avoit gens à plentet, il eut conseil de aler conquerre,
par force ou par amours, tout le pays, et de destruire
tous rebelles à son pooir. Puis, issi hors de le cité
de Nantes à grant host; si se trest par devers un 15
moult fort chastiel qui siet d'un costet sus mer, que
on appelle (Brait. Et en estoit gardiiens et chastellains
uns gentilz chevaliers qu'on appelloit[357]) monsigneur
Garnier de Cliçon, cousins au duch qui
mors estoit, et cousins à monsigneur Olivier de 20
Cliçon, un noble chevalier et un des plus haus barons
de Bretagne. Ançois que li dis coens de Montfort
parvenist à Brait, il avoit si constraint tous
chiaus del commun pays, fors de forterèces, que cescuns
le sievoit à cheval ou à piet, car nulz ne l'osoit 25
laissier, si qu'il avoit si grant host que merveilles
estoit. Quant il fu parvenus devant le chastiel de
Brait à tout son host, il fist appeller le chevalier deseure
dit monsigneur Garnier (de Clichon par monsigneur
Hervy de Lyon qui là estoit venus avoech lui,
et requist au dit monsigneur Garnier[358]) qu'il vosist
obeir à lui et rendre le ville et le chastiel comme au
duch de Bretagne et à signeur. Li chevaliers respondi
qu'il n'estoit point consilliés de çou faire, ne riens 5
n'en feroit, ne ne le tenroit à signeur, s'il n'en avoit
mandement et ensengnes dou signeur à qui il devoit
estre par droit. Adonc retray li dis coens arrière et
deffia le chevalier et chiaus dou chastiel et de le
ville. A l'endemain, quant il eut oy messe, il commanda 10
que tout fuissent armet et fist le chastiel assallir,
qui moult fors estoit et bien pourveus et appareilliés
pour le deffendre. Et li chevaliers messires
Garniers de Cliçon, qui preus estoit, sages et hardis,
fist ossi toutes ses gens armer, qui bien estoient trois 15
cens arme(u)res et combatans, et fist çascun aler à
se deffense là où il les avoit ordonnés et establis, et
en prist environ quarante des plus hardis: si s'en
vint hors dou chastiel jusques as bailles pour deffendre,
se il peuist, quant il vei les assallans venir tous 20
batilliés.
[357] Mss. B 4, 3, fo 67, vo.--Ms. B 1, fo 101 vo (lacune).
[358] Mss. B4, 3 fo 67 vo.--Ms. B1 (lacune).
A ce premierain assaut, eut grant hustin et très
durement trait et lanciet, et fuison de mors et de
navrés de chiaus de dehors. Et y fist li dis chevaliers
tant de biaus fais d'armes et souffri tant de cops 25
durs et perilleus que on le devoit bien tenir pour
preu. Mès au daarrain il y sourvint si grant fuisson
des assallans, et se les semonnoit li contes si asprement,
que cescuns s'esprouvoit, efforçoit et penoit
de l'assallir et se mettoit en aventure: si ques, au 30
daarrain, les bailles furent gaegnies, et convint les
daarrains retraire vers le forterèce à grant meschief,
car li assallant se ferirent entre yaus et en tuèrent
aucuns. Et li chevaliers, qui y faisoit merveilles d'armes,
les rescouoit et les metoit ce qu'il pooit à sauveté 5
dedens la mestre porte. Quant cil qui estoient
sus le port(e) veirent le grant meschief, il eurent paour
de perdre le chastiel; si laissièrent avaler le grant
restiel et encloirent le chevalier dehors et aucuns de
leurs compagnons qui se combatoient fortement à 10
chiaus de dehors. Là fu li bons chevaliers à grant
meschief et durement navrés en pluiseurs lius, et si
compagnon, qui hors estoient fourclos, priès que tout
mort; ne onques ne se volt rendre prisons pour requeste
que on li fesist. Quant cil del chastiel veirent 15
le grant meschief là où li chevaliers estoit et comment
il se deffendoit, il s'efforcièrent de traire et de
getter grosses pières à fais, tant qu'il fisent les assallans
traire arrière, et ressachièrent sus un petit les
restiaus; par quoi li chevaliers entra en le porte durement 20
bleciés et navrés en pluiseurs heus, et aucuns
de ses compagnons, qui demoret li estoient, tout navret
ossi. Et li assallant retraiirent arrière à leurs logeis,
durement travilliés, et li aucun blechiés et navrés,
et li coens de Montfort durement courouciés de çou 25
que li chevaliers li estoit escapés. A l'endemain, il fist
faire et apparillier instrumens et engiens pour plus
fortement assallir le chastiel, et bien dist qu'il ne s'en
partiroit, pour bien ne pour mal, si l'aroit à se volenté.
