Tournay, si com vous avés oy, dura longement. Et
estoit li hos de chiaus de dehors bien pourveue et
avitaillie de tous vivres, et à bon marchiet, car il
lor venoit de tous lés, par terre et par yawe. Si 5
y eut, le siège durant, là environ pluiseurs belles
apertises d'armes faites et pluiseurs chevaucies, des
quèles nous ferons en sievant mention. Car li
jones contes de Haynau, qui estoit hardis et entreprendans,
avoit si pris en coer ceste guerre, comment 10
que de premiers il en fu moult frois, que c'estoit
cilz par qui toutes se mettoient sus les envaies
et les chevaucies. Et se parti de l'host à une matinée,
à bien cinq cens lances, et s'en vint passer desous
Lille, et ardi le bonne ville de Seclin et grant fuison 15
de villiaus là environ. Et coururent si coureur jusques
ens ès fourbours de Lens en Artois. Tout ce fu
recordé au roy Phelippe, son oncle, qui se tenoit en
Arras; si en fu moult courouciés, mès amender ne
le peut tant c'à ceste fois. Encores apriès ceste chevaucie, 20
en remist li contes une sus, et chevauça
adonc devers le bonne ville d'Orcies; si fu prise et
arse, car elle n'estoit point fremée, et Landas et li
Celle, et pluiseur bon village qui sont là en ce contour.
Et coururent tout le pays où il eurent très grant 25
pillage, et puis s'en revinrent au siège de Tournay.
D'autre part, li Flamench assalloient souvent chiaus
de Tournay, et avoient fait en nefs sus l'Escaut bierfrois
et atournemens d'assaus; et venoient hurter et
escarmucier, priés que tous les jours, à chiaus de 30
Tournay. S'en y avoit souvent des navrés, des uns
et des aultres. Et se mettoient en grant painne li
Flamench de conquerre et de damagier Tournay,
tant avoient pris le guerre en coer. Et on dist et
voirs est qu'il n'est si felle guerre que de voisins et
d'amis. Et entre les assaus que li Flamench fisent, il en
y eut un qui dura un jour tout entier. Là eut tamainte 5
grant apertise d'armes faite, car tout li signeur et li
chevalier qui en Tournay estoient furent à cel assaut.
Et estoit li dis assaus fais en nefs et en vaissiaus, à
ce appareilliés de lonch temps, pour ouvrir et pour
rompre les barrières à le posterne de l'arce; mais 10
elles furent si bien deffendues que li Flamench n'i
conquisent riens; ançois perdirent une nef toute cargie
de gens, dont il en y eut plus de six vingt noiiés;
et retournèrent au soir tout lasset et tout travilliet.
§ 122. Le siège durant et tenant devant Tournay, 15
issirent hors une matinée li saudoiier de Saint Amand,
dont il en y avoit grant fuison, et vinrent à Hanon
qui se tient de Haynau, et ardirent le ville et violèrent
l'abbeye et destruisirent le moustier; et en menèrent
et en portèrent devant yaus tout che que mener 20
et emporter en peurent, et puis retournèrent en
Saint Amand. Assés tost après, se partirent li saudoiier
dessus dit, et passèrent le bos de Saint Amand,
et vinrent jusques à l'abbeye de Vicogne, pour le
ardoir et essillier; et en fuissent venu à leur entente, 25
car il avoient fait un grant feu contre le porte, pour
le ardoir et abatre à force; mais uns gentilz abbes,
qui laiens estoit pour le temps, y pourvei de grant
remède. Car, quant il eut consideré le peril, il monta
à cheval et parti par derrière, et chevauça tous les 30
bos, à le couverte, et fist tant que moult quoiteusement
il vint à Valenchiènes. Si requist au prevost de
le ville et as jurés que on li volsist prester les arbalestriers
de le ville, pour aidier à deffendre sa maison;
et cil li acordèrent volentiers. Si les en mena
dans abbes avoech lui; et passèrent derrière Raimes, 5
et les mist en ce bois, qui regarde vers le Pourcelet,
et sus le caucie. Là commencièrent il à traire et à
berser sur ces bidaus et Geneuois, qui estoient devant
le porte de Vicongne. Si tretost qu'il sentirent
ces saiettes qui leur venoient de dedens le bos, si furent 10
tout effraé, et se misent au retour, cescuns qui
mieulz mieulz. Ensi fu li abbeye de Vicongne sauvée.
