trop durement courouciet, et fisent cesser l'assaut,
et se misent à l'aler, tant qu'il peurent, qui
mieulz mieulz, par devers Fauet, pour raconsievir, se 10
ilz peuissent, chiaus qui emmenoient ces prisons. Mais
il ne se peurent tant haster que li dis Reniers de Malain
ne fust ançois rentrés en son chastiel à tout ses
prisons, qu'il peuissent venir là. Quant il furent là
venu, li uns devant, li aultres après, il commencièrent 15
à assallir, si travilliet qu'il estoient; mais petit y fisent
adonc, car li dis Reniers et si compagnon se deffendoient
vassaument. Et jà estoit tart, et tuit estoient
travilliet durement. Si eurent conseil qu'il se logeroient
et se reposeroient celle nuit, pour mieus assallir 20
à l'endemain.
§ 174. Gerars de Malain sceut, tantost que cil signeur
se furent parti de là, le biau fet d'armes que
ses frères Reniers avoit fait pour lui secourre; si en
eut grant joie. Et sceut que cil signeur estoient pour 25
çou trais par devant Fauet et le conquerroient, s'il
pooient. Si se apensa que il feroit ossi biel service à
son frère, se il pooit, que ses frères li avoit fait. Si
monta tout par nuit sour son cheval et vint, un petit
devant le jour, à Dinant, et fist tant qu'il parla tantost 30
à monsigneur Pière Portebuef, son bon compagnon,
qui estoit chapitainne et souverains de Dinant avoech
lui, si com vous avés oy, et li conta l'aventure et
pour quoi il estoit là venus. Si eurent conseil que,
sitos que jours seroit, il assambleroit tous les bourgois
de le ville, et leur demoustreroit le besongne, et 5
les feroit armer, s'il pooit, pour aler dessegier le
chastiel de Fauet. Quant grans jours fu, et tout li
bourgois furent assamblé en le halle de le ville, Gerars
de Malain leur remoustra le besongne si bellement
que li bourgois et li saudoiier furent d'acord 10
d'yaus armer, et de partir tantost, et d'aler là où on
les vorroit mener; et fisent sonner la bancloke, et
s'armèrent toutes gens. Puis issirent hors et se misent
à le voie, tant qu'il peurent, par devers Fauet,
et estoient bien sis mille hommes, uns et autres. 15
Messires Gautiers de Mauni et li aultre signeur le
sceurent tantos par une espie. Si eurent conseil ensamble
pour regarder et aviser quel cose leur seroit
bon à faire: si ques, tout consideret le bien et le
mal, il se acordèrent à che que il se partiroient de 20
là et s'en retrairoient, ensi qu'il poroient, par devers
Hembon, car grans meschiés leur poroit avenir, s'il
demoroient longement là. Car, se cil de Dinant leur
venoient d'une part, et li hos monsigneur Charle et
des signeurs de France d'autre, il seroient enclos. Si 25
seroient tout pris ou mors, à le volenté de leurs ennemis.
Si se acordèrent à che que leurs milleurs poins
estoit de laissier leurs compagnons en prison, que
tout perdre, jusques adonc qu'il le poroient amender.
Lors se partirent de là, et se misent à le voie pour 30
revenir à Hembon.