Au tierc jour apriès, il entendi par une espie 30
que li bons chevaliers messires Garniers de Cliçon
estoit trespassés des plaies et des bleceures qu'il
avoit receutes en lui deffendant, si comme voirs
estoit, dont ce fu pités et damages. Si commanda
tantost que cescuns se alast armer pour recommencier
l'assaut moult vighereusement. Et adonc fist li
coens traire avant aucuns estrumens qui fais estoient, 5
et grans mairiens pour getter oultre les fossés pour
venir as murs dou chastiel. Chil de dedens se deffendirent
longement, de traire et de getter pières et feu
et pos plains de cauch, jusques environ le heure de
miedi. Adonc les fist requerre li contes qu'il se volsissent 10
rendre et lui tenir à signeur, et il lor pardonroit
son mautalent. Il eurent conseil entre yaus longement,
tant que li contes fist cesser l'assaut. Au
daarrains, quant il se furent longuement consilliet,
il se rendirent de plain acord au dit conte, salve 15
leurs corps, leurs membres et leur avoir. Si entra
adonc li dis contes ens ou chastiel de Brait à peu de
gens, et rechut le feauté de tous les hommes de le
chastelerie, et y establi un chevalier pour chastelain en
qui moult se fioit, puis revint à ses tentes tous joians. 20
§ 141. Quant li contes de Montfort fu revenus
entre ses gens, et il eut establi ses gardes ens ou chastiel
de Brait, il eut conseil qu'il se trairoit par devers
le cité de Rennes qui estoit assés priès de là. Si fist
deslogier ses gens et traire le chemin devers Rennes. 25
Et par tout là où il venoit, il faisoit toutes manières
de gens rendre et faire feaulté à lui comme à leur
droit signeur. Et enmenoit tous chiaus qui se pooient
aidier, avoecques lui, pour efforcier son host; et il ne
l'osoient refuser ne laiier, pour doubtance de leurs 30
corps. Et en ala tant ensi qu'il vint devant le cité de
Rennes; si fist tendre ses tentes et ses gens logier entours
(le ville et entours[359]) les fourbours. Quant cil
de le cité de Rennes veirent ceste host logie entours
leur ville et entours les fourbours, il fisent grant
samblant d'yaus deffendre. Et avoient avoecques yaus 5
un gentil homme, chevalier preu et hardi durement,
qui manoit assés priès de là, et l'amoient entre yaus
trop durement pour le loyauté de lui. Si l'avoient
esleu et pris pour leur gouvrenement et chapitainne,
et avoit nom messires Henris de Pennefort. 10
[359] Mss. B4, 3, fo 68.--Ms. B1, fo 102 (lacune).
Si avint un jour que cilz eut volenté qu'il destourberoit
les gens de l'host, s'il avoit compagnie.
Si pourcaça tant qu'il eut compagnie de deus cens
hommes de bonne volenté, et issi hors de le cité
paisievlement à l'aube dou jour, et se feri à l'un 15
des costés de l'host à toute se compagnie. Si abati
tentes et logeis et en tua aucuns, par quoi li cris
et li hahais mon(ta) tantost en l'ost, et cria cescuns
as armes, et se commencièrent à deffendre. Droit
à ce point se repairoit uns chevaliers, qui avoit fait 20
le gait celle nuit, par devers l'ost, à toute se compagnie.
