The tyme of undern of the same day 360
Approcheth, that this wedding sholde be;
And al the paleys put was in array,
Bothe halle and chambres, ech in his degree;
Houses of office stuffed with plentee
Ther maystow seen of deyntevous vitaille, 265
That may be founde, as fer as last Itaille. (210)
This royal markis, richely arrayed,
Lordes and ladyes in his companye,
The whiche unto the feste were y-prayed,
And of his retenue the bachelrye, 270
With many a soun of sondry melodye,
Un-to the village, of the which I tolde,
In this array the righte wey han holde.