fu durement courouciés, ossi fu messires Charles de
Blois, quant il sceurent que li contes de Montfort
leur fu ensi escapés et en estoit alés, ensi que vous
avés oy. Toutes voies, il attendirent jusques à le quinsainne
que li per et li dit baron de France devoient
rendre leur jugement de la ducé de Bretagne. Si le 5
jugièrent del tout à monsigneur Charlon de Blois et
en ostèrent le conte de Montfort, par deus raisons:
l'une, par tant que la dame, la femme monsigneur
Charlon de Blois, qui estoit fille dou frère germain le
duch qui mors estoit, de par le père dont la ducée 10
lor venoit, estoit plus proçaine que li contes de
Montfort, qui estoit d'un aultre père qui onques n'avoit
estet dus de Bretagne. L'autre raisons si estoit
que, s'il fust ensi que li contes de Montfort y ewist
aucun droit, si l'avoit il fourfait par deus raisons: 15
l'une, par tant qu'il l'avoit relevet d'aultre signeur
que dou roy de France, de cui on le devoit tenir en
fief; l'autre raison, pour tant qu'il avoit fourpasset
le commandement son signeur le roy et brisiet son
arrest et se prison, et s'en estoit partis sans congiet. 20
Quant cilz jugemens fu rendus par plainne sieute de
tous les barons, li rois en appella monsigneur Charlon
de Blois et li dist: «Biaus niés, vous avés jugement
pour vous de bel hiretage et grant. Or vous
hastés et vous penés del reconquerre sour celi qui le 25
tient à tort, et priiés tous vos amis qu'il vous voellent
aidier à cest besoing, et je ne vous y faurrai mies; ains
vous presterai or et argent assés. Et dirai à mon fil
le duch de Normendie qu'il (se[365]) face chief avoecques
vous. Et vous pri et commande que vous vos hastés. 30
[365] Ms. B3, fo 72, vo.--Mss. B1, 4, fo 105 vo (lacune).
Car, se li rois englès nos adversaires, de cui li contes
de Montfort a relevet le ducée, venoit en Bretagne, il
nous poroit trop durement porter grant damage, et
ne poroit avoir plus belle entrée pour venir par deçà,
meismement quant il aroit le pays et les forterèces 5
de Bretagne de son acord.» Adonc messires Charles
de Blois enclina son oncle, en merciant durement
de ce qu'il li disoit et prommetoit. Si pria tantost là
endroit le duch de Normendie son cousin, le conte
d'Alençon son oncle, le duch de Bourgongne, le 10
conte de Blois son frère, le duch de Bourbon, messire
Loeis d'Espagne, monsigneur Jakeme de Bourbon,
le conte d'Eu connestable de France et le conte
de Ghines son fil, le visconte de Roem, et en apriès
tous les contes, les princes et les barons qui là estoient, 15
qui tout li eurent en couvent que il iroient
volentiers avoech lui et avoecques leur signeur le
duch de Normendie, cescuns à tout tant de gens et
de compagnie qu'il poroit avoir. Puis se departirent
tout li prince et li baron deçà et delà. Si envoiièrent 20
leurs messages par tout pour yaus appareillier et pour
faire pourveances, ensi qu'il leur besongnoit pour
aler en si lontain voiage et si diverses marces et
pays. Et bien pensoient qu'il ne poroient avenir à
lor entente sans avoir grant contraire. 25
§ 147. Quant tout cil signeur, li dus de Normendie,
li contes d'Alençon, li dus de Bourgongne, li
dus de Bourbon et li aultre signeur, baron et chevalier
qui devoient aler avoech monsigneur Charlon
de Blois, pour lui aidier à reconquerre la ducée de 30
Bretagne, ensi que vous avés oy, furent prest et leurs
gens apparilliet, il se partirent de Paris li aucun, et
li aultre de leur lieu. Si en alèrent li uns après les
aultres, et se assamblèrent en le cité de Angiers;
puis s'en alèrent jusques à Ancheni, qui est li fins del
royaume à cestui costé delà, et sejournèrent là endroit 5
trois jours, pour mieus ordonner leur conroy et
leur charoi. Quant il eurent chou fait, il issirent hors
pour entrer ens ou pays de Bretagne. Quant il furent
as camps, il considerèrent leur pooir et estimèrent
leur host à cinq mille armeures de fer, sans les Geneuois 10
qui estoient là trois mille, si com jou ay oy
depuis recorder. Et les conduisoient doi chevalier
de (Gennes[366]): si avoit nom li uns messires Othes
Doriie, et li aultres messires Charles Grimaus. Et si
y avoit grant plenté (de bidaus[367] et) d'arbalestriers 15
que conduisoit messires li Galois de le Baume.