Si oy le cri et le hahay et se trest celle part,
au ferir des esporons, et encontra le chevalier et toute
se compagnie qui s'en repairoit vers le cité. Si lor
coururent sus vighereusement, et eurent bon puigneis 25
et fort. Apriès yaus venoient courant cil de
l'host qui estoient armet. Quant cil de le cité veirent
le fais qui leur croissoit, il se desconfirent et s'en
fuirent vers le cité ce qu'il peurent, mais il en domora
grant fuison de mors et de pris. Et si y fu pris li chevaliers 30
que tant amoient, messires Henris de Pennefort
(et amenés devant le conte[360]) qui volentiers le vey.
[360] Mss. B 4, 3, fo 68.--Ms. B 1, fo 102 vo (lacune).
Quant tout furent repairiet à leur host, li contes
eut conseil qu'il envoieroit le chevalier prison par
devant le cité, et feroit requerre les bourgois qu'il 5
li volsissent rendre le cité et faire feaulté à lui comme
à leur signeur, ou il feroit pendre le chevalier devant
le porte, par tant qu'il avoit entendu que li
chevaliers estoit très durement amés de toute le communauté
de Rennes. Ensi fu fait que consilliet fu. 10
Quant cil de le cité oïrent celle requeste et veirent
le chevalier qu'il amoient tant à tel meschief, il en
eurent grant pité. Si se traisent en le cité pour yaus
consillier sour celle requeste que on leur avoit faite.
Si se consillièrent moult longuement, car grans dissentions 15
estoit entre yaus, car li communs avoit
grant pitié dou chevalier qu'il amoient durement,
et si avoient petit de pourveances pour le siège longement
soustenir. Si se acordèrent finablement tuit
à le pais. Et li grant bourgois, qui estoient bien 20
pourveu, ne s'i voloient acorder.
Si monteplia li dissentions si durement que li
grant bourgois, qui estoient tout d'un linage, se traisent
d'une part et disent tout hault que tout cil qui
estoient de leur accord se traisissent d'une part et devers 25
yaus. Il s'en traii tant de chiaus qui estoient de
leur linage, qu'il furent bien doi mille, tout d'un
acord. Quant li aultre commun veirent che, il se
commencièrent à esmouvoir et à criier durement sus
les grans bourgois, disant sur yaus laides parolles et 30
villainnes. Et au daarrain il les coururent sus, et en
tuèrent grant fuison. Quant li bourgois se veirent à
tel dangier, (il) priièrent merci, et disent qu'il s'acorderoient
à le volenté dou commun et dou pays.
Adonc cessa li hustins, et coururent tous li communs
ouvrir les portes, et rendirent le ditte cité au conte 5
de Montfort; et li fisent feaulté et hommage, grans
et petis, et le cogneurent à signeur. Ossi fist li chevaliers,
messires Henris de Pennefort, et fu retenus
de son conseil. 10
§ 142. Adonc entra li contes de Montfort en le
cité de Rennes à grant feste, et fist son host tout quoi
logier as camps. Et fist le pais et l'acord entre les
grans bourgois et les communs; puis establi baillieu,
prevost, eskievins, sergans et tous aultres officiiers. 15
Et sejourna en le cité trois jours, pour li reposer et
son host ossi, et pour avoir avis comment il feroit de
donc en avant. Au quart jour, il fist son hoost deslogier,
et eut conseil de traire devers uns des plus fors
chastiaus et forte ville sans comparison de toute Bretagne, 20
que on claime Haimbon, et siet droitement sus
un bon port de mer, et en va li fluns tout au tour
par grans fossés. Quant messires Henris de Pennefort,
qui estoit rendus (au conte[361]) et avoit juret son conseil,
vei que li contes se trairoit par devers Haimbon, 25
dont Oliviers de Pennefort ses frères avoit estet
gouvrenères un grant temps et encores estoit, il eut
paour qu'il ne mescheist à son frère par aucune
aventure; si traist le conte d'une part à conseil et li
dist: «Sire, je sui de vostre conseil, si vous doi
feauté. Je voi que vous volés traire par devers Haimbon.
