La mesestance que il out, 2124
Si li enveia sanz dotance,
Des meillors chevaliers de France
Si comme contes e barons
Dunt ge sai des plusors les nons. 2128
Si nomerei el premier front
Le trés proz conte de Clermont,
E dan P[i]erre de Cortenei :
Dès Paris treske a Partenai 2132
N'out chevalier de sa puissance ; [(f. 15)]
{79} Si fu [il] frére al rei de France ;
E le buen Barrois ensement
De cui proesce e hardement 2136
Firent lor seignor e lor oste ;
E si nomerai par encoste
Le seignor de Montmorenci :
Dès Clermont tré[s] que a Baugenci 2140
N'ont chevalier de nul afaire
Plus entalenté de beau faire.
Ennui sereit de toz nomer,
Mais a tant vos voil asomer 2144
Por quei j'ai ci amenteüz
Ces boens chevaliers esleüz
Qui a ceste chevalerie
Furent : si ourent grant [en] vie 2148
De la hautece e de l'enor
Qu'a[l] Mareschal avint le jor.
Mais ariére aveie oublié
Dont molt me tienc a ublié, 2152
De dire del conte de Nantes
Qui des boen[es] teches out tantes
Que nuls ne [s] vos porreit conter ;
Por ce fait bien a reconter 2156
Sa proesce e son hardement,
Son sens & son contenement.
{80} Quant la novele fut oïe,
Qui gaires ne fu esjoie, 2160
Que li reis veneit son filz prendre,
Ne se voldrent laiss[i]er sou [s] prendre :
Volunt[i]ers voldrent estre armez ;
Mais li boens quens toz desarmez 2164
Salli a son chival molt tost,
E tuit li chivalier de l'est
S'armérent amont e aval ;
E il eissi tost a cheval, 2168
Senz nul respit e sanz ados,
Jeta son hauberc en son dos.
Alcums li demanda : « Beal sire, [(f. 15 b)]
« Dites nos, s'il vos plaist a dire, 2172
« Por quei a cheval vos armez,
« E si montastes desarmez. »
Il dist : « Ce vos dirrei ge bien ;
« Ne vos en mentirei de rien : 2176
« Qui est armez en tel bosoi[n]g,
« Se ses chivals li est trop loing
« E si enemi li sorv[i]enent,
« Plus tost le prenent e retienent, 2180
« E li funt plus ennui & mal
« Que s'il esteit en son chival.
« Qui de son chival est trop loing
« Tost l'en meschiet a grant bosoi[n]g. 2184
« E j'ai aucun home veii
« Par tel afeire deceü,
« Qui ert ou morz ou pris a honte.
« Or vos en ai rendu aconte. » 2188
{81} Ice vos ai entrelardé,
Quer poi m'i esteie gardé,
De[l] gentil conte de Bretaigne
De quei vint mainte bele ovraingne. 2192
Or revendrai a ma matyre
De quei jo conmencei a dire.
La guerre del filz e del pére
Fu si cruels e si amére 2196
E felenesse e ennuiose
A totes genz e damagose
Qu'a honte tuit cil s'atornérent
Qui al giemble re[i] se tornérent : 2200
Si'n furent tuit desherité.
Maint chastel e meinte cité
En furent [a]batu a terre
Por achaison de cest[e] guerre ; 2204
E maint preudome qui nel sorent
E qui unkes coupes n'i ourent
En furent mort ou essillié,
Ou apovri ou avillé, 2208
Por ceste malveise turnée. [(f. 15 c)]
Molt fu mauteise la jorné[e]
Que li traïtor porparlérent
Qui le pére e le filz meslérent. 2212
Trop i firent de malveis gieus.
Encore i pert en plosors lius
Des remasilles de la guerre :
{82} E[n] Normandie, en Engleterre, 2216
En Anjou, en Peitou, el Maine,
En la ducheé d'Aquitaine,
Sunt abatu si com il durent
Chastel qui relevé ne furent 2220
Unkes puis, ne ja ne serront.
