Yves de Tigueri, messires Gallerans de Landreniaulz
et li aultre chevalier veirent ce secours venir, 25
il disent à l'evesque qu'il pooit bien contremender
son parlement, car point consilliet n'estoient de
faire ce qu'il leur exhortoit. Li dis evesques messires
Guis de Lyon en fu durement courouciés et
dist: «Signeur, dont se departira nostre compagnie, 30
car vous demorrés deça par devers ma dame, et je
m'en irai par delà par devers celui qui plus grant
droit y a, ce me samble.» Lors se parti li dis evesques
de Hembon, et deffia la dame et tous ses aidans,
et s'en ala renoncier au dit monsigneur Hervi et dist
la besongne ensi comme elle se portoit. Li dis messires 5
Hervis fu durement courouciés. Si fist tantost
drecier les plus grans engiens qu'il avoient, au plus
priès del chastiel que on peut, et commanda que
on ne cessast de getter par jours ne par nuis;
puis se parti de là. Si en mena son (oncle[390]) le dit 10
evesque à monsigneur Loeis d'Espagne qui le rechut
à bon gré et liement. Ossi fist messires Charles de
Blois, quant il fu à lui venus. La comtesse fist à lie
chière apparillier salles, cambres et hostelz, pour herbergier
aisiement ces signeurs d'Engleterre qui là venoient, 15
et envoia encontre yaus moult noblement.
Quant il furent venus et descendus, elle meismes
vint contre yaus à grant reverense. Et se elle les
festia et regratia grandement, che ne fait point à
esmervillier, car elle avoit bien mestier de leur 20
venue, si com vous avés oy. Si en fist adonc et de
puis ossi tout quanque elle en peut faire. Et les en
mena tous, chevaliers et escuiers, ens ou chastiel
herbergier, jusques adonc qu'il seroient herbegiet en
le ville à leur aise; et leur donna l'endemain à disner 25
moult grandement. Toute la nuit ne cessèrent li
engien de getter, ne l'endemain ossi.
[390] Mss. B4, 3, fo 80 vo.--Ms. B1: «neveu.»
Quant ce vint après disner que la dame eut festiiet
ces signeurs, messires Gautiers de Mauni, qui estoit
mestres et souverains des Englès venus avoec lui, appella 30
d'une part monsigneur Yvon de Tigueri et li
demanda de l'estat de chiaus de le ville et de leurs
couvenans et de chiaus de l'host ossi. Puis regarda
et dist qu'il avoit grant volenté d'aler abatre ce grant
engien, qui si priès leur estoit assis et qui si grant anoi 5
leur faisoit, mès que on le volsist sievir. Messires Yves
de Tigueri dist que il ne l'en faurroit mies à ce(ste)
première envaye. Ensi dist li sires de Landreniaus.
Adonc s'ala tantost armer li gentilz sires de Mauni.
Ossi fisent tout si compagnon quant il le sceurent, et 10
ossi tout li chevalier breton et li escuier qui laiens
estoient. Puis issirent hors paisievlement par le porte,
et fisent aler avoech yaus trois cens archiers. Tant
alèrent traiant li arcier qu'il fisent fuir en voies ceulz
qui gardoient ce grant engien. Et les gens d'armes qui 15
venoient après ces arciers en occisent aucuns, et abatirent
ce grant engien, et le detaillièrent tout par
pièces. Puis coururent de randon jusques as tentes
et as logeis, et boutèrent le feu dedens. Si tuèrent et
navrèrent pluiseurs de leurs ennemis, ançois que li 20
host fust estourmis; et puis se retraisent bellement
arrière. Quant li hos fu estourmis et armés, il vinrent
acourant apriès yaus, comme gens tous foursenés.