En ce temps, estoit li contes de (Lille), en Gascongne,
de par le roy de France, qui y faisoit la guerre,
et avoit priès repris et conquis tout le pays d'Acquitainne; 15
et y tenoit les champs, à plus de six mille
chevaus; et avoit assis Bourdiaus, par terre et par
aigue. Si estoient avoecques le dit conte toute li fleur
de chevalerie des marches de Gascongne, li contes
de Pieregorth, li contes de Commignes, (ly vicontes 20
de Carmaing[340]), li viscontes de Villemur, li viscontes
de Brunikiel, li sires de la Barde et pluiseur aultre
baron et chevalier. Et n'estoit nulz, de par le roy
englès, qui leur veast leurs chevaucies, fors tant que
les forterèces englesces se tenoient et gardoient à leur 25
pooir. Et là en ce pays avinrent moult de biaus fais
d'armes, des quelz nous vous parlerons chà en apriès,
quant temps et lieus sera. Mès nous retourrons encores
un petit as besongnes qui avinrent en Escoce,
le siège durant et tenant devant le cité de Tournay. 30
[340] Mss. B4, 3, fo 58.--Ms. B1 (lacune).
§ 123. Vous devés savoir que messires Guillaumes
de Douglas, filz dou frère à monsigneur Guillaume
de Douglas qui demora en Espagne, si com chi dessus
est contenu, li jones contes de Mouret, li contes
Patris, li contes de Surlant, messires Robers de Versi, 5
messires Symons Fresel, Alixandres de Ramesay estoient
demoret chapitainne del remanant d'Escoce,
et se tenoient et tinrent longement en celle forest de
Gedours, par yvier temps et par esté, par l'espasse
de sept ans et plus, comme très vaillans gens; et guerrioient 10
toutdis les villes et les forterèces, là où li rois
Edowars avoit mis ses gens et ses garnisons; et souvent
leur avenoit des belles aventures et perilleuses,
des quèles il se partoient à grant honneur, par quoi
on les doit conter entre les preus, ossi fait on. 15
Si avint ens ou temps que li rois englès estoit par
deçà, et guerrioit le royaume de France, et seoit
devant Tournay, que li rois Phelippes envoia en Escoce
gens, qui arrivèrent en le ville de Saint Jehan.
Et prioit adonc li rois de France à ces dessus nommés 20
signeurs d'Escoce qu'il volsissent esmouvoir et
faire si grant guerre sus le royaume d'Engleterre,
qu'il couvenist que li rois englès s'en ralast oultre,
et deffesist son siège de devant Tournay, et leur promist
à aidier et conforter de poissance, de gens et 25
d'avoir: si ques, en ce temps que li sièges fu devant
Tournay, cil signeur d'Escoce se pourveirent, à
le requeste dou roy de France, pour faire une grande
chevaucie sus les Englès. Quant ilz furent bien pourveu
de grans gens, ensi qu'il leur besongnoit, il se 30
partirent de le forest de Gedours, et alèrent par toute
Escoce reconquerre des forterèces celles qu'il peurent
ravoir; et passèrent oultre le bonne cité de Bervich
et le rivière de Thin, et entrèrent ens ou pays de
Northombreland, qui jadis fu royaumes. Là trouvèrent
ilz bestes grasses à grant fuison. Si gastèrent
tout le pays et ardirent jusques à le cité de Duremme 5
et assés oultre; puis s'en retournèrent arrière par
un aultre chemin, gastant et ardant le pays, si qu'il
destruisirent bien en celle chevaucie trois journées
