s'estoit boutés et repus entre marès et rosiaus, et se
cuidoit là tenir jusques à le nuit, fu perceus d'aucuns
compagnons qui chevauçoient sus ces marès et
voloient de leurs oisiaus, et estoient au signeur de
Saint Venant; si fisent si grant noise et si grant bruit 15
que messires Wauflars issi hors, tous desconfis, et se
vint rendre à yaus. Il le prisent et le ramenèrent en
l'ost, et le delivrèrent à leur mestre, qui le tint un
jour tout entier en son logeis, et l'euist volentiers
sauvé, se il peuist, par cause de pité, car bien sçavoit 20
qu'il estoit pris sus le teste. Mès il fu accusés,
car les nouvelles vinrent au roy de France de le besongne,
comment elle avoit alé, et de monsigneur
Robert de Bailluel, qui avoit ruet jus son frère et les
Haynuiers, et ossi de monsigneur Waufflart de le 25
Crois, qui avoit esté pris, où et comment. Pour quoi
li rois en volt avoir le cognissance. Se li fu rendus
li dis messires Wauflars, qui eut moult mal finet;
car li dis rois, (pour complaire à ceulx de Lille[347]),
pour tant qu'il li avoient delivret le conte de Sallebrin 30
et le conte de Sufforch, leur rendi monsigneur
Waufflart, qui grant temps les avoit guerriiés. Dont
cil de Lille furent moult joiant, pour tant qu'il leur
avoit esté grans ennemis; et le fisent depuis morir en
leur ville; onques n'en veurent prendre nulle raençon. 5
[347] Mss. B4, 3, fo 61.--Ms. B1, fo 90 (lacune).
§ 127. De l'avenue monsigneur Robert de Bailluel
et des Liegois qui avoient ruet jus les Haynuiers,
fu li rois Phelippes tous joians, et en loa grandement
tous chiaus qui y avoient estet. D'autre part, li contes
de Haynau et chil qui leurs amis avoient perdus, 10
en furent tout courouciet, et ce fu bien raisons. Or
avint, assés tost apriès que ceste chevaucie dessus
ditte fu avenue, li contes de Haynau, messires Jehans
de Haynau, ses oncles, messires Gerars de Wercin,
seneschaus de Haynau, et bien six cens lances de 15
Haynuiers et d'Alemans se departirent dou siège de
Tournay, et s'en vinrent devant Mortagne. Et manda
li dis contes à chiaus de Valenchiènes qu'il venissent
d'aultre part, et se mesissent entre le Scarp et l'Escaut,
pour assallir le ville; li quel y vinrent en grant 20
estoffe, et fisent achariier et amener grans engiens,
pour jetter à le ville.
Or vous di que li sires de Biauge(u), qui estoit dedens
et chapitainne de Mortagne, et uns moult sages
guerroiières, s'estoit bien doubtés de ces assaus, pour 25
tant que Mortagne siet si priès de l'Escaut et de Haynau,
et de tous costés. Et avoit fait piloter le ditte
rivière d'Escaut, à fin que on n'i peuist naviier; et y
pooit avoir, par droit compte, plus de douze cens
pilos. Pour ce ne demora mies que li contes de Haynau 30
et li Haynuier n'i venissent de l'un des costés,
et cil de Valenciènes de l'autre. Si se ordonnèrent
et appareillièrent et sans delay pour assallir. Et fisent
li Valenciennois tous leurs arbalestriers traire avant
et approcier les barrières; mais il y avoit si grant
trenceis de fossés qu'il n'i pooient avenir. Lors s'avisèrent 5
li aucun qu'il passeroient oultre le Scarp,
comment qu'il fust, au desous de Chastiaus l'Abbeye,
et venroient au lés devers Saint Amand, et feroient
assaut à le porte qui oevre devers Maude. Si
passèrent aucun compagnon volentrieu et armerés, et 10
fisent tant qu'il furent oultre le rivière, ensi que proposet
avoient; et furent bien quatre cens tout able
et legier et en grant volenté de bien faire le besongne.
