L'HISTOIRE
DE
GUILLAUME LE MARÉCHAL
COMTE DE STRIGUIL ET DE PEMBROKE
RÉGENT D'ANGLETERRE DE 1216 A 1219
POÈME FRANÇAIS
PUBLIÉ POUR LA SOCIÉTÉ DE L'HISTOIRE DE FRANCE
PAR PAUL MEYER
TOME PREMIER
A PARIS
LIBRAIRIE RENOUARD
H. LAURENS, SUCCESSEUR
LIBRAIRE DE LA SOCIÉTÉ DE L'HISTOIRE DE FRANCE
RUE DE TOURNON, No 6
M DCCC XCI
EXTRAIT DU RÈGLEMENT.
Art. 14. — Le Conseil désigne les ouvrages à publier, et choisit les
personnes les plus capables d'en préparer et d'en suivre la publication.
Il nomme, pour chaque ouvrage à publier, un Commissaire responsable,
chargé d'en surveiller l'exécution. Le nom de l'éditeur sera placé en
tête de chaque volume. Aucun volume ne pourra paraître sous le nom de la
Société sans l'autorisation du Conseil, et s'il n'est accompagné d'une
déclaration du Commissaire responsable, portant que le travail lui a
paru mériter d'être publié. Le Commissaire responsable soussigné déclare
que le tome Ier de l'édition de l'Histoire de Guillaume le Maréchal,
préparée par M. Paul Meyer, lui a paru digne d'être publié par la
Société de l'Histoire de France. Fait à Paris, le 20 mars 1892.
Signé : L. DELISLE.
Certifié :
Le Secrétaire de la Société de l'Histoire de France,
A. DE BOISLISLE.
AVANT-PROPOS.
L'Histoire de Guillaume le Maréchal occupera trois volumes. Les deux
premiers comprendront le texte et le vocabulaire. Dans le troisième
prendront place : 1° une introduction développée où seront étudiées
toutes les questions historiques et linguistiques que soulève ce poème ;
2° une traduction abrégée à laquelle seront jointes les notes
nécessaires à l'éclaircissement du récit ; 3° une table des noms et des
matières. En attendant l'achèvement de l'édition, on pourra se
renseigner sur le caractère et l'importance du poème, comme aussi sur
les circonstances dans lesquelles il a été découvert, en consultant les
deux mémoires déjà publiés sur ce sujet, l'un dans la Romania[1],
l'autre dans le Bulletin de la Société de l'histoire de France[2].
L'établissement du texte a présenté des difficultés peu communes. Le
manuscrit de la bibliothèque Phillipps, à Cheltenham, qui seul nous a
conservé l'Histoire de Guillaume le Maréchal, est d'une écriture fine et
fatigante ; de plus, certaines pages ont été revisées par un correcteur
contemporain du copiste, ou du moins postérieur de peu de temps, et,
dans les passages corrigés, il est souvent difficile de démêler la leçon
primitive. Enfin, et malgré les soins, du reste intermittents, de
l'ancien correcteur, les mauvaises leçons abondent dans le manuscrit et
offrent une ample matière à la conjecture. On expliquera dans
l'introduction en quelle mesure on a tenté la restitution du texte. Il
suffira de dire présentement que la leçon du manuscrit a été respectée
autant qu'il était possible. La plupart des corrections, introduites
dans le texte ou proposées en note, sont celles qu'exigeait le sens ou
la mesure. On a été très sobre de corrections purement grammaticales. Il
sera démontré en effet que l'auteur, probablement un Normand établi en
Angleterre, écrivait une langue assez peu régulière et ne se faisait pas
faute d'employer, pour le besoin de la rime, des formes différentes en
des cas identiques.
Voici une première liste d'errata relevés à la lecture des bonnes
feuilles, et dont plusieurs résultent d'un nouvel examen du manuscrit :
V. 142, note, lis. desmeslée. — V. 485, lis. taill[ié]e. — V. 628,
forfeit est bien la leçon du ms., mais il y a sans doute lieu de
corriger, comme ailleurs, sorfeit. — V. 631, lire, à la note
correspondante, 631 au lieu de 661. — V. 660, corr. essili[é]e. — V.
668, la correction proposée en note est confirmée par la leçon du v.
5824. — P. 26, titre courant, lire Shrewsbury. — V. 687 et 691, les
notes de ces deux vers ont été interverties. — V. 772, vint, corr. uit ?
— V. 843, note, lis. ermérent. — V. 893, am[b]edeus, la correction est
inutile. — V. 895 et 3865, lis. a deslaz, comme au v. 9479. — V. 1248,
araier, corr. armer, qui donnerait une meilleure rime. — V. 1516, Et,
lis. &. — V. 1518, lis. E en. — V. 1659, mettre une virgule à la fin de
ce vers et deux points au v. suiv. après hauberc. — V. 1700, corr.
delai[e]. — V. 1715, lis. Ensanglanta la terre. — V. 1990, Quant ; on
pourrait, au lieu de Qu'a, proposer Grant comme correction. — V. 2050,
note, coiz peut être conservé ; cf. V. 11626. — V. 2077-78, corr.
maisni[é]e-li[é]e. — V. 2243, loriels est corrompu ; corr. ostels ? — V.
2247, au lieu de 19 lire 15. — V. 2285-86, corr.
essauci[é]e-sorhauci[é]e. — P. 101, titre courant, lis. l'emploie. — V.
2853, le vit, corr., pour la rime, la vint. — V. 4701, Clive est bien
dans le ms., mais doit être corrigé en Dive. — V. 4735, Buislou, leçon
du ms., doit être corrigé en Bruslou, qu'on trouve plus loin (vv. 8451,
8547). Les var. des vv. 8386 et 8424 n'infirment point cette correction.
— V. 4687, mettre une virgule après furent. — P. 176, titre courant,
suppr. le point final.
[1] XII, 22-74.
[2] Année 1882, pp. 244-264.
{1} L'HISTOIRE DE GUILLAUME LE MARÉCHAL
Qui a bone matyre a feire [(f. 1)]
Deit si porv[e]eir son afaire,
S'il i a bel commencement,
Qu'il vienge a bon definement, 4
E k' en tel man[i]er…
Ke reisun a ses diz s'acort,
K'en n'i truisse riens ke reprendre ;
Ker custumier sont d'entreprendre 8
Une gent qui petit s'entendent,
Mais al bien contredire entendent.
E dunt lor vient ceste custume ?
D'envie, kui par amertume 12
De cuer ne puet sa boche taire.
Ne nuls grans biens ne li puet plaire.
Mais, si m'ait Dex, c'est la sume,
Ma matire est del plus pre[u]dome 16
{2} Kui unkes fust a nostre tens.
Or mi otreit Dex grace e sens
Ke ge la puisse si traitier
Que esjoïr e esha[i]tier 20
S'en puissent tuit cil kui l'osrunt
E kui de cuer Tescuteruni.
Al tens le rei Estiemble avint,
Kui Engleterre a peine tint 24
E Normendie molement
Tant ku'il la perdi folement,
K'uns chevaliers proz e loials,
Sire Johan li Mareschas, 28
Qui tant esteit de grant emprise
E de grant ovre e de grant mise
Qu'entor lui out plenté de buens ;
E si n'esteit il mie kuens 32
Ne baron de trés grant richesce,
Mais tant foisona sa largesse
Ke tute gent s'en merveilloent.
Neïs cil kui point ne l'amoent, 36
Qui en avoi[e]nt grant envire,
En conveneit souvent bien dire.
Il fu seneschal d'Engleterre, [(f. 1 b)]
Mais en son tens i out grant guerre 40
De l'empereriz e del rei,
E tant en dura le desrei
K'en la fin, ce nos est a vis,
Out li reis Estiemble le pis, 44
{3} Ker li boens Mareschas por voir
S'en vint tut de bot al dreit eir
Maheut l'empereriz, sanz faille.
