Renomée qui molt tost vole 2876
Qu'uns tornei[e]menz esteit pris
De hals barons e de gran[t] pris
A treis semeines a Pleierre,
Mais molt est lo[i]ng de ceste terre 2880
A mouve[i]r i trop grant herneis ;
Por ce n'i ala pas li reis.
Li Mareschals n'i volt remendre ;
A son pris querre volt attendre. 2884
Volent[i]ers porchaçout enor.
Congié en quist a son seignor,
E il li dona voluntiers,
Que il li ert amis ent[i]ers. 2888
Molt voleit s'enor e son buen,
Qu'il sout bien qu'il voleit le suen.
Tant Fout asaié & prové
{106} Que toz dis l'aveit buen trové. 2892
Atant de son seignor parti [(f. 20)]
Mais ove lui n'en departi
Fors un sol chivalier sanz plu§ ;
Ne sai qui fu, nel me dist nus. 2896
De lor esrer molt se hastérent ;
Tant espleitiérent, tant esrérent
Que il parvindrent a cel li[e]u.
N'out, tresi qu'as monz de Mong[i]eu, 2900
Haut home qui portast baniére,
Se il pout en nule maniére,
Ne bacheler qui torneiast,
Qui la endreit ne s'enveisast. 2904
Des hauz contes e des barons
Sai de plusors nomer les nons,
Qui a cele place s'esmurent
E qui al tornei[e]ment furent. 2908
Veirs est que li dus de Borgoingne,
Qui molt amout itel bosoigne
I vint e Felipes li buens,
Cil qui de Flandres esteit cuens ; 2912
Si i fu li quens de Clermont,
E altreci cil de Bealmont,
E Jake d'Avesnes li proz,
Cil que tant fu preisiez de toz ; 2916
E si i fu li quens Tiebauz
Qui molt esteit corteis e bauz ;
{107} E si i fu li buens Barreis
Qui molt esteit pros e corteis, 2920
E sire Gui de Casteillon.
Ne sai por quei nos traveillon
De nomer chescon ; c'est la some :
En tote France n'out prodome 2924
N'en Flandres ne en Avalterre
Qui pris d'armes volsist conquerre
Qui n'i fust se il i pout estre.
Tant en vint [de] destre e senestre 2928
Que toz li païs en formie ;
Si'n est la contrée estormie.
Par tot s'arment e molt s'atendent [(f. 20 b)]
Tuit cil qui a grant chose tendent. 2932
La ve[ï]ssiez chevals d'Espaigne
Porfichier parmi la campaigne,
De Lombardie e de Ceszire.
A peine vos savre[i]t nuls dire 2936
L'afaire ne l'acesmement
Ne le riche contenement
Que d'ambedeus parz demenei[e]nt
Li chivalier quant il s'armoi[e]nt. 2940
Quant d'am[b]edouz parz armé furent
E conreé si com il durent,
Lors s'en vindrent a la campaigne.
La out me[i]nt[e] bele compaigne 2944
{108} De boens chevaliers e eslite.
La noise ne fu pas petite,
Que chescons escria s'enseigne.
J[a]mais ne quit ge que remaigne 2948
Qu'il n'i ait lances en tronsons
E estroés plusors blaçons,
E maint cop d'espée so[r] hiealmes.
Lors vint li Mareschals Willealmes, 2952
Bien armez, granz & forz e genz ;
Si se feri entre lor genz
Com li lions entre les hués :
Cui il ateint ne li eut ués 2956
Coife ne hialme ne ventaille.
Tot autresi i fiert e maille
Com li boscheron sor les cheines.
Plusors dient : « Qui est cist Sesnes 2960
« Qui nostre gent nos agravente ? »
Molt metent sor lui grant entente
A lui grever e a lui prendre,
Mès n'osoient ses cops atendre ; 2964
Li plosor li leissent la place,
E maint cop d'espée e de mace
Donent al Mareschal Willealme,
Que tot li enbarrent le hialme [(f. 20 c)] 2968
E li fendent trés qu'en la teste.
