Molt est Deus sages & corteis : 1364
Tost a fait secors & haïe
A home qui en lui se fie.
Hui [main] esteit li Mareschals
Povre d'aveir & de chivals, 1368
Ore en a il quatre e demi [(f. 10)]
Boens & beaus, Damenedé merci !
Si a roncins & palefreis
& boens sum[i]ers e bel herneis. 1372
Li torn[e]iemenz departi
& li Chamberlens s'en parti
Il & sa gent qui o lui érent.
Le Mareschal molt ennorérent 1376
& molt li firent beau semblant,
{51} Plus bel k'il n'orent fait devant.
A itel paste tel leveim,
Tanz as tant valz & ge tant t'eim. 1380
Asez tost revindrent noveles
Que entre Se[i]nt Briz & Boeles
Resteit li tornei[e]ment pris.
Qui or voldreit creistre son pris 1384
& sa proece demostrer
Si se poreit iloec mostrer.
Li Chamberlens s'en atorna,
Mais après ce li destorna 1388
Malveis conseil ou maladie,
Mais tant fu k'il n'i ala mie.
Mais li Mareschal[s] tote voie
S'atorna de mettre en la voie 1392
Qui talent en avoit greignor.
Congié e[n] kuist a son seignor,
& il li dist en es le pas :
« Certes, [vos] n'i ate[i]ndrez pas, 1396
« Que saciez que treiz granz jornées
« 1 sunt les vei[e]s atornées ;
« Si n'i poriez pas ateindre. »
Cil qui ne s'out cure de fe[i]ndre 1400
Dist : « Si Deu plaist, g'i vendrai bien ;
« Ne vos destorberei de rien.
{52} — Alez a Deu, qui vos condu[i]e !
« Par mei ne remandrez [vos] mie. » 1404
Li Mareschals d'ilec se part
Qui volunt[i]ers vait cele part
sa volunté le comduit. [(f. 10 b)]
Tant cheva[l]che & jor & nuit, 1408
Par endités & par asens,
Que [il] est venuz a tot tens
La ou li chival[i]er s'armoient.
Li plosor ja armé estoient. 1412
Il desendi hastivement,
Armer se fist molt vistement,
Puis est al bon cheval montez
En kui aveit me[i]ntes bontez. 1416
Ja s'aperce[i]vent li conrei :
Li un correient a desrei
& li autre sagement vienent,
Serré en bataille se tienent ; 1420
E il porvit bien son afaire
Cum cil qui bien le saveit faire.
Einz qu'en l'estor fust enbatu
A un cheval[i]er abatu. 1424
Sor[e] lui estut une pose ;
Lors li vindrent a la forclose
Cinc chevalier : al frein le pristrent,
En lui prendre grant peine mistrent, 1428
{53} Mais n'en po[e]ient a chief traire
Quer il lor trove trop a faire.
S'il érent angoisseus de prendre,
& il molt plus de sei defendre : 1432
Moit le batent bien de granz cous,
& il n'est si avers ne mous
Qu'il ne lor rende lor bontez.
Asez i out cops mescontez : 1436
Li uns le voleit jus sachier,
Li autre le healme esrachier,
Li autre le tirent aval
Treske a la croupe del chival ; 1440
Li uns le fert, l'autre le frape,
& quant ce est qu'il lor eschape
De granz coups estordiz lor donc ;
Lur servise lor guerredone. 1444
Unkes, por ferir ne por batre, [(f. 10 c)]
Nel porent del cheval abatre.
Tant i mistrent & tant i furent
Que de lui batre se recrurent, 1448
& il vers elz tant se deforce
Que eschapez lur est par force ;
Mais il malement l'atornérent,
Que le hiealme el chief li tornérent 1452
{54} Par force cel devant desriére,
Ne unkes en nule man[i]ére
Tant n'i pout tirer ne sachier
Que il le p[e]ust [d] estachier, 1456
Mais un des laz en dépeça
Si k'en ses deiz molt se bleça.