Maint estor e mainte bataille 48
E mainte grant peine e maint grief
Soufri por lui a grant meschief
Ainz [que] l'ovre fust amaisni[é]e.
Treis cens cheval[i]ers de maisni[é]e 52
Tint o sei li frans cheval[i]ers,
A ses robes, a ses deniers,
A fers, a clous, a livresons,
A beals semblanz, a riches dons, 56
Cum cil kui bien le savoit faire
E les boens tenir e atraire.
Mais de Testore de la terre,
Ne de la pais ne de la guere 60
Ne voil or plus ci endroit dire,
Einz revendrai a ma matire
Del preudome corteis e sage,
Qui prist feme de haut parage. 64
Bele e bone e joiose e liée,
E si estoit bien enseigniée.
A grant joie furent ensemble
Lune tens, eissi com[e] mei semble. 68
Tant que dous filz out de la dame :
Ne trovast l'en treske a Seint Jame
Si trés beals enfanz come il érent.
Tant crurent e tant s'enlenérent (sic), 72
Quant il ourent entendement,
{4} Que moult plourent a tote gent,
Por lur bealté, por lor proecce,
Por lor sens, por lor gentilesce, 76
E que tant estei[e]nt apert ; [(f. 1 c)]
Li uns en out non Gillebert,
L'autre Guatier le Mareschal.
De grant bialté érent egal. 80
Tant amendérent e tant crurent
Ensemble que chevalier furent.
Mult eurent buen commencement
Se il durassent longement, 84
E molt menoient bele vie.
Mais morz qui des boens a envie
Ne pout suffrir ne endurer
K'il deüssent longes durer. 88
Issi avint con ge vos di :
Li uns des deus amaladi
A Salebires, ç'oï dire :
Unkes mestier n'i orent mire 92
Ne unkes riens n'i pout valeir,
Sens ne proece ne aveir,
Ne rien de mort nel sucurut.
Grant doel eurent quant il murut 96
Si vaslet, e tant en plorérent
A poi de duel ne s'afolérent ;
Molt fu li d[u]elz granz e espès.
Li autres jo[o]ut as esches ; 100
Un vaslet vit vers lui venant,
{5} Si li demanda maintenant :
« Sez tu nuveles de mon frére ? »
cuer dolent, o leide hére 104
Ke cil avoit sor tute rien,
Dist : « Si Dex plaist, il f[e]ra bien.
— Ou ! » fait il, « mis frères est morz !
« C'ert ma joie, c'ert mis conforz, 108
« C'ert toz li deliz que j'avoie !
« Ja mais joie ne sera moie. »
Itant dist e si s'adola.
Aine puis ne but ne ne manga, 112
Einz murut de doel de sun frére.
Grant duel en orent pére e mére.
C'est raison, nature le veut : [(f. 1 d)]
Qui a cuer porte e a cuer deut. 116
Mais itant vos di jo por veir
Que nuls d[u]els n'est a sordeleir
Ne nule joie a sorjoir.
Qui de s[i] mais voldreit oïr 120
Del bon Mareschel, de Johan,
Ne vos avroie dit oan
Ses granz ovres ne ses enprises,
Ker nes ai pas tutes aprises ; 124
Mais en sun tens fu Engleterre
{6} En grant dolur e en grant guère,
E li reingnes en grant discorde,
Que pais ne trieve ne concorde 128
Ne justise ni fu tenue,
Ainz fu la guere maintenue,
Si cruel e si longement
Que molt desplout a me[i]nte gent, 132
Quer aukun de [s] baruns se tindrent
Al rei Estiemble, e si maintindrent
Son bien e s'enor en toz poinz,
Por ce k'il ert reis e enoinz ; 136
Li autre disoi[e]nt por veir
Que cele qui ert del masle eir
Devoit la corone tenir
E le realme maintenir. 140
Issi munte entre eus la meslée
Qui unkes ne fu demeslée
De si ke en ces entrefaites
I out mil armes de cors traites. 144
Par ceste achaison, ç'oï dire,
Li quens Patriz de Salesbire
Guerreia molt le Mareschal ;
Maint ennui li fist e maint mal ; 148
E li Mareschaz ensement
Li fist de granz ennuiz souvent,
Ker esi va de tel bargaigne :
Li uns pert, li autres gaaigne… 152
{7} Ne tot taire ne tot conter [(f. 2)]
Quer a ennui porreit monter
A reconter lor assemblées
Ne lor agaiz ne lor meslées, 156
Mais mainte lance i out bruis[i]ée
& mainte targe depeciée
E mainte broingne ensanglantée
E meinte alme de cors gitée 160
E maint boin cheval [i] er de pris
I out navré ou mort ou pris,
Mainte dame veve frarine
E mainte pucele orphanine, 164
Qui pu[i]s alérent a hontaige
Par suffrete de mariage.
Esi fu, esi l'estut estre. [(1141)]
L'empereriz asist Vincestre. 168
Ove lui fu li Mareschas
Qui tuz diz fu ver lui loi[a]ls,
E des autres baruns asés
Out entor la vile amasez 172
Qui la cité quidoent prendre ;
Mais dedenz avoit por defendre
Bons cheval[i]ers e gent hardie
Qui por faire chevalerie 176
S'en issoient chascun jor fors
Por tornier a cels defors ;
Mais Phelippe de Columbiers
I esteit toz dis as prem[i]ers ; 180
{8} Yembles d'anné[e]s ert e proz,
Ke de deus parz les venquit tuz,
Li reis inelement e tost
Asembla grant gent e grant ost 184
Pur venir Vincestre rescorre
E por sa bone gent sucure.
Quant la 'rapereriz l'oi dire
Qu'a si grant ost e a tel ire 188
Veneit li reis por lu[i] sosprendre
Ou por lu[i] ocirre ou por prendre,
E si li fu dit, c'est la sume, [(f. 2 b)]
Qu'el n'aveit pas le dissime home 192
En sun host k'il aveit el suen.
Ne li sembla ne bel ne buen,
N'ele n'out si haut conseillier
Qui lors la s[e]ust conseill[i]er. 196
Fors li Mareschas, tote voie,
La fist tantost metre a la voie
Tot dreit a Lotegaresale.
Mut fu cele jurné[e] male, 200
Quer li reis o trestot son ost
Enchausa vistement & tost,
E cil souvent li trestornoent
Qui o la dame s'en aloent ; 204
E saciez k'en ces trestornées
Vit l'om maintes seles turnées,
Mainz cheval[i]ers abatre & prendre.
Ne[l] purrent suffrir ne atendre 208
{9} Cil qui o l'empereriz érent :
Al meiz ku'il purent s'en alérent ;
Poingnant si que regne n'i tindrent,
[J] esque soz Varesvalle vindrent ; 212
Mès forment les desavancha
L'empereriz qui cheva[l]cha,
Cumme femme fait, en seant :
Ne sembla pas boen ne seant 216
Al Marechal, anceis li dist :
« Dame, si m'ait Jesucrist,
« L'om ne puet pas en seant poindre :
« Les jambes vos covient desjo[i]ndre 220
« E metre par en son Tarçum. »
El le fist, volsist ele ou non,
Quer lor enemis le[s] grevoient
Qui de trop près les herd[i]oient. 224
Li Mareschals de son afaire
Ne sout que dire ne que feire ;
N'i vit rescose ne confort.
A Brien de Walingofort 228
Commanda a mener la dame, [(f. 2 c)]
E dist, sor le peril de s'aime,
Qu'en nul lieu ne s'aresteiisent,
Por nul bosoing que il eüsent, 232
N'en bone veie ne en male,
De si qu'a Lothegaresale.