E il les refiert e enteste
Come cil qui n'ert pas del mains
Et qui n'ert mie sanz ses mains, 2972
{109} Dunt semblout qu'il en eüst quatre,
Al trebuchier e a l'abatre
Qu'il faisoit avant sei des lor. ^
Molt resgardoi[e]nt li plusor 2976
Qui ne le quenoiss[ei]ent mie,
E avei[e]nt molt grant envie
De lui grever e de lui prendre ;
Mais il lor savoit bien aprendre 2980
Qu'il n'en érent pas a deu[s] deie.
« Cist ne fait que feire ne deie, »
Ce redisoient li auquant,
« Mais ge ne sai conment ne quant 2984
« Il aprist tant de cest afaire,
« Mais cil en seit bien a chief traire. »
Molt fu li torn[e]iemenz buens,
Molt aïdout chascu[n]s les suens. 2988
Al bien ferir e a l'escorre,
E al defendre e al rescorre.
En plusors lius i ou[t] meslées
Qui ne furent pas demeslées 2992
Sanz grant gaaing ou sanz grant perte.
La out mainte proesce aperte
Demostré des armes le jor ;
Bien s'i mostr[o]uent li meillor. 2996
Li Mareschals, qui d'autre terre
Ert la venuz por son pris quere,
I fist tant d'armes, c'est la some,
{110} Qu'el tornei[e]ment n'eut halt home, 3000
Conte, baron ne bacheler,
Qui d'armes nel volsist sembler.
A lui esteit li recouvriers.
Durement [h] astout les ouvriers 3004
A celz qui de l'autre part érent
Qui grant envie l'en portérent.
Unques al gaaing n'entendi, [(f. 20 d)]
Mais al bien faire tant tendi 3008
Que del gaaing ne li chalut.
Il gaainna qui mielz valut,
Quer molt fait cil riche bargainne
Qui onor conquert e gaainne. 3012
Quant torneié ourent asez.
Tant que molt i out de lassez,
Après none s'en departirent ;
Mais del tot pas ne s'en partirent, 3016
Qu'asez i avoient a faire.
Tel presse i avoit, c'est la veire,
Veire, greignor qu'en une feire : 3020
Li un queroient lor amis
Qui en l'estor esteient pris,
Li autre lor herneis queroient ;
E li autre molt enqueroient 3024
As plusors del tornei[e]ment.
S'il oïssent aveiement
{111} De lor parenz, de lor amis,
S'il savoient quis aveit pris. 3028
E cil qui érent fiancié
Revoloient estre avancié
De raençon ou de fiance
Par amis ou par conoissance. 3032
Por ce esteit la presse si grande
Que chascons enquert e demande
Issi après torn[e]iement
De ses pertes avoiement. 3036
Por ceste achaison, c'est la sume,
Esteient encor li halt home
Ensemble, si com ge pramis,
Que por els, que [por] lor amis. 3040
Estre tant, si com g'ai apris,
Avint qu'une dame de pris,
De grant ovre & de grant afaire
E volentive [de] bien faire, 3044
Presenta al duc de Borgoigne, [(f. 21)]
Qui esteit en cele bosoigne.
Un luz qui faiseit a ami
De plus de deu[s] piez e demi. 3048
Molt ert de fait e de seison.
Lors dit li duz que par raison,
Por dubler l'enor a la dame
Qui tant esteit de cors e d'ame 3052
Pruez e corteise e bien savant,
{112} Le representereit avant.
Al conte de Flandres l'envoie ;
E li buens quens, qui tote voie 3056
Faiseit les granz enors del mont,
Volt bien que li quens de Clermont
L'eüst ; e li quens bonement
Le fîst presenter ensement, 3060
Maintenant al conte Tiebaut.
Mais il n'i a celui qui[l] baut
Qui nel voille envei[e]r avant.
E li boens quens se traist avant, 3064
De Flandres qui ert plus meisnables
E plus corteis e plus reisnables :
« Seignors, » dist li quens de bon' aire,
« S'a mon los le voliez faire, 3068
« S'en direie ce que me semble. »
E il l'otroient tuit ensemble.