Ensi qu'il revenoient vers Hembon, il vinrent passant
par devant un chastiel que on claime Ghoy le
Forest, qui quinze jours devant estoit rendus à monsigneur
Charle de Blois. Et l'avoit li dis monsigneur
Charle livret pour garder à monsigneur Hervi
de Lyon et à monsigneur Gui de Ghoy, qui en devant 5
le tenoit. Li quel doy chevalier n'estoient point
laiens, quant cil signeur englès et breton vinrent
là passant; ains estoient en l'ost monsigneur Charle,
avoecques les signeurs de France, par devant le
ville de Craais qu'il avoient assegiet. Quant messires 10
Gautiers de Mauni vei le chastiel de Ghoy le
Forest qui estoit merveilleusement fors, il dist à ces
signeurs et chevaliers de Bretagne, qui estoient avoecques
lui, qu'il n'iroit plus avant ne se partiroit de là,
com travilliés qu'il fust, se aroit assallit à ce fort 15
chastiel, et aroit veu le couvenant de chiaus qui estoient
dedens. Si commanda tantost as arciers que
cescuns le sievist, et à ses compagnons ossi. Puis
prist se targe à son col et monta contremont jusques
as bailles et as fossés dou chastiel, et tout li aultre 20
Breton et Englès le sievirent. Lors commencièrent
fortement à assallir, et cil de dedens fortement à
yaus deffendre, comment qu'il n'euissent point leur
chapitainne. Là eut très fort assaut et grant fuison
de bien faisans dedens et dehors, et dura longement 25
jusques à basses vespres. Et cilz bons chevaliers messires
Gautiers de Mauni semonnoit fortement les assallans,
et se mettoit toutdis au devant des aultres
ou plus grant peril. Et li arcier traioient si (ouniement[392])
que cil dou chastiel ne s'osoient moustrer se 30
petit non. Si fisent li dis messires Gautiers et si compagnon,
que li fosset furent rempli, à l'un des costés,
d'estrain et de bois, par quoi il parvinrent jusques
as murs, et pikièrent tant de grans maulz de fer, de
pik et de martiaus, que li murs fu trawés une toise 5
de large. Si entrèrent li dit Englès et Breton dedens
che chastiel par force, et tuèrent tous chiaus qu'il y
trouvèrent, et se logièrent là endroit. L'endemain, il
se misent au chemin, et alèrent tant en tel manière
qu'il vinrent à Hembon. Et d'autre part Gerars de 10
Malain, qui estoit à Dinant venus querre le secours,
et qui l'en menoit par devers Fauet, esploita tant
avoecques chiaus qu'il en menoit, qu'il parvinrent à
Fauet, et trouvèrent que li Englès et li Breton s'en
estoient parti. Si issi Reniers de Malain contre yaus 15
et les rechut liement; et se logièrent là ens ès prés
tant qu'il eurent disnet, et puis s'en retournèrent à
Dinant.
[392] Mss. B4, 3, fo 84.--Ms. B1, fo 127: «onniement.»
§ 175. Quant la contesse de Montfort sceut nouvelles
de le revenue des dessus dis Englès et Bretons, 20
si en fu grandement resjoie. Si ala contre yaus et les
festia liement, et baisa et acola cescun de grant coer.
Et avoit fait apparillier ens ou chastiel pour yaus
mieulz festiier, et donna à disner moult noblement à
tous les chevaliers et escuiers de renom; et leur demanda 25
moult ententievement de leurs aventures,
comment que elle en seuist jà grant partie. Cescuns
compta che qu'il en savoit, et des bienfaisans che
que cescuns en avoit veu. Là endroit furent ramenteues
maintes proèces, pluiseurs travaus, maint grant
fait d'armes et perilleus, et maintes hardies emprises 30
faites par chiaus qui là furent; (ce pèvent et doivent
savoir ceulx qui ont[393]) esté souvent en armes, et les
doit on tenir et reputer pour preus. Mais sus tous
en portoit le huée et le chapelet messires Gautiers
de Mauni. 5
[393] Ms. B3, fo 86 vo.--Mss. B1, 4, fo 127 vo: «poent et
doient.»
A ce point que cil signeur englès et breton furent
revenu à Hembon y messires Charles de Blois avoit
reconquis le bonne cité de Vennes, et avoit assegiet
le bonne (ville[394]) que on claime Craais. Et
l'avoit durement astrainte, par quoi elle ne se pooit 10
longement tenir sans avoir secours. Par coi la contesse
de Montfort et messires Gautiers de Mauni envoiièrent
tantost au roy Edowart pour segnefiier à
lui comment messires Charles de Blois et li aultre
signeur de France et leurs aidans avoient reconquis 15
les cités, Rennes, Vennes et les aultres bonnes villes
et chastiaus de Bretagne, et qu'il conquerroient tout
le remanant, s'il ne les venoit secourir temprement.