Ensi fu Mortagne environnée, à trois portes, des
Haynuiers, et tous prês de l'assallir. Mais au plus 15
foible des costés, c'estoit devers Maude, si y faisoit
il fort assés. Toutes fois, li sires de Biaugeu vint celle
part, trop bien pourveus dou deffendre, car bien savoit
que d'autre part il n'avoit que faire; et tenoit
un glave roit et fort à un lonch fer bien aceret, et 20
desous ce fier avoit un havet agut et prendant: si
ques, quant il avoit lanciet et il pooit sachier, en fichant
le havet en plates ou en haubregon dont on
estoit armet, il couvenoit c'on en venist ou c'on fust
reversé en l'aigue. Par ceste manière, en atrapa il et 25
noia ce jour plus de une dousainne. Et fu à celle
porte li assaus plus grans que nulle part. Et riens
n'en savoit li contes de Haynau, qui estoit au lés devers
Brifuel, tout rengiet sus le rivage de l'Escaut.
Et avisèrent là li signeur entre yaus voie et engien 30
comment on poroit tous les pilos, dont on avoit piloté
l'Escaut, oster et traire hors par force ou par
soubtilité, par quoi on peuist nagier jusques as murs.
Si avisèrent et ordonnèrent à faire en une grosse nef
un engien, qui tous les attrairoit hors l'un apriès
l'autre. Dont furent carpentier mandet et mis en oeuvre,
et li dis engiens fais en une nef. Ossi ce meisme 5
jour, levèrent cil de Valenciènes à leur costet un
très biel engien et bien gettant, qui portoit grosses
pières jusques dedens le ville et au chastiel, et travilloit
durement chiaus de Mortagne. Ensi passèrent
ce premier jour et le nuit ensiewant, en assallant, 10
avisant et devisant comment il poroient grever Mortagne;
et l'endemain se traisent à l'assaut de tous
costés. Encores n'estoit point le second jour fais li
engiens qui devoit traire les pillos hors. Mais li engiens
de chiaus de Valenciènes jettoit (uniement[348]) à 15
chiaus de Mortagne.
[348] Ms. B3, fo 62.--Ms. B1, fo 92 vo: «onniement.»
§ 128. Le tierch jour apriès, fu la nef toute ordonnée
et abillie, et li engiens dedens assis et apparilliés,
pour traire hors les pillos. Lors commencièrent
à aler cil qui s'en ensonnioient au dessus dou 20
pilotis, et emprisent à ouvrer, si com commandé leur
fu. Si s'afficièrent à oster et à traire hors les pilos,
dont il y avoit semés en l'Escaut grant fuison; mais
tant de painne et de labeur eurent, anchois qu'il en
peuissent avoir un, que merveilles fu à penser. Si 25
regardèrent et considerèrent li signeur que jamais il
n'aroient fait; si commandèrent à cesser cest ouvrage.
D'autre part, il y avoit dedens Mortagne un mestre
engigneour qui avisa et considera l'engien de chiaus
de Valenchiennes, et comment il grevoit leur forterèce. 30
Si en leva un ou chastiel, qui n'estoit mies trop
grans, et l'attempra bien et à point, et ne le fist jetter
que trois fois, dont la première (pierre[349]) chei à
douze apas priès de l'engien de Valenciennes, la seconde
au piet de le huge, et la tierce pière fu si bien 5
apointie que elle feri l'engien parmi le flèche et le
rompi en deux moitiés. Adonc fu grande li huée des
saudoiiers de Mortagne. Et chil de Valenchiènes furent
tout esbahi de leur engien qui estoit rompus
ou moilon, et le alèrent regarder à grant merveilles. 10
[349] Mss. B4, 3, fo 62.--Ms. B1, fo 89 (lacune).
§ 129. Ensi furent li Haynuier devant Mortagne
deux nuis et trois jours que riens n'i conquisent. Si
eut li dis contes de Haynau et messires Jehans ses
oncles avis et volenté de retraire au siège de Tournay;
et donnèrent congiet à chiaus de Valenchiennes 15
de retourner en leur ville. Ensi se departi ceste
assamblée. Li Valencienois se retraisent arrière en
Valenciènes, et li contes et li chevalier s'en revinrent
en l'ost devant Tournay, et se tinrent là environ
trois jours. Et puis fist li contes une priière as compagnons 20
pour amener devant Saint Amand, car les
plaintes estoient venues à lui que li saudoiier de
Saint Amand avoient arse l'abbeye de Hanon, et s'estoient
mis en painne d'ardoir Vicongne, et avoient
fait pluiseurs despis as frontières de Haynau, pour 25
quoi li dis contes voloit contrevengier ces fourfaitures.
