CORONAEUS: Cur igitur puerum Ezechiam Dei nomine appellaret?
SALOMO: Vox Hebraica אל nihil aliud significat, quam robustum et
potentem. Declarat igitur Esaias, Ezechiam heroëm non modo magnanimum,
potentem, pacificum ac prudentem in republica gerenda, sed et pium ac
religiosum futurum, ut quidem1 princeps exstitit omnium post Davidem
pietate, prudentia, consilio, virtutibus omnibus clarissimus.