d'un grant avis, dont messires Renaulz de Sconnevort
usa à l'assambler, et c'on doit bien tenir et recommender 10
à sage fait d'armes. Ilz qui estoit adonc
en le fleur de se jonèce, fors chevaliers et rades durement,
bien armés et bien montés pour le journée,
s'en vint assambler à le banière le signeur de Montmorensi
qu'il recogneut assés bien; et s'avisa qu'il 15
s'en venroit esprouver à celui qui estoit li plus proçains
de le banière, car il pensoit bien que c'estoit
li sires. Ensi qu'il jetta son avis il le fist, et feri son
coursier des esporons, et passa par force le route, et
s'en vint au signeur de Montmorensi, qui estoit desous 20
sa banière, bien montés sus bon coursier; et le
trouva en bon couvenant, l'espée ou poing, et combatant
à tous lés, car il estoit ossi fors chevaliers et
grans durement. Et li vint li sires de Sconnevort sus
destre, et bouta son brach senestre ou fraîn de son 25
coursier, et puis feri le sien des esporons, en lui tirant
hors de le bataille, comme vistes et fors chevaliers.
Li sires de Montmorensi, qui bien se donna à
garde de ce tour, se prist à deffendre vassaument, comme
fors et hardis chevaliers, pour lui delivrer de ce 30
peril et des mains le signeur de Sconnevort; et feroit
à main tas de sen espée sus le bacinet et sus le dos
le signeur de Sconnevort. Mais li sires de Sconnevort,
qui bien estoit (armés[352]) et montés, brisoit à le
fois les cops, à le fois et le(s) recevoit moult vassaument;
et tant fist par son effort, vosist ou non li sires
de Montmorensi, que il le creanta à prisonnier, 5
et demora ses prisons.
[352] Mss. B3, 4, fo 64 vo.--Ms. B1, fo 96 vo (lacune).
Et li aultre se combatoient de toutes pars. Et là
furent bon chevalier messires Ernoulz de Randerodène,
messires de Keukeren, messires Thielemans
de Sansi, messires Bastiiens de Barsies et Caudreliers 10
ses frères, messires Robers de Glennes, et prist un
homme d'armes en bon couvenant, qui s'armoit de
geules à trois fauls d'or. Et fisent adonc tant li Alemant
et leur route que il obtinrent le place, et prisent
bien quatre vingt prisonniers, tous gentilz 15
hommes, desous le banière monsigneur Charle de
Montmorensi; et rapassèrent le pont sans damage, et
vinrent en l'ost devant Tournay; et rala cescuns devers
se partie; et se desarmèrent et puis alèrent veoir
les signeurs, dont il furent bien conjoy, le conte de 20
Haynau et monsigneur son oncle.
§ 133. De le prise monsigneur Charle de Montmorensi
furent li François moult courouciet, mès amender
ne le peurent. Tant comme adonc, ceste cose
passa, li sièges se tint; li prisonnier se ranchonnèrent 25
et se delivrèrent au plus tost qu'il peurent. Or
vous conterons de une aventure qu'il avint as Flamens
que messires Robers d'Artois et messires Henris
de Flandres gouvrenoient, dont il en y avoit plus
de soixante mille de le ville d'Ippre, de Popringhe, 30
de Messines, de Cassiel et de le chastelerie de Berghes.
