detriemens; si manda tous les plus grans barons de
l'host et premierement le duch de Braibant, son
grant signeur, et tous les aultres ensiewant, et puis 25
leur remoustra sen intention et le response dou duc
de Normendie; si en demanda à avoir conseil. Adonc
regardèrent il cescuns l'un l'autre, et ne veult nulz
respondre premiers. Toutes fois li dus de Braibant
parla, pour tant que c'estoit li plus grans de toute 30
l'ost et tenus li plus sages; si dist que de faire un
pont ne de combatre as François il n'estoit mies d'acort,
car il savoient de certain que li rois englès devoit
proçainnement passer le mer et venir assegier le
cité de Tournay: «Se li avons, ce dist li dus, prommis
et juret foy, amour et ayde de nous et des nostres;
dont se nous nos combatons maintenant, et li 5
fortune fust contre nous, il perderoit son voiage, ne
nul confort il n'aroit de nous. Et se li journée estoit
pour nous, il ne nous en saroit gré, car c'est se intention
que jà sans lui, qui chiés est de ceste guerre,
nous ne nos combatons au pooir de France. Mais 10
quant nous serons devant Tournay, il avoecques
nous et nous avoecques lui, et li rois de France sera
d'autre part, à envis se departiroient si grans gens
sans bataille. Si vous conseille, biaus filz, que vous
vos partés de chi, car vous y sejournés à grant frait, 15
et donnés congiet toutes manières de gens d'armes;
si s'en revoist cescuns en son lieu, car dedens dix
jours vous orés nouvelles dou roy d'Engleterre.» A
ce conseil se tinrent li plus grant partie des signeurs
qui là estoient; mais il ne pleut mies encores trop 20
bien au conte de Haynau, et pria as signeurs et as
barons tous en general qui là estoient qu'il ne se
volsissent mies encores partir, car ce seroit trop grandement,
ce li sambloit, contre se honneur, se li
François n'estoient combatu; et il li eurent tout en 25
couvent. A ces parolles issirent il hors de parlement,
et se retrest cescuns à son logeis. Trop volentiers se
fuissent departi chil de Brousselles et de Louvaing,
car il estoient si tané que plus ne pooient. Et en parlèrent
pluiseurs fois au duch, leur signeur, et li remoustrèrent 30
qu'il gisoient là à grant frait, et riens
n'i faisoient.
§ 112. Quant li contes de Haynau vey son conseil
variier, et qu'il n'estoient mies bien d'acort de passer
le rivière d'Escaut, et de combatre les François,
si en fu durement courouciés. Si appella un jour son
oncle, monsigneur Jehan de Haynau, et li dist: 5
«Biaus oncles, montés à cheval, et chevaucherés selonch
ceste rivière, et appellerés qui que soit homme
d'onneur en l'ost françoise, et dirés de par moy que
je leur liverai pont pour passer, mès que nous aions
trois jours de respit ensamble tant seulement pour le 10
faire, et que je les voel combatre, comment que soit.»
Li sires de Byaumont, qui veoit son neveut en grant
desir de combatre ses ennemis, li acorda volentiers,
et dist qu'il iroit et feroit le message. Si vint à son
logeis et s'apparilla bien et frichement, lui troisime 15
de chevaliers tant seulement, li sires de Fagnuelles
et messires Florens de Biaurieu, et son pennon devant
lui, montés sus bons coursiers, et chevaucièrent
ensi sus le rivage d'Escaut.
Et avint que, de l'autre part, li sires de Byaumont 20
aperçut un chevalier de Normendie, le quel il recogneut
par ses parures; si l'appella et dist: «Sire de
Maubuisson, sire de Maubuisson, parlés à moy!» Li
chevaliers qui se oy nommer, et qui ossi recogneut
monsigneur Jehan de Haynau, par le pennon de ses 25
armes qui estoit devant lui, s'arresta et dist: «Sire,
que plaist vous?»--«Je vous pri, dist li sires de
Byaumont, que vous voelliés aler devers le roy de
France et son conseil, et leur dittes que li contes de
Haynau m'envoie chi pour prendre une triewe tant 30
seulement qu'uns pons soit fais sus ceste rivière, par
quoi vos gens ou li nostre le puissent passer. Et ce
que li rois ou li dus de Normendie en responderont,
si le me venés dire, car je vous attenderai tant que
vous serés revenus.»--«Par ma foy, dist li chevaliers,
monsigneur, volentiers.»
