ses gens que on avoit occis et blechiés et fianchiés
prisons et dist: «Agar comment cil Haynuier nous 5
resveillent!» A l'endemain, au point dou jour, fist
on sonner les trompètes en l'ost le duc de Normendie.
Si se armèrent et ordonnèrent toutes manières
de gens, et misent à cheval, et arroutèrent le charoi,
et passèrent le ditte rivière de Selles, et entrèrent de 10
rechief en Haynau, car li dus voloit venir vers Valenchiènes
et aviser comment il le poroit assegier.
Chil qui chevauçoient devant, li mareschaus de Mirepois,
li sires de Noiiers, li Gallois de le Baume et
messires Thiebaus de Moruel, à bien quatre cens lances 15
sans les bidaus, s'en vinrent devant le Kesnoy
et approchièrent le ville jusques as barrières, et fisent
samblant qu'il le vorroient assallir; mès elle estoit
si bien pourveue de bonnes gens d'armes et de
grant artillerie qu'il y euissent perdu leur painne. 20
Nompourquant il escarmucièrent un petit devant les
bailles, mais on les fist tantost retraire, car cil dou
Kesnoi descliquièrent canons et bombardes qui jettoient
grans quariaus. Si se doubtoient li François de
leurs chevaus, et se retraisent par devers Wargni et 25
ardirent Wargni le Grant et Wargni le Petit, Fielainnes,
Faumars, Semeries, Artre, Artriel, Sautain, Curgies,
Estruen, Ausnoy et Villers monsigneur Polle.
Et en voloient les flamesces et li fascon en le ville
de Valenchiènes. Et vinrent cil coureur courir par 30
devant Valenchiènes. Et entrues ordonnoient li François
leurs batailles sus le mont de Chastres priès de
Valenchiènes, et se tenoient là en grant estoffe et
moult richement. Dont il avint que environ deux
cens lances des leurs, dont li sires de Craon et li sires
de Maulevrier et li sires de Matefelon et li sires
d'Avoir estoient conduiseur, s'avalèrent devers Maing, 5
et vinrent assallir une forte tour quarée, qui pour le
temps estoit Jehan Bernir de Valenchiènes. Depuis
fu elle à Jehan de Nuefville. Là eut grant assaut, dur
et fort, et dura priès que tout le jour, ne on n'en
pooit les François partir; si en y eut il mors ne sai 10
cinq ou six. Et si bien se tinrent et deffendirent cil
qui le gardoient qu'il n'i prisent point de damage.
Si s'en vinrent li plus de ces François à Trit, et cuidièrent
de premières venues là passer l'Escaut; mais
cil de le ville avoient deffait le pont et deffendoient 15
le passage roidement et fierement. Et jamais à cel
endroit ne l'euissent li François conquis, mais il en
y eut entre yaus de chiaus qui cognissoient le passage
et le rivière et le pays; si en menèrent bien
deux cens de piet passer as plankes à Prouvi. Quant 20
cil furent oultre, il vinrent tantos baudement sus
chiaus de Trit qui n'estoient c'un petit ens ou regard
d'yaus, et ne peurent durer; si tournèrent en fuite.
Si en y eut des mors et des navrés et des noiiés pluiseur.
25
Ce meismes jour, estoit partis de Valenchiènes li
seneschaus de Haynau à cent armeures de fier, et issus
de le ville par le porte d'Anzaing; et pensoit bien
que cil de Trit aroient à faire; si les voloit secourir.
Dont il avint que, deseure Saint Vaast, il trouva de 30
rencontre environ vint cinq coureurs françois que
troi chevalier de Poito menoient, messires Bouchicaus
li uns, li sires de Surgières li aultres, et messires
Guillaumes Blondiaus li tiers; et avoient passet
l'Escaut assés priès de Valenchiènes, au pont c'on
dist à le Tourielle; et avoient courut par droite bachelerie
deseure Saint Vaast. Si tretost que li senescaus 5
de Haynau les perchut, si fu moult liés, car
bien perchut et vit que c'estoient si ennemit, et feri
apriès yaus et toute se route ossi. Là eut bonne
jouste des uns as aultres. Et me samble que li seneschaus
de Haynau porta jus de cop de lance monsigneur 10
Bouchicau, qui estoit adonc moult apers chevaliers,
et fu plus encores depuis et marescaus de
France, si com vous orés avant en l'ystore; et le fist
fiancier prison et l'envoia en Valenchiènes; mais je
ne sçai comment ce poet estre, car li sires de Surgières 15
escapa et se sauva, et ne fu point pris. Mès il fu
pris messires Guillaumes Blondiel et fiança prison à
monsigneur Henri de Husphalise, et furent priès tout
li aultre mort et pris. Cilz rencontres detria grandement
le senescal de Haynau qu'il ne peut venir à 20
temps au pont à Trit; mais l'avoient jà conquis li
François, quant il y vint; et mettoient grant painne
à abatre les moulins et un petit chastelet qui là estoit.