Et se tenoient tout cil Flamench, dont li dessus
dit estoient chief, ou val de Cassiel, logiés as tentes
et as trés, et à grant arroi, pour contrester contre les
garnisons françoises que li rois Phelippes avoit envoiies 5
à Saint Omer, à Aire, à Saint Venant, et ens
ès villes et forterèces voisines. Et se tenoient dedens
Saint Omer, de par le roy de France, li contes, daufins
d'Auvergne, li sires de Merquel, li sires de Calençon,
li sires de Montagut, li sires de Rocefort, li 10
viscontes de Touwars, et pluiseur aultre chevalier
d'Auvergne et de Limozin. Et dedens Aire et dedens
Saint Venant en y avoit ossi grant fuison. Et issoient
souvent hors et venoient escarmucier as Flamens; si
gaegnoient à le fois, et à le fois y perdoient. 15
Or avint un jour à ces Flamens que il s'en vinrent
environ troi mille, tout legier et able compagnon, et
s'avalèrent et issirent hors de leurs logeis pour venir
hustiner devant Saint Omer, et se boutèrent ens ès
fourbours et brisièrent pluiseurs maisons, et entendirent 20
telement au pillage qu'il desrobèrent tout ce
qu'il trouvèrent. La noise et li effrois monta en le
ville de Saint Omer. Dont s'armèrent moult vistement
li signeur qui laiens estoient. Et ossi fisent
toutes leurs gens, et se partirent par une aultre porte 25
que par celle devant qui li Flamench estoient. Et
pooient estre entours six banières et deux cens bacinès,
et environ cinq cens bidaus tout à piet. Et chevaucièrent
tout au tour de le ville de Saint Omer,
ensi qu'il avoient guides qui bien les savoient mener. 30
Et vinrent tout à temps à ces Flamens qui s'ensonnioient
de pillier et de rober tout ce qu'il trouvèrent
en le ville de Arkes, qui est assés priès de le ville de
Saint Omer; et estoient laiens espars sans chapitainne
et sans arroi. E vous les François soudainnement
venus sus yaus, lances abaissies, banières desploiies,
et en bon couvenant de bataille, et en criant: 5
«Clermont au dauffin d'Auvergne!» Lors entrèrent
en ces Flamens qui furent tout esbahi, quant si priès
d'yaus il les veirent, et ne tinrent ordenance ne conroy
nul; mais fuirent cescuns qui mieus mieus, et
jettèrent tout jus ce que pilliet et cargiet avoient, et 10
prisent les camps; et François apriès yaus, tuant et
abatant par monciaus et par tropiaus. Et dura ceste
cace bien deux liewes. Et en y eut bien mors des
trois mille dix huit cens, et retenu quatre cens qui
furent amenet en Saint Omer en prison. 15
§ 134. Quant li demorant qui escaper peurent,
furent revenu devers leurs compagnons, si contèrent
leur aventure as uns et as aultres. Et vinrent les nouvelles
à leurs chapitainnes monsigneur Robert d'Artois
et monsigneur Henri de Flandres, qui petit les 20
en plaindirent, mais disent que c'estoit bien emploiiet,
car sans conseil et sans commandement il
y estoient alet.
Or avint celle meisme nuit à toute leur host generalment
une mervilleuse aventure; on n'oy onques, 25
je croy, à parler ne recorder de si sauvage. Car, environ
heure de mienuit que cil Flamench gisoient en
leurs tentes et dormoient, uns si grans effrois et telz
paours et hideurs les prist generalment en dormant,
que tout se levèrent en si grant haste et en tel 30
painne qu'il ne cuidièrent jamais à temps estre deslogiet;
et abatirent tantost tentes, trés et pavillons,
et toursèrent tout sus leurs chars, en si grant haste
que li uns n'attendoit point l'autre, et s'en fuioient
tout, sans voie tenir et sans conroy. Et fu ensi dit à
monsigneur Robert d'Artois et à monsigneur Henri 5
de Flandres, qui dormoient en leurs logeis: «Chier
signeur, levés vous sus bien tos et vous appareilliés, car
vos gens s'en fuient et nulz ne les cace; et ne scèvent
à dire quel cose leur fault, ne qui les muet à fuir.»