Sachiés que li chastiaus et la ville sont si fort
qu'il ne font mies à gaegnier, ensi que vous poriiés
penser. Vous y poriés seoir et perdre le temps d'un 5
an, ançois que vous le peuissiés avoir par force. Mais
je vous dirai, se croire me volés, comment vous le
porés avoir. Il fait boin ouvrer par engien, quant on
ne poet avant aler par force. Vous me deliverés, se
il vous plaist, jusques à six cens hommes à faire me 10
volenté, et je les menrai devant vostre host par l'espasse
de quatre liewes de terre, et porterai le banière
de Bretagne devant mi. Jou ay dedens Haimbon un
frère qui est gouvrenères dou chastiel et de le ville.
Tantost qu'il vera le banière de Bretagne et il me cognistera, 15
il me fera ouvrir le porte, et je enterai dedens
à toutes gens, et me saisirai de le ville et des
portes, et prenderai mon frère, et le vous renderai
pris et à vostre volenté, se tantost il n'obeist à moy,
mès que vous me prommetés que dou corps nul mal 20
ne li ferés.»--«Par mon chief, dist li contes, nennil.
Et vous estes bien avisés, et vous amerai mieus
que devant à tous jours mès, se par ensi faites que je
soie sires de Haimbon, de le ville et dou chastiel.»
[361] Mss. B 3, 4, fo 70.--Ms. B 1, fo 103 vo (lacune).
§ 143. Adonc se parti messires Henris de Pennefort 25
de le route dou conte, en se compagnie bien six
cens armeures de fier, et chevauça le jour tout entier,
et sus le soir il vint en Haimbon. Quant Oliviers de
Pennefort ses frères sceut que messires Henris venoit
là, si en eut grant joie et cuida tout certainnement 30
que ce fust pour lui aidier à garder le ville; si le
laissa ens et ses gens d'armes, et vint contre lui sus
le rue. Si tost que messires Henris le vei, il s'approça
de lui et le prist et li dist: «Olivier, vous estes mon
prisonnier.»--«Comment ce, respondi Oliviers!
Je me sui confiiés en vous et cuidoie que vous venissiés 5
chi pour moy aidier à garder et à deffendre
ceste ville et ce chastiel.»--«Biaus frères, dist
messires Henris, il ne va point ensi. Je m'en mach
en possession et saisine de par le conte de Montfort,
qui presentement est dus de Bretagne, et à qui j'ay 10
fait feauté et hommage, et tous li plus grant partie
dou pays ossi. Si y obeirés ossi. Et encores vault
mieulz que ce soit par amours que par force, et vous
en sara messires grignour gré.» Tant fu Oliviers de
Pennefort preeciés et amonnestés de monsigneur 15
Henri son frère, qu'il s'acorda à lui et au conte de
Montfort ossi, qui entra dedens Haimbon à grant joie;
et fu plus liés de le prise et saisine de Haimbon que
de telz quarante castiaus (qui[362]) sont en Bretagne, car
il y a bonne ville et grosse et bon port de mer. Si se 20
saisi tantost dou fort chastiel et de le ville, et y mist
dedens ses gens et ses garnisons.
[362] Ms. B 3, fo 70.--Mss. B 1, 4, fo 104 (lacune.)
Et puis si se traist à toute son host par devant le
cité de Vennes; et fist tant parler et trettier as bourgois
et à chiaus de Vennes, qu'il se rendirent à lui 25
et li fisent feaulté et hommage comme à leur signeur.
Il establi en le cité toutes manières d'officiiers et y
sejourna deus jours.