Esi dechiet rorguil[s] del munt.
La guerre des treis reis fu tele
Qu'onkes nuls ne vit autretele 2224
Quer li filz eut l'acost de France
E del rei e de sa puissance,
E si out trestoz les tornez
Qui a lui furent atornez. 2228
N'onques tant guerrei[e]r ne sorent,
Si s'en penérent quant qu'il porent,
Qu'onkes vers le rei d'Engletere
Conquesissent plein p[i]é de terre. 2232
Si'n firent de molz grant boubances
E granz orguels & granz vantances.
Mais itant vos voil bien [a] prendre
Qu[e] al desrein, quant vint al prendre, 2236
Que si furent mal atorné
Tuit cil qui se furent torné
Qu'il n'avoi[e]nt tuit li plosor
Que metre en la main al menor : 2240
Ne il ne trovérent creance,
Ne por pleige ne por fiance,
Que il ne cloïssent lor iels.
{83} Si en furent les detes tels 2244
Que il n'eurent de quei |) paier ;
Por ces convint molt esmaier,
Quer bien savez, quant aveir fait,
Que par ce decline & defalt 2248
Orguil[s] : qui par grant avoir monte
Par povrece revient a honte.
Quant issi furent atorné
Tuit cil qui se furent torné 2252
Qu'il n'orent denier a despendre,
As armes engagier e vendre
E as roncins e as som[i]ers,
As palefreis e as destriers. 2256
Les estut del tot atorner,
Quer ne sorent ou retorner,
Quant a[i]llors recovrer ne pourent,
Ne si boen ami charnel n'ourent 2260
Qui une nuit les herbergast
Ne qui receter les osast.
E bien saciez tot a fiance
Que li plus haut baron de France 2264
De gré les dos lor en tendei[e]nt
Por lor gaaing ou il tendei[e]nt
Del rei qui lor oingneit les paumes.
Bien lor saveit chanter tels sa[u]mes 2268
Qui lor sembloent bel & buen ;
Par ce saveit sauver le suen.
E bien seümes & veimes
{84} Que li reis de France meïsmes, 2272
A cui li fiz fu apoiez,
Fu si durement ennoiez
Del trop despendre, del trop metre,
Qu'il ne s'en volt tant entremettre 2276
Comme al premerein ; c'est la some.
Il fu pu[i]z seii de ma[i]nt home.
Mol[t] l'en cornérent les orailles.
Se n'érent mie granz merveilles, 2280
Qu'asez trouvot qui li diseit
E qui ses faiz en despiseit,
Qu'il meteit le son en balance,
Si que la corone de France 2284
N'esteit [nis] un point essaucie [(f. 16)]
N'amendée ne sorhaucie.
Molt li repr[u]event ses enprises,
Ses granz ovres & ses granz mises : 2288
A Roëm fu e si l'asist,
Mais veir fu que neient n'en prist ;
E a Vernoil fu ensement,
Mais homage ne tensement 2292
N'en out quant il s'en departi,
Ne n'aveit bel ne s'en parti.
« Cest' ovre n'est bele ne clére
« De mesler le filz e le pére ; 2296
« Ja nul bien de ce ne vendra,
« E al filz en mesavendra,
{85} « E vos qui en serrez blasmez,
« Se vos ne vos en desblamez. 2300
« Bien veez k'al filz en meschiet
« E que nul bien ne vos en chiet.