Mès si tretost que li senescaus vint en le ville,
il n'eurent point de loisir, car il furent reboutet et 25
reculet villainnement, occis, decopé et mis en cache.
Et les fist on sallir en le rivière d'Escaut, dont il en
y eut aucuns noiiés, et en fu li ville de Trit adonc
toute delivrée. Et vint li senescaus de Haynau passer
l'Escaut à Denaing, et puis chevauça et toute se route 30
vers son chastiel de Werchin, et se bouta dedens
pour le garder et deffendre, se mestier faisoit. Et encores
se tenoit li dus de Normendie et ses batailles
sus le mont de Castres, et se tint en bonne ordenance
le plus grant partie dou jour, car il cuidoit
que cil de Valenciènes deuissent widier et lui venir
combatre. Ossi fuissent il très volentiers. Mès messires 5
Henris d'Antoing, qui avoit la ville en garde, leur
deveoit et deffendoit, et estoit à le porte [cambresienne]
moult ensonniiés et en grant painne de yaus
destourner de non vuidier, et li prevos de le ville
pour le temps, (avoecques lui,) Jehans de Baissi, qui 10
les affrenoit ce qu'il pooit, et leur moustra adonc
tant de belles raisons qu'il s'en souffrirent.
§ 105. Quant li dus de Normendie et ses batailles,
qui très belles estoient à regarder, ensi que ci dessus
est deviset, se furent tenu un grant temps sus le 15
mont de Castres, et il veirent que nulz ne venroit
ne isteroit hors de Valenchiènes pour yaus combatre,
adonc furent envoiiet li dus d'Athènes et li sires de
Chastellon, et bien trois cens lances de fortes gens
et bien montés, pour courir jusques à Valenciènes. 20
Chil chevaucièrent en très bonne ordenance, et vinrent
au lés devers le Tourielle à Goguel, et chevaucièrent
moult arreement jusques as bailles de le ville;
mais il n'i demorèrent point plenté, car il ressongnièrent
le tret pour leurs chevaus. Et toutes fois li 25
sires de Chastillon chevauça si avant que ses coursiers
fu trais et chei desous lui, et le couvint monter
sus un aultre. Ceste chevaucie prist son tour devers
les Marlis et les ardirent, et abatirent tous les moulins
qui là estoient sus le rivière de Wintiel, et puis 30
prisent leur tour par derrière les Chartrois et revinrent
à leur bataille. Or vous di qu'il estoient demoret
aucun compagnon françois derrière en le ville
des Marlis, pour mieus fourer à leur aise. Dont il
avint que cil qui gardoient une tour, qui là est as
hoirs de Haynau, et fu jadis à monsigneur Robert de 5
Namur de par ma dame Yzabiel de Haynau sa femme,
perchurent ces François qui là estoient, et si veirent
bien que li grosse chevaucie estoit retraite: si issirent
baudement hors, et les assallirent de grant corage:
et les menèrent telz qu'il en tuèrent bien la 10
moitiet, et leur tollirent tout leur pillage, et puis retournèrent
en leur tour.
Encores se tenoient les batailles sus le mont de
Castres, et tinrent tout le jour jusques apriès nonne,
que li coureur revinrent de tous costés. Dont eurent 15
conseil là entre yaus moult grant et disoient li signeur
que, tout consideret, il n'estoient mies gens
assés pour assegier une si grande ville que Valenchiènes
est. Si eurent finablement conseil de departir
d'illuech, et de yaus retraire deviers Cambray. Si 20
s'en vinrent ce soir logier à Maing et à Fontenielles,
et furent là toute la nuit, et fisent bon gait et grant.