A molt grant force e a grant gr[i]ef
Traist fors le hielme de son ch[i]ef ; 1460
Si rafreschi un poi son vis.
Par la pass[o]ent, ce m'est vis,
Dui chival[i]er de haut afaire
Qui ourent veü son afaire, 1464
Sire Boens-Abes de Rogi
& danz Johan de Soleingni.
Sire Johan le reconut,
Mais Boins-Abes pas nel conut 1468
Mais molt le preisa & si dist :
« Messire Johan, qui est cist
« Qui si se set d'armes aid[i]er ?
« N'a pas entendu a plaid[i]er. 1472
« Vez com tressue sis chevals !
— C'est Guill. li Mareschals, »
Fait misires Johans adonkes ;
« Si cuit que vos n'eiistes unkes 1476
« Nul bacheler plus seit sanz gile.
« Sis escuz est de Tankarvile. »
Fait sire Boens-abes por veir :
« Mol[t] deit la rote mielz vale[i]r 1480
« & molt plus hardie deit estre
« Dunt li Mareschas & mestre. »
{55} Li Mareschaus bien les oï, [(f. 10 d)]
Dedenz son cuer s'en esjoï. 1484
Bien est veir que joie & l[e]esce
Reblandisent sens & proesse.
Lors remist son healme en son chief.
Qui qu'em peist ne qui qu'em seit grief 1488
Se renbat el tornei[e]ment.
Si le fist si outréement
Que tot le munde se merveille
De la force & de la merve[i]Ile 1492
Qui li fait derompre la presse.
Nuls trop près de lui ne s'apresse,
Einz lui laissent la voie tote.
D'ambes parz en f[r]emist la rote. 1496
Par beals cops doner e par prendre
Les a tant fait a lui antendre
Qu'i[l] li donent otréement
Tot le pris del tornei[e]ment. 1500
Al ga[a]ingnier point n'entcndi ;
Isnelement la main tendi
A un chival de Lombardie,
Mais cil n'out tant de char hardie 1504
Qui sus sist qu'i[l] l'osast defendre ;
Ne il ne se volt laiss[i]er prendre,
Einz se laissa chair a terre.
{56} Cil prist le chival par le serre, 1508
Qui n'out talent que il le lesse ;
Si l'en ameine ors de la presse,
Si l'en baille a suen esquier.
Or ne vos voil plus ennuier. 1512
Pu[i]s mena si trés bele vie
Que plosors en orent envie
En tornei[e]menz & en guerres,
& erra par totes [les] terres 1516
Ou chevalier[s] deit pris conquerre.
E En France e en Avauterre,
Parmi Hiennau & parmi Flandres
Fu de son bien fait granz esclandres. 1520
En Brutaingne e en Normendie [(f. 11)]
N'a prodome qui bien no'n die ;
N'en tot Anjou n'en tot le Mai[n]e,
N'en la ducheé d'Aquitaine, 1524
Ne quenoisse son vasselaige.
Talent lui est pris e corage
De venir s'en en Engletere
Por ce k'il fu nez en la terre, 1528
E por veïr son bon lingnage.
Quant il out bon vent a passage
Al Chamberlent & a sa gent
A pris congié mut bonement. 1532
Li Chamberlent lu[i] otria.
{57} Meis molt le requist & preia
Qu'a l'einz qu'il peüst retornast,
N'en la terre ne sejornast, 1536
Qu'il n'i aveit nul bon sejor
Se ce n'esteit a vavasor
Ou a gent qui d'esrer n'ont cure,
Mais ki volt mettre peine & cure ; 1540
En esrer ne en tornïer
Si le soleit l'om enveier
En Brutaingne ou en Normandie
Por hanter la chevalerie, 1544
par tut la ou l'om turnei[e] ;
Kar eissi cov[i]ent tote voi[e]
Faire com vos me oez conter
Qui d'armes velt en pris monter. 1548
Bien sout aparceivre e saveir
Qu'il li diseit raison & veir.
Mult out bon vent, la mer passa,
Tote Surr[i]e trespassa, 1552
E après ce en lu Hantsire.