« E quant si est l'ovre esmeüe
« Qu'el ne puet estre avant meüe 2304
« Sanz granz hunte e sanz granz damage,
« Pernez conseil leal e sage
« Tel que nul de vos ne se plaigne,
« E que Fenor vos en remaigne. » 2308
E il respondi bonement :
« A vos conse[i]ls outréement
« En ouve[r]rei a toz ensamble,
« Por ce que dreit e raison semble. » 2312
Par le conseil as arcevesques
E as barons e as avesques
Estut estre le conseil pris
Del giemble rei & des enpris. 2316
Li giemble rei s'i acorda,
Que de rien ne se [des]corda,
Quant autrement estre ne poet :
Grant chose a en « faire l'estuet. » 2320
Lors enveiérent l'arcevesque
De Reins, e o lui un evesque
E un abé e un templ[i] er, [(f. 16 b)]
Al veil Henri [por] conseiller. 2324
Geste sage gent i alérent ;
{86} Sil quist[Fent] tant qu'il le trovérent
Dreit entre Conches & Vernoil.
Tant tost comme il les vit de l'oil 2328
Si conut il qui il estei[e]nt
E qués messages il querei[e]nt.
Il li alérent a l'encontre ;
Tant tost comme il les [vit] encontre, 2332
Beal les salua demaneis,
Quer molt ert saives e corteis,
E il lui [e] si comme il durent,
Quer sage e enseignié refurent. 2336
Lor message briefment contérent
Por quei tresque a lui venu érent.
Quant l'entendi li reis Henris,
En sorgreignant jeta un ris, 2340
Pus lor respondi comme sages :
« Qui restorera mes damages
« E les granz pertes de ma terre
« Qu'il m'ont destru[i]te par lor guerre ? 2344
Il li respondirent : « Beal sire,
« Ne devez pas mostrer vostre ire
ce Al filz n'a cels qui o lui érent,
« Mais envers cels qui li loérent : 2348
« Sor eus deit li mals atorner
« Qui li loérent a torner.
« Cil en deivent estre plus vil.
— Par mon ch[i]ef ! esi sera il : 2352
« Ja mais n'ert jor, n'a main n'a se[i]rs,
« Ne pére a els & a lor eirs. »
{87} A tant furent al conseillier ;
N'i apela nul conseillier 2356
Li reis Henri, se petit non.
Ne sei que distrent ne que non
Ne quels noveles aportérent
Cels qui de France les portérent 2360
Por venir al rei d'Engletere, [(f. 16 c)]
Mais pais fu ; si remist la guerre
En tel forme e en tel maniére
Que li filz vint al pére ariére 2364
Bonement, sanz male volance ;
E si fu en la couvenance [(avril 1175)]
Que quite furent li torné
Qui tuit estoient bestorné. 2368
Bestorné ! veire, j'ai dit bien,
Que il ne vei[e]nt nule r[i]en
De quei se peüssent aid[i]er.
Bien po[e]ient en cort plaid[i]er 2372
Quer il n'i avoient que perdre,
N'il ne savoient ou aerdre ;
Si'n estoient tuit esperdu :
« Qui perdu a si a perdu, » 2376
Ce poeient il bien chanter ;
E si se po[e]ient vanter
Qui la meslé[e] porchaciérent
Qu'il trovérent ce qu'il chaciérent. 2380
Ne furent puis preisié en cort,
Einz les i teneit l'om si cort.
{88} Quant il [i] avei[e]nt a faire,
Qu'a peine i po[e]ient riens faire. 2384
Quant apaisi[é]e fu la guerre,
Si s'en revint en Engletere [(mai 1175)]
Li reis e sis filz e sa gent.
Sejor trovérent bel e gent, 2388
E deduiz de mainte maniére
Come de bois e de riviére.
En Engletere sojurnérent
Près d'un an, qu'il ne s'atornérent 2392
A nul[e] rien for[s] a pleidier
Ou a bois ou a torn[e]ier.
Mais al giemble rei pas ne plout
Cel sejor, anceis li de[s]plout, 2396
A ses compaignons ensement
Ennuia molt trés durement.
Car a esrer plus lor pl[e]ûst [(f. 16 d)]
Qu' a sejorner, s'estre peüst. 2400
Quer bien saciez, ce est la somme,
Que lonc sejor honist giemble homme.
