And so bifel that, after the thridde cours,
Whyl that this king sit thus in his nobleye,
Herkninge his minstralles hir thinges pleye (70)
Biforn him at the bord deliciously,
In at the halle-dore al sodeynly 80
Ther cam a knight up-on a stede of bras,
And in his hand a brood mirour of glas.
Upon his thombe he hadde of gold a ring,
And by his syde a naked swerd hanging;
And up he rydeth to the heighe bord. 85
In al the halle ne was ther spoke a word
For merveille of this knight; him to biholde
Ful bisily ther wayten yonge and olde. (80)