TORALBA: Haec disputatio plurimum1 exercuit omnes scriptores, nec tamen
de mundi situ probabilem afferunt caussam. Nam Pythagoras, Homerus,
Plato, Aristoteles, Galenus, Averroesdextrum mundi latus in oriente
posuere, Plinius et Varro sinistrum. Augur enim Romanus, sub Dio
templorum sacra lituo dividens, vultum ad Austrum convertebat, ut
haberet a sinistris ortum et occasum a dextris. Empedocles, Cleomenes,
Lucanus, Solinus, Philo Ebraeus dextram mundi partem Aquiloni tribuunt.