Si se parti dou dit siège de Tournay à bien trois
mille combatans, et s'en vint à Saint Amand, qui
adonc n'estoit fremée que de palis. Bien avoient li
saudoiier, qui estoient dedens, entendu que li contes 30
de Haynau les venroit veoir, mès il s'estoient si
glorefiiet en leur orguel qu'il n'en faisoient nul
conte. A ce donc estoit gardiiens et chapitainne de
Saint Amand uns bons chevaliers de le langue d'och,
nommés li seneschaus de Carcassonne, li quelz avoit 5
bien imaginet et consideret le force de le ville. Si en
avoit dit son avis as monnes, et à chiaus qui estoient
demoret pour garder l'abbeye et le ville. Et disoit
bien que ce n'estoit pas une forterèce tenable contre
une host, non qu'il s'en volsist partir, mès demorer 10
et garder à son loyal pooir; mais il le disoit par manière
de conseil. Li parole dou chevalier ne fu mies
oye ne creue bien à point, dont il leur mesvint, si
com vous orés chi après. Toutes fois, par son enhort,
il avoit fait de lonch temps les plus riches jeuiaus de 15
l'abbeye et de le ville widier et porter à Mortagne à
sauveté, et là aler l'abbet et tous les monnes, qui
n'estoient tailliet de yaus deffendre.
Cil de Valenchiènes, qui avoient estet mandé dou
conte leur signeur qu'il fuissent à un certain jour 20
devant le ville de Saint Amand, et il seroit à l'autre
lés, vinrent, ensi que commandé leur fu, en très bon
couvenant, et estoient bien douze mille combatans.
Sitost qu'il furent venu devant Saint Amant, il s'i
logièrent et misent en bonne ordenance, et puis eurent 25
conseil d'aler assallir. Si fisent armer tous leurs
arbalestriers, et puis traire vers le pont de Scarp. Là
commença li assaus durs et fiers et perilleus durement,
et en y eut pluiseurs bleciés et navrés, d'un
lés et d'aultre. Et dura cilz assaulz tout le jour, que 30
onques cil de Valenciennes n'i peurent riens fourfaire;
mais en y eut des mors et des navrés grant
fuison des leurs. Et leur disoient li saudoiier et li
bidau qui laiens estoient, par manière de reproce:
«Alés boire vostre goudale, alés!» Quant ce vint au
soir, cil de Valenciènes se retraisent tout lasset, et
furent moult esmervilliet de ce qu'il n'avoient oy 5
nulle nouvelle dou conte leur signeur; si eurent avis
qu'i(l) se deslogeroient et retourroient viers Valenciennes;
si fisent tout tourser, et se retraiirent, che
meisme soir, en leur ville.
A l'endemain au matin que cil de Valenciènes se 10
furent retret, li contes de Haynau se parti dou siège
de Tournay, si com dessus est dit, à grant compagnie
de gens d'armes, de banières et de pennons, et
s'en vint devant Saint Amand, au lés par devers Mortagne.
Si tost qu'il furent venu, il se traisent à l'assaut, 15
et là eut moult fort assaut et moult dur. Et gaegnièrent
li Haynuier, de venue, les premières bailles,
et vinrent jusques à le porte qui oevre devers Mortagne.
Là estoient tout premier et devant à l'assaut
li contes de Haynau et li sires de Byaumont ses oncles, 20
et assalloient de grant corage et sans yaus espargnier;
de quoi il leur en fu priès mesavenu, car
il furent tout doi si dur rencontré de deux pières
jettées d'amont qu'il en eurent leurs bachinés effondrés
et les tiestes toutes estonnées. 25
Adonc fu là qui dist: «Sire, sire, à cel endroit chi
ne les arions nous jamès, car la porte est forte et la
voie estroite; si cousteroit trop des vostres au conquerre.
Mais faites aporter des grans mairiens, ouvrés
à manière de pillos, et hurter as murs de 30
l'abbeye; nous vous certefions que de force on le
pertuisera en pluiseurs lieus. Et se nous sommes en
l'abbeye, la ville est nostre, car il n'i a nul entredeus
entre (la ville[350]) et l'abbeye.» Dont commanda li dis
contes que on fesist ensi que pour le mieulz on li
consilloit, et pour le plus tost prendre. Si quist on
grans baus de chesnes, et puis furent tantost ouvré 5
et aguisié devant; et si s'acompagnoient à un pillot
yaus vint ou yaus trente, et s'escueilloient et puis
boutoient de grant randon contre le mur; et tant boutèrent
et si vertueusement qu'il pertuisièrent le mur
de l'abbeye et rompirent en pluiseurs lieus, et entrèrent 10
ens abandonneement, et passèrent une petite
rivière qui là est, et s'en vinrent sans contredit jusques
à une place, qui est devant le moustier, où li
marchiés est de pluiseurs coses.