A l'endemain, il s'en partirent, mais il ardirent Maing
et Fontenielles et toute l'abbeye, qui estoit à ma
dame Jehane de Valois, ante dou dit duch et soer 25
germainne au roy son père. De quoi li dus fu moult
courouciés, et fist pendre chiaus qui le feu y avoient
mis et bouté. A ce departement, fu pararse li ville de
Trit, et li chastiaus et li moulin abatu, et Prouvi,
Rouvegni, Thians, Monciaus, et tous li plas pays 30
entre Cambrai et Valenciènes.
Ce jour, au matin, issirent de Valenchiènes aucun
compagnon legier, quant il seurent le departement
des François, et s'en vinrent sus les camps, entour
le mont de Castres, ù li François avoient esté logiet,
et y trouvèrent encores des vivres et des pourveances
que li François y avoient laissies, et pluiseur logeis 5
où il avoit encores aucuns brigans et Geneuois
qui tant avoient beu dou soir qu'il s'estoient enivré
et dormoient encores. Si boutèrent cil dit compagnon
de Valenciènes le feu en ces logis, et ardirent
là dedens le(s) dis brigans. Car quant il sentoient le 10
feu, il s'esvilloient et cuidoient sallir hors; mais il estoient
decaciet ens de leurs ennemis à plançons et à
goudendars. Toutes fois, il en y eut un qui salli hors,
mais il fu pris par piés et par gambes et par bras,
et jettés en un grant feu qui estoit fais devant le dit 15
logis, et là fu tous ars. Si est grans meschiés de ce
que chrestiien destruisent ensi li uns l'autre sans
pité.
Che jour chevauça tant li dus de Normendie qu'il
vint devant Escauduevre, un bon chastiel et fort dou 20
conte de Haynau, seant sus le rivière d'Escaut, et
qui moult grevoit chiaus de Cambrai, avoecques
chiaus de le garnison de Thun l'Evesque. Dou chastiel
d'Escauduevre estoit chapitainne et souverains
messires Gerars de Sassegnies, qui devant ce n'avoit 25
eu nulle reproce de diffame. Or ne sçai je que ce fu
ne qui l'enchanta, mès li dus n'ot pas sis devant le
forterèce six jours quant elle li fu rendue sainne et
entière, dont tous li pays fu esmerveilliés. Et en furent
souspeçonnet de trahison messires Gerars de 30
Sassegnies, et uns siens escuiers, qui s'appelloit Robers
Mariniaus. Chil doi en furent pris et encoupet,
et en morurent villainnement à Mons en Haynau. Et
chil de Cambrai abatirent le chastiel d'Escauduevre,
et en portèrent le pière à Cambray, et en fisent remparer
et refortefiier leur ville.
§ 106. Apriès le prise et le destruction d'Escauduevre, 5
se retray li dus Jehans de Normendie en le
cité de Cambray, et donna une grant partie de ses
gens d'armes congiet, et les aultres envoia ens ès
garnisons de Lille et de Douay et des forterèces voisines.
Et avint en celle meismes sepmainne que Escauduevre 10
fu pris, que li François qui en Douay estoient
issirent hors, et chil de Lille avoech yaus, et
pooient estre environ trois cens lances. Et les conduisoient
messires Loeis de Savoie et messires Aymars
de Poitiers, li contes de Genève, li sires de Villars, 15
et li Gallois de le Bausme avoecques le signeur de
Wavrain et le signeur de Wasiers, et vinrent en celle
chevaucie ardoir en Haynau ce biau plain pays d'Ostrevan.
Et ne demora riens dehors (les fortrèches[326]),
dont cil de Bouçain furent moult courouciet, car il 20
veoient les feus et les fumières au tour d'yaus, et se
n'i pooient mettre remède. Si envoiièrent il en Valenchiènes
en disant que, (se) de nuit il (vouloient[327]) issir
hors environ cinq cens ou six cens armeures de fier, il
porteroient grant damage as François qui estoient 25
encores tout quoi et logiet ou plain pays; mais cil de
Valenciènes n'en eurent point conseil de partir, ne de
vuidier leur ville. Par ensi n'eurent li François point
d'encontre; si ardirent il Anich et le moitiet d'Ascons,
Escaudain, Here, Fenain, Denain, Montegni, Warlain,
Mauni, Aubrecicourt, l'Ourch, Sauch, Ruet, (Nuefville[328]),
le Lieu Saint Amant et tous les villages qui en ce
pays estoient, et en remenèrent grant pillage et grant 5
proie en leurs garnisons. Et quant cil de Douay furent
retrait, li saudoiier de Bouçain issirent hors et
chevaucièrent et ardirent l'autre partie de le ville 10
d'Ascons, qui se tenoit françoise, et tous les villiaus
françois jusques ens ès portes de Douay, et le ville
d'Eskierchin.