Del boen conte de Salesbire
Demanda partot les noveles :
L'om li dist e bones e beles, 1556
Que de la cort ert [re] venuz,
S'ert a Salesbires venuz.
A Salesbires vint al conte ;
Ne fait ci a conter lonc conte, 1560
{58} Quer grant joie li fist li quens : [(f. 11 b)]
Por ce ku'il esteit proz & buens
E qu'il esteit fiz sa soror
Le tint o sei o grant enor. 1564
Ne sei comb[i]en il sejorna,
Mais li reis Henriz s'atorna
De passer outre mer en haste,
Quer forment le semont & haste 1568
Bosoing de secorre sa terre,
Quer li Peitevin li funt guere,
Qui li unt sa terre gastée
E eissilli[é]e & degasté[e]. 1572
Souvent chevalchent a desrei
En toz les demein[e]s le rei ;
Ne lessent rien, ou k'il le truissent
Fors de chastel, que trover pu[i]ssent. 1576
Nostre estorie vos dit en fin
Que tut dis furent Peitevin
Rebelle contre lor seignors ;
Encor le veit l'om de plusors. 1580
Li reis manda par br[i]ef ses contes
E ses barons e ses viscontes,
Ses chasteleins ovec manda ;
Si lor dist & lor commanda 1584
Qu'il gardassent ses heritez
& ses chastelz e ses citez.
Il li otrei[é]rent, sil firent,
G'onkes de rien ne l'en mentirent, 1588
{59} Einz li vindrent en bone fei ;
E il amena ovec sei
Sa femme, & de barons esliz
Si'n mena le conte Patriz. 1592
Sachiez ke de cele aventure [(1168)]
Avint molt grans mesaventure.
Ce fu granz dols & grant damages ;
Encor s'e[n] delt tuz li linnages. 1596
Will. li pruz Mareschals,
Li pruz, li senés, li leals,
Qe si[s] uncles pout tant amer [(f. 11 c)]
Ovec lui repassa la mer. 1600
A grant joie la mer passérent
Li reis & cil qui o lui érent.
Ge ne sai que plus vus en die :
A Barbeflu en Normandie 1604
Ariva, puis vint a Caem,
A Lisiueus & a Roem,
A ses chastels, a ses citez
Dont richement ert eritez, 1608
Parmi le Maine e par Anjou,
De si que si vint en Peitou,
U tost erra parmi la terre
Ses enemis cerchier & quere 1612
Qui li ont sa terre baillie
& barreiée & mesbaillie.
Le conte Patriz demanda ;
{60} La reïne li kemanda 1616
A lui e a ses cheval [i]ers
A conduire ; il dist : « Volunt[i] ers. »
Ce peise [mei] ku'il la condu[i]t
Quer il n'i out pas sauf condu[i]t, 1620
Quer Peitevin les escriérent
D'un esbuchement ou il érent.
Gefreis de Lesingnan sanz dote
Esteit sires de cele rote, 1624
Qui unkes a nul seignorage
Ne volt porter fei ne homage,
N'unkes ne vot estre soz jou,
Toz jors i out del peil del lou. 1628
Quant li quens vit sa gent armé[e],
& la soue vit desarmé[e],
Molt tint le gieu a mesparti
Qui en out le noalz parti ; 1632
Mais, coment ku'il aut, tote voie,
La reine el chastel enveie ;
N'en vot fuir n'a mont n'a val.
Forment demanda son chival ; 1636
Mais uncor li esteit trop loing, [(f. 11 d)]
Nel pout aveir a grant bosoing,
N'il ne pout a tens estre arme[z].
Sor son palefrei desarme [z], 1640
Par grant ire lor corut sore,
{61} & sis chivals vint en illore.
Si compaingnon pas nel sivirent,
Quer a el[s] armer atendirent. 1644
Ci a trop fort conte a conter :
Quant en son cheval vol[t] monter,
Anceis qu'es archuns fust asis,
Uns traïtres, un hanseïs, 1648
Le feri d'un glaive desriére
Parmi le cors, en tel man[i]ére
Que tantost murir l'en estut,
Dunt a toz les suens mesestut. 1652
Quant li Mareschals aperçut
Le cop dunt sis uncles morut,
Par poi de deul n'issi del sens
Por ce qu'il ne pout estre a tens 1656
A celui qui son uncle out mort,
Quer volont[i]ers vengast sa mort.