[366] Mss. B 1, 3, 4, fo 107: «Genueves.»
[367] Mss. B 4, 3, fo 71.--Ms. B 1 (lacune).
Quant toutes ces gens furent issu de Ancheni, il se
traisent par devant un très fort chastiel seant hault
sus une montagne par dessus une rivière: si l'appelle
on Chastouseal, et est li clés et li entrée de Bretagne. 20
Et estoit bien garnis et bien furnis de gens d'armes où
que il y avoit deus moult vaillans chevaliers, qui en estoient
chapitain, dont li uns avoit nom messire Milles
et li aultres messire Walerans, et estoient de Loeraingne.
Quant li dus de Normendie et li aultre signeur 25
que vous avés oy nommer veirent le chastiel si fort,
il eurent conseil qu'il les assegeroient. Car, s'il passoient
avant et laissoient une tèle garnison derrière
yaus, ce leur poroit tourner à grant damage et à anoy.
Si le assegièrent tout au tour et y fisent pluiseurs
assaus, meismement li Geneuois qui s'abandonnoient
durement et follement, pour yaus mieus moustrer à
cest commencement, si qu'il y perdirent de leurs
compagnons par pluiseurs fois, car cil dou chastiel 5
se deffendirent durement et sagement: si ques li signeur
demorèrent grant pièce devant, ançois qu'il le
peuissent (avoir[368]). Mais au daarrain il fisent si grant
attrait de mairiens et de velourdes, et les fisent mener
par force de gens jusques as fossés dou chastiel, 10
et puis fisent assallir très fortement: si ques, tout en
assallant, il fisent emplir ces fossés de ces mairiens
et velourdes, tant que qui estoit couvers il pooit bien
aler jusques as murs, combien que cil dou chastiel
se deffendesissent si bien et si vassaument que on ne 15
poroit mieus deviser, tant que de traire, de getter
pières, cauch et feu ardant à grant fuison. Et cil de
dehors avoient fait chas et instrumens, par quoi on
pikoit les murs, tous couvers. Que vous feroi je lonch
compte? Cil del chastiel veirent bien qu'il ne se poroient 20
longuement tenir, puis que on pertruisoit les
murs. Et si savoient bien qu'il n'aroient point de secours
ne point de merci, se il estoient pris par force.
Si eurent conseil entre yaus qu'il se renderoient,
sauves leurs vies et leurs membres, si qu'il fisent. Et 25
les prisent li signeur à merci. Ensi fu gaagniés par
ces signeurs de France cilz premiers chastiaus que on
claime Chastouseaulz, dont il orent moult grant joie,
car il lor sambla que ce fust bons commencemens
de leur emprise. 30
[368] Mss. B 4, 3, fo 71.--Ms. B 1, fo 107 vo (lacune).
§ 148. Quant li dus de Normendie et li aultre signeur
eurent conquis Chastouseaulz, si com vous
avés oy, li dus de Normendie, qui estoit souverains
de tous, le livra tantost à monsigneur Charlon de
Blois comme sien, et il mist dedens bon chastelain 5
et grant fuison de gens d'armes, pour garder l'entrée
dou pays, et pour conduire chiaus qui venroient
apriès yaus. Puis se deslogièrent li signeur et se traisent
par devers Nantes, là où il tenoient que li contes
de Montfort leurs ennemis estoit. Si lor avint que li 10
mareschal de l'host et li coureur trouvèrent entre
voies une bonne ville et grosse, bien fremée de fossés
et de palis; si l'assallirent fortement. Ichil dedens
estoient peu de gens et petitement armé; si ne se
peurent deffendre contre les assallans, meismement 15
contre les arbalestriers des Geneuois. Si fu la ville
tantost gaagnie, toute robée, et bien li moitiés arse,
et toutes gens mis à l'espée, dont ce fu pités. Et appelle
on le ville Quarquefoure, et siet à quatre liewes
ou à cinq priès de Nantes. Li signeur logièrent celle 20
nuit là entour.
L'endemain, il se deslogièrent et se traisent par
devers le cité de Nantes; si le assegièrent tout au tour.