E cil tost e hastivement
En fist tot son commandement. 236
Li Mareschas el gué s'estut,
{10} A son poe[i]r les contrestut.
Tute l'ost sur lui descarcha
Qui si durement le charcha 240
Que n'i pout neient plus durer ;
Trop lui fu fort a endurer,
Einz s'enbati en un mostier ;
N'out o lui k'un sol cheval[i]er. 244
Quant li real les aperçurent
Qu'el mostier enbatu se furent :
« Or ça, li feus ! » funt il, « or sa !
« Li traîtres ne li garra. » 248
Quant li feus el mostier se prist,
En la vis de la tor se mist.
Li chevaliers li dist : « Beau sire,
« Or ardrum ci a grant martire : 252
« « Ce sera pecchiez e damages.
« Rendom nos ; si ferom que sages. »
Cil respundi mult cruelment :
« N'en parler ja, gel te defent ; 256
« Ke, s'en diseies plus ne mains,
« Ge t'ocirreie de mes mains. »
Por le grant feu qui fu entor
Dejeta li pluns de la tor. 260
Si que sor le vis li chaï,
Dunt leidement li meschaï,
K'un de ses elz i out perdu
Dunt molt se tint a esperdu. 264
Mais, merci Dieu, n'i murut pas.
E li real en ès le pas
{11} Por mort e por ars le quidérent, [(f. 2 d)]
A Vincestre s'en returnérent, 268
Mais n'i fu ne morz ne esteinz.
Quant li feus fu aukes estreinz,
Al mielz ku'il pot s'en issi fors,
Mais mout fu emperiez del cors. 272
En aler a pié mistrent peine ;
Chascun[s] a son poeir s'en peine.
Tote la nuit lor veie tindrent,
De si k'a Merleberge \vindrent ; 276
E quant cil del chastel les virent
Grant joie e grant enor lor firent.
Mais tant vos di certenement
Que puis asembla si grant gent 280
Dunt fist al rei & as reials
Granz peines e ennuiz e mals.
A Lotogaresale esteit
Ou grant gent asemblé[e] aveit, 284
E li reis esteit a Vincestre
Qui out fait espïer son estre.
Si li manda e fist entendre
Que, s'iloic le voleit atendre, 288
Que il le livereit l'endemain.
Ne[l] vost pas esi prendre a mein
Li Mareschel, einz li manda
Que ja ilec ne l'atendra ; 292
N'esteit pas hum a lui atendre :
{12} A autres gieus vodreit entendre.
E quant li roial ce oïrent,
Trop folement s'en esjoïrent, 296
E distrent k'el demain vendrei[e]nt
E que par force le prendrei[e]nt.
Mais cil qui bien en fu garniz
Ne vout pas laissier desgarniz 300
Sa bone gent ki o lui érent :
Après la mie nuit s'armérent
E cheva[l]ch[i]èrent sagement
Tresi ke près l'ajornement 304
Qu'il s'embuschiérent en uns vais ; [(f. 3)]
La atendirent les reals.
E quant l'aube fu espanie,
Li reis o sa grant ost banie 308
De Vincestre fors s'en turnérent,
Folement, quer desarmé érent
Fors de lur linges arm[e]ures.
Teles furent lor aventures 312
Que ce qu'e[i]ns querei[e]nt trovérent
Plus près asez k'il ne quidérent,
Quer il estoi[e]nt en lor veie.
Unehes nuls lioins a sa proie 316
Ne corut si cum cil corurent
As desarmez qui armé furent.
La n'aveit mot del manecier
Ne del parler ne del tentier, 320
Ne des orguelz ne des ventances :
As fers des glaives e des lances
{13} Si durement s'entrecomtrérent
Que de rien ne s'entrespargnérent. 324
La ot perdu e ga[a]ingnié,
La out meint mort e ma[a]ingnié,
La espandi mainte servèle,
La traïnna meinte boèle, 328
La ve[ï]st om me[i]nt boen de[s]trier
Par les chans aler estraier,
Quer nuls n'entendeit a els prendre,
Aillors lor conveneit entendre. 332
Mais isi avint tote voie
Que cels convint metre a la voie
Qui se trovérent desarmez :
Ne porent soufrir les armez, 336
Quer n'i trovérent nul ados ;
Si lur convint torner les dos.
Qui nul des lor volt prendre al frain,
N'i estut fors tendre la main, 340
Quar en els n'out point de defense.
Mult remaint de ce ke fol pense.
Mult fu cele jurné[e] amére ; [(f. 3 b)]
Li quens Patriz de Salesbére 344
Perdi ses meillors compaingno[n]s
Dunt jo sei bien dire les nuns,
Mais ne[s] voil ore ici nombrer,
Que ne voil mon conte encombrer. 348
Mais trop riche eschec enmenérent
Cil qui o le Mareschal érent,
{14} Qui lor departi largement
E b[i]en e bel e richement, 352
Si qu'a molt b[i]en paié se tindrent
E mult lor fu bel qu'il i vindrent.
Mès Fortune, qui ne sejorne
E qui sa roe tuz jurs torne 356
Primes amont e pu[i]s aval,
A tost torné del mont al val
Meint home qui point ne se garde,
Que unches [ne] se dona garde 360
Li Mareschas, deske li quens,
A tant des autres & des suens,
Qu'il out asemblé mult grant ost,
Par le conseil & par le cost 364
Del rei qui li fu en aïe,
Li fist mainte grant envaïe,
E li firent me[i]nt grant ennui.
Trop fort veisin aveit en lui, 368
Si out le peor geu parti.
De sa feme si departi
Par conseil, si com j'oï dire,
Puis prist damesele Sibire, 372
La sorur le cunte Patriz,
Ce ne fist il pas a enviz,
Por oster d'entre els la discorde ;
Puis i out amor & concorde 376
Qui lur dura tute lor vie.
De si mais est dreis que ge die
{15} Des bons enfans qu'il engendra
En la dame qu'il esposa. 380
Li prem[i]ers dunt ele fu mére [(f. 3 c)]
Eut non Johan cumme li pére,
E li seconz out nun Willeme.
Si vos di b[i]en k'en cest reaume, 384
N'en vint jornées en toz sens
N'out nul si prodome en son tens.
Li terz fu apelez Anseals,
Mult fu deboneires & beaus ; 388
E li quarz fu Henri[s] numez
Qui de grant bien fu renumez ;
Clers fu de ceeiz en escripture,
E fu de bele meneüre 392
Si comme gentil hom deit estre,
Puis fu aveskes de Eccestre.
Si ourent deus serors mult beles
E mult corteises damiseles, 396
De grant appareil acesmées ;
Richement furent mariées.
Après [ce] fu verité clére [(1152)]
Que li reis ot asis Neubére 400
A grant ost & a mult grant gent ;
Mais ce fu si souprisement,
Q'unkes garde ne s'en donérent
Cil ki dedenz le chastel érent 404
{16} Deskes virent lor poigneürs,
Lur archiers & lor coreors,
E tut[e] l'ost qui destendirent ;
Pavillon[s] e tentes tendirent. 408
Quant cil dedenz les agardérent
Lors sorent bien que soupris érent.
Mult lor desplut la sorpresure,
Kar poi avo[i]ent garnesture. 412
Li reis par mesage raisnable
Fist demander le cunestable,
Si li voldreit le chastel rendre,
Ou si il [le] voldra defendre. 416
De ce fu tost li consels pris :
« Ne sumes pas [si] entrepris
« Que b[i]en ne nos voillens deffendre. [(f. 3 d)]
« N'avom talent del chastel rendre, 420
« A tant nus sumes ahurté
« Qu'il en i avra maint hurté,
« Maint entesté & maint plaié,
« Ou de fer de glaive ou d'espié, 424
« E maint merchié en tel mani[e]re
« Qu'il n'avra mestier fors de biere. »
Li reis vers lor gent s'endura ;
La naissance Dieu en jura : 428
« B[i]en me vengerai des vileins,
« Tut s'en vendrunt parmi mes mains.