Et quant messires Gautiers de Mauni vey ces
gens acourir et estourmir en demenant grans hus et 25
grant cris, il dist tout haut: «Jamais ne soie jou
salués de ma chière amie, se je rentre en chastiel ne
en forterèce, jusques adonc que jou arai l'un de ces
venans versé à terre, ou jou y serai versés!» Lors se
retourna il, le glave ou poing, par devers les ennemis. 30
Ossi fisent li doi frère de Leindehale, li Haze de
Braibant, messires Yves de Tigueri, messires Galerans
de Landreniaus et pluiseur aultre compagnon,
et brocièrent à premiers venans. Si en fisent pluiseurs
verser, les gambes contremont. Ossi en y eut
des leurs versés.
Là commença uns très fors hustins, car tout dis 5
venoient avant cil de l'host. Si monteplioit leurs
effors, par quoi il convenoit les Englès et les Bretons
retraire tout bellement par devers leur forterèce.
Là peuist on veoir d'une part et d'autre belles
envayes, belles rescousses, biaus fais d'armes et des 10
belles proèces grant fuison. Sour tous les aultres
le faisoit bien et en avoit le los et le huée li gentilz
chevaliers, messires Gautiers de Mauni. Et ossi
moult vassaument s'i maintinrent tout si compagnon,
et s'i combatirent très bien. Quant il veirent 15
que tamps fu de retraire, si se retraisent bellement et
sagement jusques à leurs fossés, et là rendirent il estal
jusques à tant que leurs gens furent entret à sauveté.
Mais saciés que li aultre arcier, qui point n'avoient
esté à abatre les engiens, estoient issu de le ville et 20
rengiés sus les fossés, et traioient si fortement qu'il
fisent tous chiaus de l'host reculer, qui eurent grant
fuison d'ommes et de chevaus mors et navrés. Quant
cil de l'host veirent que leurs gens estoient au bersail
et qu'il perdoient sans riens conquester, il fisent 25
leur gens retraire à leurs logeis. Et quant il furent tout
retrait, cil de le ville se retraisent ossi, cescuns à son
hostel. Qui adonc veist la contesse descendre dou
chastiel à grant chière, et baisier monsigneur Gautier
de Mauni et ses compagnons, les uns apriès les aultres, 30
deus fois ou trois, bien peuist dire que c'estoit
une vaillans dame.
§ 170. A l'endemain, messires Loeis d'Espagne appella
le visconte de Rohem, l'evesque de Lyon, monsigneur
Hervi de Lyon et le mestre des Geneuois, pour
avoir avis et conseil qu'il feroient et comment il se
maintenroient, car il veoient le ville de Hembon si 5
forte et le secours qui venus y estoit, meismement
les arciés qui tous les desconfisoient. Par quoi, il
perdoient le tamps pour noient, et aleuoient à
demorer là, et ne veoient tour ne voie par quoi il
y peuissent riens conquester. Si se accordèrent tout à 10
çou que il se deslogeroient à l'endemain et se trairoient
par devers le chastiel d'Auroy, là où messires
Charles de Blois estoit à siège fait, et li aultre signeur
de France. L'endemain, bien matin, il deffisent leurs
logeis et se traisent celle part, si com ordonné l'avoient. 15
Chil de le ville fisent grans hus apriès yaus,
quant il les veirent deslogiet. Et aucun issirent après
yaus pour aventurer, mais il furent racaciet arrière,
et perdirent de leurs compagnons, ançois qu'il peuissent
estre retrait à le ville. 20
Quant messires Loeis d'Espagne et toute sa carge
de gens d'armes furent venu en l'ost monsigneur
Charles de Blois, il li conta le raison pour quoi il
avoit laissiet le siège de devant Hembon. Adonc ordonnèrent
il entre yaus, par grant deliberation, que 25
li dis messires Loeis et cil qui estoient venu avoech
li iroient assegier le bonne ville de Dinant qui n'estoit
fremée fors que d'yawe et de palis. Ensi demora
la ville de Hembon en pais une grant pièce,
et fu reforcie et rafrescie moult durement. Li dis 30
messires Loeis s'en ala adonc à tout son host assegier
Dinant. Ensi qu'il s'en aloit, il passa assés
priès d'un viés chastiel que on clamoit Conquest. Et
en estoit chastellains, de par le contesse, uns chevaliers
de Lombardie, bons guerriières et hardis, qui
s'appeloit messires Mansion, et avoit pluiseurs saudoiiers
avoech li. Quant li dis messires Loeis entendi 5
que li chastiaus estoit de l'accord le contesse, il fist
traire son host celle part et assallir le chastiel fortement.