Et fisent tendre tentes et pavillons si bellement et si
ordonneement que vous savés que François scèvent 25
bien faire. Et cil qui estoient dedens le cité pour le
garder, dont il y avoit grant fuison de gens d'armes
avoecques les bourgois, se alèrent tout armer et se
maintinrent celui jour moult bellement, cescuns à sa
deffense, ensi qu'il estoit ordonnés. Celui jour entendirent 30
cil de l'host à yaus logier et aler fourer. Et aucun
bidau et Geneuois alèrent priès des bailles pour
escarmucier et paleter. Et aucun des saudoiers et des
jones bourgois issirent hors encontre yaus: si qu'il
y ot trait et lanciet, et des mors et des navrés d'un
costet et d'autre, si com il a souvent en si faites besongnes.
Ensi y eut là des escarmuces par deus ou 5
par trois fois, tant que li hos demora là.
Au pardarrain, il y avint une aventure assés sauvage,
ensi que jou oy recorder ceulz qui y furent.
Car aucun des saudoiiers de le cité et des bourgois
issirent hors une matinée à l'aventure, et trouvèrent 10
jusques à quinze chars chargiés de vivres et de
pourveances qui en aloient vers l'ost, et gens qui
les conduisoient jusques à soissante, et cil de le
cité estoient bien deus cens. Si les coururent sus et
les desconfirent, et en tuèrent les aucuns, et fisent les 15
chars chariier par devers le cité. Li cris et li hus en
vint jusques en l'ost. Si s'ala cescuns armer au plus
tost qu'il peut, et courut cescuns apriès les chars
pour rescourre le proie; et les raconsievirent assés
priès des bailles de le cité. Là monteplia très durement 20
li hustins, car cil de l'host y vinrent à si grant
fuison que li saudoiier en orent trop grant fais. Toutes
voies, il fisent desteler les chevaus et les cachièrent
dedens le porte, à fin que, s'il avenoit que cil
de l'host obtenissent le place, que il ne peuissent 25
remener les chars ne les pourveances si legierement.
Quant li aultre saudoiier de le cité veirent le hustin,
et que leur compagnon avoient trop grant fais, aucun
issirent hors pour yaus aidier. Ossi fisent des aultres
bourgois, pour aidier leurs parens. Ensi monteplia 30
très durement li hustins, et y eut tout plain de mors
et de navrés d'un costet et d'aultre, et grant fuison
de bien deffendans et d'assallans. Et dura cils hustins
moult longement, car toutdis croissoit li force de
chiaus de l'host. Et sourvenoient toutdis nouvelles
gens reposés.
Tant avint que, au pardarrain, messires Hervis de 5
Lyon, qui estoit li uns des mestres consillières le
conte de Montfort et ossi de toute le cité, et qui
moult bien s'estoit maintenus et moult vassaument
à ce hustin, et moult avoit reconforté ses gens, quant
il vei qu'il estoit poins de retraire et qu'il pooient 10
plus perdre au demorer que gaegnier, il fist ses gens
retraire au mieulz qu'il peut, et les deffendoit en retraiant
et garandissoit au mieulz qu'il pooit. Si leur
avint qu'il furent si priès sievi au retraire qu'il y eut
grant fuison de mors, et pris bien deus cens et plus 15
des bourgois de le cité, dont leur père, leur frère et
leur ami furent durement dolent et courouciet. Ossi
fu li contes de Montfort qui en blasma durement
monsigneur Hervi de Lyon, par courouch de chou
qu'il les avoit si tost fait retraire. Et li sambloit que 20
par le retraite ses gens estoient perdu. De quoi messires
Hervis fu durement merancolieus. Et ne volt
onques, puissedi, venir au conseil le conte, se petit
non. Si s'en esmervilloient durement les gens pour
quoi il le faisoit. 25
§ 149. Or avint, ensi que jou ay oy recorder, que
aucun des bourgois de le cité, qui veoient leurs biens
destruire dedens le cité et dehors, et avoient leurs
amis et leurs hoirs et enfans en prison et doubtoient
encores pis à venir, se avisèrent et parlèrent ensamble 30
tant qu'il eurent entre yaus acord de trettier à
ces signeurs de France couvertement, par quoi il
peuissent venir à pais et ravoir leurs enfans et amis
quittes qui estoient en prison. Si trettièrent tant paisievlement
et couvertement que acordé fu que il raroient
les prisons tous quittes; et il devoient livrer 5
l'une des portes ouvertes pour les signeurs entrer en
le cité et pour aler prendre le conte de Montfort
dedens le chastiel, sans riens fourfaire ailleurs en le
cité, ne à corps, ne à biens. Ensi que acordé (et
traictié[369] fu) fu fait. Et entrèrent li signeur et ceulz 10
qu'il veurent avoir avoech yaus, en une matinée, en
le cité de Nantes, par l'acord des bourgois, et alèrent
droit au chastiel ou au palais. Si brisièrent les huis
et prisent le conte de Montfort et l'en menèrent hors
de le cité, à leurs tentes, si paisievlement qu'il ne 15
fourfisent riens ne as corps ne as biens de le cité. Et
vorrent bien aucunes gens dire que ce fu fait assés de
l'accord et pourcach ou consentement monsigneur
Hervi de Lyon, pour tant que li coens l'avoit rampronnet,
si com vous avés oy. Or ne sçai je pas, quoi 20
qu'il en fust d'aucunes gens soupeçonnés, se ce fu
voirs ou non, car bien ap(pa)rut en ce que, apriès
che fait, il fu toutdis de l'accord et conseil del dit
monsigneur Charle. Ensi que vous avés oy, et que
jou ay oy recorder, fu pris li contes de Montfort en 25
le cité de Nantes, l'an de grasce mil trois cens et quarante
un, entour le feste de le Toussains.