Atant se depa(r)ti li sires de Maubuisson, et feri 5
cheval des esporons, et vint jusques en la tente dou
roy de France, où li dus de Normendie estoit adonc
personelment, et grant fuison d'autres signeurs. Li
sires de Maubuisson salua le roy, le duch et tous les
signeurs, et relata son message bien et deuement, 10
ensi qu'il apertenoit, et que cargiés en estoit. Quant
il fu oys et entendus, on l'en respondi moult briefment
et li dist on: «Sire de Maubuisson, vous dirés
de par nous à celui qui chi vous envoie, que en
tel estat où nous avons tenu le conte de Haynau 15
jusques à ores, nous le tenrons en avant, et li ferons
despendre et engagier sa terre: ensi sera il guerriiés
de deux costés. Et quant bon nous samblera, nous
enterons en sa terre si à point que nous li pararderons
tout son pays.» 20
Ces parolles ne plus ne mains raporta li sires de
Maubuisson à monsigneur Jehan de Haynau, qui là
l'attendoit sus le rivage. Et quant la relation l'en fu
faite, si dist au chevalier: «Grant mercis!» Lors s'en
parti et s'en revint arrière à leur logeis, et trouva le 25
conte de Haynau, son (neveu), qui jeuoit as eschés
au conte de Namur. Li contes se leva si tost qu'il
vey son oncle, et li demanda nouvelles. «Sire, dist
messires Jehans de Haynau, à ce que je puis veoir et
considerer, li rois de France et ses consaulz prendent 30
grant plaisance en ce que vous sejournés chi à grant
frait, et dient ensi qu'il vous feront despendre et engagier
toute vo terre. Et quant bon leur samblera, il
vous combateront, non à vostre volenté ne aise,
mais à le leur.» De ces responses fu li contes de Haynau
tous grigneus, et dist qu'il n'iroit mies ensi.
§ 113. Nous nos tairons un petit à parler dou 5
duch de Normendie et dou conte de Haynau, et parlerons
dou roy Edouwart d'Engleterre, qui estoit
mis sus mer pour venir et arriver, selonch se intention,
en Flandres, et puis venir en Haynau aidier à
guerriier le conte, son serourge, contre les François. 10
Ce fu le jour devant le vegille Saint Jehan Baptiste,
l'an mil trois cens et quarante, qu'il nagoit par mer
à belle carge de naves et de vaissiaus. Et estoit toute
sa navie partie dou havene de Tamise, et s'en venoit
droitement pour arriver à l'Escluse. 15
Et adonc se tenoient entre Blankeberghe et l'Escluse
et sus le mer messires Hues Kierés, messires
Pières Bahucés et Barbevaire, à plus de sept vint
gros vaissiaus sans les hokebos. Et estoient bien Normans,
Bidaus, Geneuois et Pikars quarante mille. Et 20
estoient là ancré et arresté, au commandement dou
roy de France, pour attendre le revenue dou roy
d'Engleterre, car bien savoient qu'il devoit rapasser;
se li voloient veer et deffendre le passage, ensi qu'il
fisent bien et hardiement, tant qu'il peurent, si com 25
vous orés recorder. Li rois d'Engleterre et li sien,
qui s'en venoient tout singlant, regardent et voient
devers l'Escluse si grant quantité de vaissiaus que des
mas ce sambloient droitement uns bos; si en fu forment
esmervilliés, et demanda au patron de se navie 30
quelz gens ce pooient estre. Il respondi qu'il cuidoit
bien que ce fust li armée des Normans que li rois de
France tenoit sus mer, et qui pluiseurs fois li avoient
fait grant damage, et tant que ars et robet le bonne
ville de Hantonne, et conquis _Christofle_, son grant
vaissiel, et occis chiaus qui le gardoient et conduisoient. 5
Dont respondi li rois englès: «J'ay de lonch
temps desiré que je les peuisse combatre; si les combaterons,
s'il plaist à Dieu et à saint Jorge, car voirement
m'ont il fais tant de contraires que j'en voel
prendre le vengance, se g'i puis avenir.» 10
Lors fist li rois ordonner tous ses vaissiaus et mettre
les plus fors devant, et fist frontière à tous costés
de ses archiers; et entre deux nefs d'arciers, en y
avoit une de gens d'armes. Et encores fist il une bataille
sus costière, toute purainne d'arciers, pour reconforter, 15
se mestier faisoit, les plus lassés. Là y
avoit grant fuison de dames d'Engleterre, contesses,
baronnesses, chevalereuses et bourgoises de Londres,
qui venoient veoir le royne d'Engleterre à Gand, que
veue n'avoient un grant temps. Et ces dames fist li 20
rois englès bien garder et songneusement de trois cens
armeures de fier et de cinq cens arciers. Et puis pria
li rois à tous que il volsissent penser dou bien faire
et garder sen honneur; et cescuns li eut en couvent.
