Charles V autorise des cardeurs de laine, réfugiés à Paris pour
se soustraire aux dangers de la guerre, à fonder dans l’hôpital
du Saint-Esprit, place de Grève, une confrérie en l’honneur de
la Trinité, de la sainte Vierge et de saint Jean-Baptiste.
Mai 1375.
Karolus..... notum igitur facimus universis quod... nonnulli lane
operarii, vocati gallice _cardeurs_, qui, propter guerrarum incomodum,
ad nostram villam Parisius, necessitatis coacti articulo, confugerunt
et in eadem villa suam eligisse (_sic_) perpetuam se asserunt
mensionem (_sic_), nobis ut divinis obsequiis simul et ad invicem
valeant frequencius interesse et perinde Altissimus eos salubrius
tam spiritualiter quam temporaliter dirigat in agendis ac foveat et
protegat ab adversis, utque inter eos vigeant peramplius nexus et
vinculum dilectionis et pacis, humiliter supplicarunt quatenus eisdem
faciendi confratriam et ordinandi inter se ad honorem et laudem
sancte Trinitatis predicte glorioseque semper Virginis genitricis Dei
Marie et sancti Johannis Baptiste ac tocius celestis curie, quodque
ad causam ipsius confratrie in domo sancti Spiritus in platea Gravie
una missa per eos qualibet die lune perpetuis futuris temporibus
celebretur, eisdem supplicantibus licentiam et facultatem impartiri
misericorditer dignaremur, nos supplicantes eosdem in eorum laudabili
et salubri proposito confovere volentes, et ut bonorum spiritualium
que ad causam et occasionem confratrie supradicte operari contigerint
participes effici mereamur, eisdem supplicantibus dictam confratriam
inter se faciendi, erigendi et ordinandi et se, ut moris est in
talibus, congre[g]andi et generaliter omnia alia et singula faciendi
et ordinandi ex quibus laus et honor Dei et sancte matris nostre ejus
ecclesie poterunt resultare, de gratia speciali, certa sciencia et
plenitudine regie potestatis auctoritatem, congedium et licenciam
tenore presencium elargimur, quod ut firmum et stabile... Datum in
castro nostro nemoris Vincennarum mense Maii anno Domini MCCCLXXV et
regni nostri XIIº.
(Trésor des Chartes, reg. 107, pièce 72.)