s'en ala à tout son host apriès les Escos, et les sievi
jusques oultre le bonne cité de Bervich, et se loga
à quatre liewes priès de le forest de Gedours, là où 30
li rois David et toutes ses gens estoient entrés, pour
les grans forterèces qu'il y a. Là endroit demora li
dis rois englès par l'espasse de trois jours, pour
savoir se li Escot vorroient hors issir pour combatre
à lui. Et saciés que tous les trois jours y avoit tant
d'escarmuces et de paletis entre les deus hos, que 5
cescuns estoit anoieus del regarder; et y avoit souvent
des mors et des pris, d'une part et d'aultre. Et
sur tous les aultres y estoit souvent veus en bon
couvenant messires Guillaumes Douglas, qui s'arme
d'azur à comble (d'argent[383]), et dedens le comble 10
trois estoilles de geules. Et estoit cilz qui y faisoit
plus de biaus fais, de belles rescousses et de hautes
emprises; et fist en l'ost des Englès moult de destourbiers.
[383] Mss. B 4, 3, fo 77.--Ms. B1 (lacune).
§ 161. Tous ces trois jours, parlementèrent aucun 15
preudomme de triewes et d'acort entre ces deus
rois. Et tant trettièrent que une triewe fu acordée à
durer deus ans, voires se li rois Phelippes de France
s'i assentoit, car li rois d'Escoce estoit si fort alloiiés
à lui qu'il ne pooit donner triewes ne faire pais sans 20
lui. Et se li rois Phelippes ne s'i voloit acorder, si
devoient les triewes durer entre Engleterre et Escoce
jusques au premier jour d'aoust. Et devoit estre
quittes li contes de Mouret de se prison, se li rois
d'Escoce pooit tant pourcacier au roy de France que 25
li contes de Salebrin fust quittes ossi de se prison.
La quèle cose devoit estre pourcacie au roy de
France dedens le Saint Jehan Baptiste. Li rois d'Engleterre
se acorda plus legierement à celle triewe,
pour tant que cilz fait grant sens, qui a trois guerres
ou quatre, s'il en poet atriewer ou apaisier les deus
ou les trois qu'il le face. Et cilz rois avoit bien à
penser sur telz coses, car il avoit guerre en France,
en Gascongne, en Poito, en Saintonge et en Bretagne, 5
et par tout ses gens et ses saudoiiers.
Celle triewe as Escos fu ensi affremée et acordée
que vous avés oy. Si departi li rois d'Escoce ses gens,
et s'en rala cescuns en se contrée; puis envoia grans
messages au roy Phelippe de France, pour acorder 10
chou que trettiet estoit, se il li plaisoit. Il pleut assés
bien au roy de France pour mieus complaire au roy
d'Escoce; (et) ne desdist de riens au trettiet, mais
renvoia le conte de Salbrin en Engleterre. Dont, si
tost qu'il y fu revenus, li rois englès renvoia arrière 15
le conte de Mouret d'Escoce, ossi devers le roy David
qui en eut grant joie. Ensi fu fais cilz escanges de
ces deus signeurs, si com vous avés oy. Et se departirent
ces deus grosses chevaucies, sans plus riens
faire, et se retrest cescuns en son lieu. Or retournerons 20
nous à parler des aventures et des guerres de
Bretagne.
