CURTIUS: Hoc ideo factum opinor, ne plebs illecebris modulationum
divinas laudes obliviscatur. Ac propterea Justinus Martyr1 instrumenta
illa musica puerorum esse ac de templo rejicienda putat, comprobante
Theodoreto pontifice2, eoque magis, si lingua peregrina utantur
sacerdotes, quam imperiti non capiunt3, quo nihil absurdius nec ullius
populi moribus, praeterquam Romanorum, id probari posse opinor.