Au tierc jour, il s'en parti et ala assegier un trop
fort chastiel, seant sus un hault tertre qui s'estent 30
droit sus le mer, que on claime le Roceperiot. Si en
estoit chastellains uns vaillans chevaliers et moult
gentils homs que on clamoit monsigneur Olivier de
Cliçon, cousins germains au signeur de Cliçon. Et
sejourna par devant, à siège fait, plus de dix jours que 5
onques ne peut trouver voie par quoi il peuist le
chastiel gaagnier, si fors estoit il. Et si ne pooit
trouver accord au gentil chevalier, par quoi il peuist
obeir à lui, par promesses ne par manaces qu'il li
peuist faire. 10
Si s'en parti atant et laissa le siège jusques à tant
que plus grans pooirs li venroit, et ala assegier un
aultre chastiel, à dix liewes priès de là, que on clamoit
chastiel d'Auroy. Et en estoit chastellains uns
gentilz chevaliers que on clamoit monsigneur Joffroi 15
de Malatrait, et avoit à compagnon monsigneur Yvon
de Tigri. Li dis coens fist assallir deus fois à celui
castiel, mais il vey bien qu'il y poroit plus perdre
que gaegnier. Si s'acorda à une triewe et à jour de
parlement, par le pourcach monsigneur Hervi de 20
Lyon, qui adonc estoit avoech lui. Li parlemens se
porta si bien que au pardaarrain il furent bon ami.
Et fisent li doi chevalier feaulté au dit conte, et demorèrent
gardiien dou dit chastiel et de celui pays,
de par le dit conte. 25
Atant se parti li contes de là et mena son host par
devant un aultre fort chastiel, assés priès de là, que
on claime Goy le Foriest. Chils qui chastelains en
estoit veoit que li contes avoit grant host et que
tous li pays se rendoit à lui: si ques, par l'enhort et 30
le conseil monsigneur Hervi de Lyon, avoech qui il
avoit estet grans compains en Grenate, en Prusce et
en aultres estragnes contrées, il s'acorda au dit conte
et li fist feaulté, et demora gardiiens del dit chastiel
de par le conte.
Tantost apriès, li contes se parti de là et s'en ala
par devers Craais, bonne ville et fort chastiel, et 5
avoit dedens un evesque qui sires en estoit. Chilz
evesques estoit oncles au dit monsigneur Hervi de
Lyon: si ques, par le conseil et l'amour del dit
monsigneur Hervi de Lyon, il s'acorda au dit conte
et le recogneut à signeur jusques adonc que venroit 10
avant, qui plus grant droit mousteroit pour avoir la
ducée de Bretagne.
§ 144. Pourquoi vous feroi je lonc compte? En
tel manière conquist li dis contes de Montfort tout
cel pays que vous avés oy, et fist par tout obeir à lui 15
et appeller duc de Bretagne. Puis s'en ala à un port
de mer que on claime Gredo, et departi toutes ses
gens. Si les envoia par ses cités et forterèces, pour
elles aidier à garder, puis se mist en mer à tout
vingt chevaliers et naga tant qu'il vint en Cornuaille 20
et arriva à un port c'on dist Cepsée. Si enquist dou
roy englès où il le trouveroit. Il li fu dit que le plus
dou tamps il se tenoit à Windesore. Dont chevauça
celle part et toute se route; et fist tant par ses journées
qu'il vint à Windesore, où il fu receus à grant 25
joie dou roy, de ma dame le royne et de tous les
barons qui là estoient. Et fu grandement festiiés et
honnourés, quant on sceut pour coi il estoit là venus.
Premierement (il[363]) remoustra ses besongnes au roy
englès, à monsigneur Robert d'Artois et à tout le conseil
le roy, et dist comment il s'estoit mis en saisine
et en possession de la ducée de Bretagne, qui escheue
li estoit par le succession dou duc son frère daarrainnement
trespassé de ce siècle. Or faisoit il 5
doubte que messires Charles de Blois ne li empeeçast,
et li rois de France ses oncles ne li volsist oster par
poissance; pour quoi il s'estoit là trais pour relever
la ditte ducée et tenir en foy et en hommage dou
roy d'Engleterre à tous jours, mès qu'il l'en fesist 10
seur contre le roy de France et contre tous aultres
qui empeecier li vorroient.
[363] Ms. B 4, 3, fo 69 vo.--Ms. B1, fo 104 vo (lacune).