Chil dedens se deffendirent si bien que li assaus
dura jusques à le nuit, et se loga li hos là endroit.
L'endemain, il fist l'assaut recommencier. Li assallant 10
approcièrent si priès des murs qu'il y fissent un
grant trau, car li fosset n'estoient mies moult parfont.
Si entrèrent ens par force et misent à mort tous
chiaus dou chastiel, exceptet le chevalier qu'il prisent
à prisonnier; et y establirent un aultre chastelain 15
bon et seur et soixante compagnons avoec li, pour
garder le chastiel. Puis s'en parti li dis messires Loeis
et s'en ala assegier le bonne ville de Dinant.
La contesse de Monfort et messires Gautiers de
Mauni entendirent ces nouvelles que messires Loeis 20
d'Espagne et toute son host estoit arrestés par devant
le chastiel de Conquest. Si appella messires
Gautiers tous les compagnons saudoiiers, et leur dist
que ce seroit trop noble aventure pour yaus tous,
se il pooient deslogier le dit chastiel et desconfire le 25
dit monsigneur Loeis et toute son host, et que onques
si grant honneur n'avint à gens d'armes qu'il
leur avenroient. Tout li compagnon s'i acordèrent et
se partirent l'endemain au matin de Haimbon, et s'en
alèrent celle part de si grant volenté que petit en demora 30
en le ville. Tant chevaucièrent qu'il vinrent environ
nonne au chastiel de Conquest, et trouvèrent
qu'il avoit esté conquis par force le jour devant, et
cil de dedens tout occis, excepté le chevalier monsigneur
Mansion qui le gardoit. Et l'avoient li François
repourveu et rafresci de nouvelle gent. Quant messires
Gautiers entendi çou, et que messires Loeis estoit 5
alés assegier le ville de Dinant, il en eut grant
doel, pour tant qu'il ne se pooit combatre à lui. Si
dist à ses compagnons qu'il ne se partiroit de là, si
saroit quelz gens il avoit ou chastiel, et comment il
avoit estet perdus. Si se apparillièrent il et si compagnon, 10
pour assallir le chastiel, et montèrent tout
targiet contremont. Quant li Espagnol qui dedens estoient
les veirent en tel manière venir, il se deffendirent
tant qu'il peurent. Et cil de dehors les assallirent
si fortement et les tinrent si priès de traire qu'il 15
approcièrent les murs, maugré chiaus dou chastiel,
et trouvèrent le trau del mur, par quoi il avoient le
jour devant gaegniet le chastiel. Si entrèrent ens par
ce trau meismes, et tuèrent tous les Espagnolz, excepté
dix que aucun chevalier prisent à merci. Puis 20
se retraisent li Englès et li Breton par devers Hembon,
car il ne l'osoient durement eslongier; et laissièrent le
chastiel de Conquest tout seul et sans garde, car il
veirent bien que il ne faisoit mies à tenir.
