez a mon gré paié.
« Or ne su[i] ge mie esmaié 3840
« D'aveir les miens e plus del suen.
« Bien m'avez servi a mon buen
« Ore e mainte feiz, par mon ch[i]ef »
Lors recomence de rechief [(f. 26 b)] 3844
Li tornei[e]menz par orguil ;
E se mentir ne vos en voil
E de la verité n'en lès,
Si s'entrevindrent a eslès. 3848
Que unques a chatel garder
Ne volt nesuns d'eus regarder,
E jenz s'entref [i] érent a taille :
Ausi com li charpentiers taille 3852
Fuz a sa coingnie e eschaple,
Ausi li uns sor l'autre chaple.
Quant li boens quens fu remontez,
En cui aveit tantes bontez. 3856
De Clermont, s'apela son frére
Seignor Symon qui meschals ére :
« Simon, » dist il, « tant retendrei,
« Ja por frére ne vos tendrai 3860
« Se nos nes alom si paier
« Que lice ne lor ait mestier. »
Lors mistrent le[s] healmes es chiés,
{141} Ainc n'i gardérent a meschiés, 3864
Einz lor eorurent a deslaz :
Parmi testes & parmi braz
Fiérent e maillent tote veie
Tant qu'il le[s] mistrent a la veie ; 3868
N'i out mestier lice ne gile :
Par force le [s] mist en la vile
Li reis e cil qui o lui érent.
Li autre fuiant s'en alérent 3872
Desconfit e [tres]tot perdirent,
Quer trop laidement s'espartirent…
De la merveille e del desrei
E del riche poeir le rei 3876
E del bon conte de Clermunt
Qui tant érent venu amont
Qu'il les avoient mis el val
A l'aide del Mareschal. 3880
D'un' autre chose direi ore, [(f. 26 c)]
Quer asez parlera enquore
L'estorie del rei longement
E del Mareschal ensement, 3884
Mais nostre estorie me remenbre
Ce que ge vi e bien me menbre,
Si ne dui tant aveir mespris,
D'un tornei[e]ment qui fu pris 3888
Entre Anet e Sorel adonques,
Si cuit que greingnor nen out unques.
Ve[i]rs fu qu[e] icil de lo[i]ng vindrent
{142} Qui le tornei[e]ment maintindrent : 3892
Dès Peitou tresqu'en Avalterre
N'out, qui son pris volsist conquerre,
Qui laissa[s]t por nule bosoigne
Qu'il n'i fust, s'il n'out grant essoigne. 3896
Ge ne sai conment ce avint,
Mais li giembles reis pas ne vint,
Mais sa bone maisnie i furent
Qui trés tanz d'autre gent valurent. 3900
Bien puet tel parole estre dite
Quer i furent tuit [a] eslite
Li meillor qui fus[s]ent trové
E qui meilz erent esprové. 3904
E cil qui n'esteit pas del mains,
Li Mareschal[s], qui sanz ses mains
N'entrout en presse n'en estor
Qu'il n'i parust al chi[e]f del tor 3908
I vint : si'n fu la compaignie
Plus corajose e plus herdie.
De ça et de la venu furent
Cil qui a la place s'esmurent ; 3912
Molt i out grant gent asemblé[e],
Mais ne fu pas feite en emblée.
Que ne pout pas estre teüe
Chose de longement seüe. 3916
Armé furent ; si s'entrevindrent
E firent ce por que[i] il vindrent.
Mais molt vos di que li Franceis [(f. 26 d)]
Le firent durement anceis 3920
{143} Que les gens le rei i venissent ;
Mais ne cuit que puis s'i tenissent
Gaires, quer si estreiz les tindrent
Cil qui desrenié[re]ment vindrent 3924
Que trop durement les chargiérent ;
Mais unques ne s'en deschargiérent,
N'onques a els n'orent repos,
A[i]nz lor couvint torner les dos. 3928
Si fu tels la desconfiture
Conques por nule creature
N'i osa li uns l'autre atendre,
Ne il n'ourent recet ou prendre, 3932
Ne nuls conseillier ne[s] saveit,
Fors qu'une viez mote i aveit
Qui asez ert de povre ator :
De heriçon ert close entor. 3936
Des fuianz auquant i montérent,
Lor chivals aprés els menérent,
Sis lassiérent al heriçon ;
De lor cors érent en friçon, 3940
Del traire enz n'orent leisir lors ;
Si lor couvint laissier defors.