§ 162. Vous devés savoir que, quant li dus de
Normendie, li dus de Bourgongne, li contes d'Alençon,
li dus de Bourbon, li contes de Blois, li connestables 25
de France, li contes de Ghines ses filz, messires
Jakemes de Bourbon, messires Loeis d'Espagne
et li conte et li baron de France se furent parti de
Bretagne, qu'il eurent conquis le fort chastiel de
Chastouseaus, et puis apriès le cité de Nantes, et pris 30
le conte de Montfort, et livret au roy Phelippe, et il
l'eut fait mettre en prison ou Louvre dalés Paris,
si com vous avés oy; et comment messires Charles
de Blois estoit demorés tous quois en le cité de
Nantes et ou pays d'entour qui obeissoit à lui, pour
attendre le saison d'esté en la quèle il fait milleur 5
hostoiier qu'il ne fait en le saison d'ivier, et celle
douce saison fu revenue, tout cil signeur de France
dessus nommet et grant fuison d'aultres gens avoech
yaus s'en ralèrent devers Bretagne à grant poissance,
pour aidier monsigneur Charle à reconquerre le remanant 10
de le ducé de Bretagne, dont il avinrent des
grans et mervilleus fais d'armes, ensi com vous porés
oïr. Quant il furent venu à Nantes, là où il trouvèrent
monsigneur Charle de Blois, il eurent conseil
qu'il assegeroient le cité de Rennes. Si issirent de 15
Nantes et alèrent assegier Rennes tout au tour. La
contesse de Monfort en devant l'avoit si bien garni(e)
et pourveue de gens d'armes et de tout ce qu'il affreoit,
que riens n'i falloit. Et y avoit establi un
vaillant chevalier et hardi pour chapitainne, que on 20
clamoit monsigneur Guillaume de Quadudal, gentil
homme durement dou pays de Bretagne.
Aussi avoit la ditte contesse mis grans garnisons
par toutes les aultres cités, chastiaus et bonnes villes
qui à lui obeissoient; et par tout bonnes chapitainnes, 25
des gentilz hommes dou pays qui à lui obeissoient
et se tenoient, les quels elle avoit acquis par
biau parler, par prommettre et par donner, car elle
n'i voloit point espargnier: des quelz li evesques de
Lyon, messires Amauris de Cliçon, messires Yewains 30
de Tigri, li sires de Landreniaus, li chastelains de
Ghingant, messires Henris et messires Oliviers de
Pennefort, messires Joffrois de Malatrait, messires
Guillaumes de Quadudal, li doi frère de Quirich y
estoient, et pluiseur aultre noble chevalier et escuier
que je ne sai mies nommer. Ossi en y avoit de l'accord
monsigneur Charle de Blois grant fuison, qui à 5
lui se tenoient, avoecques monsigneur Hervi de Lyon,
qui fu de premiers de l'accord le conte de Montfort
et mestres de son conseil, jusques à tant que la cités
de Nantes fu rendue, et li contes de Montfort fu rendus
pris, ensi que vous avés oy. De quoi li dis messires 10
(Hervis[384]) fu durement blasmés, car on voloit dire
que il l'avoit pourcaciet et les bourgois enhortés.
Chou apparoit en ce que, puis ce fait, ce fu cilz qui
plus se penoit de grever la contesse de Montfort et
ses aidans. 15
[384] Ms. A7, fo 84.--Mss. B 1, 3, 4, fo 117, vo; «Henris.»
Mauvaise leçon.
§ 163. Messires Charles de Blois et li signeur dessus
nommet sisent assés longement devant le cité de
Rennes, et y fisent grans damages et pluiseurs grans
assaus et fors par les Espagnolz et par les Geneuois;
et cil de dedens se deffendirent ossi fortement et vassaument, 20
par le conseil le signeur de Quadudal, et
si sagement que cil de dehors y perdirent plus souvent
qu'il n'i gaegnièrent.