Adonc se levèrent li doi signeur en grant haste, et 10
fisent alumer feus et grant plenté de tortis, et montèrent
sus leurs chevaus, et s'en vinrent au devant
d'yaus, et leur disent: «Biau signeur, dittes nous
quel cose il vous fault, qui ensi fuiiés? N'estes vous
mies bien asseguret? Retournés, retournés, ou nom 15
de Dieu! Vous avés grant tort, quant ensi fuiiés, et
nulz ne vous cace.» Mès quoi que ensi fuissent
priiet ne requis d'arrester et de retourner, il n'en fisent
compte, mais toutdis fuirent; et prist çascuns le
chemin vers sa maison, au plus droit qu'il peut. Et 20
quant messires Robers d'Artois et messires Henris de
Flandres veirent qu'il n'en aroient aultre cose, si
fisent tourser tout leur harnois et mettre à voiture, et
s'en vinrent au siège devant Tournay, et recordèrent
as signeurs l'aventure des Flamens, dont on fu durement 25
esmervilliet. Et disent li pluiseur qu'il avoient
estet enfantosmet.
§ 135. Chilz sièges devant le cité de Tournay dura
assés longement, onze sepmainnes trois jours mains.
Si poés bien croire et savoir qu'il y eut fais pluiseurs 30
escarmuces et paletis, tant à assallir le cité, comme
des chevaucies des compagnons bacelereus l'un sus
l'autre. Mais dedens le cité de Tournay avoit très
bonne et sage chevalerie (envoiée en[353]) garnison de
par le roy de France, si com dessus est dit, qui telement
en songnièrent et en pensèrent que nulz damages 5
ne s'i prist.
[353] Ms. B3, fo 65 vo.--Ms. B1, fo 98 ro: «envoiiet».
Or n'est riens, si com on dist, qui ne prende fin.
On doit savoir que, ce siège pendant, ma dame
Jehane de Valois, serour au roy de France et mère
au conte Guillaume de Haynau, travilloit durement 10
de l'une host en l'autre, à fin que pais ou respis fust
entre ces parties, par quoi on se departesist sans bataille,
car la bonne dame veoit là de deux costés
toute le fleur et l'onneur de le chevalerie dou monde;
se veist trop à envis, pour les grans perilz qui en 15
pooient avenir, que nulle bataille fust adrecie entre
yaus. Et par pluiseurs fois la bonne dame en estoit
cheue as piés le roy de France son frère, et li priiet
que respis ou trettiés d'acort fust pris entre lui et
le roy englès. Et quant la ditte dame avoit travilliet 20
entre les signeurs de France, elle s'en revenoit
à chiaus de l'Empire, especialment au duch de Braibant,
au duc de Jullers, son fil, qui avoit sa fille, à
monsigneur Jehan de Haynau; et leur prioit que,
pour Dieu et par pité, il volsissent entendre à aucun 25
trettiet d'acort, et avoiier le roy d'Engleterre à çou
qu'il y volsist descendre.
Tant ala et tant procura la bonne dame entre ces
signeurs, avoech l'ayde et le conseil d'un gentil et sage
chevalier, qui estoit moult bien de toutes les parties, 30
messires Loeis d'Augimont, que une journée de traittement
fu acordée à l'endemain, là où çascune des
parties devoit envoiier quatre personnes souffissans,
pour trettier toutes bonnes voies pour acorder les dittes
parties, se il plaisoit à Dieu, et souffrance de trois 5
jours que li uns ne pooit ne devoit fourfaire sour
l'autre. Et si se devoient assambler cil trettieur à une
capelle, et la dessus ditte bonne dame avoecques.
De le partie dou roy de France, y fu envoiiés Charles
li roys de Behagne, Charles li contes d'Alençon, frères 10
au dit roy, li evesques de Liège, li contes de
Flandres et li contes d'Ermignach. De le partie le roy
d'Engleterre, y furent envoiiet li dus de Braibant, li
evesques de Lincolle, li dus de Guerles, li dus de
Julers et messires Jehans de Haynau. 15
Quant il furent tout venu à la ditte capelle, il se
saluèrent moult amiablement et festiièrent grandement,
et apriès il entrèrent en leur trettiement. Toute
celle première journée, cil trettieur trettièrent sour
pluiseurs voies d'acort. Et toutdis estoit la bonne 20
dame ma dame Jehane de Valois en mi yaus, qui
moult humlement et de grant coer leur prioit que
çascune partie se volsist priès prendre de l'acorder.