long del pays le roy englès; et puis rentrèrent ens
ou pays d'Escoce, et reconquisent toutes les forterèces 10
que li Englès tenoient, hors mis le bonne cité de
Bervich, et trois aultres fors chastiaus qui leur faisoient
trop grant anoy et souvent, pour le(s) vaillans
gens qui les gardoient, et le pays d'entours ossi. Et
estoient et sont encores chil troi chastiel si fort que 15
à painnes poroit on trouver si fors en nul pays. Si
appell' on l'un Struvelin, l'autre Rosebourch, et le
tierch et le souverain de tout le royaume d'Escoce
Haindebourch. Li chastians de Haindebourch siet
sus une haute roce, par quoi on voit tout le pays 20
d'environ. Et est la montagne si roste et si malaisie
que à grant painne y poet uns homs monter, sans
reposer deux fois ou trois, et ensi uns chevaus à demie
charge. Et estoit cilz adonc qui faisoit plus de
contraires à ces signeurs d'Escoce et à leurs gens. Et 25
en estoit chastellains et gardiiens, pour le temps de
lors, uns vaillans chevaliers englès, qui s'appelloit
messires Gautiers de Limoges, frères germains à monsigneur
Richart de Limosin, qui si vaillamment se
tint et deffendi à Thun l'Evesque contre les François. 30
Or avint, en ce temps que li sièges se tenoit devant
Tournay, et que cil signeur d'Escoce, si com
dessus est dit, chevauçoient parmi le pays d'Escoce,
reconquerant les forterèces à leur loyal pooir, messires
Guillaumes Douglas s'avisa d'un grant fait et
perilleus et d'une grant subtileté, et le descouvri à
aucuns de ses compagnons, au conte Patris, à monsigneur 5
Symon Fresiel, qui avoit estet mestres et
gardiiens dou roy David d'Escoce, et à Alixandre de
Ramesai, qui tout s'i accordèrent et se misent en
celle perilleuse aventure avoecques le bon chevalier
dessus dit; et prisent bien jusques à deux cens compagnons 10
de ces (Escos[341]) sauvages, pour faire une
embusche, ensi com vous orés. Chil quatre signeur
et gouvreneur de tous les Escos, qui savoient le pensée
li uns de l'autre, entrèrent en mer à toute leur
compagnie, et fisent pourveance d'avainne, de blanche 15
farine, et de carbon de fèvres; puis arrivèrent
paisievlement à un port qui estoit à trois liewes
priès de ce fort chastiel de Haindebourch, qui lor
destraindoit plus que tout li aultre. Quant il furent
arrivet, il issirent hors par nuit, et prisent dix ou 20
douze des compagnons ens ès quelz ilz se confioient
le plus, et se vestirent de povres cotes deschirées et
de povres capiaus, à guise de povres marcheans, et
chargièrent douze petis chevalés de douze sas, les uns
emplis d'avainne, les aultres de farine, et le(s) aultres 25
de charbon de fèvres. Et envoiièrent les aultres compagnons
embuschier en une deschirée abbeye et gastée
là où nulz ne demoroit; et estoit assés priès dou
piet de le montagne sour quoi li chastiaus seoit.
Quant jours fu, cil marchant, qui estoient couvertement 30
armet, s'esmurent et se misent au chemin viers
le chastiel à tout les chevaus chargiés, ensi que vous
avés oy. Quant il vinrent au piet de le montagne,
qui estoit si roste et si malaisie à monter, il menèrent
les chevalés chargiés amont, ensi qu'il peurent.