Li Mareschal[s] i vint poingnant,
Qui ne s'alout mie esloignant 3944
De proesce, einz la voleit faire.
Hoc enprist un grant afaire :
Maintenant a pié descendi,
Unques home n'i atendi 3948
Fors celi qui sun cheval tint ;
{144} Encontremont la mote vint,
Deus beals chevals prist [par] les freins,
Sis amena en ses deus mains 3952
Tresque al fossé, aval la mote.
N'aveit talent d'escouter note.
Que trop halte ert Tarière douvre.
Il n'i a home tresque a Dovre 3956
Ne fust esgarez de monter, [(f. 27)]
E il, sanz plus conte aconter,
Del monter contremont se peine,
Tant qu'amont les traist a grant peine. 3960
N'ert merveille s'il fu lassez,
Que travaillé aveit asez
Quant il ala les chevals prendre,
E al monter e al decendre. 3964
Dui chivalier iloc sorvindrent :
A dreite troveüre tindrent
Qu'il le virent sol e a pié
E le sourent a travaillié. 3968
Une false bonté li firent
Quer ses deus chevals li tolirent,
N'il n'i mist pas trop grant defense
Quer bien set en son quer e pense 3972
Qu'il les ravra malgré lor denz,
Por ce n'i mist pas grant contenz.
Qu'il les cono[i]st e set lor nons
E qui eus sunt e les sornons : 3976
Li uns fu Pierres de Leschans,
{145} Mais molt li tesgassent ses flans,
Se li Mar [es] chais fust muntez,
Se il ne li feïst tels bontez 3980
Qu'il ne fust pas tot a son buen,
E bien tost en menast le suen.
L'autre ne sei ge pas nomer,
Mais quant vendra a l'asomer, 3984
L'em lor fera tel gieu parti
Qu'il en avront le mesparti.
Quant montez fu li Mareschal[s],
Se lors ateinsist les vassals, 3988
Molt restorast bien ses damages
E si lor paiast si lor gaiges
Que ja del pou ne se pleinsissent,
Non, par Deu ! s'il ne se feinsissent ; 3992
Mais il n'i [e] ust mot del feindre,
Certes, s'il les peüst ateindre.
D'esperoner avant s'avanche, [(f. 27 b)]
E vint tot dreit a un[e] granche 3996
Ou chivaliers érent asis,
Mais si estoient mesasis,
Qu'il n'esteient pas a tanz quanz,
Quer defors en out quatre tanz 4000
Qui durement les asaillirent ;
E cil point ne se deffailli[r]ent
Qui dedenz érent d'eus defendre,
Mais près qu'il n'esteient al prendre, 4004
Quant [çou] avint que ne sai quelz
Esgarda par entre deus pelz
{146} A reille dunt la grange ert close,
Mais molt l'eussent tost de[s]close, 4008
Quant cil cria comme vasals :
« Ahi ! Mareschals, Mareschals !
« Franc chevaliers, secorez nos ! i »
li demanda : « Qui estes vos ? 4012
— Chevaliers de compaigne somes,
« A vos purement nos rendomes.
— Comme avez non ? nel celez mie.
— Ge ai non Florence de Hangie 4016
« E sire Loeïs d'Arceles,
« Mais molt nos sunt les ores beles
« De ce que veü vos avommes ;
« Recevez nos : vos prisons somes, 4020
« Quinze chevaliers de compaigne.
« Si volom mielz qu'a vos remaigne
« Nostre aveir, quant a ce en somes,
« Que mielz enplaié le tenomes 4024
« Qu'a toz celz qui ci nos assaillent
« E por nos prendre se travaillent. »
Il [l']otreia ; cil se rendirent,
Mais cil qui al prendre entendirent 4028
Esi ne l'otreiérent mie,
Einz jurérent e mort e vie.
Que ja issi ne s'en ireient
Ne ja ne lor eschapereient 4032
Sanz rendre sei a els prisons ; [(f. 27 c)]
E que c'esteit granz mesprisons
Que li Mareschals lor faiseit.
{147} Trop durement lor desplaiseit. 4036
« Par mon ch[i]ef ! » dist li Mareschals,
« Ge vus en ferai toz égals !
« Puis qu'il se sunt a mei rendu
« Bien seront de vos defendu. 4040
« Ges deffendrai, coment qu'il aut.
« Va mei por le conte Tiebault
« E por dan Guill. des Barres.