Chil message se departirent de Hembon, et s'en alèrent
en Engleterre, tant qu'il peurent. Et arivèrent en 20
Cornuaille, et enquisent et demandèrent là dou roy
où il le trouveroient. Il leur fu dit qu'il estoit à Windesore.
Si chevaucièrent celle part à grant esploit.
[394] Mss. B4, 3, fo 84 vo.--Ms. B1 (lacune).
Or nous soufferons nous un petit à parler de ces
messagiers, et retournerons à monsigneur Charle de 25
Blois et à chiaus de son costé qui avoient assegiet le
ville de Craais; et tant le constraindirent, par assaus
et par engiens, qu'il ne se peurent plus tenir et se
rendirent à monsigneur Charle, salve leurs biens et
leur avoir, li quelz dis messires Charles les prist à
merci. Et cil de Craais li jurèrent feaulté et hommage,
et le recogneurent à signeur. Si y mist li dis
messires Charles nouviaus officiers qui li jurèrent
loyaulté à tenir, et leur delivra un bon chevalier à 5
chapitainne en qui moult il se confioit. Et sejournèrent
là li dit signeur pour yaus et leurs gens rafreschir,
bien quinze jours. Là en dedens eurent il
conseil et avis qu'il se trairoient par devant le ville
de Hembon. 10
§ 176. Adonc se departirent li dessus dit signeur,
baron et chevalier de France, de Craais, et se traisent
moult arreement devant le forte ville de Hembon,
qui durement estoit renforcie et bien ravitaillie et
pourveue de toute artillerie. Et si le assegièrent tout 15
au tour, si avant comme assegier le peurent.
Le quatrime jour apriès que cil signeur s'i furent
mis et trait à siège, y vint messires Loeis d'Espagne qui
s'estoit tenus en le cité de Rennes bien six sepmainnes,
et là fait curer et medeciner de ses plaies. Si le 20
veirent tout li signeur moult volentiers et le reçurent
à grant joie, car il estoit moult honnerés et amés
entre yaus, et tenus pour très bon homme d'armes
et vaillant chevalier. Et telz estoit il vraiement. Et
ossi il y avoit bien cause qu'il le festiaissent, car il 25
ne l'avoient veu puis la bataille dessus ditte. La
compagnie des signeurs de France estoit grandement
montepliie, et acroissoit tous les jours. Car grant
fuison de signeurs de France et de chevaliers revenoient
de jour en jour dou roy d'Espagne, qui guerrioit 30
adonc au roy de Grenate et as Sarrasins: si
ques, quant il passoient par Poito et il ooient nouvelles
des guerres qui estoient en Bretagne, il s'en
aloient celle part.