[369] Mss. B 4, 3, fo 72.--Ms. B 1, fo 109 (lacune).
Tantost apriès chou que li contes de Montfort fu
pris et menés as tentes, li signeur de France entrèrent
en le cité, tout desarmet, à moult grant feste. 30
Et fisent li bourgois et tout cil del pays au tour
feaulté et hommage à monsigneur Charle de Blois,
comme à leur droit signeur. Si demorèrent li signeur
en le cité par l'espasse de trois jours, à grant feste,
pour yaus aaisier et pour avoir conseil entre yaus 5
qu'il poroient faire de donc en avant. Si se acordèrent
à çou, pour le milleur, qu'il s'en retourneroient
par devers France et par devers le roy et li liveroient
le conte de Montfort pour prison, car il avoient
moult grandement bien esploitiet, ce lor sambloit, 10
et par tant ossi qu'il ne pooient bonnement plus
avant hostoiier ne guerriier, pour l'ivier temps qui
entrés estoit, fors par garnisons et forterèces, ce leur
sambloit. Si consillièrent à monsigneur Charle de
Blois qu'il se tenist en le cité de Nantes et là entour 15
jusques au nouviel temps d'esté, et fesist ce qu'il
peuist par ses saudoiiers et par ses forterèces qu'il
avoit reconquises. Puis se partirent tout li signeur
sour ce pourpos, et fisent tant par leurs journées
qu'il revinrent à Paris là où li rois estoit; se li livrèrent 20
le conte de Montfort pour son prison. Li rois le
rechut à grant joie, et le fist emprisonner en le tour
dou Louvre dalés Paris, là où il demora longement.
Au pardarrain, y morut il, ensi que jou ay oy recorder,
et qu'il fu verités. 25
§ 150. Or voel jou retourner à le contesse de
Montfort, qui bien avoit corage d'omme et coer de
lyon. Elle estoit en le cité de Rennes, quant elle entendi
que ses sires estoit pris, en le manière que vous
avés oy. Se elle en fu dolente et couroucie, ce puet 30
cescuns et doit penser et savoir, car elle pensa mieus
que on deuist mettre son signeur à mort qu'en prison.
Et comment que elle ewist grant doel au coer,
si ne fist elle mies comme femme desconfortée,
mès comme (homs[370]) fiers et hardis, en reconfortant
vaillamment tous ses amis et ses saudoiiers. Et leur 5
moustroit un petit fil que elle avoit, que on appelloit
Jehan ensi que le père, et disoit: «Ha! signeur,
ne vous desconfortés mies ne esbahissiés pour monsigneur
que nous avons perdu: ce n'estoit que uns
seulz homs. Veés ci mon petit enfant qui sera, s'il 10
plaist à Dieu, ses restoriers, et qui vous fera des
biens assés. Et vous pourcacerai tèle chapitainne et
tel mainbour par cui vous serés tous reconfortés.»
[370] Mss. B 4, 3, fo 72 vo.--Ms. B 1, fo 109 vo (lacune).