§ 171. Or revenrai à monsigneur Loeis d'Espagne 25
qui fist logier son host tout au tour de la ville de
Dinant en Bretagne, et fist tantost faire petits batiaus
et nacelles, pour assallir le ville de toutes pars, par
terre et par yawe. Quant li bourgois de le ville veirent
chou, et bien savoient que lor ville n'estoit fremée 30
fors que de palis, il eurent paour, grans et petis,
de perdre corps et avoir. Si se accordèrent communement
qu'il se renderoient, salves leurs corps et leur
avoir, si qu'il fisent au quart jour que li hos fu venus
là, maugré leur chapitainne monsigneur Renault de
Ginghant et le tuèrent (tout en my le marchiet[391]), pour 5
tant qu'il ne s'i voloit acorder. Quant messires Loeis
d'Espagne eut esté en le ville de Dignant par deux
jours, et ot pris le feaulté des bourgois, il leur donna
pour chapitainne celui Gerard de Malain, escuier, que
il trouva laiens prisonnier, et monsigneur Pière Portebuef 10
avoech lui. Puis s'en ala à tout son host par devers
une grosse ville seans sus le flun de le mer, que
on claime Garlande, et le assega par terre. Et trouva
assés priès grant fuison de naves et de vaissiaus plainnes
de vins que marcheant avoient là amenet de 15
Poito et de Le Rocelle pour vendre. Si euren tantost
vendut li marchant leurs vins, et furent mal paiiet.
Et puis fist li dis messires Loeis prendre toutes ces
naves, et ens monter gens d'armes et partie des Espagnols
et des Geneuois. Puis fist l'endemain assallir le 20
ville par terre et par mer, qui ne se pot longement
deffendre; ains fu assés tost gaegnie par force, et
tantost toute robée, et tout mis à l'espée, femmes et
hommes et enfans, et cinq eglises arses et violées:
dont messires Loeis fu durement courouciés. Si fist 25
tantost pour chou pendre vingt et quatre de chiaus
qui chou avoient fait. Là eut gaegniet très grant tresor,
si ques cescuns en eut tant qu'il en peut porter, car
la ville estoit durement grande et rice et marceande.
[391] Mss. B4, 3, fo 82.--Ms. B 1, fo 123 vo (lacune).
Quant celle grosse ville, qui Garlande estoit appellée, 30
fu ensi gaegnie et robée et essillie, il ne sceurent
où aler plus avant pour gaegnier. Si se mist li dis
messires Loeis en ces vaissiaus qu'il avait trouvés, sus
mer, en le compagnie de monsigneur Othon Doriie
et de Toudou et de aucuns Geneuois et Espagnolz, 5
pour aler aucune part, pour aventurer sus le marine.
Et li viscontes de Roem, li evesques de Lyon, messires
Hervis, ses niés, et tout li aultre s'en revinrent
en l'ost monsigneur Charle de Blois, qui encores seoit
devant le chastiel d'Auroy. Et trouvèrent grant fuison 10
de signeurs et de chevaliers de France, qui nouvellement
estoient là venus, telz que monsigneur Loeis
de Poitiers conte de Valence, le conte d'Auçoirre,
le conte de Portiien, le conte de Joni, le conte de
Boulongne et pluiseurs aultres, dont li rois Phelippes 15
les y avoit envoiiés pour reconforter son neveu; et
aucun y estoient venu de leur volenté, pour venir
veoir et servir monsigneur Charle de Blois. Et encores
n'estoit li fors chastiaus d'Auroy gaegniés. Mais
chil de dedens estoient si près menet et apresset de 20
famine qu'il avoient mengiet par huit jours tous
leurs chevaus; et ne les voloit on prendre à merci,
s'il ne se rendoient simplement. Quant il veirent
que morir les couvenoit, il issirent hors couvertement
par nuit, et se misent en le volenté de Dieu, 25
et passèrent tout parmi l'ost, à l'un des costés. Aucun
en furent perceu et tuet. Mais messires Henris de
Pennefort et messires Oliviers ses frères et pluiseur
aultre se sauvèrent par un bosket qui là estoit, et en
alèrent droit à Hembon devers le contesse et les 30
compagnons, chevaliers englès et bretons, qui les
rechurent liement.