[326] Mss. B4, 3, fo 52.--Ms. B1, fo 78 (lacune).
[327] Mss. B3, 4.--Ms. B1: «voloit.»
[328] Mss. B4, 3, fo 52.--Ms. B1, fo 78 (lacune).
Ensi que je vous ay dit, les garnisons sus les frontières
estoient pourveues et garnies de gens d'armes,
et souvent y avoit des chevaucies et des rencontres
et des fais d'armes des uns as aultres, ensi que en 15
telz besongnes appertient. Si avint, en celle meisme
saison, que saudoiier alemant se tenoient[329] de par
l'evesque de Cambray en le Malemaison, à deux
liewes dou Chastiel Cambrisien, et marchissant d'autre
part plus priès de Landrecies, dont li sires de Potelles, 20
uns appers chevaliers haynuiers, estoit chapitainne
et gardiiens, car li contes Loeis de Blois, quoi
qu'il en fust sires, avoit rendu son hommage au
conte de Haynau, pour tant qu'il estoit françois, et
li contes le tenoit en se main et le faisoit garder pour 25
les François. Si avoient souvent le hustin cil de le
Malemaison et cil de Landrecies ensamble. Dont un
jour sallirent hors de le Malemaison li dessus dit
Alemant bien armé et bien monté, et vinrent courir
devant le ville de Landrechies, et acueillièrent le
proie, et l'en menoient devant yaus, quant la nouvelle
et li haros en vint en Landrechies entre les Haynuiers
qui là se tenoient. Donc s'arma li sires de
Potielles et fist armer les compagnons, et montèrent 5
à cheval et se partirent pour rescourre as Alemans
le proie qu'il en menoient. Si estoit adonc li sires de
Potielles tout devant, et le sievoient ses gens, cescuns
qui mieus mieus. Ils, qui estoit de grant volenté
et plains de hardement, abaissa son glave et escria as 10
François qu'il retournaissent, car c'estoit hontes de
fuir.
[329] Dans le ms. B1, fo 78, comme dans tous les mss. de
Froissart, _se tenoient_ est précédé de _qui_, que nous avons
supprimé.
Là avoit un escuier alemant que on appelloit Albrest
de Coulongne, apert homme d'armes durement,
qui fu tous honteus quant il vey que on le cachoit 15
ensi; si retourna franchement et abaissa son glave,
et feri cheval des esporons, et s'adreça sus le signeur
de Potielles, et li chevaliers sur lui, telement qu'il le
feri sus sa targe un si grant horion que la glave vola
en tronchons. Et li Alemans le consievi par tel manière, 20
de son glave roide et enfumée, que onques ne
brisa ne ne ploia, mès percha la targe, les plates et
l'auqueton, et li entra dedens le corps, et le poindi
droit au coer, et l'abati jus dou cheval navré à mort.
Donc vinrent li compagnon haynuier, li sires de 25
Bousies, Gerars de Mastain et Jehans de Mastain et
li aultre qui de priès le sievoient, qui s'arrestèrent
sur lui, quant en ce parti le veirent, et le regretèrent
durement; et puis requisent les François fierement
et asprement, en contrevengant le signeur de Potielles 30
qui là gisoit navrés à mort. Et combatirent et
assalirent si dur Albrest et se route qu'il furent desconfi,
mort et pris. Peu en escapèrent, et la proie
(fu) rescousse et ramenée, et li prisonnier ossi en
Landrecies, et li sires de Potièles mors, dont tout
li compagnon furent cou(rou)ciet[330].
[330] Mss. B3, 4, fo 52.--Ms. B1, fos 78 vo et 79: «couciet.»