Toutes voies celle journée passa sans nul certain
acord; cescuns en rala en son lieu, sour couvent de 25
revenir. L'endemain, il revinrent tout à le capelle
en tel point, et commencièrent à trettier com en devant,
et cheirent sus aucunes voies assés acordables;
mès ce fu si tart que on ne les peut escrire de jour.
Si se parti li parlemens adonc, et creanta cescuns de 30
revenir là endroit à l'endemain, pour parfaire et
acorder le remanant. Au tierch jour, cil signeur revinrent
à plus grant conseil. Là fu acordée une
triewe à durer une anée entierement, et devoit entrer
tantost entre ces signeurs et ces gens qui là estoient
d'une part et d'autre; et entre chiaus qui guerrioient
en Escoce, en Gascogne, en Poito et en Saintonge, 5
elle ne devoit entrer jusques à quarante jours.
Dedens lesquelz quarante jours, cescune des parties
le devoit faire savoir as siens, sans mal engien: s'il
les voloient tenir, se les tenissent; et se tenir ne les
voloient, si guerriaissent li uns l'autre. Mais France, 10
Pikardie, Bourgongne, Bretagne et Normendie le
tenoient sans nulle exception. Et devoient li doi
roy dessus dit, cescuns pour lui et en bon couvenant,
envoiier quatre ou cinq nobles personnes,
et li papes deux cardinaulz en legation en le cité 15
d'Arras. Et ce que ces parties ordonneroient, li doi
roi le tenroient et confremeroient sans nul moiien.
Et fu encores celle triewe presente acordée sus tèle
condition que cescuns devoit tenir paisieuvlement ce
dont il estoit saisis. 20
Quant celle triewe fu acordée et saielée d'une part
et d'aultre, cescuns s'en retourna en son host. Si le
fisent tantost criier par tout l'ost d'une part et d'autre,
dont li Braibençon eurent grant joie, car il eurent
là logiet et esté un grant temps moult à envis. 25
Qui l'endemain, si tost que jours fu, peuist veoir
tentes abatre, chars chargier, gens fourhaster, emblaver
et toueillier, bien peuist dire: «Je voi un
nouvel siècle.»
§ 136. Ensi com vous avés oy, se departirent ces 30
deux grans hos, par le traveil et le pourcach de celle
bonne dame, qui Diex face pardon, qui y rendi grant
painne. Et demora la bonne cité de Tournay francement
et entière, qui avoit esté en très grant peril,
car toutes leurs pourveances falloient, et n'en avoient
mies pour trois jours ou pour quatre à vivre. Li 5
Braibençon se prisent au raler hasteement, car grant
desir en avoient. Li rois englès s'en departi moult à
envis, s'il peuist et à se volenté en fust; mais il li
couvenoit sievir partie de le volenté les aultres signeurs
et croire leur conseil. Li jones contes de Haynau 10
et messires Jehans de Haynau, ses oncles, se
fuissent ossi bien à envis acordés à celle departie,
s'il seuissent ossi bien le couvenant de chiaus qui
estoient dedens Tournay que li rois de France faisoit,
et se ne fust ce que li dus de Braibant leur 15
avoit dit en secret qu'il detenoit à grant mesaise ses
Braibençons, et comment que fust, il ne les pooit
tenir qu'il ne se deuissent partir le jour ou l'endemain,
se acors ne se faisoit.