[350] Mss. B3, 4, fo 63.--Ms. B1, fo 93 vo (lacune).
Et là estoit li dis seneschaus de Carcassonne en 15
bon couvenant, sa banière devant lui, qui estoit de
geules à un chief d'argent, à deux demi kievirons ou
chief, et estoit à une bordure d'asur endentée. Là
dalés lui s'estoient recueilliet pluiseur compagnon de
son pays, qui assés hardiement rechurent les Haynuiers, 20
et se combatirent vaillamment, tant qu'il peurent.
Mès leur deffense ne leur valli noient, car Haynuier
y sourvinrent à trop grant fuison. Et vous di
encores, pour tout ramentevoir, à entrer de premiers
dedens l'abbeye, il y avoit un monne que on appelloit 25
dan Froissart. Chilz y fist merveilles, et en occist
que mehagna, au devant d'un pertuis où il se tenoit,
plus de dix huit; et n'osoit nulz entrer par le lieu qu'il
gardoit. Mais finablement il le couvint partir, que
Haynuier entroient en l'abbeye, et avoient pertuisiet 30
le mur en pluiseurs lieus. Si se sauva li dis monnes,
au mieus qu'il peut, et fist tant qu'il vint à Mortagne.
§ 130. Quant li contes de Haynau et messires Jehans
de Haynau, ses oncles, et li chevalerie de Haynau
furent entré en l'abbeye, ensi que vous avés oy, si 5
commanda li dis contes que on mesist tout à l'espée,
sans nullui prendre à merci, tant estoit il courouciés
sus chiaus de Saint Amand, pour les despis qu'il
avoient fais à son pays. Si fu la ditte ville moult tost
emplie de gens d'armes; et bidau(s) et Geneuois, qui 10
là estoient, encauciet et quis de rue en rue, et d'ostel
en hostel. Peu en escapèrent qu'il ne fuissent
mort et occis, car nuls n'estoit pris à merci. Meismes,
li senescaus de Carcassonne y fu occis desous
sa banière, et plus de deux cens hommes, environ 15
lui que assés priès. Ensi fu Saint Amand destruite.
Et retourna li contes, ce propre soir, devant Tournay.
Et l'endemain, les gens d'armes de Valenciènes
et la communautés vinrent à Saint Amand, et parardirent
le ville et toute l'abbeye et le grant moustier, 20
et brisièrent toutes les cloches, dont ce fu damages,
car il en y avoit moult de bonnes et de melodieuses,
et si ne lor vint à nul profit qui à compter face.
Apriès le destruction de Saint Amand, li contes de
Haynau, qui trop durement avoit pris ceste guerre 25
à coer, et qui estoit plus aigres que nulz des aultres,
se departi dou siège de Tournay, en se route environ
six cens armeures de fier, et s'en vint ardoir Orchies
et Landas et le Celle, et grant fuison de villages là
environ; et puis passa et toute se route la rivière de 30
Scarp au desous de Hanon, et entrèrent en France, et
vinrent à Marchiennes, une grosse et riche abbeye,
dont messires Amés de Warnans estoit chapitainne,
et avoit avoecques lui une partie des arbalestriers
de Douay. Là eut grant assaut, car li dis chevaliers
avoit durement fortefiiet le (première[351]) porte de l'abbeye, 5
qui estoit toute enclose et environnée de fossés
grans et parfons. Et se deffendirent li François et li
monne qui dedens estoient moult vassaument; mais
finablement il ne peurent durer contre tant de gent
d'armes, car il quisent et fissent tant qu'il eurent des 10
batiaus et les misent en l'aigue, et entrèrent par celle
manière en l'abbeye. Mais il y eut mort et noiiet un
chevalier alemant, compagnon au signeur de Faukemont,
qui s'appelloit messires Bacho de le Wière,
dont li sires de Faukemont fu moult courouciés, 15
mais amender ne le peut. A l'assaut de le porte où
messires Amés de Warnans se tenoit, furent moult
bon chevalier li contes de Haynau et messires de
Byaumont, ses oncles, et li seneschaus de Haynau;
et fisent tant finable(ment) que la porte fu conquise, 20
et li chevaliers qui le gardoit pris, et mort et occis
li plus grant partie des aultres. Et furent pris ossi
pluiseur des monnes, qui laiens furent trouvet, et
toute la ditte abbeye robée et pillie, et puis arse et
destruite, et la ville ossi. Et quant il eurent fait leur 25
emprise, li contes et toutes ces gens d'armes, qui furent
à le destruction de Marciènes et en ceste chevaucie,
s'en retournèrent au siège devant Tournay.