Il dist : « Quant l'avez otreé,
« Ja en serrez bien aveié. 3072
« Or faisons dunc del luz un cigne,
« E se l'enveiom al plus digne,
« Quil d[e]ûst aveir s'il i fust,
« E qui plus a hui fer e fust 3076
« Mais a ues el tornei[e]ment. »
E cil l'otreient bonement,
Mais il volent en fin saveir
Liquels ce est quil doit aveir. 3080
« Seignors, » fait il, « un [s] chevaliers
« Qui d'arme [s] est pruz e maniers
{113} « En toz les lieus ou il avient : [(f. 21 b)]
« De l'ostel le giemble rei vient. 3084
« Proz est e corteis e leials.
« C'est W. li Mareschals. »
Funt il trestu[i]t : « Qui meils le fait
« C'est bien dreiz e raison qu'i[l l']ait. » 3088
Lors eslurent deus chevaliers,
els ala uns esquiers
Qui le luz lor porta devant.
Tant quistrent ariére e avant 3092
Que a son ostel asenérent,
Mais en l'ostel pas nel trovérent ;
A cels qu'il trovérent enquistrent
Ou il esteit, e il lor distrent 3096
Qu'a la forge esteit descenduz.
« Il n'iert pas ici atenduz, »
Font il, « par nos ; ja n'avendra.
« Ne savon ou il descendra. » 3100
A tant de l'ostel s'en issirent,
A la forge vindrent ; cil virent
Qu'il out sor l'anclume sa teste ;
Molt i avoit mauveise feste, 3104
Quer li fevres o ses martels,
tenailles e o pincels,
Li alout son hiealme esrachant,
E les fondeüres tra[n]chant 3108
Qui trop esteient enfundues
E enbarrées e fundues.
{114} Entor le col ert si serrez
Qu'a grant peine fu desserrez. 3112
E quant li healmes fu forferjez
Qui a grant peine en fu tirez,
Li cheval[i]er qui venu érent
bel semblant le saluérent, 3116
E distrent : « A vos venu sûmes
« De par contes, de par hauz homes
« Qui sunt venu d'estrange terre
« Por pris e por enor conquere 3120
« E de cest luz ont fait un cinne, [(f. 21 c)]
« E vos en tienent al plus digne.
« Por ce le vos unt enveié
c(Quel tienent a mielz enpleié 3124
« Qu'a chevalier qui i fust hui.
« Ne vos deit torner a ennui. »
Il respondi come senez,
Kar mei[n]te feis ert asenez 3128
E a b[i]en faire e a bien dire :
« Seignors, » fait il, « Dex le lor mire.
« Molt peüst mielz estre empl[e]ié,
« Mais dès qu'il le m'ont enveié, 3132
« Graces e merciz lor en rent,
« E a vos, seignors, ensement ;
« Quer ce n'est pas par mon servise,
« Mais par enor e par franchise 3136
« Lor est esi es cuers monté
{115} « Qu'il m'ont faite ceste bonté. »
E il li distrent : « Beal duz sire,
« Vostre pleisir poez bien dire, 3140
« Mais li bienz faiz se testimoingne,
« Quant l'en est en itel besoigne. »
Ne sai reconter quant [qu']il distrent,
Mais a tant congié de lui pristrent. 3144
As hauz homes vindrent ariére
& recontérent la man[i]ére
Confeitement il le trovérent.
E li halt home qui la érent 3148
Celé ovre tindrent a merveille.
Chascuns s'en seigne e s'en merveille.
Bien se tienent a aveié
Kar bien unt lor luz enpleié, 3152
E dient tuit que ne seüssent
Ou mielz enplaier le puüssent.