§ 107. Apriès le signeur de Potielles, li sires de 5
Floion fu un grant temps gardiiens de le ville et dou
chastiel de Landrechies, et couroit souvent sus chiaus
de Bohain, de le Malemaison et dou Chastiel en Cambresis
et des forterèces voisines, qui ennemies leur
estoient. Ensi couroient un jour li Haynuier et l'autre 10
li François. Si y avoit souvent des rencontres et
des escarmuces et des rués jus des uns et des aultres,
car au voir dire telz besongnes le requièrent. Si estoit
li pays de Haynau en grant tribulacion et en grant
esmay, car une partie de leur pays estoit ars et essilliés; 15
et si sentoient encores le duch de Normendie
sus les frontières, et ne savoient qu'il avoit empenset,
et si n'ooient nulles (nouvelles[331]) de leur signeur
le conte. Bien est voirs qu'il avoit estet en Engleterre
où li rois et li baron dou pays l'avoient grandement 20
honnouré et festiiet; et avoit fait et juret
grans alliances au roy englès, et s'en estoit partis et
alés en Alemaigne devers l'empereour Loeis de Baivière:
c'estoit la cause pour quoi il sejournoit tant.
D'autre part, messires Jehans de Haynau, ses oncles, 25
estoit alés en Braibant et en Flandres, et avoit remoustré
au dit duch de Braibant et à Jakemon d'Arteveille
le desolation dou pays de Haynau, et comment
li Haynuier leur prioient qu'il y volsissent entendre
et pourveir de conseil. Li dessus dit l'en
avoient respondut que li contes ne pooit longement
demorer; et, lui revenu, il estoient tout appareilliet
d'aler à tout leur pooir là où il les vorroit mener. 5
Or revenrons nous au duch de Normendie, et recorderons
comment il assega chiaus de Thun l'Evesque.
[331] Mss. B3, 4, fo 52.--Ms. B1, fo 79 (lacune).
§ 108. Entrues que li dus de Normendie se tenoit
en le cité de Cambray, li dis evesques et li bourgois
dou lieu li remoustroient comment li Haynuier 10
avoient pris et emblet le fort chastiel de Thun, et
que, par amours et pour se honneur et le pourfit del
commun pays, il vosist mettre conseil et entente au
ravoir, car chil de le garnison constraindoient durement
le pays de là environ. Li dis dus y entendi 15
volentiers, et fist de recief semonre ses hos, et mist
ensamble grant fuison de signeurs et de gens d'armes,
qui se tenoient en Artois et en Vermendois, les
quelz il avoit eus en se première chevaucie; et se
parti de Cambray et s'en vint à toutes ses gens logier 20
devant Thun, sus le rivière d'Escaut, en ces biaus
plains au lés deviers Ostrevant. Et fist li dus là amener
et achariier six grans engiens de Cambray et de
Douay, et les fist drecier et asseoir fortement devant
le forterèce. Chil engien y gettoient nuit et jour pières 25
et mangonniaus à grant fuison, qui effondroient
et abatoient les combles et les tois des tours, des
cambres et des salles, et constraindirent par ce dit
assaut durement chiaus dou chastiel. Et n'osoient li
compagnon qui le gardoient demorer en cambre ne 30
en salle qu'il euissent, fors en caves et en celiers.
Onques gens d'armes ne souffrirent, pour lor honneur,
en forterèce, tant de painne ne de meschief
que cil fisent. Des quelz estoit souverains et chapitains
uns chevaliers englès qui s'appelloit messires
Richars de Limozin, et ossi doi escuier de Haynau, 5
frères au signeur de Mauni, Jehans et Thieris. Chil
troi dessus tous les aultres en avoient toute le carge,
le painne et le fais, et tenoient les aultres compagnons
en vertu et en force, et leur disoient: «Biau
signeur, nos sires li gentilz contes de Haynau venra 10
un de ces jours à si grant ost contre les François,
qu'il nous delivera à toute honneur de ce peril, et
nous sara grant gré de ce que si francement nous
serons tenu.»
Ensi reconfortoient li troi dessus dit les compagnons 15
qui n'estoient mies à leur aise, car pour yaus
plus grever et plus tost amener à merci, cil de l'host
leur jettoient et envoioient par leurs engiens chevaus
mors et bestes mortes et puans, pour yaulz empunaisier,
dont il estoient là dedens en grant destrèce. 20
Car li airs estoit fors et chaus ensi qu'en plain esté,
et furent plus adit et constraint par cel estat que par
aultre cose. Finablement, il regardèrent et considerèrent
entre yaus que celle mesaise il ne pooient longement
souffrir ne porter, tant leur estoit la punaisie 25
abhominable. Si eurent conseil et avis de trettier
unes triewes à durer quinze jours, et là en dedens
segnefiier leur povreté à monsigneur Jehan de Haynau,
qui est regars et gardiiens de tout le pays, à fin
qu'il en fuissent conforté; et se il ne l'estoient, il 30
renderoient le forterèce au dit duch de Normendie.
