_Ecce venit eum nubibus_ etc. Primo visiones per ordinem dixi; deinde
quod novi doctores aliter dicunt; sed crede antiquos, tum quia pleni
spiritu, tum doctrina etc. Contra: quo posteriores eo perspicaciores,
verum in doctrina humana vel in divina non exorbitent. Tum quia magis
uniti, tum quia nulla prophetia ordinatur per modum historiæ. Dedi
exemplum de oratione quæ variatur in verbis, ut nutriatur affectus,
ita et Scriptura etc. Cœpi postea et declaravi quod importat hoc nomen
Spiritus, et quod spirituales sunt qui stant ad apothecam spirituum
invisibilium etc. Sed melius dixi: quod sicut corpus non penetrat
corpus, ita nec spiritus; sed solus Deus illabitur animæ et in omnibus
est. Dicitur ergo: ama, time etc. Sed adhuc non es spiritualis. Ergo
declara, quod sicut ferrum trahitur a magnete, ita anima a Deo per
gratiam, et intellectus, ergo, ad credendum. Quia qui credit, firmiter
debet contra argumenta et martyria. Credidi propter quod etc. Similiter
voluntas sursum etc. Sed nondum es in spiritu. Ergo quando Deus format
phantasmata quibus vides omnia etc.; unde Joan. vidit omnia simul ita:
_et vox retraxit fortiter ambulantem sursum_ etc. Deinde declaravi
quomodo veniens dixit in communi visionem, et praticavi eam ad populi
terrorem: _merito quidem ecce venit_ etc. Ibi autem: _ego sum Alpha_
etc.; vel post ibi: _ego Joan._ Introduxi de Asina Balaam ad probandam
fidem; et sic produxi verba usque ad vocem tubæ etc. In fine dixi quod
aliqui non sunt apti ad bellum per illud quod in Deuteronomio, 20 cap.