N'atendi pas k'il fust armez :
Fors d'un hauberc toz desarmez 1660
Lor cor[u]t sore tot de plain.
D'un glaive qu'il tint en sa main
Ala le premere[i]n requere :
Del chival le porta a terre. 1664
Molt fu del vengier angoissos.
Unkes nuls liuns fameillos
Ne fu si cruels sor sa preie :
[Ja] n'er[t] trové nul en sa veie 1668
Qu'il nel mette a duel e a hunte.
{62} Molt eüst vengié b[i]en le conte,
Mais o les glaives le sou[s]pristrent,
Son chival [de] soz lui ocistrent ; 1672
E quant a terre se senti
Unkes por ce ne s'alenti.
Pu[i]s n'i recouvra qu'il seiist [(f. 12)]
Por ce qu'eschiver les p[e]üst, 1676
Sor lui corurent, ce me semble,
Plus de sesante tuit ensemble,
Qui tuit le volei[e]nt surprendre
& tuit pensoent a lui prendre. 1680
Semblant fait que point ne s'esmaie ;
Si s'acosta a une haie ;
Or ne garde fors par devant,
Puis lor a dit : « Or venge avant 1684
« Qui voldra asaier sa force ! »
Chascuns a son poe[i]r s'esfbrce
De lui ocire ou de lui prendre,
& il molt plus de lui desfendre. 1688
En defendant si bien le fi[s]t
Que sis de lor chevals ocist.
Devant lui out grant batestal,
Quer il lor out doné estal 1692
Come li senglers fait as chiens.
De lui prendre n'i eüst riens,
{63} Qu'il ne[l] po[e]ient atechier,
Qui ne rosoi[e]nt aprochier. 1696
Ja de lui n'eussent ballie
Si ne fust une sorsaillie,
Ke un [s] chevalier [s] saillit la haie.
Sanz nul respit e sanz delai 1700
Parmi la haie le feri
D'un glaive, si ku'il le choisi,
Parmi les quises d'oltre en outre,
Si que la glaive parut oltre 1704
Al mains plus de demie teise.
Lors le pristrent, dont molt li peise ;
& s' al prendre le keneüssent,
A tot le mains fait li eüssent 1708
Tant ke la mort li fust quemune ;
De cent vies n'en portast une.
Quant pris l'orent, sil defferérent
De[l] glaive, & quant il li ostérent, 1712
Si raia fors li sans des plaies
Parmi chauses & parmi braies.
Ensanglanta la terre tote ; [(f. 12 b)]
Bien le pout l'om sievre par rote. 1716
Desus une iuve le montérent
Trotant, kar si male gent érent
Qu'unkes ne lor chaleit de s'aise,
E[i]nz amoent plus sa mesaise. 1720
Por quei ? C'est legier a entendre :
{64} C'estoit por lui faire reendre ;
Issi sunt mené li prison
Quant il sunt en male prison. 1724
Il n'out de quei bender ses plaies ;
Lors prist les tigeus de ses braies,
Si s'en benda si corn il pout,
Que nul[s] aid[i]er ne li osout. 1728
Por quei ? Por la grant felonie
De celui qui l'out en bailie.
Lor porchaça auqune estupe,
Ses plaies en tente [e] estupe. 1732
Quant eles furent totes pleines
Del sanc qui del cors & de vein[e]s
De si qu'as plaies decorut,
Nuls de ce ne li securut, 1736
Celes li convint relaver.
Molt furent felon & aver
Cil qui sa grant dolor savei[e]nt
& nule pitié n'en avei[e]nt. 1740
De lui conrei ne perneit nus ;
& cil a sauz & ja trebus
Par couve[r]z païs trespasoent
Corne cil qui molt se dotoent, 1744
Quer la ou gesoient la nuit
N'avei[e]nt il point de condu[i]t.