[351] Mss. B4, 3, fo 63.--Ms. B1, fo 94 (lacune).
§ 131. Li sièges qui fu devant Tournay fu grans et
lons et bien tenus; et moult y eut li rois englès grant 30
fuison de bonnes gens d'armes. Et se s'i tenoit li dis
rois volentiers, car bien le pensoit à conquerre, pour
tant qu'il savoit bien qu'il y avoit dedens grant fuison
de gens d'armes et assés escarcement de vivres;
si les supposoit bien à afamer et avoir par force de 5
famine. Mais li aucun dient et maintiènent qu'il
trouvèrent moult de courtoisies en chiaus de Braibant,
et qu'il souffrirent par pluiseurs fois à laissier
passer parmi leur host vivre assés largement pour
mener dedens Tournay, dont il furent bien conforté. 10
Avoech tout ce, cil de Brousselles et cil de Louvaing,
qui estoient tout tanet de là tant seoir et demorer,
fisent une requeste au mareschal de l'host que il se
peuissent partir et retraire en Braibant, car trop
avoient là demoret à peu de fait. Li mareschaus qui 15
vey bien que la requeste n'estoit point honnourable
ne raisonnable, leur respondi que c'estoit bien ses
grés, mais il leur couvenoit mettre jus leurs armeures.
Li dessus dit furent tout honteus; si se souffrirent
atant et n'en parlèrent onques depuis. 20
Or vous recorderons d'une chevaucie des Alemans,
qui fu faite devant Tournay, à ce meisme pont de
Tressin où messires Robers de Bailluel et li Liegois
avoient desconfit les Haynuiers. Li sires de Randerodène
et messires Ernoulz de Randerodène, ses filz, 25
adonc escuiers, et messires Jehans de Hodebourch
ossi adonc escuiers et mestres dou fil au signeur de
Randerodène, messires Ernoulz de Bakehen, messires
Renauls de Sconnevort, messires Conrars de Leusennich,
messires Conrars d'Asko, messires Bastiiens de 30
Barsies et Caudreliers ses frères et messires Stramen
de Venoue et pluiseur aultre de le ducé de Jullers et
de Guerles avoient pris en grant virgongne che que
li Haynuier avoient esté ensi rencontret; si parlementèrent
dou soir et s'acordèrent à chevaucier le
matin au pont à Tressin. Si se armèrent et ordonnèrent
de le nuit bien et faiticement, et se partirent 5
sus l'ajournée. Et ossi se misent avoech yaus en leur
chevaucie aucun baceler de Haynau, qui point n'avoient
esté à l'autre dessus ditte, telz que messires
Florens de Biaurieu, messires Baras de le Haie, marescal
de l'host, monsigneur Jehan de Haynau, messires 10
Oulphars de Gistelles, messires Robers de Glennes
de le conté de Los, adonc escuier et au corps
monsigneur Jehan de Haynau, et pluiseur aultre. Si
chevaucièrent chil chevalier et chil compagnon dessus
nommé bellement et sagement; et estoient bien 15
trois cens ou plus, toutes bonnes armeures de fier;
et vinrent droit au pont à Tressin, droit au point
dou jour, et le passèrent oultre sans damage. Et
quant il furent par de delà, ilz se avisèrent et consillièrent
ensamble comment il s'ordonneroient, pour 20
le mieulz, et à leur honneur, resvillier et escarmucier
l'ost de France. Là furent ordonné li sires de Randerodène
et Ernouls ses filz et messires Henris de Keukeren,
uns chevaliers miesenaires, et messires Thielemans
de Sansi, messires Oulphars de Ghistelles, et 25
messires li Alemans, bastars de Haynau, et messires
Robers de Glennes, adonc escuier, et Jakelos de
Thians, à estre coureur et chevauceur jusques as tentes
et logeis des François. Et tout li aultre chevalier
et escuier, qui bien estoient trois cens, devoient demorer 30
au pont et garder le passage, pour le deffendre
as aventures des sourvenans. Ensi et sus cel estat,
se partirent li coureur, qui pooient estre quarante
lances, très bien monté sus fleurs de roncins et de
gros coursiers, et chevaucièrent de premiers tout bellement
tant qu'il vinrent en l'ost le roy de France.