« Or as armes, b[o]en eskuier
{17} « E boen serjant & boen archier ! 432
« Nus les prendrum malgré lor denz.
« Qui primes enter[r]a dedenz
« Tan[t] lui durrei de manantie
« Ja n'iert mais povres en sa vie. » 436
Qui lors veïst cez eskuiers
Prendre as fossés & as teriers
A saillir mult hardiement !
E cil dedenz proeusement 440
& o grant ire se defendent :
Karr[e]als & pielz aguz lur tendent
& granz fuz por els aterrer ;
Laidement lor funt comperer 444
L'emprise k'il unt sor els feite ;
Si poent, el sera desfaite.
Maint en veïst l'om reverser,
& trebuchier & enverser, 448
E maint blechié & maint pasmé.
Ne deivent pas estre blasmé
Cil del chastel s'il se defendent,
Quer nul precein secors n'atendent. 452
Cil deforz eurent le noauz ;
A itant remist li asauz
Qui molt out esté perillos.
Li reis en fu molt angoisous 456
E jura qu'autrement irreit, [(f. 4)]
Neja d'iloc ne partireit
De si k'il avreit la tor prise
{18} E de celz dedenz feit justise. 460
Cil del chastel se purpensérent,
Come cil qui bone gent érent,
Qu'une trieve demander[ei]ent,
Et entre tant si mandereient 464
A lor seignor & a lor mestre
Tot lor afa[i]re & tot lor estre.
La trieve quistrent & il l'orent,
& il, al plus to[st] ke il pourent, 468
Firent savoir a lur seignor,
Qu'il n'ourent trieve for d'un jor,
E, se il puet, k'il les delivre,
Quer il n'unt lai[e]nz de quei vivre. 472
Li Mareschals [en] pri[s]t conrei ;
Ses letres enveia al rei
Qu'il li donast, si li pl[e]üst,
Trieves tant que parlé [e] ust 476
A sa dame l'empereriz.
Ce feïst il trop a enviz
Por plein dit ne por couvenance,
Quer n'out en lui point de fiance ; 480
N'en pre[ï]st ne pleges ne gages,
Mais si il li baillent ostages
Tels comme il li demandereit,
Ce k'il li demande fereit. 484
A tant fu la broche taill[ié]e
Ke si fu l'ovre aparilli[é]e
Qu'un de ses filz out en ostage,
{19} Dunt avenir dut grant damage, 488
Non le premier mais cel après,
Willeaume, de kui dès or mès
Orra meinte bele aventure
Qui i vodra metre sa cure. 492
Si fu feit en tel[e] maniére
Ke li sieges se traist ariére,
& cil son chastel regarni. [(f. 4 b)]
Si l'out trové trop desgarni ; 496
E mist enz de boens cheval[i]ers
E boens serjanz & bons archiers,
Qui b[i]en se pensent de [de] fendre,
K'il n'ont talant del chastel rendre. 500
Ne de la pais n'aveit il cure.
Li emfes fu en aventure ;
Bien s'ert li reis aperceü
K'il aveit esté deceü, 504
Mais li terme fu atenduz
Que li deveit estre renduz
Li chastels, naien[t] fu del rendre :
A ce ku'il out l'en convint prendre. 508
Dunc vindrent avant losengier,
Qui felon sunt & palton[i]er,
Qui l'enfant loérent a pendre.
B[i]en fu al pére fait entendre, 512
Mais il dist ke ne li chaleit
De l'enfant, quer encore aveit
{20} Les enclumes e les marteals
Dunt forgereit [il] de plus beals ; 516
E quant li rei[s] oï ço dire,
Si 'n out grant maltalent e ire.
Lors commanda l'enfant [a] prendre
& mener as furges por pendre ; 520
Vers les forches le fist porter,
Mais il ne vot pas deporter
K'ove lui n'alast a grant gent :
Mult se doutot d'enbuchement. 524
E li emfes ke l'on portout,
Ki de sa mort ne se dotout,
Si vit le cunte d'Arundel
Qui teneit un bozon molt bel ; 528
Si li dist o simple reison :
« Sire, donez mei cel bozon. »
Quant li reis oï ceste enfance,
Por trestot l'or qui est en France 532
Nel laissa[s]t il pendre cel jor, [(f. 4 c)]
Mais par simplesce e par doçor,
De quei sis cu[e]rs esteit toz pleins,
A pris l'enfant entre ses meins 536
& dit : « De cest torment vos lès,
« Certes, vos n'i morrés uimès. »
Vers l'ost s'en revindrent ariére,
& l'on atornot la perriére 540
Por feire jeter a la tor
E as murs kui furent entor.
{21} Lors revindrent li conseiller
Al rei loer & conseiller 544
Que li emfes fust tant tost pris
E si fust en la funde mis,
E si lor fust lancie[z] laenz
Por espoenter celz dedenz. 548
Li emfes qui poi fu senez
Fu vers la perriére menez ;
La funde vit de la perriére,
Si se traist un petit ariére 552
E dist : « Dex aïe ! kel branle !
« Or est b[i]en dreiz que ge [m'i] branle ! »
Lez la funde s'ert acostez,
E li rei[s] dist : « Ostez ! ostez ! 556
« Certes, mult avreit felun cuer
« Ki purreit suffrir a nul f[u]er
« Que il murust de cest martire :
« Trop set beles enfances dire. 560
« Pernez p[i]erres & perdrials,
« Getez as murs <& as kern[e]als
« Teles cum vos porrez lever,
« Quer ja ne[s] purrez mielz grever. » 564
Cil entend[ir]ent al pcrrier ;
Li autre firent un cleier
Por faire saillir a la porte.
Un pautonier l'enfant aporte ; 568
Si dist en haut : « Dant conestable,
« Ça vos faites nos véritable !
« Veiz ci le fil vostre seignor [(f. 4 d)]
{22} « Qui ja murra en grant dolor, 572
« Quer ja iert sor cel clei[e]r mis.
— Avez me vos [i] tant premis ? »
Fait li conestables. — « Oïl.
— Par mon ch[i]ef ! donques morra il : 576
« Telz presenz avra, se saciez,
« Dunt il serra tost esquasiez
« Autresi conme un taberaut.
« Geste gile riens ne vos vaut ; 580
« Ja verrez sa mort e sa fin.
Une grant mole de molin
Fist as kerneals pendre defors ;
E li emfes demanda lors 584
Quel gieu ce repoeit ore estre
Qu'i[l] pendei[e]nt a la fenestre ?
Quant li rois li oï ce dire,
Bonement commensa a rire, 588
E dist : « Willeme, teus joiaus
« Ne vos serreit [ne] boens ne beaus.
« C'est grant pecch[i]ez kui mal vos fait,
« Quer vos n'i avez r[i]ens mesfait. 592
« De tels joials vos quit & lès ;
« Par mei ne murrez vos jamès. »
Li reis fu al siege a sejor.
En sun pavillon sist un jor 596
Qui esteit d'erbes e de flors
Junchie[z] de diverses colors.
Willeme les flors regardout,
{23} Amont e a val esgardout ; 600
Trop bonement e voluntiers
Alout coillant les cheval[i]ers
Qui creissent en la lancelée
Qui a la foille agüe & lée. 604
Quant il en out coilli asez
E dedenz son poing amassez.
Si dist al rei : « Beau sire chiers,
« Volez joer as cheval[i]ers ? 608
— Oïl, » feit il, « beau duz amis. » [(f. 5)]
E cil une part en a mis
Tost al rei dedenz son devant,
Puis dist : « Li quels ferra avant ? 612
— Vos, » feit li reis, « beals amis ch[i]ers.