Li dis messires Charles avoit fait drecier quinze
ou seize grans engiens qui gettoient grandes pières 5
as murs de Hembon et à le ville. Mais cil de dedens
n'i acontoient nient gramment, car il estoient fort
paveschiet et garitet à l'encontre. Et venoient à chiés
de fois as murs et as crestiaus, et les frotoient et
passoient de leurs caperons par despit. Et puis 10
crioient, quanqu'il pooient, en disant: «Alés, alés
requerre et raporter vos compagnons qui se reposent
au camp de Camperli!» De quoi, pour ces
parolles, messires Loeis d'Espagne et li Geneuois
avoient grant ireur et grant despit. 15
§ 177. Un jour vint li dis messires Loeis d'Espagne
en l'entente monsigneur Charle de Blois et li
demanda un don, present fuison de grans signeurs
de France qui là estoient, en guerredon de tous les
services que fais li avoit. Li dis messires Charles ne 20
savoit mies quel don il voloit demander, car, se il
le seuist, jamais ne li euist acordé; se li ottria legierement,
pour tant que il se sentoit moult tenus à
lui. Quant li dons fu ottriiés, messires Loeis dist:
«Monsigneur, grant mercis. Je vous pri donc et requier 25
que vous faites ci venir tantost les deus chevaliers
qui sont en vostre prison en Fauet, monsigneur
Jehan le Boutillier et monsigneur Mahieu de Frenai,
et le(s) me donnés pour faire me volentet: c'est li
dons que je vous demande. Il m'ont cachiet, desconfit 30
et navret et ont tuet monsigneur Aufons, mon
neveut, que je tant amoie. Si ne m'en sçai aultrement
vengier que je leur ferai les testes coper, par devant
leurs compagnons qui laiens sont enfremet.» Li dis
messires Charles fu tous esbahis, quant il oy monsigneur
Loeis ensi parler. Si li dist courtoisement: 5
«Certes, sire, les prisons vous deliverai je moult volentiers,
puisque demandés les avés. Mais ce seroit
cruautés et peu d'onneur pour vous et grans blasmes
pour nous tous, se vous faisiés de deus si vaillans
hommes que cil sont, che que dit avés, et nous seroit 10
à tous jours reprouvet. Et aroient nostre ennemi
bien cause des nostres faire ensi, quant tenir les poront,
et nous ne savons que à venir nous est de jour
en jour. Pour quoi, chiers sires et biaus cousins, si
vous voelliés mieulz aviser.» Messires Loeis d'Espagne 15
respondi et dist briefment qu'il n'en feroit
aultrement, se tout li signeur del monde en prioient:
«Et se vous ne me tenés couvent, saciés que je me
partirai de ci, et ne vous servirai ne amerai tant que
je vive.» 20
Messires Charles vei bien et perçut que c'estoit
acertes: si n'osa couroucier plus avant le dit monsigneur
Loeis; ains envoia tantos certains messages
au chastellain de Fauet, pour les dessus dis
chevaliers amener en son host. Ensi que commandé 25
fu, ensi fu fait. Li doi chevalier furent amenet un
jour assés matin en le tente monsigneur Charle de
Blois. Quant messires Loeis d'Espagne les sceut
venus, il les ala tantost ve(o)ir. Ossi fisent pluiseur des
signeurs et des chevaliers qui les seurent venus. 30
Quant li dis messires Loeis les vit, il leur dist:
«Ha! signeur chevalier, vous m'avés bleciet del
corps et ostet de vie mon chier neveu que je tant
amoie. Si convient que vostre vie vous soit ossi
(ostée[395]). De chou ne vous poet nuls garandir. Si
vous poés confesser, s'il vous plest, et priier merci à
Nostre Signeur, car vos daarrains jours est venus.» Li 5
doi chevalier furent durement abaubit de ces parolles,
ce fu bien raisons, et disent qu'il ne pooient
croire que vaillans hommes ne gens d'armes deuissent
faire ne consentir tèle cruaulté que de mettre à
mort chevaliers (pris[396]) en fais d'armes, pour guerres 10
de signeurs; et se fait estoit par oultrage, aultre gent
pluiseur, chevalier et escuier, le poront bien comparer
en semblable cas. Li aultre signeur, qui là estoient
et ooient ces parolles, en avoient grant pité.
Mais, pour priière ne pour pluiseurs bonnes raisons 15
que il peuissent faire ne moustrer au dit monsigneur
Loeis, il ne le peurent oster de son pourpos qu'il ne
convenist que li doi dessus dit chevalier ne fuissent
decolet apriès disner, tant estoit li dis messires Loeis
courouciés et aïrés sur yaus. 20
[395] Mss. B4, 3, fo 85 vo.--Ms. B1, fo 129 (lacune).
[396] Mss. B4, 3, fo 85, vo.--Ms. B1 (lacune).