« Ja i vesrez de granz esnarras 4044
« Einz que les vos lais i mais prendre,
« Dès qu'il se volent a mei rendre.
« Vos i avrez ja tels ressies
« Ou il avra testes croissies. 4048
« Quant il se volent a mei rendre,
« Molt vos convient les cols estendre
« Einz que les enmengiez par force.
« Ore ait dahé qui les efforce ! » 4052
Quant cil oïrent la manace
Tant tost partirent de la place
E deus e deus [e] treiz & quatre ;
Ne[n] orent cure de combatre. 4056
Esi fu que cil departirent,
E li chivalier s'en eissirent
Sanz aveir plus ennui ne mal,
Merci Deu e le Mareschal 4060
Qui si trés bien les aveia
E sauvement les conveia ;
E quant a lor sauveté furent
Lors [s'] offrirent, si com il durent, 4064
{148} Bonement vers lui a rai[e]ndre,
Mais il n'en volt unques rien prendre,
Einz les clama bonement cuites.
Graces e mercis e merites 4068
L'en rendirent, e si [li] distrent
Trestu[i]t ensemble e li premistrent
Que si chivalier essereient [(f. 27 d)]
En quel liu qu'il le trovereient, 4072
E il lor plus ne demanda,
Ne mais qu'a Deu les kemanda.
Lors departirent, n'i out el.
Li Mareschals vint a l'ostel ; 4076
Desarmer se fist esranment ;
Mais ne demora pas granment
Qu'il demanda un palefrei,
Quer encore esteit en effrei 4080
De ses chival[s] que cil aveient.
Qui nul bon gré ne l'en saveient.
Lors vint a l'ostel al Barrier,
Al corteis, al buen chevalier, 4084
A l'entechié de toz les biens,
Si ku'il n'i failleit nule rien,
E cil Pierres sis niés esteit, -
De Leschans, qui mesfait aveit 4088
Vers le Mareschal e mespris
Quant il aveit son chival pris.
{149} Quant li Mareschals descendi,
Molt fu qui a l'estrief tendi, 4092
E quant il fu entré [s] laienz,
Queneüz fu de plusors genz.
Tuit dient amont e aval :
« Bien vengiez, sire Mareschal. » 4096
Mis sires Will. meïsmes
Des Barres se remua primes,
Qui molt trés grant joie li fist.
Li Mareschals tantost li dist 4100
Sa bosoigne que il quereit,
E comme sis niés li aveit
Son chival toleit a meschief.
Tot li conta de chief en chief 4104
Si com devant avez oï.
Sachiez quant li Barreis l'oi,
Molt s'en seingne e molt se merveille
E molt le tient a grant merveille. 4108
« Qui » fait il € si vos a bailli ? [(f. 28)]
« Uns malveis recreanz failli !
« Se uns autres le m'eiist dit
« Ge n'en creüsse pas son dit, 4112
« Mais ge[l] crei bien quant vos le dites.
« Malement vos rent vos merites
« Des granz bienz e des granz secors
« Que vos li avez fait plusors. » 4116
Lores fu Pierres demandez
De Leschanz qui contremandez
Fust voluntiers se il peüst,
{150} S'essoigne mestier i eüst. 4120
E quant devant son uncle vint,
Li uncles dist : « Coment avint
« Que unkes esgardastes par mal
« Vers mon seignor le Mareschal, 4124
« E que tant vers lui mespreïstes
« Qu oreins son chival li tolistes,
« Ne qu'os l'osastes adeser ?
« Certes l'om vos devreit teser 4128
« Come lar[r]on pris a forfait,
« Quer laidement avez mesfait. »
Il dist non fist. — « Vos si feistes.
« Vos l'avez e vos le preistes ; 4132
« Molt li avez a poi contez
« Les granz ovres & les bontez
« Qu'il vos a fait en plusors lius :
« De mauveis home malveis gius. 4136
« Rendez le tost, gel vos commant. »
Lors a cil fait venir avant
Un son sum[i]er que il aveit
Ferrant, de autretel peil esteit, 4140
Mais tant aveit ses anz portez
Qu'i[l] ert maigres e espotez
E redois e esperoniers.
[Si] cuit qu'i[l] n'esteit pas entiers, 4144
Einz i failleit del cuir asez ;
Recreant esteit e lassez.
E li sires des Barres dist : [(f. 28 b)]
« Sire Mareschals, est ce cist ? 4148
{151} « [Le] quenoisiez vos ? — 0[i] l bien,
« Mais cest ne tien ge pas por m[i]en.
