(Vol. I, pag. 367.)
_Lettera del Savonarola ad uno de’ suoi Frati_.
Frater HIERONIMUS fratri ANTONIO DE OLANDIA Priori Pratensi.
Venerabilis in Christo pater. Si impetrabitur licentia prædicandi pro
me a Summo Pontifice, dabo vobis in predicatorem fratrem Dominicum
de Piscia. Excitate ergo fratres et alios devotos ad orandum pro hac
causa, quia res habet difficultatem; et si non impetrabitur, nescio
qualiter vobis possim sufficienter providere de prædicatore. Ordinabo
hic ut fratres post officium in mane cantent «Alma Redemptoris mater
etc.»; post vesperas et post completorium consuetas orationes vestras
«Ave Regina» et «Recordare.» Faciant etiam dicere post completorium
septem psalmos pro hac causa. Ita ergo et vos facite, si vultis habere
prædicatorem talem. Credo quod si ferventer oraverimus, impetrabimur
a Domino gratias, et fiet magnum animarum fructum etc. Gratia Christi
vobiscum. Amen.