Sheffield, août 1574.
«... Si mon oncle, monsieur le cardinal, me voulloit adresser quelque
chose de joly ou bien des brasselets, ou un myroir, je le donneroys à
la royne. Car on m'a advertye qu'il fault que je lui face des
présents. Si vous trouvez quelque chose de nouveau, faites le moy
achepter, et demandés pasport pour m'estre apporté, et peult-estre
que, pour l'avoyr, la dicte royne sera contente de me le laisser
venir. Il fauldroit m'escrire en lettres ouvertes que l'avez
recouvert, pour, s'il me plaisoit, servir d'un token (cadeau) à la
royne; mais que ne voullés qu'il soyt délivré qu'à moy, pour voir si
je le trouveroys agréable. Et si mon oncle devisoit quelque devise
entre elle et moy, ces petites folies là la fairoient plustost couller
le temps avec moy, que nulle autre chose.»