CURTIUS: Vera religio mihi probanda videtur ecclesiae auctoritate,
sacrae scripturae veritate, antiquitate ipsa, oraculis divinis,
prodigiis coelestibus, rationibus perspicuis.
SALOMO: Rabbi Moses Rambam brevius rem contraxit ac tria1 tantum
nostris credenda proponit, scilicet demonstrationem, sensum2 et oracula
prophetarum; caetera, inquit, credi possunt, sed nulla necessitate.