L'endemain, quant il esteit jor,
N'avei[e]nt mest[i]er de sejor, 1748
Quer si li reis le[s] peüst prendre,
{65} Ne espïer ne entreprendre,
Li ors del mont nes garesist
Que sa justise n'en feïst, 1752
Quer issi lor aveit pramis. [(f. 12 c)]
Chiés un de lor meillors amis
Se herberg[i]érent une nuit.
Ne quid[i]ez pas que molt n'ennuit 1756
A celui qui sa dolor sent
Ne nul remire n'en atent.
Une dame le regarda,
&, conme ele plus l'esgarda, 1760
A un des chivaliers [en]quist
Qui il esteit ? & il li dist
La mesaventure del conte,
Si com avez oï el conte, 1764
E come cil ert a malaise,
& nuls ne plaignoit sa meseise.
El demanda del chivalier
De qu'avreit il greignor mestier. 1768
Il dit : « Si m'ait Deus, d'estupes ;
« Mais nos n'i avom nules coupes
« En lu[i] maveisement garder,
« Quer ne l'osum nis regarder. 1772
« E si n'a il çaenz, ce qui,
« Nul meillor chevalier de lui,
« Qui toz les avreit entassez,
« Non si bon comme il est d'asez. 1776
« Quant vendreit a la grant destresce,
« Sis valdreit il toz de proesce. »
{66} La dame franche e debonaire
Fist que bone dame deit faire, 1780
Quer en sa chambre prist un pain,
La mie en osta a sa main,
Pu[i]s si l'empli, ce fu la fin,
De bones estupes de Un ; 1784
Al Mareschal les enveia.
Li Mareschals li renveia
Grez e merciz plus de cen[t] mire,
Quer or a ce ku'il molt desire. 1788
Par tant devint cerurgïens,
Quer Ypocras ne Galïens
Qui mainte [em] plau[s]tre feire s[o]urent
A cel point mestier ne lui ourent. [ [(f. 12 d)] 1792
Molt le demenérent prison
Tant qu'il torna a garison
Des plaies qui molt li dolurent.
Une nuit herbergié se furent 1796
La ou molt aveit chevaliers
& molt vaslez & esquiers ;
A plusurs gieus se dedussei[e] nt :
Li aukant la p[i]ere getei[e]nt ; 1800
La volt mostrer chascun[s] sa force.
Un en i a qui tant s'e[s]force
Que si outréement les passe
Que de deus piez toz les trespasse. 1804
Trestu[i]t dient : « Cist a vencu.
{67} — Unkes tex geterres ne fu, »
Dist uns chivaliers, « en nos tens. »
Uns autre dist : « Si cum je pens, 1808
« I a tel ici, se il voleit,
« Qui asez plus la gettereit.
— Taisiez ! » fait il, « ce ne puet estre ;
« Cist ne trovera ja son mestre. » 1812
Vers le Mareschal se torna
Un[s] chivalier[s], si li preia
Qu'il alast la pierre geter.
« A ! sire, lessez m'en ester, 1816
« S'il vos plaist ; vos me sorquerez ;
« D'autre chose me requerez,
« Quer bien savez ma mesestance.
— Sire, por toz les seinz de France, 1820
« E por ce qu'onques plus amastes,
« S'onques a nului otreiastes
« Preiére, ceste m'otroiez. »
Il dist : « Quant si bel m'en preiez, 1824
« Ge n'en ai mie grant poe[i]r,
« Mais g'en f[e]rai plus que poe[i]r. »
Disfubla sei & s'escorça :
Pié e demi plus la geta 1828
Que li boens geterres d'asez. [(f. 13)]
« Par fei ! cist est de trop passez, »
Feit sei li chivaliers adonques.
« Par fei ! ce est mon, ce n'avint unques, 1832
Fait chascuns, & molt se merveille,
{68} Qu'umques ne virent tel merveille.