§ 114. Quant li rois d'Engleterre et si mareschal 25
eurent ordené leurs batailles et leurs navies bellement
et sagement, il fisent tendre et traire les voiles
contremont, et vinrent au vent, de quartier, sus destre,
pour avoir l'avantage dou soleil, qui en venant
lor estoit ou visage. Si s'avisèrent et regardèrent que 30
ce les pooit trop nuire, et detriièrent un petit, et
tourniièrent tant qu'i(l) l'eurent à leur volenté. Li
Normant, qui les veoient tourniier, s'esmervilloient
trop pour quoi il le faisoient et disoient: «Il ressongnent
et reculent, car il ne sont pas gens pour
combatre à nous.» Bien veoient entre yaus li Normant, 5
par les banières, que li rois d'Engleterre y estoit
personelment; si en estoient moult joiant, car
trop le desiroient à combatre. Si misent leurs vaissiaus
en bon estat, car il estoient sage de mer et bon
combatant. Et ordonnèrent _Christofle_, le grant vaissiel 10
que conquis avoient sus les Englès en celle meisme
anée, tout devant, et grant fuison d'arbalestriers
geneuois dedens, pour le garder et traire et escarmucier
as Englès. Et puis s'arroutèrent, à grant fuison
de trompes et de trompètes et de pluiseurs aultres 15
instrumens, et s'en vinrent requerre leurs ennemis.
Là se commença bataille dure et forte, de tous
costés. Et arcier et arbalestrier commencièrent à
traire l'un contre l'autre diversement et roidement,
et gens d'armes à approcier et à combatre main à 20
main asprement et hardiement. Et par quoi il peuissent
mieus avenir li un à l'autre, il avoient grans cros
et havés de fier tenans à chainnes; si les jettoient
ens ès nefs li un de l'autre, et les atachoient ensamble,
à fin qu'il se peuissent mieulz aherdre et plus 25
fierement combatre. Là eut une très dure et forte
bataille, et mainte apertise d'armes faite, mainte
luite, mainte prise et mainte rescousse. Là fu _Christofles_,
cilz grans vaissiaus, auques de commencement
reconquis des Englès, et tout chil mort et peri 30
qui le gardoient et deffendoient. Et adonc y eut grant
huée et grant noise; et approcièrent durement li Englès
et pourveirent incontinent _Christofle_, ce biel et
grant vaissiel, de purs arciers qu'il fisent passer tout
devant et combatre as Geneuois.
§ 115. Ceste bataille dont je vous parolle fu moult
felenesse et très horrible, car batailles et assaus sus 5
mer sont plus dur et plus fort que sus terre; car là
ne poet on reculer ne fuir, mais se fault vendre et
combatre, et attendre l'aventure, et cescun endroit
de lui moustrer son hardement et se proèce. Bien
est verités que messires Hues Kierés estoit bons chevaliers 10
et hardis, et ossi messires Pières Bahucés et
Barbevaires, qui dou temps passet avoient fait maint
meschief sus mer, et mis à fin tamaint Englès. Si
dura la bataille et la pestilense, de l'eure de prime
jusques à haute nonne. Si poés bien croire que, ce 15
terme durant, il y eut mainte apertise d'armes faite.