Lores li giembles reis Henris,
Qui ne tenoit n'a gieu n'a ris 2404
Qu'en Engleterre ert tant enclos.
Par le conseil e par le los
Ses compaignons al pére vint
Qui en molt grant chierté le tint ; 2408
Si dist : « S'il ne vos despleüst,
« Molt me fust bel et me pleiist
{89} « A aler la outre dedu[i]re,
« Quer molt me puet grever e nuire 2412
« E molt m'ennuie durement
« A sejorner si longement.
« Ne s[u]i oisels a metre en mue.
« Giembles hom qui ne se remue 2416
« Ne porreit a nul bien monter :
« A naient le deit Fom conter. »
Li péres molt bien l'entendi
E mol[t] sout b[i]en ou il tendi, 2420
Molt l'en fu bel outréement ;
Si li dona améement
Congié, [e] a ses compaignons
De beaus ave[i]rs et de beaus dons, 2424
E lor preia, que qu'il feissent,
Que de son filz s'entremeïssent.
A Willaume le Marechal,
Qu'il tint a proz e a leial, 2428
Preia e comanda e dist
Que de Henri s'entremeïst,
Qu'il ne s'en fiout en nului
Tant comme il faiseit en lui. 2432
Il li dist : « Ce sachiez de veir
« Que g'en ferai tot mon poeir. »
Tuit ensemble li otriérent.
Tot dreit a Dovre s'aveiérent ; 2436
A mer entrérent maintenant, [(f. 17)]
Si arivérent a Wizant.
{90} En la vile jurent la nuit,
Mais ne cui k'a nului enuit 2440
Que en la vile remés furent :
Bien paiérent quant que il durent.
Del conte de Flandres enquistrent
Les noveles, e cil lor distrent 2444
Que por nai[e]nt en doterei[e]nt,
Quer [a] Arraz le trover[ei]ent.
Tant esrérent par lor jornées,
Si comme els furent atornées, 2448
Qu'a Asraz trovérent le conte.
Mais ne tint mie poi de conte
Li quens del rei, quant il [l']oï :
Saciez que molt s'en esjoï. 2452
Esraument li ala encontre ;
E quant li uns d'eîs l'autre encontre,
Li que[n]s le rei tant tost salue,
E il lui value a value. 2456
Li quens le beise e li reis lui ;
Grant joie se firent andui.
Ce fu bien dre[i]z qu'il s'entramérent
Quer cosin e boen ami érent. 2460
Or ne fait pas ci a enquerre
Se unques nul reis de Engleterre
Fu en Flandres plus bien venuz
Ne enorez ne chier tenuz : 2464
Que li quens Felipes de Flandres,
Dunt l'om ot tant bones esclandres,
{91} Le mena, ce fu veritez.
Par ses chastels, par ses citez 2468
Le demena e tint o sei
E fist enorer come rei.
Lors oïrent aveiement
Qu'il avreit un torn[e]iement 2472
Grant entre Gornei e Rosons ;
Si'n esteit molt grant li resons.
E quant li giembles rei[s] Foi, [(f. 17 b)]
Dedenz son cuer s'en esjoï ; 2476
E dist, se tant faire peüst
Que chivals e armes eüst,
Qu'il i alast molt voluntiers.
E li quens dist : « Beau sire chiers, 2480
« Ja por itant ne remaindra,
« Que ja riens ne vos i faudra
« De quant qu'os i voldrez aveir.
« E itant poez bien saveir 2484
« Que beal m'est e molt liez en sui. »
Sanz demorance e sans ennui
Eurent trestot outréement
E si trés ace[s]méement 2488
Qu'onques miels ne vi, que jo sache.
E quant li reis vint a la place,
Molt fu richement acesmez.
A peine peüst estre esmez 2492
Li erneis, li acesmemenz
Ne li riches contenemenz ;
{92} Mais tant sachiez de verité
Qu'il ne semblout pas enprunté. 2496
Li conrei qui par deça vindrent
Serré & bataillé se tindrent,
E cil de la se desreérent
Par lor orgoil, quer grant gent érent, 2500
Tant qu'il vindrent devant lor lices.