Li rois de France et tous ses hos se departirent 20
assés liement, car il ne pooient bonnement plus demorer
là endroit, pour le puasine des biestes que on
tuoit si priès de leurs logeis, et pour le chaut qu'il
faisoit; et si pensoient en leur part à avoir l'onneur
de celle partie, si com il disoient, pour le raison de 25
ce que il avoient rescousse et gardée d'estre perdue le
bonne cité de Tournay, et avoient fait departir celle
grande assamblée qui assegiet l'avoit, et nient n'i
avoient fait, comment qu'il y euissent grans frais mis
et despendus. Li aultre signeur et cil de leur partie 30
pensoient ossi bien à avoir l'onneur de celle partie,
pour le raison de ce qu'il avoient si longement demoret
ens ou royaume et assegié une des bonnes cités
que li rois ewist, et ars et gasté son pays cescun
jour, lui saçant et voiant; et point ne l'avoit secouru
de temps ne d'eure, ensi qu'il deuist; et au daarrain
il avoit acordé une triewe, ses ennemis seans devant 5
se cité et ardant et gastant son pays.
Ensi en voloit cescune des parties avoir à soy et
attribuer l'onneur. Si en poés determiner entre vous,
qui oy les fais avés et qui les sentés, ce qu'il vous
en samble, car de moy je n'en pense à nullui donner 10
l'onneur plus l'un que l'autre, ne faire ent partie,
car je ne me cognois mie en si grans afaires
qu'en fais et en maniemens d'armes.
§ 137. Or se departirent cil signeur dou siège de
Tournay, et en rala cescuns en son lieu. Li rois englès 15
s'en revint à Gand dalés ma dame sa femme, et
assés tost apriès il rapassa le mer et toutes ses gens,
excepté chiaus qu'il laissa pour estre au parlement à
Arras. Li contes de Haynau s'en revint en son pays;
et eut adonc une moult noble feste à Mons en Haynau 20
et jouste de chevaliers, à la quèle messires Gerars
de Wercin, seneschaus de Haynau, fu et jousta;
et y fu telement bleciés qu'il en morut, dont ce fu
damages. Se demora de li uns biaus filz, qui fu appellés
Jehans, et puissedi bons chevaliers et hardis; 25
mais petit dura et regna en santé, dont ce fu damages.
Li rois de France donna à toutes ses gens congiet,
et puis s'en vint jewer et rafreschir en le ville
de Lille. Et là le vinrent veoir cil de Tournay, les
quelz li rois reçut liement et vei très volentiers, et 30
leur fist grasce, pour tant que si bellement et si vallamment
il s'estoient tenu et deffendu contre leurs
ennemis, et que riens on n'avoit pris ne conquesté
sus yaus. Le grasce qu'il leur fist elle fu tèle qu'il
leur rendi leur loy que perdu avoient de grant temps,
dont il furent moult joiant, car messires Godemars 5
don Fay et aultre pluiseur chevalier estragne, devant
lui, en avoient esté gouvreneur; si refisent entre
yaus prevos et jurés, selonch leurs usages anciiens.
Quant li rois eut ordonné à son plaisir une partie
de ses besongnes, il se departi de Lille et se mist au 10
chemin devers France, pour revenir à Paris.
Or vint li saisons que li parlement ordonnet et
insinuet en le cité d'Arras approcièrent. Si y envoia
li papes Clemens VIe en legation deux cardinaulz,
cesti de Naples et cesti de Clermont, qui de premiers 15
vinrent à Paris, où il furent moult honnouré dou
roy et des François; et puis s'avalèrent devers Artois
et jusques en le cité d'Arras. A ce parlement, de par
le roy de France, furent li contes d'Alençon, li dus
de Bourbon, li contes de Flandres et li contes de 20
Blois, et des prelas li archevesques de Sens, li evesques
de Biauvais et li evesques d'Auçoirre; de par le
roy d'Engleterre, li evesques de Lincolle, li evesques
de Duremmes, li contes de Warvich, messires Robers
d'Artois, messires Jehans de Haynau et messires 25
Henris de Flandres. Au quel parlement, il y eut pluiseurs
trettiés et langages mis avant, et parlementèrent
plus de quinze jours. Mais riens n'i fu acordé
ne afiné, car li Englès demandoient et li François
ne voloient riens donner, fors tant seulement rendre 30
le conté de Pontieu, qui fu donnée à le royne Ysabiel
en mariage avoech le roy d'Engleterre. Ceste
cose ne veurent point li Englès accepter. Si se departirent
cil signeur et cil parlement sans riens faire,
fors tant seulement que la triewe fu ralongie deux
ans; che fu tout ce que li cardinal y peurent impetrer.
