ESKO. Senhontulo! Sxi, kiu lauxlegxe devus esti mia fiancxino, min
insultegas. (Renversas la mangxotablon.)
MICXJO. Esko! Cxu vi frenezigxis? (Greto kaj unu el la virinoj venas
el dekstre.)
LA VIRINO. Ho, Dio! Jen cxio kusxas; jen la pizosupo kaj la
viandajxoj.
GRETO. Rapidu al la herbejo kaj alvoku la virojn! (La virino iras.)
Li estu punota!
ESKO. La violono de Timoteo! (Ekprenas la violonon kaj gxin frakasas
kontraux la muro.)
MICXJO. Trankviligxu, Esko! Vi ja sercxas vian malfelicxon.
ESKO. La fenestroj ankaux splitigxu! (Ekprenas benkon per kiu li
frakasas la fenestron.) Tiele!
GRETO. Rapidu al helpo! Li pereigas nian tutan domon!