A meint home qui a grant force
Avient souvent que trop s'esforce, 1836
Tant que trop esforcier li nuist :
Que plus s'esforce [e] plus se cuist.
Li mareschal[s] tant s'e[s]força
Qu'il desrompi & escorça 1840
Ses plei[e]s ki lui escrevérent,
Qui nov[e] aiment garries érent.
Esi avient qui trop s'angoisse.
Unkes veir si trés grant angoisse 1844
N'out en nul lieu qu[e] il seüst,
Por ce que membrer l'en peüst.
Molt en garri plus a grant peine,
Quer trop par le travaille & peine 1848
Qu'en nul lieu sejorner ne puet,
Quer nuit & jor errer l'estuet,
Quer male gent l'ont en lor lasne.
Primes une iuve & puis un asne 1852
Chivalche ou un roncin redois,
Quer il n'er[t] de rien a son chois ;
D'itant li ennuia le plus.
Tant le menérent sus & jus 1856
Que il gari & respassa,
Gaires de terme ne passa.
Mais ne l'avreie dit oan
Come Geffrei[s] de Lezingna[n] 1860
Guerrea le rei & il lui,
{69} Quer trop tornereit a ennui :
Ce ne serreit n'a or n'a ja.
Mais la reïne ostaja, 1864
Quant ele pout, le Mareschal
Qui trop par out ennui & mal
En la felenesse prison ; [(f. 13 b)]
Ce fu laidesce & mesprison. 1868
Quant de prison fut delivrez
& a la reïne livrez
Li Mareschals, molt lu[i] fu bel,
C'unkes nus, dès le tens Abel, 1872
Tant vos di sanz plus & sanz mains,
N'eschapa de si cruels mains.
A vis lu[i] fu qu'ore ert en l'or,
Quer la reïne Alïenor 1876
Li fist atorner son afaire
Come a tel bachiler dut feire.
Chivals & armes & den[i]ers
& beles robes voluntiers 1880
Li fist doner, cui qu'il en peise,
Quer molt fu vaillante & corteise.
E il de rien ne se perece,
Qu'onques el conseil de peresce 1884
Ne fu, pu[i]s qu'il fu chivaliers ;
Einz obeï molt volunt[i]ers
A proesse qui toz les suens
Avance tant k'il sunt des buens. 1888
& tant vos voil dire & conter
{70} Que nus qui velt en pris monter
N'amera ja trop long sejor,
Ne cist n[e l']ama onques jor, 1892
Ainz s'esmoveit en meinte terre
Por pris & aventure quere ;
Mais souvent s'en reveneit riches ;
& il n'ert pas avérs ne chiches 1896
De despendre ce ku'il aveit,
& si beal faire le saveit
Qu'a molt b[i]en paié s'en tenei[e]nt
Trestu[i]t cil qui a lui venei[e]nt. 1900
Tant monteploia sa proesce
E sa bonté & sa largesce
Que de lui tenei[e]nt grant conte
Rei & reïnes, duc & conte. 1904
Issi avint en icel tens [(f. 13 c)]
Que li reis qui fu de bon sens
Out finée en Peitou sa guère ;
Si s'en revint en Engletere 1908
grant herneis, o grant barnage ;
Si li prist talent & corage
De faire son filz coroner. [(14 juin 1170)]
Si fu a cest conseil doner 1912
La reïne e tot son poeir,
Quer [i] ce fu bien sen deveir.
Ne voil ci aloigner mon conte
A dire quant furent li conte, 1916
{71} Li baron & li vavasor
Qui a Londres furent le jor
Venu a cel coro[ne]ment,
Ne le riche contenement, 1920
Ne les bels dons qui molt valurent
Qui a cel[ui] jor doné furent.
Por ce nel voil or ci plus dire,
Qu'il n'apartient a ma matyre, 1924
Mais d'itant i met mon asens
Que li reis ne fist mie sens
Quant il fist a tot son barnage
Par force a som filz faire homage. 1928
Puis fu me[i]nt jor, quant il [l']out fait,
Que volont[i] ers Feust de[s]feit ;
Mais ci vos faiz une forsclose :
Que Fom fait souvent mainte chose 1932
Volunt[i]ers dunt Fom se repent ;
Mais nulz ne set k'a Fui[l] li pent.