Apriès ce, cescuns s'en rala en son lieu. Et revinrent 5
adonc li doi cardinal parmi Haynau, à le
priière dou conte, qui grandement le(s) festia en le
ville de Valenciènes.
Or nous deporterons nous à parler des deux rois,
tant que les triewes durront, qui furent assés bien 10
tenues, excepté les marces lontainnes; et enterons
en le grant matère et hystore de Bretagne, qui grandement
renlumine ce livre, pour les biaus fais d'armes
et grandes aventures qui y sont avenues, si com
vous porés ensiewant oïr. Et pour ce que vous saciés 15
veritablement le commencement et le racine de ceste
guerre et dont elle se meut, je le vous declarrai de
point en point. Si en dirés vostre entente, et quel
cause et droit messires Charles de Blois eut au grant
hiretage de Bretagne, et d'autre part li contes de 20
Montfort qui en fist fait et partie contre lui, dont
tant de rencontres, de batailles et d'autres grans fais
d'armes sont avenu en la ditte ducé de Bretagne et
ens ès marces voisines.
§ 138. A savoir est que, quant les triewes furent 25
acordées et seellées devant le cité de Tournay, tout
li signeur et toutes manières de gens se deslogièrent
de une part et d'autre. Si s'en rala cescuns en sa
contrée. Li dus de Bretagne, qui avoit esté à host
droit là devant Tournay avoec le roy de France plus 30
grossement et plus estoffeement que nulz des autres
princes, s'en retourna vers son pays en l'entente
d'y revenir, mais il ne peut, car une maladie le prist
sus le chemin, dont il le couvint aliter et morir.
Dont ce fu damages, car grans guerres et grans
destructions de villes et de chastiaus en avinrent 5
entre les gens nobles et non nobles de son pays.
Et pour cescun mieulz infourmer pour quoi tout
cil grant mal avinrent, jou en conterai aucune partie
ensi que je le sçai et que jou en ay enquis ou
pays meismement, où j'ay esté et conversé, pour 10
mieulz savoir ent le verité, et à chiaus ossi qui ont
là esté où je n'ai mies (este[354]) et qui en ont veu et
sceu ce que je n'ai mies tout pout veoir et concevoir.
[354] Mss. B 4, 3, fo 66, vo.--Ms. B 1, fo 100 (lacune).
Cilz dus de Bretagne, quant il trespassa de ce siècle,
n'avoit nul enfant ne n'eut onques de la duçoise sa 15
femme ne n'avoit eu nulle esperance de l'avoir. Si
avoit un frère, de par se mère qui avoit estet remariée,
que on appelloit le conte de Montfort, qui vivoit
adonc, et avoit chilz à femme le sereur le conte Loeis
de Flandres. Cilz dus de Bretagne avoit eut un aultre 20
frère germain de père et de mère, qui trespassés estoit;
s'en estoit demorée une jone fillète, la quèle li
dis dus ses oncles avoit mariée à monsigneur Charle
de Blois (mains net fil au conte Guy de Blois[355]) de le
sereur le roy Phelippe de France qui adonc regnoit; 25
et li avoit prommis en mariage la ducé de Bretagne
apriès son dechiès, pour tant qu'il se doubtoit que
li contes de Montfort n'i vosist clamer droit par
proismeté apriès son dechiès, comment qu'il ne fust
mies ses frères germains. Et il sambloit au dit duch 30
que li fille de sen frère germain devoit estre par raison
plus proçaine de avoir le ducée apriès son deciès,
que li contes de Montfort, ses frères, qui n'estoit point
estrais de l'estok de Bretagne. Et par tant qu'il avoit
toutdis doubtet que ses frères li coens de Montfort 5
n'enforçast, apriès son deciès, le droit de sa jone nièce,
par se poissance, le maria il au dit monsigneur Carle
de Blois, à celle entente que li rois Phelippes, qui
estoit ses oncles, li aidast mieus et plus volentiers à
garder son droit encontre le dit conte de Montfort, 10
s'il le vosist entreprendre.