N'i out jostes a plaideïces
Ne nule commence n'i out,
E[i]nz fist chascun ce que il pout ; 2504
Mais trop vindrent a grant desrei
Sor la bataille al giemble rei ;
E cil durement les reçurent
Qui de bien entalenté furent. 2508
La veïst l'om maintes testées
Doner de maces e d'espées
Parmi testes e parmi braz,
Mais cil tornérent a desbraz 2512
Qui trop orgoillosement vindrent ; [(f. 17 c)]
Unques ensemble ne se tindrent :
Tost furent par armes outré ;
Si furent si desacoutré 2516
[Que] nuls a l'autre ne se tint :
Einz s'en parti qui e[i]nz [i] vint.
Li Mareschals laissa le rei,
[E] poin[s]t a un autre conrei 2520
Qui ariére veneit le pas :
{93} S'ala ferir e[n] mi le tas ;
Si durement entre euz s'embat
Que un cheval[i]er lor abat. 2524
Ne s'arestut pas a lui prendre,
Qu'a tel chose voleit entendre
Que trestu[i]t cil qui le veïssent
Testemoignascent e deïssent 2528
La verité sanz plus retraire ;
Por ces convint arriere traire
Tant qu'il se mistrent a la voie ;
ses ruistes coups les conveie. 2532
Une grant rote sor lui vint
Qu'a force a venir l'en convint
Tant que il vint sor les conreis
Ou ert encor li giembles reis. 2536
Lors departirent de l'estor
Ou il out d'armes fait le jor
Tant qu'a molt grant pris li teneient
Trestu[i]t cil qui veii ravei[e]nt. 2540
Lors vit le Mareschal venir :
« Bien devez i mais revenir,
« Mareschal, » fait il, € ce me semble :
« Molt fait mal qui se desasemble 2544
« De son seignor en tel afaire ;
« Mais esi vos plout or a faire.
« Ge ne su[i] pas a vos aprendre,
« Mais d'itant vos voil entreprendre 2548
« Qu'os ne feïstes pas raison
{94} « De guerpir mei en tel saison.
« Ne fu pas bien, anceis fu mal. » [(f. 17 d)]
Lors respondi li Mareschals, 2552
Tot par gieu debonairement :
« Sire, » fait il, « se Deu m' ament,
« Ve[i]rs est que de ci me parti.
« Saciez, quant ge m'en departi, 2556
« Qu'encor ne quidoie jo mie
« Qu'os voilliez de chivalerie
« Mieldres de vos ancesors estre.
« Quant vos en volez estre mestre 2560
« E vos volez traire a tel veine,
« D'or en avant i mettrei peine. »
En cel contemple avint issi
Que bien esra an e demi 2564
Li giembles reis & sa maisni[é]e
Qui de bien fait ert molt haitiée ;
Mais si faitement li avint
Que onques en place ne vint 2568
Qu'il ne fust laidiz & folez
E sa gent pris e defolez
E par force mis a la voie.
Esi li avint ; tote voie 2572
Si aveit il gent a eslite
Qui en bien faire se delite,
Tant que li mondes s'en merveille
E le tienent a grant merveille. 2576
Un jor a une place vindrent.
Ensemble a une part se tindrent
{95} Par envi Normanz e Engleis
A torneier contre Franceis. 2580
E quant Franceis les esgardérent
Si trés grant joie en demenérent
Com s'il les eüssent toz pris,
Que eisi ravei[e]nt apris. 2584
Asemble a un conse[i]l s'esturent
Cil qui o le giemble rei furent.
Uns dist : € Por quei perdom nos los ?
« Ja sumes nos de char e d'os 2588
« Autresi comme Franceis sunt. [(f. 18)]
« Damnedex grant honte lor dont
« Qui hui cest jor si larra prendre
« Si il nen er[t] en sei détendre ! » 2592
E il rotrei[e]nt par igal,
Par le conseil le Mareschal.