Lors prist un de ces chevaliers
Et li reis tint le son encuntre,
Mais isi avint en l'encontre 616
Qu'icil al rei perdi la teste ;
Willemes [en] fist mult grant feste.
Li reis un autre l'en tendi.
Dément [i]ers k'a ce entendi 620
Si li avint par aventure
Qu'il vit parmi la cuverture
Un vaillet ku'il b[i]en conoisseit :
De la chambre sa mére esteit ; 624
Venuz fu [la] por espïer,
{24} Por escouter, por oriiller
Que de Willeume sereit feit ;
Molt en dotouent le forfeit. 628
Willeumes out de li grant joie ;
En haut dist, ne li chaut qui l'oie :
« Bien vingiez, Wilikin amis,
« Dites kui vos a ça tramis ? 632
c(Que fait or ma dame ma mére ?
« Que funt mes sorors & mi frére ? »
Il se tapi molt tost ariére :
Parmi une estreite charriére 636
S'en fuit ignelement & tost,
Si se musça detrés un post.
Li reis escouta & oï
Come Guillaume s'enjoï. 640
A Guillaume tantost demande
Qu[e] il responde a sa demande,
A cui ce est ke il parole ;
Bien a entendu sa parole. 644
Il li dist : « Fei ke dei mun pére,
« Cil est de la chambre ma mére
« Qui m'esgarda par cel pertus. [(f. 5 b)]
— E por quei ne vint il par l'us ? » 648
Dist li reis. Querre le fist b[i]en,
Mais il ne fust trove[z] pur r[i]en.
Ces enfances ne cist ator
Ne furent pas tot en un jor. 652
N'en dous jornées ne en treis,
{25} Einz durérent plus de dous meis.
Dement[i]ers k'a son siege sist
Li reis, durement s'entremist 656
Li evesques Henri [s] de pès
De Wincestre, ker n'en pout mès
Endurer la trés cruel guere
Dunt essilie esteit la tere, 660
E la gent morte & confundue,
E tote joie esteit fondue
E toz gaainz tornez a perte,
E tote richesse a poverte ; 664
Quer kant povre gent n'ont que prendre
Ne n'ont de quei lor rentes rendre,
Si lor estuet laissier la tere
E aillors, aillors, lor pain quere. 668
Dunc apovrissent li seignor ;
Si unt sufreite li plusor.
Por ce fut feite la concorde,
E reison mult b[i]en s'i acorde. 672
Si ke chascuns tenist par dreit
Son tenement ke il teneit,
Si k'entr'elz n'eùst mès rancune
Ne mesesta[n]ce neïs une, 676
Ne male reprove retreite
De chose k'eust esté feite.
Ceste pais & ceste parole
Fu por la prise de Nichole 680
{26} Ou li reis fu par force pris.
Si en abaissa mult son pris ;
Ne li remest fors la corune.
E reis kui ne tout ne ne done, 684
Ne ne ga[a]igne ne ne pert, [(f. 5 c)]
Ne puis ge ve[e]ir de quei sert.
Quer sis seals pas ne corut,
Tote sa poesté morut, 688
Fors sul d'itant ku'il remest reis,
Mais ne corurent pas ses leis.
A Estroburge veirement
Assembla l'om cel parlement 692
De kei cest[e] pais estut estre.
Por le conte de Gloecestre
Fu li reis rendu [z] & changiez ;
Si'n fu sis poeirs estrangiez : 696
Par force l'en firent estrange,
Ker il en prist le peor change.
Esi fu ceste pais escri[t]e,
& li ostage furent quite 700
E desprisoné li prison
Qui lors estei[e]nt en prison,
E Willaume vint a son pére ;
Mult e[n] out grant joie sa mére 704
E li trei frére & les sorro[r]s
Qui 'n eurent eü granz dolors
Por les granz tormenz k'il o[o]ient,
Que la gent souvent lor disoient, 708
Dunt Dex, la soie grant merci,
{27} L'a garanti de si que ci,
Quer Fom sout dire en reprovier :
A cui Damledex velt aidier, 712
Que mesestance ne martire,
Ne nule riens ne lui puet nu[i]re.
En poi de tens & en poi de anz
Fu Guillame cr[e]uz e granz, 716
E fu de cors si bien taillez
Que, s'il fust par art antaillez,
N'eùst il, veir, nul si beal menbre,
Quer bien les vi e bien m'en menbre ; 720
S'out trop beals piez & beles mains.
Mais tot ce fu encor del mains
Avers la faiture del cors : [(f. 5 d)]
Qui bien l'esgardast [par] defors 724
Si li semblast bien feit e dreit,
Que, s'il s[e]üst jugier a dreit,
Jugier porreit k'a la roonde
N'eiist mielz fait de cors el munde. 728
S'out brune la chevel[e]ure,
E le vis, mais de la faiture
Resemblout il asez haut home
Por estre e[m]perére de Rome. 732
Si out large la forcheüre,
E fu de si bele estature
Comme nuls gentiz hom puet estre.
Mult out a lui taillier boen mestre. 736
{28} Dement[i]ers que Guilleumes crut,
E li reis Estenne morut
E si fu coronez li reis [(19 déc. 1154)]
Henriz, qui fu pruz & corteis 740
E si out ja fame & enfanz,
Filz e fillez petiz e granz.
Li Mareschals se porpensa
Que Guillaume en enverra 744
E[n] Normandie a Tankarvile
Al Chamberlenc kui pas n'avile
Son lingnage ne jor ne ore,
Einz l'eime & essauce & enore ; 748
E il ert lor cosins germains.
Esi com il out pris en mains
Il fist atorner son afaire
Gomme a gentil home estuet feire 752
Qui s'en vet en estrange terre
Por pris e por onor conquere.
Villeaume ne volt plus atendre,
E quant il vint al congié prendre 756
De pitié em plura sa mére
E les serors & tuit li frére :
Ce fait nature ; tote voie
Si se mist tantost en la voie, 760
Mais il n'enmena compaignon [(f. 6)]
Fors un vaslet & un garçon,
Quer li siecles n'er[t] pas alores
Si orguillos com il est ores, 764
{29} K'un filz d'un rei, tot sanz ponée,
Chevalchout sa chape trosée ;
Or n'i a gares escuier
Qui ne voille aveir un som[i]er. 768
Ne voil mais emplïer mon sens
A conter les anz e les tens
Que Guilleaume fu eskuiers,
Mès l'om dist que vint anz ent[i]ers 772
Fu il b[i]en esku[i]ers…
Sil teneit om a grant damage,
Que poi veillout & trop dormeit
E molt menjout & mol[t] bevoit. 776
Si s'en gab[o]ent en desriére
Cele fole gent pautoniére,
Quer l[i] uns a l'autre demande :
« Cist Guilleame gaste-viande, 780
« Por Dieu, de que sert il saienz ? »
Esi diseient ors & enz.
Li Chamberlenz bien le saveit,
Asez trovot qui li diseit : 784
« De quei vos sert cist emcombriers,
« Cist mangiere, cist aversiers
« Qui toz diz dort s'il ne mangüe ?
« Fols est qui li trove mengüe. » 788
Al Chamberlenc molt desplaiseit.
Mais en soriant se taiseit ;
Après reponeit a un mot :
« Enkor traira féve de pot. 792
{30} « Il est mis niés & mis amis ;
« Vos ne savez ke jo nurris. »
Tels esteit sis confors sev[e]als
Qu'il aveit des plus beaus morse[a]ls 796
Qui érent devant le seignor.