Quant li rois englès eut oy ces parolles, il y entendi
volentiers, car il regarda et ymagina que se
guerre au roy de France en seroit grandement embellie, 15
et qu'il ne pooit avoir plus belle entrée ou
royaume ne plus pourfitable que par Bretagne, et
que, de tant qu'il avoit guerriiet par les Alemans et
les Braibençons, il n'avoit riens fait, fors que frettiiet
et despendut grandement et grossement. Et 20
l'avoient mené et demené li signeur de l'Empire,
qui avoient pris son or et son argent, ensi qu'il
avoient volu, et riens fait. Si descendi à le requeste
dou conte de Montfort liement et legierement, et
prist le hommage de la ditte ducé de Bretagne, par 25
la main dou conte de Montfort, qui se tenoit et appelloit
dus de Bretagne. Et là li eut li rois englès en
couvent, present les barons et les chevaliers qui
d'Engleterre estoient et qu'il avoit là amenés de Bretagne,
qu'il l'aideroit et deffenderoit et garderoit 30
comme son homme contre tous hommes, fust rois de
France ou aultres, selonch son loyal pooir. De ces parolles
et de ces hommages furent escriptes et (leues[364])
lettres et seelées, dont cescune des parties eut les
copies. Avoec tout ce, li rois et ma dame la royne
donnèrent au conte de Montfort et à ses gens grans
dons et biaus jeuiaus, car bien le savoient faire; et 5
tant qu'il en furent tout content et qu'il disent que
c'estoit uns nobles rois et vaillans et une noble
royne, et qu'il estoient bien tailliet de regner encores
en grant prosperité.
[364] Ms B4, fo 70.--Ms. B1, fo 105: «levées.»
Apriès toutes ces coses faites et acomplies, li contes 10
de Montfort prist congiet et se parti d'yaus, et
passa Engleterre. Et rentra en mer à ce meisme port
où il estoit arivés, et naga tant qu'il arriva à Gredo
en le Basse Bretagne. Et puis s'en vint en le cité de
Nantes, où il trouva la contesse sa femme, à qui il 15
recorda comment il avoit esploitiet. De ce fu elle
toute joians, et li dist qu'il avoit très bien ouvré et
par bon conseil. Si me tairai un petit d'yaus et
parlerai de monsigneur Charlon de Blois, qui devoit
avoir la ducée de Bretagne de par sa femme, ensi 20
que vous avés oy determiner par devant.
§ 145. Quant messires Charles de Blois, qui tenoit
à avoir à femme le droit hoir de Bretagne, entendi
que li contes de Montfort conqueroit ensi par force
le pays et les forterèces, qui estre devoient siennes 25
par droit, il s'en vint à Paris complaindre au roy
Phelippe son oncle. Li rois Phelippes ot conseil à
ses douze pers quel cose il en feroit. Si douze per li
consillièrent qu'il apertenoit bien que li dis coens
de Montfort fust mandés et ajournés par souffissans
messages à estre à un certain jour à Paris, pour oïr
ce qu'il en vorroit respondre. Ensi fu fait. Li dis
contes fu mandés et ajournés souffissamment; et fu
trouvés en le cité de Nantes, grant feste demenant. Il 5
fist grant chière et grant feste as messages, mais il
eut pluiseurs diverses pensées ançois qu'il otriast le
voie de l'aler au mandement dou roy à Paris. Toutes
voies au darrain, il leur respondi qu'il voloit estre
obeyssans au roy et qu'il iroit volentiers à son mandement. 10
Si s'ordonna et apparilla moult richement
et grandement, et se departi de Nantes en grant arroi
et bien acompagniés de chevaliers et d'escuiers, et
fist tant par ses journées qu'il entra en Paris à plus
de trois cens chevaus, et se trest as hostelz moult ordeneement,15
et fu là tout le jour et le nuit ossi.