Par els fu tenuz a non pér,
Kar l'om n'i trovast pas son pér 3156
De bien dire ne bien faire ;
Ne mains vantant de son afaire,
De rien ke die ne que face, [(f. 21 d)]
Ne trovast l'om en nule place. 3160
Esi fu li luz enveié
Qui fu a Pleierre enpleié
Al meillor de cels qui i furent
Par tesmoin de cels qui l'eslurent. 3164
Forte est a conter ceste estorie,
{116} Kar nuls n'at si bone memorie
El munt qui tote la deïst,
Por peine que il [i] meïst, 3168
Non dis, s'il l'avoient enpris,
Les beals faiz dunt monta en pris
Li Mareschal[s] : ce ne puet estre,
Ne ge ne m'en faiz mie mestre, 3172
Fors d'itant com ge ai apris ;
Ne ge ne reprenc mie a pris
Se a[u]cuns m'en dit sa golée,
Kar quant folie est engolée, 3176
Si emfle tant qu'el resalt fors,
Kar el ne puet durer el cors
Del felon mauvès ennuios
Ci aprés covient que ge die 3180
Qu'il out a Eu, en Normendie,
Pris un riche tornei[e]ment.
Ne fu pas fait si qu[e]iement 3184
Que portez ne seit li esclandres
Par France, par Henau, par Flandres,
E par Borgoingne e par Peitou,
E par Toroingne e par Angou, 3188
Par Normandie e par Brutaigne ;
N'a nul haut home qui remaigne,
Ne bacheler, sel puet save[i]r,
Qui velt nul pris d'arme[s] aveir, 3192
{117} Qui ne seit a cele [a] sembl[é]e,
Mais el ne puet pas estre emblée
A cels qui avei[e]nt enpris
Par armes a monter en pris. 3196
Li giembles reis fu devers Ou ; [(f. 22)]
N'out pas de chevaliers si pou
Qu'il n'en eüst bien cent al mains,
E des meillors, gel prenc en mains, 3200
Que Fom pout trover ne aveir.
Ne remainsist por nul aveir
Bon[s] chevalier[s], s'il fust trovez,
Vaillanz ne d'armes esprovez, 3204
Qu'il ne voussist a sei atraire,
Kar par largesse e par bien feire
E par totes autres bontez,
Aveit toz princes sormontez. 3208
Quant d'amedous parz venu furent,
Si s'armérent si cum il durent.
De l'autre part furent Franceis,
Borgoignon, Flamenc, Hanoeis. 3212
Li plusor vunt as assemblailles.
Mais as premiér[e]s commençailles.
Sire Maheu[s] de Waleuncort,
Sor un cheval qui molt tost curt, 3216
I vint molt abrievéement,
E li Mar[es]chals, sagement,
Les granz galoz li veit acontre,
Mais si trés durement l'encontre 3220
Que del cheval le porte a terre.
{118} Isnealment le prist par la serre,
Si s'en vint vers sa gent [de bot],
Kar sout bien meittre tot a tot. 3224
Sire Maiheu[s] vint demaneis,
La ou s'armout li giembles reis ;
Si li requist sanz plus atendre
Qu'il li feïst son cheval rendre. 3228
Cil qui nul ne volt escomdire
Li dist : « Voluntiers, beau duz sire ;
« Qui l'a ? — Li Mareschal[s] por veir.
— Mareschal, feites li aveir, » 3232
Dist li reis. — « Voluntiers, beau sire ;
« N'en faites pas a escondire. »
Lors Tôt e o sei Teumena, [(f. 22 b)]
Mais por nei[e]nt l'en remena : 3236
En cel jor le regaagna
Cil qui primes le gaaingna.
A ces paroles, ce me semble,
Li granz tornei[e]menz asemble 3240
Devant le chastel, près des liches.
Molt fu li tornei[e]menz riches.
Mais li quens de Flandres, por veir,
Qui molt fu pleins de grant saveir, 3244
Ot par devers lui dus e contes.
Barons, chasteleins e viscontes
E boens serjanz e riches rotes
Qui nos genz defolassent totes. 3248
Se près de lor recet ne fussent
{119} E bien garder ne se s[e]ùssent.