Quant il vinrent en le moiiené de le montagne, li 5
dis messires Guillaumes Douglas et messires Symons
Fresiel alèrent devant (et firent les autres venir[342]
tout bellement), et fisent tant qu'il vinrent au
portier, et li disent qu'il avoient amenet, en grant
paour, bled, farine et avainne; s'il leur besongnoit, 10
il leur venderoient volentiers, et à bon marchié. Li
portiers respondi que voirement besongneroient il bien
en le forterèce, mais il estoit si matin qu'il n'oseroit
esvillier le signeur de le forterèce ne le mestre d'ostel;
mais il fesissent venir avant le pourveance, et il 15
leur ouveroit le première porte des bailles. Cil le
oïrent volentiers, et fisent passer avant tout bellement
les aultres avoech leur charge, et entrèrent tout
en le porte des bailles, qui leur fu ouverte. Messires
Guillaumes Douglas avoit bien veu que li portiers 20
avoit toutes les clés de le grant porte dou chastiel,
et avoit couvertement demandet au portier le quèle
deffremoit le porte, et la quèle le guicet. Quant la
porte des bailles fu ouverte, si com vous avés oy, il
misent ens les chevalés, et en deschargièrent deux, 25
qui portoient les sas plains de charbon, droitement
sus le suel de le porte, à fin que on ne le peuist reclore;
puis prisent le portier et le tuèrent si paisievlement
que onques ne dist mot; et prisent les clés,
et deffremèrent le porte dou chastiel. Puis corna li 30
dis messires Guillaumes Douglas un cor, et jettèrent
il et si treize compagnon les cotes deschirées tantost
jus, et reversèrent les aultres sas plains de charbon
au travers de le porte, par quoi on ne le peuist clore.
[341] Mss. B3, fo 59.--Ms. B1, fo 88 (lacune).
[342] Mss. B4, 3, fo 59.--Ms B1, fo 88 (lacune).
Quant li aultre compagnon, qui estoient embuschiet
assés priès dou chastiel, ensi que vous avés oy, 5
oïrent le cor sonner, il sallirent hors de l'embuschement
et coururent contremont le voie del chastiel,
tant qu'il peurent. Li gaitte, qui dormoit adonc, se
esvilla au son del cor, et vey gens monter hasteement
contremont le chastiel, tous armés. Si commença 10
à corner et à criier tant qu'il peut: «Trahi!
Trahi!» Adonc se esvilla li chastelains, et tout chil
de laiens ossi s'armèrent, si tost qu'il peurent, et
vinrent tout acourant à le porte, qui plus tost peurent,
pour le refremer, mais on leur devea, car messires 15
Guillaumes et si douze compagnon leur deffendirent.
Adonc monteplia grans hustins entre yaus,
car chil dou chastiel ewissent volentiers le porte refremée
pour leurs vies sauver, car il perchevoient
bien qu'il estoient trahi. Et cil qui bien avoient 20
acompli leur emprise et leur desirier se penoient
tant qu'il pooient del detenir; et tant fisent par leur
proèce qu'il detinrent l'entrée, tant que cil de l'embuschement
furent parvenu à yaus. Lors se commencièrent
à esbahir cil dou chastiel, car il veirent 25
bien qu'il estoient souspris. Si s'efforcièrent de deffendre
le chastiel, et de leurs ennemis remettre hors,
se ilz peuissent, et fisent tant d'armes que merveilles
estoit à regarder, et par especial messires Gautiers
de Limozin, car il besongnoit. Mais darrain lor deffense 30
ne les peut sauver, comment qu'il en tuèrent
et navrèrent aucuns de chiaus dehors, que li dis
messires Guillaumes Douglas et si compagnon ne gaegnassent
le fort chastiel par force, et occirent le plus
grant partie de chiaus qui le gardoient, excepté le
chastellain et six escuiers qu'il prisent à merci. Si
demorèrent laiens tout le jour; puis y establirent 5
chastellain (ung[343]) gentilhomme dou pays, un escuier
qui s'appelloit Symons de Weseby, et avoech lui grant
fuison de bons compagnons et hommes de fief d'Escoce.
Ensi fu repris li fors chastiaus de Haindebourch
en Escoce. Et en vinrent les certainnes nouvelles au 10
roy englès, entrues qu'il seoit devant Tournay, au
quel siège nous retourrons à parler, car il est heure.
[343] Ms. B3, fo 59 vo.--Mss. B1, 4, fo 89:«d'un.»
§ 124. Vous avés bien chi dessus oy recorder comment
li rois englès avoit assegiet le bonne cité de
Tournay, et moult le constraindoit, car il avoit en 15
son host plus de six vingt mille hommes as armes,
parmi les Flamens, li quel s'acquittoient bien de l'assallir.
