TORALBA: Si filius originis suae primordia patri debet, aeternus esse
non potest. Nam si pater genuit filium, gignendi finem simul fecit aut
semper gignit (ut videtur iis, qui ad Christum referunt haec verba1:
_Ego hodie genui te_), imperfecta semper est filii generatio. Sin
gignere desiit, etiam aliquando coepit; si coepit gigni filius, non est
aeternus, non est infinitus, non est Deus.