Si 'n surgreignérent li plosor
Qui en avei[e]nt grant envie [(f. 6 b)]
E petit preisoent sa vie. 800
Costumiers esteit de si taire,
Quer tant ert duz & deboneire
Que ja nul semblant ne feï[s]t
De mesdit ke l'om li deïst. 804
En cel tens fu li reis Henris [(1173)]
Mesle[z] o le rei Loüis,
Si c'om n'i pout concorde metre
Ne por doner ne por premetre, 808
Einz fu la guerre si cruele
K'unques mais entre els deus n'ot tele
Bien furent garnies les marches.
Dès Bo[n]smolins de si qu'a Arches 812
N'out, ne de p[i]erre ne de fust,
Chastel qui b[i]en garni [z] ne fust.
Li Chamberlens fu a Drincort
Ou molt out tenu riche cort. 816
La fu Guill. chevaliers,
Li Mareschals, qui volentiers
Prist l'onor que Dex li out feite ;
Lonc tens en out [eu] sofraite. 820
{31} Li Chamberlens li ceinst l'espée
Dunt pu[i]s dona meinte colée ;
E si li dona Dex tel grace
Q'unkes ne vint en nule place 824
Ou il [e] ust de armes riens fait
Que bien n'i parussent si fait.
le cunte d'Eu out partie
Des chevaliers de Normandie, 828
E si i fu li Conestables,
Mais il n'i fu pas bien estables,
Quer de la vile s'en eissi
Por sol tant ke il entendi 832
E que par tôt ert li esclandres
K' iloc veneit li quens de Flandres.
S'i veneit li quens de Ponti
& Bernard de Seint Galeri. 836
E li quens Mathieu de Boloigne. [(f. 6 c)]
Tant engreigna cele bosoigne
K'um cria : « As armes ! as armes !
« Quens, que fais tu que tu ne t'armes ? 840
« Ci 'n avalent plus de deu[s] mile
« Qui volent ardeir ceste vile. »
Lorre s'armérent vistement,
A qui a[i]nz a[i]nz, hastivemeot, 844
Cume cil qui bone gent érent.
Tant tost en lor chevals montérent.
Le Chamberlent virent que vint,
lui cheval[i]ers vuit & vint. 848
Ou il avala contreval ;
{32} E quant il fu venuz aval,
Si encontra le Conestable,
Lorrs lui dist parole raisnable, 852
Si il en volsist tenir conte :
« Sire, » fait il, « molt ert grant honte
« Qui larra ceste vile arde[i]r. »
II respondi : « Vus dites veir, 856
« Chamberlenc : quant a ce tendez,
« Alez dune ! si la defendez. »
Il respondi : « Volunt[i]ers veir ;
« Sire, g'en f[e]rei mun poe[i]r. » 860
A cez moz en la vile entra ;
Guill. sor le pont trova
Qui puis fu quens de Mandevile
Ou unkes n' out tripot ne gile. 864
Sor le pont li plout a descendre,
Quer il voleit le pont defendre.
Li Chamberlens vint sor le punt,
lui de cheval[i]ers grant front. 868
Li Mareschals tant s'avancha.
Que de coste lui chevalcha,
E il parla en tel man[i]ére :
« G[u]ill., traiez vos arriére ; 872
« Ne seez pas si prinsautiers :
« Laiss[i]ez passer cez cheval[i]ers. »
E il se traist un poi ariére, [(f. 6 d)]
Maz & honteus, o morne ch[i]ére. 876
M[i]elz volsist k'encor fust a nestre,
{33} Quer cheval [i] er cuidoit il estre.
Treis en la[i]ssa passer avant ;
Le cheval urte maintenant 880
Tant com il fu el premier front
De cels kui passou[e]nt le pont.
Or ne lerra, coment k'il aille,
S'il i a estor ne bataille 884
N'asemblé[e] de chevaliers,
Qu'il n'i seit trovez as premiers.
Tuit cheva[l]chent, ço m'est avis,
Que il virent e[n]mi lor vis 888
Lor enemis qui grant gent érent
Qui par force en la vile entrérent ;
Si lor alérent a l'encontre.
Quant li uns conreiz l'autre encontre, 892
D'am[b]edeus pars chevals eslaissent.
Les escuz pris les lances baissent,
Si s'enlref[i]érent a deslaz ^^0
A la grant force de lor braz ; 896
Les lances pecei[e]nt & froissent
& les escuz percent & croissent
E s'entrefiérent des recrois.
Tel fu la noise e li escrois 900
Des granz cops e del chapleïz
Que Dex tonanz n'i fust oïs,
La o[i]siez h[e]aumes soner
E retentir e resoner 904
E enbarrer de si que as coifes ;
{34} La érent alées les oifes
E les vantances de l'ostel,
La les conveneit servir d'el. 908
Mais Guill. li Mareschas
S'i esprova comme vasals,
Quer il [i] out sa lance freite.
Maintenant a l'espée treite, 912
Si va ferir e[n]mi le tas. [(f. 7)]
Qui l'esgarde ne quide pas
Que il seit d'armes a aprendre :
Maint coup doner & maint cop rendre 916
Li estuet e[i]nz ke il s'em parte.
N'a talent ke il s'en departe
De si ke s'ovre plus i pére.
Molt i trovent felon compére, 920
Quer a granz coups depart la presse.
Molt trove kui place li lesse,
Quer si coup erent si estout
Que il les redot[o]ent mout, 924
Qu'il venoi[e]nt de molt grant force.
De tels entremès les efforce
Dunt il n'[e] ûssent nul talent ;
Mais, conment k'il lor atalent, 928
Il lor cort sore, & a bon dreit
Plus lor paie k'il ne lor deit.
Seignors, certes, ce est la sume
Que la proesse d'un produme 932
Resbaudist tote une grant ost :
Par cestui & par son acost
{35} Le firent si hardiement
Qu'il valurent deus tant de gent. 936
Par vive for[c]e [i] cels menérent,
Parmi la porte ou il entrérent,
De si que au pont de la chauci[é]e.
Molt fu lor onor sorhauciée ; 940
Meis il [i] esturent trop pou,
Quer parmi la chauci[é]e d'Où
Trop grant gent sor els deschargiérent
Qui trop durement les chargiérent, 944
Que lor convint les dos torner.
La les veisiez trestorner.
Les escuz pris par les enarmes.
Molt i veïst l'om faire d'armes. 948
Mais, por ce que ameschiés érent
Par force les en remenérent
De si qu'ai chief del ma[i]stre pont. [(f. 7 b)]
E Guill. remist amont 952
En la faude d'une maison.
Molt li pesa, si out raison,
De ce ku'il vit sa companie
Si defoulée & si laidie. 956
Il out recouvré une lance :
Tanto[s]t en la rue se lance ;
Si a un cheval [i]er feru
Par grant aïr sor son escu, 960
Ke a la terre a fait trebuchier
Le chival e le chival[i]er.
{36} Deus feiz escria : « Tankarvile !
« Seignors, ele est nostre la vile. 964
« Nos vos dirrum tel paternostre
« Qu'il nos remandra maugré vostre. »
As fenestres & as soliers
Aveit dames & chivaliers, 968
Maint borgeis & meinte borgeise
A cui molt greve & coste & peise
Que li Mareschals n'out socors.
Lors s'en crient tot a un cors : 972
« Seignors Normanz, vus feites mal
« Que vos n'aid[i]ez al Marescal.
« Molt nus peise & molt nos est gr[i]ef
« Qu'il se conbat a tel meschief. » 976
Hirauz de armes releveor,
Menesterel avanceor
Qui les beaus cops veient & dient,
Après lui s'arotent & crient : 980
« Or ça ! tuit a[l] bon chevalier !