« Vos meïsmes le quonoissiez :
« C'est un viel som[i]er defroissiez 4152
« Qu'il a eü plus de cinc anz.
— Or nos tenez vos por enfanz,
« Pierres ? » ce li dist li Barreis ;
« Si ne feïstes que corteis ; 4156
« Quidiez vos nus abbabïer ?
« Une rien poez devi[n]er,
« Se ne faites le suen venir,
« Que bien tost porreit avenir : 4160
« A itant vos tien les correi[e]s
« Qu'ai departir feron deus vei[e]s. »
Lors fist cil le cheval venir
Qui plus ne l'osa detenir, 4164
E li Barreis sanz plus atendre
Le fist al Mareschal tost rendre.
Alcuns de cels qui laienz érent,
Qui Pierre de Leschans amérent. 4168
Firent entendre al Mareschal
Que ce ne serreit mie mal
S'il l'en otreiout la meit[i]é
Par concorde e par amist[i]é. 4172
Cil qui de toz bien [s] ert apris
Lor dist : « Ja n'en serra eschis :
« Quant eissi l'avez ajugié
« Jamais par mei n'iert desjugié. » 4176
{152} Lors dist un[s] autres chevaliers :
« Remaingne li chivals entiers
« A celui qui plus getera
« En treiz dez ; eisse ? essera ? » 4180
Fait li Mareschals : « Ge l'otrei,
« Ja ne remendra endreit mei.
— Ne en mei, » fait misires Pierres.
« Jan'en serrei or boubancieres. » 4184
Lors furent aporté li dé
Qui tost se furent essidé [(f. 28 c)]
Des mains dès que l'om les lança.
E sire Pierres s'avança, 4188
Si jeta noef ; cil unze après.
« Li Mareschals en est plus près, »
Font il, « quer il l'a gaaingnié.
— Par Deu ! e[i]nz l'a regaainnié, » 4192
Dist li Barreis, « e ce est dreiz,
« Quer il l'a gaainnié deu [s] feiz. »
Il le prist quant cil li rendi
[E] a son garson le tendi. 4196
Molt le preiérent de remaindre,
Mais il voleit unquor ateindre
A son autre cheval raveir
Ou [par] preiére ou par aveir. 4200
Le cheval a l'ostel enveie,
E il a cuilli[e] sa veie
A l'ostel ou celui saveit
Qui son autre cheval aveit. 4204
{153} Cil qui l'aveit ert, sanz dotance,
A un des halz barons de France,
De grant ouvre e de grant renon,
Mais ne sai comme il aveit non. 4208
Saciez que grant joie li firent
Trestu[i]t cil qui venir le virent,
E li sires & tot li altre,
Fors cil qui set, qui gist el faltre, 4212
Que del chival esteit saissis,
Qui en crient estre dessaisis.
Contre lui se sunt desrengiez :
« Or ça ! Mar[es]chal, bien vengiez ! » 4216
Dist li sire, e lez lui l'asist,
Grant joie e grant enor li fist.
Li Mareschaus sanz plus d'aloingne
Li a mostré[e] sa bosoigne, 4220
Come sis chivaliers aveit
Son cheval pris ; si ne saveit
Qu'il l[i] eüst de riens mesfait. [(f. 28 d)]
« Cest ne t[i]en ge pas a bien fait, » 4224
Fait sei li sires ; « par mon ch[i]ef,
« Gel vos rendrai, cui qu'il seit grief. »
Li chevals fu avant venuz ;
N'osa estre contretenuz. 4228
Molt ert bels e forz e delivres,
Bien valeit plus de trente livres.
Rendu[z] li fu, mais bien savez,
{154} Quer plusors foiz oï l'avez, 4232
Que voluntiers aïde al suen
Quil quide avancier de son buen.
Molt proiérent le Mareschal
Qu'il li mipartist le chival, 4236
Ou il getast qui tot Tavreit.
Il dist que ja nus n'en savreit
Chose dire qu'il n'en feïst,
Por ce que reison en deïst. 4240
« Quant si bel m'en avez preié,
« Je l'en acuil a la meit[i]é ;
« Ou, s[e] il velt, metez i lot :
c(Getons as dez qui l'avra tot. » 4244
La fust li gieus toz apointiez ;
Mais cil ou[t] esté aco[i]ntiez
Comme il out l'autre gaaing[n]ié :
« Mal averoie bargaingnié 4248
« Se a un cop de dez perd[e]ie.