Ensi reconquist messires Charles de Blois le fort
chastiel d'Auroi, et par affamer ceulx qui le gardoient,
là où il avoit sis par l'espasse de dix sepmainnes
et plus. Si le fist reffaire et rappareillier
et bien garnir de gens d'armes et de toutes pourveances; 5
et puis s'en ala à tout son ost assegier
le cité de Vennes, dont messires Joffrois de Malatrait
estoit chapitains, et se loga tout au tour. A
l'endemain, aucun compagnon breton et saudoiier,
qui gisoient en une ville que on claime Plaremiel, 10
issirent hors et se misent en aventure de gaegnier.
Si vinrent estourmir l'ost monsigneur Charle, et se
ferirent à l'un des corons secretement; mais il furent
enclos quant li hos fu estourmis, et perdirent de
leurs gens grossement. Li aultre s'en fuirent et furent 15
sievi jusques assés priès de Plaremiel, qui estoit
assés priès de Vennes. Quant cil de l'host qui estoient
armet furent revenu de le cace, il alèrent de ce
retour meismes assallir le ville de Vennes fortement
et radement, et gaegnièrent par force les bailles jusques 20
à le porte de le cité. Là eut très fort assaut, et
pluiseurs mors et navrés d'une part et d'autre, et
dura jusques à le nuit. Adonc fu acordé uns respis
qui devoit durer l'endemain tout le jour, pour les
bourgois consillier, s'il se vorroient rendre ou non. 25
A lendemain, il furent si consilliet qu'il se rendirent,
maugret monsigneur Joffroi de Malatret leur chapitainne.
Et quant il vei chou, il se mist hors de le
cité desconnuement, endementrues que on parlementoit,
et s'en ala par devers Hembon. Et li parlemens 30
se fist ensi, que messires Charles de Blois et
tout li signeur entrèrent en le cité, et prisent le
feaulté des bourgois, et se reposèrent en le cité par
cinq jours. Puis s'en partirent et alèrent assegier une
aultre forterèce et bonne cité que on claime Craais.
Or lairai à parler un petit d'yaus, et retourrai à
monsigneur Loeis d'Espagne qui s'estoit mis en mer, 5
ensi que vous avés oy ci dessus.
§ 172. Saciés que, quant messires Loeis d'Espagne
fu montés, au port de Garlande, sus mer, il et se
compagnie alèrent tant nagant par mer qu'il arrivèrent
en le Bretagne bretonnant, au port de Camperli 10
et assés priès de Camper Corentin et de Saint Mahieu
de Fine Poterne; et issirent des naves, et alèrent ardoir
et rober tout le pays. Et trouvèrent si grant
avoir que merveilles seroit dou raconter; si le raportoient
tout en leurs naves, et puis aloient d'autre 15
part rober, et ne trouvoient qui leur deffendesist.
Quant messires Gautiers de Mauni et messires Amauris
de Cliçon sceurent les nouvelles de monsigneur
Loeis d'Espagne et de ses compagnons, il eurent conseil
qu'il iroient celle part. Puis le descouvrirent à 20
monsigneur Yvon de Trigri, au chastelain de Gingant,
au signeur de Landreniaus, à monsigneur Guillaume
de Quadudal, as deus frères de Pennefort, et à tous
les chevaliers qui là estoient dedens Hembon, qui
tout s'i acordèrent de bonne volenté. Lors se misent 25
tout en leurs vaissiaus, et prisent trois mille arciers
avoecques yaus, et ne cessèrent de nagier jusques à
tant qu'il vinrent droit au port, là où les naves monsigneur
Loeis estoient ancrées. Si entrèrent dedans,
et tuèrent tous chiaus qui les naves gardoient. Et 30
trouvèrent ens si grant avoir qu'il s'en esmervillièrent
durement, que li Geneuois et li Espagnol avoient
là dedens aportet. Puis se misent à terre, et veirent
en pluiseurs lieus villes et maisons ardoir. Si se partirent
en trois batailles, par grant sens, pour plus tost
trouver leurs ennemis, et laissièrent trois cens arciers 5
pour garder leur navie et l'avoir qu'il avoient gaegniet;
puis se misent à le voie par devers les fumières
par pluiseurs chemins.
