SENAMUS: Ista quidem a vobis eleganter et peraccurate1 sunt explicata,
sed non intelligo, cur daemones sequantur potius Aegyptiorum cadavera
quam Graecorum, aut cur procellas ereptis illis cadaveribus potius quam
aliorum excitare soleant. Nemo enim est, qui nesciat, cadavera navibus
evehi et invehi sine tempestate consuevisse tum in Asia, tum in
Graecia, tum etiam in Italia.