« Cist fait les granz conreis pleier,
« Cist ne se fait mie celer,
« Cist fait les rens aclarïer ; 984
« Ço est cil qui partut ateint,
« Ce est cil qui pas ne se feint,
« A cui fer ne fust n'a durée ;
« Cist n'a mie la pais jurée. » 988
{37} Quant ço oïrent li Normant, [(f. 7 c)]
Ne s'alérent mie dormant,
Einz i fiérent destre e senestre
Si k'entor els faiseit mal estre 992
A cels que il n'amoent mie.
Molt esteit la place estormie,
Iloic ve[ï]siez mainte[s] mains
Estendre por haper as freins. 996
En plosors lius i out mellées
De haches, de glaives, d'espées,
& maint cheval [i] er i out pris
E maint navré e meint ocis, 1000
Quer trop fu cruelz la bataille.
Li Mareschals i fiert & maille
Si cum li févres sor le fer.
Unkes [ne] quit ke Gadefer 1004
Des Larriz, qui tant out enor,
Feïst tant d'armes en un jor.
Tant i fiérent, tant les menérent
Ke ariére les remenérent 1008
La dunt il esteient venu.
La fu li torneis maintenu
D'am[b]edeus parz si longement
Molt se grevérent durement. 1012
Tote fust feite la bosoigne
Quant li quens Mathieu de Boloigne
Lor sorst par entre deus valées.
Tutes fusent lor genz alées 1016
{38} A hunte & a male aventure,
Ne fust ceste mesaventure.
Sa gent fu fresche & reposée
E de b[i]en faire ert alosée. 1020
Li nostre s'érent conbatu,
S'érent folé e debatu,
& cil furent novel & freis.
Sis asaillirent demaneis 1024
Si ke li nostre s'en alérent,
Mais molt suvent lor trestornérent ;
& b[i]en sachiez k'al trestorner [(f. 7 d)]
Lor faiso[i]ent seles turner. 1028
Ne s'en vindrent pas leidement,
Mès arengié serréement
Mistrent grant peine en els defendre.
Nes porrent pas de[l] tut atendre 1032
Quer il n'érent pas a tanz quanz,
Par de la érent bien sis tanz.
Que vos fereie plus lunc conte ?
Qui deus feiz une chose conte 1036
Si acreis[t] son conte d'ennui.
Ne vos avreie conté hui
Tuz les buens coups par un a un :
Toz asemble les vos aiin. 1040
Si di k'il n'en out tant doné
Ne rendu ne gueredoné
En si poi d'ore, que ge sache,
Quarante anz a, en une plache, 1044
Quer quatre feiz les reüsérent
{39} & quatre feiz les remenérent
Al pont de la chauciée ariére ;
Bien lor apristrent la chariére. 1048
Ce ne sunt pas moz de value
Quer la chose fu b[i]en seüe,
Que cil dedenz d'armes outrérent
Cels qui par defors venu érent 1052
Par l'aide del Mareschal.
Lors s'en ralot en son ostal,
En la faude ou mucier soleit,
Qu'a son poeir grever voleit 1056
Cels qui li érent adversarie,
Volent[i]ers lor feseit co[n]traire.
Serjant de Flandres la érent
Qui un croc a hante trovérent 1060
Fait de fer por meisuns abatre.
De ce ne se pout escombatre,
Quer par l'espaule l'acrochiérent ;
Plus de treze s'i atrochiérent 1064
Por abatre le del chival ; [(f. 8)]
E il se tint a son peitral :
Le chival urte & il tirérent
Si ke a force la dessirérent 1068
Treze mailes de son hauberc,
K'a sa char li firent un inerc
Qui molt lui dura longement.
D'entre els se parti veirement, 1072
{40} Mais al partir le comperérent
Tels i out ki al croc tirérent,
Quer durement les herdeia,
Meint ruiste cop i emplia. 1076
Mais quant d'entre els se departi
Sis chivals out mal giu parti,
Quer navrez fu de mainte plaie
Par quei li sans del cors li raie. 1080
Tel seigni[é]e li contre estut
K'a force murir l'en estut.
Li borzeis molt se rebaudirent
De la proesce ke il virent : 1084
Esraument corurent as armes,
Espées, haches & gisarmes ;
Le[s] femmes saillent des meisons
machues & o bastuns ; 1088
espées & o machues
Les vont tesant parmi les rues.
A maie hunte les livrérent
Tant ke la vile en delivrérent 1092
A l'aie des chivaliers
Dunt li Mareschals fu premiers.
Quant delivré[e] fu la vile
Par le seignor de Tankarvile 1096
E par ces ki o lui i furent,
Lors distrent tut, si con il durent
E com il aveient veli,
{41} Que des deus parz out tot vencu 1100
Li Mareschals d'armes le jor ;
Si 'n portout le pris & l'enor.
Sil testimoignérent Franceis
Qui poi le preisei[e]nt anceis [(f. 8 b)] 1104
E[i]nz ku il [e]ûssent essaié
Come il furent de lu[i] paié.
En icel jor que ce avint
Li Chamberlens molt grant cort tint 1108
De trestuz ceus k'il pout aveir.
Ne remeist pas por nul aveir,
Se bele viande ert trovée,
Qu'el ne fust tantost achatée 1112
E b[i]en pai[é]e a boins din[i]ers.
B[i]en out quatre vinz cheval[i]ers
Le jor a son premier mangier.
Qui que vout beivre ne mangier 1116
Si 'n out tant comme il en volt prendre.
Nuls n'i osa porte defendre.
Qui lors veïst les granz presanz
Des borgeis e de totes genz, 1120
Riches vins & de trop buen fruit !
Le Chamberlenc enorent tuit
Qui la vile aveit defendue
Qu'el ne fu arse ne rendue. 1124
Par lui fu ele delivrée,
Quer a fuerre l'aveit livrée
Li Conestables & sa gent
{42} Qui s'en parti vilainement. 1128
Mult fu li ostels esbaudiz
Des riches moz & des beals diz.
Li un as autres recontei[e]nt
Ce ke le jor veii avoient, 1132
Les ruistez cops & les beals feiz,
& disoi[e]nt quis avoit faiz.
B[i]en disoient del Mareschal
Qu'a toz avoit tenu estal ; 1136
B[i]en se saveit entre els enbatre,
Uns trebuchier, autres abatre,
L'un leidir, l'autre ench[a]eignier.
Ne tendi pas al gaeingnier, 1140
Fors a bien delivrer la vile. [(f. 8 c)]
Lors li dist cil de Magnevile,
Will. li proz & li buens,
Si n'ert il encor mie quens : 1144
« Mareschal, donez mei un don
« Par amors & par guer[re]don. »
— Volunt[i]ers, quei ? — Une cropiére
« Ou seveals une viez coliére. » 1148
Cil qui gaires ne fu parliers
Ne malveisdos ne boubanciers
Li dist : « Si Dex me beneïe,
« Unkes n'en oi nule en ma vie. 1152
— Mareschal, que est ce que vos dites ?
« De poi de chose m'escondites.
« Hui en avez eü quarante,
c(Veiant mes elz, veire seisante ; 1156
{43} « Or si m'en volez escondire ! »
Lors [cil] coumenciérent a rire
Qui entendirent la parole ;
Bien sévent ce qu'ele parole. 1160
L'om dit que Damnedex labore,
Quant li plaist, en molt petit d'ore.
La matire fu trestornée,
Si fu la chose a dreit trovée 1164
Quer li baron tant s'entremistrent
Qu'antre les deus reis trieve mistrent.
D'ambes pars volentiers la tindrent.
A Tankarvile s'en revindrent 1168
Li Chanberlens & sa maisni[é]e
E si fu la chose aniaisni[é]e
Ku'i[l] tornerei[en]t per la terre,
E qui son pris voldreit conquere 1172
Irreit, s'il aveit de quei faire.
Al Mareschal pout molt despleire
E molt en fu en grant effrei,
Quer il n'out for son palefrei, 1176
Quer sis boins chevals lu[i] morut
Des plaies que soz lui reçut ;
Après la mort de son destrier [(f. 8 d)]
Le roucin de suen esquier 1180
N'out ku'.. j.. sol esquier monté.