Ces nouvelles vinrent à monsigneur Loeis d'Espagne
que li Englès estoient arrivet efforciement et le queroient. 10
Si rassambla toutes ses gens, et se mist au retour
par devers ses naves, pour entrer dedens. Ensi
qu'il s'en revenoit, tout cil dou pays le poursievoient,
hommes et femmes qui avoient perdu lor avoir; et il
se hastoit tant qu'il pooit. Si encontra l'une des trois 15
batailles, et vey bien que combatre le couvenoit. Se
se mist tantost en bon couvenant, car il estoit hardis
chevaliers et confortés durement. Et fist là aucuns
chevaliers nouviaus, et especialment un sien neveut
que on appelloit Aufons. Si se ferirent li dis messires 20
Loeis d'Espagne et ses gens en ceste première bataille
si radement qu'il en ruèrent tamaint par terre;
et euist esté tantost toute nettement desconfite et
sans remède, se n'euissent esté les aultres deus batailles
qui y sourvinrent, par le cri et le hu qu'il 25
avoient oy des gens dou pays. Lors commença li
hustins à renforcer, et li arcier si fort à traire que
Geneuois et Espagnol furent desconfit et priès que
tout mort et tuet à grant meschief, car cil dou
pays qui les sievoient à bourlès et à pikes y sourvinrent, 30
qui les partuèrent tous, et rescouoient ce qu'il
pooient de leur perte: si ques à grant meschief li
dis messires Loeis se parti de le bataille, durement
navrés en pluiseurs lius, et s'en afui par devers ses
naves, tous desconfis. Et ne ramena de bien sis mille
hommes qu'il avoit avoech lui plus hault de trois
cens; et y laissa mort son neveu que moult amoit, 5
monsigneur Aufons d'Espagne, dont il estoit en coer
et fu puissedi moult destrois, mais amender ne le peut.
Quant il fu venus à ses naves, il cuida ens entrer,
mais il les trouva si bien gardées qu'il ne
peut ens entrer. Si se mist en un vaissiel que on 10
claime lique, à grant meschief et à grant haste, à tout
ce de gens qu'il avoit d'escapés, et se mist à nagier
fortement en voies. Quant cil chevalier d'Engleterre
et de Bretagne dessus nommet eurent desconfis leurs
ennemis, et il perçurent que li dis messires Loeis 15
s'en estoit partis et alés par devers les vaissiaus, il se
misent tout à aler après lui tant qu'il purent, et
laissièrent les gens del pays couvenir del remanant
et yaus vengier, et reprendre partie de chou que on
leur avoit robet. Quant il furent venu à leurs vaissiaus, 20
il trouvèrent que li dis messires Loeis estoit
entrés en une lique qu'il avoit trouvet, et s'en aloit
fuiant tant qu'il pooit. Il entrèrent tantost ens ès
plus appareilliés vaissiaus qu'il trouvèrent là, et nagièrent
tant qu'il purent apriès le dit monsigneur 25
Loeis, car il leur estoit avis qu'il n'avoient riens fait,
se li dis messires Loeis leur escapoit. Il eurent bon
vent si com à souhet, et le veoient toutdis nagier
devant yaus si fortement qu'il ne le pooient raconsievir.