Et couvint là les Englès souffrir et endurer grant
painne, car leur ennemit estoient quatre contre un,
et toute gent de fait et de mer. De quoi li Englès,
pour tant qu'il besongnoit, se prendoient moult 20
priès de bien faire.
Là fu li rois d'Engleterre, de sa main très bons
chevaliers, car il estoit adonc en le fleur de se jonèce.
Et ossi furent li contes Derbi, li contes de Pennebruch,
li contes de Herfort, li contes de Hostidonne, 25
(ly contes de Kent, ly contes de Norhantonne[335])
et de Clocestre, messires Renaulz de Gobehen, messires
Richars de Stanfort, li sires de Persi, messires
Gautiers de Mauni, messires Henris de Flandres,
messires Jehans de Biaucamp, li sires de Felleton, li
sires de Brasseton, messires Jehans Chandos, li sires
de le Ware, li sires de Muleton et messires Robers
d'Artois, qui s'appelloit contes de Ricemont, et estoit
dalés le roy en grant arroi et en bonne estoffe, et 5
pluiseur aultre baron et chevalier, plain d'onneur et
de proèce, des quelz je ne puis mie de tous parler,
ne leurs bien fais ramentevoir. Mais il s'i esprouvèrent
si bien et si vassaument, par mi un secours de
Bruges et dou pays voisin qui leur vint, qu'il obtinrent 10
le place et l'yawe. Et furent li Normant et tout
cil qui là estoient encontre yaus mort et desconfi, peri
et noiiet, ne onques piés n'en escapa que tout ne
fuissent mis à (mort[336]). Ceste avenue fu moult tost
sceue par mi Flandres et puis en Haynau. Et en vinrent 15
les certainnes nouvelles ens ès deux hos, à
heure de mienuit, devant Thun l'Evesque. Si en furent
Haynuier, Flamench, Alemant et Braibençon
moult resjoy, et li François très courouciet. Or vous
conterons dou roy englès comment il persevera 20
apriès la bataille faite.
[335] Mss. B4, 3, fo 56.--Ms. B1, fo 84 (lacune).
[336] Ms. B3, fo 56.--Mss. B1, 4, fo 84: «bort.» Mauvaise leçon.
§ 116. Quant ceste victore, ensi que dessus est
dit, fu avenue au roy englès, il demora toute celle
nuit, qui fu la vigile Saint Jehan Baptiste, sus mer
en ses naves devant l'Escluse, en grant bruit et en 25
grant noise de trompes et de nakaires et de toutes
manières de menestraudies. Et là le vinrent veoir
chil de Flandres, qui estoient enfourmé de se venue.
Si demanda li dis rois nouvelles as bourgois de Bruges,
de Jakemon d'Artevelle; et cil respondirent qu'il
estoit à une semonse dou conte de Haynau contre le
duch de Normendie, à plus de soixante mille Flamens.
Ces parolles furent assés plaisans au roy englès.
Quant ce vint à l'endemain, le jour Saint Jehan, 5
li rois et toutes ses gens prisent port et terre. Et se
mist li rois tout à piet, et grant fuison de se chevalerie;
et s'en vinrent en cel estat en pelerinage à
Nostre Dame d'Ardenbourch. Là oy messe li rois et
disna, et puis monta; et vint celi jour, sus le soir, à 10
Gand, où ma dame la royne sa femme estoit, qui le
rechut à grant joie. Et toutes les gens le roy et tous
leurs harnois vinrent celle part depuis petit à petit.