Mult li fist petit de bonté
{44} Li Chamberlens, s'en out grant hunte ;
Ne tint de lui gaires de conte. 1184
Il est b[i]en seü, c'est la some,
Que poverte a maint gentil homme
Defolé & mis a noient ;
De cestui ad feit ensement, 1188
Qu'il n'a que doner ne que prendre.
Un son mantel li convint vendre
Qu'il out kant il fu cheval[i]ers,
Por.. xx. ij. sols de deniers 1192
De la moneie as Angevins ;
N'en pout plus aveir : ce est la fins ;
En ès le pas s'en de[s]chata,
Quer un rocin en achata ; 1196
Si 'n fist, k'il ne[l] pout deporter,
Un som[i]er a armes porter,
E ce fu por veir li prum[i]ers
Qui fu d'armes porter somiers. 1200
Par tot furent noveles pleines
Que entre Se[i]nt Jame & Valeines
Donereit l'en une quinteine.
Chescuns a son poeir se peine 1204
De [a]torner isi son afaire
Comme a tel bosoigne estuet faire,
E por ce fu mis a quinzeine
Que cil d'Anjou & cil del Meine, 1208
Peitevin e cil de Brutaigne
{45} Tornei[e] reient sanz bargaigne
A icel jor contre Franceis,
Contre Normanz & contre Angleis. 1212
Tant fu la novele esmeüe
K'a l'a[n]karvile fu venue.
Li Chanberlens s'aparilla
Qui volontiers se traveilla 1216
D'armes porter en cel contemple. [(f. 9)]
La sale de chival[i]ers emple
Por aler al tornei[e]ment,
Mais n'en out nul aveiement 1220
Li Mareschals ; si 'n fu pensis.
Li sires l'a a reison mis :
« Que pensez vos, dan Mareschal ?
— Sire, ge n'ai point de chival, 1224
« Si'n sui trop mal aparilliez.
— Por nei[e]nt vus efi travailliez ;
« N'en pensez ja, dan Marescaus,
« Kar vos avrez asez chevals. » 1228
Li Mareschals l'en mercia
Ki en son dit mol[t] se fia.
Tote nuit funt cil chivalier
Haubers roller, chauces freier 1232
& atorner lor armeüres
& colier[e]s & covertures,
Seles & freins, peitrals & cengles,
& fors estriés & contrecengles. 1236
{46} Li autre lur hieaumes assai[e]nt,
Qu'ai bosoign aesiez les aient.
Cil redit : « Mun escu me porte ;
« Ge voil que la guige seit forte 1240
« E si vo[i]l ke l'enarmeure
« Seit aeisi[é]e a ma mesure,
« Tôt isi comme ele d[e]it estre. »
Lors veïsiez destre & senestre 1244
Enarmer coiphes & ventailles,
& meitre las parmi les mailles.
Molt se peinent de race[s]mer
Al meuz ke il sevent araier. 1248
Tote la nuit se traval[i]érent,
Poi dormirent & molt veilli[é]rent ;
L'en demain par matin s'esmurent ;
Tant firent k'a la place furent. 1252
Mener i fist de boens destriers
Por doner a ses chevaliers.
Quant departiz out les chevals [(f. 9 b)]
Ob[l]ïez fu li Marechals : 1256
Il vit b[i]en cum il les dona,
Unkes un sul mot ne sona
Fors tant : « Li chival sunt parti,
« Mais vos m'en avez forsparti. » 1260
Lors respondi li Chamberlens :
« Mareschal, ce n'est mie sens
« Qu'os n'en [e] üstes as premiers,
« Mais vos en avrez volunt[i] ers 1264
« Un bon e bel, que k'il me cost ;
{47} « Ja ne remendra por nul cost. »
Endité lui fu par aukun
Que uncore en [re] maneit un 1268
Molt ben taillé & fort & bel,
Rade, remuant & isnel.
Lors fu amenez li destriers
Qui ert beaus [e] riches [e] chiers. 1272
Si ne fust une male tecche
Qui trop mal ve[i] sèment lou tecche :
Quer si esteit desafrenez
Qu'il ne po[e]it estre afrenez. 1276
Li Mareschas desus munta :
Unkes coute n'i acouta,
Einz li dona des esperons,
E cil plus tost qu esmerillons 1280
Li vole les granz sauz menuz.
Quant il dut estre retenuz,
Nus si trés tiranz ne pout estre ;
Unkes n'out eü si bon mestre, 1284
Sil refrenast de quinz[e] freins.
Que ja por ce ne tirast meins.
Li Mareschals se porpensa,
D'un molt grant engin s'apensa. 1288
Qu'il Talonna la cheveçaille
Bien trei deie del frein sanz faille.
Si delaça la sereüre
Del frein tant que la fereüre 1292
Lui avala desuz les denz, [(f. 9 c)]
{48} Si k'il n'en out mie dedenz
Tant com il en i sout aveir.
Por nul or ne por nul aveir 1296
Ne r[e]ust il si afrené.
Molt s'en tint bien a [a] séné.
Tant fu amendez por le serre
Que en demi acre de terre 1300
Le tornast il a la reonde
Comme le plus tendre del monde.
Quant jors fu li chevalier vindrent ;
Par devant lor recez se tindrent 1304
Tant que par leisir armé furent
Bien & bel, [en] si comme il durent ;
Puis chiva[l]chiérent li conrei
Seréement & sanz desrei ; 1308
& saciez ke devant les lices
N'out pas jostes de pla[i]deïces,
Ne n'i out mot de plaid[e]ier,
For del tot perdre ou ga[a]nnier. 1312
Li Chamberlens s'estut ari[é]re ;
Bien out le jor a sa baniére
Quarante chevaliers ou plus ;
Einz si acesmez ne vist nus. 1316
Molt chevalchiérent sagement
Dejoste le tornei[e]ment.
Li reis d'Escose par dela,
Aroté[e]ment chevalcha ; 1320
Molt out od lu[i] gent ase[s]mez,
{49} A gran peine fusent esmez.
Que vos fere[i]e granz aloignes ?
Sire Felip[es] de Valoingnes 1324
Fu armez si trés cointement
& si trés acesméement
E sus toz les autres plus beals,
Si fu plus joinz ke nus oiseals, 1328
Que mainz chevaliers l'en esgar[d]e.
Li Marescals bien le regarde :
En es le pas des rens se part, [(f. 9 d)]
Des esperons fer[i] Blancart, 1332
Entre els se fiert trestot de plein
& prent Felipe par le frein.
De sei defendre molt se peine,
Mais n'i puet valeir nule peine : 1336
Par force l'a a lui sostreit.
Fors del torn[ei]ement Tatreit ;
A lu[i] bonement s'afia,
& cil tant en lui se fia 1340
Que par tant de lu[i] se parti.
E quant il s'en fu departi
El tornei[e]ment se rembat ;
Tant to[s]t un chivalier abat 1344
D'une lance k'il recovra.
Mais del retros si bien ovra
Que celui afia prison
A rendre sei en sa prison. 1348
Or out deus molt riches prisons,
Sanz maufere & sanz mesprisons ;
{50} Al terz prendre sa main tendi ;
Tant fist & tant i entendi 1352
Que prison tantost fiança ;
& uns autres tant s'avança,
Dementiers qu'il le fist decendre,
Si dist : « Dè[s] que ge sui al prendre, 1356
« Ge dei partir en cest cheval.
— Volunt[i]ers, » dist li Mareschal ;
« L Dès que vos i volez partir,
« Or sei[e]z donc al departir. » 1360
Itant dist, puis s'en repenti,
Meis unkes ne s'en desmenti.