En celui temps, si tost que la dessus ditte contesse
sceut que cil signeur de France estoient venu en Bretagne, 25
à si grant poissance, elle envoia monsigneur
Amauri de Cliçon en Engleterre parler au roy Edowart,
et pour priier et requerre secours et ayde, par tèle
condition que li jones enfes, filz au conte de Montfort
et de la ditte contesse, prenderoit à femme l'une
des jones filles au roy d'Engleterre, et s'appelleroit
duçoise de Bretagne. Li rois Edowars estoit adonc à
Londres, et festioit tant qu'il pooit le conte de Salbrin, 5
qui tantost estoit revenus de se prison. Si fist
moult grant feste et honneur à monsigneur Amauri
de Cliçon, quant il fu à lui venus, car il estoit moult
gentilz homs; et li ottria toute sa requeste assés briefment,
car il y veoit son avantage en deus manières. 10
Car il li fu avis que c'estoit grant cose et noble de
la ducé de Bretagne, se il le pooit conquerre; et si
estoit la plus belle entrée qu'il pooit avoir pour conquerre
le royaume de France, à quoi il tendoit. Si
commanda à monsigneur Gautier de Mauni qu'il 15
amoit moult, car moult l'avoit bien servi et loyaument
en pluiseurs besongnes perilleuses, qu'il presist
tant de gens d'armes que li dis messires Amauris li
deviseroit et qu'il li souffiroit, et se apparillast au
plus tost qu'il poroit pour aler aidier la contesse de 20
Montfort, et presist avoecques lui jusques à deus
mille ou trois mille arciers des milleurs d'Engleterre.
Li dis messires Gautiers fist moult volentiers le
commandement son signeur; si se apparilla au plus
tost qu'il peut, et se mist en mer avoecques le dit 25
monsigneur Amauri, à tèle compagnie de gens d'armes
et d'arciers qu'il souffi au dit monsigneur Amauri.
Avoec lui en alèrent li doy frère de Neynendale, messires
Loeis et messires Jehans, li Haze de Braibant,
messires Hubiers de Frenay, messires Alains de Sirehonde, 30
et pluiseur aultre que je ne puis ne sai tous
nommer, et avoech yaus sis mille arciers. Mais uns
grans tourmens les prist sour mer et vens contraires,
par quoi il les couvint demorer sour le mer par le
terme de soissante jours, ançois qu'il peuissent parvenir
à Hembon, là où li contesse de Montfort les
attendoit de jour en jour, à grant mesaise de coer, 5
pour le grant meschief que elle sentoit que ses gens
soustenoient, qui estoient dedens le cité de Rennes.
§ 164. Or est à savoir que messires Charles de
Blois et cil signeur de France sisent longuement devant
le cité de Rennes, et tant qu'il y fisent très grant 10
damage, par quoi li bourgois en furent durement
anoiiés; et volentiers se fuissent souvent acordé à
rendre le cité, se il osassent, mais messires Guillaumes
de Quadudal ne s'i voloit acorder nullement.
Quant li bourgois et li commun de le cité eurent assés 15
souffert, et qu'il ne veoient nul secours de nulle part
venir, il se vorrent rendre; mais li dis messires Guillaumes
ne s'i volt accorder. Au daarrain, il prisent le
dit monsigneur Guillaume et le misent en prison; et
eurent en couvent à monsigneur Charlon de Blois 20
qu'il se renderoient à l'endemain par tèle condition
que tout cil de le partie le contesse de Monfort s'en
pooient aler sauvement, quel part qu'il voloient. Li
dis messires Charles de Blois leur acorda. Ensi fu li
cités de Rennes rendue à monsigneur Charle de Blois, 25
l'an de grasce mil trois cens quarante et deus, à l'entrée
de may. Et messires Guillaumes de Quadudal
ne volt point demorer de l'acord monsigneur Charle
de Blois, ains s'en ala tantost par devers Hembon, là
où la contesse de Monfort estoit, qui fu moult dolente 30
quant elle seut que la cité de Rennes estoit rendue;
et si n'ooit nulles nouvelles de monsigneur Amauri de
Cliçon ne de se compagnie.
§ 165. Quant la cité de Rennes se fu rendue, ensi
que vous avés oy, et li bourgois eurent fait feauté
à monsigneur Charles de Blois, messires Charle eut 5
conseil quèle part il se poroit traire à toute son host,
pour mieulz avant esploitier de reconquerre le remanant.