Li rois d'Engleterre avoit escript et segnefiiet sa
venue as signeurs qui encores estoient à Thun l'Evesque, 15
devant les François: si ques, si tretost qu'il
sceurent qu'il estoit arrivés, et qu'il avoit desconfis
les Normans, il se deslogièrent. Et donna li dis contes
de Haynau, à quel priière et mandement il estoient
là venu, toutes manières de gens congiet, exceptet 20
les corps des grans signeurs. Mais chiaus là
amena il en Valenchiènes, et les festia et honnoura
grandement, par especial le duch de Braibant et Jakemon
d'Artevelle. Et là preeça li dis d'Artevelle, en
mi le marchiet, present tous les signeurs et chiaus 25
qui le peurent oïr. Et remoustra quelz drois li rois
d'Engleterre avoit à le calenge de France, et ossi quel
poissance li troi pays avoient, Flandres, Haynau et
Braibant, quant il estoient d'un accord et d'une alliance
ensamble. Et fist tant adonc, par ses paroles 30
et par son grant sens, que toutes manières de gens
qui l'oïrent et entendirent, disent qu'il avoit durement
bien parlet et par grant experiense, et en fu de
tous moult loés et prisiés; et disent qu'il estoit bien
dignes de gouvrener et excerser le conté de Flandres.
Apriès ces coses faites et devisées, li signeur se
partirent li un de l'autre, et prisent un brief jour de 5
estre ensamble à Gand dalés le roy d'Engleterre. Si
y furent le sizime jour apriès, et vinrent veoir le roy,
qui les rechut à grant chière, et les conjoy et festia
moult liement. Et ossi fist la royne d'Engleterre,
Phelippe de Haynau, qui assés nouvellement estoit 10
relevée d'un fil qui s'appelloit Jehans, et fu depuis
dus de Lancastre de par ma dame, sa femme, fille
au duch Henri de Lancastre, si com vous orés recorder
avant en l'ystore. Adonc fu pris et assignés
uns certains jours de parlement, à estre à Villevort 15
tous les signeurs et leurs consaulz, et li consaulz des
bonnes villes de leurs pays. Si se partirent dou roy
d'Engleterre, et s'en rala cescuns en son lieu, attendans
que li termes devoit venir pour estre à Vilvort,
si com dessus est dit. Or vous compterons un petit 20
dou roy de France, et de aucunes de ses ordenances,
(qu'il fist depuis[337]) qu'il sceut que li rois englès fu
arivés en Flandres.
[337] Mss. B3, 4, fo 56 vo.--Ms. B1, fo 84 vo (lacune).
§ 117. Quant li rois Phelippes de France sceut le
verité de sen armée sus mer, comment il avoient 25
esté desconfi, et que li rois englès, ses adversaires,
estoit arrivés paisievlement en Flandres, si en fu durement
courouciés, mès amender ne le peut; si se
desloga et se retray viers Arras, et donna une partie
de ses gens d'armes congiet, jusques à tant qu'il oroit 30
aultres nouvelles. Mais il envoia monsigneur Godemar
dou Fay en Tournay, pour là aviser des besongnes,
et penser que la cité fust bien pourveue, car il
se doubtoit plus des Flamens que d'autrui. Et mist
le signeur de Biaugeu en Mortagne, pour faire frontière 5
contre les Haynuiers; et envoia grant fuison de
gens d'armes à Saint Omer, à Aire et à Saint Venant;
et pourvei souffissamment tout le pays, sus les frontières
de Flandres.
En ce temps, regnoit uns rois en Sesille, qui s'appelloit 10
Robers, qui avoit le fame et le renommée de
estre très grans astro(no)miens, et deffendoit, ce qu'il
pooit, au roy de France et à son conseil que point
ne se combatesist au roy englès, car li dis rois englès
devoit estre trop fortunés en toutes ses besongnes. 15
Et euist volentiers veu li dis rois Robers que on euist
les dessus dis rois mis à acord et à fin de leur guerre,
car il amoit tant la couronne de France que à envis
veist se desolation. Si estoit li dessus dis rois en ce
temps venus en Avignon devers le pape Clement et 20
le Collège, et leur avoit remoustré les perilz qui
pooient estre en France, par le fait des guerres des
deux rois, et encores avoech ce priiet et requis qu'il
se volsissent ensonniier d'yaus apaisenter, pour tant
qu'il les veoit si esmeus en grant guerre où nulz 25
n'aloit au devant. De quoi li papes Clemens VIe et
li cardinal l'en avoient respondu tout à point et dit
qu'il y entenderoient volentiers, mès que li doi roy
en volsissent oïr.