Quant la dessus ditte dame et contesse eut ensi
reconforté ses amis et ses saudoiiers qui estoient à 15
Rennes, elle ala par toutes ses bonnes villes et ses
forterèces, et menoit son jone fil avoecques lui; et les
sermonnoit et reconfortoit en tèle manière que elle
avoit fait chiaus de Rennes, et renforçoit les garnisons
de gens et de quanques fallir leur pooit. Et 20
paia largement par tout, et donna assés d'abondance
là où elle pensoit que bien emploiiet estoit. Puis
s'en vint en Hembon sus la mer, qui est forte ville
et grosse et fors chastiaus. Là se tint elle et son fil
avoecques lui, tout cel ivier. Souvent envoioit viseter 25
ses garnisons et reconfortoit ses gens, et paioit moult
largement leurs gages. Si me tairai atant de ceste
matère et retournerai au roy Edouwart d'Engleterre,
et conterai quelz coses li avinrent apriès le departement
dou siège de Tournay. 30
§ 151. Vous avés bien chi dessus oy recorder
comment, le siège durant devant Tournay, li signeur
d'Escoce avoient repris pluiseurs villes et forterèces
sus les Englès qu'il tenoient ou royaume d'Escoce,
et par especial Haindebourch, qui plus les avoit 5
heriiés et cuvriiés que nulz des aultres, par l'avis et
le soutilleté de monsigneur Guillaume de Douglas.
Et encores estoient Struvelin, qui sciet à vint liewes
d'Aindebourch, la cités de Bervich et Rosebourc,
englès; et plus n'en y avoit demoret que tout ne 10
fuissent reconquis. Et seoient li dit Escot à siège fait,
et aucun signeur de France avoech yaus, que li rois
Phelippes y avoit envoiiet pour parfaire leur guerre,
devant le chastiel de Struvelin. Et l'avoient telement
astraint et constraint et travilliet que li Englès, qui 15
dedens (estoient[371]) et qui le gardoient, ne le pooient
longuement tenir.
[371] Mss. B 4, 3, fo 73.--Ms. B 1, fo 110 (lacune).
Dont il avint que, quant li Englès se furent parti
de Tournay et retourné en leur pays, li rois Edowars
leur sires fu enfourmés des Escos comment il avoient 20
chevauciet et reconquis les villes et les chastiaus
d'Escoce, qui de jadis li avoient tant cousté au prendre,
et seoient encores li dit Escot devant Struvelin. Si
eut li rois englès conseil et (volenté[372] de) chevaucier vers
Escoce, si com il fist, et se mist au chemin entre le 25
Saint Mikiel et le Toussains; et fist un très grant mandement
et très fort que toutes gens d'armes et arciers
le sievissent et venissent à lui vers Evruich, car là
s'en aloit il et y faisoit sen assemblée. Dont s'esmurent
toutes manières de gens parmi Engleterre, et s'en vinrent
celle part là où il estoient semons et mandé. Et
meismement li rois tout devant s'en vint à Evruich et
là s'arresta, en sourattendant ses gens qui venoient à
grant effort li uns apriès l'autre. Li signeur d'Escoce, 5
qui furent enfourmé de le venue dou roy englès qui
venoit sus yaus, et qui le dit chastiel de Struvelin
avoient assegiet, se hastèrent telement et si constraindirent
chiaus de le ditte garnison, par assaus
d'engiens et de kanons, que par force il les couvint 10
rendre as Escos. Et leur delivrèrent le forterèce par
tel manière qu'il s'en partoient, salve leurs corps et
leurs membres, mais riens dou leur n'en portoient.
Ensi recouvrèrent li dit Escot le chastiel de Struvelin.
15
[372] Mss. B4, 3, fo 73.--Ms. B1 (lacune).
Ces nouvelles vinrent au roy englès qui encores
se tenoit en Evruich: se ne li furent mies trop plaisans.
Et se parti de le ditte cité et se trest par devers
Duremme et passa oultre, et puis vint au Noef
Chastiel sur Thin. Et se logièrent ses gens en le ditte 20
ville ou ens ès villages d'environ. Et là sejournèrent
plus d'un mois, en attendant leurs pourveances
que on avoit mis sus mer et qui leur devoient venir,
mais petit leur en vinrent. Car leurs vassiaus eurent
si grant fortune sus mer, entre le Toussains et le 25
Saint Andrieu, que pluiseurs de leurs nefs furent peries;
et s'en alèrent arriver par vent contraire, volsissent
ou non, en Hollandes et en Frise. Dont li Englès,
qui se tenoient au Noef Chastiel et là entour,
eurent moult de disètes et de chier temps. Et ne 30
pooient aler avant, car se il fuissent passet, il ne
sceuissent où fourer ne recouvrer de vivres, car li
yviers estoit entrés, et si avoient li Escoçois tous
leurs biens, bleds et avainnes, mis et bouté en leurs
forterèces. Et si avoit li rois englès grant gent avoecques
lui, bien six mille hommes à chevaus et quarante
mille hommes de piet; si leur falloit fuison 5
de pourveances.