Molt fu li torn[e]ieme[n]z buens :
Unques ne quit que reis ne quens 3252
En veïst nul mielz aresté ;
Mais n'i ourent gaires esté
Que misire Maiheu[s] revint
De Waleincor[t], e si avint 3256
Qu'il vint si trés outréement
E molt plus acesméement
D'asez qu'il n'aveit fait devant ;
E cil li refu al devant, 3260
Qui rencontra as commençai les.
N'atendi pas les deffinailes,
Einz le feri en la peitrine
Si que a terre le souvine 3264
Par son la croupe del cheval.
Quant il le vit gisir aval,
Ne l'aida point a relever,
Ne il nel volt de plus grever : 3268
Le chival prent qui molt li nuist ;
Mal venge son duel qui se cuist.
Or a il molt b[i]en bargaignié,
Kar il [l']ad deus feiz gaaingnié 3272
En un jor, & o sei l'enmaine ; [(f. 22 c)]
Nel lerra mais d'esté semeine,
{120} A cui que il desatalent.
Del rendre n'a il nul talent, 3276
Einz le meine hors de la presse,
As escuiers le baille e lesse ;
Si se rest feru en l'estor
Ou molt out fait d'armes le jor. 3280
Molt i out de felles meslées
Par plusors lieus entremeslées ;
Molt en i veïsiez acorre,
Les uns mener, autre[s] rescorre, 3284
Uns fuir e autre [s] chacier.
N'ert pas boens gieus a eschacier :
To[s]t lu[i] fussent a[s] trestornées
Les jambes contremont tornées ; 3288
Si i fust b[i]en tost defolez.
Tant fu li gieus avant colez
Qu'il ourent asez torn[ei]é.
A lor ostels unt env[e]ié 3292
Lor gaaing cil qui gaaingnérent ;
Ausi li autre qui perdi[é]rent
Mistrent ou pleges ou ostages
Ou il aquitérent lor gaiges 3296
A ce[u]s cui érent par fiance,
Ou il porchaciérent quitance,
Kar eissi lor conveneit faire
A cels qui sunt en tel afaire. 3300
Quant li helme furent osté
Lors s'en vin[dren]t [vers] cel costé
{121} Tuit li haut home, ce me semble,
Kar parler voloient ensemble. 3304
Entor le rei s'atropelérent
Tuit li haut home qui la érent.
Si parlérent de me[i]nt afeire
Si comme en tel lieu estuet faire. 3308
A tant vint mis sires Mahieus
De Walencort, qui des deus gius
Out eü le peior parti, [(f. 22 d)]
Quant del cheval se departi. 3312
Al rei avint, si ! salua ;
Encontre lui se remua
Li reis qui molt fu deboneire,
E il [li] mostra son afaire : 3316
Si li pria e fist entendre
Que son cheval li f[e]ist rendre.
Il dist : « Qui a vostre cheval ?
— Sire, » fait il, « le Mareschal. » 3320
Li reis tantost le demanda,
E si [li] dist e quemanda
Que il [li] rendist son chival,
E si le tint a molt grant mal 3324
De ce que [il] tant l'atendi.
« Sire, » fait il, « ge li rendi
« Dès ui [main], einz que il fust prime,
« Testemoingne de lui me[ï]me. 3328
— Ce est ve[i]rs qu'os le me rendistes,
« Meis autre feis m'en abatistes ;
{122} « Si l'emmenastes, si l'avez.
— Sire, » fait il, « vos ne savez 3332
« Se ge l'ai ou ge l'ai doné ;
« Mais or serra guer[re]doné
« Ce que a tornei me feistes
« Quant tanz hals homes desdeïstes. 3336
« Or orrez quei jo vos dirrei :
« Vos gaaingnastes a tornei
« Un mien cheval e si Toustes.
« De hals homes requis en fustes 3340
« Que por lor amor feïssiez
« Tant que vos le me rendissiez ;
« Unkes nes volsistes entendre,
« N'onques ne me volsistes rendre. 3344
« Or vos ferai ci la tornée
« Que a tornei fu atornée. »
Misire Maheu[s] dist alores :
« Sire, n'esteiez pas encores 3348
« D'itel pris com vos estes ore [(f. 23)]
« Ne com vos esserez encore.