Et l'avoient li assegeur telement environné de
tous costés, que riens ne leur pooit venir, entrer
ne issir, qu'il ne fust tantost hapés et perceus. Et 20
pour tant que les pourveances de le cité commencièrent
à amenrir, li signeur de France, qui là estoient,
fisent widier toutes manières de povres gens, qui
pourveu n'estoient pour attendre l'aventure, et les
misent hors à plain jour, hommes et femmes; et 25
passèrent parmi l'ost dou duch de Braibant qui leur
fist grasce, car il les fist conduire sauvement tout
oultre l'ost. Li rois englès entendi bien par chiaus et
par aultres que la cité estoit durement astrainte; si en
fu plus joieus, et pensa que bien il le conquerroit,
com longement ne quel fret que il y mesist.
D'autre part, li rois de France, qui se tenoit à Arras,
et estoit tenus toute le saison, entendi que cil de
Tournay estoient moult constraint, et qu'il avoient 5
grant mestier d'estre conforté. Si s'ordena à ce qu'il
les conforteroit, à quel mescief que ce fust, car il
ne voloit mies perdre une tèle cité que Tournay estoit.
Si fist un très grant mandement par tout son
royaume, et ossi une grant priière en l'Empire, tant 10
qu'il eut le roy Charlon de Behagne, le duch de
Loeraingne, le conte de Bar, (l'evesque de Liège, l'evesque
de Miés[344]), l'evesque de Vredun, le conte de
Montbliar, messire Jehan de Chalon, le conte de Genève,
et ossi le conte de Savoie et monsigneur Loeis 15
de Savoie son frère. Tout cil signeur vinrent servir
le roy de France, à ce qu'il peurent avoir de gens.
D'autre part, revinrent li dus de Bretagne, li dus de
Bourgongne, li dus de Bourbon, li contes d'Alençon,
li contes de Forès, li contes d'Ermignach, li contes 20
de Flandres, li contes de Blois, messires Charles de
Blois, li contes de Harcourt, li contes de Dammartin,
li sires de Couci, et si grant fuison de barons et
de signeurs, que le nommer par nom et par sournom
seroit uns grans detriemens. Après revint li rois de 25
Navare, à tout grant fuison de gens d'armes de Navare
et de le terre qu'il tenoit en France, dont il
estoit homs au roy. Et si y estoit li rois David d'Escoce,
à le delivrance dou roy de France, à belle
route de gens d'armes. 30
[344] Mss. B4, 3, fo 59 vo.--Ms. B1, fo 89 (lacune).
§ 125. Quant tout cil signeur dessus nommet et
plus encores furent venus à Arras devers le roy, il
eut conseil de chevaucier et de traire par devers ses
ennemis; si s'esmeut, et cescuns le sievi, ensi que
ordonné estoit. Et fisent tant par leurs petites journées 5
qu'il vinrent jusques à une petite rivière, qui
est à trois liewes priès de Tournay, la quèle est moult
parfonde et environnée de si grans c(r)olières et marès,
que nulz ne le pooit passer fors parmi un petit
pont si estroit que uns seulz homs à cheval seroit 10
assés ensonniiés dou passer oultre; doi homme ne s'i
poroient combiner. Et loga trestous li hos sus les
camps sans passer le rivière, car il ne peuissent.