Li consaulz se tourna à çou que il se traisist
par devers Hembon, là où la contesse de Montfort
estoit; car, puis que li sires estoit en prison, s'il pooit 10
prendre le ville, le chastiel et le contesse, il aroit tost
sa guerre afinée. Ensi fu fait. Si se traisent tuit vers
Hembon et assegièrent le ville et le chastiel tout au
tour, tant qu'il peurent, par terre. La contesse estoit
si bien pourveue de bons chevaliers et d'autres souffissans 15
gens d'armes qu'il couvenait pour deffendre le
ville et le chastiel, et tout dis estoit en grant soupeçon
del secours d'Engleterre que elle attendoit, et se n'en
ooit nulles nouvelles. Ains avoit doubtance que grans
meschiés ne leur fust avenus, ou par fortune de le mer, 20
ou par rencontre d'ennemis. Avoecques li estoit en
Hembon li evesques de Lyon en Bretagne, dont messires
Hervis de Lyon estoit (neveus[385]), qui estoit de le
partie monsigneur Charles. Et si y estoient messires
Yves de Tigri, li sires de Landreniaus, li chastelains 25
de Ginghant, li doi frère de Quirich, messires Henris
et messires Oliviers de Pennefort et pluiseur aultre.
Quant la contesse et cil chevalier entendirent que cil
signeur de France venoient pour yaus assegier, et qu'il
estoient assés priès de là, il fisent commander que on
sonnast le ban cloche, et que çascuns s'alast armer et
alast à sa deffense, ensi qu'il estoit ordonnés. Ensi
fu fait sans contredit.
[385] Mss. B1, 3, 4: «oncles.» Mauvaise leçon.
Quant messires Charles de Blois et li signeur françois 5
furent approciet de le ville de Hembon et il
le veirent forte, il fisent leurs gens logier, ensi que
pour faire siège. Aucun jone compagnon geneuois,
espagnol et françois alèrent jusques as bailles pour
paleter et escarmucier; et aucun de chiaus de dedens 10
issirent encontre yaus, ensi que on fait souvent
en telz besongnes. Là eut pluiseurs hustins.
Et perdirent plus li Geneuois qu'il n'i gaegnassent,
ensi qu'il avient souvent par trop folement abandonner.
Quant li vespres approça, cescuns se retraii 15
à se loge. L'endemain, li signeur eurent conseil
qu'il feroient à l'endemain assallir les bailles
fortement, pour veoir le contenance de chiaus
de dedens, et pour veoir se il y poroient riens
conquester, ensi qu'il fisent. Car au tierc jour il 20
assallirent au matin, entours heure de prime, as
bailles très fortement. Et chil de dedens issirent hors
li aucun des plus souffissans, et se deffendirent si vassaument
qu'il fisent l'assaut durer jusques à heure de
nonne que li assallant se retraisent un petit arrière. 25
Et y laissièrent fuison de mors, et en remenèrent
plenté de bleciés. Quant li signeur veirent leurs gens
retraire, il en furent durement courouciés. Si fisent
recommencier l'assaut plus fort que devant. Et cil de
Hembon s'efforcièrent ossi d'yaus très bien deffendre. 30
Et la contesse, qui estoit armée de corps et estoit
montée sus un bon coursier, chevauçoit de rue en
rue par le ville, et semonnoit ses gens de bien deffendre.
Et faisoit les femmes de le ville, dames et
aultres, deffaire les caucies et porter les pières as
crestiaus pour getter as ennemis. Et faisoit aporter
bombardes et pos plains de cauch vive, pour getter 5
sus les assallans.
