_Altre deliberazioni e condanne_.[984]
1.
Relegatio.
Dicta die XXVII maii 1498. — Item, dicti Domini, simul adunati etc.,
iustis et rationabilibus causis, ut dixerunt, moti etc., confinaverunt
etc. extra civitatem, comitatum et districtum Florentie, pro tempore
et termino decem annorum continuorum proxime futurorum, et casu quo
non servarent confinia intelligantur rebelles communis Florentie,
videlicet: Fratrem Marianum de Ughis, Fratrem Nicolaum de Mediolano,
Fratrem Cristophorum de Mucello et Fratrem Robertum de Gagliano,
omnes fratres conventus Santi Marci de Florentia; et quod debeant
se presentare ad dictos confines extra dictum territorium, infra
quatuor dies a die quo fuerit sibi personaliter notificata huius modi
deliberatio, sub eadem pena etc. Mandantes etc., Incamerata die 28
eiusdem, per Ioannem Franciscum Gori tabulaccinum.
2.
Circa relegationem quatuor fratrum Sancti Marci.
Dicta die (29 maggio 1498). — Item dicti Domini, simul adunati, etc.
Attenta quadam deliberatione per eos facta sub die XXVII presentis
mensis maii, per quam potet qualiter ipsi Domini confinaverunt et
relegaverunt quatuor Fratres capituli et conventus Santi Marci de
Florentia extra civitatem, comitatum et districtum Florentie, pro
tempore et termino annorum decem proxime tunc futurorum; et eo casu
quo non servarent ipsa confinia intelligerentur rebelles communis
Florentie, videlicet: Fratrem Marianum de Ughis, Fratrem Nicolaum
de Mediolano, Fratrem Cristoforum de Mucello et Fratrem Robertum de
Gagliano; et quod ipsi deberent se presentare ad dictos confines extra
dictum territorium, infra quatuor dies a die qua sibi fuerit notificata
huiusmodi deliberatio personaliter et in personam, prout ibidem
clarius continetur: et attento qualiter ipsi quatuor Fratres fugam
arripuerunt, adeo quod ubi sint penitus ignoratur: Ideo deliberaverunt
etc., quod talis notificatio, que secundum dictam deliberationem fieri
debebat eisdem Fratribus personaliter, sufficiat fieri ianuis ipsius
Santi Marci de Florentia, vel vicario sive priori dicti conventus
Sancti Marci; et quod dicti quatuor Fratres sic relegati, infra X dies
tunc proxime futuros a die notificationis facte dicte ecclesie sive
priori vel vicario dicti capituli, intelligantur rebelles, si se non
presentaverint ad huiusmodi confines, eo modo et forma prout rebelles
efficiebantur vigore dicte prime deliberationis, si infra quatuor dies
in dicta deliberatione contentos se non representassent etc.
Mandantes etc. Notificata per Pierum Gori mazerium dicte Dominationis,
dicta die, vicario dicti conventus, et ianuis dicte ecclesie, et
incameratam supradicto die, prout retulit.
3.
Licentia sonitorum.
Item, dicti Domini, simul adunati etc., dederunt licentiam etc., eorum
sonitoribus eundi, pro hac die tantum, ad sonandum et honorandum[985]
dominum Franciscum Romulinum nunc Florentie commorantem etc. Mandantes
etc.
4.
Altra condanna.
Dicta die (4 giugno 1498). — Prefati Domini, simul adunati etc.,
servatis servandis, et obtento inter eos partito secundum ordinamenta
etc., iustis et rationabilibus causis moti, et omni modo etc.,
deliberaverunt et deliberando confinaverunt extra civitatem, comitatum
et districtum Florentie infrascriptos fratres, pro tempore et termino
annorum X continuorum proxime futurorum a die notificationis. Et casu
quo non servarent confinia, tunc et eo casu intelligantur rebelles
Communis Florentie, et a die huiusmodi notificationis infra decem dies
tunc proximo futuros debeant se presentare extra dictos confines sub
pena rebellionis; et de dicta presentatione debeant fidem facere per
publicum instrumentum ipsis magnificis Dominis, et quo notificatio
de eis facta, facta legittime intelligatur ad ecclesiam Sancti Marci
de Florentia sive vicario dicti conventus; et habeatur pro legittime
facta ac si personaliter facta esset infrascriptis fratribus,
quorum nomina sunt hec, videlicet: Frater Malatesta Sacramoro de
Rimino, Frater Antonius Christofori de Radda, Frater Stefanus ser
Bartholomei de Unigiana, Frater Bartholomeus Ioannis de Cavalcantibus,
Frater Tommasius Bernardi de Caianis, et Frater Ioannes Sinibaldi
de Sinibaldis; omnes fratres capituli et coventus Sancti Marci de
Florentia, ordinis sancti Dominici observantie etc. Mandantes etc.
Dicta die notificata dicto domino vicario personaliter, et ianue
dicte ecclesie per Pierum Bartoli mazerium, ut retulit; et per eundem
mazerium incamerata.
5.
Relegatio.
Dicta die VIII mensis iunii 1498. — Item, dicti Domini simul adunati
etc., servatis etc., deliberaverunt, et deliberando confinaverunt et
relegaverunt Fratrem Maurelium Savonarolam, fratrem dicti conventus
Santi Marci de Florentia, et fratrem carnalem olim Fratris Ieronimi
Savonarole de Ferraria, ad eundum, standum et permanendum extra
civitatem, comitatum et districtum Florentie in perpetuum; ad que
confinia se representare debeat personaliter intra tres dies proxime
futuros a die notificationis, et fidem dicte sue representationis
mictere ad dictos magnificos Dominos infra X dies proxime futuros
a die notificationis predices, sub pena rebellionis: et predictam
notificationem voluerunt fieri eidem Fratri Maurelio vel ianuis
ecclesie dicti Sancti Marci. Que notificatio facta altero de dictis
duobus modis habeatur pro legittime facta etc. Mandantes etc.
Die XI dicti mensis notificata vicario dicti conventus personaliter,
et ianuis dicte ecclesie, per Ugolinum mazerium dicte Dominationis, ut
retulit.
6.
Quod claudatur subterranea via.
Item, dicti Domini, simul adunati etc., servatis etc., ut suppositiones
removeantur et scandala non oriantur, deliberaverunt et deliberando
commiserunt Paulo.... de Beninis civi florentino, et uno ad presens ex
numero gonfaloneriorum societatis populi Florentini, quatenus claudere
faciat atque replere aditum nuper subter terram perforatum,[986]
quo itur ab ecclesia et conventu Sancti Marci de Florentia ad situm
Sapientie de Florentia, eo modo et forma prout erat ante quam huiusmodi
aditus flerent etc. Mandantes etc. Notificata incontinenti eidem Paulo
personaliter.