« N'en f[e]rai pas, si Dex me veie.
— Nel ferez pas ? — pe vos di non.
— Savez or comme il avra non ? 4252
« Or ait non cheval mié parti,
« Quer il serra par mié parti, »
Fait sei li Mareschals a primes.
— « Volez vos que gel prise primes ? 4256
— Oïl ; g'en voil estre delivres.
— Li chevals valt quatorze livres
« A retenir ou a tot vendre.
« Par tant voil ge vostre part prendre. » 4260
{155} Dist li Mareschals : « Volunt[i]ers. [(f. 29)]
« Or est li chevals miens entiers :
« Or vos set livres sunt tuit prest ;
« Ge n'en voil ja respit ne prest. » 4264
Quant cil qui preisa comme fals
Aperçut que li Mar[es]chals
S'esteit de deniers porveü,
Lores se tint a deceü, 4268
Qu'il ne quida que il eüst
Deniers ne aveir les peüst ;
Por ce fu al presier delivres
Qu'il valeit bien quarante livres. 4272
Esi av[i]ent qui si desert,
Que qui tot couveite tot pert.
Cil le paie e o sei Fenmeine.
Or en a deuz en son demaine 4276
Qui li esteient for[s] des meins ;
Or i a plus e cil le meins,
Mal gré a cels qui li tolirent
Quer unques por lui riens n'en firent. 4280
Tels quide ga[a]ingnier qui pert,
Por c'est fols qui a cort desert
De prudoume malevoillance :
Plus i pert qu'il ne s'en [a]vance. 4284
Après ice dunt vos parlon
Avint qu'out pris a Esparlon
Un grant tornei[e]ment por veir.
As hals homes fu fait saveir 4288
{156} Par les terres, e cil i vindrent
Qui les tornei[e]menz maintindrent,
Quer bien saciez, qui a enpris
Par bien faire a monter en pris, 4292
Qu'a trestot son poeir s'en peine ;
E qui plus i met cure e peine,
Plus est presiez e plus en monte,
E plus ti[e]nt l'om de lui grant conte. 4296
De plusors terres s'i esmurent
Li halt home si com il durent,
Quer, si com ge vos ai conté, [(f. 29 b)]
Par la proece e la bonté 4300
Del giemble rei e de son pris,
Out chascuns endrei[t] sei enpris
A meintenir chevalerie
Qui ore est molt près de perie, 4304
Quer chiens e oisels e pla[i]dier
Funt tant qu'el ne se puet aid[i]er ;
E si lor a[n]sengne avarice
Qui de[l] lor garder les entice. 4308
Que l'om ne se deit pas haster
Del suen despendre ne gaster.
N'en os dire ce ke g'en pen« ,
Mais unquor vesrons lieu e tens. 4312
Si li reis Henri [s] d'Engletere
Poeit en pais aveir sa terre,
Que chivalerie e proece
E bonté de cuer et largesse 4316
S'en istreient parmi sa porte.
Si serreit avarice morte.
{157} A Esparlon vindrent ensemble
Li halt home si com mei semble. 4320
Molt i out grant chevalerie,
Mais li giemble rei[s] n'i fut mie
Ne de ses compaingnons granment,
Fors li Mareschals solement. 4324
Mais cil i fu e estre i volt ;
E s'aucuns des autres i olt,
Ge n'ai pas les nons en memorie,
Quer nes trovei pas en l'estorie. 4328
Li halt home qui s'i esmurent
Par[mi] la vile esbergié furent,
E s[i] est costome qu'al seir
Vont li un les autres v[e]eir 4332
A lor ostels : c'est beals usages,
Si funt que corteis e que sages,
Que li uns a l'autre parole ;
Si s'entrecointent de parole 4336
E s'entredient lor afaire, [(f. 29 c)]
Si comme chescuns l'a a faire.
Li Mareschals qui a conestables
Esteit [e] corteis e raisnables 4340
E ne s'en faiseit pas trop halt,
A l'ostel le conte Tiebalt
Vint sor un grant cheval de pris,
Mais n'out o lui nul home pris 4344
Qui de son cheval presist garde.
{158} Un petit garçonet esgarde
Qu'il trova entre la rascaille.
Son chival a garde[r] li baille. 4348
Li Mareschals descendi jus,
E li garchonet monta sus.