« Por ce vos di e faz entendre
« Que lors nel vos voil mie rendre. » 3352
Li Mareschals li respondi :
« Sire, or oez que ge vos di :
« Se g'este[i]e idunc mespresiez,
« Vos estes or molt poi presiez 3356
« A ce qu'os estiez adonques.
« Par fines reisons vos pruis donques
« Qu'a. force m'avez fait entendre
{123} « Que ge nel vos dei mie rendre. » 3360
Quant la parole fu oïe,
Molt fu de plusors esjoïe
Por ce qu'a dreit fu devisé [e] ;
S'en leva entre els grant risée. 3364
Esi avint al Mareschal
Qu'a dreit enmena son cheval.
Cele ovre fu unquor del mains,
Que il prist le jor de ses meins 3368
Dis chevaliers a torne[i]er.
Bien i saut ses coups empl[e]ier
Come pruz e comme vasauls ;
S'i gaaingna doz[e] chevals 3372
les seles, o les [a] greiz ;
Si 'n gaaingna un par deus feiz.
Saciez que grant parole en firent
Tuit cil qui l'oïrent & virent. 3376
De sa proesce e de son los
Or commence a monter li flos,
De son pris e de sa proesce,
Par quei il monta en haltesce. 3380
D'un autre chevalier vos di
Preis[i]é d'armes, proz e herdi
E enprenant e artilos,
Mais qu'auques esteit coveitos, 3384
Misire Rogier de Gaugie :
N'out de Diepe tresque a Baugie
Plus gaaingnant ne plus vassal, [(f. 23 b)]
Fors Willaume le Mareschal. 3388
{124} Por la proesce que out en sei
Ert de la maisnie le rei.
Quant il out veü e apris
Le grant gaaing e le grant pris 3392
Del Mar., tot a custume
Conveitise aprent & alume
Son cuer ; si li dist e enseingne
Que al Mareschal s'acompaigne, 3396
Kar l'om ne puet s'amender non
D'acompaingnier boen compaignon :
Qui se puet aid[i]er de deus meins
Por ce ne valt il mie meins : 3400
Se l'une falt e l'autre fiert ;
Plus tost en a ce que il quiert.
De compaignie le preia.
Li Mareschal[s] li otreia 3404
Sa compaignie voluntiers,
Kar tant esteit boens chevaliers
Qu'il sout bien qu'il n'enpirreit mie
D'ave[i]r si bone conpaingnie. 3408
Deus anz [tel] compaingnie tindrent,
Mais unques en place ne vindrent
Que plus gaaing ne lor venist,
Coment qu'as autres avenist, 3412
Qu'a sis des autres ou a uit.
Ge n'en veil rien aveir a v[u]it
Fors si comme li cler l'escristrent
De la cort qui garde s'en pristrent. 3416
{125} Wigainz li clers de la quisine
& autre, c'est verité fine,
Provérent par escrit, sanz esme,
Qu'entre Pentecoste e quaresme 3420
Pristrent cheval[i]ers cent e treis,
Estre chevals, estre herneis,
Dont unkes cil ne tindrent conte
Qui s'entremistrent de l'aconte. 3424
Isi avint icist afeires. [(f. 23 c)]
Après ce ne demora gaires
Que Renomée qui tost vole
Out aporté[e] la parole 3428
D'un tornei[e]nient qui fu pris
De hals baronz e de grant pris
A Joheingni ; si i alérent
Tuit cil qui les armes amérent. 3432
Li giembles rei[s] n'i ala mie
Ne gaires de sa compaignie,
[Mais] li Mareschals tote voie
S'atorna de mettre a la voie. 3436
Il e cil qui o lui alérent
Par lor jornées tant esrérent
Qu'ai chastel de Joheingni vindrent
A ceus dont b[i]en paié se tindrent. 3440
Quant venu furent si s'a[r]mérent
Li chevalier qui laie[n]z érent,
Puis s'en issirent del chastel.