A l'endemain, à heure de tierce, il monta à cheval,
et chevalier et escuier grant fuison avoecques lui, et
chevauça vers le palais et fist tant qu'il y vint. Là
l'attendoit li rois Phelippes, et tout li douze per et 20
grant plenté des barons de France avoecques monsigneur
Charlon de Blois. Quant li contes de Montfort
sceut quel part il trouveroit le roy et les barons,
il s'est trais viers yaus en une cambre où il estoient
tout assamblé. Si fu moult durement regardés et salués 25
de tous les barons, puis s'en vint encliner le
roy moult humlement et li dist: «Sire, je sui chi
venus à vostre mandement et à vostre plaisir.» Li
rois li respondi et li dist: «Contes de Montfort, de
ce vous sai je bon gré. Mais je m'esmerveille durement 30
pour quoi ne comment vous avés osé entreprendre,
de vostre volenté, le duchée de Bretagne où
vous n'avés nul droit, car il y a plus proisme de
vous, cui vous volés deshireter. Et pour vous mieus
efforcier, vous estes alés à mon adversaire le roy
d'Engleterre, et le avés de lui relevet et à lui fait
feaulté et hommage, ensi que on le m'a compté.» Li 5
contes respondi et dist: «Ha! sire, ne le creés pas,
car vraiement vous estes de chou mal infourmés, je
le feroie moult à envis. Mais de la proismeté dont
vous me parlés m'est avis, sire, sauve vostre grasce,
que vous en mesprendés, car je ne sçai nul si proçain 10
del duch de Bretagne, mon frère daarrainnement
mort, que moy. Et se jugiet et declaret estoit
par droit que aultres y fust plus proismes de moy,
je ne seroie point honteus ne rebelles del deporter.»
Quant li roys entendi chou, il respondi et dist: 15
«Sire coens, vous en dites assés, mès je vous commande,
sur quanques vous tenés de moy et que
tenir en devés, que vous ne vous partés de le cité
de Paris jusques à quinze jours que li baron et li per
jugeront de celle proismeté. Si sarés adonc quel 20
droit vous y avés; et se vous le faites autrement, saciés
que vous me couroucerés.» Li coens respondi
et dist: «Sire, à vostre volenté.»
Si se parti atant dou roy et vint à son hostel:
venus, il entra en sa cambre et se commença à aviser 25
et penser que, s'il attendoit le jugement des barons
et des pers de France, que li jugemens poroit
bien tourner contre lui, car bien li sambloit que
li rois feroit plus volentiers partie pour monsigneur
Charlon de Blois son neveu que pour lui. 30
Et veoit bien que, se il avoit jugement contre
lui, que li rois le feroit arrester jusques à tant
qu'il aroit tout rendu, cités, villes et chastiaus
dont il tenoit ores le saisine et le possession, et
avoech chou tout le grant tresor qu'il avoit trouvet
et despendut. Se li fu avis pour le mains
mauvais qu'il li valoit mieulz qu'il courouchast le 5
roy et s'en ralast paisievlement par devers Bretagne,
que il demorast en Paris en ce dangier et en si perilleuse
aventure. Ensi qu'il pensa, ensi fut fait. Si
monta si paisievlement et si couvertement, et se parti
à si peu de compagnie qu'il fu ançois en Bretagne 10
revenus que li rois ne aultres, fors cil de son conseil,
sceuissent riens de son departement; ains pensoit
cescuns qu'il fust dehetiés à son hostel. Quant il fu
revenus dalés le contesse sa femme qui estoit à
Nantes, il li compta toute sen aventure, puis ala par 15
le conseil de sa femme, qui avoit bien coer d'omme
et de lyon, par toutes les cités, les chastiaus et les
bonnes villes qui estoient à lui rendues, et establi
par tout bons capitainnes et si grant plenté de saudoiiers
à piet et à cheval qu'il y couvenoit, et grans 20
pourveances de vivres à l'avenant. Et paia si bien
tous saudoiiers à piet et à cheval que cescuns le servoit
volentiers. Quant il eut (tout) ordonné ensi qu'il
appertenoit, il s'en revint à Nantes dalés ma dame sa
femme et dalés les bourgois de le cité, qui durement 25
l'amoient par samblant, pour les grans courtoisies
qu'il leur faisoit. Or me tairai un petit de lui et retourneray
au roy de France et à son neveu monsigneur
Charlon de Blois.