Sheffield, 4 août 1574.
«... M. de La Mothe me conseille vous supplier que mon cousin de
Guise, Mme ma grand'mère et vous, écriviez quelques lettres honnestes
à Leicester, le remerciant de sa courtoisie vers moy, comme si luy
faisoyt beaucoup pour moy, et par mesme moyen lui envoyer quelque
présent, que cela me feroyt grand bien. Il prend plaisir à des
meubles. Si lui envoyiez quelque coupe de christal en vostre nom et me
la faire payer, ou quelque beau tapis de Turquie, ou semblables choses
que trouverez le mieux à propos, il me sauveroyt peut-estre cet hyver,
et lui feroit de honte mieux faire, ou estre soupsonné de sa
maystresse, et tout m'ayderoit.»