§ 178. Toutes les parolles, demandes et responses,
qui premiers furent dittes entre monsigneur Charle
et le dit monsigneur Loeis à l'ocquison de ces deus
chevaliers, furent tantost sceues à monsigneur Gautier
de Mauni et à monsigneur Amauri de Cliçon, par 25
espies qui toutdis aloient couvertement de l'une
host en l'autre. Ossi furent toutes ces parolles daarrainnement
dittes, quant li doi chevalier furent amenet
en le tente monsigneur Charle. Et quant messires
Gautiers de Mauni et messires Amauris de
Cliçon oïrent ces nouvelles et entendirent que c'estoit
acertes, il en eurent grant pité. Si appellèrent
aucuns de leurs compagnons et leur remoustrèrent 5
le meschief des deux chevaliers leurs compagnons,
pour avoir conseil qu'il en poroient faire. Puis commencièrent
à penser, li uns (chà[397]) et li aultres là, et n'en
savoient qu'aviser. Au daarrain, commença à parler li
preus chevaliers messires Gautiers de Mauni et dist: 10
«Signeur compagnon, ce seroit grans honneurs pour
nous, se nous poyons ces deus chevaliers sauver.
Et, se nous nos metons en aventure dou faire, et se
falissiens, si nous en saroit li rois Edowars, nos sires,
grant gré. Ossi feroient tout preudomme qui en 15
oroient parler, quant nous en arions fait nostre
pooir. Si vous en dirai mon avis, se vous avés talent
de l'entreprendre. Car il me samble que on doit
bien le corps aventurer, pour les vies de deus vaillans
chevaliers sauver. Jou ay visé, se il vous plaist, 20
que nous nos irons armer, et nous partirons en deus
pars, dont li une des pars istera maintenant, ensi
que on disnera, par ceste porte; et si en iront li
compagnon rengier et moustrer sus ces fossés, pour
estourmir l'ost et pour escarmucier. Bien croi que 25
tout cil de l'host acourront tantost celle part. Vous,
messires Amauris, en serés chapitainne, s'il vous
plest, et arés avoecques vous mille bons arciers,
pour les sourvenans detriier et faire reculer. Et je
prenderai cent de nos campagnons et cinq cens arciers, 30
et isterons par celle posterne d'autre part couvertement,
et venrons par derrière ferir en lors logeis
que nous trouverons vuides. Jou ay moult bien
avoecques mi tèle gent, qui scèvent bien le voie as
tentes monsigneur Charle, là où li doi chevalier sont. 5
Si me trairai celle part, et je vous creanch que jou
et mi compagnon ferons nostre pooir dou delivrer,
et les ramenrons à sauveté, s'il plest à Dieu.»
[397] Mss. B4, 3 fo 85 vo.--Ms. B1 (lacune).
Cilz consaulz et avis plaisi à tous; et se alèrent armer et apparillier
incontinent. Et se parti droit sus 10 l'eure dou disner messires
Amauris de Cliçon à trois cens armeures de fier et mille arciers, (et
fist ouvrir[398]) le souverainne porte de le ville de Hembon, dont li
chemins aloit droit en l'ost. Si coururent li Englès et li Breton, qui
à cheval estoient, jusques en l'ost, 15 en demenant grans cris et grans
hus. Et commencièrent à reverser et à abatre tentes et trés, et à tuer
et decoper gens où il les trouvoient. Li hos qui fu toute effraée se
commença à estourmir. Et se armèrent toutes manières de gens au plus
tost qu'il peurent, 20 et se traisent devers les Englès et Bretons qui
les recueilloient vistement. Là eut dure escarmuce et forte, et maint
homme reversé d'un lés et d'autre. Quant messires Amauris de Cliçon vei
que li hos s'estourmissoit, et que priès estoient tout armé et 25 trait
sus les camps, il retraist ses gens tout bellement, et tout en
combatant, jusques devant les bailles de le ville. Adonc s'arrestèrent
il là tout quoi. Et li arcier estoient tout rengié sus le chemin, d'un
lés et d'autre, qui traioient saiettes à pooir; et Geneuois retraioient
30 ossi efforciement contre yaus. Là commença li hustins grans et
fors; et y acoururent cil de l'host que onques nulz n'i demora, fors li
varlet.