Esi en fermérent les diz,
Qu'onques de rien n'en fust desdiz. 2596
Ge ne sai la place nomer,
Ne mei ne chaut fors d'asomer
Les Franceis qui al tornei vindrent,
Qui a molt bien paiez se tindrent, 2600
Qui de vanter se firent tels :
La nuit devant, a lor ostels.
Departirent toz les herneis
E les esterlins as Engleis ; 2604
Si'n firent large departie,
Mais encor nes avoient mie.
Mais tant vos di verai[e]ment
{96} Qu'onques, puis le chastiement 2608
Que li reis fist al Mareschal,
Ne fu en liu ne en ostal,
Que près de lui ne se tenist,
Comment que il l'en avenist. 2612
Toz dis ert près por lui secorre
E por defendre e por rescore.
Nuls n'i osout tendre la main
Por li haper ne prendre al frein 2616
Por les granz cops al Mareschal
Qui trop érent pesant e mal.
Cel jor si bien s'i desfendirent
Que par Franceis riens ne perdirent 2620
Einz i gaaigniérent del lor
E eurent le pris de l'estor.
Si bien e si bel s'i contindrent
Qu'onques puis en place ne vindrent [(f. 18 b)] 2624
Que bien d'els ne se defendissent
E que sor els ne conquesissent.
Si se defendirent e tindrent
Qu'onques puis en place ne vindrent, 2628
N'en assembl[é]e n'en estor,
Qu'il ne ga[a]gnissent de[l] lor.
Bene[e]iz seit qui lor aprist
De son boen cuer ou il le prist, 2632
Que par ce fu il puis maint jor
Sire e mestre de son seignor,
E, par Dieu ! molt le dut bien estre
Quant de proesce le volt pestre. 2636
{97} Pu[i]s vos di que li giemble rei[s],
Qui fu bons & beals & corteis,
Le fist puis si bien en sa vie
Qu'il raviva chevalerie 2640
Qui a cel tens ert près de morte.
Il fu u[i]s e entrée e porte
Par quei ele [re] vint ariére,
E il li porta sa baniére. 2644
Porta ? — Veire. — Cornent ? — Il bien,
Qu'a cel tens ne fasoient rien
A nul bachiler li halt home,
Mais il fu la rose e la some 2648
De retenir o sei les buens,
Qu'il volt que tuit fuissent des suens.
E quant li halt riche home virent,
Qui a cel tens nul bien ne firent, 2652
Qu'il voleit toz les buens aveir.
Si le tindrent a grant saveir,
Que bien virent que reis ne quens
Ne puet monter fors par les buens. 2656
Lors commenciérent a eslire
Li halt home, ç oï ge dire,
Boens chevaliers a retenir,
Par qui peüssent maintenir 2660
Chevalerie en son dre[i]t point
Qui devant ce n'i esteit point.
Par l'envie [le] giemble rei
Pristrent li halt home conrei 2664
Des bons chevaliers retenir [(f. 18 c)]
E essaucier e ma]i]ntenir.
{98} Li boens quens de Flandres por veir,
Pleins de proesce e de saveir, 2668
Par l'envie del giemble rei,
La proesce qu'il out en sei
Volt demostrer a tot le monde.
Quer de cuer li vi[e]nt [e] abonde. 2672
Li giembles reis aveit apris
Toz les boens bachilers de pris
A retenir e [a] aveir ;
Ce faceit proesce e saveir 2676
Qui li amenteveit les buens ;
Et autresi faiseit li cuens.
E li halt home de la tere
Qui enor volei[e]nt conquere 2680
Porchaçoent e retenei[e]nt
Les boens bachelers qu'il savoi[e]nt.
Si lor donei[e]nt volunt[i]ers
Chevals et armes e deniers 2684
Ou terre ou bele garison.