Chilz trettiés fu entamés et mis avant. Li dus leur
acorda et mist en souffrance tous assaus et leur donna
triewes quinze jours, qui fisent moult de biens as
compagnons dou dit fort, car aultrement il euissent
esté tout mort et empunaisiet sans merci, tant leur
envoioit (on[332]) de charongnes pouries et d'aultres ordures 5
par les engiens. Si fisent tantost partir Ostelart
de Sommaing par le trettiet devisant, qui s'en vint
à Mons en Haynau, et trouva là le signeur de Byaumont
qui avoit oy nouvelles de son neveu le conte
de Haynau qui revenoit en son pays, et avoit estet 10
devers l'Empereur et fait grans alliances à lui et as
signeurs de l'Empire, le duch de Gerles, le conte de
Jullers, le markis de Blankebourch et tous les aultres.
Si en enfourma li sires de Byaumont le dit escuier
Ostelart de Sommaing, et li dist bien que chil 15
de Thun l'Evesque seroient temprement conforté,
mès que ses cousins fust revenus ou pays.
[332] Mss. B3, 4, fo 53.--Ms. B1, fo 80 (lacune).
§ 109. Le triewe durant, qui fu prise entre le duch
de Normendie et les saudoiiers de Thun, si com vous
avés oy, revint li contes de Haynau en son pays, 20
dont toutes manières de gens furent resjoy, car moult
l'avoient desiret. Se li recorda li sires de Byaumont,
ses oncles, comment les coses avoient alet depuis
son departement, et à quel poissance li dus de Normendie
avoit entré ne sejourné en son pays, et ars 25
et destruit tout par delà Valenciènes, excepté les forterèces.
S'en respondi li contes qu'il seroit bien amendet,
et que li royaumes de France estoit grans assés
pour avoir ent satisfation de toutes ces fourfaitures;
mès briefment il voloit aler devant Thun l'Evesque
et conforter ses bonnes gens qui gisoient là si honnourablement,
et qui si loyaument s'i estoient tenu
et deffendu. Si fist li contes ses mandemens et ses
priières en Braibant, en Guerles, en Jullers et en Alemaigne 5
et ossi en Flandres devers son bon ami d'Artevelle.
Et s'en vint li dis contes à Valenciènes, à
grant fuison de gens d'armes, chevaliers et escuiers
de son pays et des pays dessus nommés, et toutdis
li croissoient gens. Et se parti de Valenciènes en 10
grant arroy de gens d'armes, de charoi, de tentes,
de trés, de pavillons et de toutes aultres pourveances,
et s'en vint logier à Nave sur ces biaus plains et
ces grans prés, tout contreval le rivière d'Eschaut.
Là estoient des signeurs de Haynau avoec le dit 15
conte et en bon arroy: premierement messires Jehans
de Haynau, ses oncles, li sires d'Enghien, li sires
de Wercin, seneschaus de Haynau, li sires d'Antoing,
li sires de Ligne, li sires de Barbençon, li
sires de Lens, messires Guillaumes de Bailluel, li sires 20
de Haverech, chastellains de Mons, li sires de Montegni,
li sires de Marbais, messires Thieris de Wallecourt,
mareschaus de Haynau, li sires de le Hamède,
li sires de Gommegnies, li sires de Roisin, li sires de
Trasegnies, li sires de Briffuel, li sires de Lalain, li 25
sires de Mastain, li sires de Sars, li sires de Wargni,
li sires de Biauriu et pluiseur aultre chevalier et escuier,
qui tout se logoient dalés leur signeur. Assés
tost apriès, y revint li jones contes Guillaumes de
Namur moult estoffeement à deux cens lances, et se 30
loga ossi sus le rivière d'Escaut en l'ost le conte.
Apriès revinrent li dus de Braibant à bien sis cens
lances, li dus de Guerles, li contes de Jullers, li markis
de Misse et d'Eurient, li markis de Blankebourch,
li contes des Mons, li sires de Faukemont, messires
Ernoulz de Bakehen, et grant fuison d'autres signeurs
et gens d'armes d'Alemagne et de Witephale. Si se 5
logièrent tout li un apriès l'autre, sus le rivière d'Escaut,
à l'encontre de l'ost françoise; et estoient plentiveusement
(pourveu[333]) de tous vivres, qui leur venoient
tous les jours de Valenchiènes et dou pays de
Haynau voisin à yaus. 10
[333] Mss. B3, 4, fo 53 vo.--Ms. B1, fo 80 vo: «et pourveuement.»