Li signeur d'Escoce, qui s'estoient retrait devers
le forest de Gedours apriès le prise de Struvelin,
entendirent bien que li rois d'Engleterre sejournoit
au Noef Chastiel sur Thin à grant gent, encoragiés 10
durement d'ardoir et exillier leur pays,
ensi qu'il avoit fait aultre fois. Si eurent conseil
entre yaus et avis, par grant deliberation, quel cose
il poroient faire et comment il s'en maintenroient,
car il estoient peu de gens, et avoient longement 15
guerriiet par l'espasse de sept ans et plus sans signeur,
et jut as camps et ès foriès à grant mesaise.
Et encores n'avoient il point (le[373]) roy leur
signeur; si en estoient tout anoieus et naisis. Si
se acordèrent à ce que il envoieroient devers le 20
roy englès un evesque et un abbé, pour requerre
aucune triewe. Li quel message se partirent des
Escos, et chevaucièrent tant qu'il vinrent en le ville
dou Noef Chastiel sur Thin, et trouvèrent là le roy
englès et grant fuison de baronnie dalés lui. Cil 25
doi prelat d'Escoce, qui là avoient esté envoiiet sus
saufconduit, se traisent devers le roy englès et son
conseil et remoustrèrent leur besongne si bellement
et si sagement que une triewe fu acordée à durer
quatre mois tant seulement, par tèle condition que 30
cil d'Escoce devoient envoiier en France après le roy
David messages souffissans; et li segnefieroient que,
s'il ne venoit dedens le jour de may ensiewant si
poissamment que pour resister as Englès et deffendre
son pays, il se renderoient au roy englès, ne jamais 5
ne le tenroient à signeur. Ensi furent les triewes
acordées et affremées, et retournèrent li message deviers
leurs gens en Escoce, et recordèrent comment
il avoient exploitié. Che pleut moult bien as Escos; et
ordonnèrent tantost gens pour envoiier en France, 10
monsigneur Robert de Versi et monsigneur Symon
Fresiel et deus aultres chevaliers, qui s'en devoient
aler en France par devers le roy leur signeur et
conter ces nouvelles. Et li dis rois englès, qui au
Noef Chastiel sejournoit à grant mesaise et ossi toutes 15
ses gens par deffaute de pourveances et de vivres,
et pour ce s'estoit il plus priès pris d'acorder à le
triewe, se parti de là et s'en revint arrière en Engleterre
et donna toutes ses gens congiet; si s'en rala
cescuns en son lieu. 20
[373] Mss. B4, 3, fo 73 vo.--Ms. B1, fo 110 vo: «dou.»
Or avint ensi que, quant ces triewes furent acordées
et li message d'Escoce qui furent envoiiet en
France apriès le roy David, il passèrent à Douvres
le mer. Et li rois David, qui par le terme de sept
ans et plus avoit demoret en France et savoit que 25
ses pays estoit si foulés et si gastés que vous avés
oy et savoit ses gens en grant meschief pour les
Englès, eut conseil qu'il prenderoit congiet au roy
Phelippe de France et s'en revenroit en son royaume,
pour ses gens viseter et reconforter. Si le fist et se 30
mist à voie entre lui et ma dame sa femme, anchois
que li message d'Escoce, qui à lui avoient estet envoiiet,
parvenissent à lui. Et s'estoit mis en mer à
un aultre port, en le gouvrenance d'un maronnier
que on clamoit monsigneur Richart le Flamench, si
qu'il ariva au port de Morois en Escoce, ançois que
cil signeur d'Escoce qui remandé l'avoient le sceuissent. 5
Et quant il le sceurent, il en eurent grant joie.
Si s'esmurent tuit et vinrent à grant solennité et à
grant feste là où il estoit. Et le amenèrent très noblement
et solennelment à un(e) cité que on claime
Saint Jehan (en[374]) Escoce, où on prent le bon saumon 10
et grant fuison.
[374] Mss. B4, 3, fo 73 vo.--Ms. B1, fo 111 (lacune).