Dont se boutèrent il ens de plains eslais, et commenchièrent 5
à decoper cordes et paissons, et à abatre
et reverser tentes et trés, et à faire un très grant
desroy, et François à yaus estourmir.
Celle nuit avoient fait le gait doi grant baron de
France, li sires de Montmorensi et li sires de Saint 10
Saufliu; et estoient, à ceste heure que li Alemant
vinrent, encores à leur garde. Quant il oïrent le noise
et entendirent l'effroi, si tournèrent celle part leurs
banières et leurs gens, et chevaucièrent fort et roit
sus les coureurs qui leur host avoient estourmi. Et 15
quant li sires de Randerodène les vei venir, il tourna
sus frain tout sagement, et fist chevaucier son pennon
et ses compagnons, pour revenir au pont à leur
grosse route, et li François apriès. En celle cace là
eut bon coureis, car li Alemant se hastoient pour revenir 20
au dit pont, et li François ossi pour yaus retenir.
En celle cace fu pris et retenus des François
messires Oulphars de Ghistelles, qui ne se sceut ne
peut garder à point, car li chevaliers avoit court vue;
si fu enclos de ses ennemis, par trop demorer derrière, 25
et fianciés prisons; et ossi doi escuier, dont on
nommoit l'un Jehan de Mondorp, et l'autre Jakelot
de Thians. Li François et leur route chevauçoient
d'un lés, et li coureur alemant d'autre; et estoient
environ demi bonnier priès li un de l'autre, et tant 30
qu'il se pooient bien recognoistre et entendre de
leurs langages. Et disoient li François as Alemans:
«Ha! ha! signeur, vous n'en irés pas ensi!» Si se
hastoient pour prendre le pont, et pas ne savoient
de le grosse embusce qui estoit au pont, de monsigneur
Renault de Sconnevort et des aultres: si ques
il fu dit au signeur de Randerodène: «Sire, sire, 5
avisés vous, car il nous samble que chil François
nous torront le pont.» Donc respondi li sires de
Randerodène et dist: «Se il scèvent un chemin, j'en
sçai un aultre.» Adonc se retourna sus destre et se
route, et prisent un chemin assés froiiet qui les mena 10
droit à celle petite rivière dessus ditte, qui est si
noire et si parfonde et si environnée de grans marès.
Et quant il furent là venu, se ne peurent il passer,
mès les couvint retourner devers le pont. Et
toutdis chevauçoient li François le(s) grans galos devers 15
le pont, qui cuidoient ces coureurs alemans enclore
et prendre, ensi qu'il avoient jà pris de leurs
compagnons. Et par especial moult y metoit li sires
de Montmorensi grant entente.
§ 132. Quant li François eurent tant chevauciet 20
qu'il furent priès au pont, et il veirent le grosse embusche,
qui là estoit au devant dou pont, toute armée
et ordonnée, et qui les attendoit en très bon
couvenant, si furent tout esmervilliet. Et disent entre
yaus li aucun qui regardèrent le manière: «Nous 25
caçons trop folement; de legier porons plus perdre
que gaegnier.» Dont retournèrent li pluiseur et par
especial li banière le signeur de Saint Saufliu et li
sires ossi. Et messires Charles de Montmorensi et se
banière chevauça toutdis avant et ne volt onques reculer, 30
mès s'en vint de grant corage assambler as Alemans,
et li Alemant à lui et à ses gens. Là y eut, de
premières venues, durs encontres et fortes joustes,
et tamaint homme reversé d'un lés et d'autre. Ensi
qu'il assambloient, li coureur dessus nommet, qui
costiiet les avoient, s'en vinrent ferir sus èle, et se 5
boutèrent ens de plains eslais et de grant volenté. Et
ossi li François les rechurent moult bien.