[398] Mss. B4, 3, fo 86.--Ms. B1, fo 129 vo (lacune).
Endementrues, messires Gautiers de Mauni et se
route issirent par une posterne couvertement, et vinrent 5
par derrière l'ost ens ès tentez et ens ès logeis des
signeurs de France. Onques ne trouvèrent homme qui
leur veast, car tout estoient à l'escarmuce devant les
fossés. Et s'en vint li dis messires Gautiers de Mauni
tout droit, car bien avoit qui le menoit en le tente 10
monsigneur Charle de Blois. Et trouva les deus chevaliers,
monsigneur Hubert de Frenai et monsigneur
Jehan le Boutillier, qui n'estoient mies à leur aise;
mais il le furent si tost qu'il veirent monsigneur
Gautier et se route, ce fu bien raisons. Si furent 15
tantost montés sus bons coursiers que on leur avoit
amenés. Si se partirent et furent ensi rescous, et
rentrèrent dedens Hembon par le posterne meismes
par où il estoient issu. Et vint la contesse de Montfort
contre yaus, qui les rechut à grant joie. 20
§ 179. Encores se combatoient li Englès et li Breton
qui estoient devant les barrières et ensonnioient,
de fait avisé, chiaus de l'host tant que li doy chevalier
fuissent rescous, qui jà l'estoient. Et en vinrent
les nouvelles as signeurs de France qui se tenoient à 25
l'escarmuce. Et leur fu dit: «Signeur, signeur, vous
gardés mal vos prisonniers; jà les ont rescous cil de
Hembon et remis dedens leur forterèce.» Quant
messires Loeis d'Espagne, qui là estoit à l'assaut, entendi
chou, si fu durement courouciés, et se tint 30
ensi que pour tous deceus. Et demanda quel part li
Englès et li Breton estoient, qui rescous les avoient.
On li respondi qu'il estoient jà ou priès retrait en
leur garnison. Dont se retrest messires Loeis d'Espagne
vers les logeis tous mautalentis, et laissa la
bataille, si com par anoy. Ossi se commencièrent 5
à retraire toutes aultres manières de gens. En che
retret furent pris doi chevalier breton de le partie le
contesse, qui trop s'avancièrent: che furent li sires
de Landreniaus et li chastellains de Ginghant, dont
messires Charles de Blois eut grant joie. Depuis que 10
cil de Hembon furent retrait, et cil de l'host ossi,
menèrent li Englès grant joie et grant reviel de leurs
deux chevaliers qu'il ravoient, et en loèrent grandement
monseigneur Gautier de Mauni; et disent bien
que par son sens et se hardie entrepresure il avoient 20
été rescous. Ensi se portèrent il d'une part et d'autre.
Celle meisme nuit, furent en le tente monsigneur
Charle de Blois tant preeciet et si bien li chevalier
breton dessus nommet, qu'il se tournèrent de le partie
monsigneur Charle, et li fisent feaulté et hommage,
et relenquirent la contesse qui maint bien lor
avoit fait et pluiseurs dons donnés. De quoi on parla
moult et murmura sus leur afaire dedens le ville de
Hembon.
Trois jours apriès ceste avenue, tout cil signeur de 25
France, qui là estoient au siège par devant Hembon,
se assemblèrent en le tente monsigneur Charle de
Blois, pour avoir conseil qu'il feroient, et comment il
se maintenroient de ce jour en avant. Et bien lor
besongnoit d'avoir bon conseil, car il veoient bien que 30
li ville et li chastiaus de Hembon estoient si fort
qu'il n'estoient mies pour gaegnier, tant avoit dedens
de bonnes gens d'armes qui moult petit les doubtoient,
ensi qu'il estoit apparut; et leur venoient tous
les jours pourveances et vitailles par le mer. D'autre
part, li pays d'entour estoient si gastet qu'il ne savoient
mies où aler fourer. Et si leur estoit li yvier 5
proçains, par quoi il ne pooient là longement demorer:
si ques, tous ces poins considerés, il s'acordèrent
tout communalment qu'il se partiroient de là.