En lui essaucier se delite
Quer il li quist tot a eslite 1936
Compaingnons les meilz esprovez
Qui el reigne furent trovez.
Lors fu mandez li Mareschals
Qui tant este[it] proz & leials, 1940
Entechiez de trestuz les biens.
Si qu'il n'i failleit nule riens.
Li reis ovo[e]c sum fiz le mist [(f. 13 d)]
Granz bienz a faire li pramist 1944
{72} Por lui garder & esseignier.
« Ici n'a mot de bargainnier, »
Ce dist li Maresch[a]ls por veir,
« & g'en ferai tot mon poe[i]r. » 1948
Tot issi li convenança.
Tant li fist e tant l'avança
Que par ce que il out apris
Monta li giembles reis en pris, 1952
& en enor & en hautesce ;
A lu[i] s'acompaigna proesce.
Dès ce ku'il out tantes bontez
Si fu il al plus beal contez 1956
De toz les princes terriens,
Ne sarrazins ne crestïens.
Ilor[e]s n'esteit point de guerre,
Cil le mena par meinte terre. 1960
Qui bien le saveit avei[e]r,
La ou l'en deveit torn[e]ier.
Les armes conut, & en sout
Tant com vaslet saveir en pout. 1964
Molt li plout des armes li estres,
& ce fu molt bel a sis mestres.
Molt esra & molt despendi,
Quer a si grant chose tendi 1968
Corne rei[s] filz de rei deit fere
Qui velt tendre a si halt afeire.
Quant il n'out mais gaires d'aveir,
A son pére le fist saveir. 1972
{73} Quant li péres l'entent, si pense
Que il ert de trop grant despense.
Asez out li péres qui dist :
« Sire, ce li fait cist & cist 1976
« Qu'os li avez bailliez a mestres,
« Que par els va trestot li estres.
« Or avant ier ot cinc cenz livres,
« Ore en est ja par tens délivres ; 1980
« Ne sai quel jor en out il mil. [(f. 14)]
« Esi vos essillereit il
« & toldreit quam que vos avez.
« Vos estes pris si nel savez. » 1984
Li péres crut les losengiers,
Les cruels & les pauton[i]ers
Dunt il a tant en mainte cort,
Qu'il tienent lor seignor[s] si cort 1988
Que poi de bien lor laissent faire,
Quant mal chief en puissent il traire !
Li reis mande estrosséement
Al giemble rei & a sa gent 1992
Feïst le mielz que il peüst,
Que ja de rien que il [e] ust
Ne fereit mais ses granz largesses ;
Trop par demenout granz richeces. 1996
Li giembles reis s'en merveilla ;
{74} Asez fu qui li conseillia
Qu'encontre son pére tornast
& par force tel l'atornast 2000
Que il li feïst, mal gré suen,
Sa volonté & tot son buen.
Li autre n'orent de ce cure
Qui furent de sa norreture, 2004
Einz de[s]loérent cel afaire,
E que trop sereit mal a faire.
Qui mal met entre filz e pére
C'est bien raison qu'il le compére. 2008
De tot conter sereit merveille,
Mais diable qui toz dis veille
Mist entre le filz <& le pére
Mainte grosse parole amére, 2012
Si que ensemble meslé furent,
Dunt meint gentil home morurent,
E maint [chastel] e mainte terre
Furent essilié de la guerre. 2016
le giemble rei se tornérent
Conte & baron plusor, qui érent
Si home lige de lor mains ; [(f. 14 b)]
Mais li péres out pris en mains 2020
A desfaire ce qu'il out fait ;
D'ambedeus parz i out sorfait.
Li péres esra a grant ost
Vers le filz vistement & tost. 2024
Tant chevalcha qu'i[l] vint a l'ors.
{75} Iloec oï dire a plosors
Qui esteit tornez & qui non :
De Baione tresque a Chinon 2028
N'out haut home ne fust tornez,
E li poples mal atornez.
