kolono : column, pillar. krono : crown.
marmoro : marble. uzo : use.
figuro : figure. okazo : occasion.
muro : wall. alfabeto : alphabet.
kanapo : sofa. divid- : divide (something).
arto : art. produkt- : produce.
viveco : liveliness. interne : inside.
Inter Rusujo kaj Francujo estas Germanujo. Ili dividis inter si dekdu
pomojn. Inter la deka kaj dekunua horo matene. Inter la kolonoj staris
marmoraj figuroj. Apud la muro inter la fenestroj staris kanapo. Longe
ili parolis inter si. Cxe tiu cxi malsano unu horo povas decidi inter
vivo kaj morto. En la intertempo inter la paroloj oni produktas artajn
fajrojn.
Mi staras ekster la domo, kaj li estas interne. Li estas ekster la
pordo. Nun ni estas ekster dangxero. Li logxas ekster la urbo. Starante
ekstere, li povis vidi nur la eksteran flankon de nia domo. Li montris
eksteren en la mallumon. Mi lasis lin ekstere. La ekstero de tiu cxi
homo estas pli bona, ol lia interno.
Li eliris el la urbo. Li estas jxus reveninta el la eksterlando. Kun
eksterordinara viveco sxi elsaltis el la vagono. Sxi metis al sxi
kronon el blankaj lilioj sur la harojn. Li faris uzon el la okazo. Tiuj
cxi nestoj estas farataj tute el tero. Sxi estis la plej kuragxa el
cxiuj. Jen vi elkreskis! Li eliris el la dormocxambro, kaj eniris en la
mangxocxambron. La esperanta alfabeto konsistas el dudek ok literoj.