Nachstehende lateinische Reimsprüche stammen aus dem Sangaller Codex
1075 des 12.-13. Jahrhunderts, Fol. 279.
Per me transite, qui quaeritis atria uitae Caritas.
Exilium fugite, patriam properando redite Timor.
Porta patet uitae, qui statis quique uenite Spes.
Praemonstro callem, scandentes linquite uallem Sapientia.
Qui per me tendunt, caelestia gaudia prendunt Obedientia. 5
Ecce lucerna micat, iam currite, nox necis instat Scientia.
Per me conpletur totum, quod lege tenetur Caritas.
Deuitate malum, recti sectando ducatum Consilium.
Ut cauti sitis, mea iura subire uelitis Discretio.
Qui sine me pergit, errans ad tartara uergit Caritas. 10
Qui uirtute micat, studiosus dogmate fiat Studium.
Audi doctorem, sic magnum scandis honorem Magisterium.
Gressibus alternis terrestria iungo supernis Caritas.
Deuia uitate, per me laeti properate Ueritas.
Qui me sectantur, per me super astra leuantur Humilitas. 15
Currite dum quitis, per me bona summa subitis Perseuerantia.
Terrea non quaero, caelestia semper anhelo Contemplativa uita.
Actibus insisto, fiam quibus hostia Christo Actiua.
Semita iustorum perducit ad alta polorum
Quo splendent iusti, serto rutilante uenusti? 20
[Zeile 1: uite, Hs.]
[Zeile 2: patria.]
[Zeile 4: premonstro -- ualles.]
[Zeile 9: discrecio.]
Haec sunt, dilectissimi, itinera iustorum, quae per latitudinem
caritatis[178] ducunt ad contubernia bonorum; haec nobis patriarchae
exemplis praesignauerunt, haec prophetae scriptis praemonstrauerunt;
per haec apostoli praeuii ambulauerunt; haec martyres calcauerunt; haec
confessores transierunt; haec monachi planauerunt; haec uirgines eundo
aequauerunt; haec uiduae triuerunt; haec pueri alacres concurrerunt;
per haec omnes iusti ad caelestia regna peruenerunt; Porro ab hac regia
uia plurima diuerticula uergunt, per quae gradientes ad interitum
pergunt. Sunt autem ista itinera, quae deuiant a caritatis uia:
In Styge merguntur, mea qui praecepta sequuntur Iniquitas.
Dux ego sum mortis, fero primae signa cohortis Malitia.
Cum nequeam facere, proprium mihi uelle nocere Nequitia.
Excaeco mentes me Ditis ad antra sequentes Error.
Quos ego seduco, comites ad tartara duco Iniustitia. 5
Quos per luxa traho, mortis rapit arta uorago Concupiscentia.
Tendit ad inferna, graditur qui mente superba Superbia.
Spretores Christi uortex sorbebat abyssi Contemptus dei.
Qui mihi confidit, ubiuis deceptus abibit Fraus.
Mortis iter calcat, mea qui uestigia palpat Error. 10
Opto laudari, cupio nimium uenerari Inanis gloria.
Liuida corda gero, nigro sub pectore dego Odium.
Sordibus inmergo, quos caelica tempnere cerno Luxuria.
Mente uaga sede nulla certa fruor aede Instabilitas.
Pocula sumendo uentrem per fercula tendo Ebrietas. 15
Quos mihi substerno, barathri sub gurgite mergo Desperatio.
Qui per uana ruunt, ad mortis limina currunt Uanitas.
Perfida mens dura non credit adesse futura Infidelitas.
At uia prauorum pertendit ad ima malorum
Quo strident dentes, oculi cruciamine flentes. 20
[Zeile 1: Stige.]
[Zeile 2: signeochortis.]
[Zeile 19: ad.]
[Zeile 21: km̄i.]
Haec sunt, carissimi, uiae prauorum, quae ducunt ad consortium
daemoniorum. Has quicunque ambulauerint, in stagno ignis et sulphuris
ardebunt, has ergo toto annisu deuitemus. Per semitas iustorum toto
desiderio ambulemus, quatenus ad eos peruenire mereamur, quos per has
praecessisse gratulamur.