§ 110. Quant cil signeur se furent logiet, ensi que
vous avés entendu, sus le rivière d'Escaut, et mis
entre Nave et Yvuis, li dus Jehans de Normendie,
qui estoit d'autre part le rivière avoecques lui moult
belle gent, vey que li hos son cousin le conte de 15
Haynau croissoit durement; si segnefia tout l'estat au
roy de France, son père, qui se tenoit à Peronne en
Vermendois, et estoit tenus plus de six sepmainnes
à grant gent. Lors fist li rois de recief une semonse
très especial, et envoia jusques à douze cens lances de 20
bonnes gens d'armes en l'ost son fil. Et assés tos
apriès, il y vint comme saudoiiers au duch son fil,
car il ne pooit nullement venir à main armée sus
l'Empire, se il voloit tenir son sierement, ensi qu'il
fist. Et fu tout dis li dis dus chiés et souverains de 25
ceste armée, mais il s'ordonnoit par le conseil dou
roy son père.
Quant cil de Thun l'Evesque veirent lor signeur
le conte de Haynau venu si poissamment, si en furent
moult joiant, che fu bien raisons, car moult
l'avoient desiret, et bien en pensoient à estre delivret.
Le quatrime jour apriès qu'il furent là venu et
(hostilliet[334]) à host, vinrent cil de Valenciènes en grant
arroy, des quelz Jehans de Baissi, qui prevos estoit 5
pour le temps, se faisoit mestres et gouvrenères. Si
tretost que cil de Valenciènes furent venu, on les
envoia escarmucier as François sus le rivage de l'Escaut,
pour ensonniier chiaus de l'host, et pour faire
chiaus de le garnison de Thun l'Evesque voie. Là 10
eut grant escarmuce des uns as aultres, et pluiseur
quariel tret et lanciet, et tamaint homme navret et
bleciet. Entrues qu'il entendoient au paleter, li compagnon
de Thun l'Evesque, messires Richars de Limozin
et li aultre se partirent dou chastiel et se misent 15
en l'Escaut. On leur ot appareilliet batiaus et
nacelles, en quoi on les ala querir d'autre part le
rivage; si furent amenet en l'ost et devers le conte
de Haynau, qui liement et doucement les rechut et
les honnoura moult dou bon service qu'il li avoient 20
fait, quant si longement et à tel meschief il s'estoient
tenu en Thun l'Evesque.
[334] Ms. B4, fo 54.--Ms. B1: «exilliet.» Mauvaise leçon.
§ 111. En dementrues que ces deux hos estoient
ensi assamblées pour le fait de Thun l'Evesque et logies
sus le rivière d'Escaut, li François devers France 25
et li Haynuier sus leur pays, couroient li fourier fourer
là où par tout trouver il le pooient de l'un lés et
de l'autre, mès point ne se trouvoient ne encontroient,
car la rivière d'Escaut estoit entre deus. Mais
li François parardirent et coururent tout le pays
d'Ostrevant, che qui demoret y estoit, et li Haynuier
tout le pays de Cambresis. Et là vint en l'ayde dou
conte de Haynau et à se priière, Jakemes d'Artevelle
à plus de soixante mille Flamens tous bien armés, et 5
se logièrent poissamment à l'encontre des François.
Quant il furent venu, moult en fu li contes de Haynau
liés, car son host en fu grandement renforcie; si
manda par ses hiraus au duch de Normendie, son
cousin, que bataille se peust faire entre yaus, et que 10
ce seroit blasmes pour toutes les parties, se si grant
gent d'armes qui là estoient se departoient sans bataille.
Li dus de Normendie respondi, à ceste fois,
qu'il en aroit avis. Chil avis et consaulz fu si lons
que li hiraut s'en partirent adonc sans avoir certainnes 15
responses. Dont il avint que, le tierch jour
apriès, li contes de rechief y renvoia, pour mieus
savoir l'intension dou dit duch et des François. Li
dus en respondi qu'il n'estoit mies encores bien consilliés
de combatre ne de mettre y journée, et dist encores 20
ensi que li contes de Haynau estoit trop hastieus.