Et consillièrent en bonne foy à monseigneur Charle
de Blois qu'il mesist par toutes les cités, les bonnes 10
villes et les forterèces qu'il avoit conquises, bonnes
garnisons et fortes, et si vaillans chapitains qu'il se
peuist affiier en leur garde; par quoi li ennemi ne les
peuissent reconquerre; et se ossi aucuns vaillans homs
se voloit entremettre de prendre et de donner une 15
triewe jusques à la Pentecouste, il s'i acordast legierement.
§ 180. A ce conseil se tinrent tout cil qui là estoient,
car c'estoit entre le Saint Remi et le Toussains,
l'an de grasce mil trois cens quarante deux, que li 20
yviers approçoit. Si se partirent tout cil de l'host,
signeur et aultre; si s'en rala cescuns en se contrée.
Et li dis messires Charle de Blois s'en ala droit par
devers le ville de Craais à tout ces barons et nobles
signeurs de Bretagne, qu'il avoit là endroit de se 25
partie; si retint avoech li pluiseurs signeurs et chevaliers
de France pour lui aidier à consillier. Quant
il fu venus à Craais, entrues qu'il entendoit à ordener
de ses besongnes et de ses garnisons, il avint que
uns riches bourgois et grans marcheans, qui estoit 30
de le ville que on claime Jugon, fu encontrés de son
mareschal monseigneur Robert de Biaumanoir, et fu
pris et amenés à Craais par devant monsigneur
Charle de Blois. Chilz bourgois faisoit toutes les
pourveances madame la contesse de Montfort à Jugon
et aultre part, et estoit moult amés et creus en le 5
ville de Jugon qui est moult fortement fremée et sciet
très noblement. Ossi fait li chastiaus, qui est biaus et
fors, et de le partie le contesse dessus ditte. Et en
estoit chastelains adonc, de par la dame, uns chevaliers
moult gentilz homs que on clamoit monseigneur 10
Gerard de Rocefort.
Chilz bourgois, qui ensi fut pris, eult moult grant
paour de morir; si pria que on le laissast passer par
raençon. Messires Charles, briefment à parler, le fist
tant examiner et enquerre de unes causes et d'autres, 15
qu'il encouvenença de rendre et trahir le forte ville
de Jugon. Et se fist fors de livrer l'une des portes par
nuit à certainne heure, car il estoit tant creus en le
ville qu'il en gardoit les clés; et pour chou mieulz
assegurer, il en mist son fil en hostage. Et li dis messires 20
Charles l'en devoit et avoit prommis à donner
cinq cens livrées de terre hiretablement. Cilz jours
vint; les portes furent ouvertes à mienuit. Messires
Charles et ses gens entrèrent en le ville de Jugon à
celle heure, à grant poissance. Li gette dou chastiel 25
s'en perchut; si commença à criier: «As armes, (as)
armes! Trahi! Trahi!» Li bourgois, qui de ce ne se
donnoient garde, se commencièrent à estourmir. Et
quant il veirent leur ville perdue, il se mirent au
fuir par devers le chastiel par tropiaus. Et li bourgois, 30
qui trahis les avoit, se mist à fui(r), par couvreture,
avoecques yaus. Quant li jours fu venus, messires
Charles et ses gens entrèrent ens ès maisons des
bourgois pour herbergier, et prisent ce qu'il trouvèrent.
Et quant messires Charles de Blois vei le chastiel
si fort et si emplit de bourgois, il dist qu'il ne s'en
partiroit de là jusques adonc qu'il aroit le chastiel à 5
se volenté. Li chastelains et li bourgois de le ville
perçurent bien tantost que cilz bourgois les avoit
trahis; si le prisent et le pendirent tantost as crestiaus
et as murs dou chastiel.