[355] Mss. B 4, 3, fo 66, vo.--Ms. B 1, fo 100 vo (lacune).
Si avint tout ce que li dis dus avoit toutdis doubtet.
Car, sitost que li contes de Montfort peut savoir
que li dis dus ses frères fu trespassés sus le
chemin de Bretagne, il se traist tantost à Nantes, 15
qui est li chiés et li souverainne cités de Bretagne;
et fist tant as bourgois et à chiaus dou pays entour,
qu'il fu receus à signeur comme li plus proisme del
duch son frère qui trespassés estoit; et li fisent tout
feaulté et hommage comme au duch de Bretagne et 20
au signeur. Quant il eut pris le feauté des bourgois
de Nantes et dou pays d'entour Nantes, ils et la
contesse sa femme, qui bien avoit coer d'omme
et de lyon, eurent conseil ensamble qu'il tenroient
une grant court et feste solennèle à Nantes, et manderoient 25
tous les barons et les nobles del pays de
Bretagne et les consaulz des bonnes villes et de
toutes les cités, qu'il volsissent estre et venir à celle
court, pour faire feaulté à lui comme à leur droit
signeur. Quant cilz consaulz fu acordés, il envoiièrent
grans messages par tous les signeurs, les cités et 30
les bonnes villes del pays.
§ 139. Chou pendant et le feste attendant, il se
parti de Nantes à grant fuison de gens d'armes et s'en
ala vers la bonne cité de Limoges, car il sçavoit et
estoit infourmés que li grans tresors, que li dus ses
frères avoit amasset de lonch temps, estoit là enfremés. 5
Quant il vint là, il entra en le cité à grant beubant
et fu noblement recheus des bourgois et de
tout le clergié et le communauté de le cité; (si ly
firent tous feaulté, comme à leur droit seigneur. Et
ly fu tous cils grans tresors delivrés, par le grant acord 10
qu'il acquist as bourgois de le cité[356]), par grans dons
et prommesses qu'il leur fist. Et quant il eut là tant
festiiet et sejourné qu'il li pleut, il s'en parti à tout
le grant tresor et s'en revint droit à Nantes, là où
madame sa femme estoit, qui eut grant joie del grant 15
tresor que ses sires avoit trouvet. Si demorèrent à
Nantes tout quoi, grant feste demenant, jusques au
jour que la feste devoit estre, et li grans cours tenue;
et faisoient très grans pourveances pour celle grant
feste parfurnir. 20
[356] Mss. B 4, 3, fo 67.--Ms. B 1, fo 101 (lacune).
Quant li jours de celle feste fu venus, et nulz
n'i venoit pour mandement qui fais leur fust, fors
uns seulz chevaliers que on clamoit monsigneur
Hervi de Lyon, noble homme et poissant, li dis
contes de Montfort et la contesse sa femme en furent 25
durement courouciet et abaubit. Il fisent leur
feste par trois jours des bourgois de Nantes et des
bonnes gens de là au tour, au mieus qu'il peurent;
si eurent grant despit des aultres qui n'avoient dagniet
venir à leur mandement. Et eurent conseil 30
entre yaus de retenir saudoiiers à cheval et à piet,
tous ceulz qui venir vorroient, et de departir ce grant
tresor que trouvet avoient, pour mieus venir le dit
conte à son pourpos de la ditte ducé de Bretagne, et
pour constraindre tous rebelles de venir à merchi. 5
A ce conseil se tinrent tout cil qui là furent, chevalier,
clerch et bourgois. Et furent retenu saudoiier
venans de tous costés, et larghement paiiés, tant qu'il
en eurent grant plenté, à cheval et à piet, nobles et
non nobles, de pluiseurs pays. 10