L'endemain, li hos demora tous quois. Li signeur,
qui estoient dalés le roy, eurent conseil comment il 15
peuissent faire pons, pour passer le rivière dessus
ditte et les crolières plus aise et plus seurement. Si
furent envoiiet aucun chevalier et ouvrier, pour regarder
le passage; mais quant il eurent tout consideré
et avisé, il regardèrent qu'il perdoient le temps; 20
si raportèrent au roy qu'il n'i avoit point de passage,
fors par le pont à Tressin tant seulement. Si demora
la cose en cel estat, et se logièrent li signeur, cescuns
sires par lui et entre ses gens. Les nouvelles
s'espardirent par tout que li rois de France estoit 25
logiés au pont à Tressin, et entre le pont de Bouvines,
en entente de combatre ses ennemis: si ques
toutes manières de gens d'onneur, qui desiroient à
acquerre grasce par fait d'armes, se traioient celle
part, tant d'un lés comme de l'autre. 30
Or avint que troi chevalier alemant, qui se tenoient
en le garnison de Bouchain, furent informet que li
doi roy s'approçoient durement, et que on supposoit
bien qu'il se combateroient. De quoi, li doi
priièrent tant à leur compagnon qu'il s'acorda à ce
qu'il demorroit, et li aultre iroient devant Tournay
querre les aventures; et garderoit le forterèce bien et 5
songneusement jusques à leur retour. Si se partirent
li doi chevalier, dont on clamoit l'un monsigneur
Conrart de Leusennich, et l'autre monsigneur Conrart
d'Asko; et chevaucièrent tant qu'il vinrent vers
Escaupons, deseure Valenciènes, car il voloient passer 10
l'Escaut à Condet. Si oïrent, entre Frasne et Escaupons,
grant effroi de gens, et en veirent pluiseurs
fuians. Dont brocièrent il celle part et leur route, et
pooient estre environ vingt cinq lances; si encontrèrent
les premiers qui fuioient, et leur demandèrent 15
qu'il leur falloit ne estoit avenu. «En non Dieu, signeur,
ce respondirent li fuiant, li saudoiier de Mortagne
sont issu et ont accueilliet grant proie chi entours,
et l'enmainnent et cacent devers leur forterèce,
et avoech çou pluiseurs prisonniers de che pays.» 20
Donc respondirent li chevalier alemant: «Et nous
sariés vous mener celle part où il vont?»--«En
nom Dieu, signeur, oil.» Adonc se sont li Alemant
mis en cace apriès les François de Mortagne, et ont
sievis les bonhommes dou pays qui les avoiièrent 25
parmi le bois; et adevancièrent les dessus dis assés
priès de Nostre Dame ou Bois et dou Crousage.
Et estoient bien li François six vingt saudoiiers;
et enmenoient devant yaus bien deux cens grosses
bestes et aucuns prisonniers paysans dou pays. Et 30
estoit adonc leur chapitainne, de par le signeur de
Biaugeu, uns chevaliers de Bourgongne qui s'appelloit
messires Jehans de Frelais. Sitost que li Alemant
les veirent, il les escriièrent fierement et se boutèrent
de grant randon en yaus. Et là eut bon hustin et
dur, car li chevaliers bourghignons se mist à deffense
bien et hardiement, et li aucun de se route, et 5
non pas tout, car il y eut pluiseurs bidaus qui fuirent;
mais il furent de si priès encauciet des Alemans
et des villains dou pays, qui les sievoient, as plançons
et as bourlés, que petit en escapèrent qu'il ne
fuissent mort et atieret. Et y fu messires Jehans de 10
Frelais pris, et toute la proie (rescousse[345]) et rendue
as hommes dou pays, qui grant gret en sceurent as
Alemans. Depuis ceste avenue, s'en vinrent li chevalier
devant Tournay, où il furent li bien venu.
[345] Mss. B3, 4, fo 60 vo.--Ms. B1, fo 90 (lacune).
§ 126. Assés tost apriès chou que li rois de France 15
s'en fu venus logier à host au pont à Tressin, se mist
une compagnie de Haynuiers sus, par l'enhort monsigneur
Wauflart de le Crois, qui leur dist qu'il cognissoit
tout le pays, et qu'il les menroit bien en tel
lieu sus l'ost de France où il gaegneroient. Si se partirent 20
à son enhort, et pour faire aucun biau fait
d'armes, une ajournée, environ six vingt compagnons,
chevaliers et escuiers, tout pour l'amour li
uns de l'autre, et chevaucièrent devers le pont à
Tressin, et fisent de monsigneur Guillaume de Bailluel 25
leur chief, et à se banière se devoient tout ralloiier.
Ceste meisme matinée, chevauçoient li Liegois,
dont messires Robers de Bailluel, frères germains au
dessus dit monsigneur Guillaume, estoit chiés, de
par les Liegois; car adonc il estoit, et faire le devoit,
avoecques l'evesque de Liège. Si avoient li Liegois
passet le pont à Tressin, et estoient espars en ces
biaus plains, entre Tressin et Baisieu, et estoient en
fourage pour leurs chevaus, et ossi pour veoir se il 5
trouveroient nulle aventure où il peuissent pourfiter.