§ 166. Encores fist ceste ditte contesse de Montfort
une très hardie emprise qui ne fait mies (à[386]) oubliier,
et c'on doit bien recorder à hardit et outrageus fait
d'armes. La contesse montoit en une tour, pour 10
mieulz veoir comment ses gens se maintenoient. Si
regarda et vei que tout cil de l'host, signeur et aultre,
avoient laissiet leurs logeis, et estoient priès que tout
alé veoir l'assaut. Elle s'avisa d'un grant fait et remonta
sus son coursier, ensi armée comme elle estoit. 15
Et fist monter environ trois cens hommes à cheval
avoecques lui, qui gardoient une aultre porte là où on
n'assalloit point. Si issi de celle porte o toute se compagnie,
et se feri très vassaument en ces tentes et en ces
logeis des signeurs de France, qui tantos furent toutes 20
arses, tentes et toutes loges, qui n'estoient gardées fors
de garçons et de varlès qui s'en fuirent, si tos comme
il y veirent le feu bouter et la contesse et ses gens entrer.
Quant li signeur de France veirent leurs logeis
ardoir et oïrent le hu et le cri qui en venoit, il furent 25
tout esbahi et coururent tout vers lor logeis,
criant: «Trahi! Trahi!», et ne demora adonc nulz
à l'assaut.
[386] Mss. B 4, 3, fo 79.--Ms. B 1, fo 119 (lacune).
Quant la contesse vei l'ost estourmir et de toutes
pars acourir, elle rassambla ses gens et vei bien que
elle ne poroit rentrer en le ville sans trop grant perte;
si s'en ala le droit chemin par devers le chastiel de
Brait qui siet à trois liewes priès de là. Quant messires
Loeis d'Espagne, qui estoit mareschaus de toute 5
l'ost, fu venus as logeis qui ardoient, et vei la contesse
et ses gens qui s'en aloient tant qu'il pooient, il se
mist à aler après pour raconsievir se il peuist, et grant
fuison de gens d'armes avoecques lui. Si les encauça
et caça tant qu'il en tua et mehagna aucuns qui estoient 10
mal montet, et qui ne pooient sievir les bien
montés. Toutes fois, la ditte contesse chevauça tant
et si bien que elle et li plus grant partie de ses gens
vinrent assés à point au bon chastiel de Brait, là où
elle fu receute et festiie à grant joie de chiaus de le 15
ville et dou chastiel. Quant messires Loeis d'Espagne
sceut, par les prisons que pris avoit, que c'estoit la
contesse qui tel fait avoit fait et qui escapée li estoit,
il s'en retourna en l'ost et conta sen aventure as signeurs
et as aultres qui grant merveille en eurent. 20
Ossi eurent cil qui estoient dedens Haimbon, et ne
pooient apenser ne trop imaginer comment leur dame
avoit che aviset ne oset entreprendre. Mais il furent
toute le nuit en grant quisençon de çou que la
dame ne nulz de ses compagnons ne revenoit; si n'en 25
savoient que penser ne que aviser, et ce n'estoit point
trop grant merveille.
§ 167. A l'endemain, li signeur de France, qui
avoient perdu leurs tentes et leurs pourveances,
orent conseil qu'il se logeroient d'arbres et de foellies 30
plus priès de le ville, et qu'il se maintenroient plus
sagement. Si se alèrent logier à grant painne plus
priès de le ville, et disoient souvent ensi à chiaus de
le ville: «Alés, signeur, alés requerre vostre contesse.
Certes elle est perdue, vous ne le trouverés en
pièce.» Quant cil de le ville, gens d'armes et aultres, 5
oïrent telz parolles, il furent esbahi et eurent grant
paour que grans meschiés ne fust avenus à leur dame.
Si n'en savoient que croire, par tant que elle point
ne revenoit, ne n'en ooient nulles nouvelles. Si demorèrent
en tel paour par l'espasse de cinq jours. 10
Et la contesse, qui bien pensoit que ses gens estoient
à grant mesaise pour lui et en grant doubtance, se
pourcaça tant que elle eut bien cinq cens compagnons
(armés[387]) et bien montés. Puis se parti de Brait
entour le mienuit et se vint, droit au point que li solaus 15
se liève, à chevauçant à l'un des costés de l'host, et
fist ouvrir le porte et entra ens à grant joie et à grant
son de trompes et de nakaires: de quoi li hos des
François fu durement estourmie. Si se fissent tout
armer et coururent par devers le ville pour assallir, 20
et cil de dedens as fenestres pour le deffendre. Là
commença grans assaus et fors, qui dura jusques à
haute nonne. Et plus y perdirent li assallant que li
deffendant.