Mais or nos ront mise en prison
Chevalerie li halt home :
Par perece qui les asome, 2688
E par conseil de coveitise
Nos ront largesse en prison mise,
E l'esrer e le tornei[e]r
Si sunt torné al plaid[e]ier. 2692
Mais, si Deu plaist, li reis Henris
En enveis[e]ure e en ris
{99} E en joie metra le monde ;
E Damnedex toz cels confunde 2696
Qui mal li loérent a faire !
Quer par lui cuidon nos retraire
Largesse fors de lor prison
Qui mise i est par mesprison. 2700
E Dex nos doint al tens venir
Que nos veions ce avenir
Que Merlins en profetiza, [(f. 18 d)]
Quant des reis dist e devisa 2704
Ce que en est avenu puis,
Esi comme el Brute le truis !
Dex en tel point mete la terre
Afin que li reis d'Engletere 2708
Recovre ce qu'il deit aveir,
Qui par coveitise d'aveir
E par traïson fu vendue !
Mais, si Deu plaist, n'iert pas perdue. 2712
Or revenons a nostre conte ;
Si parlerons encor del conte
Felipe de Flandres, li proz
Qui par son sens sormontot toz 2716
Cels qui estoient a son tens.
A grant proece a mestier sens,
Quer toz dis, quant li giembles reis
Alout asembler as torneis, 2720
sa grant gent, o sa baniére
Qui molt ert enpernant e fiére,
{100} Li quens de Flandres se teneit,
Qu'ai torn[e]iement ne veneit 2724
Devant que tuit érent lassé
E desrengié e destassé.
Quant il ve[e]it ses avantages,
Comme cil qui ert proz & sages, 2728
Lor[s] lor moveit a la traverse.
La aveit meinte sele enverse,
E maint chevalier abatu,
E maint laidi e maint batu, 2732
E maint pris e ma[i]nt fiancié
Qui al premier s' ert avancié
De poindre as premiers de la rote.
Fols est qui trop tost se desrote. 2736
Esi serveit li quens le rei
Que sor lui veneit a desrei.
Quant il veïst ses genz lassez
E depeciez e dequassez. 2740
A costume esi le serveit. [(f. 19)]
Li reis vit qu'il le messerveit
E qu'il ne l'espargnout de point ;
Lors esgarda e lieu e point, 2744
Qu'il ne vint al tornei[e]ment,
Ne n'en mostra aveiement
Qu'il deüst tornei[e]r le jor
Ne porter armes en l'estor. 2748
Ne sorent mot quant il s'escrie :
« Alez lor ! Dex eals ! Dex aïe ! »
{101} Lors lor corurent Real sore
Qui furent venu a tel ore 2752
Que cil ne se pourent deffendre
Ne qu'il nes osérent atendre.
Lors ve[ï]st Fom plosors maniér[e]s
De gonfanons & de baniér[e]s 2756
Chaeir e coll[e]ier el tai,
Maint cheval e baucen et bai
Fuïr par le champ estraier.
Cil qui m[i]els se pourent aid[i]er 2760
En ga[a]igniérent e en pristrent.
Esi a la veie les mistrent.
Molt gaaignérent li Real.
Par le conseil del Mareschal 2764
Fu faite cele sorsaillie
Par quei lor gent fu maubaillie.
Esi fu e esi avint.
Unques puis en place ne vint 2768
Li reis ou torneier deüst,
Que porve[e]ir ne se s[e]ust
De ceste bole & de tel gile
E dedenz vile e deors vile. 2772
Aprés avint k'al tens novel
Out, entre Aneth e Sorel,
Pris un riche tornei[e]ment.
Nuls n'en oï avei[e]ment, 2776
Por qu'il fust esranz chevaliers,
Qui ne s'atornast volentiers
{102} De venir i, a quant qu'il peut. [(f. 19 b)]
N'en France ne en Flandres n'eut, 2780
Ne en Brie ne en Champaigne,
Chevalier esrant qui remaigne.