Li Haynuier chevaucièrent celle matinée, qui d'encontre
nul n'en trouvèrent, car il faisoit si grant
bruine que on ne pooit veoir un demi bonnier de
terre loing; et passèrent le pont baudement et sans 10
encontre, et messires Wauflars de le Crois (devant[346])
qui les menoit. Quant il furent tout oultre, il ordonnèrent
que messires Guillaumes de Bailluel et se
banière demorroient au pont, et messires Wauflars
de le Crois, et messires Rasses de Monciaus, et messires 15
Jehans de Sorres, et messires Jehans de Wargni
courroient devant.
[346] Ms. B4, fo 60 vo.--Ms. B1, fo 90 (lacune).
Si se departirent li coureur et chevaucièrent si
avant que il s'embatirent en l'ost le roy de Behagne
et de l'evesque de Liège, qui assés priès dou pont 20
estoient logiet. Et avoit la nuit fait le gait en l'ost le
roy de Behagne li sires de Rodemach; et jà estoit
sus son departement, quant li coureur haynuier vinrent;
si leur sallirent au devant hardiement, quant il
les veirent venir. Et ossi Liegois s'estourmirent; si 25
reboutèrent ces coureurs moult asprement. Et y eut
là adonc moult bon puigneis, car Haynuier vassaument
s'i esprouvèrent. Toutes fois, pour revenir à
leur banière, il se misent devers le pont. E vous Liegois
et Lussemboursins apriès venus au pont à leur 30
banière. Là y eut grant bataille. Et fu consilliet à monsigneur
Guillaume de Bailluel qu'il rapassast le pont,
et se banière, car il avoient encores de leurs compagnons
oultre. Si rapassèrent Haynuier au mieus qu'il
peurent. Et y eut au passer mainte belle apertise d'armes 5
faite, mainte prise et mainte rescousse. Et avint
que messires Waufflars de le Crois fu si quoitiés que
il ne peut rapasser le pont; si doubta le peril et qu'il
ne fust pris; si s'avisa qu'il se sauveroit. Si issi hors
de le presse, au mieulz qu'il peut, et prist un chemin 10
qu'il cognissoit assés, et se vint bouter en uns marès,
entre rosiaus et crolières, et se tint là un grant temps.
Et li aultre toutdis se combatoient. Les quelz Liegois
et Lussemboursins avoient jà rués jus et abatu le
banière monsigneur Guillaume de Bailluel. 15
A ces cops vinrent cil de le route monsigneur Robert
de Bailluel, qui venoient de courir, et entendirent
le hustin; si chevaucièrent celle part. Et fist passer
messires Robers de Bailluel sa banière devant,
que uns siens escuiers portoit, qui s'appelloit Jakemes 20
de Forsvie, en escriant: «Moriaumés!» Li Haynuier,
qui jà estoient tout escauffé, perchurent le
banière de Moriaumés qui estoit toute droite; si cuidièrent
que ce fust li leurs où il se devoient radrecier;
car moult petit de differense y avoit de l'un à 25
l'autre, car les armes de Moriaumés sont vairiet contre
vairiet, à deux kievirons de geules; et sus le kieviron
messires Robers portoit une petite croisète d'or:
si ne l'avisèrent mies bien, pour tant en furent il
deceu; et se vinrent de fait bouter desous le banière 30
monsigneur Robert. Là y eut dur hustin. Et furent
li Haynuier fierement rebouté et tout desconfi. Et y
furent mort troy bon chevalier de leur costé, messires
Jehans de Wargni, messires Gontiers de Pontelarce,
messires Guillaumes de Pipempois, et pluiseur
aultre bon escuier et homme d'armes, dont ce fu
damages, et pris messires Jehans de Sorre, messires 5
Daniaus Bleze, messires Rasses de Monchiaus, messires
Loeis de Jupeleu et pluiseur aultre. Et retourna
au mieus qu'il peut messires Guillaumes de Bailluel,
qui se sauva, quoi qu'il y perdesist assés des siens.