[387] Mss. B4, 3, fo 79 vo.--Ms. B1, fo 119 vo (lacune).
Environ heure de nonne, fisent li signeur cesser 25
d'assallir, car leurs gens se faisoient tuer et navrer
sans raison, et retraisent à leurs logeis. Si eurent
conseil et acord que messires Charles de Blois iroit
assegier (le) chastiel d'Auroy que li rois Artus fist
faire et fremer. Et iroient avoecques lui li dus de 30
Bourbon, li contes de Blois ses frères, et li mareschaus
de France messires Robers Bertrans, et messires
Hervis de Lyon et partie des Geneuois. Et messires
Loeis d'Espagne, li viscontes de Rohen et tous
li remanans des Geneuois et Espagnolz demorroient 5
devant Hembon. Et mandèrent douze grans engiens
qu'il avoient laissiés à Rennes, pour getter à le ville
et au chastiel de Hembon, car il veoient bien qu'il
ne le pooient gaegnier ne riens pourfiter à l'assallir;
si qu'il fisent deus hos: s'en demora li uns devant 10
Hembon, et li aultres en ala assegier chastiel d'Auroy
qui estoit assés priès de là; des quels nous parlerons
et nous soufferons un petit des aultres.
§ 168. Messires Charles de Blois se trest par devant
le chastiel d'Auroy, qui estoit assés priès de là, à tout 15
se compagnie, et se loga et toute son host environ.
Et y fist assallir et escarmucier, car chil del chastiel
estoient bien pourveu et bien garni de bonnes gens
d'armes, pour tel siège soustenir. Si ne se vorrent rendre,
ne laissier le service de la contesse, qui grans 20
biens leur avoit fais, pour obeir au dit monsigneur
Charle, pour ses prommesses. Dedens le forterèce avoit
deus cens compagnons aidables, uns et aultres, des
quelz estoient mestres et chapitainnes doi chevalier
dou pays, vaillant homme et hardi durement, messires 25
Henris de Pennefort et Oliviers de Pennefort
ses frères. A quatre liewes priès de ce chastiel siet la
bonne cité de Vennes, qui fermement se tenoit à le
contesse. Et en estoit messires Joffrois de Malatrait
chapitainne, gentilz homs et vaillans durement. D'autre 30
part sciet la bonne ville de Dignant en Bretagne,
qui adonc n'estoit fremée, fors de fossés et de palis.
Si en estoit chapitains de par le contesse uns durement
vaillans homs que on clamoit le chastellain de
Gingant, mais il estoit adonc assis dedens Hembon
avoech la contesse. Mais il avoit laissiet à Dignant 5
son hostel, ma dame sa femme et ses filles, et avoit
laissiet à chapitainne, en lieu de li, monsigneur Renault
son fil, vaillant baceler et hardi durement.
Entre ces deus bonnes villes siet uns très fors chastiaus
qui se tenoit adonc à monsigneur Charle de 10
Blois, et l'avoit fait garnir de gens d'armes et de saudoiiers,
qui tout estoient Bourgignon. Si en estoit
souverains et mestres uns bons escuiers assés jones
que on clamoit Gerart de Malain; et avoit avoecques
lui un hardi chevalier que on clamoit monsigneur 15
Pière Portebuef. Cil doi avoecques leurs compagnons
honnissoient et gastoient tout le pays de là entour,
et destraindoient si ouniement le cité de Vennes et
le bonne ville de Dinant, que nulles pourveances ne
marchandises ne pooient entrer ne venir, fors en 20
grant peril et sous grant aventure, car il chevauçoient
l'un jour par devers Vennes, et l'autre jour
par devers Dinant. Tant chevaucièrent ensi li dessus
dit Bourgegnon et leurs routes, que li jones bacelers
messires Renaulz de Gingant prist, par un embuscement 25
qu'il avoit establi, le dit Gerart de Malain à
toute se compagnie, qui estoient yaus vingt et cinq
compagnon, et rescoui jusques à quinze marcheans à
tout leur avoir qu'il avoient pris, et les emmenoient
par devers leur garnison que on claime Rocheperiot.