E quant li péres l'oï dire,
N'est merveille s'il en out ire ; 2032
Si demanda u il esteit,
E cil dist qui bien le saveit
Qu'il ert en l'eissue d'Anjou,
Ne sei a Vendosme ou a Trou. 2036
Al giemble rei fu fait entendre
Qu'iloec veneit por lui sorprendre
Sis péres par jor & par nuit ;
Si J'asser[r]eit encore anuit. 2040
[E] quant il oï tel [s] messages
Si fist que corteis & que sages,
Qu'il volt que si buen conseiller
L'en aidassent a conseiller. 2044
Lors lor conta trestot l'afaire,
& quist conseil qu'en deveit faire.
Li maveis a fuir loérent
E li preudome desloérent, 2048
E distrent ce n'ert pa[s] li mie[u]z :
« Honiz seit de corz e des ie[u]z
« Qui si conseille son seignor
{76} « A faire honte & deshonor ! 2052
« Fuir s'en quant nuls ne vos chace,
« Ce n'iert ja fait ; ja Dex ne place !
« Molt nos porreit estre grant honte
« Quant l'on contereit itel conte 2056
« Que pris avrion la volée [(f. 14 c)]
« Senz receve[i]r cop ne colée.
« Geste honte serreit eslite.
« Nos sumes ci de gent eslite 2060
« Quatre cenz chevaliers al mains ;
« Nos en ci cuidons plus que mains
« Estre cels qui loent la fuie.
« Que ja Damnedex nel conduie 2064
« Qui aillors de ci voldra estre !
« Ja ne vos en mesron en destre
« Qu'anceis ne seiom chier vendu.
« Certes, si ierent atendu. 2068
« C'est li mielz, si come jo cuit. »
A cest conseil se tindrent tuit.
« Mais tant i a, bel sire chiers,
« Qu'encor n'estes pas chivaliers. 2072
« Ne plaist pas a toz, ce me semble.
« Meilz en valdrion tuit asemble
« Si en dreit vos ert ceinte espée.
« Plus hardie & plus anorée 2076
« Sereit tote vostre maisnie
« E plus trés joiose & plus lie. »
Il dist : « Jol ferai volunt[i]ers.
{77} « Certes, li meldres chevaliers 2080
« Qui en toz tens est ne sera
« E plus a fait & plus fera
« Me ceindra, si Deu plait, l'espée. »
Lors fu devant lu[i] aportée. 2084
& quant li reis l'espée tint,
Tot dreit al Mareschel [en] vint
Con cil qui molt ert coragos ;
Si li dist : « De Deu & de vos 2088
« Voil aveir ceste enor, beal sire. »
Cil ne l'en volt pas escondire :
L'espée li ceinst voluntiers,
Sil baisa ; lors fu chevaliers ; 2092
Pus dist que Dex en grant proesce
E en enor e en haltesce
Le meintenist, com il si fist. [(f. 14 d)]
Bien li avint ce ku il [li] dist. 2096
Seignors, icest[e] grant enor
Fist Dex al Mareschal le jor :
Veiant contes, veiant barons,
E veiant genz de si hauz nons, 2100
Ceinst l'espée al rei de Engletere.
Si n'aveit il reie de tere
Ne rien fors sa chevalerie.
Li plosor en orent envie, 2104
Mais a itant se reposérent,
{78} Quer unques parler n'en osérent.
Esi fu e isi avint,
Mais li péres neient ne vint. 2108
Li filz ala al rei de France,
Si li mostra sa mesestance,
Qu'altre feiz li aveit mostré.
Si deit bien estre [de]mostré 2112
A alcun de dreite reison,
Coment e par quele achaison
Il fu reis einz que cheval[i]ers,
E gel [vos] dirrei volunt[i]ers : 2116
Li péres le volt essa[l]cier
E amender e sorhalcier
En grant enor e en puissance ;
Si volt bien que li reis de France 2120
L'en ceinsist l'espée al premier
& qu'il le feïst chevalier.