§ 118[338]. Or retourrons nous au parlement qui fu à 30
Vilvort, si com dessus est dit. A ce parlement qui
fu à Vilvort, furent tout cil signeur après denommet:
premierement li rois d'Engleterre, li dus Jehans de
Braibant, li contes de Haynau, messires Jehans de
Haynau, ses oncles, li dus de Guerles, li contes de 5
Jullers, li markis de Blankebourch, li markis de Misse
et d'Eurient, li contes des Mons, messires Robers
d'Artois, li sires de Faukemont, messires Guillaumes
de Duvort, li contes de Namur, Jakemes d'Artevelle,
et grant fuison d'aultres signeurs; et de toutes les 10
bonnes villes de Flandres, de Braibant et de Haynau,
deux ou quatre hommes, par manière de conseil. Là
furent parlementé et consilliet pluiseur avis et estatut
entre les signeurs et leurs pays. Et acordèrent et
seelèrent li troy pays, loist assavoir Flandres, Haynau 15
et Braibant, qu'il seroient, de ce jour en avant,
aidant et confortant l'un l'autre, en tous cas et en
tous afaires. Et se alloiièrent par certainnes couvenences
que, se li uns des trois pays avoit à faire contre
qui que ce fust, li doi autre le devoient aidier. Et 20
se il avenoit qu'il fuissent en discort dou temps à venir
li doi ensamble, li tiers y devoit mettre bon acord.
Et se il n'estoit fors pour ce faire, il s'en devoit traire
au roy d'Engleterre, en qui main ces couvenences et
alliances estoient dittes et jurées à tenir fermes et 25
estables, qui comme ressors les devoit apaisenter.
[338] Dans le ms. B1, fo 85, il n'y a aucune coupure après ces
mots: «volsissent oïr»; nous avons suivi quelques bons mss.,
notamment celui de Besançon, fo 61, qui commencent ici un
paragraphe distinct.
Et furent pluiseur estatut là juret, escript et seelet,
qui depuis se tinrent trop mal. Mais toutes fois,
par confirmation d'amour et d'unité, il ordonnèrent
à faire forgier une monnoie coursable ens ès trois 30
pays, que on appelleroit _compagnons_ ou _alloiiés_. Sus
le fin des parlemens, il fu dit et arresté et regardé
pour le milleur que, environ le Magdelainne, li rois
englès s'esmouveroit et venroit efforciement mettre
le siège devant le bonne cité de Tournay. Et là y 5
devoient estre avoecques lui tout li signeur dessus
nommet, avoech leur mandement de chevaliers et
d'escuiers, et li pooirs des bonnes villes. Si se partirent
sus tel estat que pour yaus retraire en leurs
pays, et appareillier souffisanment, cescun selonch 10
che qu'il apertenoit, pour estre mieus pourveu, quant
li jours et li termes venroit qu'il devoi(en)t estre devant
le cité de Tournay, et cescuns selonch son estat.