Mais li jones bacelers messires Renaulz de Gingant les 30
conquist tous, par son sens et par sa proèce, et les
en mena tous (en Dynant[388]) en prison, dont tous li
pays d'entour eut grant joie. Et en fu durement li
dis messires Renaulz loés et prisiés.
[388] Mss. B4, 3, fo 80.--Ms. B1, fo 120 vo (lacune).
Si me tairai un petit à parler de ces gens de Vennes,
de Dinant et de Roceperiot, et revenrai à la 5
contesse de Montfort, qui estoit assise dedens Haimbon,
et à monsigneur Loeis d'Espagne qui tenoit
le siège par devant et avoit si debrisié et defroissié
le ville et le fremeté, par les engiens, que cil de
dedens se commencièrent à esmaiier et avoir volenté 10
de faire acord, car il ne veoient nul secours venir,
ne n'en entendoient nouvelles. Dont il avint que
li evesques messires Guis de Lyon, qui estoit (oncles[389])
monsigneur Hervi de Lyon, par qui pourcach et conseil
li contes de Montfort avoit estet pris, si com 15
on disoit, dedens le cité de Nantes, parla un jour au
dit monsigneur Hervi son (neveu,) sus assegurance, et
par lonch temps ensamble, d'unes coses et d'aultres;
et tant que li dis evesques devoit pourcacier acord à
ses compagnons, par quoi li ville de Hembon seroit 20
rendue à monsigneur Charle de Blois. Et li dis messires
Hervis, d'autre part, devoit pourcacier que cil
de dedens seroient apaisiés envers monsigneur Charle,
quittes et lieges, et ne perderoient riens dou
leur. Ensi se departi cilz parlemens. Li dis evesques 25
rentra en le ville pour parler as aultres signeurs. La
contesse se doubta tantost de mauvais pourcach; si
pria à ces signeurs de Bretagne, pour l'amour de
Dieu, qu'il ne fesissent nulle defaute, car elle avoit
esperance en Nostre Signeur que elle aroit grant secours
dedens trois jours. Mais li dis evesques parla
tant et moustra tant de raisons à ces signeurs de
Bretagne qu'i(l) les mist en grant effroi celle nuit. A
l'endemain, il recommença et dist tant de raisons, 5
d'unes et d'autres, qu'il estoient tout de son acord
ou assés priès. Et jà estoit li dis messires Hervis venus
assés priès de le ville pour (la) prendre et par
leur acord, quant la contesse qui regardoit aval le mer,
par une fenestre del chastiel, commença à criier et à 10
faire grant joie; et disoit tant comme elle pooit: «Je
voi venir le secours que j'ai tant desiré!» deus fois
le dist. Cescuns de le ville courut tantost, qui mieulz
pot, as fenestres et as crestiaus des murs pour veoir
que c'estoit. Et veirent clerement grant fuison de 15
naves, petites et grandes, bien batillies, venir par
devers Hembon. Dont cescuns fu durement reconfortés,
car bien tenoient que c'estoit messires Amauris
de Cliçon qui amenoit ce secours d'Engleterre,
dont vous avés par chà devant oy parler, qui par 20
soixante jours avoient eu vent contraire sur le
mer.
[389] Mss. B4, 3, fo 80.--Ms. B1: «niés.» Mauvaise leçon.