_Apocalypsis Jesu Christi_. Quæritur in primis an tempus prope sit;
videtur quod sic, secundum simplices, propter diversas prophetias
Joachin, Sancti Vincentii etc. Prudentes negant. Ego autem inter
partes dico haec tempora mihi suspecta, verum non propter visiones,
quia diceret Eccl. 19: _Qui cito credit_ etc.; sed ob privationem
prælatorum, absumptionem justorum, expulsionem bonorum, obstinationem
vocatorum, tepiditatem, scilicet, in orando pro hac causa; item:
propter multitudinem peccatorum, propter extinctionem priorum
præceptorum, propter negationem credendorum, pollutionem sacramentorum;
ultimo: propter opinionem plurimorum, immo omnium christianorum; hæc
omnia habes alibi diffuse. Hac causa lego Apocalypsim etc.