En un liu delitos e bel, 3444
Dehor[s] la vile, descendirent.
{126} Iloc furent ; s'i atendirent.
Dit lor fu, e bien le saveient,
Que de la trop grant gent avoient, 3448
E que de ça en out trop mains ;
Por ce ne voldrent prendre en mains
A aler les trop loing requere,
Por ce descendirent a terre. 3452
Devant lor lices descendirent
Tuit armé e sis atendirent.
La contesse s'en eissi fors
Qui ert e de vis e de cors 3456
Si a dreit, ç'ai oï retraire,
Come nature la sout faire,
lié dames e damiseles
Si acesmées e si beles 3460
Qu'en beauté n'i out que reprendre,
N'els n'estoient mie a aprendre
De corteisie ne de sens. [(f. 23 d)]
Li chivalier saillent des rens 3464
Contre eles [e] si comme il durent
Molt lor fu vis qu'amendé furent
Por la sorvenue des dames :
Si furent il, quer cors & ames 3468
E hardemenz e cuers doublérent
A toz asemble qui la érent.
Aucuns a dit : « Kar carolomes
« Dementiers que ci atendomes, 3472
« Si nos en ennui[e]ra mains. »
Lors s'entrepristrent par les mains
Alcun[s] demande : « Qui sera
{127} « Si corteis qu'il nos chantera ? » 3476
Li Marischa[l]s qui bien chantout
E qui de riens ne se vantout
Lors commensa une chansun,
O simple voiz & o doz son. 3480
Molt lor plout a toz cels qu'i érent
E bonement o lui chantérent.
E quant il out sa chanson dite
Qui molt lor pleist e lor delite, 3484
Lors commensa un [s] chantereals
Qui ert hirauz d'armes nov[e]als,
E chanta novele chanson :
Ne sai qui louot ne que non, 3488
Mais el refreit out : « Mareschal,
« Kar me donez un boen cheval ! »
Quant li Mareschals l'entendi,
Unques puis de iloec n'atendi, 3492
Einz se parti de la karole
Sanz faire en a nului parole :
Uns escuiers li amena
Son cheval, e il acena 3496
Le hiraucel ; cil s'aperçut,
Après lui son poeir corrut.
Ja veneient li josteor,
Cil qui se font avanceor 3500
De començailles comencier. [(f. 24)]
Cil qui n'out talent de tencier,
Li Maresc., vers un s'adrece ;
Tant s'afia en sa proece, 3504
{128} E en sa lance redde & forte,
Que de son cheval jus le porte,
Sanz nul autre conte cunter ;
Puis fist le hiraucel monter ; 3508
E cil, sanz plus dire parole,
Se fiert o tot en la karole
E dist a toz : « Vez quel cheval !
« Cest me dona le Mareschal. » 3512
Estrangement s'en merveloent
Plusor qui uncore cuidoent
Qu'il fust uncore en la corole,
E molt en firent grant parole. 3516
Li chivalier e les puceles,
Les dames e les damiseles
Distrent qu'il n'i aveit mès fait
El tornei[e]ment si beal fait. 3520
Quant virent venir les batailles,
Tantost laciérent lor ventailles
E lor heames e si montérent.
Por les dames qui iloc érent 3524
Prist li mains hardiz cuer en sei
De veintre le jor le tornei.
Mais molt errérent sagement
E rengié e seréement, 3528
Qu'onques nuls n'en trespassa autre.
Uns de cels de la mout de faltre,
Si vait ferir en mi le tas,
Mais il ne lor eschapa pas, 3532
Qu'en es le pas fu al frein pris.
{129} Chascuns qui volt creistre son pris
Al bien ferir s'acesme e tence,
E li tornei[e]menz coumence 3536
Si trés bien e si aresté,
Mais cil qui avoient esté
En la quarole ove les dames [(f. 24 b)]
Mistrent e cors e cuers e ames 3540
En bien faire, e si bien le firent
Que cil de la s'en esbaïrent.