Tant nagièrent à force de bras li maronnier 30
monsigneur Loys qu'il parvinrent à un port que on
claime le port de Gredo. Là descendi li dis messires
Loeis et cil qui escapet estoient avoecques lui, et entrèrent
en le ville de Gredo. Il ne furent mies gramment
arresté en le ditte ville, quant il oïrent dire que li
Englès estoient arrivé, et qu'il descendoient pour yaus
combatre. Adonc se hasta li dis messires Loeis, qui 5
ne se vei meis à pareçon contre yaus; et monta sour
petis chevaus qu'il emprunta en le ville, et s'en ala
droit par devers le cité de Rennes qui estoit assés
priès de là. Et montèrent ossi ses gens, qui peurent
recouvrer de chevaus; et qui ne peurent, il se partirent 10
tout à pied, sievans leurs mestres. Si en y eut
pluiseurs des lassés et des mal montés ratains et raconsievis,
qui eurent mal finet quant il cheirent ens
ès mains de leurs ennemis. Toutes fois, li dis messires
Loeis d'Espagne se sauva, et ne le peurent li 15
Englès raconsievir, et s'en vint à petite compagnie
en le cité de Rennes.
Et li Englès et li Breton s'en retournèrent et vinrent
à Gredo, et là se reposèrent celle nuit. L'endemain,
il se remisent en chemin par mer, pour revenir 20
à Hembon par devers le contesse leur dame,
mais il eurent vent contraire. Si leur couvint prendre
terre à trois liewes priès de le ville de Dinant;
puis se misent au chemin par terre, ensi qu'il peurent,
et gastèrent le pays entours Dinant. Et prendoient 25
chevaus telz que cescuns pooit trouver, li
uns à selle, li aultres sans selle, et alèrent tant
qu'il vinrent une nuit assés priès de Roceperiot.
Quant il furent là venu, messires Gautiers de Mauni
dist certainement à ses compagnons: «Signeur, jou 30
iroie volentiers assallir à ce fort chastiel, se jou
avoie compagnie, com travilliés que je soie, pour
assaiier se nous y porions riens conquester.» Li
aultre chevalier respondirent tuit: «Sire, alés y
hardiement, nous vous sievrons jusques à le mort.»
Adonc se misent tout à monter contremont le montagne,
tous apparilliés d'assallir. A ce point estoit laiens 5
ycilz escuiers que on clamoit Gerard de Malain, com
chastelains, qui avoit esté prisonniers à Dignant, si
com vous avés oy, li quelz fist armer apertement toutes
ses gens et traire as garites et as deffenses; et ne se
mist point derrière, mais vint o toutes ses gens pour 10
deffendre le chastiel. Là ot un fort assaut, dur et perilleus,
et y eut pluiseurs chevaliers et escuiers navrés,
entre les quelz messires Jehans li Boutilliers et
messires Mahieus de Frenai furent durement bleciet;
et tant qu'il les couvint raporter aval et mettre 15
gesir en un pré avoecques les autres navrés.
§ 173. Cilz Gerars de Malain avoit un frère, hardi
escuier et conforté durement, que on clamoit Renier
de Malain, et estoit chastelains d'un aultre petit fort
que on appelloit Fauet, qui siet à mains d'une liewe 20
priès de Roceperiot. Quant cilz Reniers entendi que
Breton et Englès assalloient son frère, il fist armer
de ses compagnons jusques à quarante. Si issi hors
et chevauça devers Roceperiot, pour aventurer et
pour veoir se il poroit en aucune manière son frère 25
valoir ne aidier. Se li avint si bien qu'il sourvint
sour ces chevaliers et escuiers navrés et sour leur
mesnie, qui gisoient desous le chastiel en un pré. Si
leur courut seure et prist les deux chevaliers et les
escuiers navrés, et les en fist porter et emmener par 30
devers Fauet sa garnison en prison, ensi bleciet qu'il
estoient. Aucun de leur mesnie s'en afuirent à monsigneur
Gautier de Mauni, à monsigneur Amauri de
Cliçon et as autres chevaliers qui estoient durement
ententieu d'assallir, et leur disent l'aventure comment
on emmenoit ces chevaliers et escuiers par devers 5
Fauet en prison, et comment il avoient estet pris.