§ 119. Or sceut li rois Phelippes, assés tost apriès
le departement de ces signeurs qui à Vilvort avoient 15
esté, le plus grant partie de l'ordenance de ce parlement
et tout l'estat, et comment li rois englès devoit
venir assegier le cité de Tournay; si s'avisa qu'il le
conforteroit telement et y envoieroit si bonne chevalerie,
que la cité seroit toute seure et bien consillie. 20
Si y envoia droitement fleur de chevalerie, le conte
Raoul d'Eu, connestable de France, et le jone conte
de Ghines, son fil, le conte de Fois et ses frères, le
conte Aimeri de Nerbonne, monsigneur Aymart de
Poitiers, monsigneur Joffroi de Chargni, monsigneur 25
Gerart de Montfaucon, ses deux mareschaus monsigneur
Robert Bertran et monsigneur Mahieu de Trie,
le signeur de Kaieus, le senescal de Poito, le signeur
de Chastillon et monsigneur Jehan de Landas. Chil
avoient avoech yaus chevaliers et escuiers, preus as 30
armes, et très bonnes gens. Si leur pria li dis rois
chierement qu'il vosissent si bien penser et songnier
de Tournay que nulz damages ne s'en presist; et il
li eurent en couvent. Adonc se partirent il d'Arras,
et chevaucièrent tant par leurs journées qu'il vinrent
à Tournay. Si y trouvèrent monsigneur Godemar 5
dou Fay, qui en devant y avoit esté envoiiés, qui
les rechut liement; et ossi fisent tout li homme de le
ville. Assés tost apriès che qu'il furent venu, il regardèrent
et fisent regarder as pourveances de le
cité, tant en vivres comme en artillerie, et ordonnèrent 10
bien et à point, selonch che qu'il besongnoit;
et y fisent amener et achariier, dou pays voisin,
grant fuison de blés et d'avainnes et de toutes aultres
pourveances, tant que la chité fu en bon point,
pour lui tenir un grant temps. 15
§ 120[339]. Or retourrons au roy d'Engleterre, qui se
tenoit à Gand, dalés la royne sa femme, et entendoit
à ordener ses besongnes. Quant li termes deubt
approcier que li signeur dessus nommet se devoient
trouver devant Tournay, et que li bled commençoient 20
à meurir, li rois englès se parti de Gand à
moult belle gent d'armes de son pays, sept contes,
deux prelas, vingt huit banerès et bien deux cens
chevaliers. Et estoient Englès quatre mille hommes
d'armes et neuf mille archiers, sans le pietaille. Si 30
s'en vint et passa et toute sen host parmi le ville de
Audenarde; et puis passa le rivière d'Escaut, et s'en
vint logier devant Tournay, à le porte c'on dist
Saint Martin, ou chemin de Lille et de Douay. Assés
tost après, vint ses cousins li dus de Braibant, à plus
de vingt mille hommes, chevaliers et escuiers, et les
communautés de ses bonnes villes. Et se loga li dis
dus devant Tournay; et comprendoit sen host grant
quantité de terre. Et estoient Braibençon logiet au 5
Pont à Riès, contreval l'Escaut, mouvant de l'abbeye
Saint Nicolay, revenans vers le Pire et le porte Vale(n)cenoise.
Apriès estoit li contes Guillaumes de
Haynau avoech belle bachelerie de son pays; et avoit
grant fuison de Hollandois et de Zellandois, qui le 10
gardoient de priès, et le servoient ensi que leur signeur.
Et estoit li contes de Haynau logiés entre le
duch de Braibant et le roi d'Engleterre. Apriès estoit
Jakemes d'Artevelle à plus (de) soixante mil Flamens
sans chiaus de Ippre, de Popringhe et de Cassiel et 15
de le chastelerie de Berghes, qui estoient envoiiet
d'autre part, ensi que vous orés chi après. Et estoit
Jakemes d'Artevelle logiés à le porte Sainte Fontainne,
d'une part de l'Escaut et d'aultre. Et avoient
li Flamench fait un pont de nefs sus l'Escaut, pour 20
aler et venir à lor aise. Li dus de Guerles, li contes
de Jullers, li markis de Blankebourch, li markis de
Misse et d'Eurient, li contes des Mons, li contes de
Saumes, li sires de Faukemont, li sires de Bakehen
et tout li Alemant estoient logiet d'autre part devers 25
Haynau, et avoient fait ossi un pont sus l'Escaut, au
dessus de Tournay, et pooient aler et chevaucier de
l'une host en l'autre. Ensi estoit la cité de Tournay
assise et environnée de tous lés et de tous costés, ne
nulz n'en pooit partir, entrer ne aler, que ce ne fust
par congiet, et qu'il ne fust veus et aperceus de 30
chiaus de l'ost, sus le quel costet que che fust.
[339] Ms. A8, fo 59, et ms. A1, fo 61 vo. Il n'y a pas ici de
coupure dans les mss. B1, 3 et 4.