Grant noise i aveit e grant poldre,
Kar autresi comme la foldre 3544
Abat tot avant sei & plesse
Quant qu'ele ateint, que riens ne lesse,
Tot autresi destendant furent
Cil ki de vers les dames murent. 3548
Molt i out aresté estor,
Molt i out fait d'armes le jor,
Mais tote veie les outrérent
Cil qui devers les dames érent. 3552
Molt gaaingniérent a veüe,
Mès bien fu la chose seüe,
Qui perdist ne qui que fust pris,
Que li Mareschals out [le] pris, 3556
E de gaaing rout il sa part ;
Mais molt largement le depart
E as croisiez e as prisons,
E molt quita de lor prisons 3560
Des cheval[i]ers qu'il aveit pris,
Qu'en li torna a [molt] grant pris.
{130} Ne puis toz les faiz reconter,
Ne ne porreie a ce monter 3564
Si aveie mes quatre sens,
E jo aveie plus lunc tens
Ke jo n'ai nascui, non d'asez
Nes avreie faiz toz esmer 3568
Kar n'est homs nez quis seü[s]t dire ;
Mais isi avint a cel jor.
Puis s'en revint a sun soignor 3572
Le giemble rei qui tant valut
Qu'onques nul nel contrevalut
De proesce e del suen espandre.
Unques Artus ne Alissandre 3576
Qui en proece se vesquirent
En tant de tens tant bien ne firent, [(f. 24 c)]
Se Dex par son kemandement
Suffrist k'il vesquist longement, 3580
Toz eüst ces deus sormontez
E de proece & de bontez.
Tant asembla o sei des buens
Qu'emperére ne rei [s] ne quens 3584
N'en out tant de si esprovez
N'en nul tens ne fus[s]ent trovez,
Quer a eslire, sanz dotance,
Out les buens bachilers de France 3588
{131} E de Flandres e de Champaigne.
Ne faiseit pas a els bargaigne,
Mais tant feiseit que tuit li buen
Faiseient tant qu'il érent suen. 3592
Ne[s] voil or pas ci toz nomer,
Kar fort serreit a asomer
Les nons de chascuns e a dire ;
Si'n corrumpreie ma matyre, 3596
Mais enquor les vos nomerei
Mot a mot e assomerai.
Mais tant fist li reis en sa vie
Que tot li buen eurent envie 3600
De son sens e de sa proesce,
De son bien e de sa largesse.
Chascuns le volsi[s]t resembler,
Kar tot le mont faiseit trembler 3604
Es estors, la ou il veneit.
Maintes fiées aveneit,
Quant il poigneit que lors poingnei[e]nt
Les rotes qui o lui estei[e]nt 3608
Si durement en lor venir
Ke cil nes po[e]ient soufrir
Qui devers l'autre part venoient
E si aveneit k'i[l] aveient 3612
Souvent plus gent que il d'assez,
Mais tost les aveit destassez
La trés grant force de ses rotes ;
Kar quant eles poingneient totes [(f. 24 d)] 3616
{132} Ne trovei[e]nt quis atendist
Ne qui vers els la main tendist,
Ne qui a un d'els s'osast joindre,
Si ke li reis n'aveit ou poindre, 3620
Ker cil qui poingneient devant
Avoient tant chacié avant
Ke li reis n'aveit ou ferir.
Sovent veïsiez avenir 3624
Qu'il remaneit a poi de gent,
E si s'aloit meller souvent
A alcune rote foreine
Dunt il se departeit a peine. 3628
Que que fust del folement corre,
Li Mareschals ert al rescorre
Qui si presseit de lui s'enpresse
Que toz tens le getout de presse, 3632
La ou il esteit près de pris.
Mais cil qui li cresseit son pris
Le rescoeit si tote veie
Que toz le[s] metto[i]t a la voie, 3636
Kar toz diz li ert soz les eles.
Par tel[e]s & par autres teles
L'ama li reis e le tint chier
Plus que nul autre chevalier 3640
De nule terre qu'il seüst,
Ne qu'onques ove li eüst,