De l'autre part li Normant vindrent
E Breton qui a els se tindrent, 2784
Engleis, Mansel e Angevin,
E si i furent Peitevin
lor seignor le giemble rei,
Qui d'els aveit pris tel conrei 2788
E les aveit mis en tel point
Qu'il ne se doteient mais point
En nule place ou il venissent,
Por ce qu'ensemble se tenissent, 2792
Qu'il nes meïssent a la veie,
E qu'il n'eussent tote veie
Del plus bel quant vint al partir
E as granz gaainz departir. 2796
Li tornei[e]menz asembla
Qui molt fu granz e buen sembla
A ces qui des armes savoient
E le mestier usé avoient. 2800
Franceis vindrent a grant desrei
Si durement que lor conrei
S'entrecontrérent e laidirent.
E quant la gent le rei les virent, 2804
Sis la[i]ss[i]érent avant venir ;
Lors poinstrent, e, en lor venir,
{103} Si durement les encontrérent
Qu'il les perciérent e outrérent, 2808
Qu'onques nule hore ne se tindrent.
Quant les batailles le rei vindrent
Érent il ja mis a la fuie ;
S'est qui chast asez est qui fuie ; 2812
Esi ravient en mainte place :
S'est qui fuie asez est qui chace.
Si fu granz la desconfiture.
Tant chaciérent a desmesure 2816
E al gaaing tant entendi[é]rent [(f. 19 c)]
Que le rei ariére laissiérent
Tot sol, ne mais del Mareschal.
Cist dui tesérent contreval 2820
Tant qu'il se mistrent tot a net
Trés parmi la rue d'Anet.
N'i out chevalier remanant,
Quer tuit s'en fuirent avant. 2824
Aval sor destre regardérent
En une rue ou grant gent érent ;
S'i estoit misires Symons
De Nëaufle, qui out semons 2828
Treis cenz serjanz de pié o armes,
ars, o glaives, o gisarmes.
Qui s'estoent e[n]mi le pas.
Li reis dist : « N'i passeron pas, 2832
« Ne del retor[ner] n'i a mot. »
Li Mar[es]chals dist mot a mot :
« N'i a riens, se Dex me secore,
{104} « Nule fors de corre lor sore. » 2836
Quan[t] li serjant venir les virent,
En e[s] le pas se departirent,
Quer il nes osérent atendre.
E li Mar[es]chals ala prendre 2840
Monseignor Symon par le frein,
E dès que il out mis la main.
De l'estordre n'i out p[l]us rien,
Quer sachiez qu'il le tint si bien 2844
Que de lui ert serre [z] molt près ;
E li reis le suï après.
Ne se dona garde desriére,
Quant il vint a une gotiére, 2848
Basse que bien i pout ateindre.
La volt li cheval[i]ers reme[i]ndre ;
Si s'est aers a la gotiére ;
E cil ne garda pas ariére 2852
Quil menout, e li reis le vit ;
N'en parla pas mais il s'en tint.
Cil s'en vait la rue fendant, [(f. 19 d)]
E cil remest iloec pendant. 2856
Li Mar[es]chals a[l] herneis vint,
Le cheval par la reine tint,
Puis a dit a un esquier :
« Pernez, » fa[it] il, « cest chevalier. 2860
— Quel chevaher ? » fait sei li reis
Qui molt esteit doz e corteis.
— Quel chevalier ? cel que ge main.
« Gardez le cheval et le frein. » 2864
{105} Fait li reis : « Nel tenez a gaz ;
« Del chivalier n'avez vos pas.
— Ou est dune ? — Remés est ariére
« Pendant sei a une gotiére. » 2868
Quant li Mar[es] chais se torna,
Molt se rist, e si atorna
Cele ovre a mervellose gile.
Atant partirent de la vile, 2872
Mès en maint lieu fu pu[i]s retraite
Celé gile qui la fu feite.